教育王國
標題: Band 1 學生派咗間Band 5學校,點算? [打印本頁]
作者: gillian88 時間: 09-7-8 20:05 標題: Band 1 學生派咗間Band 5學校,點算?
女兒係沙官小讀,成績全級60,屬中上.唔好彩派咗去樂道,呢兩天見咗幾間Band 1及Band 2學校都無消息,做媽媽的覺得好冇用,女女成績不算差,但我都找不到一間好小小的學校給她讀,浪費了她的努力.......我應該怎樣做?
作者: honeybbb 時間: 09-7-8 20:35
有無去直資中學叩門? 沙田都有唔少好直資中學, 不要自責!
原帖由 gillian88 於 09-7-8 20:05 發表 
女兒係沙官小讀,成績全級60,屬中上.唔好彩派咗去樂道,呢兩天見咗幾間Band 1及Band 2學校都無消息,做媽媽的覺得好冇用,女女成績不算差,但我都找不到一間好小小的學校給她讀,浪費了她的努力.......我應該怎樣做? ...
作者: cat0831 時間: 09-7-8 20:40
原帖由 gillian88 於 09-7-8 20:05 發表
女兒係沙官小讀,成績全級60,屬中上.唔好彩派咗去樂道,呢兩天見咗幾間Band 1及Band 2學校都無消息,做媽媽的覺得好冇用,女女成績不算差,但我都找不到一間好小小的學校給她讀,浪費了她的努力.......我應該怎樣做? ...
你女兒間學校全級有幾多人？？
作者: catcatmom 時間: 09-7-8 20:59
有無可能, 舊年師兄弟考得唔好, 全級60已去了band尾or band2頭, 我只是好奇一問, 唔好見怪, 因街坊個女讀沙田路德會, 學校已講明一定係band2, 佢亞媽選了保良局胡中係馬鞍山, 都派到. 胡中一定好過樂道好多, 去胡中問吓, 佢係一間好有人氣 ; 中中裡band1中學,佢有收好多band1學生, 因沙田多英中, 有d街坊band1尾都去了英中, 點解囡囡甘唔好彩.
原帖由 cat0831 於 09-7-8 20:40 發表
你女兒間學校全級有幾多人？？
作者: gillian88 時間: 09-7-8 21:02 標題: 回覆 2# honeybbb 的文章
今天去咗培基,已收滿,要等後補,仲有冇好介紹?
作者: gillian88 時間: 09-7-8 21:07 標題: 回覆 3# cat0831 的文章
起過150人,女女應屬Band 1 尾,但派樂道真係好唔開心,D朋友家長都用B5來形容.
作者: phwong 時間: 09-7-8 21:14
原帖由 gillian88 於 09-7-8 20:05 發表
女兒係沙官小讀,成績全級60,屬中上.唔好彩派咗去樂道,呢兩天見咗幾間Band 1及Band 2學校都無消息,做媽媽的覺得好冇用,女女成績不算差,但我都找不到一間好小小的學校給她讀,浪費了她的努力.......我應該怎樣做? ...
Hi gillian88,
完全理解到你ge感受, 因為我ge情況同你差唔多, 女兒成績band 1 中, 派到第26志願, 間學校屬 band 3尾,尋日見到張成績單, 完全唔知點算, 又驚自己ge情緒影響個女(因為我都知佢自己都唔好受), 全日就周圍去叩門, 終於1日去左7間學校, 返到屋企, 成個人散哂; 越諗越唔開心, 結果自己喺房喊左出黎, 個女都終於忍唔住,喺佢自己房又喊埋出黎, 好彩有老公係度, 佢同個女傾完, 又開解埋我, 佢話唔緊要, 我地叩完津貼學校, 再去試吓直資學校, 我就係唔信我地個女一定要做"香港教育制度"下ge犧牲者, 我地唔可以咁容易放棄.....經過佢一輪開解, 我地兩母女都重新振作.....為左支持個女, 我知道我老公特登請假(佢份工其實都好忙),今日, 我地除左去一間津貼學校面試, 仲去左一間直資英中, 佢地即時要呀女筆試同面試, 結果佢收左呀女; 雖然呢間唔係我地心儀ge中學, 但係起碼俾呀女知道佢自己唔係咁差, 老公仲鼓勵呀女, 我地依家一步一步爬番上去.............所以我覺得你首先要穩定自己情緒, 仲要留意吓呀女ge情緒, 然後即時再作部署, 記住, 我地千萬千萬千萬唔可以放棄, 知道嗎 ???
如果有新進展, 入黎匯報吓, 互相鼓勵吓 OK !!!
作者: cat0831 時間: 09-7-8 21:25
原帖由 gillian88 於 09-7-8 21:07 發表
起過150人,女女應屬Band 1 尾,但派樂道真係好唔開心,D朋友家長都用B5來形容.
咁你女女應該係Band 1尾，Band 2頭，派位一睇成績，二睇間小學派位好唔好。
祝你可以扣到一間好學校。
作者: SinMiMi 時間: 09-7-8 21:37
Hi, gillian88 & phwong,
其實我同你地嘅情況一樣, 我都無phwong忍得, 一番到屋企已對住阿仔喊, 一直唔明點解, 但發洩完就要面對現實, 即刻行動搵學校, 好彩小學都好支持即刻幫我地打推薦信, 現在無論直資或津貼都呈左申請,等消息, 雖然一路唔明點解係自己個仔, 但亦要振作解決左先
所以大家派得唔好嘅媽咪互勉吧, 相信自己仔女嘅能力一定有好嘅中學收嘅, 努力!加油!
作者: phwong 時間: 09-7-8 21:58
原帖由 SinMiMi 於 09-7-8 21:37 發表
Hi, gillian88 & phwong,
其實我同你地嘅情況一樣, 我都無phwong忍得, 一番到屋企已對住阿仔喊, 一直唔明點解, 但發洩完就要面對現實, 即刻行動搵學校, 好彩小學都好支持即刻幫我地打推薦信, 現在無論直資或津貼都 ...
無錯, 我地要相信自己仔女嘅能力一定有好嘅中學收嘅 !
大家互相勉勵, 
大家互相支持, ADD OIL !!!
作者: samuel89 時間: 09-7-8 22:08
原帖由 SinMiMi 於 09-7-8 21:37 發表
Hi, gillian88 & phwong,
其實我同你地嘅情況一樣, 我都無phwong忍得, 一番到屋企已對住阿仔喊, 一直唔明點解, 但發洩完就要面對現實, 即刻行動搵學校, 好彩小學都好支持即刻幫我地打推薦信, 現在無論直資或津貼都 ...
請恕直言....其實band1尾同頭band2頭系大抽獎果陣有天淵之別.....相信你們既情況應該系子女實際系唔好彩跌入左band2組別.....你們又系第一志願揀選左band1既熱門學校....所以我覺得如果系band1尾一定唔可以"博"....只能當band2揀...不然真的會派到樓主講既band5學校....大錯鑄成...現只有揀一間比較好的....再叫小朋友重新發奮...等中2中3再靠實力叩門....
作者: gillian88 時間: 09-7-8 22:14 標題: 回覆 3# phwong 的文章
真係心痛得難以形容,唔知躲在那裡喊.....
個女好生性,中午同佢食lunch嗰陣,佢見我食唔落嘢,佢仲安慰我同我講"唔使担心媽咪,就算係邊間中學讀,我都會好比心機讀"聽完心更酸,女兒比我更堅強.
學校校長及老師都很好,校長俾咗三封信我地,D老師又週圍幫我地打探消息,無耐叩門位實在太少,幾百人爭幾個位,唔係直屬親朋都冇機會......
作者: gillian88 時間: 09-7-8 22:28 標題: 回覆 2# samuel89 的文章
選校時同班主任傾過,揀咗三間Band 1尾兩間Band 2中中,絕對係適合女兒的,我亦從不去高攀那些Band 1頭的地區名校,錯不在我們,我相信沒有一個家長會將自己子女完全降級去揀D Band 2或Band 3學校.
作者: phwong 時間: 09-7-8 22:33
原帖由 gillian88 於 09-7-8 22:14 發表
真係心痛得難以形容,唔知躲在那裡喊.....
個女好生性,中午同佢食lunch嗰陣,佢見我食唔落嘢,佢仲安慰我同我講"唔使担心媽咪,就算係邊間中學讀,我都會好比心機讀"聽完心更酸,女兒比我更堅強.
學校校長及老師都很好,校 ...
睇完你篇野, 雖然知道你為左派位ge事好唔開心, 但係另一方面, 見到你有個咁懂事, 咁生性ge女兒, 我地都為你感到開心, 自豪, 因為你個女年紀咁細, 已經懂得逆境自強ge道理, 你也應該感到安慰吧 !
繼續努力啦, 你地一定得ge !!!!
作者: phwong 時間: 09-7-8 22:39
原帖由 gillian88 於 09-7-8 22:28 發表
選校時同班主任傾過,揀咗三間Band 1尾兩間Band 2中中,絕對係適合女兒的,我亦從不去高攀那些Band 1頭的地區名校,錯不在我們,我相信沒有一個家長會將自己子女完全降級去揀D Band 2或Band 3學校. ...
TOTALLY AGREED！！！
如果我地唔信學校, 唔信老師,我地仲可以信邊個呢 ???
校長曾經不止一次叫我女兒進取啲, 去揀選band 1頭的學校, 反而我自己唔敢, 寧願揀選一些band 1中的學校, 結果............
作者: samuel89 時間: 09-7-8 22:41
原帖由 gillian88 於 09-7-8 22:28 發表
選校時同班主任傾過,揀咗三間Band 1尾兩間Band 2中中,絕對係適合女兒的,我亦從不去高攀那些Band 1頭的地區名校,錯不在我們,我相信沒有一個家長會將自己子女完全降級去揀D Band 2或Band 3學校. ...
照你甘講....更加証明你女兒好大機會唔好彩跌左入Band 2....你要知道遊戲規則系band1全部揀晒,先到band2揀.....甘可能你女兒唔好彩揀果間Band 1尾今年多左間Band 1揀來墊底......Band 2無左第一志願....第2,3志願再揀Band 2中中,都有機會失左先機啦.....不好意思,我只是以事論事....並不是有意說你們錯在去高攀那些Band 1頭學校...
作者: lilylilyli 時間: 09-7-8 22:55 標題: 回覆 5# gillian88 的文章
很理解你的心情，是否你選的三間Band 1 尾都很Hit 呢？介不介說出來？不要灰心，大家支持你，加油！
作者: samuel89 時間: 09-7-8 23:02
原帖由 phwong 於 09-7-8 22:39 發表
TOTALLY AGREED！！！
如果我地唔信學校, 唔信老師,我地仲可以信邊個呢 ???
校長曾經不止一次叫我女兒進取啲, 去揀選band 1頭的學校, 反而我自己唔敢, 寧願揀選一些band 1中的學校, 結果............ ...
我阿仔間學校既老師剛剛相反.....勁保守....
大抽獎果陣,小朋友肯定系band 1學生都只准揀一間佢地分好既熱門, 第2志願一定要揀穩陣既band 1尾學校....直到第5志願...老師都會俾意見...
但7/7派彩果陣.....我感覺全校d家長都大部分派到滿意既學校....所以我之前雖然唔贊同, (張試填表格我改到慘不忍睹)....但結果証明老師的確無錯....
作者: yanyan-mummy 時間: 09-7-8 23:11
其實會吾會老師誤解左?以我亞女間小學為例,band1有108人,考第108都可抽band1頭中學,跟隨機no,但考109就要揀band2中學,冇得話乜野band1尾band2頭,小學應該好清楚自己學校有幾多band 1,吾係立亂叫人博!
另我知好多官小係1/3 band 1,1/3 band 2, 1/3 band 3,如貴校150人,考60實為band 2!
你有試陳震夏,馮黃鳳亭嗎?
直資如培基已滿,試下出九龍?大埔羅定邦聽聞也不錯!
祝福您!!!
作者: gillian88 時間: 09-7-8 23:20 標題: 回覆 1# samuel89 的文章
我不是怪你,因為女兒呢幾期考試英文有A有B,中文只有B級,數學全部A,問她亦喜歡英中,加上老師意見,才這樣選校的,她校裡有考得好過佢嘅都派唔到,考得差佢又派到,只怪運氣唔好No.差,過算啦,對與錯都已過去了,唉!到今天都未有着落,明天就要註冊,唔知點算好?想聽聽你地意見,或者有無直資係好D嘅又仲有位?
作者: Allison 時間: 09-7-8 23:21
你們還好是brand 1 學生, 我的兒子是 brand 2 學生, 有直屬brand 1 中學,一心以為會收2/3小學同學, 但因為今年收1/2同學, 所以我的兒子不被取錄, 竟派左去 Brand 3 MOS TWGH Wong Fung Ling, 一見 F1 得120人即刻想C!!
現在還未有好消息!! Help!!
作者: 風繼續吹 時間: 09-7-8 23:36
直資試林大輝la, 又或者試Ｄ band 2 中中, 若女女英文好, 有餐士, 因為好多中中都要找Ｄ英文好的準備明年去微調
願主祝福你們
作者: samuel89 時間: 09-7-8 23:36
原帖由 gillian88 於 09-7-8 23:20 發表
我不是怪你,因為女兒呢幾期考試英文有A有B,中文只有B級,數學全部A,問她亦喜歡英中,加上老師意見,才這樣選校的,她校裡有考得好過佢嘅都派唔到,考得差佢又派到,只怪運氣唔好No.差,過算啦,對與錯都已過去了,唉!到今天都 ...
直資觀塘福建中學...如果你女兒有游泳獎項實入到....間中學有泳池,排名都一直升緊...應該入得過....
作者: natalieleung 時間: 09-7-8 23:39
完全明白你感受阿女中西區成績不差也排到第9志願，band 2尾，心也不甘，很失望也想大喊
，女兒也忍不住哭了，昨天也搵了6,7間學校，今天也行了5間，由西區搵到東區，再到南區，2天一共10幾間，行到2對鞋也爛了，双腳酸軟要搽安美露
祇留一點希望！
但另一角度想或者她會入到精英班讀得開心呢！阿女話今年一定要更加努力，祈望F.2可升上更好的學校
我覺得應該向女兒說出新校的優點及幫她取得更成績，或代明年才轉吧！加油
作者: np2000 時間: 09-7-8 23:46
唔好灰心,我個仔當年 band 1 全班第 一,都派到 band 2 中中, 叩了幾家英中都無位, 最後有一間 band 1 中中收佢,依家讀左幾年都 ok....佢呢間中學今年高考成績好好...所以唔好放棄....
作者: samuel89 時間: 09-7-8 23:51
原帖由 np2000 於 09-7-8 23:46 發表
唔好灰心,我個仔當年 band 1 全班第 一,都派到 band 2 中中, 叩了幾家英中都無位, 最後有一間 band 1 中中收佢,依家讀左幾年都 ok....佢呢間中學今年高考成績好好...所以唔好放棄.... ...
邊有可能呢....除非你自行無揀或者揀d超難入既超級名校....
作者: kathywg01 時間: 09-7-9 01:55
提示: 作者被禁止或刪除 內容自動屏蔽
作者: asinai 時間: 09-7-9 07:57
- 沙小今界P6是4班(上) 及 3班(下).>>>>>不是, gillian88這一屆上午校P.6有5班, 你的資料係 lai 近9月P.5 升P.6的.
- 水準上午班較突出.
- 但如你是下午班,及非首班, 结果便是意料之內. 你的校長- 應清楚學生的排位. 你有否在揀校前與老師清楚溝通了解.
- 過去幾年學校水準真是下滑了很多(突 ...>>>>>也不是, 過去兩年升中派位不錯 (上午校), 派獲英中率是上升的! 肯定不祇1/3 band 1!
[ 本帖最後由 asinai 於 09-7-9 08:11 編輯 ]
作者: asinai 時間: 09-7-9 08:33
Hi,
雖然小女不是今年升中, 但睇見派位派得不好的mami & 小朋友真係辛苦! 我想是你女兒的隨机no.太后+上選校太 hit 吧.....無論如何除英中外, 也試吓較好的中中la. 待明年女女努力做好成績再轉校!
昨天聽一個mami 講 (佢g 前打電話問的), 楊葛小琳來年F.1 會轉英數, 同埋佢地都收多左 band 1 生...有冇試 lei 間? 梁文燕呢?
希望快 d 聽到你 ge 好消息!
原帖由 gillian88 於 09-7-8 23:20 發表
我不是怪你,因為女兒呢幾期考試英文有A有B,中文只有B級,數學全部A,問她亦喜歡英中,加上老師意見,才這樣選校的,她校裡有考得好過佢嘅都派唔到,考得差佢又派到,只怪運氣唔好No.差,過算啦,對與錯都已過去了,唉!到今天都 ...
作者: kenny325i 時間: 09-7-9 08:43
千祈唔好放棄！
個遊戲規則雖然不合理，但亦只有跟住玩。
作為父母，盡左最大的努力，無論結果如何，都已對得住自已及對得住子女！
等你好消息！
作者: ymcat 時間: 09-7-9 09:36
gillian88,
若band1英中沒有回應，那你真的要試試其他中中，若女兒成績屬band1，胡忠本應有機，但到現時相信已失了先機，因她也有本身的擁躉。若今天仍未有著落，建議你去試葛小琳、陳楷、馬鞍山崇真，至於梁文燕、基督也可先打電話問問情況，因她們也相當多人叩門，今天的機會可能很低，但無論如何，不要放棄，希望在明天。
ymcat
原帖由 gillian88 於 09-7-8 20:05 發表
女兒係沙官小讀,成績全級60,屬中上.唔好彩派咗去樂道,呢兩天見咗幾間Band 1及Band 2學校都無消息,做媽媽的覺得好冇用,女女成績不算差,但我都找不到一間好小小的學校給她讀,浪費了她的努力.......我應該怎樣做? ...
作者: judy 時間: 09-7-9 09:43
原帖由 phwong 於 09-7-8 21:14 發表
Hi gillian88,
完全理解到你ge感受, 因為我ge情況同你差唔多, 女兒成績band 1 中, 派到第26志願, 間學校屬 band 3尾,尋日見到張成績單, 完全唔知點算, 又驚自己ge情緒影響個女(因為我都知佢自己都唔好受), 全日就 ...
我自已排序時，將所有band1學校排在前，然後才是band2，所以，如果我派到30位，仍是band2學校，决不会是band3的。(當然，我計過數，保証了名單中的總學位多過本區band1生)
如果派到的确是band3學校，有此結果只有三個可能性:
1. 孩子是band2,band3學生，或
2. 無端端將band3學校填上去，或
3. 上報成績時給調了位置。
有些學校水準奇低，band1、band2學生比率不高，學校視此為高度秘密，對家長、學生做出種種誤導。
有些學校教師、校長自己蠢就够了，却要求band1學生最多填上三個band1學校，然後幾個band2的，後面又填上band3的。他們視首三志願的百分比為政績指標，還登上网頁以誤道家長。而事實上，此政績指標毫無用處，只要填曬band3名校，此指標一定很高！
作者: kenny325i 時間: 09-7-9 10:00
沙官、聖心的情況本人比較瞭解(當然遠遠不及ymcat兄般全面)，全級考60，派去樂道，就連我都不接受，但是現在不是賽後檢討的時候，否則孩子會以為是父母的錯誤決定導致今次的結果。現在要做的是盡最後努力，為孩子爭取他應得的。努力爭取得來的，孩子會更加珍惜！
作者: tinetinew 時間: 09-7-9 10:19
hi,
如果唔介意直資可試土瓜灣顏寶玲(10號截止)或官塘福建(9號截止)!祝好運！
yuk hei mum
作者: 楊瑩 時間: 09-7-9 12:03
Hi gillian88,
我有朋友在2年 前,她的囡囡是band 1生,同樣派到band3 學校,第一二日也行了超過十間學校一樣沒有消息,她唯有先註冊,但她沒有放棄,後來她叩到聖安當,她拿回註冊再註冊,但她仍沒有放棄,最後她叩到蒙民偉,無論如何,不要放棄,希望在明天。
作者: samuel89 時間: 09-7-9 12:16
原帖由 楊瑩 於 09-7-9 12:03 發表
Hi gillian88,
我有朋友在2年 前,她的囡囡是band 1生,同樣派到band3 學校,第一二日也行了超過十間學校一樣沒有消息,她唯有先註冊,但她沒有放棄,後來她叩到聖安當,她拿回註冊再註冊,但她仍沒有放棄,最後她叩到蒙民偉, ...
如果真是band 1生,其實不應該填band3 學校...
因為只有1/3的學生一齊派..第6-10志願一定要填1~2間BAND2作保險,第10志願以後可以重填band 1學校, .....
但如果band 1尾跌入band 2頭...因大抽獎的隨機號碼關係,隨時唔好彩排到band 2最尾次序....甘就好大機會派到band3 學校....所以都系果句...如果全級5X以後名次,應該保險D當BAND2揀學校
作者: judy 時間: 09-7-9 12:22
原帖由 kenny325i 於 09-7-9 10:00 發表
沙官、聖心的情況本人比較瞭解(當然遠遠不及ymcat兄般全面)，全級考60，派去樂道，就連我都不接受，但是現在不是賽後檢討的時候，否則孩子會以為是父母的錯誤決定導致今次的結果。現在要做的是盡最後努力，為孩子爭取他應得的。 ...
如果樂道是band3學校，除排家長將它排得很前，不然不可能派到。
所以，最有可能是全級60已不是band1。
作者: samuel89 時間: 09-7-9 12:42
原帖由 judy 於 09-7-9 12:22 發表
如果樂道是band3學校，除排家長將它排得很前，不然不可能派到。
所以，最有可能是全級60已不是band1。
贊同X2....其實全級60老師已經唔可以肯定系唔系band1...雖然學校有數計, 但都難保其他學校突然成績好左, ....
作者: 11gk 時間: 09-7-9 13:06
原帖由 judy 於 09-7-9 12:22 發表
如果樂道是band3學校，除排家長將它排得很前，不然不可能派到。
所以，最有可能是全級60已不是band1。
我覺得除了頭幾位教統局會跟序排, 但排不到便會將你派去一些收生不足的學校, 有些被派到26/27的, 但排在前面的直資中學還有位呢!
作者: ZZdaphne 時間: 09-7-9 13:13
原帖由 judy 於 09-7-9 09:43 發表
我自已排序時，將所有band1學校排在前，然後才是band2，所以，如果我派到30位，仍是band2學校，决不会是band3的。(當然，我計過數，保証了名單中的總學位多過本區band1生)
：我都係咁做。不過要好肯定係band 1
如果派到的确是band3學校，有此結果只有三個可能性:
1. 孩子是band2,band3學生，或
2. 無端端將band3學校填上去，或
3. 上報成績時給調了位置。
有些學校水準奇低，band1、band2學生比率不高，學校視此為高度秘密，對家長、學生做出種種誤導。
有些學校教師
、校長自己蠢就够了，却要求band1學生最多填上三個band1學校，然後幾個band2的，後面又填上band3的。他們視首三志願的百分比為政績指標，還登上网頁以誤道家長。而事實上，此政績指標毫無用處，只要填曬band3名校，此指標一定很高！
：我都有同感，所以學校不能盡信，有些重要關鍵要家長調節
[ 本帖最後由 ZZdaphne 於 09-7-9 13:42 編輯 ]
作者: kychanhkg 時間: 09-7-9 13:29
沙官小有兩間聯系中學，一間是沙官中(Band 1)，另一間是梁文燕(band 2)，其實派位算幾穩陣，而妳女兒全級考60，有可能跌入Band 2組合，妳填表選校的排列太進取，老師應有責任提醒，應放沙官中或鄭榮之或郭德勝在第一志願，梁文燕第二志願，其他較好的中中如基督第三，咁就安全，始終今年學位減少，連好的中中也大競爭，因微調關系，好多家長先送小朋友入好的中中，適應中學生活，進而入精英班，一樣有機會用英語授課。唯今之計，只有繼續叩門，做後備生也好，因明天註冊過後，學校就知道還有多少個位剩(因為實有人轉校)，，所以不用灰心！萬一真的沒有其他學校選擇，就唯有去樂道，這校近年即極改革，校方嚴打壞學生，只要自己自強不息，立志在band 3校都要成尖子，便可成為發奮的動力，人家讀正生書院都可以考入大學，所以沒有什麼大不了。
作者: ZZdaphne 時間: 09-7-9 13:39
樓主嘅case 好值得參考，
3間band 1尾，2間中中都好有可能好多人填，
band 1 尾and band 2 頭都會咁填，
加上以後的係band 3,
結果如此。
沙田有14間英中，一定夠位給band 1 生，
只係填表出問題。
希望樓主叩門成功！！！
作者: connie1214 時間: 09-7-9 14:09
原帖由 gillian88 於 09-7-8 20:05 發表
女兒係沙官小讀,成績全級60,屬中上.唔好彩派咗去樂道,呢兩天見咗幾間Band 1及Band 2學校都無消息,做媽媽的覺得好冇用,女女成績不算差,但我都找不到一間好小小的學校給她讀,浪費了她的努力.......我應該怎樣做? ...
近幾年我都聽到有些沙官小的家長訴說派位都不大理想.
你現在吾好淨揀英中哪, 中中如果校風好都殺,你試下基督, 梁文燕, 馬安山聖約室, 歷源馮黃鳳亭都O.K.有無問過林漢光, 樂道校風馬馬地
作者: gillian88 時間: 09-7-9 14:52 標題: 回覆 1# connie1214 的文章
幸運之神終於沒有離棄女兒,今天一早到大埔羅定邦叩門,經面試後幸運收咗啦!真係開心到當塲喊咗出來.
到中午收到楊葛小琳電話可以再In,我住沙田,不太清楚大埔羅定邦情况,只知是英中Bank 1 , 大埔區近年是否很雜?楊葛小琳是中中,Bank 2 頭,如兩間比較,邊間好D?囡囡讀沙官上午校,近期成績中文BB,英文AB,數學AA,操行A-,以上兩間哪間比較適合(不計金錢及路途)?
作者: Allison 時間: 09-7-9 17:33
恭喜你!! 我的兒子仍然 outstanding!!
作者: tinetinew 時間: 09-7-9 17:43
hi,
恭喜你!
起碼有一校在手！
yuk hei mum
原帖由 gillian88 於 09-7-9 14:52 發表
幸運之神終於沒有離棄女兒,今天一早到大埔羅定邦叩門,經面試後幸運收咗啦!真係開心到當塲喊咗出來.
到中午收到楊葛小琳電話可以再In,我住沙田,不太清楚大埔羅定邦情况,只知是英中Bank 1 , 大埔區近年是否很雜?楊葛小 ...
作者: 595 時間: 09-7-10 11:11
如果係全級60，不是在精英班嗎？我一直以為只要是精英班，就是BAND ONE!
原帖由 asinai 於 09-7-9 07:57 發表
- 沙小今界P6是4班(上) 及 3班(下).>>>>>不是, gillian88這一屆上午校P.6有5班, 你的資料係 lai 近9月P.5 升P.6的.
- 水準上午班較突出.
- 但如你是下午班,及非首班, 结果便是意料之內. 你的校長- 應清楚學生的排位. ...
作者: ricetaster 時間: 09-7-10 11:31
羅定邦係因為無信心能再掛英中名銜(兩年前大埔英中包尾), 唔想落車才毅然轉直資, 今時今曰,大埔英中學位巳及夠分比全部大埔Band 1 生, 我相信羅只能收到 Band 2 生,包括本區或跨區。羅除咗英文教學無其他優點, 當買保險, 去到升中學已經唔係睇家長,你都管唔到、教唔到， 主要是學生質素同校風。
原帖由 gillian88 於 09-7-9 14:52 發表
幸運之神終於沒有離棄女兒,今天一早到大埔羅定邦叩門,經面試後幸運收咗啦!真係開心到當塲喊咗出來.
到中午收到楊葛小琳電話可以再In,我住沙田,不太清楚大埔羅定邦情况,只知是英中Bank 1 , 大埔區近年是否很雜?楊葛小 ...
作者: easonkinki 時間: 09-7-11 01:19
原帖由 phwong 於 09-7-8 21:14 發表
Hi gillian88,
完全理解到你ge感受, 因為我ge情況同你差唔多, 女兒成績band 1 中, 派到第26志願, 間學校屬 band 3尾,尋日見到張成績單, 完全唔知點算, 又驚自己ge情緒影響個女(因為我都知佢自己都唔好受), 全日就 ...
作者: asinai 時間: 09-7-11 23:01
suppose 係 or 5 袛. 樓主 g前話係隨機 no.差! btw, 老師話今年派位派得好好ah, 有人8X 都派到band 1英中! 5使道聽途說, 等你小朋友上到高小, 自然會有實際數字俾你睇.
原帖由 595 於 09-7-10 11:11 發表
如果係全級60，不是在精英班嗎？我一直以為只要是精英班，就是BAND ONE!
[ 本帖最後由 asinai 於 09-7-12 00:15 編輯 ]
作者: Henrymama 時間: 09-7-11 23:13
提示: 作者被禁止或刪除 內容自動屏蔽
作者: khmama 時間: 09-7-11 23:44
原帖由 楊瑩 於 09-7-9 12:03 發表
Hi gillian88,
我有朋友在2年 前,她的囡囡是band 1生,同樣派到band3 學校,第一二日也行了超過十間學校一樣沒有消息,她唯有先註冊,但她沒有放棄,後來她叩到聖安當,她拿回註冊再註冊,但她仍沒有放棄,最後她叩到蒙民偉, ...
BAND1生只要有填BAND2學校包底, 一定唔會跌落BAND3. 一間中學既BANDING係根據所收學生BANDING而定義, 一間BAND2學校既然收BAND2生, BAND1生派位會先過BAND2生, 試問又點會入唔到BAND2學校? 通常呢o的個案都係band2頭學生, 誤以為係band1生, 以至係抽獎時失咗先機, 至會派到好後既志願. 我覺得學校唔講清楚學生既banding真係害人不淺!
作者: samuel89 時間: 09-7-11 23:54
原帖由 khmama 於 09-7-11 23:44 發表
通常呢o的個案都係band2頭學生, 誤以為係band1生, 以至係抽獎時失咗先機, 至會派到好後既志願. 我覺得學校唔講清楚學生既banding真係害人不淺!
我覺得學校唔會唔講清楚學生既banding....甘做對學校毫無好處....所以應該系計錯分或者怕得罪家長講到模稜兩可.令到家長誤會左....
作者: catcatmom 時間: 09-7-12 10:21
2009年升中派位是採用2007年及2008年「中一入學前測驗」,可能老師比banding時候, 仲用2006年及2007年「中一入學前測驗」抽樣所得的平均成績%做參考. 所以比錯banding, 最後又無同家長講清楚, 甘其實今年這間學校考60名已不是band1生, 如果學校肯講清楚, 就好似我個街坊甘講明係band2生, 佢亞媽第一志願選馬鞍山胡中, 這校是band2既first choice, e+讀得好開心, 另一個band2生去了培基, 又5冼抽.
而來年2010都係用今年banding%.睇下d學校點交代banding%, d老師 & 校長 做錯, 都影響好大. 可能害了小朋友一生都唔定. 請各位校長與老師三思, 唔好為了學校個名, 應以學生為重. 因我睇另一topic,又係另一家長band1生派band2尾中學, 可能真係剛轉新既banding%, 部份學校校長&老師都烏烏下.
原帖由 samuel89 於 09-7-11 23:54 發表
我覺得學校唔會唔講清楚學生既banding....甘做對學校毫無好處....所以應該系計錯分或者怕得罪家長講到模稜兩可.令到家長誤會左....
作者: Henrymama 時間: 09-7-12 10:59
提示: 作者被禁止或刪除 內容自動屏蔽
作者: coronet 時間: 09-7-12 11:02 標題: 對！老師的資料不一定準確。
原帖由 catcatmom 於 09-7-12 10:21 發表
2009年升中派位是採用2007年及2008年「中一入學前測驗」,可能老師比banding時候, 仲用2006年及2007年「中一入學前測驗」抽樣所得的平均成績%做參考. 所以比錯banding, 最後又無同家長講清楚, 甘其實今年這間學校考60 ...
學校也不一定透明。
首先，學校只說上年全校有超過四成人入到英中。並沒有詳述中學的分佈。
抽獎時，因小女排在全校前三分一，老師說可以進取一些，叫我們改排位，一改就...
現在回頭看， 就算全校有超過四成人入到英中，也不一定代表頭三四成同學是band 1, 因爲那些入到band 1的，有部份是自行時取錄，有部份是敲門入的，也有部份是入直資英中的。
Play safe la
作者: twiggycheng 時間: 09-7-12 11:10
原帖由 samuel89 於 09-7-8 23:51 發表
邊有可能呢....除非你自行無揀或者揀d超難入既超級名校....
都唔係無可能嘅!
佢只係全班第一而唔係全級第一, 而且都要睇全校同其它學校的水準比較。例如全校有10個學生, 個個都唔讀書, 畀你考第一都冇用。
作者: twiggycheng 時間: 09-7-12 11:20
原帖由 khmama 於 09-7-11 23:44 發表
BAND1生只要有填BAND2學校包底, 一定唔會跌落BAND3. 一間中學既BANDING係根據所收學生BANDING而定義, 一間BAND2學校既然收BAND2生, BAND1生派位會先過BAND2生, 試問又點會入唔到BAND2學校? 通常呢o的個案都係band2 ...
同意你的說法。
小學唔會知pre-s1嘅成績，講俾學生知佢嘅banding都係估估吓，靠以前派位情況估計，所以邊緣位置好難講。我覺得樓主最後可能係band 2，而隨機編號又好後， 結果派到band 3學校。
[ 本帖最後由 twiggycheng 於 09-7-12 11:23 編輯 ]
作者: ytpeople 時間: 09-7-12 11:43
第二次呈分試後，我女學校班主任講得幾清楚。考全級70名之前係band1，70幾有機會係band1(邊緣人較危險)，8x-1xx係band2，1xx之後係band3
除非係邊緣人，否則我女班每個同學都可知道自己banding的。
如果唔講學生banding的學校，係咪太少band1學生的學校就會這樣？
原帖由 samuel89 於 09-7-11 23:54 發表
我覺得學校唔會唔講清楚學生既banding....甘做對學校毫無好處....所以應該系計錯分或者怕得罪家長講到模稜兩可.令到家長誤會左....
作者: Skywan 時間: 09-7-12 13:06
我兒9月升 P.6 所以看見樓主及你們的資料都很擔心小兒來年.... 成績都ok(我自己念)但佢操行不太好....所以想收集多些資料, 希望各位家長指教下, TKS!
Hi, ytpeople, 我有些不明因參考其他bk 家長的資料band 1,2,3 比率一般不是 1/3 band 1, 1/3 band 2, 1/3 band 3 請問對嗎?
如按這样的比率 70名之前是 band 1, 貴校 P.6 全級人數約200人? 咁貴校 7/7 派位時結果是否真的按照此得出升中百份比? 請指教。
如小朋友真的是每個 banding 的邊緣人, 咁老師有無提供選考意見給家?
p.s. 恭喜扣們成功家長 !
原帖由 ytpeople 於 09-7-12 11:43 發表
第二次呈分試後，我女學校班主任講得幾清楚。考全級70名之前係band1，70幾有機會係band1(邊緣人較危險)，8x-1xx係band2，1xx之後係band3
除非係邊緣人，否則我女班每個同學都可知道自己banding的。
如果唔講學生banding的學 ...
作者: samuel89 時間: 09-7-12 13:23
原帖由 ytpeople 於 09-7-12 11:43 發表
第二次呈分試後，我女學校班主任講得幾清楚。考全級70名之前係band1，70幾有機會係band1(邊緣人較危險)，8x-1xx係band2，1xx之後係band3
除非係邊緣人，否則我女班每個同學都可知道自己banding的。
如果唔講學生banding的學 ...
全級210人,考全級70名之前係band1， <----系原校可以甘講....但去到全港就唔應該甘肯定....我覺得保守d60名內先好當係band1...如果穩陣既40~60都要保守d啦....
會唔會你聽你女學校班主任講忽略左原校同全港既分別呢...
作者: ytpeople 時間: 09-7-12 16:50
我相信小女班主任係講全港(她說根據上一屆的banding推測)。原帖由 samuel89 於 09-7-12 13:23 發表
全級210人,考全級70名之前係band1，
作者: tinetinew 時間: 09-7-12 17:07
hi,
我亞仔間小學就唔係太想講,班主任知我有直資收就唔抽獎更唔太想講!果時我亞仔in咗學校,但未有消息,我都好想知道佢嘅真正banding(大約都好),等我心中有個預算嘛,點知都係...係三月尾有學校收,我諗都唔諗就去註冊,最多七月份再去叩門,好過到時派位唔好就徬徨!我之前係報憂區落個個post,嗰位小朋友到而家重未揾到學校收,好慘！
yuk hei mum
原帖由 samuel89 於 09-7-11 23:54 發表
我覺得學校唔會唔講清楚學生既banding....甘做對學校毫無好處....所以應該系計錯分或者怕得罪家長講到模稜兩可.令到家長誤會左....
作者: ytpeople 時間: 09-7-12 17:08
以我所知，學生banding係應該係全港小六學生的成績來分，即頭1/3屬band1、中間的1/3屬band2、尾1/3屬band3。
我女小學全級21x人，全級派位我不清楚， 所以抱歉未能與你分享。
操行方面，我諗通常班主任為了學生能找到理想中學，應該會比得鬆手d，除非操行太差，否則都有B的。唔知其他家長同唔同意呢？原帖由 Skywan 於 09-7-12 13:06 發表
我兒9月升 P.6 所以看見樓主及你們的資料都很擔心小兒來年.... 成績都ok(我自己念)但佢操行不太好....所以想收集多些資料, 希望各位家長指教下, TKS!
Hi, ytpeople, 我有些不明因參考其他bk 家長的資料band 1,2,3 ...
[ 本帖最後由 ytpeople 於 09-7-12 17:13 編輯 ]
作者: tinetinew 時間: 09-7-12 17:21
hi,
認同!如小朋友真的在校屢勸不改,我想班主任俾個B-,其實同C+/C冇分別,因好多學校最低要求要操行B!
yuk hei mum
原帖由 ytpeople 於 09-7-12 17:08 發表
操行方面，我諗通常班主任為了學生能找到理想中學，應該會比得鬆手d，除非操行太差，否則都有B的。唔知其他家長同唔同意呢？
[ 本帖最後由 tinetinew 於 09-7-12 17:25 編輯 ]
作者: ricetaster 時間: 09-7-12 21:20
一般學校提供給學生家長嘅 Banding應該限於本區, 這些資料主要係大抽獎之用, 學校亦無全港排位嘅資料, 只能以上一至二年派位作出推算。佢哋亦無中一編班試的成績及排位。除甲部係計全港Banding 外, 乙部大抽獎只計本區 Banding , 我心目中最頭痛係Band 1 尾嘅學生, 高估咗自已成績而選校好大鑊, 一個唔該就派到好後。以我所知, 呈分試係校內排位, 之前嘅中一編班試就係將你師兄/姊考獲的分數, 放入下一年相同排名嘅師弟/妹身上, 所以升中一學生身上有一個分數就係和你上年全級同名次嘅師兄/姊上年編班試嘅分數, 呢個分數就决定咗你學校本年在本區或全港有幾多個 Band 1 生。
原帖由 ytpeople 於 09-7-12 17:08 發表
以我所知，學生banding係應該係全港小六學生的成績來分，即頭1/3屬band1、中間的1/3屬band2、尾1/3屬band3。
我女小學全級21x人，全級派位我不清楚， 所以抱歉未能與你分享。
操行方面，我諗通常班主任為了學生能找到理想中 ...
作者: samuel89 時間: 09-7-12 21:44
原帖由 ytpeople 於 09-7-12 16:50 發表
我相信小女班主任係講全港(她說根據上一屆的banding推測)。
點解唔叫班主任解釋清楚呢? 考50~70照道理班主任唔會用肯定屬band1或band2甘同家長講.....因為最後結果系教署計出來....學校果個結果只系推測出來咋...
作者: ytpeople 時間: 09-7-13 11:54
因當時我已決定替小女報考直資中學，慶幸已獲取錄，所以沒有深究此問題。原帖由 samuel89 於 09-7-12 21:44 發表
點解唔叫班主任解釋清楚呢? 考50~70照道理班主任唔會用肯定屬band1或band2甘同家長講.....因為最後結果系教署計出來....學校果個結果只系推測出來咋... ...
作者: catcatmom 時間: 09-7-13 13:58
我剛剛同教育局既官傾了半小時tel, 因自己都會面對這問題,所以特別關心此事, 不是8掛而已. 個接電話既人, transfer條line比一個負責人. 我講了些假設例子, 佢話其實今年好多學校估錯自己banding%, 教育局有個模擬系統比學校去計formula, 但實際banding數目學校是不知的, 只有教育局個電腦才知排名, 但不會公開, 因政府不想標籤每個學生.
而今年中一派位是用剛過去師兄/姐(07-08)中一入學試既成績作準則, 而舊年中一派位%就用06-07中一入學試既成績.
例如同一小學舊年3次平均程分成績是全級80名e+已是英中既林漢x(假設)既中一生, 與今年考80名可能只派到band2中中.
重複:教育局說學校只能靠估,佢地無實質banding數據係手, 唔知1至去到幾多名為止係band1生,可能只用番上年banding來做準則, 但個官甘講, 學校老師教書甘多年, 都大概知道今年d學生成績係差過舊年, 教育局已是提醒d學校要有5%既上落差異, 學校唔應該太樂觀overestimate 自己d學生, 她還說:今年有好多小學個差異係十幾%,例如以往100名都係band1, 而今年8x名已不是了.
她還說如果真係band1生, 可以係第三round knock門, 如無學校收, 就証明自己小朋友既成績係"點", 就算張成績表全部A都無用, 出去就立見高下.
以上剛同教育官傾完既內容, 我年紀大機器壞, 表達唔夠清楚的話, 唔好質疑我, 而且個個官講野有少少出入,即表達上問題,各位家長可自己打去教育局一問.
補充少少, 如果個case係考60名, 派了band3, 好可能已是band2.而有同校同界生考80, 可能真係有可能派band尾英中, 因大家都係band2, 但考得後d個位, 可能隨機no好正, 因band2頭同band2中/尾的機會相同, 拿了好前既隨機no, 排係band1之後, , 甘可能被果過同學sip到入去無甘受歡迎既英中. 這個假設有可能, 因沙田有13/4間派位英中.
[ 本帖最後由 catcatmom 於 09-7-14 14:19 編輯 ]
作者: johnmon 時間: 09-7-13 17:15
原帖由 samuel89 於 09-7-8 22:08 發表
請恕直言....其實band1尾同頭band2頭系大抽獎果陣有天淵之別.....相信你們既情況應該系子女實際系唔好彩跌入左band2組別.....你們又系第一志願揀選左band1既熱門學校....所以我覺得如果系band1尾一定唔可以"博"... ...
Samuel89,
我同意你的說法，因我囝囝的學校banding可說是個例子，照說全校180人，應頭1-60是band one，但老師告訴我兒那班頭1-50名才肯定是band one，這樣5X-10X便是band two，而band two有些家長想博英中，固此便填一/兩間英中在頭，最後連band two 的學校也派不到。反而band three 的家長肯面對現實，填band three的學校，結果便派到第一志願。 有不服氣的家長打電話向教署查詢，他們說：「你兒在校雖是band two成績，但報上來時則要加以調整（暗示學校的banding有所變動，因校在九龍城被其他勁校拉低，而且學校是不知自己的banding，只有中學才知）」
[ 本帖最後由 johnmon 於 09-7-13 23:35 編輯 ]
作者: dad1234 時間: 09-7-13 21:10
原帖由 catcatmom 於 09-7-13 13:58 發表
她還說如果真係band1生, 可以係第三round knock門, 如無學校收, 就証明自己小朋友既成績係"點", 就算張成績表全部A都無用, 出去就立見高下.
呢句好正
作者: johnmon 時間: 09-7-14 00:08
萬一真的沒有其他學校選擇，就唯有去樂道，這校近年即極改革，校方嚴打壞學生，只要自己自強不息，立志在band 3校都要成尖子，便可成為發奮的動力，人家讀正生書院都可以考入大學，所以沒有什麼大不了。
我的中學數學老師是何文田樂道畢業的（那時已是band 5），他在中學後順利升讀中大，很有愛心，到現在我還記得他。不要放棄，只是路途崎嶇一點而已，一樣可行。
作者: johnmon 時間: 09-7-14 10:34
原帖由 gillian88 於 09-7-9 14:52 發表
幸運之神終於沒有離棄女兒,今天一早到大埔羅定邦叩門,經面試後幸運收咗啦!真係開心到當塲喊咗出來.
到中午收到楊葛小琳電話可以再In,我住沙田,不太清楚大埔羅定邦情况,只知是英中Bank 1 , 大埔區近年是否很雜?楊葛小 ...
恭喜你！無論最後選那間中學，都已一天光哂！
作者: johnmon 時間: 09-7-14 15:50
原帖由 ricetaster 於 09-7-12 21:20 發表
一般學校提供給學生家長嘅 Banding應該限於本區, 這些資料主要係大抽獎之用, 學校亦無全港排位嘅資料, 只能以上一至二年派位作出推算。佢哋亦無中一編班試的成績及排位。除甲部係計全港Banding 外, 乙部大抽獎只計本 ...
我同意數據分析的說法，但隨機no.也很重要，我兒的學校則有一個經典個案可以跟大家分享，有一位同學考全級150/180，他把陳中放在第一志願，結果真的入到，另有一位同學肯定是band one，他把陳中放在第三志願，結果入不到，只能入到第四志願──沙X（還好他肯入沙田區）。 所以也不能盡說band one 同學一定入band one 學校，這位同學算好了能入到第四志願，最多路途遠一點。 我兒的另一位同學真的是band one 生但入了蔡功譜中學（band three）
作者: samuel89 時間: 09-7-14 16:23
原帖由 johnmon 於 09-7-14 15:50 發表
我同意數據分析的說法，但隨機no.也很重要，我兒的學校則有一個經典個案可以跟大家分享，有一位同學考全級150/180，他把陳中放在第一志願，結果真的入到，另有一位同學肯定是band one，他把陳中放在第三志願，結果入不到，只能入到第 ...
你個個案無可能, 就算band one果位跌左去band2隨機no.又好後...陳中有位都系佢入先, 無可能band3入到band one入唔到...除非band one果位將入左果一間(沙X)排在陳中前面...先有可能你講既情況出現
[ 本帖最後由 samuel89 於 09-7-14 16:25 編輯 ]
作者: marius 時間: 09-7-14 16:48
呢d case肯定唔係band1。
作者: Henrymama 時間: 09-7-14 22:53
提示: 作者被禁止或刪除 內容自動屏蔽
作者: gillian88 時間: 09-7-15 00:48 標題: 回覆 1# Henrymama 的文章
好似我囡囡咁,成績60/150,上午校精英班,同校三位小明友大家首選沙官英中,有位考40幾的派唔到,派左間Band 2中中,我地考60又派唔到派間Band 3,有個考80幾派到沙官Band 1英中,我真係唔明!
呢幾日簡直跌落谷底(到註冊果日都未找到學校),呢兩日收到兩間打電話來叫你去佢度,算啦,真係唔想再唸返轉頭,恐怖的回憶......
對於咁嘅教育制度,真係失望到極點,希望明年升中的家長真係要認真考慮清楚,怎樣避開這陷阱.
作者: marius 時間: 09-7-15 01:06
其實考幾多，係指邊一次試呢？計banding係要睇晒三次的平均，再排名次，呢個名次所有學生都無從得知。 因為第一次考試名次相差20名，可能總分數只係差五分；而第二次及第三次呈分試名次只差5名，但實際總分數相差二十分，咁平均起上，真係唔知邊個高的？！ 要認真計過先知。
呢d數真係唔係咁多人能明白和接受。無奈！
好似上面位朋友，60/150，係指三次考試平均(不過冇可能知)，還是其中一次呢？而按牌面看，150人，1/3應為50，可能學校以往成績幾好，band1多過1/3，故如果真係排60好可能係band1尾。但今年加入了去年的分班試的成績作調整，有家長指問過教局，有d學校band1比率跌1x%，咁60就有可能剛剛跌落band2頭，時也運也。
而有d所講的成績較後的都派到，可能佢頭二次成績唔錯，第三次差了拉低。但自行收生時只計頭兩次的成績，可能佢高呢？！又可能有d特別才能學校好喜歡呢？！咁自行時已經收，根本唔駛睇最後次試的成績。
另外，可能band1抽完，間學校剩番幾個位比band2抽，咁大家都band2，就真係要講運氣！
其實沙田英中額多過band1生，冇可能派唔到。
[ 本帖最後由 marius 於 09-7-15 18:10 編輯 ]
作者: catcatmom 時間: 09-7-15 12:52
我又想起當年朋友同我講, 佢個女讀stxx 女校, 第一次呈分係全級26名, 6年級上學年急降6x名, 跟著好緊張, 最後第3次考試去番40名, 亦可升回原校, 因80名係band1安全web.
但選校時已考曬三次考試, 家長應該心中有數.
作者: johnmon 時間: 09-7-15 16:28
原帖由 samuel89 於 09-7-14 16:23 發表
你個個案無可能, 就算band one果位跌左去band2隨機no.又好後...陳中有位都系佢入先, 無可能band3入到band one入唔到...除非band one果位將入左果一間(沙X)排在陳中前面...先有可能你講既情況出現 ...
原帖由 trouble-mum 於 09-7-14 19:56 發表
聽講沙田band1小學培基有一班十幾人考到一間幾近band3的學校, 補習社仲話有7至9個band2派到沙崇! 又有人話沙呂在band1中上的學生很多派往林漢光, 不知搞甚麼,有家長話可能教局要balance翻啲學校級數!???
有無人 ...
絕對無花無假，因那位派第四志願的家長跟我說的。而派第一志願的band three同學，則是校長說的。
作者: samuel89 時間: 09-7-15 16:51
原帖由 johnmon 於 09-7-15 16:28 發表
絕對無花無假，因那位派第四志願的家長跟我說的。而派第一志願的band three同學，則是校長說的。
甘另一可能佢2個都唔系同一屆升中....
作者: catcatmom 時間: 09-7-15 19:23
//原帖由 trouble-mum 於 09-7-14 19:56 發表
聽講沙田band1小學
培基有一班十幾人考到一間幾近band3的學校, 補習
社仲話有7至9個band2派到沙崇! 又有人話沙呂在band1中上的學生很多派往林漢光, 不知搞甚麼,有家長話可能教局要balance翻啲學校級數!???
有無人 ... //
我係另外一個topic, 想問今年有無band1生放沙祟第2而抽到, 聽完上述媽咪講, 想有d回應.
我街坊個仔沙呂小好top果班, 我聽講佢唔想個仔入沙呂中, 因自己個仔好TOP, 想去曾XTIM, 最後自行考喇小, 甘如果唔太top喇小都唔比佢in啦! 佢把呂中放第一, 沙祟第二, 林漢光第三, 佢派了第三林漢光, e+好唔開心! 如派到甘前既第三林漢光, 佢應該都仲係band1, 甘BAND2生派沙祟機會好低喎! 點解沙祟有BAND2入到, 佢這期真係好紅, 又有新校舍, 唔係好信BAND2入到.
[ 本帖最後由 catcatmom 於 09-7-15 19:28 編輯 ]
作者: johnmon 時間: 09-7-15 21:25
我街坊個仔沙呂小好top果班, 我聽講佢唔想個仔入沙呂中, 因自己個仔好TOP, 想去曾XTIM, 最後自行考喇小, 甘如果唔太top喇小都唔比佢in啦! 佢把呂中放第一, 沙祟第二, 林漢光第三, 佢派了第三林漢光, e+好唔開心! 如派到甘前既第三林漢光, 佢應該都仲係band1, 甘BAND2生派沙祟機會好低喎! 點解沙祟有BAND2入到, 佢這期真係好紅, 又有新校舍, 唔係好信BAND2入到.
咁就只有天知，地知和教署知，而我們不知。
作者: ntefamily 時間: 09-7-15 21:28
提示: 作者被禁止或刪除 內容自動屏蔽
作者: ntefamily 時間: 09-7-15 21:40
提示: 作者被禁止或刪除 內容自動屏蔽
作者: judy 時間: 09-7-16 10:19
老師
話佢係band 1, 仲叫佢第1志願填間band 1 top英中, 但第2志願卻填band 2 中的中中, 卒之入左第2志願!
既是band1，就有先選權，band1選剩才輪到band2，咁淺的道理都唔識，真係極品，最適合做教師了。
作者: ntefamily 時間: 09-7-16 10:55
提示: 作者被禁止或刪除 內容自動屏蔽
作者: @Ivan 時間: 09-7-16 11:07 標題: 回覆 88# ntefamily 的文章
而家D 
極品好多
我個女升小5
我問學校副校長升中D分點計
佢都答唔到 呵～ 真喺好專業～
作者: kathy615 時間: 09-7-21 14:47
原帖由 ntefamily 於 09-7-16 10:55 發表
我仔的班主任一樣是極品, 連本區(大埔)的band 1位都計錯, 話大埔的英中位少於本區band 1生, 我莫名其妙, 原來佢無計甲部的10%學位! 所以我填志願都無咩聽佢的意見, 終於派到第一志願.
反而隔離班的band 1生聽曬 ...
你好呀!! 我個仔明年升中，都係大埔區。睇晒之前的內容都有D擔心阿仔既情況，班主任都唔肯講佢5年級呈分試全級考第幾，只知中B、數A、英B、常B。我想知道填表時先選BAND1、BAND2、再選BAND1得唔得架? 我唔係好想佢入BAND3中學呀!!另填表時只選8間中學，其他唔填，有無問題呢?
你仔仔讀邊間中學呀? 我可能選沐恩或王肇枝，佢地好似容易D入到。
希望你比D意見啦!! 謝謝!!
作者: samuel89 時間: 09-7-21 15:07
原帖由 kathy615 於 09-7-21 14:47 發表
你好呀!! 我個仔明年升中，都係大埔區。睇晒之前的內容都有D擔心阿仔既情況，班主任都唔肯講佢5年級呈分試全級考第幾，只知中B、數A、英B、常B。我想知道填表時先選BAND1、BAND2、再選BAND1得唔得架? 我唔係好想佢入BAND ...
唔使太心急...班主任遲d會講同埋會講埋你仔系BAND幾....到時其實最緊要知系BAND1or尾.....BAND1頭orBAND1尾選學校真系2回事...
作者: judy 時間: 09-7-21 15:12
冇問題，我都係填左13家。不過，我計過此13家所提供之學位，比孩子所属band1的學生仲多。
有數可計，你有冇計到？
作者: ntefamily 時間: 09-7-21 15:15
提示: 作者被禁止或刪除 內容自動屏蔽
作者: kathy615 時間: 09-7-21 17:29
原帖由 samuel89 於 09-7-21 15:07 發表
唔使太心急...班主任遲d會講同埋會講埋你仔系BAND幾....到時其實最緊要知系BAND1or尾.....BAND1頭orBAND1尾選學校真系2回事...
Thanks a lot !!!
作者: kathy615 時間: 09-7-21 17:31
原帖由 judy 於 09-7-21 15:12 發表
冇問題，我都係填左13家。不過，我計過此13家所提供之學位，比孩子所属band1的學生仲多。
有數可計，你有冇計到？
Judy:
Thanks !! 點樣計架? 麻煩你教我呀!!
作者: 草帽 時間: 09-7-21 17:42
我個女都喺係沙田區，竟然派咗第十志願!
佢有同學派到十二志願，也有派到沒有填的學校，你話恐唔恐怖?!!!
我真喺好想知樓主結果去咗大埔定喺楊葛小琳?
我用咗好多日才可以接受亞女咁嘅派位，叩門又無消息，唯有接受啦。
作者: kathy615 時間: 09-7-21 17:45
原帖由 ntefamily 於 09-7-21 15:15 發表
kathy615,
只知中B、數A、英B、常B係無用的, 要確實知道小朋友的排名及去年你仔學校有幾多band 1生(不包括直資英中生)才可計算到你仔的banding, 如band 1頭, 中 or 尾, 如老師同你講是band 1尾, 咁就要好小心, 因為 ...
多謝你拱快覆我!! 我諗開學時我要即問老師多一次先得!!
阿仔讀大埔循道，老師只說過今年有80個入讀BAND1，但唔知有幾多個係直資。阿仔可能係BAND1尾到..上學期試個考60幾..下學期時都有進步到..但唔知其他小朋友有無進步喎...。
E呢仔仔讀沐恩呀..之前有無去叩門架?
Thank you !!
作者: ntefamily 時間: 09-7-21 19:35
提示: 作者被禁止或刪除 內容自動屏蔽
作者: kwan9104 時間: 09-7-21 22:02
我仔仔今年升中，佢係大循讀，今年學校只係肯講他是BAND 中，唔肯講名次。但老師有心機替每個學生睇一次填表，派咗第一志願去MST，而其他學生今年亦派得唔差，佢嗰班有10個去迦密、6個去MST等等‧‧所以學校和老師意見會對結果出入好大。
作者: ntefamily 時間: 09-7-21 22:44
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |