教育王國

標題: band 3成績一定冇機會入band 1中學? [打印本頁]

作者: ai626 時間: 11-4-5 22:56 標題: band 3成績一定冇機會入band 1中學?

請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

作者: bb818 時間: 11-4-5 23:18

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

正常係冇機會，因為連brand1都未必有機會派番brand1中學，brand3又點會入到呢?

作者: BillyM 時間: 11-4-5 23:25

無話唔可以填，但派到的機會絕對是零，更白白浪費了第一志願，何必呢？

請面對現實吧．

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

作者: goodenough 時間: 11-4-6 00:37

好似係學校無分banding，只是學生有分，有些學校專收band 1學生，因所有有權派先的band 1生已經揀晒，有些學校專收band 3學生，因那些band 1和 band 2的學生都不會揀的。所以我覺得係冇話那些學校可以填，那些不可以填。只是機會微。我知好多人會搏，還掂band 3都係派最尾，好學校又比人揀先。
我有一朋友的兒子早兩年band 3成績派了入丘佐榮，但好可惜，第一年就留班。第二年又係全級包尾，今年第三年，唔知點樣！佢地兩公婆重猛讚校長好有心機教，一個同學都唔會放棄。我覺得就真係入到都冇用，你都追唔上。

作者: mamimummy 時間: 11-4-6 01:39

追唔上入嚟做乜呢!　唔多唔少小朋友會冇自信同唔開心,何必呢?!

作者: Yanamami 時間: 11-4-6 08:15

No chance la. Otherwise, there will be no point for those who worked so hard to be band 1 students. Everyone can relax and stay in band 3 and hope that luck will come to him.

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

作者: pineapple0983 時間: 11-4-6 10:00

如果有特異功能另計。
學校有機會派專人(大哥哥、大姐姐)服侍你個小朋友，同佢補底。功課唔一定會追唔上。

作者: Lovely媽咪 時間: 11-4-6 10:03

機會唔一定係零,我都曾經聽到有個band3既學生唔知點解派咗入間band1(始終電腦都有機會出錯),但俾佢入到去又點,跟本完全追唔到,年年怡尾,俾著你都冇心機讀

俾佢去番一間適合佢既學校先係家長最重要既決定,因好多都係家長放唔低,覺得自己既小朋友冇理由讀唔到既,好似英文唔得就偏要選擇一間英中

作者: alice44 時間: 11-4-6 10:03

其實band 3派band 1的機會真係零, 除非佢有特殊才能, 在自行收咗, 否則大抽獎就真係無機會. 與其係咁, 不如面對現實, 揀一間校風好d嘅band 2尾或band 3頭的學校, 總好過浪費咗個第一志願, 如果揀得唔好, 派咗去band 3尾+校風唔好, 咁咪可能書又讀唔成, 仲學壞埋咪仲死.

作者: 小B媽咪 時間: 11-4-6 10:23

樓主

每位父母都好想小朋友入到band 1中學，但係如果小朋友成績唔得(尤其是英文)，上到英中，佢真係會好吃力，計而大家都有壓力。倒不如你博下Band 2中學，因為微調後，而家都有好多中中都有英文班開。

條條大路通羅馬，學校老師好重要，識得位朋友個仔讀緊一間band 2 中中(微調可以開英文班)，啲老師好有心教小朋友，連lunch time都去教學生.... 有間band 1官中(呢間學校降咗呢啦)，嗰陣時啲學生如果入唔到精英班，就如判死刑一樣，啲老師無心教佢哋.... 試諗下，咁樣學習環境，你仲有無心機返學呢?

唔知你認會認同我o既見解，揀一間良好學習環境o既學校，耳濡目染之下，小朋友自然會有機會用心讀書啦!

你同你小朋友要加油努力呀! 陣而家仲有時間，快揾多啲學校資料啦!

作者: AWG 時間: 11-4-6 10:57

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

如果妳了解大抽獎的運作，妳就會明白band 3學生可以喺"大抽獎"派到band 1學校嘅機會，絕對喺百份之百等於零。

作者: brianshe 時間: 11-4-6 11:09

提示: 作者被禁止或刪除內容自動屏蔽

作者: kilykilyk 時間: 11-4-6 13:05

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

我覺得band 3成績,考慮駁下入band 2或入band 3頭仲好,band 2都有好多好學校,band 3唔單止零機會入band 1,好似其他家長咁講,就算入到band1都難讀上去...

作者: miffy 時間: 11-4-6 13:26

提示: 作者被禁止或刪除內容自動屏蔽

作者: pineapple0983 時間: 11-4-6 14:52

其實band1學校都唔係個個都天才兒童既遮；如果個小朋友夠鬥心，冇話唔得既；當然要係band1 學校考到top 既成績就實冇可能啦，升到班咪算囉。
當然如果入到去，大人同小朋友要付出的代價實大啦；但值得喎。

作者: fanfanee 時間: 11-4-6 15:36

Band3入band1中學,大人細佬都辛苦,年年包尾,書讀唔好,連做人自信心都冇哂!到時仲麻煩,唔好發夢嗱,搵間校風好D嘅仲好啦!

[ 本帖最後由 fanfanee 於 11-4-6 15:39 編輯 ]

作者: goodenough 時間: 11-4-6 15:41

就算而家band 1學校都唔係全部猛人。
幾多係邊緣人但抽到入去。
我覺得小朋友肯發力都有得追既，一年唔得咪兩年，三年囉。由其是男仔可能發育較遲。
我記得自行收生交表時，在校務處跟老師傾開，她說好多學生在f3開始定性兼且發力。
但我不是鼓勵band 3生去抽band 1生學校！最好就自己知自己事。

作者: north2010 時間: 11-4-6 15:43

朋友個仔係Band2頭, 大抽獎入咗Band1嘅沙田蘇浙, 依家考到包尾咁滯, 靠運俾你入咗Band1又如何?
Band 3 入Band 1嘅機會真係等於零, 其實無需要諗D無機會發生嘅嘢, 揾間校風似樣嘅Band2尾,Band3頭學校, 俾心機讀好過啦!

作者: CrabPincers 時間: 11-4-6 15:56

原帖由 goodenough 於 11-4-6 15:41 發表
就算而家band 1學校都唔係全部猛人。
幾多係邊緣人但抽到入去。
我覺得小朋友肯發力都有得追既，一年唔得咪兩年，三年囉。由其是男仔可能發育較遲。
我記得自行收生交表時，在校務處跟老師傾開，她說好多學生在f3開始定性兼 ...

agree
我女班主任家長日時都講
好多小朋友, 升到上中一
就算之前幾甘top 都好, 可能吾適應
第一個term 會失手
有d 會無晒自信, 自暴自棄
有d 會發奮圖強
之後成績會穩步上揚
樓主都係問下有無機會
吾需要冷言冷語

p.s 雖然我都吾讚成band 3 生去報band 1 中學
我會揀間校風好既band 2 尾band 3 頭中學去搏, 好彩的入到band 2 尾學校, 要追, 都吾駛追得甘幸苦, 再看下再過一兩年, 會吾會追得到

作者: meimeimama1 時間: 11-4-6 16:09

提示: 作者被禁止或刪除內容自動屏蔽

作者: One-Mama 時間: 11-4-6 16:13

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

建議最好同老師一同商議, 老師應該係最了解其學生成績表現, 究竟佢係呈分失手or一向係band3左右成績? 如屬前者可考慮先填band2學校, 深入了解下子女既定位後, 再清楚考慮學校以往既派位情況, 而且, 每個band都可以再細分band頭.中.尾, 學校所屬分區既中學banding, 校方亦理應瞭若指掌.

再者, 如果在派位中真的沒有把握及極唔想被派入讀band3中學, 可以考慮直資學校, 雖然現時大部份HIT既直資都已太遲, 你可以盡快問下其他名額情況, 唔好再等! 在此討論區決定個別情況實在太粗略, 唔想錯配學校, 家長們努力! 祝子女能有愉快既中學生活!

作者: goodenough 時間: 11-4-6 16:25

題外話，追唔追得到都係好睇個人。
我記得以前聽收音機聽到有一個會考9A的女同學，她說F.4前成績是不好的，但就是經歷左當年的暑假，發奮用功，卒之可以全數拿取9A。不是奇蹟，不是資優，沒有天賦，只靠努力。
我覺得努力加毅力一定可以成功。
就算中一去唔到band 1,有心就中二都可以插班既。而家成績band3唔緊要，個人唔好band3就得啦！

作者: pineapple0983 時間: 11-4-6 16:33

原帖由 meimeimama1 於 11-4-6 16:09 發表
我覺得真係要睇case
(咩原因變band3)
gender 都好重要
(男仔會比較有得追)

唔一定入到唔好
好多小朋友小學未定性
上到初中都未定性
上到高中一發力...去得好快
我以前讀書都見過呢d神奇男同學
初中個時見佢地
打死 ...

咪就係咁囉........
d人一定要判人死刑，考band3唔係世界末日喎........
但band3生靠抽獎係100% 入唔到 band1既，ed係人都知啦~
但係，如果個小朋友有某方面既才能，經過校長見過肯收你；我諗如果個小朋友入左之後成績極差，個校長會驚過你；因為佢要咩獲。
有d男仔上到中二、中三先開竅，d理科勁到你唔信。我自已見過一個，中一入左間band3學校，但成績好，中二申請轉去間band1 中讀，最後竟然收左。後尾年年有獎學金，仲靠獎學金入埋港大，全校得兩個，唔到你唔服。佢田徑又係勁，學界攞曬獎，算有特異功能先收佢。
但入左之後，真係要好有決心，絕對唔可以 hea。

[ 本帖最後由 pineapple0983 於 11-4-6 17:24 編輯 ]

作者: TINGMUM 時間: 11-4-6 17:30

有D細路只係一科拉低. 有D小學程度深, D BAND 3生都唔係好差, 我不會一面倒"SAY NO." 最緊要樓主自己按小朋友實際情況去評估同考慮!

不過同意自行可以一博, 統一無機會.

[ 本帖最後由 TINGMUM 於 11-4-7 12:30 編輯 ]

作者: jessimm 時間: 11-4-6 18:05

返回問題: band 3成績填統一派位博入Band 1學校

應該係零 chance

作者: meimeimama1 時間: 11-4-8 11:31

提示: 作者被禁止或刪除內容自動屏蔽

作者: goodenough 時間: 11-4-8 12:53

將軍澳鳴X中學舊年出左過5A生喎，叻學生去到band 3尾的學校一樣可以殺出重圍，試想想好多band 1生都未必有這樣的成績。

作者: pineapple0983 時間: 11-4-8 13:07

原帖由 goodenough 於 11-4-8 12:53 發表
將軍澳鳴X中學舊年出左過5A生喎，叻學生去到band 3尾的學校一樣可以殺出重圍，試想想好多band 1生都未必有這樣的成績。

如果個學生係勁既，佢入到band1 會仲勁。
係band3學校，入面d學生日常話題係玩同蒲，有d仲係黑同毒添。你駁命讀書，人地只會當你係怪物，甚至排斥你、蝦你；條路好難行，辛苦好多。
相反，band1中學入面，讀書風氣好；d學生朋輩之間日常的話題都同讀書有關，會幫助到d小朋友。反而一d唔想讀書的人入左band1就真係浪費。

[ 本帖最後由 pineapple0983 於 11-4-8 13:08 編輯 ]

作者: mio8390 時間: 11-4-8 14:00

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願係band 1學校都一定冇機會入呢?

如果成績好，可以選band 1學校也沒有問題，我仔仔當年也是在band 3小學讀，也進入了band 1的中學，現在成績也—不差過從band 1小學進去的學生，最緊要是看看自已的成績。

作者: Joe媽媽 時間: 11-4-8 18:57

原帖由 ai626 於 11-4-5 22:56 發表
請問band 3成績點填統一派位表? 係咪先填band2學校, 然後填band 3, 唔可以填band 1? 就算甲部及乙部填咗第一志願續費收入band 1學校都一定冇機會入呢?

band 3成績之學生入到band 1學校都無可能讀得掂wor.

但band 3學校亦會有band 1成績之好學生的. 如果又勤力/ 又上進就唔一定唔掂 wor, 個別例子不同吧...

如果band 3成績, 我會:
- band 2尾
- band 3頭
- band 3中
- band 2中
- band 2頭
- band 1尾
- band 1中
- 甚至band 1頭
- 再漏空
- 我就死都唔填band 3尾, 因為已經唔駛怕派唔到學校.

作者: cow 時間: 11-4-8 23:14

原帖由 Joe媽媽 於 11-4-8 18:57 發表

band 3成績之學生入到band 1學校都無可能讀得掂wor.

晤一定! 萬中總有一二吧!

作者: avbee 時間: 11-4-13 13:29

maybe you are no.1 in Band 3 school, but your ranking maybe around mid/bottom of band school

the chance is abit slim, but you never know, give it a try

作者: kilykilyk 時間: 11-4-13 14:38

原帖由 mio8390 於 11-4-8 14:00 發表

如果成績好，可以選band 1學校也沒有問題，我仔仔當年也是在band 3小學讀，也進入了band 1的中學，現在成績也—不差過從band 1小學進去的學生，最緊要是看看自已的成績。 ...

無錯...成績可以靠努力,但只怕近年因縮班,BAND 1學位所淨無幾,就算無縮班,BAND 1組別學生,都怕抽唔到好號碼而入唔到心水學校,統一派位要派哂band 1/2學生先到band 3學生,如果係band 3組別,個號碼仲會後好多,點好運都難抽到呢!band 2都有好多好學校,選band 2機會會大啲,如果真係駁...band 2會比較band 1無咁危險,請樓主要多多考慮清楚啊!

[ 本帖最後由 kilykilyk 於 11-4-13 14:48 編輯 ]

作者: karen55407 時間: 11-4-13 14:55

根據現行的派位制度，band 3成績是無機會入band 1中學，相反band 1成績入band 3中學就大有人在。

作者: alice44 時間: 11-4-13 16:44

原帖由 karen55407 於 11-4-13 14:55 發表
根據現行的派位制度，band 3成績是無機會入band 1中學，相反band 1成績入band 3中學就大有人在。

見到你咁寫, 真係有d驚.

作者: karen55407 時間: 11-4-13 17:22

我曾經幫親戚跑學校，見盡好多成張成績表都係A嘅，一齊排隊交表叩band one尾中學，啲家長傾電話話自己個仔女派十幾、廿幾志願，連band two學校都打算叩埋。另外舊年我有個band two頭中學主任朋友話，好多band one生嚟叩門。

原帖由 alice44 於 11-4-13 16:44 發表

見到你咁寫, 真係有d驚.

作者: AWG 時間: 11-4-13 18:00

原帖由 alice44 於 11-4-13 16:44 發表

見到你咁寫, 真係有d驚.

這正正說明點解甘多band 1學生，寧願放棄自行收生和大攪珠，都去報讀直資學校。

作者: alice44 時間: 11-4-13 18:03

原帖由 karen55407 於 11-4-13 17:22 發表
我曾經幫親戚跑學校，見盡好多成張成績表都係A嘅，一齊排隊交表叩band one尾中學，啲家長傾電話話自己個仔女派十幾、廿幾志願，連band two學校都打算叩埋。另外舊年我有個band two頭中學主任朋友話，好多band one生嚟叩門。
...

睇埋依段, 仲驚!

作者: mega_yi1 時間: 11-4-13 19:26

原帖由 karen55407 於 11-4-13 17:22 發表
我曾經幫親戚跑學校，見盡好多成張成績表都係A嘅，一齊排隊交表叩band one尾中學，啲家長傾電話話自己個仔女派十幾、廿幾志願，連band two學校都打算叩埋。另外舊年我有個band two頭中學主任朋友話，好多band one生嚟叩門。
...

我見過很多人都拿過很多A,但他們都不是自己學校Band 1 生, 因為他們學校排名次不符合band 1, 只是Band 2,
當他們以為自己是band 1生, 搞珠時將Band 1 學校放最前,最後越派越後.

作者: pineapple0983 時間: 11-4-13 20:30

原帖由 mega_yi1 於 11-4-13 19:26 發表

我見過很多人都拿過很多A,但他們都不是自己學校Band 1 生, 因為他們學校排名次不符合band 1, 只是Band 2,
當他們以為自己是band 1生, 搞珠時將Band 1 學校放最前,最後越派越後. ...

咁多個得你心水最清~
有d小學根本就係一d差既學校，佢地出份卷超淺；個個都考八十幾九十分，唔係A就B；但當e班學生一碰到d好學校出黎既學生，根本就差天共地。
ed學校每年得頭10個人入到 band1架咋；相反d好學校，隨時考到九十幾名都入到 band1。
係教統度根本e班所謂全A學生會現曬形，好多水平只係band2/3架咋。
比著你係band1校長，你都會相信一個雖然唔係科科攞A，但由有信譽學校教出黎，水平有保證既學生啦~
所以，點解有d小學係特別受歡迎咁解囉。另外有d就比都冇人讀，中間係有分別架。
d人真係丫，講兩句就信到十足........

作者: karen55407 時間: 11-4-14 09:35

在揀中學時，一般班主任都會話你知你小朋友的banding，揀學校除實力外，仲要講求策略和運氣，band one生派唔到band one學校經常有，除非你在自行階段已經成功，否則，正如之前有人講，好多band one 生為安全起見，接受了直資的offer。放榜嗰日，就唔會有咁多Band one生來叩band two學校門喇！我朋友在一間私立英文小學考十幾名，全級有110+人，老師講到明佢係band one學生，以佢所知考四十幾同學都仲係band one生，自行今年揀咗兩間band one學校，兩間都無得面試，唯有等統一派位，去到呢個階段就好講彩數了。

作者: minijelly 時間: 11-4-14 09:47

原帖由 pineapple0983 於 11-4-13 20:30 發表

咁多個得你心水最清~
有d小學根本就係一d差既學校，佢地出份卷超淺；個個都考八十幾九十分，唔係A就B；但當e班學生一碰到d好學校出黎既學生，根本就差天共地。
ed學校每年得頭10個人入到 band1架咋；相反d好學校，隨時考到九十幾 ...

咁似我囡間學校既

個個都考八十幾九十分,唔係A就B
不過上年都派到成80個入B1喎

作者: RRNG 時間: 11-4-14 10:10

學生升中既banding 除左自己本身成績外, 仲要睇師兄師姐響中學PreS1既成績去決定該小學有幾多%係band 1生．所以有ｄ小學可以超過一半係band 1 學生.

作者: Hoining 時間: 11-4-18 12:40 標題: 回覆 43# RRNG 的文章

提示: 作者被禁止或刪除內容自動屏蔽

歡迎光臨教育王國 (/)