教育王國

標題: 網外短訊費 [打印本頁]

作者: k_0530_a 時間: 11-9-25 00:25 標題: 網外短訊費

請問各位家長 , 您地仔女每月網外短訊費是多小 ?

作者: Yanamami 時間: 11-9-25 09:41 標題: 回復 1# k_0530_a 的帖子

暫時F1仔仲用緊儲值電話咭, 唔准send message.

作者: k_0530_a 時間: 11-9-25 11:03

原帖由 Yanamami 於 11-9-25 09:41 發表
暫時F1仔仲用緊儲值電話咭, 唔准send message.

女仔八掛事多 , 喜歡講電話 / 傳短訊 .
電話咭 , 好快用晒D錢 . 所以 join 月費 .
用量較多 . 只是網外短訊不包沒辦法 .

作者: Yanamami 時間: 11-9-25 11:25 標題: 回覆 1# k_0530_a 的文章

就係唔想俾禁多方便佢(煲粥/ SMS)先專登用電話咭. 要八卦番學校傾飽佢. 個電話係用o黎聯絡, 唔係聯誼嘛. F1仔仲可以禁"控制"一下, 睇怕遲d都用唔著呢招.

作者: redkoni 時間: 11-9-25 12:46

原帖由 Yanamami 於 11-9-25 11:25 發表
就係唔想俾禁多方便佢(煲粥/ SMS)先專登用電話咭. 要八卦番學校傾飽佢. 個電話係用o黎聯絡, 唔係聯誼嘛. F1仔仲可以禁"控制"一下, 睇怕遲d都用唔著呢招. ...

真正為子女著想的家長, 是應該這樣做, 抵讚!

咁細個巳經唔教他們自我控制, 大個咗...有無聽過最近報紙報道有大學生過江豪賭輸到按咗阿媽層樓.

作者: HY412 時間: 11-9-25 13:49

唔明白家中有電話唔用?? 仲要 SEND SMS ??
佢個手機電話用途只係報平安, 唔比佢用來煲粥, 以前買 $50 儲值咭, 而家買 $100 儲值咭, 同我同台, 限用半年, 如果未到半年內已用完, 自付費用.

原帖由 Yanamami 於 11-9-25 11:25 發表
就係唔想俾禁多方便佢(煲粥/ SMS)先專登用電話咭. 要八卦番學校傾飽佢. 個電話係用o黎聯絡, 唔係聯誼嘛. F1仔仲可以禁"控制"一下, 睇怕遲d都用唔著呢招. ...

[ 本帖最後由 HY412 於 11-9-25 13:54 編輯 ]

作者: fallenleaf 時間: 11-9-26 00:31

阿仔以前放學打電話通知我。而家唔知是否有同學係隔離，開始選擇用sms通知，我又用sms覆佢。諗諗下我好似做多左？我係咪教壞左佢習慣用sms來通訊呢？
聽完你地咁講，真係做到老學到老，明天開始更正番我呢套模式先！

作者: redkoni 時間: 11-9-26 00:52

原帖由 fallenleaf 於 11-9-26 00:31 發表
阿仔以前放學打電話通知我。而家唔知是否有同學係隔離，開始選擇用sms通知，我又用sms覆佢。諗諗下我好似做多左？我係咪教壞左佢習慣用sms來通訊呢？
聽完你地咁講，真係做到老學到老，明天開始更正番我呢套模式先！ ...

同你講吓笑先, 有一天阿媽問阿仔今晚返唔返屋企食飯, 阿仔話到時預早打電話返來, 第二天阿媽又問阿仔今晚返唔返屋企食飯, 阿仔話到時預早用sms通知, 第三天一家人同枱食飯, 阿媽又問阿仔明晚返唔返屋企食飯, 阿仔只是低頭篤佢個iPhone, 阿媽追問, 阿仔不耐煩地說:「咁煩嘅阿媽, 我啱啱咪係Facebook覆咗你囉, 你自己check啦!」我唔係講你囝囝, 你唔好嬲, 我講笑啫!

作者: Yanamami 時間: 11-9-26 08:08 標題: 回覆 2# fallenleaf 的文章

阿女有時問我可否用fb. 我問所為何事, 竟話問同學些問題. 我很不明為何不直接call同學? 竟說不方便.....

所以年青人都失去表達能力, 不會說話, 甚么也text一餐.

[ 本帖最後由 Yanamami 於 11-9-26 08:10 編輯 ]

作者: redkoni 時間: 11-9-26 10:02

原帖由 Yanamami 於 11-9-26 08:08 發表
阿女有時問我可否用fb. 我問所為何事, 竟話問同學些問題. 我很不明為何不直接call同學? 竟說不方便.....所以年青人都失去表達能力, 不會說話, 甚么也text一餐. ...

科技越發達, 社會上人與人的關係好像變得越疏離, 由過往的face to face, 演變成為今日的facebook to facebook, 由過往的人情味演變成為今日的機器味, 由過往的小康社會演變成為今日的功利社會, 我只得承認自己太out, 是過時的香港產品.

好像有初中生燒巴士後在facebook炫耀, 有阿媽出走了的12歲單親女生在facebook表達不開心, 但在相約幾位好友慶祝生日之前輕生, 令赴約到場的幾位好友一臉惶恐而痛哭; 剛剛又聽到今早清晨5時許有16歲少女用一條綁紙箱的普通尼龍繩, 想從3樓爬落街, 不幸那條尼龍繩斷咗...父母子女的溝通出了甚麼問題, 有些家長對子女只會聚焦於名校, 成績, 甚至乎以潮流gadgets討好和獎賞子女, 看看上週六IFC的蘋果新總店的長長人龍, 這就是現時年青人追求的所謂社會價值! 又有些家長為了糊口, 甚至為了自己去玩樂, 只會對子女表面關心...太多廢話, 不能盡錄.

莫非人類社會的將來, 就像Bruce Willis演的電影Surrogates一樣.

作者: fallenleaf 時間: 11-9-26 10:43

原帖由 redkoni 於 11-9-26 00:52 發表

同你講吓笑先, 有一天阿媽問阿仔今晚返唔返屋企食飯, 阿仔話到時預早打電話返來, 第二天阿媽又問阿仔今晚返唔返屋企食飯, 阿仔話到時預早用sms通知, 第三天一家人同枱食飯, 阿媽又問阿仔明晚返唔返屋企食飯, 阿仔 ...

好彩我到而家都未有fb account！

作者: vincher 時間: 11-9-26 11:56 標題: 回覆 8# Yanamami 的文章

我贊成不用太多功能0既電話，人與人欠溝通！我和我兒用動物台，每月好似是$38(老公付款，我呢個c9 0吾太清楚)，0麥0野function都沒有，所以我倆0吾會係街玩手機，他出街自己帶書看！

作者: HY412 時間: 11-9-26 11:58

當阿囡返到樂團, 不能打電話時, 會用 SMS 報平安, 因為同阿囡同台, 我Send SMS 比佢係免費, 而她Send SMS給我費用都係好平. 但阿囡與其他同學不同台,每Send一個短訊要$1.00, 所以她不敢亂用, 隨時會自付……

我發現引致學生Send短訊取代打電話的原因:

1/ 因學生過量地煲電話粥, 家長禁止學生用固網電話, 為免有外來打擾, 還將固網電話加上密碼, 不能打入.
** 去年阿囡同另一學生夾組考音樂科時, 我便收到該學生大量的短訊和Facebook PM 約地點和時間 …… 結果我打電話給該位家長, 通知此段期間批准該學生用固網電話與我聯絡, 直到考完試.

2/ 因學生過量地煲電話粥+Facebook, 學生唯一與外界溝通便只有短訊.

3/ 上網玩line 亂識人, 起初利用短訊溝通, 之後演變開聲溝通(打電話), 之後演變約會, 之後又多一名未成年+無知少女失身.

** 唉! 好多時都係防不勝防, 佢地可以買過另一張同台電話咭, 入夜後便瘋狂利用手機(如有上網功能)上網 + Send SMS ….. 我唯有經常同阿女保持朋友關係, 同佢分析一下時下年青人的玩意/思想是否正確, 盡量將正確的觀念灌輸, 別無他法.

作者: Yanamami 時間: 11-9-26 13:33 標題: 回復 2# vincher 的帖子

初初以為自己好老土刻薄, 原來有禁多家長都一樣. 哈哈.....而家大條道理, 以後阿女若以"個個同學都點點點"時, 我就可以話"個個家長都係禁禁禁"啦!

作者: CrabPincers 時間: 11-9-26 19:21

原帖由 HY412 於 11-9-25 13:49 發表

唔明白家中有電話唔用?? 仲要 SEND SMS ??
佢個手機電話用途只係報平安, 唔比佢用來煲粥, 以前買 $50 儲值咭, 而家買 $100 儲值咭, 同我同台, 限用半年, 如果未到半年內已用完, 自付費用.

...

我比你更絕
電話費自付

作者: HY412 時間: 11-9-26 20:13

如果阿囡有能力自付電話費, 其實未能達我的期望, 我希望阿囡能真正明白當中意義, 正確的觀念, 父母的憂慮..... 將來進入成長另一個階段時, 減少受引誘的機會.

原帖由 CrabPincers 於 11-9-26 19:21 發表

我比你更絕
電話費自付

作者: CrabPincers 時間: 11-9-27 13:26

原帖由 HY412 於 11-9-26 20:13 發表
如果阿囡有能力自付電話費, 其實未能達我的期望, 我希望阿囡能真正明白當中意義, 正確的觀念, 父母的憂慮..... 將來進入成長另一個階段時, 減少受引誘的機會.

...

我的目的, 係要佢知道儲$
依家佢D 同學, 大部份都用IPHONE, 大家都知IPHONE 的月費幾貴
就算佢肯比$, 我都吾想佢出
我要佢自己量入為出, 知道點樣運用D $
而我自己亦身體力行, 都係用緊幾十元一個月的PLAN

作者: qsr58 時間: 11-9-29 21:00

成三十幾蚊一個月呀QAQ

作者: Yanamami 時間: 11-9-30 07:50 標題: 回復 2# CrabPincers 的帖子

係呀, "量入為出"、"應洗先洗"好重要. 成日見而家d財務公司廣告教人借$去旅行、買衫shopping、追女仔就眼"怨"

, 真係要家長指引.....

歡迎光臨教育王國 (/)