教育王國

標題: 英華書院 [打印本頁]

作者: crystalcbh 時間: 10-7-14 11:16 標題: 英華書院

我想問吓申請英華要什麽條件:
1. p.4-p.6 的成績表?操行要A?
2. 如果有得1st 面試,會interview 什麼?
3. 如果有得2nd 面試,會interview 什麼?
4. 要成績好(1-20名),sport好,music 好?

Thank !!!!!!!!!

作者: camry16618 時間: 10-7-14 16:38

只要p5-p6成績
第1次in只要交50元報名費就有得見,題目都是小組討論,有中文有英文. 第2輪面試學校會等教育局出了全港次第名次排名,再看看你小朋友有無課外活動,即是音樂或運動,因為音樂同運動都有分加,機會會大一點,由於英華書院有小學可以直上,所以中學學位不多.以上都是我同小朋友一起經歷過,希望能幫到你

作者: hinviv 時間: 10-7-14 18:20

你兒子是否在英華就讀？Form 幾呢？小學直升？
你覺得學校好嗎？

原帖由 camry16618 於 10-7-14 16:38 發表
只要p5-p6成績
第1次in只要交50元報名費就有得見,題目都是小組討論,有中文有英文. 第2輪面試學校會等教育局出了全港次第名次排名,再看看你小朋友有無課外活動,即是音樂或運動,因為音樂同運動都有分加,機會會大一點 ...

作者: camry16618 時間: 10-7-15 16:09

我個小孩子不是在英華小學上,今年才考入讀中1,剛剛考完分班試,希望可以入到精英班,我去過學校幾次,覺得大哥哥好有禮貌,連我個仔去面試時都說他們跟他主動微笑打招呼,這2日中一生都要返學校聽校長老師訓示,時間由0900-1200,完了後就可以走得,但我個仔說有4個小朋友因為一些輕微小動作比訓導主任看見,齊齊留堂,我個仔差一點都跟他們一起留堂,我立即跟仔仔說,小學同中學紀律有好大分別,以前在小學你是小朋友,現在你在中學要學做大哥哥,要比以前更加成熟更加有禮貌!

[ 本帖最後由 camry16618 於 10-7-15 16:10 編輯 ]

作者: hinviv 時間: 10-7-15 16:44

Pls check pm

原帖由 camry16618 於 10-7-15 16:09 發表
我個小孩子不是在英華小學上,今年才考入讀中1,剛剛考完分班試,希望可以入到精英班,我去過學校幾次,覺得大哥哥好有禮貌,連我個仔去面試時都說他們跟他主動微笑打招呼,這2日中一生都要返學校聽校長老師訓示,時間由0900 ...

作者: camry16618 時間: 10-7-15 20:31

我仔仔讀陳守仁小學,排名老師是跟據5年級下學期同6年級上學期成績2次加起以全級計排第15,音樂就學小號只得5級,不過好彩在62屆學校音樂得到第3名,所以如果你有音樂或運動好的話會有幫助!

作者: bewawa 時間: 10-9-8 16:29

camry16618, 我仔仔都係學小號，又係舊年考佐5級，有時間多D交流下。今年揀中學，好想入英華，唔知有冇機會。 anyway, 好多謝你嘅分享。

原帖由 camry16618 於 10-7-15 20:31 發表
我仔仔讀陳守仁小學,排名老師是跟據5年級下學期同6年級上學期成績2次加起以全級計排第15,音樂就學小號只得5級,不過好彩在62屆學校音樂得到第3名,所以如果你有音樂或運動好的話會有幫助! ...

作者: camry16618 時間: 10-9-9 22:26

bewawa妳好!如果妳真是好想仔仔入到英華,今年有個學校音樂節,快D去報名參加,最好有名次,幾會會大一點,因為英華都好重視BAND隊,我仔仔說今年英華BAND隊要報高級組,目標是冠軍.不過妳現階段都不要忘記督促小朋友加更努力讀書.要雙管齊下!

作者: bewawa 時間: 10-9-10 10:46

camry16618,
謝謝你的意見ar. 今年因爲要考呈分試，而小號要夾琴好花時間，所以想唔報小號，只報鋼琴，你覺得好唔好ar? 佢都有參加學校管樂團，但就唔知攞唔攞到獎。可唔可以俾D意見ar？謝謝。

原帖由 camry16618 於 10-9-9 22:26 發表
bewawa妳好!如果妳真是好想仔仔入到英華,今年有個學校音樂節,快D去報名參加,最好有名次,幾會會大一點,因為英華都好重視BAND隊,我仔仔說今年英華BAND隊要報高級組,目標是冠軍.不過妳現階段都不要忘記督促小朋友加更努 ...

作者: camry16618 時間: 10-9-10 13:11

[quote]原帖由 bewawa 於 10-9-10 10:46 發表

camry16618,
謝謝你的意見ar. 今年因爲要考呈分試，而小號要夾琴好花時間，所以想唔報小號，只報鋼琴，你覺得好唔好ar? 佢都有參加學校管樂團，但就唔知攞唔攞到獎。可唔可以俾D意見ar？謝謝。
... [/quote
鋼琴學校不當音樂一種，參加管樂團係好，不過是屬於.團體，最好有個人獎項，學校音樂節小號比賽通常在明年2月至3月舉行，所以影向呈分試不大，我仔仔都是臨比賽前兩星期才夾，只夾兩堂，不會太花時間。

作者: ElizabethLAI 時間: 10-9-11 09:22

原帖由 camry16618 於 10-9-10 13:11 發表
[quote]原帖由 bewawa 於 10-9-10 10:46 發表
camry16618,
謝謝你的意見ar. 今年因爲要考呈分試，而小號要夾琴好花時間，所以想唔報小號，只報鋼琴，你覺得好唔好ar? ...

但面試不是通常安排在校際音樂節之前嗎?

作者: camry16618 時間: 10-9-11 11:26

對!學校第一次面試是在比賽之前,但我地小號比賽完,立即就張成績第一時間送過去學校趕緊第2次面試!但不是每一間學校都會收,因為有D官校過了報名時間就不收任何証明,所以要去之前就要打電話問下學校收唔收

作者: ElizabethLAI 時間: 10-9-11 13:24

原帖由 camry16618 於 10-9-11 11:26 發表
對!學校第一次面試是在比賽之前,但我地小號比賽完,立即就張成績第一時間送過去學校趕緊第2次面試!但不是每一間學校都會收,因為有D官校過了報名時間就不收任何証明,所以要去之前就要打電話問下學校收唔收 ...

是不是要送成績去才可能有第二次面試?(不是所有人都有兩次面試機會?)

作者: camry16618 時間: 10-9-11 14:46

如果我無記錯,英華第一次面試係1月23日,交50元報名費就有得見,但second in 就要等到教育局出了全港次第名次大約是在3月11日左右,我想學校是想睇到你小朋友在全港排名,才再出信通知有無得second in.我地就是在3月10日比賽完立即張成績交去學校,我想可能就是這樣學校才給我仔仔一個面試機會

[ 本帖最後由 camry16618 於 10-9-11 14:50 編輯 ]

作者: bewawa 時間: 10-9-11 18:36

camry16618, 你講得好有道理。我想問你小朋友當年參加的是初級組別還是高級組別ar? 同埋今年會唔會參加?

原帖由 camry16618 於 10-9-11 14:46 發表
如果我無記錯,英華第一次面試係1月23日,交50元報名費就有得見,但second in 就要等到教育局出了全港次第名次大約是在3月11日左右,我想學校是想睇到你小朋友在全港排名,才再出信通知有無得second in.我地就是在3月10日 ...

[ 本帖最後由 bewawa 於 10-9-11 18:38 編輯 ]

作者: camry16618 時間: 10-9-11 23:51

我個仔2年級才起步,當時都是玩玩下心態,後來知道音樂對日後找學校可能有幫助,所以才叫個仔去加更訓練,報了兩年都是初級組,都只得80幾分,三甲都不入,好彩上年得到個第3,來得及時去報學校,講真年年都同個仔去參加學校音樂節比賽,好像是生活的一部份,唔去唔得,想起當日比賽完畢,當評判宣佈結果個一刻>>>>我孩子得到第三,我同老婆都幾乎要哭出來,就連我孩子都唔知道評判叫他名字,要我去推他才知道自己攞到獎,當然事後我孩子開心到不得了,同時都改變了孩子對音樂學習懶散態度,Lee個獎對我地黎講實在太有意義

作者: DKmum 時間: 10-9-12 22:23

原帖由 ElizabethLAI 於 10-9-11 13:24 發表

是不是要送成績去才可能有第二次面試?(不是所有人都有兩次面試機會?)

不是每個男孩都有2nd interview, 需視乎整體表現的!

作者: bewawa 時間: 10-9-13 18:39

camry16618, 果種開心的感覺絕對不難想象，恭喜你地！
估唔到你是╴位爸爸，不是每一位爸爸都這么肯花心思和着緊小朋友的學校教育，你真是一位好爸爸。問你報邊級是因為想知道如果我小朋友報初級的話校方會唔會覺得我哋降級比賽，因沒有中級組，高級組又覺得唔係好得. 你點呢?

原帖由 camry16618 於 10-9-11 23:51 發表
我個仔2年級才起步,當時都是玩玩下心態,後來知道音樂對日後找學校可能有幫助,所以才叫個仔去加更訓練,報了兩年都是初級組,都只得80幾分,三甲都不入,好彩上年得到個第3,來得及時去報學校,講真年年都同個仔去參加學校 ...

作者: ElizabethLAI 時間: 10-9-13 19:24

原帖由 camry16618 於 10-9-11 14:46 發表
如果我無記錯,英華第一次面試係1月23日,交50元報名費就有得見,但second in 就要等到教育局出了全港次第名次大約是在3月11日左右,我想學校是想睇到你小朋友在全港排名,才再出信通知有無得second in.我地就是在3月10日 ...

Thank you for your detailed information!

作者: camry16618 時間: 10-9-14 00:25

我地報初級組是因為當年起步太遲,又抱著可有可無心態,後來才知道音樂的重要性,於是去找老師單對單教授,每日要練習1小時,其實好多名校見你樂器只得5級都未必有得見,因為當日我地去英華second in 時,我見有幾位小朋友都是7級,有1個仲要係8級,我心想尼次大獲啦!我以為自己個仔考到5級都OK啦,誰知道人地仲利害,可以在短短六年(其實都不短)時間之內考到8級,我自己就試過去吹個仔支喇叭,真係超級難吹,要好費力氣才吹到!在這一刻我開始明白到,除了成績,還要看看你有什麼獎項,如果今次不是孩子攞到獎,學校都未必會比孩子一個面試機會.所以如果我係你就會比小孩子去參加初級組,因為我眼見初級組攞到獎多數都是大哥哥(望落去個樣似五六年級),我都問過教我個仔的音樂老師,他說考初級組好多都是低水平加低年級的學生,好多都是志在去吸取經驗,如果係叻而又有7-8級水準都會去參加高級組,試想想如果你由小學一年級開始學小號到現在六年級,又如果你比賽個組大部份都是2-3年級,最大個都可能係4年級,咁你嬴面的機會又大左,一個唔覺意仲比你入到三甲!我唔敢講你攞到獎就一定有得見,但起碼你日後填個份application都多D野寫!最後都多謝bewawa妳的讚賞,其實我想個個爸爸媽媽都是跟我一樣,到了這個時候,都會好緊張自己孩子的前途,又驚考試失手,又驚考唔到好學校,總之好多好多憂慮....... 不過緊張對我這個懶人都有好處,就係精神的動力,時時克克提醒自己,唔好比自己偷懶,更加唔可以比自己個仔偷懶!最後都希望bewawa同其他家長都能夠達成心願考到心儀的中學,祝大家成功!

[ 本帖最後由 camry16618 於 10-9-14 00:29 編輯 ]

作者: meyonw 時間: 10-9-14 12:20

原帖由 camry16618 於 10-9-14 00:25 發表
我地報初級組是因為當年起步太遲,又抱著可有可無心態,後來才知道音樂的重要性,於是去找老師單對單教授,每日要練習1小時,其實好多名校見你樂器只得5級都未必有得見,因為當日我地去英華second in 時,我見有幾位小朋友 ...

請問面試時問了你小朋友什麼問題?情況怎樣?

作者: camry16618 時間: 10-9-14 21:02

meyonw你好!你是問第2次面試時問什麼問題?如果我無記錯當日老師比一幅圖我個仔看,叫他用英文表達內容,中文就出了一個題目跟老師討論一番,感覺上都是一些日常生活題目.出來時候我問他面試如何?他說無問題好易答,比見喇叭輕鬆得多!

作者: meyonw 時間: 10-9-16 00:19

原帖由 camry16618 於 10-9-14 21:02 發表
meyonw你好!你是問第2次面試時問什麼問題?如果我無記錯當日老師比一幅圖我個仔看,叫他用英文表達內容,中文就出了一個題目跟老師討論一番,感覺上都是一些日常生活題目.出來時候我問他面試如何?他說無問題好易答,比見 ...

thank you. 請問第一次是問什麼?

作者: mayc 時間: 10-9-16 11:03

ElizabethLAI:
阿仔要升中啦!我囝F.2了,正如camry16618講學校對音樂都好重視的,而且管樂團都好強,所以有好的樂器機會會大D,絃樂要入樂團都要求有7級的,不過成績也要有全班30名之內,就穩陣D,而今年聽阿囝說收少了體育精英(去年給人嘈得多),所以我想他會收番多D成績好和音樂好的學生!

原帖由 ElizabethLAI 於 10-9-13 19:24 發表

Thank you for your detailed information!

[ 本帖最後由 mayc 於 10-9-16 11:05 編輯 ]

作者: ElizabethLAI 時間: 10-9-16 11:49

原帖由 mayc 於 10-9-16 11:03 發表
ElizabethLAI:
阿仔要升中啦!我囝F.2了,正如camry16618講學校對音樂都好重視的,而且管樂團都好強,所以有好的樂器機會會大D,絃樂要入樂團都要求有7級的,不過成績也要有全班30名之內,就穩陣D,而今年聽阿囝說收少了體育 ...

Mayc,

真開心又可以同你係度傾偈.我現在也不知報什麼學校,英華小一時報過抽不到,想想可能是上帝覺得他不適合唸男校吧!

其實你說的要求他都達到,不過是不是全級30名才對?另外,外校生是否較難融入?我聽說男校都有一些變態事,所以我有點擔心.其實我也有諗華英,但華英沒有樂團和成績要求甚高.你有何意見呢?

作者: mayc 時間: 10-9-16 15:47

ElizabethLAI:
不過男校比較有團結精神,而且好多好的學校也是男校(DBS,LS,九華),sofar我囝也未講過d變態行為,而鍾意sports的男孩,男校是一個好的選擇,反正yw是直資,考考也無妨!

原帖由 ElizabethLAI 於 10-9-16 11:49 發表

Mayc,

真開心又可以同你係度傾偈.我現在也不知報什麼學校,英華小一時報過抽不到,想想可能是上帝覺得他不適合唸男校吧!

其實你說的要求他都達到,不過是不是全級30名才對?另外,外校生是否較難融入?我聽說男校都有 ...

作者: camry16618 時間: 10-9-16 20:55

hi mayc !妳仔仔今年升中二,有無參加學校校隊運動?我仔仔想入手波隊,但媽咪話仔仔太多活動,不準參加,其實我都想比個仔去玩下.回應返一下megonw的問題,英華第一次面試係group interview 用中英文對答,老師會比一篇英文每個同學都要讀一次比老師聽,然後老師會問返剛剛所讀完文章的內容.中文就出一個問題要大家一起討論,大家你問我,我問下你,其實第一次面試,學校會在通知信上寫清楚面試是用什麼形式,用什麼語言,所以不用太擔心.

作者: mayc 時間: 10-9-17 08:28

hi camry16618:
我囝就是鍾意運動的人,他參加籃球隊和網球隊,社際手球,班際足球,水運會和陸運會都有份參加,而本來參加的管絃樂團因撞籃球隊而退出,他們學校的籃球隊和手球隊都是學界全港冠軍,所以如果囝囝有興趣參加是非常值得的,而且學生在隊制團隊中是會認識多些學長,歸屬感和承擔榮譽感都重d,所以如果比較靜和鍾意音樂的,可參加樂團和合唱團,都是很好的選擇!

我覺得在學校參加最少一個課外活動是對小朋友在校的歸屬感強些!

原帖由 camry16618 於 10-9-16 20:55 發表
hi mayc !妳仔仔今年升中二,有無參加學校校隊運動?我仔仔想入手波隊,但媽咪話仔仔太多活動,不準參加,其實我都想比個仔去玩下.回應返一下megonw的問題,英華第一次面試係group interview 用中英文對答,老師會比一篇英 ...

作者: ElizabethLAI 時間: 10-9-17 10:44

原帖由 mayc 於 10-9-16 15:47 發表
ElizabethLAI:
不過男校比較有團結精神,而且好多好的學校也是男校(DBS,LS,九華),sofar我囝也未講過d變態行為,而鍾意sports的男孩,男校是一個好的選擇,反正yw是直資,考考也無妨!

...

是的,我也會試試,謝謝.

作者: hinviv 時間: 10-9-17 15:54

原帖由 mayc 於 10-9-17 08:28 發表
hi camry16618:
我囝就是鍾意運動的人,他參加籃球隊和網球隊,社際手球,班際足球,水運會和陸運會都有份參加,而本來參加的管絃樂團因撞籃球隊而退出,他們學校的籃球隊和手球隊都是學界全港冠軍,所以如果囝囝有興趣參加 ...

hi mayc

請問幾時才有課外活動報名，只知道club 的活動在10月中會介紹，課外活動和club的活動是否分開參加呢？

thanks!

作者: mayc 時間: 10-9-20 11:44

我囝是英小升上書院的,他小學時巳是籃球校隊,但也不是每一個小學是校隊的都可以過度在書院校隊,我記得小六升中一暑假時有好幾樣體育運動有興趣班,有些外校生是從中選入校隊的,而不同的課外活動會宣佈幾時幾日有選拔,並無統一,可以叫阿囝留意宣佈,而有些就要自薦的,如我囝跟網球總會打開網球,便同阿sir講自薦入隊!中學就係"甘"假啦!主動爭取!

原帖由 hinviv 於 10-9-17 15:54 發表

hi mayc

請問幾時才有課外活動報名，只知道club 的活動在10月中會介紹，課外活動和club的活動是否分開參加呢？

thanks!

作者: hinviv 時間: 10-9-20 12:09

mayc

多謝你的回覆。
我知學校主張「一生一體藝」，如果不能入校隊，可以
怎樣參加有關體育的課外活動呢？

上次學校家長會時，有家長說學校會有考試pass paper
給學生做，是否測驗都會有呢？因為是新生，不知學校的考試題目的形式，可否告之一二？

Thanks!

原帖由 mayc 於 10-9-20 11:44 發表
我囝是英小升上書院的,他小學時巳是籃球校隊,但也不是每一個小學是校隊的都可以過度在書院校隊,我記得小六升中一暑假時有好幾樣體育運動有興趣班,有些外校生是從中選入校隊的,而不同的課外活動會宣佈幾時幾日有選拔, ...

作者: mayc 時間: 10-9-20 12:43

hinviv:
我記得舊年UT和考試,英文和數學,老師都有派PASS PAPER給學生做(當功課),I.H.、中文有試過派,但好似不是次次都有,中史,I.S.都好似有放在網上自己download!

所以好靠阿仔自己去check mail,如果好似我囝成日唔check mail,就會唔知,好彩我地d家長網絡好好,好多"野"都係同學仔阿媽"單"比我知的!所以外校生媽咪最好識吓D同班家長,互通消息!

原帖由 hinviv 於 10-9-20 12:09 發表
mayc

多謝你的回覆。
我知學校主張「一生一體藝」，如果不能入校隊，可以
怎樣參加有關體育的課外活動呢？

上次學校家長會時，有家長說學校會有考試pass paper
給學生做，是否測驗都會有呢？因為是新生，不知學校的考試題目的形 ...

作者: mayc 時間: 10-9-20 13:00

中學唔同小學,是沒有收費的課外活動,(除了樂器)!如果未能入校隊,我知好多學生會早上,午飯後或放學後留下打波,而下學期開始有好多班際足球,籃球比賽,又有社際手球,乒乓球等等都有,最重的是孩子是否喜歡運動!

[ 本帖最後由 mayc 於 10-9-20 13:04 編輯 ]

作者: panda/mama 時間: 10-9-20 19:17

仔仔今年小六，想請問幾時會有升中講座呢？想知幾時開始接受中一申請.....Thanks!!!!:loveliness:

作者: meyonw 時間: 10-9-20 23:09 標題: 回復 27# camry16618 的帖子

多謝你回覆. 不知何時有開放日?

作者: hinviv 時間: 10-9-21 09:07

mayc

Thank for your reply, I will ask my son to check
the e-class regularly.

Thanks!

作者: camry16618 時間: 10-9-21 12:05 標題: 回復 37# meyonw 的帖子

meyonw 你好!學校開放日我都記不起是那天?我只記得當日st.paul co-ed 同英華是同一日,st.paul co-ed 係上午,英華就下午.不過就算錯過了開放日都唔緊要,因為英華會在學校網上重播當天校長同嘉賓的演講,在現場都有家長問校長問題.至於中一申請表如果我無記錯應該係12月份學校網頁有得下載. 在這裡都向mayc說聲多謝,提醒我們要留意個仔係學校的e-mail.謝謝!

作者: meyonw 時間: 10-9-22 15:12

原帖由 camry16618 於 10-9-21 12:05 發表
meyonw 你好!學校開放日我都記不起是那天?我只記得當日st.paul co-ed 同英華是同一日,st.paul co-ed 係上午,英華就下午.不過就算錯過了開放日都唔緊要,因為英華會在學校網上重播當天校長同嘉賓的演講,在現場都有家長 ...

唔該哂! 學校泳隊如何? 多數都講球類活動.

希望你小朋友好快適應及享受中學生活!

歡迎光臨教育王國 (/)