教育王國
標題: Band1尾Band2頭中中想開英文班，談何容易！ [打印本頁]
作者: 櫺囹桼 時間: 08-7-23 23:33 標題: Band1尾Band2頭中中想開英文班，談何容易！
最近先有時間消化完孫公之《微調論》，並附上個人見解，如有錯漏請提出以便修正！
【星島網訊】香港沿用十年的中文中學及英文中學分流政策將壽終正寢。教育局局長孫明揚6月6日表示，最快於明年9月推行“微調”教學語言政策，容許學校透過初中分班推行英文教學。如每班有八成半學生達標便可成為英文班，估計香港有一半中學可開設英文班。
*壽終正寢~計我話換多幾十個教育局長英中分流政策都未死！
*微調~一早講明係微調，“微”嘅意思係稍為、略為….看官應有心理準備，到時唔好插孫公，人哋縱橫官場幾十年，講野肯定叻過你放屁！
*一半中學可開設英文班~純粹數字遊戲，唔係話有一半中中可以開英文班，而係話全港有一半中學可開設英文班(原有英中、國際、直資…無話唔包含在內！)
香港《星島日報》報道，孫明揚昨與傳媒會面時表示，會堅持要求學校需達到學生能力、教師英語水準及學校配套設施三大原則，才可推行英文教學，將來不再以學校分流，學校如每班有八成半學生，成績屬香港中一生的前列四成，便可成為英文班，如學生成績有進步，學校可申請於中二時增開英文班的數目。
*前列四成~即屬全港band1生加少許band2頭學生先有資格，係唔係叫“首四成”適合d？不過banding有分全港性及地區性，地區性band1不等如全港屬band1~如果有唔明白可向在校老師查詢！
孫明揚表明不鼓勵學校以“英文書、中文教”，亦不傾向以分科推行英文教學，認為這是漠視了學生的能力，“學生都聽不懂，上課時會口啞啞。”他指，除非學校可提交“強而有力”的計劃，否則難以接納分科英語教學。
*即係“清明乳豬”唔憂賣，要買只能一隻隻買，唔可以一斤斤秤！
但他表示，學校可在中文班以不超過兩成半的課時推行英語增潤教學，“用母語教完後，可再用英文教一些相關用詞。”他強調，有關教師亦須達到英語教學的要求，即會考英文科（課程乙）C級或以上，高級程度會考英語運用科取得D級或以上等。
孫明揚不擔心沒有足夠教師推行英語增潤教學，“不夠教師可以不做，而且教師英語水準也可以改善的。”
*可以不做~你就算有足夠“達標”老師也未必有足夠“達標”學生；孫公當然唔會擔心二打六中學開英文班之問題！
他預計，最快可于2009學年推行“調微”政策，估計屆時全港約有一半中學可申請開設英文班，他不諱言：“可能有英中被逼開中文班，他們需要面對現實。”
*英中被逼開中文班~傳統英中屆時就會將直屬、聯繫小學之band 2生拒諸門外以求自保！在好多人心目中只要一日為英中就是永遠的英中；因為自九七年起只批准104間中學繼續使用“外語”教學，況且部份頂教育局唔順~已轉直資、中中轉英中無門~英中只會越賣越少、絕對不會越來越多！那今年開兩班明年得一班英文班之中文中學如何與之比擬？
2009學年中一每班人數將由現時的38人減至36人，即約取錄三十名達標的學生便可開英文班。
*問題係部份地區名校，連年收足九成以上band 1生，而且亦一早在中四、中五轉為英語授課，相信無論係收“首四成”學生方面、在師資方面…一定比中四、五仍然繼續用母語教學之中文中學稍勝一籌！我相信好多家長最怕係一d中學勉強湊夠三十人去開一班英文班，但要叫埋校長、主任…先有足夠“達標”老師去教！所以“首四成”之父母都會集中垂青過去收band1生比例較多之中文中學，而不會把兒子投資落一間有兩個“未知數”之中中去！咁樣只會再次製造標籤效應，“首四成”將會以傳統英中為首選、地區英中為次選、過去幾年收band1生比率高之中中為三選，甚他band1尾band2頭中中想分一杯羹，談何容易？
現時約有兩成半學生接受英語教學，孫明揚指，如將來成績屬前列四成的學生可接受英文教學，較現時多約一半。他又否認，推行“微調”政策是因為母語教學失敗，認為不是每名學生也聽得懂英語授課，母語教學有助學生學習。
*個人相信全港中文中學不會超過100間(以目前超過400間中中計)有得開英文班，而開英文班之中中八九成都會開到四至五班(如北區田家炳李嘉誠、觀塘梁式芝、元朗信義、白約翰、盧幹庭、屯門田家炳、譚伯羽、馬可賓、離島章馥仙、
黃人仙何蔭棠、荃灣王少清、觀塘蒙民偉、葵青八三、陳兆民、東區民生…等等，如有錯失遺留，純粹007資料太落後！
，其餘一兩成中中只能開一兩班！唔好忘記2009年升中人數與今年相若(71,xxx人)，但到2010年得64,986人、2011年得59,613人、2012得60,134人(2013年簡直少到唔好意思打出嚟…)…咁樣計首四成人數只得24,000 ~ 26000人、以一班36人、一校有5班…133~144間中學已足夠容納哂(以現時一百間英中、十幾廿間較好之直資英中、幾十間band1中中…)，試問而家唔係收開九成以上之band1生之中中，邊有運行？Band2中中想開英文班，唯一途徑係轉行搞直資呃下唔知碇之家長而已！
教育局亦會制定監察措施，孫明揚透露，考慮與學校簽署約章，透過網頁公佈學校的教學語言安排，亦可透過傳媒每月公佈學校的情況，由公眾監察。他表示，學校不會每年改動英文班數目，但未決定多少年會轉變一次。
除了中學的教學語言改革，孫明揚表示，亦將檢討小學的英文科教學，他期望在十年內，全面提升小學生英語水準，屆時所有學生升中時可中英兼擅，接受中、英文教學亦沒問題。
007
[ 本文章最後由 櫺囹桼 於 08-7-23 23:38 編輯 ]
作者: 櫺囹桼 時間: 08-7-23 23:36
BK嫌我字數太多...唔俾post！:cry:
後補：當然，假如全港英中、直資…聽完孫公之《微調論》後自動各開一班中文班，其餘每班只會招收30名“首四成”(餘額由其他組別同學頂上)…咁樣“首四成”學生就會比較公平咁分配，半數中中的而且確係可以開辦英文班的！
作者: virgokaren 時間: 08-7-24 00:55
你真係 very 心水清！
全港首四成學生，真係可圈可點！
小學各間程度不同，佢地又無統一的試卷，到底係點樣衡量一間小學的水準架？
如果以家長普遍的思想來計，首四成學生會唔會全部都係傳統名校小學內呢？
長此下去，咪無哂地區名校？
作者: 88muimui 時間: 08-7-24 09:03
我教書朋友講唔係咁容易開英文班，唔係學生唔得，而係師資未得! 
原文章由 virgokaren 於 08-7-24 00:55 發表 
你真係 very 心水清！
全港首四成學生，真係可圈可點！
小學各間程度不同，佢地又無統一的試卷，到底係點樣衡量一間小學的水準架？
如果以家長普遍的思想來計，首四成學生會唔會全部都係傳統名校小學內呢？
長此下去，咪無哂 ...
作者: ricetaster 時間: 08-7-24 09:16
我完全同意007的觀點，都係一句 : 即係差不多把Band 1 中中變成英中，為人父母在2009年 亦會優先選擇英中，因為一般英中在英語教學的師資、教材、 各項配套都比較成熟及穩定，並非一般早已偷步以英文教學的Band 1 中中可比擬，因為整個教學語言的轉變需要經過很多 人、事、時間的磨合才能推行順暢， 所以Band 1 中中在轉變教學語言的首幾年，無論學校 、老師及學生都會比一 般英中辛苦，辛苦在try & error 的過程。如果可以揀，為什麽要子女專 登攞苦嚟辛。
[ 本文章最後由 ricetaster 於 08-7-24 11:25 編輯 ]
作者: xmanman 時間: 08-7-24 09:18
我都覺得師資都係一個好多的問題!
原文章由 88muimui 於 08-7-24 09:03 發表
我教書朋友講唔係咁容易開英文班，唔係學生唔得，而係師資未得!
作者: kaan 時間: 08-7-24 09:18
十分同意, 師資好的英文老師, 只會見少買少.
師資唔得, 又點教得好班學生? 勉強俾你開到英文班又如何, 咪即係好似以前中學派位分 5 個banding, band 4 & 5 學校都叫做英文書院, 個d學生成績係點, 心裏有數, 唔好俾間中中話自己有英文班欺騙. 要睇番佢學校本身校風和成績, 作出英明選擇.
原文章由 88muimui 於 08-7-24 09:03 發表
我教書朋友講唔係咁容易開英文班，唔係學生唔得，而係師資未得!
作者: Sherryko9 時間: 08-7-24 10:34
絕對贊成!師資本身係一個大問題,學生只係一張會吸墨水(知識)的紙,問題就係D"墨水"!佢係物色,學生就吸物色.其實英中亦唔代表D老師英文得,我很多時經過一間所謂出名的地區名英中,成日聽到有個男老師以英語講道,每次都聽到我耳仔側! 多次後,我亦打退鑼鼓,第2時都唔想比自己個小朋友考這間,呢D就叫地區性名校喎!0願佢講番中文好過!
原文章由 xmanman 於 08-7-24 09:18 發表
我都覺得師資都係一個好多的問題!
作者: 櫺囹桼 時間: 08-7-24 21:44
原文章由 virgokaren 於 08-7-24 00:55 發表
你真係 very 心水清！
全港首四成學生，真係可圈可點！
小學各間程度不同，佢地又無統一的試卷，到底係點樣衡量一間小學的水準架？
如果以家長普遍的思想來計，首四成學生會唔會全部都係傳統名校小學內呢？
長此下去，咪無哂 ...
virgokaren：
自從冇左升中試、學能測試，基本冇一個比較可行又合理之方法去衡量各小朋友間之成績差異。(而家最新方法係以你前兩屆師兄姊之分班試成績嚟作為個人及小學之調整基數據！)
所以深少少、高半級、係咁谷、讀寫默...小學之“首四成”學生比例係比一般街坊小學多！
所以戰線已經由幼稚園開始~再遲d有肚內智商檢測儀器發明...可能再會提早一點！
007
作者: virgokaren 時間: 08-7-25 02:01
原文章由 櫺囹桼 於 08-7-24 21:44 發表
virgokaren：
自從冇左升中試、學能測試，基本冇一個比較可行又合理之方法去衡量各小朋友間之成績差異。(而家最新方法係以你前兩屆師兄姊之分班試成績嚟作為個人及小學之調整基數據！)
所以戰線已經由幼稚園開始~再遲d有肚內智商檢測儀器發明...可能再會提早一點！
所以咪一切又返回 80s 開始囉！
我屋企又有一個試驗品，而家一歲，開始谷肥佢先！
作者: cman_li 時間: 08-7-25 13:33
求學不是求分數
辦學就要求成績
作者: ricetaster 時間: 08-7-25 16:56
原文章由 cman_li 於 08-7-25 13:33 發表
求學不是求分數
辦學就要求成績
上聯是 : 求學不是求分數
下聯是 : 為何如此少分數 
作者: eviepa 時間: 08-7-25 19:16 標題: 回覆 #1 櫺囹桼 的文章
007兄：
如果前題正確，你的推理自然無懈可擊，但似乎自今年開始，學校會集體造反，所以英文班的數量很有可能會遠比你所估計的為高。
我女兒的一位同學的家長告訴我，他兒子將會入讀的那間band 2中中將會在今年開兩班英文班，明年更希望五班全是英文班，成為變相英文中學。我亦聽過別的學校今年會偷步開辦英文班，如果政府沒有新增的處分方法，相信上述情況會很普遍，這比孫公所講的早了一年開始，而且各校開辦英文班的數目都會超過孫公所容許的範圍。試想，一間Band 2中中也有這種豪情壯志，那麼Band 1中中會怎樣？相信今年會是語文微調的開始，明年更有可能是翻天覆地的大改變。
孫公清清楚楚地表明，語文微調主是要靠學校自己自律，政府不會主動去監察。學校選擇專業抗命有理論作基礎，有無數家長在背後支持，教育局能拿他怎樣？ Band 1 、Band 2 英語教育，Band 3 看情況，可能會是明年的大趨勢。
eviepa
[ 本文章最後由 eviepa 於 08-7-25 19:17 編輯 ]
作者: minicat 時間: 08-7-25 19:51
原文章由 eviepa 於 08-7-25 19:16 發表
007兄：
如果前題正確，你的推理自然無懈可擊，但似乎自今年開始，學校會集體造反，所以英文班的數量很有可能會遠比你所估計的為高。
我女兒的一位同學的家長告訴我，他兒子將會入讀的那間band 2中中將會在今年開兩班英文班，明 ...
作者: ntefamily 時間: 08-7-25 20:34
提示: 作者被禁止或刪除 內容自動屏蔽
作者: ricetaster 時間: 08-7-25 21:02
原文章由 eviepa 於 08-7-25 19:16 發表
007兄：
如果前題正確，你的推理自然無懈可擊，但似乎自今年開始，學校會集體造反，所以英文班的數量很有可能會遠比你所估計的為高。
我女兒的一位同學的家長告訴我，他兒子將會入讀的那間band 2中中將會在今年開兩班英文班，明 ...
我某程度同意eviepa的說法，起碼2008/2009這學年會出現，未來一年一定有很多中學博大懵，如果這段時間教育局唔落重藥殺雞警猴。那麼真係會頗長時間出現eviepa的博大霧時代，其實那些「偽英中」落得最後咪最多能英文書中文教，無論夠班的師資及夠班的學生估咁易找得到，所有公開試咪又瓜得，每年學校報告都要show人睇喇！ 無論將來的後果如何，有一定數目的中學一定會博一鋪。
作者: eviepa 時間: 08-7-25 21:31 標題: 回覆 #15 ntefamily 的文章
你講的誠然是事實，但相信家長對英中的追求遠較所見的英中弊端為大，估計大部分Band 2, Band 3家長還是覺得，讀英文班就雖然有可能會降低教學質素，但仍有機會透過加倍努力，一、兩年內把程度追回；反之，一旦讀了中文班就「一入侯門深似海」，英文永遠都不能翻身。所以無論如何，兩害取其輕，學校多開英文班就是吸引優質學生的有效方法；不開英文班就是自殺行為。未來幾年就是中學殺校潮的高峰，如果教育局沒有很嚴厲去打擊超額英文班的話，要有競爭力就多要開英文班，這很可能是趨勢。
eviepa
[ 本文章最後由 eviepa 於 08-7-25 21:33 編輯 ]
作者: eviepa 時間: 08-7-25 21:45
原文章由 ricetaster 於 08-7-25 21:02 發表
我某程度同意eviepa的說法，起碼2008/2009這學年會出現，未來一年一定有很多中學博大懵，如果這段時間教育局唔落重藥殺雞警猴。那麼真係會頗長時間出現eviepa的博大霧時代，其實那些「偽英中」落得最後咪最多能英文書中文 ...
如果教育局夠膽落重藥的話，有可能會激起幾萬家長上街反對這不得人心的行政指令。香港大部分家長的意願是毫不含糊的：上策是，如果子女英語能力高，大條道理去讀貨真價實的正牌英中；中策是，就算子女英文能力不高，不能接受英語為教授語言，課本也得要用英文，慢慢過渡到全英環境；下策才是讀中文班。
eviepa
作者: 櫺囹桼 時間: 08-7-25 21:51
原文章由 eviepa 於 08-7-25 19:16 發表
007兄：
如果前題正確，你的推理自然無懈可擊，但似乎自今年開始，學校會集體造反，所以英文班的數量很有可能會遠比你所估計的為高。
我女兒的一位同學的家長告訴我，他兒子將會入讀的那間band 2中中將會在今年開兩班英文班，明 ...
eviepa：
升中生數目急劇下降，部份中學與其坐以待斃寧可挺而走險拚一拚是有可能的(因為相信冇一個校長願意背負“殺校”這個罪名，這是一個好大嘅侮辱...被殺校校長同被殺分別不大！)
如果一間band2中中開得五班英文班，band3頭點解唔可以開兩三班試試？既然band3頭開得兩三班，band3尾中學點解唔開一班求存？那豈不是全港中中變番哂英中？咁樣變相由教育局出口→家長校長一齊出手推番董八五之偉大構思...妙哉妙哉！
問題係師資點搞？一旦兩三年間轉哂英中，有咁多達標老師嗎？如果沒有...就好似回到舊時咁，垃圾老師教垃圾學校，老師有老師講、學生有學生唔明...但當年d學生只要捱三年(九年免費及強迫教育)就走得，而家坐完三年又要訓多三年(三三制)...慘！
007
作者: 木馬 時間: 08-7-25 22:16
提示: 作者被禁止或刪除 內容自動屏蔽
作者: 慧妮會員 時間: 08-7-25 22:49
原文章由 木馬 於 08-7-25 22:16 發表
根本band 2學校同家長自己呃自己~
自欺欺人都叫做多個希望,總好過連個機會都無啊嗎.
作者: 木馬 時間: 08-7-25 22:56
提示: 作者被禁止或刪除 內容自動屏蔽
作者: ntefamily 時間: 08-7-25 23:57
提示: 作者被禁止或刪除 內容自動屏蔽
作者: virgokaren 時間: 08-7-26 04:48
點解 band 2 生一定是英文能力不佳的？
band 2 生一定沒有英文能力足夠的學生嗎？
升中呈分不是只呈交英文科，還有中文、數學、常識的。
以前升中試，好似係分開中、英、數三個等級，現在係計平均分排名次的，可能有部份升中學生英文成績比中文好呢？
點解大家一致介定band 2 學生一定沒能力以英文學習呢？
反正都是大倒退了，不如將三科分級囉！
英文考到A 咪讀英文班，
中文考到A 咪讀中文班，
中英文都係A 可以自由揀！
作者: ntefamily 時間: 08-7-26 10:20
提示: 作者被禁止或刪除 內容自動屏蔽
作者: 櫺囹桼 時間: 08-7-26 21:01
七哥:
其實有一些收生不足的band 3學校已在前2-3年轉直資, 如大埔X育, 石硤尾X僑, 學費好平, $3幾百元一個月, 跟手就開部份英文班作招來, 真是可騙到一些"懞查查"又響往英中的家長. 我就親眼看見一個東區蘇浙小學的band 1尾學生, 因中學派得差, 他父親竟然去石硤尾x僑叩門, 因為有英文班! 但我相信這樣極端的例子不會太多.
可喜的是, 經過10年英中/中中的過程, 令一些英中學額較多的地區出現了一些微妙的變化, 就以我住的大埔區為例, 區內原先有6間英中, 一向收取區內band 1學生, 但其中一間band1尾英中(羅x邦)的成績在這幾年內卻輸給區內的2, 3間band 1尾, band 2頭的中中, 無他, 羅x邦收的band 1學生大多是區內最弱的band 1生及少數band 2生, 但英中需全英文教學,公開試需用英文卷作答, 是否大多數學生有足夠的英語能力? 反觀那2, 3間積極的中中, 他們可因應學生的能力, 在初中用中文書加英文notes, 而到高中時, 有些中中分別用英文/中文教授各科, 部份學生更可以選用中文卷考公開試, 數年努力下, 平均成績超越band 1尾的英中羅x邦.
很多band 1家長眼睛是雪亮的, 在去年填升中志愿時, 已有家長將中中的救恩放在羅X邦之前. 今年羅X邦已轉直資, 據我所見, 多數是一些band 1 /band 2 灰色地帶或確定band 2學生的家長會選他.
隨著升中人口下跌, 家長(特別是band 1學生的家長)將會由被動變為主動,如公開試成績差, 就算是英中, 一樣會遭家長遺棄, 進入惡性循環.
ntefamily：
我唔知呢d band 3 中學點解咁有米點解咁有信心去改直資！
米：因為政府只會按班津貼，雖然每級開兩三班好似皮費大減，實情好支出同每級五班學校支出所差無幾；仲有改直資點都要改變一下地痞式校舍、加番似樣d設施、掉咁d舊設備、請番幾個講番話嘅老師…樣樣都係錢！
信心：就算俾你頭一兩年呃得到“無鷹不歡派”家長，但校風成績好壞一陣就傳遍港九(而收所學生又不是一朝一夕立刻變得乖乖)…假如校風成績不太差下年還可貼多幾張與xx大學合辦xx課程、本校xx科高於全港會考合格率…等橫額繼續招生；但萬一有幾個豆靚唔生性見報加上成績每況愈下，下一年就算喺火車站地鐵站專車接送往叩門、送叉燒飯珍珠奶茶免排隊…都未必有人吼！
不過呢個世界用口呃餐飯嘅比用真材實料搵食嘅人多(如果唔係點會收幾皮野or更低就落畫嘅港“剷”片，拍完一套又一套，依然仲有水魚落搭繼續投資？
而家嘅教育政策 + 出生人數如股票般大上大落 + 父母望“only and one”成龍成鳳…的而且確使做教育界所有人士頭赤頭赤！(007對所有教育界人士心感敬佩！！)
個人認為大埔同沙田係十八區中教育發展得最好嘅區域；
佢地同樣係新市鎮；新校沒有名牌效應、大家一樣由零開始、大家公平競爭、大家默默耕耘…真係有心辦學嘅一定可以俾到成績、校風人哋睇！經過廿多年努力…是好是壞難逃區內家長眼光(聽你講羅xx~大埔家長不單眼睛雪亮，仲不會無“鷹”不歡只求實際，可喜可賀！)，而且沙田大埔英中比例仲幾乎可以自供自給…難得！所以我成日講，沙田友大埔學生真幸福~前人種樹後人乘涼…要好好珍惜！反觀屯門、北區…仲未見曙光、西貢、元朗…要加倍努力！
007
作者: 木馬 時間: 08-7-26 21:33
提示: 作者被禁止或刪除 內容自動屏蔽
作者: ntefamily 時間: 08-7-27 20:26
提示: 作者被禁止或刪除 內容自動屏蔽
作者: 櫺囹桼 時間: 08-7-27 22:03
原文章由 ntefamily 於 08-7-27 20:26 發表
七哥,
我都覺得沙田同大埔的學校真係唔錯, 不但英中較多, 連好多中中都辦得唔錯, 學校/校長好有心, 會考/高考的公開試成績都有信心放上網, 無他, 見得人嘛!
我想問下, 當初政府是用甚麼標準, 制定哪些中學可成 ...
ntefamily：
教育局當年(1998)實施“中英按校分流”的語文政策都係以某校過去n年有85%學生適合以英語授課為英中指標，所以當時只有114間學校合符楝準；不合標準就一刀切淪為中中，唔想切就只有籌錢搞直資！
後來2001年又批准145間中中全部或部份高中課程可用英語授課以應付來自社會各界之壓力。(相信都係以85%為標準...)
但十年間各地區人口比例產生好大變化(傳統名校區學生越來越易入英中、新市鎮小朋友越來越難完英中夢！)、再加上轉中中後之會考高考英語水平每況愈下…故教育局點都要改變一下語文政策，不過董八五點都叫做哎喲
中國政協副主席...所以只可用“tune”代替“change”...不過隨著各地區升中生人數比例大變及整體人數大幅下降...語文政策再過十年可能又再一次番天覆地改變，拭目以待之！
007
[ 本文章最後由 櫺囹桼 於 08-7-27 22:17 編輯 ]
作者: ntefamily 時間: 08-7-27 23:24
提示: 作者被禁止或刪除 內容自動屏蔽
作者: mattsmum 時間: 08-7-28 13:15 標題: 回覆 #1 ntefamily 的文章
"香港這條教育路途, 真是漫漫長路, 各家長唯有各施各法為子女鋪路, 自求多福."
the P1/F1 allocation system is the training pool for our children not to believe in government.
all are trained to read between the lines.
作者: 櫺囹桼 時間: 08-7-28 21:40
原文章由 ntefamily 於 08-7-27 23:24 發表
七哥,
多謝你的詳細資料.
香港教育一向問題多多, 由80年代的大比例英中年代到98後的中英分界時段, 對好多學生及家長都造成不同種類的傷害.
其實, 個人認為問題晶結, 在於香港十分缺少夠水準英文老師, 尤其在幼 ...
ntefamily：
香港嘅教育問題千瘡百孔人所共知；但教育經費反而係先進地區前列就好多人意想不到！
既然錢有的是 + 香港小朋友不笨，點解整體成績不進反退？個人認為：
第一點當然是政策混亂，因為教育係講緊十幾廿年之事(相信比歐美地區之平均婚姻年期還要長…)，所以任何改變都唔可以大刀闊斧只可循序漸進，但教育局頭頭如走馬看花，上任後個個想立竿見影，犧牲的當然是你我子女不是他們一早出國留學之子弟！
第二點應該是生育問題，因為好多人只生一個，試想邊個子女唔係佢老竇老母心目中之金叵籮？假如金叵籮在學校被老師不公平對待、默書測驗券被扣錯兩分、被同學搣左一下、搶了一條橡皮糖…那不是天大的事？叵父籬母就會不平則鳴到學校大吵大鬧還我金小朋友一個公道、一點清白！(同類事件常在BK上載如有興趣看官自行留意出版日期…)！最慘的是校方明白到現在資訊非常發達，假如壞消息一旦傳開將影響到明年收生問題，收生問題直接與學校之生死存亡有莫大關係；所以很多時候校長寧可息事寧人而助長了家長氣焰…試問做老師做到不受尊重要吞聲忍氣…有識之士、有理想之人點會垂青？所以香港中學老師還有d像樣…小學幼稚園就不敢恭維！(從南京市教育局獲悉，2008年度南京主城區中小學錄用新教師招聘考試報名日前結束，500餘名新教師崗位共吸引了4100餘人報考，其中，具有碩士、研究生學歷的就接近1200人…羨慕嗎？)
第三香港一直以來之小學課程之英文程度，根本同英中完全脫節…所以除了部份英小學生、家中不准講中文之中產子女、資質稍高一籌小朋友、小學食補習丸大之同學…可以應付英外，其他都需要下一番苦功才不致大脫腳！(所以孫公《微調論》中“…除了中學的教學語言改革，孫明揚表示，亦將檢討小學的英文科教學，他期望在十年內，全面提升小學生英語水準，屆時所有學生升中時可中英兼擅，接受中、英文教學亦沒問題…”是最似一個“人”講嘅野…不過又要“一個”十年…信佢嘅話等下啦，唔信有錢先好生！)
007
作者: virgokaren 時間: 08-7-28 22:10
原文章由 櫺囹桼 於 08-7-28 21:40 發表
孫明揚表示，亦將檢討小學的英文科教學，他期望在十年內，全面提升小學生英語水準，屆時所有學生升中時可中英兼擅，接受中、英文教學亦沒問題…”是最似一個“人”講嘅野…不過又要“一個”十年…
請問孫公有咩政策全面提升小學生英語水準呀 ？
小學又開英語班呀？
作者: ntefamily 時間: 08-7-28 22:22
提示: 作者被禁止或刪除 內容自動屏蔽
作者: 櫺囹桼 時間: 08-7-28 22:32
原文章由 virgokaren 於 08-7-28 22:10 發表
請問孫公有咩政策全面提升小學生英語水準呀 ？
小學又開英語班呀？
virgokaren ：
或者可能大概將會有機會...小學開英文班，你家不是有個實驗品？快去準備好了！
007
作者: 櫺囹桼 時間: 08-7-28 22:36
原文章由 ntefamily 於 08-7-28 22:22 發表
七哥,
我之前都好欣賞國內大城市的教育, 尤其北京/上海, 真係師資優良, 但近期聽到一個上海同事的投訴, 真是不勝稀虛:
佢話現在政府小學的老師, 上堂時會將一些重點收埋唔教, 等到中期考/大考前, 就在學校開補習 ...
ntefamily：
真的，有錢才好生(原來放眼天下都啱用)！
就算美國國立學校環境、設施...甚麼都比私校好...不過d人都寧願死慳死抵將小朋友放去私立學校~唉！
007
作者: virgokaren 時間: 08-7-30 01:56
原文章由 櫺囹桼 於 08-7-28 22:32 發表
virgokaren ：
或者可能大概將會有機會...小學開英文班，你家不是有個實驗品？快去準備好了！
007
早兩日和一個朋友傾開計，佢囡囡九月入讀佐敦區某名小學。
除左有錢、
仲要有時間、
更加要有愛心、耐心、計劃，
還要你家寶貝不負你所期望(寶貝的資質，性格,etc.......)
這個實驗很難做啊！！！
成功機率好低，付出與收入未必相稱。
[ 本文章最後由 virgokaren 於 08-7-30 02:29 編輯 ]
作者: 櫺囹桼 時間: 08-7-30 21:32
原文章由 virgokaren 於 08-7-30 01:56 發表
早兩日和一個朋友傾開計，佢囡囡九月入讀佐敦區某名小學。
除左有錢、
仲要有時間、
更加要有愛心、耐心、計劃，
還要你家寶貝不負你所期望(寶貝的資質，性格,etc.......)
這個實驗很難做啊！！！
成功機率好低，付出與收入未必 ...
virgokaren ：
名校應該算係投資高收成也高！(否則點會有咁多人趨之若鶩？)
村校不用投資可算是聽天由命！(生多幾個實會有一兩個掂既！)
007
作者: 898998 時間: 08-7-31 15:25
原文章由 櫺囹桼 於 08-7-30 21:32 發表
virgokaren ：
名校應該算係投資高收成也高！(否則點會有咁多人趨之若鶩？)
村校不用投資可算是聽天由命！(生多幾個實會有一兩個掂既！)
007
"村校不用投資可算是聽天由命！(生多幾個實會有一兩個掂既！)"...............it is true in HK...............
作者: lauyy 時間: 08-8-7 01:38 標題: 回覆 #22 eviepa 的文章
絶對象同意
作者: treeisgreen 時間: 08-8-8 05:46
分 班 英 語 教 學 僅 三 成 家 長 贊 成
(星島日報報道)政府將「微調」中學教學語言政策，但有調查指，不足三成家長贊成分班的建議，又質疑分科和分時段方案未能提升學生的英語水平。負責調查的組織批評，教育局未有就「微調」充分諮詢家長和教師，又要求先在部分學校試行新政策，才全面推行。
教育局建議讓學生可通過分班施行英語教學，以及容許中文班在不超過兩成半課時下，分科實施英語教學。月前成立的香港教育關注動力，於六至七月期間訪問了逾八百名家長，當中僅得兩成九人贊成分班，但有四成四人反對。三成八受訪者質疑分科和分時段未能提升學生的英語水平，只有兩成六人認為有效；六成半受訪者認為應由學校自決教學語言。此外，部分家長擔心，「微調」後大批教 師改以英語教學，但師資和學校資源配套不足，會影響教學質素。
就教科書不斷加價，八成六家長批評教育局監管不力，五成七人要求學校逐步採用電子書；九成家長則要求政府為全港學生提供書簿津貼。教育關注動力副主席劉李偲嫣指，分班制或會加劇標籤問題，分科和分時段則讓能力不逮的學生也接受英語教學；她批評教育局未有就「微調」充分諮詢家長和教師，該會將約見教育局局長孫明揚反映意見。
2008-08-08
| 歡迎光臨 教育王國 (/) |
Powered by Discuz! X1.5 |