教育王國
標題: 正確認識「谷」 [打印本頁]
作者: Face3366 時間: 21-7-11 08:37 標題: 正確認識「谷」
好多家長害怕谷小朋友，覺得小朋友若有壓力會不開心丶心智不健康。于是釆取放羊策略，任由小朋友發展。但結果真如我們所預期的嗎？不見得。在研究人類幸福快樂的根源，智者早有定論：人的痛苦原因有兩個，一個是欲望得不到滿足，一個是欲滿得到滿足。可見，人的情緒其實比較犯賤，冇錢固然苦惱，有錢一樣痛苦。人的快樂泉源，來自於對自我的價值肯定，就是常說的存在感。小朋友其實也一樣，家長不催谷，零要求，未必見得他們會快樂，尤其見到同儕有寸進，而自己卻不知所謂的時候。基於此丶作為小朋友的引導者家長我們，必須要重新認識谷的含義，並且掌握怎樣巧妙地谷。竊以為，小朋友由BB到成人丶中間會有一段懵懂的少年時段。在這段時間里，家長的引導非常重要。三字經說的透徹：子不教，父之過。教不嚴，師之惰。小朋友有無教養，父母要負九成責任。谷小朋友學習，不是死谷爛谷，而是循循善誘。小朋友學習遇到困難，家長要協助去解決。我見有的家長，一見小朋友玩手機就責備：返房溫書！見到小朋友揸住本書，正襟危坐，就覺得心安理得，完全不去想小朋友是否睇得入腦。考試成績不好，就歸結於小朋友能力差，又或者怨這怨那，是否祖墳風水問題？一一一家長從來不會去想一想，自己有沒有盡责任。谷小朋友但要讓她們感覺不到谷，谷小朋友讓她們在有適當壓迫感下獲得存在的滿足感，谷小朋友讓他們懂得珍惜寸光陰。凡此，乃吾等為人父母者必須要做的。一一一您們覺得呢？
作者: ～～ 時間: 21-7-11 09:18
提示: 作者被禁止或刪除 內容自動屏蔽
作者: 高達紅色 時間: 21-7-11 13:40
級頭學霸永遠都話唔谷架啦！自細唔知聽幾多。
作者: 王家爸爸 時間: 21-7-11 13:52
Face3366 發表於 21-7-11 08:37 
好多家長害怕谷小朋友，覺得小朋友若有壓力會不開心丶心智不健康。于是釆取放羊策略，任由小朋友發展。但結 ...
個人認為，谷同放羊對小朋友好定壞，其實需要睇小朋友既性格同家長既資源。性格錯配同資源不足都會係災難。谷需要谷小朋友受谷既範疇，放羊要放小朋友根基好、興趣大既範疇。
作者: alan280204 時間: 21-7-11 14:05
哦！
一樣米養百樣人
作者: bananaGi 時間: 21-10-11 17:00
高達紅色 發表於 21-7-11 13:40
級頭學霸永遠都話唔谷架啦！自細唔知聽幾多。
... D家長永遠都話無溫書呀.... 去左玩呀.... 無理喎....
作者: Kirin007 時間: 21-10-11 17:36
bananaGi 發表於 21-10-11 17:00
... D家長永遠都話無溫書呀.... 去左玩呀.... 無理喎....
呢樣嘢需客觀啲睇
人哋講又冇冒犯到邊個
放養係基於好多因素：父母工作、家庭經濟、個人資質、性格等等，有的其實不叫放養叫放棄！齋講讀書係有部分人唔溫書都應付到嘅，反而綜合素養會比資源多嘅同學差！而每個家庭對子女嘅預期值好有差異，教養方式又可以好唔同。
作者: 天外之人 時間: 21-10-11 17:50 標題: 回覆樓主:
真係好睇父母自己咩心態。
作者: lyfox 時間: 21-10-11 18:58
我眼中的教育，谷不是逼迫，是對孩子的興趣和能力了解後 對她說：我知道你能行。羊也不是放棄，是信任的選擇。 個人來說，羊反而是難的。難在孩子要管住手，而大人要管住嘴。
作者: mcl203 時間: 21-10-11 19:13
Kirin007 發表於 21-10-11 17:36
呢樣嘢需客觀啲睇人哋講又冇冒犯到邊個放養係基於好多因素：父母工作、家庭經濟、個人資質 ...
要出力嘅，只可以達學霸級別～
要放養嘅，才能達學神級別～
不少家長追求嘅，係學神級別，最多出埋直升機～～～
作者: October. 時間: 21-10-11 19:51
bananaGi 發表於 21-10-11 17:00
... D家長永遠都話無溫書呀.... 去左玩呀.... 無理喎....
作者: Kirin007 時間: 21-10-11 20:21
mcl203 發表於 21-10-11 19:13
要出力嘅，只可以達學霸級別～
要放養嘅，才能達學神級別～
不少家長追求嘅，係學神級別，最多出埋直升機 ...
學習能力的而且確有強弱之分，有讀十分鐘頂人哋半個鐘，所以齋讀書係有輕輕鬆鬆可以做學霸嘅，以成績論英雄意義唔係好大，我非常認同網友講EQ緊要過IQ，勤力比天份更終身受用。港大張翔說過：他絕對唔係學霸，最多算係中上！所以重要嘅唔係成績，係學習嘅興趣，我諗咁樣睇就唔會介意人哋講乜乜學神毋需push！而過份谷嘅家長又要諗下會唔會扼殺仔女學習興趣囖
作者: mcl203 時間: 21-10-11 20:32
Kirin007 發表於 21-10-11 20:21
學習能力的而且確有強弱之分，有讀十分鐘頂人哋半個鐘，所以齋讀書係有輕輕鬆鬆可以做學霸嘅，以成績論英 ...
本帖最後由 mcl203 於 21-10-11 20:33 編輯
輕輕鬆鬆而又成績非常頂級，呢個級數叫做學神，你評佢係學霸，可能，佢父母係唔同意嘅～～～
作者: tkhhung 時間: 21-10-11 20:36
mcl203 發表於 21-10-11 20:32
本帖最後由 mcl203 於 21-10-11 20:33 編輯
輕輕鬆鬆而又成績非常頂級，呢個級數叫做學神，你評佢係學 ...
普通人同神人的分別
作者: Kirin007 時間: 21-10-11 21:15
mcl203 發表於 21-10-11 20:32
本帖最後由 mcl203 於 21-10-11 20:33 編輯
輕輕鬆鬆而又成績非常頂級，呢個級數叫做學神，你評佢係學 ...
從人口基數來講，大陸同印度能稱學神的都廖廖可數，700幾萬人口地就低調啲啦，喺EK，未必有
作者: PTL_L 時間: 21-10-11 21:20
Kirin007 發表於 21-10-11 20:21
學習能力的而且確有強弱之分，有讀十分鐘頂人哋半個鐘，所以齋讀書係有輕輕鬆鬆可以做學霸嘅，以成績論英 ...
作者: Kirin007 時間: 21-10-11 22:02
PTL_L 發表於 21-10-11 21:20
認同。小學時，小聰明是夠用，基本上去到中學，一懶啲，好容易俾人迎頭趕上，所以小聰明是有用完的一日。 ...
個人認為父母嘅取態會有較大影響：父母與人言談之間常以仔（女）成績為傲，抑或父母常責罵仔（女）成績唔理想。大家盡量淡化成績嘅價值，可能會有意想不到嘅效果（我估）
作者: bananaGi 時間: 21-10-12 07:49
Kirin007 發表於 21-10-11 22:02
個人認為父母嘅取態會有較大影響：父母與人言談之間常以仔（女）成績為傲，抑或父母常責罵仔（女）成績唔 ...
點淡化？
高分唔讚低分唔鬧？
作者: tkhhung 時間: 21-10-12 08:31
Kirin007 發表於 21-10-11 21:15
從人口基數來講，大陸同印度能稱學神的都廖廖可數，700幾萬人口地就低調啲啦，喺EK，未必有
...
有都不會在EK 發言
作者: lyfox 時間: 21-10-12 08:51
bananaGi 發表於 21-10-12 07:49
點淡化？
高分唔讚低分唔鬧？
作者: sevenature 時間: 21-10-12 09:01
個個都想提高學習嘅興趣,但香港好現實,傳統學校一個呈分一個DSE,唔得就係唔得,真係唔想用其他藉口安慰自己…好簡單講,小五小六數學你肯操卷不難高分,咁操幾多叫谷點又唔算谷呢?
作者: 傻太 時間: 21-10-12 09:17
October. 發表於 21-10-11 19:51
我就一定話我仔全靠勤力，事實上，中等資質，只要用心讀+勤力，成績都唔會差。
...
但如可以用少d時間溫習，就可以有多點時間發展自己的興趣
作者: sevenature 時間: 21-10-12 09:44
再講下自身經歷，小朋友只係入到英中1A1B個d 地方學校，但個環境已經令自己同小朋友明白，一定要勤力溫習，有無興趣都要溫，溫完都不一定高分，但唔去溫書好快會比人淘汰，已經唔係講谷唔谷了。講真，有幾多個人可以唔溫習靠上堂過目不忘？
作者: bananaGi 時間: 21-10-12 09:50
tkhhung 發表於 21-10-12 08:31
有都不會在EK 發言
呢到好多尖子......
作者: tkhhung 時間: 21-10-12 09:53
bananaGi 發表於 21-10-12 09:50
呢到好多尖子......
尖子不同學神 
作者: bananaGi 時間: 21-10-12 09:58
sevenature 發表於 21-10-12 09:01
個個都想提高學習嘅興趣,但香港好現實,傳統學校一個呈分一個DSE,唔得就係唔得,真係唔想用其他藉口安慰自己 ...
同意.
我一早就係看透自己要係呢到讀書, 就唯有跟返人地玩法....
作者: Kirin007 時間: 21-10-12 10:09
bananaGi 發表於 21-10-12 07:49
點淡化？
高分唔讚低分唔鬧？
家長過分睇重分數/次第，容易從小養成小朋友對讀書變成結果論，心中諗只要考第一我老竇老母就開心，而唔係我努力啦佢哋就開心
考得好你可以讚佢好叻喎考得咁好成績（結果）；但係都可以讚佢好勤力、有俾心機（過程）；睇你想嚮佢哋心中強化乜嘢係重點？
考得差鬧都冇用，不如試著傾下原因，諗下解決辦法！家長點出錢出力都考得差不如趁早諗下第二條路囉！
事實上家長冇可能完全唔緊張成績，我講唔好將成績作為家長褒或罵嘅誘因。
僅代表個人觀點
作者: Kirin007 時間: 21-10-12 10:13
tkhhung 發表於 21-10-12 08:31
有都不會在EK 發言
呢個我唔敢講，只不過提提大家唔好以成績/神校論英雄
作者: bobbob 時間: 21-10-12 10:17
sevenature 發表於 21-10-12 09:44
再講下自身經歷，小朋友只係入到英中1A1B個d 地方學校，但個環境已經令自己同小朋友明白，一定要勤力溫習， ...
中學唔同小學，就算上堂過目不忘都未必得，因為唔會只考課文內容，要識融會貫通先得
作者: October. 時間: 21-10-12 10:56
本帖最後由 October. 於 21-10-12 10:57 編輯
傻太 發表於 21-10-12 09:17
但如可以用少d時間溫習，就可以有多點時間發展自己的興趣
天生資優當然好, 佢地理解能力強, 的确某d科的确可以較慳時間就掌握到, 不過, 既使叻到如狀元, 多數公開試前都要大量操卷, 我醫生親戚同我女講過, 既使數學, 有d題型、公式都要記要背, 唔係聰明就一定高分.
是否資優命生成,我地冇得揀, 中等資質係大多數, 肯勤力加上讀書方法、技巧運用得當, 成績都唔會差.
至于發展興趣, 亦舒講過"時間是擠出來的, 一擠就會有", 我仔溫溫下書, 坐得耐就要落樓下打下波, 游下水, 運動係佢既最大興趣.
作者: 傻太 時間: 21-10-12 11:13
October. 發表於 21-10-12 10:56
天生資優當然好, 佢地理解能力強, 的确某d科的确可以較慳時間就掌握到, 不過, 既使叻到如狀元, 多數公開試 ...
我果個一星期波4-5日，每次連來回4小時，去邊擠出嚟
現初中還頂得住，但都要佢不理旁人目光係車程上擠時間溫書、做功課（陣間不知情人事又會話香港學生慘、怪獸家長）
作者: sevenature 時間: 21-10-12 11:19
Kirin007 發表於 21-10-12 10:13
呢個我唔敢講，只不過提提大家唔好以成績/神校論英雄
我贊同你對小朋友鼓勵性概表達方法 不過現實生活/客觀的現實 不能不讓我覺得/承認成績好讀神校入醫科之類做專業人士個d人 的確係高人一等
作者: mcl203 時間: 21-10-12 11:38
bobbob 發表於 21-10-12 10:17
溫書同谷係2回事，書就點都要溫，谷就未必需要（起碼初中）
中學唔同小學，就算上堂過目不忘都未必得，因為 ...
學校谷一谷你，不少學生已經要自動式回應，溫書。谷亦都可以唔使表面，拉後下條終點線，學生就要跟住跑出力啲～～～
作者: Raccch 時間: 21-10-12 11:41
谷唔谷只係個人主觀感覺根本冇一個定義。只要覺得適合自己小朋友佢又可以接受就得，不用理旁人目光。例如，我覺得考學校多報幾間係多搵幾個機會俾小朋友，有人又覺得係怪獸行為，報咁多學校根本唔會有咁多適合的學校。再者，有時係小朋友自己想做好啲所以花好多時間溫書。我女就話佢學校級頭覺得一啲壓力都冇，點解個個都話佢一定好大壓力好多負面情緒呢？佢只係自己想考第一所以努力學習，家長根本冇要求佢。
作者: Kirin007 時間: 21-10-12 11:51
sevenature 發表於 21-10-12 11:19
我贊同你對小朋友鼓勵性概表達方法 不過現實生活/客觀的現實 不能不讓我覺得/承認成績好讀神校入醫科之類 ...
成績同成就不可能劃等號！讀醫成功論應該好多人唔同意，狀元都唔係個個揀醫科、法學，b1又好b3又好，絕大部份人最終都係普通打工仔。如果以搵得多寡計：好多大學生不如牛雜佬
作者: dingyan 時間: 21-10-12 11:51
其實一千個觀眾眼中有一千個哈姆雷特，都唔知到底乜嘢係「谷」。。如果係充實生活，鼓勵興趣，必要時敦促學業，咁應該個個都贊成啩。。不過都知有人覺得咁樣近乎天生天養，係要由細開始日日十樣八樣補充練習先算谷。。
作者: Band5 時間: 21-10-12 12:07
Face3366 發表於 21-7-11 08:37
好多家長害怕谷小朋友，覺得小朋友若有壓力會不開心丶心智不健康。于是釆取放羊策略，任由小朋友發展。但結 ...
谷，或者叫做鞭策，目的就係要小朋友發揮佢嘅潛力。
鞭策唔夠，如果佢發揮唔到佢自身嘅潛力，就係浪費咗佢嘅天分，可能係終身遺憾！
相反，如果鞭策過分，只會弄巧反拙，另外，冇俾佢平衡發展，冇一個值得回味嘅快樂童年，可能係另一個終身遺憾！
我自己最想嘅係一方面幫小朋友平衡發展，一方面培養佢自我鞭策，有自己目標，自己決定自己嘅人生，父母在旁只係輔助角色，提供佢嘅所需，尤其是機會，同在佢偏離路線時提點下。
作者: sevenature 時間: 21-10-12 12:13
Kirin007 發表於 21-10-12 11:51
成績同成就不可能劃等號！讀醫成功論應該好多人唔同意，狀元都唔係個個揀醫科、法學，b1又好b3又好，絕大 ...
雖然成績差唔讀書都有好多成功例子，比例問題囉…又唔一定係講話揾幾多概，係神校出黎有神校概關係網、世襲襲斷性、職業概地位、身份象徵等，即係兩公婆律師帶個小朋友in神校同個牛雜佬帶個小朋友去in概分明…
作者: fatman69 時間: 21-10-12 13:01
sevenature 發表於 21-10-12 12:13
雖然成績差唔讀書都有好多成功例子，比例問題囉…又唔一定係講話揾幾多概，係神校出黎有神校概關係網、世 ...
EK經常有人覺得神校係竹門對竹門。
不過牛雜仔如果有得in神校，一D都吾簡單囉！肯定有食力！
在旺區食串牛雜吾平架！睇你係咪猛人律師啦！牛雜佬好收入過律師吾奇架！
作者: Band5 時間: 21-10-12 13:12
Face3366 發表於 21-7-11 08:37
好多家長害怕谷小朋友，覺得小朋友若有壓力會不開心丶心智不健康。于是釆取放羊策略，任由小朋友發展。但結 ...
有時谷係有需要嘅。阿仔而家讀緊大學。細時讀二線小學，最近佢問我點解唔讀直資小學，佢嘅英文同好多同學有一段距離，我笑佢幼稚園時一舊飯咁，邊會有直資收你！冇報一線小學，就係唔想谷。搵英文補習，佢一陣又話自己搞得掂唔想再補，而家就知道不足！
話時話，當年親戚直資小二嘅英文作文，要求仲高過阿仔當年6年班，唔知算唔算谷？
作者: Kirin007 時間: 21-10-12 13:16
sevenature 發表於 21-10-12 12:13
雖然成績差唔讀書都有好多成功例子，比例問題囉…又唔一定係講話揾幾多概，係神校出黎有神校概關係網、世 ...
已假設即定答案旁人講乜都無用，個人更buy尋找答案.
作者: fatman69 時間: 21-10-12 13:18
Kirin007 發表於 21-10-12 10:13
呢個我唔敢講，只不過提提大家唔好以成績/神校論英雄
識幾個朋友，子女升小時都話吾介意讀甚麼小學，吾會谷佢，只希望子女開開心心讀書就得啦！
到子女小四小五時，聽到的又是另一回事，大多埋怨同人差距遠，愁升中選校選擇不多。
有朋友子女讀沙田名小，希望直上同系中學，小三時佢仲話要比個仔玩下先，到小四先谷，到小五問佢情況如何，朋友話完全谷吾起，擰晒頭！希望捱到B2，最後B3收場！
升中派位好現實，好殘酷！殘酷在自己的決定可能要子女承受哂！
作者: Kirin007 時間: 21-10-12 13:23
fatman69 發表於 21-10-12 13:18
識幾個朋友，子女升小時都話吾介意讀甚麼小學，吾會谷佢，只希望子女開開心心讀書就得啦！
到子女小四小五 ...
又咁樣諗：總會有人band3，谷得起固然好事，谷唔郁都非罕事，所以大多都係盡人事聽天命
作者: tkhhung 時間: 21-10-12 13:44
fatman69 發表於 21-10-12 13:18
識幾個朋友，子女升小時都話吾介意讀甚麼小學，吾會谷佢，只希望子女開開心心讀書就得啦！
到子女小四小五 ...
Happy 完小學之後 家長才後悔
作者: Sheep06 時間: 21-10-12 13:56
fatman69 發表於 21-10-12 13:18
識幾個朋友，子女升小時都話吾介意讀甚麼小學，吾會谷佢，只希望子女開開心心讀書就得啦！
到子女小四小五 ...
所以我永遠相信 讀書是要自小培養， 一定要培養學習能力， 大了才後悔， 實在很難追。
作者: fatman69 時間: 21-10-12 14:11
Sheep06 發表於 21-10-12 13:56
所以我永遠相信 讀書是要自小培養， 一定要培養學習能力， 大了才後悔， 實在很難追。
...
所以何謂「谷」？
會否是自小恆常平淡學習，突然加強訓練，咁就係谷？頂吾到谷就是力有不逮之意？
作者: fatman69 時間: 21-10-12 14:18
tkhhung 發表於 21-10-12 13:44
Happy 完小學之後 家長才後悔
開開心心讀六年小學，再開開心心讀六年中學，不爭不逐，不追不趕！這就是很多EK家長祈望的「童年的愉快學習生活|！
作者: tkhhung 時間: 21-10-12 14:25
fatman69 發表於 21-10-12 14:18
開開心心讀六年小學，再開開心心讀六年中學，不爭不逐，不追不趕！這就是很多EK家長祈望的「童年的愉快學 ...
你這樣講 不敢評論
作者: tkhhung 時間: 21-10-12 14:27
Sheep06 發表於 21-10-12 13:56
所以我永遠相信 讀書是要自小培養， 一定要培養學習能力， 大了才後悔， 實在很難追。
...
非常同意 加上自律性及責任感 缺一不可
作者: fatman69 時間: 21-10-12 14:44
tkhhung 發表於 21-10-12 14:25
你這樣講 不敢評論
你有冇留意，在EK經常有家長出帖，找尋吾谷的B123校？想子女讀得舒服愉快，是很多父母的願望，只是結果如何就甘苦自知了。
作者: tkhhung 時間: 21-10-12 14:50
fatman69 發表於 21-10-12 14:44
你有冇留意，在EK經常有家長出帖，找尋吾谷的B123校？想子女讀得舒服愉快，是很多父母的願望，只是結果如 ...
坦白講 所謂谷吾谷學校 只是表面上看到 好多學生應付自如 最緊要在小學打好基礎
作者: sevenature 時間: 21-10-12 14:51
fatman69 發表於 21-10-12 14:18
開開心心讀六年小學，再開開心心讀六年中學，不爭不逐，不追不趕！這就是很多EK家長祈望的「童年的愉快學 ...
然後出來愉快地工作，過幾年喺Open U(都大)讀返個part time學位,或者準備升職啦讀返個澳洲遙距MBA? 係咪咁？
作者: Kathyka 時間: 21-10-12 15:15
有人話二線嘅小學更加谷，因為學校想谷成績，另升中派位成績好d？
有冇人入到一啲坊間認為唔谷又係Band 1嘅學校，但入讀之後發覺並唔係想像中咁輕鬆？
作者: bobbob 時間: 21-10-12 15:17
mcl203 發表於 21-10-12 11:38
學校谷一谷你，不少學生已經要自動式回應，溫書。谷亦都可以唔使表面，拉後下條終點線，學生就要跟住跑出 ...
呢度好多人引用例子，咁啱識個讀開名女直嘅，小學已經谷到暈暈地但始終位處中游，有幸（不幸？）原校直升，逢2進1，留班留到唔好意思，捽之轉去普通學校，反而重拾讀書樂趣，畢業後放洋留學。。。都係嗰句，谷得到先好谷，谷唔到就。。。
作者: tkhhung 時間: 21-10-12 15:18
Kathyka 發表於 21-10-12 15:15
有人話二線嘅小學更加谷，因為學校想谷成績，另升中派位成績好d？
有冇人入到一啲坊間認為唔谷又係Band ...
cc 一定不谷
作者: bobbob 時間: 21-10-12 15:32
tkhhung 發表於 21-10-12 15:18
cc 一定不谷
作者: mcl203 時間: 21-10-12 15:33
bobbob 發表於 21-10-12 15:17
呢啲叫被動式催谷，同主動式又有多少分別，至低限度physically無咁多torture（操卷操到手跛），但那邊廂精 ...
我成日有個謎思，如果人哋唔谷你，為乜要主動出擊？為個人嘅崇高理想而奮鬥？即係咁，學校只係要求你上PE堂，強身健體，完全冇諗過安排你出賽，自己日日放學就去場操3-4粒鐘，365日無間斷，咁為乜呢。如果PE唔合格唔可以升班，有需要就話啫～～～
作者: fatman69 時間: 21-10-12 15:34
Kathyka 發表於 21-10-12 15:15
有人話二線嘅小學更加谷，因為學校想谷成績，另升中派位成績好d？
有冇人入到一啲坊間認為唔谷又係Band ...
你去問100間中小校長，「你地學校谷吾谷？學習愉快嗎？」
100個都話吾谷，本校學生學習愉快。
但结果係90間係谷，9間要自主谷，1間未確定谷吾谷！
根本香港的教育制度就係要谷！
只是要被動去谷？定係自主去谷？
作者: fatman69 時間: 21-10-12 15:36
sevenature 發表於 21-10-12 14:51
然後出來愉快地工作，過幾年喺Open U(都大)讀返個part time學位,或者準備升職啦讀返個澳洲遙距MBA? 係咪咁 ...
識得咁迂迴升學已經好好，證明成長左！
作者: mcl203 時間: 21-10-12 15:37
tkhhung 發表於 21-10-12 15:18
cc 一定不谷
我只係聽聞過，CCPS啲中文部份係國內教才，唔係另類谷法？朋友要代木蘭從軍，佢都話自己都頂唔住。不過，當年都係少討論課程，只係果次佢呻左出嚟～～～
作者: bobbob 時間: 21-10-12 15:43
mcl203 發表於 21-10-12 15:33
我成日有個謎思，如果人哋唔谷你，為乜要主動出擊？為個人嘅崇高理想而奮鬥？即係咁，學校只係要求你上PE ...
作者: sevenature 時間: 21-10-12 15:44
fatman69 發表於 21-10-12 15:36
識得咁迂迴升學已經好好，證明成長左！
因為自己同身邊好多朋友都係咁 所以更加唔想個仔咁迂迴同崎嶇 我贊成谷同有要求 但不算過份 只要求
小學:100人考30名以內
中學:150人考100名以內
咁算唔算怪獸？哈哈
作者: tkhhung 時間: 21-10-12 15:45
tkhhung 發表於 21-10-12 15:18
cc 一定不谷
你真了解實情
作者: tkhhung 時間: 21-10-12 15:47
sevenature 發表於 21-10-12 15:44
因為自己同身邊好多朋友都係咁 所以更加唔想個仔咁迂迴同崎嶇 我贊成谷同有要求 但不算過份 只要求
小學: ...
當然以全級前10% 為目標
作者: PTL_L 時間: 21-10-12 16:01
昨日先同朋友傾開，普通中學畢業，當年讀U,臨畢業諗住爆科，佢科科都爆得起，資優仔，要做一定做到，但惟獨英文爆唔起，所以佢話第時有細路仔，一定會盡量考慮入傳統名校，因為上到大學，語文科系真係同普通中學有距離，呢啲唔係可以起中學階段就可以收窄。
作者: fatman69 時間: 21-10-12 16:04
sevenature 發表於 21-10-12 15:44
因為自己同身邊好多朋友都係咁 所以更加唔想個仔咁迂迴同崎嶇 我贊成谷同有要求 但不算過份 只要求
小學: ...
以前學位少，大家都找尋提升自我機會，現在學位多左，就要找尋入讀好科目機會。
小30/100，正常的。
中100/150就不易升大，除非這是B1a校。
作者: tkhhung 時間: 21-10-12 16:06
PTL_L 發表於 21-10-12 16:01
昨日先同朋友傾開，普通中學畢業，當年讀U,臨畢業諗住爆科，佢科科都爆得起，資優仔，要做一定做到，但惟獨 ...
英文真係要長期作戰 上到英文中學 大部份科目都係英文 少些基礎都好辛苦
作者: PTL_L 時間: 21-10-12 16:08
tkhhung 發表於 21-10-12 16:06
英文真係要長期作戰 上到英文中學 大部份科目都係英文 少些基礎都好辛苦
...
作者: tkhhung 時間: 21-10-12 16:11
PTL_L 發表於 21-10-12 16:08
中學階段佢都處理到，資優仔學野快，但語言真係要浸，所以佢已經諗定教自小朋友方向，雖然婚都未結 ...
妳朋友長期有夢想
作者: PTL_L 時間: 21-10-12 16:14
tkhhung 發表於 21-10-12 16:11
妳朋友長期有夢想
但我們呢啲平凡人，有時好羨慕呢啲資優生，真係只要想，基本上就可以做到，佢中學時直情上堂瞓覺，但考級三，又俾啲老師叫佢起身答問題，瞓覺期間，但又答到，激死啲老師，無得鬧
作者: tkhhung 時間: 21-10-12 16:37
PTL_L 發表於 21-10-12 16:14
快人一步，理想達到
但我們呢啲平凡人，有時好羨慕呢啲資優生，真係只要想，基本上就可以做到，佢中學 ...
GC 真係上堂好悶 無辦法
作者: ANChan59 時間: 21-10-12 17:18
mcl203 發表於 21-10-12 15:33
我成日有個謎思，如果人哋唔谷你，為乜要主動出擊？為個人嘅崇高理想而奮鬥？即係咁，學校只係要求你上PE ...
真係有，我以前中學PE唔合格，係冇得考大考，预科男校女生都要，除非有醫生健康證明！咁又唔駛365日，65日不可少。 跑25個圈7公里，女生5公里。
作者: acgy 時間: 21-10-12 22:48
Kathyka 發表於 21-10-12 15:15
有人話二線嘅小學更加谷，因為學校想谷成績，另升中派位成績好d？
有冇人入到一啲坊間認為唔谷又係Band ...
坦白講谷唔谷係因人而異, 就算同一間學校, 叻果D同學咪覺得唔谷, 差果批同學既家長咪會話學校好谷囉.
講真大部份學校都唔會話自己谷架啦, 但實情係就算唔係由學校主導去谷, 學校都會迫你自己去谷,
作者: tkhhung 時間: 21-10-12 23:07
acgy 發表於 21-10-12 22:48
坦白講谷唔谷係因人而異, 就算同一間學校, 叻果D同學咪覺得唔谷, 差果批同學既家長咪會話學校好谷囉.
講 ...
如果學校課程內容跟不上 個別同學可能是不適合就讀 多過叫谷
作者: Band5 時間: 21-10-12 23:08
sevenature 發表於 21-10-12 15:44
因為自己同身邊好多朋友都係咁 所以更加唔想個仔咁迂迴同崎嶇 我贊成谷同有要求 但不算過份 只要求
小學: ...
算唔算怪獸？
如果小朋友年年都考10名內，今年考30，你接受到？
名次只係參考，唔係指標。
我覺得小學時父母同小朋友係隊友，大家一齊爭取成績，每次測驗考試就互相檢討，了解為何失敗，如何改善進步，訂下一個目標，安排多少時間溫習，運動同娛樂。有時小朋友為了爭取多啲時間打機，會主動做功課同溫習。分數同名次只係一個獲取獎勵嘅機會。
中學後父母可以參與嘅大大減少，都係靠自己為主，初中時我對我仔嘅要求係所有課文內容要明白，跟得上，錯要知道點解錯，分數唔重要。因為佢係經自行升入中學，所以我要求佢定前40名為目標。高中就全自己發揮，父母只需關心下同提點佢升大學揀科嘅目標。
作者: tkhhung 時間: 21-10-12 23:24
Band5 發表於 21-10-12 23:08
算唔算怪獸？
如果小朋友年年都考10名內，今年考30，你接受到？
全級多少學生 平均分是否跌咗 還要看邊間中學 好難一刀切評論 如果屬中上 看家長期望 是否初中要馬上谷學業？
作者: sevenature 時間: 21-10-13 00:31
Band5 發表於 21-10-12 23:08
算唔算怪獸？
如果小朋友年年都考10名內，今年考30，你接受到？
哈哈…成個小學生涯，基本上徘徊18-26，名列前茅概年年都係個班，好平淡無驚喜，但自己睇學校往績知道前50係會入到band 1 所以真心覺得有30都Ok…中學都想學下你放手 但佢唔係自行考入所以又擔心呢樣擔心個樣也不敢目標太高…
作者: Band5 時間: 21-10-13 01:33
sevenature 發表於 21-10-13 00:31
哈哈…成個小學生涯，基本上徘徊18-26，名列前茅概年年都係個班，好平淡無驚喜，但自己睇學校往績知道前50 ...
我覺得最好嘅放手就係令佢自己上心，父母定嘅目標點都唔及佢自己定嘅更能夠實行，所以中學後就多啲同佢講升大學嘅資訊，佢有咗方向就容易有目標。
作者: 王家爸爸 時間: 21-10-13 09:07
Band5 發表於 21-10-12 23:08
算唔算怪獸？
如果小朋友年年都考10名內，今年考30，你接受到？
小朋友之前年年都考10名內係事實，而今年考30都係事實。實實在在既事實，你無得唔接受。
預到呢啲問題，重點應該係揾出問題（如果你覺得係問題）既背後因素，呢啲因素有啲係你控制到既，有啲係你控制唔到既。理性既做法係，諗辦法改變啲你改變到既因素。
作者: b3410 時間: 21-10-13 09:50
PTL_L 發表於 21-10-12 16:01
昨日先同朋友傾開，普通中學畢業，當年讀U,臨畢業諗住爆科，佢科科都爆得起，資優仔，要做一定做到，但惟獨 ...
作者: b3410 時間: 21-10-13 09:58
王家爸爸 發表於 21-10-13 09:07
如果小朋友年年都考10名內，今年考30，你接受唔到，呢個唔係怪唔怪獸既問題，係愚唔愚蠢既問題。
...
我真係會接受唔到喎！
break bad news 第一個stage denial, 第一個反應接受唔到好正常。
竟然話愚唔愚蠢
作者: ar_mak 時間: 21-10-13 09:59
提示: 作者被禁止或刪除 內容自動屏蔽
作者: 02413124 時間: 21-10-13 10:32
我個人既谷係從小培養正確既學習態度，教佢搵啱自己既讀書方法。
另外，我亦認同小學絕對可將勤補掘，高中都可以，但難度較高。
作者: 王家爸爸 時間: 21-10-13 10:53
b3410 發表於 21-10-13 09:58
我真係會接受唔到喎！
break bad news 第一個stage denial, 第一個反應接受唔到好正常。
作者: 王家爸爸 時間: 21-10-13 10:56
02413124 發表於 21-10-13 10:32
我個人既谷係從小培養正確既學習態度，教佢搵啱自己既讀書方法。
另外，我亦認同小學絕對可將勤補掘，高中 ...
作者: 王家爸爸 時間: 21-10-13 11:00
想真正咁正確認識「谷」，首先要定義「谷」。有啲家長覺得多而淺既功課就係「谷」 ，有啲家長覺得少但難既功課先係「谷」 ，有啲家長覺得多而難既功課先係「谷」。唔同定義，有唔同既解讀。
作者: 02413124 時間: 21-10-13 11:01
王家爸爸 發表於 21-10-13 10:56
每個小朋友有唔同既最適合學習模式。一個小朋友覺得谷，另一個小朋友覺得輕鬆，所以谷只係反映揀錯學校。 ...
因為佢地細，所以只會教佢地搵啱自己既學習模式。
個人認為，從來學任何野要追求一定層次，就算天資幾好，都唔會輕鬆就可以達到。特別體同音。academic 方面，香港教育制度下要求既accuracy 都係。
作者: Kirin007 時間: 21-10-13 12:07
王家爸爸 發表於 21-10-13 11:00
想真正咁正確認識「谷」，首先要定義「谷」。有啲家長覺得多而淺既功課就係「谷」 ，有啲家長覺得少但難既 ...
學校谷有得揀，父母谷冇得揀，父母催谷其實幾恐怖：部分家長唔認啫！
作者: mcl203 時間: 21-10-13 12:47
Kirin007 發表於 21-10-13 12:07
學校谷有得揀，父母谷冇得揀，父母催谷其實幾恐怖：部分家長唔認啫！
認咗，級數只可以最高達學霸級別，離學神級別仍然係遠嘅～～～
作者: PTL_L 時間: 21-10-13 13:40
b3410 發表於 21-10-13 09:50
果時冇乜網上資源，英文exposure的確學校為主，所以會有差距。不過依家資訊發達，生活日常中隨時可以接觸到 ...
作者: twobirds 時間: 21-10-13 13:58
王家爸爸 發表於 21-7-11 13:52
現實係香港同大陸都一樣，害怕小朋友輸在起跑線既家長，一定比放羊既多。
個人認為，谷同放羊對小朋友好定 ...
對呀，因材施教才是王道！
而且沒有必定會出類拔萃的，接受平庸也是一種成功。
作者: fatman69 時間: 21-10-13 14:35
王家爸爸 發表於 21-10-13 11:00
想真正咁正確認識「谷」，首先要定義「谷」。有啲家長覺得多而淺既功課就係「谷」 ，有啲家長覺得少但難既 ...
課程及功課的質素，亦反映學校的成績！
作者: Kirin007 時間: 21-10-13 14:53
mcl203 發表於 21-10-13 12:47
認咗，級數只可以最高達學霸級別，離學神級別仍然係遠嘅～～～
見你多次講到學霸學神論，我唔知係邊個網友提出㗎？誠然，讀書嚟講成績係結果、入U入咩科係結果，而以結果論：都有高中先超車入到神科嘅，所以借唔借外力因人而異、並無高下之分！做到年級NO.1，仲有香港，仲有亞洲、世界！
又講催谷呢個主題：有家長覺得唔跟人玩法會好蝕底，入唔到band1校又好慘，所以自細開始不斷撲興趣班補習班，讓四五歲嘅玩家變咗扯線公仔，揠苗助長。我都唔反對參加乜乜班，而且同意適量係有好處嘅！所以自認唔係怪獸家長根本無須對號入座。
能力有限、欲望無限，與大家共勉之
有首讀過的詞分享：
終日奔忙只為飢，才得有食又思衣；置下綾羅身上穿，抬頭卻嫌房屋低；蓋下高樓並大廈，床前缺少美貌妻；嬌妻美妾都娶下，又慮出門沒馬騎；將錢買下高頭馬，馬前馬後少跟隨；家人招下十數個，有錢沒勢被人欺；一銓銓到知縣位，又說官小職位卑；一攀攀到閣老位，每日思想要登基；一朝南面做天子，去想神仙下象棋；洞賓陪他把棋下，又問哪有上天梯；上天梯子未做下，閻王發牌鬼來催；若非此人大限到，上到九天還嫌低。
作者: mcl203 時間: 21-10-13 15:09
Kirin007 發表於 21-10-13 14:53
見你多次講到學霸學神論，我唔知係邊個網友提出㗎？誠然，讀書嚟講成績係結果、入U入咩科係結果，而以結果 ...
自己google下，學神學霸學渣嘅意思，已經係有嘅定嘅形容對象。你似乎一直解錯意思，我都係見有人咁講，我先請教自己識果位學生～～～
作者: fatman69 時間: 21-10-13 15:18
mcl203 發表於 21-10-13 15:09
自己google下，學神學霸學渣嘅意思，已經係有嘅定嘅形容對象。你似乎一直解錯意思，我都係見有人咁講，我 ...
學霸聽得多，學神就第一次在EK呢個帖見，以前在另一學校常聽到學神這兩字！
「李x駕駛學校」 
作者: Kirin007 時間: 21-10-13 15:23
mcl203 發表於 21-10-13 15:09
自己google下，學神學霸學渣嘅意思，已經係有嘅定嘅形容對象。你似乎一直解錯意思，我都係見有人咁講，我 ...
學渣我就知，原來仲有「學弱」呢個名詞
睇完覺得成績好（刻苦）唔叫學霸囉
作者: b3410 時間: 21-10-13 15:29
mcl203 發表於 21-10-13 15:09
自己google下，學神學霸學渣嘅意思，已經係有嘅定嘅形容對象。你似乎一直解錯意思，我都係見有人咁講，我 ...
*****
除此之外，由「學霸」衍生出的，用來描述處於不同學習水平的學生群體的詞彙還有更多，有的還成了體系。在一個版本中，稱謂等級從高至低排列乃：學魔、學神（學帝）、學霸、學痞（學屌）、學民、學弱、學渣、學殘、學沫、學水。這些稱謂分為三層。其中處於「上層」的學魔、學神、學霸成績優越，但三者之間還存在細微差異。比如學魔偏指對學習「走火入魔」者[29]；學神則比學霸更勝一籌，且常做相對高難度的練習題卻遊刃有餘[22]；學霸則指不但學習好，課外特長——諸如琴棋書畫之類——也多，社交範圍又廣泛者[29]。「學痞」一詞適用的物件「徘徊於學霸與學渣之間」，有時有超越學霸的天賦，有時潛心學習不問世事；上課只看心情，作業一筆帶過；沒有學霸執着，亦沒學渣頹廢[22]；但成績很好[30]。而學民等詞則位列「中層」[29]。其中「學民」佩服「學霸」，欲將其超過並為之努力，而又瞧不起「學渣」[22]；「學弱」長期熬夜，不堪重負身體虛弱[30]。學渣等詞位列「下層」[29]。其中，「學渣」處於「半瘋癲狀態」，刻苦而不得志；「學殘」處於「全瘋癲狀態」，不堪學業重負而「沒有人樣」；「學沫」並不努力，混日子但仍盼不勞而獲；「學水」自暴自棄[30]。這個體系在一些同學間已形成「民間共識」[30][31]，被不斷流傳，成為同儕間自嘲或調侃內容，不少老師校長亦聽過這些說法[30]。 而在另一個體系中，學生按學習水平被分為學霸、學神、學弱、學渣。刻苦而高分者為學霸；不刻苦而高分者為學神；刻苦而低分者為學弱；從不學習又無好成績者為學渣。其關係可借用坐標系表現，見圖。[13]
作者: Kirin007 時間: 21-10-13 15:30
b3410 發表於 21-10-13 15:29
原來還有更多稱呼學神之外，還有學魔，學渣，也分好多種
*****
人都癲咗
作者: PTL_L 時間: 21-10-13 15:38
b3410 發表於 21-10-13 15:29
原來還有更多稱呼學神之外，還有學魔，學渣，也分好多種
*****
唔駛知咁多，知自己果啲係學x就夠
作者: Kirin007 時間: 21-10-13 15:49
唔認老唔得，學酥、學鬼、學癌、學婊、學糕，如果唔睇釋義，聽到都唔明係意思
| 歡迎光臨 教育王國 (/) |
Powered by Discuz! X1.5 |