教育王國

標題: 尋晚填完表之後, 突然覺得好大壓力!!! 你地有嗎? [打印本頁]

作者: happypiano 時間: 10-5-3 14:06 標題: 尋晚填完表之後, 突然覺得好大壓力!!! 你地有嗎?

一路我都ok的, 無咩話好大壓力. 只係要求盡左自己& 亞仔既努力便可, 將來個仔讀唔到最想既學校都唔係好大問題.

但係尋晚一填完表之後, 我突然覺得好大壓力, 個感覺係.......... 將來派得唔好, 我就係要付呢個責任既人, 因為張表係我填的, 可能會因為我填得唔好而令到派得唔好!! 咁我就對唔住個仔了!! 無諗過會有呢個感覺的, 但係真係有如千噸巨石般既壓力!!

可能係亞仔同我講, 佢想我填晒30間, 因為佢怕會派得唔好(佢聽佢先生講話填唔晒有可能派到d好差既學校). 我同個仔講, 我話, 而家我所填既even係第4志願我都唔想要啦, 我都會同你去考第2d學校的. 更何況我揀唔落手既學校, 就算我真係填滿晒呢30間, 佢派左d 我而家唔想揀既, 到時都係一樣要去考第2d學校架啦.

作者: honeyabc 時間: 10-5-3 14:14

好有同感!
Best wishes to us.

作者: kathy615 時間: 10-5-3 14:53

好有同感!
我都有同個仔講, 我話, 而家我所填既even係第4志願我都唔想要啦, 我都會同你去考第2d學校的. 我仲同呀仔講最後一次EXAM好重要, 比心機....

作者: maywei 時間: 10-5-3 15:32

無喎! 反而一身輕哂, 無負擔, 得與唔得都唔由得我哋控制, 到七月六日至驚過啦!

作者: CrabPincers 時間: 10-5-3 16:15

原帖由 happypiano 於 10-5-3 14:06 發表
一路我都ok的, 無咩話好大壓力. 只係要求盡左自己& 亞仔既努力便可, 將來個仔讀唔到最想既學校都唔係好大問題.

但係尋晚一填完表之後, 我突然覺得好大壓力, 個感覺係.......... 將來派得唔好, 我就係要付呢個責任既 ...

就算填晒我果區的學校落去呀, 都無30間我填啦..........

作者: yamgie 時間: 10-5-3 16:21

因為選校次序實在改了太多次, 到最后都有點麻木, 凈係想快D落實就唔洗再諗咁多!

作者: 大力大力 時間: 10-5-3 16:22

一切成定局，暫時忘記先，到時再驚過！！

作者: pineapple0983 時間: 10-5-3 16:53

暫時忘記佢先；而家要做嘅，就係盡全力考好期終考試。
e個成績，對叩門有用，千其唔好放棄！
仲有，踩界嗰啲攞定料，做好晒準備；萬一大抽獎衰左就去補救。

作者: 正能量 時間: 10-5-3 22:57

昨晚填完表後, 心情忐忑不安, 很怕選擇錯誤,致令昨晚睡得不好, 只好慨嘆現今做家長真辛苦!!
但既然一切已成定局, 暫且不去想它,到這地步大家所能做的都已經做晒, 一切就由上天安排, 暫且放下包袱, 好好的睡一覺, 養精蓄銳, 接受繼續的挑戰(期終考試),各位家長和小朋友繼續努力呀!!!!!

作者: jiemeidi 時間: 10-5-3 23:11

原帖由 happypiano 於 10-5-3 14:06 發表
一路我都ok的, 無咩話好大壓力. 只係要求盡左自己& 亞仔既努力便可, 將來個仔讀唔到最想既學校都唔係好大問題.

但係尋晚一填完表之後, 我突然覺得好大壓力, 個感覺係.......... 將來派得唔好, 我就係要付呢個責任既 ...

深有同感！和家人討論的時候，覺得這種制度不甚合理，可是，至少現在沒有改變的可能。既來之，則安之。每天的日子還是要過的，結果交給上帝吧。

作者: DouDou2004 時間: 10-5-3 23:15

冇得再想太多，香港的教育制度實在不知所謂！難為了家長同學生，這是教育的目的嗎？我地生於香港，又冇千萬家財，只有焗住跟住玩啦！

原帖由 pineapple0983 於 10-5-3 16:53 發表
暫時忘記佢先；而家要做嘅，就係盡全力考好期終考試。
e個成績，對叩門有用，千其唔好放棄！
仲有，踩界嗰啲攞定料，做好晒準備；萬一大抽獎衰左就去補救。 ...

作者: FJS 時間: 10-5-3 23:53

原帖由 正能量 於 10-5-3 22:57 發表
昨晚填完表後, 心情忐忑不安, 很怕選擇錯誤,致令昨晚睡得不好, 只好慨嘆現今做家長真辛苦!!
但既然一切已成定局, 暫且不去想它,到這地步大家所能做的都已經做晒, 一切就由上天安排, 暫且放下包袱, 好好的睡一覺, 養 ...

我都好有同感, 之前個稿都已經改在三次, 到真係填落個表到, 一路填個心就一路震, 個腦就諗, 如果真係派到的十幾二十既學校, 真係唔知點算好。
選學校就好似買大細, 好難決定學校既先後次序, 鍾意既又只可以填一間, 跟住又要填的唔多鍾意既, 令到心情忐忑不安, 今早交在個表比學校, 都係有的唔放心, 又再打電話比班主任再問排位問題, 為在選校搞到的家長好似神經衰弱咁, 仲要一直擔心到7月6日........

作者: happypiano 時間: 10-5-4 09:47

那晚之後, 我就無話好擔心, 只係................. 真係一個無型既壓力. 因為張表d 學校係我揀既, 係我填既, 我簽名的, 所有野都係我去決定, 所以將來個結果唔好既話, 就係我一個人"咩"晒啦.

我既無奈係, 學校方面無俾過d 咩資料/意見家長. 家長又無正式既途徑可以知道學校既banding. 又無人可以話俾我知banding(好彩既係我既細路都唔係邊界線既人)既野, 咁又要我去揀, 點揀呀??!!! 淨係叫揀間適合既學校, 我得咁少資料, 我點樣去知間學校既程度係咪適合我既細路呢? 一band 入面都有唔同水平既學校. 當然, d 最top 最出名既我梗係識啦, 但係呢d 又唔適合我既細路, 我只能揀餘下個d喎, 咁我可以點去分析呀?

[ 本帖最後由 happypiano 於 10-5-4 10:23 編輯 ]

作者: epang 時間: 10-5-4 10:45

我心情同大定一樣, 填完表後, 個人成日都諗返轉頭我有沒有選錯, 我的選擇是否太保守..... 昨晚都睡得不好. 唉 ! 我諗下一步是要找定些直資學校了.

作者: pineapple0983 時間: 10-5-4 10:53

原帖由 正能量 於 10-5-3 22:57 發表
昨晚填完表後, 心情忐忑不安, 很怕選擇錯誤,致令昨晚睡得不好, 只好慨嘆現今做家長真辛苦!!
但既然一切已成定局, 暫且不去想它,到這地步大家所能做的都已經做晒, 一切就由上天安排, 暫且放下包袱, 好好的睡一覺, 養 ...

遊戲規則就係咁；你當日決定落場玩，就要跟佢規則。到7月，派位派得好嗰啲就會話個規則好公平；相反就梗話唔公平。
如果想唔跟，可以報直資，甚至讀國際學校，有錢嘅可以送去外國讀中學添；我舊年個大女就係因為踩界同我填錯頭5志願，搞到大抽獎衰左；後尾淨係叩門、搵學校、見校長都搞左成2個月，到臨開學前先搵到間沙田英中，真係玩死。今年個細仔成績唔錯，應該唔會重複e個錯誤啦。

作者: epang 時間: 10-5-4 11:02

嘩, 成兩個月才找到學校, 但是否都要先去派位學校報到, 然後才找其他學校.
你女女最終都找到英中, 真好. 請問她的成績是否都係 Band 1 中或尾才有機會叩門英中呢. 可否分享一下之前幫女女找學校的經驗, 因我仔仔都係邊緣人, 謝.

原帖由 pineapple0983 於 10-5-4 10:53 發表

遊戲規則就係咁；你當日決定落場玩，就要跟佢規則。到7月，派位派得好嗰啲就會話個規則好公平；相反就梗話唔公平。
如果想唔跟，可以報直資，甚至讀國際學校，有錢嘅可以送去外國讀中學添；我舊年個大女就係因為踩界同我填錯頭5志願 ...

作者: pineapple0983 時間: 10-5-4 11:27

原帖由 epang 於 10-5-4 11:02 發表
嘩, 成兩個月才找到學校, 但是否都要先去派位學校報到, 然後才找其他學校.
你女女最終都找到英中, 真好. 請問她的成績是否都係 Band 1 中或尾才有機會叩門英中呢. 可否分享一下之前幫女女找學校的經驗, 因我仔仔都 ...

我個女我諗係邊緣人，甚至係跌左落Band2頭；個真相除左教統，相信根本冇人會知。
係7月叩門，部份Top嘅區內英中講到明要全級考第幾名以內先可以攞表，但有部份就唔駛，有D甚至見都唔駛見就決定收唔收添。

作者: happypiano 時間: 10-5-4 11:43

唔係我想落場玩的, 我都想俾錢去解決個問題, 但係d直資既程度都幾極端. 一係就band 1 最top既, 一係就去到band 2.

咁我個細路係band 1中既學生, 又高攀唔到d band 1 top既直資. 但係你叫我晚晚教佢教2個鐘, 教足6年咁樣去俾錢讀band 2直資我又唔甘心!! 我可以點??!!

我又無錢讀國際學校, 咁唔係落場大抽獎我仲資格可以做d 咩?

我都無諗公唔公平啦, 我只係諗好唔好彩......只係怕唔好彩既話就咩都無晒!! 若好彩既, 頭3個志願應該無問題的, 因為我都唔係揀d 好勁既學校, 都係揀d 穩陣d既. 就係已經行穩陣, 到頭來都死既話, 真係唔知點算!! 你話我博既衰左, 我都心甘命抵呀!!

原帖由 pineapple0983 於 10-5-4 10:53 發表

遊戲規則就係咁；你當日決定落場玩，就要跟佢規則。到7月，派位派得好嗰啲就會話個規則好公平；相反就梗話唔公平。
如果想唔跟，可以報直資，甚至讀國際學校，有錢嘅可以送去外國讀中學添；我舊年個大女就係因為踩界同我填錯頭5志願 ...

作者: epang 時間: 10-5-4 11:44

但你女女都好好彩 (請不要介意), 我意思是叩門的學額不多, 但還入到英中, 她在那間小學, 現在在那間中學呢.
請問叩門除了面試, 還要筆試嗎. 我都不知道我仔是否有機會叩到門, 因為好似英中都唔夠位派比 band 1 生, 就算夠, 都已經滿額, 沒有剩餘學位了.
如找直資, 培基似乎很 full, 會無學位剩, 德信又好似不太好, 只可選林大輝及浸會, 但剩餘學位應該都不多. 真頭痛.

原帖由 pineapple0983 於 10-5-4 11:27 發表

我個女我諗係邊緣人，甚至係跌左落Band2頭；個真相除左教統，相信根本冇人會知。
係7月叩門，部份Top嘅區內英中講到明要全級考第幾名以內先可以攞表，但有部份就唔駛，有D甚至見都唔駛見就決定收唔收添。 ...

作者: epang 時間: 10-5-4 11:56

我都係選得很穩陣的學校, 唔敢太進取, 反之, 我仔的同學成績比我仔稍遜, 但選校就較進取, 所以我都唔知自己有沒有選錯.

原帖由 happypiano 於 10-5-4 11:43 發表
唔係我想落場玩的, 我都想俾錢去解決個問題, 但係d直資既程度都幾極端. 一係就band 1 最top既, 一係就去到band 2.

咁我個細路係band 1中既學生, 又高攀唔到d band 1 top既直資. 但係你叫我晚晚教佢教2個鐘, 教足6年 ...

作者: pineapple0983 時間: 10-5-4 12:49

原帖由 epang 於 10-5-4 11:44 發表
但你女女都好好彩 (請不要介意), 我意思是叩門的學額不多, 但還入到英中, 她在那間小學, 現在在那間中學呢.
請問叩門除了面試, 還要筆試嗎. 我都不知道我仔是否有機會叩到門, 因為好似英中都唔夠位派比 band 1 生, ...

以沙田黎講，如果直資計，同以舊年7月叩門容易入：
TSSS>LTFC>WKF>

KC>SPKC
所以如果7月派得唔好，想叩直資嘅要注意先後次序啦。
仲有，嗰日D時間會好趕，直資多數時間會有彈性，會有多場筆試，你e場試趕唔到可以考下場；但官津就多數得一場筆試，時間冇得走盞。但有D官津又只需要放低份嘢就搞掂，唔駛個小朋友現身；你如果咁唔好彩，要叩門，真係要打聽清楚，小心計劃點叩門呀！
希望你唔駛經歷依啲痛苦喇。

作者: pineapple0983 時間: 10-5-4 12:56

原帖由 epang 於 10-5-4 11:02 發表
嘩, 成兩個月才找到學校, 但是否都要先去派位學校報到, 然後才找其他學校.
你女女最終都找到英中, 真好. 請問她的成績是否都係 Band 1 中或尾才有機會叩門英中呢. 可否分享一下之前幫女女找學校的經驗, 因我仔仔都 ...

梗要註左冊先啦，如果最後冇Band1收，咁咪連書都冇得讀？Band2都讀住先啦。

作者: epang 時間: 10-5-4 13:02

Sorry, 請問 TSSS, KC 是那間.
你以下是否叩門排位機會大的次序.

原帖由 pineapple0983 於 10-5-4 12:49 發表

以沙田黎講，如果直資計，同以舊年7月叩門容易入：
TSSS>LTFC>WKF>KC>SPKC
所以如果7月派得唔好，想叩直資嘅要注意先後次序啦。
仲有，嗰日D時間會好趕，直資多數時間會有彈性，會有多場筆試，你e場試趕唔到可以考下場；但官津就多 ...

作者: pineapple0983 時間: 10-5-4 13:24

原帖由 epang 於 10-5-4 13:02 發表
Sorry, 請問 TSSS, KC 是那間.
你以下是否叩門排位機會大的次序.

TSSS <-------德信
PKC <---------培橋
你以下是否叩門排位機會大的次序.<----係叩門容易入的次序。
你可以同時叩幾間，就算間直資"咋"，你揸住一間，都好過手中乜都冇呀！
有第間好D嘅收，咪去第間囉，主動權係你度吖嘛。

作者: epang 時間: 10-5-4 14:04

thankyou.
但在網上討論區看到直資又不是太好, 我就諗, 中中頭幾間都已經有英文班, 如果入了中中英文班, 應該都不會太差掛. 你點睇, 請比意見, 謝.

原帖由 pineapple0983 於 10-5-4 13:24 發表

TSSS

作者: KWT 時間: 10-5-4 17:19

我重衰,填完表,老師話我仔是band 1 中,居然要我改,在第3志願要揀band 2學校,攪到我仔仔回來說自己資質只能讀這些學校,以前他從來不會這樣批評自己.結果我沒有理會老師.佢地為左個d話首3個志願成功報讀竟然咁樣叫人填表.

其實,即使揀哂自己區band 1, band 2再加埋他區那些2-4個位,都不夠30間,所以一定要選擇埋band 3學校.

所以如果抽獎失敗,我估老師不會有助力.壓力很大.

作者: epang 時間: 10-5-4 17:48

原來是為了頭三個志願派位成功, 死啦, 等我聽老師話, 只選了一間英中, 唔怪得我仔的同學比他低分, 但進取得多, 可能他們的家長知道這原因, 所以沒有跟老師的意見去填. 唉, 好唔開心及後悔, 像對呀仔唔住, 好想 cry.

原帖由 KWT 於 10-5-4 17:19 發表
我重衰,填完表,老師話我仔是band 1 中,居然要我改,在第3志願要揀band 2學校,攪到我仔仔回來說自己資質只能讀這些學校,以前他從來不會這樣批評自己.結果我沒有理會老師.佢地為左個d話首3個志願成功報讀竟然咁樣叫人填 ...

作者: pineapple0983 時間: 10-5-4 18:53

原帖由 epang 於 10-5-4 17:48 發表
原來是為了頭三個志願派位成功, 死啦, 等我聽老師話, 只選了一間英中, 唔怪得我仔的同學比他低分, 但進取得多, 可能他們的家長知道這原因, 所以沒有跟老師的意見去填. 唉, 好唔開心及後悔, 像對呀仔唔住, 好想 cry. ...

對唔住，你點填架？
你Band1只填一間英中？唔係卦？
但係，如果你係邊緣人，老師叫你咁填就冇錯。寧願中左間Band2頭，再叩直資或者Band1尾。

[ 本帖最後由 pineapple0983 於 10-5-4 18:56 編輯 ]

作者: pineapple0983 時間: 10-5-4 19:00

原帖由 epang 於 10-5-4 14:04 發表
thankyou.
但在網上討論區看到直資又不是太好, 我就諗, 中中頭幾間都已經有英文班, 如果入了中中英文班, 應該都不會太差掛. 你點睇, 請比意見, 謝.

係呀，如果入到中中ge精英班，唔錯架；學校會將D資源儘量放落精英班度，樣樣好嘢都佢哋享受先。

作者: DouDou2004 時間: 10-5-4 19:09

係咪你個區唔夠Band 1位派，老師要保險D至咁填？如果真係唔夠band 1位，咁樣填係最安全，起碼唔會跌到好後唔知去左邊間學校，仲有機會同時間叩門嗎？解釋比阿仔知，唔係佢冇能力，係策略黎既，唔好令佢失自信。

原帖由 KWT 於 10-5-4 17:19 發表
我重衰,填完表,老師話我仔是band 1 中,居然要我改,在第3志願要揀band 2學校,攪到我仔仔回來說自己資質只能讀這些學校,以前他從來不會這樣批評自己.結果我沒有理會老師.佢地為左個d話首3個志願成功報讀竟然咁樣叫人填 ...

[ 本帖最後由 DouDou2004 於 10-5-4 19:11 編輯 ]

作者: happypiano 時間: 10-5-4 19:40

我諗點唔夠band 1位都無理由叫個band 1中既仔第3志願就揀band 2啦........ 呢個做法真係學校為左自保啦. 我以前都聽過有家長(網上)話d學校係咁的, 因為想個頭3志願中到既百份率係高, 所以佢地叫d 家長唔好博的.

去叩門..................... 得好少位咋, 咁容易叩嗎??!!

原帖由 DouDou2004 於 10-5-4 19:09 發表
係咪你個區唔夠Band 1位派，老師要保險D至咁填？如果真係唔夠band 1位，咁樣填係最安全，起碼唔會跌到好後唔知去左邊間學校，仲有機會同時間叩門嗎？解釋比阿仔知，唔係佢冇能力，係策略黎既，唔好令佢失自信。

...

作者: Joe媽媽 時間: 10-5-4 22:56

原帖由 maywei 於 10-5-3 15:32 發表
無喎! 反而一身輕哂, 無負擔, 得與唔得都唔由得我哋控制, 到七月六日至驚過啦!

我都係, 已成定局反而輕鬆了. 而家睇緊直資, 後備用.

作者: FJS 時間: 10-5-4 23:41

原帖由 happypiano 於 10-5-4 19:40 發表
我諗點唔夠band 1位都無理由叫個band 1中既仔第3志願就揀band 2啦........ 呢個做法真係學校為左自保啦. 我以前都聽過有家長(網上)話d學校係咁的, 因為想個頭3志願中到既百份率係高, 所以佢地叫d 家長唔好博的.

去 ...

頭3志願真係想填哂自己鍾意既, 但老師話太危險, 一定要有保險線, 所以填2, 3 志願既學校都唔係自己好鍾意, 如果真係派到都唔知讀唔讀好, 去扣門, 諗起都覺得痛苦.....,
小朋友讀書啫, 點解會搞成咁........

作者: DouDou2004 時間: 10-5-5 11:53

同意，老師會係咁做，但我地要面對現實，要博首先要想成唔成受得起如果派唔到又左去果D第二十or十幾志願既學校，自己會唔會癲晒。我自己就頂唔順，驚連叩門都叩唔到，成個暑假係度撲學校，所以都係乖乖地博第一志願，第二三志願都係保守D囉。最壞打算咪比心機讀一年，考好D再博插班生。

原帖由 happypiano 於 10-5-4 19:40 發表
我諗點唔夠band 1位都無理由叫個band 1中既仔第3志願就揀band 2啦........ 呢個做法真係學校為左自保啦. 我以前都聽過有家長(網上)話d學校係咁的, 因為想個頭3志願中到既百份率係高, 所以佢地叫d 家長唔好博的.

去 ...

[ 本帖最後由 DouDou2004 於 10-5-5 11:56 編輯 ]

作者: donomother 時間: 10-5-5 12:24

英中很少收插班生,除非考全級頭幾名又撞正佢有位,加上小朋友如果在那間學校考得頭幾名建立了自信即是學校都教得不錯,那時未必會有轉校的慾望,所以如果想轉最好就是放榜後去叩門,但我都想知有沒有家長有經驗(沙田區)是不是放榜前己有些學校會進行筆試及是否每一間致電查詢有沒有位剩?雖然我對小朋友都有信心,但唔怕一萬最怕萬一,都是事先做好準備,還有想知道有些英中只會派表給頭5名或頭10名的學生進行面試,但如小朋友成績表沒有列明,又如何是好呢?

作者: epang 時間: 10-5-5 13:46

佢只係 band 1 尾至 2 頭, 係邊緣人, 所以老師要保守 d 啩.

原帖由 pineapple0983 於 10-5-4 18:53 發表

對唔住，你點填架？
你Band1只填一間英中？唔係卦？
但係，如果你係邊緣人，老師叫你咁填就冇錯。寧願中左間Band2頭，再叩直資或者Band1尾。

作者: epang 時間: 10-5-5 13:49

我 c6 都係這樣講, 開解一下呀仔, 等佢如果真係派去中中頭的學校, 都唔會氣餒.

原帖由 pineapple0983 於 10-5-4 19:00 發表

係呀，如果入到中中ge精英班，唔錯架；學校會將D資源儘量放落精英班度，樣樣好嘢都佢哋享受先。

作者: Sherryko9 時間: 10-5-5 14:55

可能你地諗得太多了!所以壓力大.
想當年,自己計過某1,2間只得學位60-70幾個,第1輪會比自己友攞晒,所以西左1,2間去先,跟手睇大校,學位多果D,再西去1,2間功課特多的大校,餘下的就是不太差,環境好便算了!講番幼稚園,亦都只報了2間幼稚園(真光和肖珍),因為喜歡上午校,所以邊間收就邊間了!沒有想過升小問題.
到現在,又升中了,囡囡問會考哪間?我亦只對她說,看她成績如何才作決定,不是我想考哪間就哪間!總之不過不失,升中生涯就看她了!有時千算萬算,最後結果可能強差人意!叻學校未必適合每個人,順其自然吧!唔太勁的學校亦會出勁學生.

作者: pineapple0983 時間: 10-5-5 15:09

原帖由 epang 於 10-5-5 13:49 發表
我 c6 都係這樣講, 開解一下呀仔, 等佢如果真係派去中中頭的學校, 都唔會氣餒.

如果入到Band2頭ge英文班，可能仲好過入Band1尾架。

作者: Sherryko9 時間: 10-5-5 15:14

唔駛cry,你甘做亦都唔壞,比著我(囡囡下年揀中學)都會選1間進取和1間保守先,如果進取那間唔得,都有間保守,當然那間保守是你想要.那些全揀進取的亦要承受"一只錯,全盤皆落索"的風險,自問受唔受得?唔好睇得左果D,凡事以最壞打算作最好準備,最後會開心D!如果小朋友成績高的話,應該第1輪機會比人高,第2輪大抽奬講幸運,到最後便是扣門了(如果小朋友成績高亦同樣機會比人多和高).不要自責了,小朋友的路還長呢!

原帖由 epang 於 10-5-4 17:48 發表
原來是為了頭三個志願派位成功, 死啦, 等我聽老師話, 只選了一間英中, 唔怪得我仔的同學比他低分, 但進取得多, 可能他們的家長知道這原因, 所以沒有跟老師的意見去填. 唉, 好唔開心及後悔, 像對呀仔唔住, 好想 cry. ...

作者: Sherryko9 時間: 10-5-5 15:34

今年我亦對C9討論下年囡囡揀校問題,提過我地那區某top中學,資料提及升大學差不多是百份百(未行334制前),但C9說千祈不要,因為可以去到差不多百份百升大學率,應是"一將功成百骨枯",你可以想像到入去以後讀書會幾艱辛了!差不多每年會有學生為學業自殺(當然亦會有人說間間勁的學校都會甘呢!),識老師教過那間學校,說不開心,因為壓力大,轉了去教局做.所以有時升唔到去所謂勁旅的中學,不一定是壞事,最重要的是小朋友讀得開心,開心自然書會讀得好,就算讀得唔叻,起碼學校生活無憾,真的!當你身邊有小朋友升上"好"學校,但讀得唔開心,成個學校生涯到頭來只是一片空白,就會明白了!現在幫囡囡選校會考慮那間學校,囡囡讀得開心和無甘壓大,入去後是精英呢?還是選一間讀得不太開心,入到去只是平庸一族吧了?這一刻我會選前者!記著"柳暗花明又一村".

作者: DouDou2004 時間: 10-5-5 16:21

Agreed!

原帖由 Sherryko9 於 10-5-5 15:34 發表
今年我亦對C9討論下年囡囡揀校問題,提過我地那區某top中學,資料提及升大學差不多是百份百(未行334制前),但C9說千祈不要,因為可以去到差不多百份百升大學率,應是"一將功成百骨枯",你可以想像到入去以後讀書會幾艱辛了 ...

作者: epang 時間: 10-5-5 16:34

你們都講得有道理, 可能入了band 2 頭的英文班都未必不好, 結果或者會比入 band 1 尾的好. 多謝大家的意見.

作者: pineapple0983 時間: 10-5-5 16:55

原帖由 epang 於 10-5-5 16:34 發表
你們都講得有道理, 可能入了band 2 頭的英文班都未必不好, 結果或者會比入 band 1 尾的好. 多謝大家的意見.

唉，你唔駛咁快榭晒嘅，可能你第一選擇就中呢？到時記住上黎報喜呀。
不過講番轉頭，你亦要做好準備，以防萬一。

作者: epang 時間: 10-5-5 17:18

成你貴言, 不過第一志願只有 51 個學位咋. 你估仲有無機..... 有都比哂 d band 1 lu.
Anyway, thanks for sharing. 到時希望可以來報喜, 而唔係又要問大家比意見就好喇.

原帖由 pineapple0983 於 10-5-5 16:55 發表

唉，你唔駛咁快榭晒嘅，可能你第一選擇就中呢？到時記住上黎報喜呀。
不過講番轉頭，你亦要做好準備，以防萬一。

作者: pineapple0983 時間: 10-5-5 19:34

原帖由 epang 於 10-5-5 17:18 發表
成你貴言, 不過第一志願只有 51 個學位咋. 你估仲有無機..... 有都比哂 d band 1 lu.
Anyway, thanks for sharing. 到時希望可以來報喜, 而唔係又要問大家比意見就好喇.

...

啱啱睇番，原來你個仔有機會係邊緣人，你乙部頭5位點填架？

作者: Ivy07 時間: 10-5-5 20:58

原帖由 Sherryko9 於 10-5-5 15:34 發表
今年我亦對C9討論下年囡囡揀校問題,提過我地那區某top中學,資料提及升大學差不多是百份百(未行334制前),但C9說千祈不要,因為可以去到差不多百份百升大學率,應是"一將功成百骨枯",你可以想像到入去以後讀書會幾艱辛了 ...

同意! 其實可以想像，一間學校會考合格率及升大學的百份比高，一定係谷得好辛苦，唔掂的根本讀唔到上去。選校應該量力而為，我聽過一些家長就算自己個小朋友係Band 2，都去博band 1 英中，就算入到，都恐怕會讀得很辛苦。

作者: humbertcarol 時間: 10-5-5 23:04

原帖由 pineapple0983 於 10-5-5 15:09 發表

如果入到Band2頭ge英文班，可能仲好過入Band1尾架。

同意你講法, 我個女都係邊緣人呀(band2頭). 保守d我
張甲部和乙部的第一志成都係填同一間band 2頭女校.
唔諗咁多呀, 下個月又大考, 到7月先再算. 起碼這幾個月
可以訓得好D啦!

作者: happypiano 時間: 10-5-6 09:13

其實唔係最怕一個band 1仔派到間band 2頭既學校. 只係怕派到d........... 沙頭角中學, 離島中學(舉例咋, band 3既學校)呢d 根本完全無諗過既學校.

原帖由 FJS 於 10-5-4 23:41 發表

頭3志願真係想填哂自己鍾意既, 但老師話太危險, 一定要有保險線, 所以填2, 3 志願既學校都唔係自己好鍾意, 如果真係派到都唔知讀唔讀好, 去扣門, 諗起都覺得痛苦.....,
小朋友讀書啫, 點解會搞成咁........ ...

作者: LULU-MAK 時間: 10-5-6 09:52

從第一次自行選校開始都已經有壓力, 對於填果30間學校, 壓力亦十分之大, 最怕是自己填得不好, 令到個小朋友不知派到邊間學校, 到時都唔知點算. 出面d人唔知, 仲以為考完三次呈分試, 我地就放下心頭大石, 其實最後一次既畢業試都好重要, 如果派得唔好, 就係要靠畢業試既成績來扣門.
最慘就是由現在直至7月6日, 足足兩個月, 只有就是期待.

歡迎光臨教育王國 (/)