教育王國
標題: 慈幼生活 [打印本頁]
作者: PigPig710 時間: 17-9-14 17:59 標題: 慈幼生活
大家好! 我是今年小一生的家長, 我對這間學校認識其實不太多, 被派了入黎都會有一點點既擔心, 由於無咩人係呢度講學校既事, 所以知得更加少...但既然入了這間學校, 我亦希望好好同兒子享受學校生活, 亦想幫助想入這間學校但又想知多啲既家長。希望各位睇到呢個POST又係慈幼讀緊既家長可以一齊幫手解答其他家長問題。
一年級生八月尾會有三天的適應學校生活, 會教小朋友班規, 排隊同學校環境等。九月便已經正式開學, 第一個星期雖然叫適應週, 但其實已開始上堂同有功課, 每天兩至三樣, 不太多但每一天都要同小朋友溫下書, 因為九月尾已經第一個默書出現, 雖然老師說上學期默書唔會計分, 但相信你都唔會想見到自己個仔錯太多掛, 唯有乖乖地叫個小朋友每天記少少, 一年級英文會先學併音, 幸好我幼稚園時已幫佢補底, 暫時還可應付。但老師還要求小朋友要識寫自己個英文全名, 不是PETER CHAN, 而是要CHAN TAI MAN PETER, 這個大家記得暑假花一點時間教小朋友, 因為以前他在幼稚園都只是寫英文名加姓, 並沒有需要全個中文併音都要寫出來。
第二件事便是鞋帶, 原來一年級生已經要穿有鞋帶既鞋, 學校話要訓練小朋友手既小肌肉, 本來我買左魔術貼,好彩未過期仲可以換, 大家記得要幫小朋友買有鞋帶既鞋啦, 黑鞋同運動鞋都一樣需要, 因為未入學時唔知, 我而家都要好努力教個仔綁鞋帶...試過一次小息鞋帶甩左, 佢就成個小息係度綁, 連水都無時間飲。哈哈...無辦法, 都要學習適應。
每天都有閱讀課, 兩天英文, 兩天中文, 自己帶圖書, 老師不會陪你讀, 帶圖書只是鼓勵小朋友多閱讀吧!
學校不會提供LOCKER, 小朋友每天都要帶晒所有書同用具走。
我住東區, 早上6:40分便要上校車, 東區家長要有心理準備, 小朋友一定要早瞓才可以支持一日課堂加回家做功課。
暫時我只有這些資料, 如果有其他小朋友讀緊既家長都可以係度留下POST。希望幫到大家!
作者: parkview1224 時間: 17-9-15 07:38 標題: 回覆樓主
請問樓主住係邊，小朋友要6:40搭校車？14網？
作者: PigPig710 時間: 17-9-15 10:42
回覆 parkview1224 的帖子
yes
作者: long107 時間: 17-9-15 12:09
PigPig710 發表於 17-9-15 10:42 
回覆 parkview1224 的帖子
yes
要咁早搭校車
老師方面有冇愛心？
全男班，上堂秩序還可以嗎？
作者: PigPig710 時間: 17-9-15 15:47
long107 發表於 17-9-15 12:09
要咁早搭校車
老師方面有冇愛心？
全男班，上堂秩序還可以嗎？
作者: 蛋爸爸 時間: 17-9-15 16:20
樓主寫得很好👍我仔今年都係小一，入這間小學是自己志願。
開學個幾星期，亞仔好開心咁上學，超開心放學。食飯、執書包、做功課都做得井井有條，老師肯比機會同學，而功課量暫算適中。最特別係求知慾比幼稚園強，每日回家都產生好多話題！唔知係唔因爲活動教學？
作者: PigPig710 時間: 17-9-15 16:32
回覆 蛋爸爸 的帖子
咁你個仔就乖好多啦, 我個仔寫完個生字, 我放工叫佢默番出黎佢已經唔記得點寫, 我都擔心默書時佢唔知點算! 學校生活就應該開心既, 我反而擔心佢唔鐘意食學校訂既飯, 點知佢又話食得晒! 咁我都放心啲~
作者: fanyau 時間: 17-9-17 00:12
本帖最後由 fanyau 於 17-9-17 00:12 編輯
我仔都係今年小一，我選這校係因為當時有參加小一介紹，感覺這校是比較守規舉和有愛心的，同埋見到潘校長好親民，但點知今年轉左校長，我讀個班係新上任老師，感覺比較友善和熱誠，暫時課程只屬k2尾及k3頭程度，我仔暫時覺得無難度，但欠缺積極學習態度， 功課亦不算多，但我仔性格喜愛拖住做，我唯有希望佢會改善這一點，阿仔話飯好食，都有清晒飯盒，覺得讀此校，起碼6成人搭校車，暫時聽阿仔返黎報告學校生活是愉快的。
作者: parkview1224 時間: 17-12-24 22:31 標題: 回覆樓主
有冇人可以update下小朋友現在係慈幼學習如何，新校長上任有冇新原素？
作者: PigPig710 時間: 17-12-27 17:02
經過三個月既學校生活, 阿仔性格明顯有轉變, 個人定性左, 有自信亦開心。新校長好好, 對小朋心有愛心, 喜歡親力親為, 聽聞老師對校長的評價亦很正面, 說校長好勤力, 所以大家都不敢偷懶!!
小朋友多左好多機會表演, 讓他們建立自信心。
學校老師個個都超有愛心, 真的是個個都係! 對小朋友有耐性, 學習風氣良好, 功課量不多, 但亦有一定程度。總括黎講, 小朋友個個都開開心心咁返學, 學習程度與其他學校無分別, 不會教深亦不會太淺。
作者: PigPig710 時間: 18-1-23 16:56
剛剛又完成考試, 一年兩測兩考, 小學生活真是無得抖氣! 中文同英文斁書都有足夠時間溫習, 功課量不多, 有足夠時間看書和提早上床睡覺。已問過老師, 這裡沒有精英班, 每年都是隨機編班, 不會以成績高低編組。
作者: long107 時間: 18-2-1 21:55
PigPig710 發表於 18-1-23 16:56
剛剛又完成考試, 一年兩測兩考, 小學生活真是無得抖氣! 中文同英文斁書都有足夠時間溫習, 功課量不多, 有足 ...
本帖最後由 long107 於 18-2-1 21:56 編輯
你好，慈幼小二開始全普教中，對沒有普通話根㡳的小朋友難嗎？上中文課時會同時用普通話和廣東話嗎？
作者: PigPig710 時間: 18-2-2 12:16
long107 發表於 18-2-1 21:55
本帖最後由 long107 於 18-2-1 21:56 編輯
你好，慈幼小二開始全普教中，對沒有普通話根㡳的小朋友難嗎 ...
作者: long107 時間: 18-2-2 12:39
PigPig710 發表於 18-2-2 12:16
孩子都是開心上學, 相信困難不大! 加上一年級已有普通話課, 是有時間給小朋友適應, 所以不需要太擔心。
...
謝謝！
學校有冇功課輔導班，對有特殊學習需要有什麼支援？
作者: PigPig710 時間: 18-2-2 14:27
long107 發表於 18-2-2 12:39
謝謝！
學校有冇功課輔導班，對有特殊學習需要有什麼支援？
我只能夠提供我所知道, 真正如何, 便要按情況與學校了解! 我兒子只是一年級, 我只可以提供一些基本學校資料給大家參考。
作者: long107 時間: 18-2-2 14:39
PigPig710 發表於 18-2-2 14:27
應該與一般津校無異, 如言語治療, 這是我現在所知的, 如在政府機構已確認的言語問題, 那便會專責治療師定期 ...
謝謝你提供咁多慈幼的寶貴質料
作者: Rubyykyip 時間: 18-2-8 12:07
本帖最後由 Rubyykyip 於 18-2-15 08:34 編輯
多謝提供慈幼的近況。
我想了解下學校升中近況及對慈幼中學的意見？如不是升讀慈幼中學，咁慈幼小六生通常去邊間中學？
Thank you
作者: PigPig710 時間: 18-2-22 11:00
Rubyykyip 發表於 18-2-8 12:07
多謝提供慈幼的近況。
我想了解下學校升中近況及對慈幼中學的意見？如不是升讀慈幼中學，咁慈幼小六生通常 ...
小學部好多都會揀番自己中學, 可能有歸屬感! 成績好或者進取既家長就會去隔離箕官, 亦有仔去皇仁, 華仁, 當然都係一個起兩個止!
作者: Rubyykyip 時間: 18-2-26 01:07
回覆 PigPig710 的帖子
多謝你既意見！我睇完你嘅資料都心儀慈幼，因為唔想阿仔太辛苦，唔想谷佢，想開開心心返學，多d活動/運動（因為仔多數好動），但同時亦要品徳好，慈幼係呢類學校太好了。
我打算自行會報（20分），我諗入到掛，因為看似競爭唔大。
請問你知唔知上堂多唔多活動教學？定以坐定定為主？
Thank you so much
作者: PigPig710 時間: 18-3-7 11:42
Rubyykyip 發表於 18-2-26 01:07
回覆 PigPig710 的帖子
多謝你既意見！我睇完你嘅資料都心儀慈幼，因為唔想阿仔太辛苦，唔想谷佢，想開開 ...
好高興你有興趣加入慈幼! 其實與其係某某熱門學校爭一席位, 不如開開心心給他一個快樂小學生活, 不多功課之餘還有時間比佢地打好個底, 我絕對相信考得好既一樣可以用成績派到好既中學!
作者: miffyjoyz 時間: 18-5-22 09:57
多謝樓主資料，我仔9月將入讀，上網一直好少用家資料，睇到你哩個帖，令我有更多了解
我仔係以10分自行入去嘅，我覺得會適合佢嘅性格，而且我唔希望學校太催谷，希望我無揀錯啦
作者: miffyjoyz 時間: 18-5-22 10:01
本帖最後由 miffyjoyz 於 18-5-22 10:52 編輯
回覆 Rubyykyip 的帖子
放心，我老公交表果日，校工已經講定明年見，只要你肯揀，收硬，我仔只有10分，都入到
睇返往年自行派位統計，無一年收滿自行學位，所以暫時都係“你肯揀佢就收”
不過而家嘅家長好叻，知道催谷唔係好事，可能過幾年會多啲人報都唔定
作者: YnFung 時間: 18-6-4 10:06
我仔係18-19年度小一生，15分自行入的 ... 由我仔K2 時我已決定自行慈幼，再係EK 見到樓主呢個貼心post， 我一直有 跟貼。真係比到我好大既信心，好開心能成為慈幼仔媽媽 ... 
作者: parkview1224 時間: 18-6-6 00:12 標題: 回覆樓主：
本帖最後由 parkview1224 於 18-6-6 00:14 編輯
樓主，有沒有學校最新近況可以講下嗎？
或者其他小朋友讀緊都可以講下呢間學校如何。
作者: Hibubbu 時間: 18-7-9 21:59 標題: 回覆樓主
愚問：普教中會唔會唔識中文字的廣東話發音？
作者: Snoobiz 時間: 18-7-10 19:19
Hibubbu 發表於 18-7-9 21:59
愚問：普教中會唔會唔識中文字的廣東話發音？
不會的。我囝囝讀左4年普教中幼稚園，在家我用慣常的廣東話與他溝通， 學校老師用國語，Net teacher用英文。老師用國語授課，我用廣東話教。完全冇問題，佢同D同學個個都係咁，ok 㗎!佢地自己識轉channel, 放心啦!
作者: PigPig710 時間: 18-7-11 10:54
parkview1224 發表於 18-6-6 00:12
樓主，有沒有學校最新近況可以講下嗎？
或者其他小朋友讀緊都可以講下呢間學校如何。
作者: Hibubbu 時間: 18-7-11 13:53
PigPig710 發表於 18-7-11 10:54
對唔住! 好耐無入黎, 大家仲想知道啲咩? 校長會有大改革, 一, 二年級本來兩測兩考, 但今年九月會將測驗改為 ...
請問你仔仔果班有幾多人？我look for 小班教學學校。功課我上網見都算少，4-5樣是嗎？小朋友是A仔，適合嗎？謝謝樓主回覆！
作者: parkview1224 時間: 18-7-12 18:07
PigPig710 發表於 18-7-11 10:54
對唔住! 好耐無入黎, 大家仲想知道啲咩? 校長會有大改革, 一, 二年級本來兩測兩考, 但今年九月會將測驗改為 ...
多謝你既回覆，我都係會向好方面諗，學校改革都係一件好事，期望呢位校長將慈幼做得更光更亮，班慈幼仔學到野之餘又著重品德
呢一年都反映出你仔仔係學校養到肥肥白白就知好事
作者: PigPig710 時間: 18-7-13 17:06
回覆 Hibubbu 的帖子
一班約20人, 功課一小時之內一定做得完, 無論任何特殊需要都在正常班學習, 但老師會觀察及轉介有需要同學在課後上一些課程, 但因我們不需要所以詳情不太了解。亦不是功課輔導班, 因為校長不主張功課太多而將小朋友留學完成, 學校主將在課堂中講解及練習, 一年級功課主要都是一些簡單抄寫或完成作業。
作者: freeze001 時間: 18-9-26 20:41
PigPig710 發表於 18-7-13 17:06
回覆 Hibubbu 的帖子
一班約20人, 功課一小時之內一定做得完, 無論任何特殊需要都在正常班學習, 但老師會 ...
我上網搜尋，見到慈幼近年發展電子教學，覺得非常吸引，我住14網，可以分享電子及平常既測考情況嗎？謝謝!
作者: PigPig710 時間: 18-9-28 11:02
freeze001 發表於 18-9-26 20:41
我上網搜尋，見到慈幼近年發展電子教學，覺得非常吸引，我住14網，可以分享電子及平常既測考情況嗎？謝謝! ...
至於測驗考試, 從前是兩測兩考, 但新校長由今年開始將測驗改為評估, 以減輕家長和學生溫習壓力。亦希望以評估方式讓老師知道學生接收知識進度, 以便跟進一些跟不上的學生, 但由於今年是第一年實行, 所以未能在此分享成果, 可能要等我出年才能和大家分享!
作者: freeze001 時間: 18-9-28 11:07
PigPig710 發表於 18-9-28 11:02
講真, 電子教學我自己覺得只是用來推銷學校。低年級比較少用, 但一年級開始就會教佢地用電腦, 所以佢地對電 ...
感謝您的回覆! 能有家長願意分享，實在太好，我會再揾多D資料，謝謝妳!
作者: Edisonedith2907 時間: 18-10-28 02:01 標題: 回覆樓主
我仔今年k2要開始搵小學，所以我仔有自閉傾向。谷既小學唔啱佢，想搵間輕鬆d比佢，感覺慈幼都啱佢
作者: SPRING_BB 時間: 19-6-17 16:01
本帖最後由 SPRING_BB 於 19-6-17 16:02 編輯
有無家長會幫小朋友叩門？ 是否所有叩門都是必收？
作者: PigPig710 時間: 19-6-18 11:58
SPRING_BB 發表於 19-6-17 16:01
有無家長會幫小朋友叩門？ 是否所有叩門都是必收？
作者: PigPig710 時間: 19-6-19 12:31
今年是阿仔第二年既慈幼生活, 九月就升三年級啦! 係時候又再回顧一下今年既慈幼生活~
轉左校長之後, 今年功課量更少, 我自己感覺學校重質不重量, 因為抄寫既比一年級時更加少! 無咁多功課我就變相多左夜晚時間陪佢睇圖書, 唔洗趕溫習。可以留番星期日先溫下書。 但中文仍然是偏深, 二年級時我要買三年級練習給他作考試溫習用才足夠。英文今年改用電子書教學, 學校自己本身亦編寫了自己的教材上堂用, 我自己感覺係簡單易明, GRAMMAR亦是二年級程度。但我發覺阿仔英文說話好左, 唔會驚講英文, 讀英文故事書問題亦不大, 可以自己閱讀。數學同常識亦跟出面一樣, 沒有太特別。
今年學校安排多左唔同種類多元智能課! 阿仔上學期跳舞, 下學期圍棋, 學校都是請出面機構導師回來教, 放學後亦有其他課下活動可以參加, 佢真係玩到傻左~
曾經有家長問我慈幼係咪寶校, 其實我自己唔知咩叫寶校, 我只能夠講學校唔係聯合國, 咩種類學生都收。但當然津校係咩階層既學生都有, 但學校對品德都幾注重, 神父都常常出黎同學生傾計。
我自己選擇慈幼係喜歡學校小班, 每班約20個小朋友, 老師可以容易知道小朋友既情況, 我亦唔喜歡嬴在起跑線, 尤其男仔通常都比較遲, 一間輕鬆既小學打好基礎係我自己既想法。因為一上中學, 你已經沒有時間或機會可以再幫助他。 如果家長喜歡在一線學校既優越感, 慈幼絕對唔適合你! 但必須記住在一線學校除非小朋友係自動自覺讀書既人, 如果唔係, 補習老師必定會成為你既好朋友, 晚晚溫習就係你地既親子時間。請大家考慮清楚小朋友適合邊種教學模式, 而不是用學校係出面既名聲為小朋友揀選學校! 純分享! 希望幫到大家~
作者: bonn1231 時間: 19-6-20 23:35
PigPig710 發表於 19-6-19 12:31
今年是阿仔第二年既慈幼生活, 九月就升三年級啦! 係時候又再回顧一下今年既慈幼生活~
轉左校長之後, 今年 ...
我地係一年級都過得好開心，慈幼比到我小朋友有歸屬感，真係唔錯。
作者: parkview1224 時間: 19-7-10 19:38
PigPig710 發表於 19-6-19 12:31
今年是阿仔第二年既慈幼生活, 九月就升三年級啦! 係時候又再回顧一下今年既慈幼生活~
轉左校長之後, 今年 ...
Hi PigPig710
十分認同阿仔既慈幼生活亦開始要踏入第二年（升小二），真係好感恩阿仔入到慈幼，比佢真正感受學校生活氣氛。我唔係太多經驗，但在現今，還有那間學校比到開心愉快既讀書環境。優點太多不能盡錄(emoji)(emoji)
教學方面好欣賞學校自己編寫教材，既生動，唔洗死讀書、死記，簡直好似為班仔去度身訂做。
有機會都想認識下你，也多謝你當年寫出你既感受分享。
| 歡迎光臨 教育王國 (/) |
Powered by Discuz! X1.5 |