教育王國

標題: 各位有中學仔仔囡囡ge家長，我個女....help me [打印本頁]

作者: kwoklilly 時間: 11-4-22 22:49 標題: 各位有中學仔仔囡囡ge家長，我個女....help me

各位有中學仔仔囡囡ge家長，個女好難教(只係幼稚園)，平時我同我老公返工，畀左個女工人湊。我發覺囡囡唔聽工人說話。

其實有咩方法或秘訣可以令到個女乖乖聽工人話，唔好成日咁任性呢？

其實我唔太想，叫工人做咩佢就做咩，都想佢都幫下手教下個囡，咁我又應該點同佢講，佢又心咁情願教下囡囡呢，令佢唔好咁任性？有無人有心得呢？

一個媽媽上

作者: stanleya 時間: 11-4-22 23:52

工人喺唔會幫您教女的. 工人會驚您罵她, 佢唔可以對您個女惡, 又唔可以打她, 您的女兒如果喊, 向您投訴工人, 您一定會信您的女兒, 責怪您個工人. 您的工人為咗保住份工, 一定會對您的女兒有求必應. 除非您的女兒是由bb開始給你的工人湊.
這沒法, 換轉想吧, 有個工人對你的女兒好, 不虐待她, 那你反而更放心呢.
還是自己教吧. 有一點點可做的, 就是放工時對住你囡囡問你工人, 囡囡有無乖, 如工人說你囡囡有什麼曳, 你自己就告訴的的囡囡不對, 看看你囡囡會不會聽.
另外如果你在囡囡面前罵工人的話, 你的囡囡就更不會聽工人的話了

作者: greendotdot 時間: 11-4-23 01:10

原帖由 stanleya 於 11-4-22 23:52 發表
另外如果你在囡囡面前罵工人的話, 你的囡囡就更不會聽工人的話了

一針見血。有些香港人請家傭，以為每個月俾幾千蚊包食包住、返歸回鄉機票，便洗人洗到盡，對家傭呼呼喝喝，小朋友看在眼裹，仲點會懂得尊重別人，主人仲想佢去尊重日日俾佢鬧個工人。家傭一肚氣，唔偷偷虐時小朋友巳經算好，仲靠她教小朋友，確是盡顯洗人洗到盡的本色。親子是家長責任，小朋友需要父母關懷，家長以家傭代勞，不負責任，長此以往，小朋友可能唔單止任性，三歲定八十歲，想再教好也難。

作者: dickychui 時間: 11-4-23 01:19

其實你個女需要的不是工人, 需要父母的愛, 有一少部份家長, 下午請假跟小朋友食 LUNCH 或接放學, 多點在家一起吃 DINNER, 多點一齊在係 SOFA 聊天, 一家人多D笑聲, 問題可以解決

作者: cameo 時間: 11-4-23 02:35

原帖由 kwoklilly 於 11-4-22 22:49 發表

各位有中學仔仔囡囡ge家長，個女好難教(只係幼稚園)，平時我同我老公返工，畀左個女工人湊。我發覺囡囡唔聽工人說話。

其實有咩方法或秘訣可以令到個女乖乖聽工人話，唔好成日咁任性呢？

其實我唔太想，叫工人做咩佢就 ...

我覺得或多或少係一個風氣~~
我女初跟工人時,態度其實互相都無問題,因為從來就只當"工人"係一個喺屋企工作o既員工,佢幫我做乜我都一定say thanks,~ 但我發覺個女過左一排就好似將工人身份降低左,多留意下係可能同學屋企對工人態度,佢地習慣嚴厲語氣order工人,連d同學仔之間講起對工人態度可能都差不多???我平時想工人同我匯報個女d曳野,全部用紙筆溝通,有乜問題時,係三個人(工人+女+我)一齊講番件事,只接受解決問題o既態度,唔俾機會佢地互相投訴,我亦唔會接受一面之詞 !
其實又無必要特別俾個權工人去教女(即使你係100%信任工人),教女係靠父母,你教個女要有禮貌,佢背住你鬧工人時,工人只要做出正常反應就可以嘞(我見唔正常o既係鬧番個小朋友or鬧極都笑笑口),其實工人就係普通人,俾個訊息小朋友對工人咪同對朋友一樣啫,,,e.g我女不停用手機拍工人,工人唔願意,示意要stop(將心比己,我做緊野都唔鍾意有人係咁拍我片啦),我女照拍,工人個樣唔高興示意佢停,我女都唔理,跟住工人就唔再同佢玩,只做自己份內事,,,件事我喺個女拍段片可以睇到七七八八,而我個角色只做中間人咁解釋俾小朋友知,工人有權唔想佢拍嘛,道歉後佢地又如常hehehaha~~
如樓上所講,個女其實要o既係父母,佢聽你地話咪足夠lor,唔曳就唔需要聽工人話啦^^

作者: goodenough 時間: 11-4-23 03:49

原帖由 kwoklilly 於 11-4-22 22:49 發表

各位有中學仔仔囡囡ge家長，個女好難教(只係幼稚園)，平時我同我老公返工，畀左個女工人湊。我發覺囡囡唔聽工人說話。

其實有咩方法或秘訣可以令到個女乖乖聽工人話，唔好成日咁任性呢？

其實我唔太想，叫工人做咩佢就 ...

其實係...我都唔太想，叫你做咩你就做咩，都想你都幫下手真係教下自己個囡，咁我又應該點同你講，你又心咁情願教下自己個囡囡呢，令你唔好咁任性，咁依賴個工人？有無其他人有心得呢？

作者: miss_wong_wong 時間: 11-4-23 12:50

其實囡囡唔聽工人話係咪因為任性呢？
如果佢只係唔聽工人話，可能問題係個工人身上，咁妳就要快啲揾出原因啦！
但係如果囡囡對身邊嘅人都係咁任性，咁妳兩夫婦就要反省一下，由囡囡出世到現在，你哋管教嘅態度有冇出現問題？
係小朋友天生咁任性？定係你哋嘅寵愛造成佢越來越任性？趁佢仲細要好好教，唔好做下一個港孩，如果唔改佢越大越多問題，到時後悔就遲啦！

作者: Marco-ma 時間: 11-4-23 17:53

原帖由 goodenough 於 11-4-23 03:49 發表

其實係...我都唔太想，叫你做咩你就做咩，都想你都幫下手真係教下自己個囡，咁我又應該點同你講，你又心咁情願教下自己個囡囡呢，令你唔好咁任性，咁依賴個工人？有無其他人有心得呢？ ...

笑咗 ~

不過真係事實.... 讀緊幼稚園嘅小朋友,
父母都唔俾心機教, 咁任性咁懶, 將來有排受...

[ 本帖最後由 Marco-ma 於 11-4-23 17:57 編輯 ]

作者: meimeimama1 時間: 11-4-23 17:58

提示: 作者被禁止或刪除內容自動屏蔽

作者: TiTiTiTi 時間: 11-4-23 18:31

恩威並施
要比她感受你的愛，多D跟她溝通吧！
要有威嚴，話一就一，駁嘴noway

作者: miss_wong_wong 時間: 11-4-24 10:14

至於"有咩方法或秘訣可以令到個女乖乖聽工人話，唔好成日咁任性呢？"

我未做過工人，我唔知佢哋嘅心態，不過，我係我囡嘅小學做過多年嘅家長義工，一至六年級嘅小朋友都接觸過，幫忙午膳、出賽帶隊、校外參觀都有無數次，我可以好肯定話俾妳知，會聽我話嘅小朋友唔多，尤其老師唔在場，真係當家長義工冇到，我可以點做？鬧佢哋？啲公主病、王子病嘅一見唔係老師都費事睬妳；罰佢哋？我冇資格；打佢哋更冇可能，對住啲唔聽話破壞規矩嘅小朋友我唯一可以做嘅，就係同佢講係咪想去校長室見校長？又或者我帶你去教員室你再表演俾老師睇，
妳諗下佢哋驚嘅由頭到尾都唔係我，而係老師同校長。

將啲角色轉一轉，家長義工係工人，校長老師係父母，
妳就知道父母嘅管教係幾重要，如果妳管教得好、規矩
定清楚，做到賞罰分明，要佢為自己嘅行為負責，慢慢養成好嘅習慣，妳就唔使咁頭痛啦！

同妳先生商量下，千其唔好一鬆一緊、一嚴一縱，如果係咁就點教都冇用，死梗！

作者: lauerica 時間: 11-4-25 19:58

其實我覺得你地口中講既工人，潛意識已經有階級觀念，老實講你地口中講既工人，要長期同自已家人分離，某程度都算慘，如可以的話，可教導子女專重別人，就算係工人亦可改口叫一聲姊姊，因為如果階級觀念太重，子女見到祇會有樣學樣，覺得工人就係下人，而忽略左專重，我亦見好多有姊姊接放學既小朋友，姊姊幫佢地拿個九斤重既書包，佢地連最基本一句唔該都唔識講，最驚訝既就係佢地父母都在場，而又覺得冇問題，矣！真係唔想一代不如一代，而家的人已經話八十後差，請問九十後，千禧後的父母可否加把勁，教導子女品德先，成績固然重要，但我深信兩者也可以兼得。

作者: cameo 時間: 11-4-25 20:34

原帖由 lauerica 於 11-4-25 19:58 發表
其實我覺得你地口中講既工人，潛意識已經有階級觀念，老實講你地口中講既工人，要長期同自已家人分離，某程度都算慘，如可以的話，可教導子女專重別人，就算係工人亦可改口叫一聲姊姊，因為如果階級觀念太重，子女見到祇會有樣學樣，覺得 ...

咁我相信喺度討論時,大家先以"工人"作稱呼啫~咁會容易理解D~
平時我地一家習慣叫工人英文名,大家平輩咁囉,,,我反而唔太鍾意叫姐姐,周街都姐姐,不如叫名好似好D,,HAHAHAHA~

作者: stanleya 時間: 11-4-25 20:39

原帖由 lauerica 於 11-4-25 19:58 發表
其實我覺得你地口中講既工人，潛意識已經有階級觀念，老實講你地口中講既工人，要長期同自已家人分離，某程度都算慘，如可以的話，可教導子女專重別人，就算係工人亦可改口叫一聲姊姊，因為如果階級觀念太重，子女見到祇會有樣學樣，覺得 ...

打字"工人"兩字比起"姊姊" 易打, 我的小朋友在家中都是叫"xx姐姐"的. "工人" 這名詞沒有貶意. 我相信大家都是用方便的文字溝通吧. 在香港大部份人都是叫家傭為"姐姐"的.

作者: miss_wong_wong 時間: 11-4-25 21:42

絶對同意，只是因為會容易理解D，唔好太敏感。

原帖由 cameo 於 11-4-25 20:34 發表

咁我相信喺度討論時,大家先以"工人"作稱呼啫~咁會容易理解D~
平時我地一家習慣叫工人英文名,大家平輩咁囉,,,我反而唔太鍾意叫姐姐,周街都姐姐,不如叫名好似好D,,HAHAHAHA~ ...

作者: lauerica 時間: 11-4-25 22:03 標題: 回覆 14# stanleya 的文章

係咪好羅，可惜我識的朋友大多叫工人，好少叫名或姊姊。

作者: cameo 時間: 11-4-25 22:25 標題: 回覆 16# lauerica 的文章

咁又真係少見喎???
"阿工人!幫我去買餸~ "
"阿工人! 去煮飯~ "
都唔順口,,,若果係BUN,咁點叫?HAHA~

作者: hinhei 時間: 11-4-25 23:03

返全日, 比佢响學校長D時間!

作者: lauerica 時間: 11-4-26 00:01

原帖由 cameo 於 11-4-25 22:25 發表
咁又真係少見喎???
"阿工人!幫我去買餸~ "
"阿工人! 去煮飯~ "
都唔順口,,,若果係BUN,咁點叫?HAHA~

你誤會左意思，當然唔係叫"阿工人!幫我去買餸~ "
"阿工人! 去煮飯~ "而係係朋友面前會講，我屋企個工人點，重知就重覆係咁講工人乜、工人物，仔女聽見咪一樣咁叫，當然好多人覺得咁叫無問題，一齊隨緣啦。

作者: bb818 時間: 11-4-26 00:09

原帖由 cameo 於 11-4-25 20:34 發表

咁我相信喺度討論時,大家先以"工人"作稱呼啫~咁會容易理解D~
平時我地一家習慣叫工人英文名,大家平輩咁囉,,,我反而唔太鍾意叫姐姐,周街都姐姐,不如叫名好似好D,,HAHAHAHA~ ...

同意！我地一家由小朋友識講嘅開始都係叫工人個名，因為真係個個都叫姐姐都唔知講緊邊個，況且叫名唔覺得無禮貌，都係一句，如果個小朋友叫工人做姐姐但態度呼呼喝喝無禮貌亦只不過係表面功夫。

Kwoklilly,

同你分享一下，我現在嘅工人因太怕事所以我個小朋友起初都唔聽佢話，後來好似其他媽咪咁講，我叫工人同小朋友一齊然後同個小朋友講要佢聽工人話，如果佢吔兩個有不同議見就打電話比我，每天回家都會當小朋友面前問工人佢乖唔乖，曰子久了，小朋友漸漸會聽工人話。另一邊廂，我會好誠懇地叫工人幫手教下我個小朋友，如果叫佢兩次都唔聽就算免得兩個爭執，等我放工同我講然後三口六面問小朋友點解唔聽。希望比到你一點眉目啦。

作者: cameo 時間: 11-4-26 00:31

原帖由 lauerica 於 11-4-26 00:01 發表

你誤會左意思，當然唔係叫"阿工人!幫我去買餸~ "
"阿工人! 去煮飯~ "而係係朋友面前會講，我屋企個工人點，重知就重覆係咁講工人乜、工人物，仔女聽見咪一樣咁叫，當然好多人覺得咁叫無問題，一齊隨緣啦。 ...

咁我應該係你所講o既其中一個!
咁同朋友傾偈提及工人就梗係"我個工人,,,,,"咁去講,難度要講"我屋企個外藉菲傭...." ???
無事不可對人言,我一樣係個女面前講工人點點點,包括做得好與唔好! 做得好就讚,唔好就多D提點佢,個女同工人都一樣有各自責任,小朋友都要一步步學識同工人有更多溝通,就算做錯事亦非咩大件事,工人失魂時咪小朋友角色都可以做提醒嘛^^
再講,"工人"呢個名詞應該無貶意???
工人喺我眼中係幫手做家務o既屋企成員,我地一家都習慣左無分高低,佢叫我mum,我亦唔覺高人一級,呢D心態問題嚟啫,,最緊要樓主明白,工人同小朋友相處之道,好似好難,其實當工人係一個成年朋友就易理解得多咯^^

作者: lauerica 時間: 11-4-26 00:35

唔繄要啦，你覺得冇問題咪得羅。

作者: Charlotte_mom 時間: 11-4-26 16:42

講真, 點可以依靠工人教女架?
1. 佢地賓/印同本地人教仔/女既方法都唔同, 莫講過唔同地方長大啦, 你同隔離屋教仔都唔一樣啦係咪
2. 教小朋友, 永遠都耐過自己做, 你執一箱玩具10秒, 叫佢地執, 唔生性的話真係1分鐘都執唔完, 你係工人, 你揀自己拿拿臨攪掂, 定SIDE口水講足一個鐘頭?
3. 萬1, 小朋友攪唔掂或者工人轉頭未得閒執手尾(工人都有野做, 唔可以望住佢執自己企O係度架), 阿老闆又放工返黎見到未執好, 老闆但咪個個都咁知情識趣, 了解晒成件事至決定對錯先? 工人都驚俾人話啦
4. 要小朋友聽工人講, 首先要父母夠狠心肯落ORDER, 20分鐘唔食晒, 收野, 唔執玩具, 拎個袋裝起收埋, 唔講PLEASE, 唔幫佢.............工人唔會自己ASSUME自己有AUTHORITY(有你就驚), 有D RULES, 要SET俾小朋友睇, 亦SET俾工人睇

我家姐姐都好"林善", 但我從來唔俾小朋友"洽"佢, 雖然有時都要3催4請, 但總叫聽工人講 (而家D小朋友好醒架, 邊個HEA得邊個唔HEA得, 點會唔知丫)

(註: "工人"2字, 網上討論方便溝通咋, 我從來都係叫姐姐架, 基本尊重, 做人一定要識)

[ 本帖最後由 Charlotte_mom 於 11-4-26 16:44 編輯 ]

作者: aryee 時間: 11-4-26 17:24

樓主咁攪笑，想姐姐心甘情願幫你教女，點解唔自己教﹖有邊個教會好得過父母自己教﹖父母教得好，人地教都教唔壞！

作者: miss_wong_wong 時間: 11-4-26 21:54 標題: 回覆 24# aryee 的文章

讚好！

作者: torunpoland 時間: 11-4-27 10:04

恕我直言, 教女的責任竟然外判? 咁為人父母者, 生仔女出來做甚麼? 炫耀嗎? 世界上有這樣著數的事嗎? 生了出來, 因為一打原因(好忙/好疲倦)就唔願教女?!

有許多家長, 就是不想錯過與仔女建立互信關係的黃金時期, 辭工, 做全職爸爸/媽媽, 寧願賺少一點, 一家人省一點, 目的就是教仔教女.

歡迎光臨教育王國 (/)