教育王國

標題: 有關音樂料呈分的影響一問 [打印本頁]

作者: skytrain 時間: 11-1-2 04:38 標題: 有關音樂料呈分的影響一問

小兒小5下學期全班只考16, 總分(中,英,數,常,美術,音樂)細分加起來460, 失了手。而音樂由三部份組成(不知佔分比例) 1: 唱歌 2: 牧童笛 3: 筆試 , 而我只知筆試考26/30, 最後音樂分是75。

經５下教訓，6上和小兒奮起直追, 全部科目温完又温, 音樂都唔放過, 總分變成500, 其中30分是主科, 音樂多5分(80分) 美術多5分, 估計排名全班第７-8(今次已不公佈), 老師說band 2 頭。

但我有些疑問, 今次音樂筆試考到28/30, 歌懂唱, 牧童笛懂吹 (是真的懂, 因為我有替他練習), 如果比例是1/3, 咁我個仔即係唱歌74, 牧童笛74? 但他小1小2時,只考唱歌有90分。最令我奇怪的是, 原來班內音樂分差距是很大的 (以前不知), 有小朋友筆試29/30, 而總分可以有95, 咁即係唱歌有94,牧童笛94...(即我兒跟他的音樂呈分差30分)

我完全沒有懷疑這位小朋友的能力, 他是一名很乖巧的孩子, 但真的想問問各位家長, 你們孩子的學校,唱歌評分也有這麼大的差距嗎?請問教育局有沒有評分指引還是怎樣?
這對於band2頭變band 1尾有多大影響?

唯有在最後機會再加緊努力, 再追些分吧。但心裡總是有些難受, 自己鼓勵兒子努力, 說努力會有回報...但自已計計分, 就算他下次筆試30/30, 其他部份又給他74, 咁最多總分都係84分...輸在主科, 無話可說, 輸在閒科, 死不甘心。

自行報中學, 我也不知如何是好, band 1不見你, band 2又不甘心, 請各位指教一下。

作者: LSEAANU 時間: 11-1-2 12:22

深表同情，建議自行報Band 1中或尾之中學，而且揀選一些EDB rank order 比重低些及interview 比重高的。希望用面試成績補救，當然面試好好準備！

作者: chansuifong 時間: 11-1-2 19:36

提示: 作者被禁止或刪除內容自動屏蔽

作者: miss321 時間: 11-1-3 01:16

唱歌同牧童笛唔係筆試，俾分好主觀，好多時學校有幾個音樂老師，小一二果個又唔係小五六果個。所以如果老師真係俾74分你小朋友也不足為奇，更何況，懂吹懂唱唔代表就演譯得好，音樂最重要有音樂感同節奏感，可能別的學生真的比你小朋友好呢。

歡迎光臨教育王國 (/)