教育王國

標題: 傳統名校好? 還是... ... [打印本頁]

作者: queenie8882002 時間: 09-10-9 18:45 標題: 傳統名校好? 還是... ...

一個普通家庭但女兒成績是band one 頭，應該選傳統名校好？還是選屋村名校呢？
1. 選傳統名校怕不能suport她所需又怕她會自卑?
2. 選屋村名校又覺得會否決了她接觸其他階層的機會?

作者: elok2009 時間: 09-10-9 20:53

唔係直資學校的話
經濟負擔其實並非想像中重

我覺得有機會可以出下去市區入傳統名校
始終傳統名校始終唔係成績咁簡單

作者: bigfoothk 時間: 09-10-9 21:32

提示: 作者被禁止或刪除內容自動屏蔽

作者: dad1234 時間: 09-10-10 01:26 標題: 回覆 2# elok2009 的文章

始終傳統名校始終唔係成績咁簡單

作者: BSCYL 時間: 09-10-10 08:26 標題: 放膽嘗試

不妨放膽嘗試傳統名校, 增強見識. 但亦都要留意小朋友的意願及是否能夠接受大塘小魚的壓力

作者: 981203 時間: 09-10-10 11:16

普通家庭？月入一萬or三四萬，好難定嘅。傳统名校都有好多間，我覺得應先了解吓果間傳统名校對學生嘅要求先？係開放日、簡報會，問清楚是否一定參加歐美遊學團、學校管樂團，幾萬蛟一枝樂噐，校方有否提供呢？參加運動項目是否平D，有無獎學金申請。揾間適合自己家庭負擔，盡能力比一個好的學習環境給子女，是父母的責任。

作者: ytpeople1 時間: 09-10-10 12:18

原帖由 981203 於 09-10-10 11:16 發表
揾間適合自己家庭負擔，盡能力比一個好的學習環境給子女，是父母的責任。

作者: BSCYL 時間: 09-10-10 21:57 標題: 盡力而為

做父母的, 盡自己能力, 將最好的給小朋友.

傳統名校亦有不需要化費太多金錢的好中學

作者: jaycee_mami 時間: 09-10-11 13:45

有得揀, 一定選傳統名校!

我都係普通小學升到傳統名校, 如果唔係直資個D, 官津中學的學生其實很多元化, 有小學直升的 (一般較富有), 又有普通小學派位來的, 她們會分黨分派, 河水不犯井水, 各有各玩, 唔會感自卑.

無錢學樂器, 無錢課外活動, 但讀書好品行好, 一樣受同學老師歡迎, 亦可以升到著名大學.

作者: elok2009 時間: 09-10-12 23:55 標題: 回覆 4# dad1234 的文章

這個當然
但你發展其他專長又係咪真係需要好重經濟負擔呢?

未必~
首先你無咁多時間去多項發展
二來, 你發展某1,2樣項目, 所花既錢唔係真係太可怕
e.g. 辯論, 朗誦, 合唱團...etc 呢D 洗費近乎0

要花錢, 可能都係運動如游泳...其他項目, 好多學校都有教練, 不需自費

比較貴, 可能係學樂器, 如色士風, 鋼琴.

作者: G-Ma 時間: 09-10-13 22:49

時代唔同左, 有壓力都係正常既, 我諗最重要係先問左小朋友既意願, 佢地有咁大個自己都有主見. 如果佢自己都想面對挑戰, 又考到, 無理由唔比佢讀既.

作者: KK07 時間: 09-10-14 12:15

除非是少數直資私立或國際學校, 大部份傳統名校都有來自各階層的學生, 不應將這小問題放大睇. 學生自有其相處方式, 心有不安,很多時是我們成年人而已!

作者: cindymummum 時間: 09-10-14 18:27 標題: 有感

非常同意KK07的睇法，好多時由於我地有太多憂慮，不其然會將我地D睇法加在小朋友身上，以為他們就係會咁！其實佢地真係有自己一套處相的學問，考慮清楚係應該，但無需過慮！小朋友的意願真係好重要。
我用自己做例子，我們係一個元朗嘅普通家庭，我囡囡現在讀St.Mary's S.2，佢小學係天水圍讀，P1-P6都考全級1-5名，體藝亦非常好，所以當初揀學校都煩腦過，因為佢六年級參加了元朗區一間EMI Band one 頭中學舉辦嘅比賽獲獎，已知呢間中學一定收佢，佢家姐都係讀呢間，本來我已經好安樂！但我囡囡真係好想報市區學校，佢話好想出去見識下外面嘅世界，雖然都知道學位難求，我亦同佢分析過大塘小魚的道理，佢都願意接受和面對，所以最後揀左St.Mary's做第一志願而元朗Band one頭中學排第二，結果真係比佢考到St.Mary's，我仲記得佢當時高興嘅樣子。到左今日佢依然讀得很開心，雖然每天要六點鐘起身，雖然名次不再是1-5，但佢認識到很多好朋友，同學間相處很融洽，佢很多同學家境都不錯，但性格都很純樸，佢地一齊食lunch多數喺學校tuck shop或者7-11買嘢食返學校一齊食，就算喺外面食大家都會shareD嘢食，每人平均都係$2+不會太貴。至於喜歡高消費嘅學生一定有，但佢地會有自己嘅圈子，佢地平時分開食飯/消費，但在學校大家一齊相處不會有問題的。就好似社會都有各式各樣嘅人一樣，不用太擔心！
St.Mary's 最令我欣賞係佢好鼓勵學生閱讀，學習風氣很好，囡囡S1看嘅Eng.newspaper&reader比家姐S1-S5加埋還要多，而且佢係越睇越想睇，不是被迫那種，我好興幸當日讓佢報考St.Mary's。

[ 本帖最後由 cindymummum 於 09-10-14 18:56 編輯 ]

作者: yiuyiu2000 時間: 09-10-14 23:11

cindymummum,

好多謝你將你的經歷同大家分享, 幾年前我朋友的囡囡又係由沙田的小學考入了St.Mary, 現已讀F5, 她跟你囡囡好相似,又係小學時年年考頭三名, 又係自己想出去挑戰自己. 請問你囡囡目前功課/測驗多嗎?

請問你知不知佢地有幾多位給自行收生, 又有幾多位大抽獎?

原帖由 cindymummum 於 09-10-14 18:27 發表
非常同意KK07的睇法，好多時由於我地有太多憂慮，不其然會將我地D睇法加在小朋友身上，以為他們就係會咁！其實佢地真係有自己一套處相的學問，考慮清楚係應該，但無需過慮！小朋友的意願真係好重要。
我用自己做例子，我們係一個元朗 ...

歡迎光臨教育王國 (/)