教育王國

標題: 有無小一媽咪入嚟圍爐？每日陪個仔做功課真係血壓急升 [打印本頁]

作者: MaraWu299 時間: 26-5-10 05:05 標題: 有無小一媽咪入嚟圍爐？每日陪個仔做功課真係血壓急升

啊仔而家小一，每日放學返嚟好似打仗咁。明明幼稚園嗰陣幾好，點知一上小一出晒事，一要做功課就寫字寫好慢，寫唔夠幾個字，就兩頭擰嚟擰去，要一直叫佢專心啲做功課，每日陪佢做功課都做到燥。想問下大家係咪都有呢個情況？

作者: KittWan媽 時間: 26-5-11 02:53

我簡直喺處於崩潰邊緣，每日要返工煮飯，仲要陪做功課。。。自從個女升左小學，先發現以前幼稚園簡直係天堂！依家每日返嚟打開本手冊，見到十幾樣功課都算，最慘係個女抄手冊抄到鬼畫符，我仲要喺家長群麻煩其他媽媽幫手影手冊畀我睇吓，真喺搞到我都好似一齊返多次學咁。

依家最揼心，喺以前見人哋幫仔女報好多補習班、銜接班，我唔理解架，覺得仲細應該畀細路玩多啲，唔需要咁快學咁多。結果依家上到去，其他小朋友英文已經講得好流利，個女連最基本 Sight Words 都未認得清，就黎溫默書溫到兩母女一齊喊。。。

作者: eleung123 時間: 26-5-11 17:23

小一先開始梗係啦
我K2都開始每日陪做功課陪讀
宜家K3學期尾好好多了
因為已經有個習慣

作者: RainyRice 時間: 26-5-11 18:42

贊成好習慣要盡快養成。小一都未算遲。
選擇一-功課班/補習班：都識朋友頂唔順，將小朋友送去功課班，放工接返屋企，功課做完，基本測驗考試默書溫好，輕鬆好多。
選擇二-放手：如果小一冇測考，功課量比較少，逐小放手俾小朋友自己做，過程有難度，不過希望持續進步。
選擇三-遲啲放手：都試過初小跟得貼，不過可能因為學校功課量不多，甚至手冊都可以上網睇返，加上疫情？所以又未至於崩潰。到後來決心放手，頭幾年都好驚險刺激（例如唔合格、欠交功課、俾老師寫手冊）。記住目標係小朋友要對自己學業緊張過你。難免佢唔達標嘅時候，要忍忍口。當然如果影響升中，真係好難忍。

作者: MaraWu299 時間: 26-5-12 19:07

KittWan媽發表於 26-5-11 02:53
我簡直喺處於崩潰邊緣，每日要返工煮飯，仲要陪做功課。。。自從個女升左小學，先發現以前幼稚園簡直係天堂 ...

咁你慘啲！我哋煮飯仲有工人姐姐幫手！咁你而家有冇幫佢報補習班？我諗緊係咪應該報英文班，因為英文老師話啊仔上英文堂成日發呆，問咩都唔識答。

作者: MaraWu299 時間: 26-5-12 19:08

eleung123 發表於 26-5-11 17:23
小一先開始梗係啦
我K2都開始每日陪做功課陪讀
宜家K3學期尾好好多了

k1 真係係最開心既時期

作者: MaraWu299 時間: 26-5-12 19:09

RainyRice 發表於 26-5-11 18:42
贊成好習慣要盡快養成。小一都未算遲。
選擇一-功課班/補習班：都識朋友頂唔順，將小朋友送去功課班，放工 ...

功課班會唔會質素好參差?

作者: Shlppohan_ 時間: 26-5-13 19:37

睇見大家咁講突然覺得自己以前幾好彩
大細孖以前讀間幼稚園雖然係happy school
但學術教育上都無話弱d 嗰陣幼稚園老師教得幾好所以對住英文生字唔會驚升上嚟銜接得都幾順利
以家做功課雖然都要陪但起碼唔會話扭計唔做
各位媽媽加油呀

作者: KittWan媽 時間: 26-5-14 17:59

MaraWu299 發表於 26-5-12 19:07
咁你慘啲！我哋煮飯仲有工人姐姐幫手！咁你而家有冇幫佢報補習班？我諗緊係咪應該報英文班，因為英文老師話 ...

搜集緊資料睇邊間補習班好！不過未決定要補咩課，因為課課都肥，但又擔心一下子補咁多，會太多壓力。

作者: KittWan媽 時間: 26-5-14 18:00

Shlppohan_ 發表於 26-5-13 19:37
睇見大家咁講突然覺得自己以前幾好彩
大細孖以前讀間幼稚園雖然係happy school
但學術教育上都無話弱d 嗰 ...

聽到我好羨慕。。。孖仔讀邊間，應該唔會同區掛，如果唔係我會仲揼心口。。

作者: HYAT 時間: 26-5-15 10:39

阿細家下K3, 但係做功課要三催四請,
就算拎咗功課出嚟, 坐咗係到都唔唔係做嘅,
一陣搞下個筆袋, 一陣去飲水, 一陣又要去廁所咁,
其實得果兩頁紙仔, 以前阿大兩三個字就做完,
阿大家下9成以上功課都係學校做完,
因為佢知道做晒返到屋企就可以玩,
但係細嘅完全搞唔掂, 好擔心佢升到小學更多功課點搞好...

作者: EvaCheon 時間: 26-5-15 16:18

小學環境同幼稚園吾同, 可以俾多少少時間小朋友適應~
吾係每個小朋友一讀小學就適應到, 大家需要的適應期
長短都會有分別
但的確如果幼稚園時期無打好基礎, 岩讀上去係有可能會吃力啲

作者: Shlppohan_ 時間: 26-5-18 17:06

KittWan媽發表於 26-5-14 18:00
聽到我好羨慕。。。孖仔讀邊間，應該唔會同區掛，如果唔係我會仲揼心口。。 ...

吾會咁岩嘅
讀plktbw大埔區

作者: CYipWinnie 時間: 7 天前

MaraWu299 發表於 26-5-12 19:07
咁你慘啲！我哋煮飯仲有工人姐姐幫手！咁你而家有冇幫佢報補習班？我諗緊係咪應該報英文班，因為英文老師話 ...

我家姐姐煮飯調味好隨心,好5好食要睇彩數Ha

作者: CYipWinnie 時間: 7 天前

EvaCheon 發表於 26-5-15 16:18
小學環境同幼稚園吾同, 可以俾多少少時間小朋友適應~
吾係每個小朋友一讀小學就適應到, 大家需要的適應期
...

所以家下啲人都話揀咩幼稚園對日後都有影響

作者: 周小桃 時間: 昨天 12:37

MaraWu299 發表於 26-5-10 05:05
啊仔而家小一，每日放學返嚟好似打仗咁。明明幼稚園嗰陣幾好，點知一上小一出晒事，一要做功課就寫字寫好 ...

無甘既情況
可能某方面出現問題，最好諮詢專家意見。例如注意力不足，讀寫障礙

歡迎光臨教育王國 (/)