教育王國

標題: BNO Visa 放射治療、職業治療及航天工程育成記 L [打印本頁]

作者: JojoDad 時間: 昨天 05:50 標題: BNO Visa 放射治療、職業治療及航天工程育成記 L

本帖最後由 JojoDad 於 26-3-10 05:55 編輯

各位EK 師兄師姐好！個女又升中之後又到咗一個階段嘅終點喇，喺呢度唔係想曬話個女點叻點叻，而係想分一下培育到佢呢個階段嘅一啲心路歷程。
我係由2018年個女小五嘅時候開始入嚟嘅，目的梗係想睇吓點樣可以俾個女入到啲心儀嘅學校啦，例如香港四大女名校。結果入唔到，只係入咗铭基，但係因為係英文中學都可以接受。2023年頭阿女S 3時候我哋經BNO Visa去咗英國，年半之後搬咗上去蘇格蘭，雪上加霜嘅係原來上到去阿女S 5，八個月之後就立刻係決定生死嘅大學試，喺新環境、新學校同新學制衝擊之下，原本係英格蘭讀得唔多唔錯嘅，阿女成績大啲，六科中之後三科合格，我哋急急搵網上補習，幾經努力之下，終於攞到四個A一個C一個D，舊年12月佢報讀咗四間大學中嘅五個科目，都目前為止標題上嗰三科已經俾咗condition Offer，另外兩間大學嘅預醫科仲係被考慮緊。

相比起四大女神校，中學階段阿女讀咗四間學校，除咗銘基同最尾喺蘇格蘭嗰間公校好啲之外，其餘嗰兩間因為插班問題其實都好一般，絕對唔係啲乜嘢直資、grammar schooll或者Private School。但係由小學到中學我都好俾心機支援個女，陪佢做功課又陪佢溫書，當然前提係佢乖又俾心機讀書，阿女唔係尖子，其實好平凡，但很勤力，我將入直資同Private School嘅錢用咗喺佢補習上，計落使費其實差唔多，最大嘅分別係我用個心去陪住佢走呢段路，而佢亦都感受到。

所以最後我想講嘅係，入到名校固然開心，亦可以滿足我心底嘅虛榮感，但係入唔到名校唔係世界末日，唔使失望。就算中途有幾多跌撞，一般嘅細路仔，只要你肯用個心支援佢，佢感受得到之餘，係有回報嘅。

在此亦衷心感謝在這裏的師兄師姐前輩 Poyau、Medicine，喺呢七、八年裏面，冇E K，冇你哋陪住我，讓我心裏嘅感受有所共鳴，我一個人未必走得完呢條路，感謝！

作者: melody18 時間: 昨天 08:14 標題: 回覆樓主：

本帖最後由 melody18 於 26-3-10 08:15 編輯

謝謝分享！

想請教你哋點樣陪讀同陪佢做功課？

中學各科越嚟越深，即使以前有讀過，好多已經唔記得晒。香港考試啲題目有啲重要特登出得刁鑽啲嚟陰你….

我都想陪佢讀陪佢做功課，但佢有題目唔明唔識做嘅時候問我，我又唔可以即刻答到佢，甚至可能諗完一輪之後都係一樣唔識…

除非跟住佢個課程自己亦一路讀落去，但好似都唔係辦法，亦想像唔到可以咁一路落到去DSE，所以只能放手….

作者: LeeCC 時間: 昨天 09:10

中學四間中學，還有轉換生活環境，阿女的適應力好強，好叻女

作者: JojoDad 時間: 昨天 23:49

melody18 發表於 26-3-10 08:14
謝謝分享！

想請教你哋點樣陪讀同陪佢做功課？

我中學時期係讀理科嘅，到咗大學嘅時候主修統計副修電腦，所以喺香港S1-3我基本都應付到，當然去到中三嘅時候都偶然有啲嘢唔識，咁咪叫佢等一陣做下一題先，跟住我就自己狂搵書同埋諗返以前點樣做，一般嚟講10次有七次都大概一個鐘頭之後解答到佢嘅問題，真係唔識嘅，就叫佢返學校問返同學或者先生點樣做。
冇錯，去到DSE或更高（即係好似我係Scotland嘅時候都唔係好幫到佢），所以舊年咪幫佢搵咗網上補習囉（呢度因為地區太大，大部份都係網補），咁前前後後，佢知道你係盡量幫到佢就幫，解決唔到嘅，就一齊搵補習，前提係佢要肯囉，。＂

作者: JojoDad 時間: 昨天 23:51

LeeCC 發表於 26-3-10 09:10
中學四間中學，還有轉換生活環境，阿女的適應力好強，好叻女

仲有忘記咗，感謝你LeeCC

作者: 毛毛手 時間: 1 小時前

LeeCC 發表於 26-3-10 09:10
中學四間中學，還有轉換生活環境，阿女的適應力好強，好叻女

除非兩間中學的級數相差很大或者完全唔適應，一般黎講唔建議中學讀多過兩間，佢地個年紀適應力的確好強，我當年都讀過3間小學2間中學，但一世的真心朋友多數都係中學識返黎。呢樣嘢我都係咁教女，而家去中學open day第一樣都係叫個女留意下是否鍾意入面d學生，成績是否最好都係其次。

歡迎光臨教育王國 (/)