教育王國

標題: 聖士提反好唔好？ [打印本頁]

作者: camry16618 時間: 09-9-15 13:46 標題: 聖士提反好唔好？

位於南區聖士提反中學校風如何？成績好唔好？大家都是直資的話，如果同DBS,spcc,英華那間好一點？那一間學校學習氣分會好一點？因為我上綱看到聖士提反的學生同老師都好開心．其餘３間會唔會因為時常掛住讀書而會覺得乏味，我個仔今年要找學校，他都幾好動，我怕學校時常為成績而吹谷學生，請大家比點意見，謝謝

作者: greendotdot 時間: 09-9-17 00:38

原帖由 camry16618 於 09-9-15 13:46 發表
位於南區聖士提反中學校風如何？成績好唔好？大家都是直資的話，如果同DBS,spcc,英華那間好一點？那一間學校學習氣分會好一點？因為我上綱看到聖士提反的學生同老師都好開心．其餘３間會唔會因為時常掛住讀書而會覺得乏味，我個仔今 ...

好似無乜人回應，我諗係香港長大嘅，識得DBS,SPCC,英華書院，都唔會唔識赤柱果間聖士提反書院，百年歷史，今年仲出咗首個10A，打鑼打鼓慶祝。校風咪好似讀boarding school 咁，校園咁大，活動設施又完善，戶外及水上活動當然係特色，不過你話上網看到聖士提反的學生同老師都好開心，有怪莫怪，唔通放張開完夜車個頹廢樣嘅相倒自己米咩，梗係要展示吓自己嘅特色和省靚招牌，間間個網頁都係咁啦。

如果住富豪海灣，返學行幾步都幾方便，要寄宿每年學費加宿費10萬蚊鬆啲，如果個仔幾深歸而家長又有啲錢的話，我諗讀呢間會改善佢成長。講番啲名校，英華唔知，讀DBS和SPCC就一定唔會乏味，況且名氣相比也較...。講真，貴子女入得呢幾間名校，學校無必要催谷學生，同學個個都開自動波，唔通自己唔知衰，仲日日「活動上學」，不進則退，除非自己在運動或特異功能等，保持住幾個學界紀錄又唔同。

作者: camry16618 時間: 09-9-17 09:45

謝謝你提供寶貴意見，因為我個仔六年級，要搵中學，想先從直資入手，看看有什麼學校適合自己兒子，聖士提反,DBS,SPCC,英華都是心儀學校，唔知道大家仲有無好似以上直資學校可以提供參考，謝謝！

作者: greendotdot 時間: 09-9-17 11:13

原帖由 camry16618 於 09-9-17 09:45 發表
謝謝你提供寶貴意見，因為我個仔六年級，要搵中學，想先從直資入手，看看有什麼學校適合自己兒子，聖士提反,DBS,SPCC,英華都是心儀學校，唔知道大家仲有無好似以上直資學校可以提供參考，謝謝！ ...

不用客氣，如果家庭負擔得到，呢4間巳經係最好嘅選擇(以男仔可以報的直資計)！無謂再多心。論名氣始終係後面3間稱先啲，純屬個人意見。

歡迎光臨教育王國 (/)