教育王國

標題: del............. [打印本頁]

作者: 淋雨 時間: 11-7-10 10:20 標題: del.............

本帖最後由淋雨於 12-4-30 09:31 編輯

del......................................

作者: cy101 時間: 11-7-10 11:09

點都試下先LA!!!!

作者: Carmen2004121 時間: 11-7-10 11:15

電腦派位是冇分頭或尾 , 只要您是 b1生再加上抽到個好 no. , 就有機會派到 1頭的學校 .
經電腦派位的學生不是全部都是最top 的 , 所以如是同 banding 的我也覺不要轉 , 幾多人想也派不到 .
而且小學成績多是家長陪讀才取到 , 上到中學要靠自己 .
所以不要更快就打退堂鼓 . 叫小朋友努力啦 !

作者: IMAX 時間: 11-7-10 11:20 標題: 回復 3# 淋雨的帖子

BAND ONE 尾入曾記係差左的的.
其實填表都做已做好資料收集. 心中有數.
上左中學係靠自己 . 亞媽只有在旁鼓勵.

作者: redkoni 時間: 11-7-10 11:29

曾肇添末代會考14分或以上高達88.2%,葵青李兆基你地熟喇都是64.9%, 你諗吓學生必須付出甚麼的代價, 啲家長成日都話聽人講,人講乜就信乜,無咁大個頭戴咁大頂帽,根本就是家長自己崇尚虛榮的心態,行錯路又要面死撐,一錯再錯,由唔知變成無知. 09年1月有S3疑因自覺進度追不上受不住壓力而輕...

作者: kimberleych 時間: 11-7-10 11:34

洗乜驚吖, 事在人為; 我成日教個小朋友, 人地考第1係天生架咩? 咪又係努力 ! 人地用1個鐘溫習, 你咪用3個鐘囉...................

作者: lulu1312 時間: 11-7-10 11:37

提示: 作者被禁止或刪除內容自動屏蔽

作者: 小妮子 時間: 11-7-10 11:39

哈哈....我好認同你既講法...我都成日同阿囝講,只要你肯努力,一定成績唔會差....

原帖由 kimberleych 於 11-7-10 11:34 發表
洗乜驚吖, 事在人為; 我成日教個小朋友, 人地考第1係天生架咩? 咪又係努力 ! 人地用1個鐘溫習, 你咪用3個鐘囉...................

作者: yanyan-mummy 時間: 11-7-10 11:56

亞仔讀梗曾記,d學生真係勁ga,不過亦有小部份追吾上ge会留班,你可以試一年先,吾得先算lor~

作者: johnnywalker 時間: 11-7-10 12:17 標題: 回復 8# 小妮子的帖子

提示: 作者被禁止或刪除內容自動屏蔽

作者: pineapple0983 時間: 11-7-10 13:09

原帖由 redkoni 於 11-7-10 11:29 發表
曾肇添末代會考14分或以上高達88.2%,葵青李兆基你地熟喇都是64.9%, 你諗吓學生必須付出甚麼的代價, 啲家長成日都話聽人講,人講乜就信乜,無咁大個頭戴咁大頂帽,根本就是家長自己崇尚虛榮的心態,行錯路又要面死撐,一錯 ...

算啦，件事都過左咁耐，唔好再提啦.......

我相信學校已經作出應對架啦，e+都好左好多架啦。

以前有個住我樓下的女仔，自從升左上去之後，人變得好鬱鬱不歡，對眼成日望住自己對鞋，好怕正面望人；但e排碰到佢，已經見番以前的光彩，應該好好多；反而有 d 男仔又長期都好開心，我相信好睇個人。

我估讀得ed top 既學校，唔只個學生心理質素要高，做家長亦要充份配合，壓力唔細。除非個小朋友天份好，讀書過目不忘又另計。

不過以我所知，曾記學生要補習既又係相對少d既，可能校內都已經有支援掛，或者可能上門補都未定啦~反而另外幾間沙x好多要補習。

作者: redkoni 時間: 11-7-10 13:28

原帖由 pineapple0983 於 11-7-10 13:09 發表

我估讀得ed top 既學校，唔只個學生心理質素要高，做家長亦要充份配合，壓力唔細。除非個小朋友天份好，讀書過目不忘又另計。

pineapple, 唔怪得有咁多"沙田柚"讚你,你有果句講果句, 實事求是, 我都要掹車邊讚埋你.

小朋友讀書過目不忘,我都幻想梗,我做父母家陣過目即忘,又老花,又耳聾,睇少咗d衰野,聽少咗d是非,我的壓力過晒檔俾小朋友,仲大鑊!

作者: 囝囝爸 時間: 11-7-10 15:10

唔試過點知, 小學成績並不代表一切, 樂觀去看, 努力付出是一定, 讀唔上時唔通冇彎轉?

作者: Hoining 時間: 11-7-10 16:25

提示: 作者被禁止或刪除內容自動屏蔽

作者: ALAL 時間: 11-7-10 18:08

拿著曾肇添派位證去扣門會易D,快D 試下LA!

quote]原帖由 Hoining 於 11-7-10 16:25 發表

我亞姨個姪孫係曾記讀, 佢全級第一我問佢讀得辛苦嗎? 佢答我好easy咋一d都吾辛苦(後來我先知佢真係過目不忘嗰隻, 仲有聽過一次就記得)...我舊年先搬入mos, 我真係信咁易ga

, 好彩我勤力做research咋, 吾係 ... [/quote]

作者: andy.ma 時間: 11-7-10 18:34

阿仔今年亦是入到曾記,但是他自行的志願,他亦知會很辛苦,但因為阿仔是屬於有競爭才會發力的人,至於將來是怎樣?冇人會知?既然是他和我的選擇,如果真是讀不上,只能怪自己.現在我在心理上,給他一點調節,因為很多人都好叻,只要盡力就可。

作者: Yukyuk 時間: 11-7-10 20:20

大囡ballet 老友都系曾记中二升中三，之前倾计，她说大部分同学都好似有过目不忘的能力，每教完一课，第二日就已经熟哂！（可能她是精英班！）

原帖由淋雨於 11-7-10 10:20 發表
朋友個仔由葵青區小學用沙田地址報沙田大抽獎,本想自行考崇真,但崇真唔收.佢聽人地講曾肇添幾好,但由於唔熟果區,不知道曾肇添仲勁過呂明才,把曾肇添排第一志願,結果中左.個朋友諗諗吓點解崇真都唔收,而曾肇可以派到. ...

作者: alice44 時間: 11-7-10 20:41

小學唔夠人叻, 唔代表中學唔可以叻過其他人, 現在已經派了入去, 咪試下囉! 好多人都係中學先開始發力, 只要努力d, 係會有機會追上. 唔可以咁快就睇低個小朋友.

作者: kenny325i 時間: 11-7-10 21:29

TST 其實唔係大家想像中咁催谷，既然派左入去，梗係要讀啦！如果小朋友唔比心機讀書，就算去到邊間學校結果都是一樣。

作者: andy.ma 時間: 11-7-10 22:08

星期六講座話冇精英班。可能高年級有啦。

作者: yanyan-mummy 時間: 11-7-10 22:47

原帖由 andy.ma 於 11-7-10 22:08 發表
星期六講座話冇精英班。可能高年級有啦。

no,一直都冇精英班ga~

作者: Whitesnow 時間: 11-7-10 23:33

派到都係天意, 比我會照讀, 唔得咪轉校囉!!

作者: nc2000 時間: 11-7-10 23:53

無錯既然派左入去, 可能真係神既安排呢, 到真係讀到壓力大時, 夾住TST 名轉去其他中學!
我知我個仔唔係自動自覺, 過目不忘既TST 人, 所以我唔會以TST 做首選!

原帖由 Whitesnow 於 11-7-10 23:33 發表
派到都係天意, 比我會照讀, 唔得咪轉校囉!!

作者: nc2000 時間: 11-7-10 23:56 標題: 回復 23# 淋雨的帖子

以呢個轉網例子, 咁即係散葵青區網轉入沙田網都無跌到BANDING BOR, 仲KEEP 住係BAND 1, 係咪呢?

作者: redkoni 時間: 11-7-11 02:25

原帖由 andy.ma 於 11-7-10 18:34 發表
阿仔今年亦是入到曾記,但是他自行的志願,他亦知會很辛苦,但因為阿仔是屬於有競爭才會發力的人,至於將來是怎樣?冇人會知?既然是他和我的選擇,如果真是讀不上,只能怪自己.現在我在心理上,給他一點調節,因為很多人都好叻,只要盡力就可。

以我觀點,你囝囝讀曾記才是適合的配搭,囝囝自行入相信成績名列前矛,但也未必一定讀得上(比喻),不過,既然家長和小朋友都清楚自己做梗乜,又清楚呢間學校,覺得適合才有備而來,成功機會很高,大家升中選校何嘗不是試吓,只不過成功例子大多留給知彼知己的人.

曾記公開試成績沙田區最好,也只是沙田咁多好中學的其中一間,其實佢地各有特色和優點,有咁多好選擇,樓主朋友肯請教pineapple,都會略知邊間更適合佢個仔,雖然話讀曾記,唔試過點知得唔得,我無話實唔得,不過,讀唔上才轉校點都會頭dub dub,到時就算再降呢讀,信心都未必返番嚟,自己諗吓喇.

作者: 淋雨 時間: 11-7-11 06:43

應該由葵青區去到沙田區是降左小小，不過未跌出band1區，是band1尾，如果唔係，沙田崇真無理由在自行階段唔收佢．個家長心知不妙的地方是崇真都唔肯收，入TST咪好難追，長期頭dub dub。問到底，究竟為咩先？！band1頭跟band1尾的學生能力是有一定距離的。中學階段的青少年，是培育自信心、自尊感、朋輩認同的重要階段，而學業成績也是自信和自我認同的重要元素。如果讀TST或一間band1尾的中學，六年後該生都是能考進大學的話，那麼後者在個人成長的正面影響遠遠大於前者了。因為前者要成為領袖生、學會幹事的機會很少，而後者則機會較多。萬一，在TST讀到失了志氣，那家長和學生付出的代價便更大了。當然，讀一間名校，是有一個奮發的希望和滿足一些虛榮心。可是，現今的青少年，他們奮發的先決條件是在Ｎ次的滿足感中培養出來的，看他們打機追分數和武器就知道了。若果Ｎ次的努力都換不到多少滿足感，那孩子的毅力和奮發精神還有維持多久呢？最清楚孩子的，莫過於自己的父母，本人都是這樣分析。多謝大家熱心和中肯的回應！

作者: flowerpolly 時間: 11-7-11 08:46

所以好的學校不等於最適合自己. 即使小學, 個個爭住入喇沙, 入到後發覺小朋友唔適合, 會好痛苦, 識個人入宣小, 家長呢幾年與擔憂同行.

作者: pineapple0983 時間: 11-7-11 11:04

其實小朋友好難講架，有d小朋友一上到中學個人會完全唔同曬，一開竅就進步得好快，特別係男仔。

所以，有d學校係自行時會主動收多d男仔；因為小學成績好既女仔比男仔多。但中學就啱啱相反。

不過有時讀書要有方法，最好係每日返到屋企溫番當日教既內容，肯定唔好將唔識既野累積。因為英文學校上堂、早會等都要係講英文；老實講，我相信超過一半人都聽唔明得曬，除非係 eng native 既小朋友啦。如果每日都唔明，咁成績又唔好，無論在學校、在屋企、在朋輩中，小朋友都承受好大壓力。做家長係e方面要配合先得，到中3、4 等個小朋友適應左先完全放手都未遲~

作者: pineapple0983 時間: 11-7-11 11:07

原帖由 ALAL 於 11-7-10 18:08 發表
拿著曾肇添派位證去扣門會易D,快D 試下LA!

quote]原帖由 Hoining 於 11-7-10 16:25 發表

我亞姨個姪孫係曾記讀, 佢全級第一我問佢讀得辛苦嗎? 佢答我好eas ...

哈哈，e個提議相當好。因為d學校會同人講：拿，d學生連曾記都唔讀，過黎我度讀呀！

作者: pineapple0983 時間: 11-7-11 11:15

原帖由 redkoni 於 11-7-10 13:28 發表

pineapple, 唔怪得有咁多"沙田柚"讚你,你有果句講果句, 實事求是, 我都要掹車邊讚埋你.

小朋友讀書過目不忘,我都幻想梗,我做父母家陣過目即忘,又老花,又耳聾,睇少咗d衰野,聽少咗d是非,我的壓力過晒檔俾 ...

嘩，你做乜亂up架，牙齒印我就多！

你就好啦，可以咁快甩難，我仲要成日做心理輔導員；不過今個暑假我會叫佢地學第樣，要提高佢地 EQ。

但如果佢地太過獨立，乜事都唔話我聽，咁仲驚。因為到發生大獲野我先知，可惜鑄成大錯啦~做人父母真係難。

[ 本帖最後由 pineapple0983 於 11-7-11 12:35 編輯 ]

作者: kenny325i 時間: 11-7-11 11:35

原帖由 pineapple0983 於 11-7-11 11:04 發表
其實小朋友好難講架，有d小朋友一上到中學個人會完全唔同曬，一開竅就進步得好快，特別係男仔。

所以，有d學校係自行時會主動收多d男仔；因為小學成績好既女仔比男仔多。但中學就啱啱相反。

不過有時讀書要有方法，最好係每日 ...

這的確是讀書的正確方法！

TST學生唔係個個都過目不忘，絕大部份都係靠自已努力。每年自行收57個，其他都係大抽獎派入。一樣有人留班，一樣有人試升。

去到公開試，TST係會有優勢。要小朋友讀得開心，又要成績好，真係好難！

既然派左入去，梗係要讀啦！如果追唔上，有補底班，又有大哥哥大姐姐個別輔導，唔駛咁擔心！

作者: HELRON 時間: 11-7-11 12:00

我小朋友也是今年入了TST是志願,不過我唔知佢是自行入定派入的,但都無所謂啦入到就得啦.
不過,如果不是自行選時我小朋友有得去面試,我大抽獎是一定不會選佢做第一志願羅.這是本人的見解.

作者: lucia6119 時間: 11-7-11 12:53

原帖由 pineapple0983 於 11-7-10 13:09 發表

算啦，件事都過左咁耐，唔好再提啦.......

我相信學校已經作出應對架啦，e+都好左好多架啦。

以前有個住我樓下的女仔，自從升左上去之後，人變得好鬱鬱不歡，對眼成日望住自己對鞋，好怕正面望人；但e排碰到佢，已經見番以前的光彩， ...

可是我女兒以前有個師姐 , 因為在 good hope 讀壓力太大, 中三轉了去沙田曾肇添後 , 成個人輕鬆晒

作者: KAMIKASHUN 時間: 11-7-11 15:10

原帖由 johnnywalker 於 11-7-10 12:17 發表
>哈哈....我好認同你既講法...我都成日同阿囝講,只要你肯努力,一定成績唔會差....

大家回想自己細個,阿媽咪又係咁樣同自己講,但我諗好多小朋友都當耳邊風 ...

呵呵系啊一陣風吹過

作者: Ivy07 時間: 11-7-11 16:10

唔使驚，係好學校，當比個機會小朋友，可能會辛苦些，唔試過點知唔得。
呀仔有個學姐住係我地樓上，入了去讀，頭個一兩年見到佢個瘦晒，無晒精神，近排見到佢精神返，佢呀媽話，初初入去都有些辛苦，因為全用英文，佢個女的英文唔差的，可能係唔習慣，現習慣左，無咁辛苦，佢個女都係好叻的，小學無補習班過，成績都好好，係初初升上中一唔太習慣用英文，補左一段時間，雖然辛苦，中學的考試成績都唔差的。

作者: toyotacar2 時間: 11-7-11 17:02

小兒都是TST，中二升中三，今天派成績表，考20名內，回想F1時是全級尾10其中一位，真係好大壓力，中一都咁，中二点算？又怕留級又怕叫你轉校，對小朋友会好hurt，
幸好應該都是適應的問題，
不過以此成績，又將要面臨揀科的壓力了！

作者: twcho 時間: 11-7-11 18:02 標題: 回覆 36# toyotacar2 的文章

請問令郎如何取得如此大的進步呢?

作者: yanyan-mummy 時間: 11-7-11 20:24

原帖由 toyotacar2 於 11-7-11 17:02 發表
小兒都是TST，中二升中三，今天派成績表，考20名內，回想F1時是全級尾10其中一位，真係好大壓力，中一都咁，中二点算？又怕留級又怕叫你轉校，對小朋友会好hurt，
幸好應該都是適應的問題 ...

是全班/全級20名內?TST如要選phy chem bio這些科目最好全級在50-60名內~

作者: eist212 時間: 11-7-11 23:36

Lucia 6119,

請問個女仔讀Good Hope是因甚麽而壓力大?又以怎樣的成績考入TST?謝!

作者: kswiss 時間: 11-7-12 00:13

提示: 作者被禁止或刪除內容自動屏蔽

作者: catcatmom 時間: 11-7-12 00:40

TST 係好多測驗的, 而功課係不多, 前幾天同親戚傾開有個係主X小學, 年年頭1/2名, 入到TST, 只係全級3X, 所以好DOWN, 其實全級3X幾, 係TST已是很TOP啦, 何必比自己甘大壓力.

另外沙崇E+係當紅炸子雞, 先幾年, 4年前吧! 沙田BAND2頭首選, E+佢自行階段, 收了不少九龍塘私小的小朋友.我表妹科科A, BAND1頭都入唔到. 但最近佢亞媽話唔會比表弟讀(佢地屋企沙祟附近), 因前年有個BAND1頭師兄入去, 第一年讀精英班, F2去了奮進班(最差既一班), D卷深到無朋友.

原帖由淋雨於 11-7-11 06:43 發表
應該由葵青區去到沙田區是降左小小，不過未跌出band1區，是band1尾，如果唔係，沙田崇真無理由在自行階段唔收佢．個家長心知不妙的地方是崇真都唔肯收，入TST咪好難追，長期頭dub dub。問到底，究竟為咩先？！band1頭跟band1尾的學生能力 ...

[ 本帖最後由 catcatmom 於 11-7-12 00:42 編輯 ]

作者: redkoni 時間: 11-7-12 00:46

原帖由 catcatmom 於 11-7-12 00:40 發表
第一年讀精英班, F2去了奮進班(最差既一班),

家陣學校咁巧立名目,"奮進班"個名對成績差的學生攞景定贈興!

作者: hongkeikei 時間: 11-7-12 01:00

a

原帖由 catcatmom 於 11-7-12 00:40 發表
TST 係好多測驗的, 而功課係不多, 前幾天同親戚傾開有個係主X小學, 年年頭1/2名, 入到TST, 只係全級3X, 所以好DOWN, 其實全級3X幾, 係TST已是很TOP啦, 何必比自己甘大壓力.

另外沙崇E+係當紅炸子雞, 先幾年, 4年前 ...

依家d中學間間都咁進取,加上明年新學制,到時成績表一出,d中學又要再排過名la...

作者: catcatmom 時間: 11-7-12 01:10

聽聞奮進班一班得20個人左右,係學校想做到照顧成績差既學生, 我想不是想放棄這班成績落後既小朋友. 沙祟有一年會考14分有78%, 直逼呂中, 應該補底做得好
O瓜!

原帖由 redkoni 於 11-7-12 00:46 發表

家陣學校咁巧立名目,"奮進班"個名對成績差的學生攞景定贈興!

作者: lucia6119 時間: 11-7-12 02:21

原帖由 eist212 於 11-7-11 23:36 發表
Lucia 6119,

請問個女仔讀Good Hope是因甚麽而壓力大?又以怎樣的成績考入TST?謝!

聽她媽咪說...因為她女兒也是自我要求高的人, 在good hope 競爭大 , 時常睡不好

至於怎樣的成績考入TST , 我沒有詳細問 , 應該是插班入的 , 而且那個女孩在 good hope 的成績也不算差..

作者: tkkmama 時間: 11-7-12 10:35

唔熟曾xx中學.. 我只知男仔係遲熟d.. 俾個機會小朋友, 升左高中先來勁既大有人在..

作者: Ivy07 時間: 11-7-12 14:02

沙祟近年升得好快，前幾年仲係band 2，而家已經係接近band 1 頭，聽講佢採用汰弱留強的方法，成績唔達標的通通勸籲離開，留得低的就努力吹谷，所以成績就越來越好，所以沙祟係唔會留下不達標的學生，派左入去，成績唔達標都唔可以留低。
(只係聽小道消息，有錯見諒)

作者: Hoining 時間: 11-7-12 16:26

提示: 作者被禁止或刪除內容自動屏蔽

作者: toyotacar2 時間: 11-7-12 18:14

原帖由 kswiss 於 11-7-12 00:13 發表
可唔可以分享一下有咩心得有咁大躍進?

也不是什么心得，因為太害怕，所以將他所有課外活动取消哂，另外知道他原來上堂不明白也不会問老師，便替他找補習老師
一星期補三天，考試前十天開始就每日都要補習，
另外，規定他大部份科目都一定要重覆抄筆記，(是補習Miss建議)
而家就補緊中三的課本，
出年揀科，真係不容有失！

作者: toyotacar2 時間: 11-7-12 18:30

原帖由 yanyan-mummy 於 11-7-11 20:24 發表

是全班/全級20名內?TST如要選phy chem bio這些科目最好全級在50-60名內~

是全班20名內，
如果係全級20名，就唔駛担心楝科啦！
老師說要揀理科，以此成績還是很危險！

作者: redkoni 時間: 11-7-12 18:42

原帖由 toyotacar2 於 11-7-12 18:14 發表
也不是什么心得，因為太害怕，所以將他所有課外活动取消哂，另外知道他原來上堂不明白也不会問老師，便替他找補習老師
一星期補三天，考試前十天開始就每日都要補習，
另外，規定他大部份科目都一定要重覆抄筆記，(是補習Miss建議)
而家就補緊中三的課本，
出年揀科，真係不容有失！

多謝你的指導! 令郎頗像在黃埔軍校參加特訓,小朋友有不同特質,我相信未必每個人都受用,不過令郎確是抵讚!

作者: kenny325i 時間: 11-7-12 18:59

原帖由 toyotacar2 於 11-7-12 18:30 發表

是全班20名內，
如果係全級20名，就唔駛担心楝科啦！
老師說要揀理科，以此成績還是很危險！

即係全級100名左右，如果keep到呢個成績，揀理科問題應該唔大。中四會有三班理科，兩班文商科。不過聽講三班理科中，會有一班係尖子。

作者: yanyan-mummy 時間: 11-7-12 19:28

原帖由 kenny325i 於 11-7-12 18:59 發表

即係全級100名左右，如果keep到呢個成績，揀理科問題應該唔大。中四會有三班理科，兩班文商科。不過聽講三班理科中，會有一班係尖子。

對~
如只想選phy chem確是三班理科,但如想選全理即phy chem bio+m2則只有一班,要50名內比較穩陣~

作者: kenny325i 時間: 11-7-12 19:36

原帖由 yanyan-mummy 於 11-7-12 19:28 發表

對~
如只想選phy chem確是三班理科,但如想選全理即phy chem bio+m2則只有一班,要50名內比較穩陣~

明白！
一班38人，要入全理科，30名內才穩陣！

作者: yanyan-mummy 時間: 11-7-12 22:40

原帖由 kenny325i 於 11-7-12 19:36 發表

明白！
一班38人，要入全理科，30名內才穩陣！

其實都好複雜,因其餘2班都有約10個phy chem bio ga~
所以我話頭50名左右都可以,不過最好梗係全理果班lor,吾使周圍走ma~

作者: kenny325i 時間: 11-7-13 08:55

原帖由 yanyan-mummy 於 11-7-12 22:40 發表

其實都好複雜,因其餘2班都有約10個phy chem bio ga~
所以我話頭50名左右都可以,不過最好梗係全理果班lor,吾使周圍走ma~

明白！
仲想請問：中四編左班後，是否到中六都不再編班？
謝謝！

作者: yanyan-mummy 時間: 11-7-13 11:19

原帖由 kenny325i 於 11-7-13 08:55 發表

明白！
仲想請問：中四編左班後，是否到中六都不再編班？
謝謝！

係呀~
一直到中六都吾變gala,包括老師~

作者: kenny325i 時間: 11-7-13 11:44

原帖由 yanyan-mummy 於 11-7-13 11:19 發表

係呀~
一直到中六都吾變gala,包括老師~

咁又幾好喎！唔該曬！

作者: son9698 時間: 11-7-14 12:08

TST啲學生行出嚟真係個個都好乖。

作者: jeremyphlam 時間: 11-7-14 16:00

原帖由 redkoni 於 11-7-11 02:25 發表

以我觀點,你囝囝讀曾記才是適合的配搭,囝囝自行入相信成績名列前矛,但也未必一定讀得上(比喻),不過,既然家長和小朋友都清楚自己做梗乜,又清楚呢間學校,覺得適合才有備而來,成功機會很高,大家升中選校何嘗不是試吓, ...

為甚麼一直要潑冷水呢，初中甚至高中先發力大有人在。係咪Band1尾入到去一定考尾個批？係咪成績唔好自信心即刻崩潰？

我記得某頗有名的直資小學校長講過，你們的小朋友係從2000幾位小朋友中選出來的。就算考包尾，你的小朋友也有2000多人排你後面。你係TST考得普通，可能已比某Band2學校名列前茅者優勝。

要比較，應該和自己比，有否更進一步的能力；或是和全港比。我覺得應該一試，如果成績唔係太差，係一間成績好的學校讀書是利多於弊。

作者: DD仔 時間: 11-7-14 16:16

其实,也要看个人怎样面对得失. 面对失败,有人会更发力,更去研究错在那里,再去改善,但也有人会放pae,自暴自弃.
父母应最了解自己的子女.如果是遇强越强的人,入去那里都不怕.但如果性格比较退缩,就要考虑.
性格决定命运.

作者: ADALAM. 時間: 11-7-14 18:29

原帖由 jeremyphlam 於 11-7-14 16:00 發表

為甚麼一直要潑冷水呢，初中甚至高中先發力大有人在。係咪Band1尾入到去一定考尾個批？係咪成績唔好自信心即刻崩潰？

我記得某頗有名的直資小學校長講過，你們的小朋友係從2000幾位小朋友中選出來的。就算考包尾，你的小朋
TST考得普通，可能已比某Band2學校名列前茅者優勝。
...

Band 3尾:
曾璧山中學 (推算今年會考6科14分佔8.13%)

Band 1頭:
聖公會曾肇添中學 (上年會考6科14分佔85.4%, 今年會考6科14分佔85.9%, 人均優良率4.93)

用另一比較客觀角度 BAND3尾學生有唔少係叻過BAND1頭的學生

不過仍然有好多人認為BAND1頭學校的BAND2學生係比BAND2學校的BAND1學生優越

作者: redkoni 時間: 11-7-14 20:03

原帖由 jeremyphlam 於 11-7-14 16:00 發表

我記得某頗有名的直資小學校長講過，你們的小朋友係從2000幾位小朋友中選出來的。就算考包尾，你的小朋友也有2000多人排你後面。你係TST考得普通，可能已比某Band2學校名列前茅者優勝。

這位頗有名的直資小學校長如果是這樣說, 我覺得似賣廣告, 如果收聽者仍然深信而沾沾自喜, 他們更難再進一步.

原帖由 jeremyphlam 於 11-7-14 16:00 發表
要比較，應該和自己比，有否更進一步的能力；或是和全港比。

你一時話:只要努力戰勝自己, 毋須與人比較; 一時又話:要比較的話, 要和全港比, 究竟你的重點是甚麽? 是不是全香港總會找到人墊底, 可以為自己尋回自信? (如果我理解錯了, 見諒!)

原帖由 jeremyphlam 於 11-7-14 16:00 發表
我覺得應該一試，如果成績唔係太差，係一間成績好的學校讀書是利多於弊。

我覺得應該一試: 呂明才, 林裘謀, 沙官, 沙循, 培英, 崇真等, 因為沙田的好學校, 並不是祇有曾肇添, 可以有更多適合自己的選擇, 並不是衹有公開試成績最好的便是最適合.

作者: DD仔 時間: 11-7-15 09:27

"某頗有名的直資小學校長講過",如果没有估错,这位应该是英华校长,相信她也只是善意鼓励学生而已,当然,稍微有点逻辑思想的人,也不会以为一个小学面试就能判定被取录的一百多个学生是超能过其他没被取录的二千多位学生,否则,那间学校现在应该已经成为宇宙最强.

作者: jeremyphlam 時間: 11-7-15 12:02

原帖由 DD仔 於 11-7-15 09:27 發表
"某頗有名的直資小學校長講過",如果没有估错,这位应该是英华校长,相信她也只是善意鼓励学生而已,当然,稍微有点逻辑思想的人,也不会以为一个小学面试就能判定被取录的一百多个学生是超能过其他没被取录的二千多位学生 ...

哈哈，同意！

作者: jeremyphlam 時間: 11-7-15 12:16

原帖由 redkoni 於 11-7-14 20:03 發表

.....我覺得應該一試: 呂明才, 林裘謀, 沙官, 沙循, 培英, 崇真等, 因為沙田的好學校, 並不是祇有曾肇添, 可以有更多適合自己的選擇, 並不是衹有公開試成績最好的便是最適合.....

難道這些Band1學校唔會有TST的問題？既然都入了TST，為什麼還要去搵另外一所學校？不如認真面對前面的路啦！

除非閣下知道TST一些不為人知的故事....

作者: redkoni 時間: 11-7-15 19:38

原帖由 DD仔 於 11-7-15 09:27 發表
"某頗有名的直資小學校長講過",如果没有估错,这位应该是英华校长,相信她也只是善意鼓励学生而已,当然,稍微有点逻辑思想的人,也不会以为一个小学面试就能判定被取录的一百多个学生是超能过其他没被取录的二千多位学生,否则,那间学校现在应该已经成为宇宙最强.

校長這番說話是否出於善意我不知道, 但我覺得小學的小朋友不懂這般去比較, 聽衆之中只有家長最為受落.

作者: redkoni 時間: 11-7-15 19:39

原帖由 jeremyphlam 於 11-7-15 12:16 發表

難道這些Band1學校唔會有TST的問題？既然都入了TST，為什麼還要去搵另外一所學校？不如認真面對前面的路啦！

你有道理, 倒不如畀多啲鼓勵小朋友和祝福他們!

歡迎光臨教育王國 (/)