教育王國

標題: 依家有AI，做咩要讀咁多書？ [打印本頁]

作者: 852eve 時間: 3 天前 標題: 依家有AI，做咩要讀咁多書？

依家資訊科技好發達，連小學生都識用AI，甚至用AI 做功課，如果有一日你嘅仔女問你「依家有AI，做咩要讀咁多書？」你地會點答？

作者: beastiebistro 時間: 3 天前

852eve 發表於 26-6-1 16:40
依家資訊科技好發達，連小學生都識用AI，甚至用AI 做功課，如果有一日你嘅仔女問你「依家有AI，做咩要讀咁 ...

讀書係為咗學識問問題

作者: twhkleung 時間: 3 天前

beastiebistro 發表於 26-6-1 21:17
讀書係為咗學識問問題

Short and sweet

作者: poonseelai 時間: 前天 00:07

852eve 發表於 26-6-1 16:40
依家資訊科技好發達，連小學生都識用AI，甚至用AI 做功課，如果有一日你嘅仔女問你「依家有AI，做咩要讀咁 ...

自己唔識, 怎知AI做得啱？

作者: ANChan59 時間: 前天 06:03

poonseelai 發表於 26-6-2 00:07
自己唔識, 怎知AI做得啱？

以前有一句，「不要問，只要信！」。

現在「求其問，只要信！」。

作者: ANChan59 時間: 5 小時前 標題: 回覆樓主：

本帖最後由 ANChan59 於 26-6-4 08:23 編輯

上星期收到美國拍檔用Claude 產生嘅industrial designs，他們用我哋基礎設計的dimensions 做constants，選中咗3款設計，他們當中已經加上不少好specific requirements，例如散熱效果，風槽設計，入風口位置⋯⋯

當我哋有實戰經驗嘅工程師一望就知道口賴嘢，好古靈精怪，部件難生產得嚟又組裝不到。結果將3個設計當中較有機會繼續設計的一個作詳細設計。

將第一代跟這個futuristic design 作back to back comparison。不少基本物理定律就變成廢物。舉例Claude 用流體動力學的Venturi action 嘅原理應用入去，所以提高散熱效果。講到似層層，因為應用Al者不是STEM出身，係BBA。我哋問一句，中間有散熱器，破咗流向，是否會有抽真空作用，佢猶疑。幾個似是疑非的原理及理諭，一深入探討，就不攻自破。

我再問一次在市場對我們上一代的產品嘅pain points 是什麼？不如回歸基本步，用 new user requirements 作基礎，我哋接受做工業設計。

教訓
1。不要問，只要信，die hard。
2。基本原則，原理係要學識嘅，不然的話，點可以問好問題，點可以知道係gems 抑或係garbages。

作者: ANChan59 時間: 5 小時前 標題: 回覆樓主：

本帖最後由 ANChan59 於 26-6-4 08:24 編輯

同一個視頻會議，我哋也想了解他用我們的另一個核心部份原始設計gen 咗5個不同設計，claim 達到他們的需要及便宜。

A設計好似我哋嘅設計，但BCDE，我哋睇唔明，所以希望他們將B的設計爆出爆炸圖及需配件，佢即場用Claude去改prompts，結果係出咗A嘅爆炸圖，佢再修正prompts 再試，都係A，試完第三次，他終於放棄，他也開始明白浮面嗰層Al吹到似層層，又有references，當深入問，就會「三句可以，問死聖人」。Al自己都唔通。

我最後問你哋嘅最終目的係咩，答案係成本減半，我問只係這個要求，答案：係。我再問之前給我哋嘅constraints 會否考慮撤銷，他答可以。

我就笑，你對我們的要求苛刻，對Claude 就千依百順，你早啲醒覺咪唔使大家係到轉圈。

教訓：
1。什麼是學問？
2。什麼是雙重標準？
3。每一次這樣交鋒，我都知道這個拍檔走唔出我哋嘅手指嗱，因為shock therapy 讓他們明白什麼是學問，什麼是能力，什麼是知識！

作者: ANChan59 時間: 5 小時前 標題: 回覆樓主：

本帖最後由 ANChan59 於 26-6-4 08:26 編輯

後話：拍檔現在來源於A1嘅設計不再用designs，改用inspirations，我答ok，動作係望一望然後放入bin。

點解我繼續工作及做研發，係減慢老人癡呆，不過中長期，血壓會不會慢慢升高？！

作者: poonseelai 時間: 2 小時前

ANChan59 發表於 26-6-4 08:20
後話：拍檔現在來源於A1嘅設計不再用designs，改用inspirations，我答ok，動作係望一望然後放入bin。

點解 ...

用AI整個product就以為自己識, 其實根本唔知係乜

有人用AI寫小說就自稱作家, 點解用AI寫？因為自己寫唔到, 咁算係作家

作者: akys 時間: 1 小時前

ANChan59 發表於 26-6-4 07:59
上星期收到美國拍檔用Claude 產生嘅industrial designs，他們用我哋基礎設計的dimensions 做constants，選 ...

搵個BBA管理AI 去gen industrial design 圖，邊得架。我哋做產品嘅，做得耐，賴過嘢會一眼就知道有啲design 理論上無敵，但實際上唔可行或者成本唔容許（例如模具係其一）。可能吸收多幾年資料，或者有專用AI先啦。

歡迎光臨教育王國 (/)