原帖由 khmama 於 09-8-18 18:06 發表 
深水埗區真係好難分析. 英中除咗瑪利諾神父同德雅, 其餘第一階段都冇位剩. 瑪利諾神父剩咗22個位, 全部文科班, 中五80個文科生+80個理科生去爭30個文科同30個理科位, 都要剩22個, 睇黎瑪利諾神父既文科班唔多好. 就 ...
作者: Crabtree 時間: 09-8-19 16:50
khmama,
查看edb資料, 長天無比位在油尖旺區, 咁樣我只可以係自行選他, 現根據你的資料, 我咁樣排位是否可行嗎?
自行:
1. 長天
2. 聖芳濟
大抽獎:
1. 聖芳濟 (109)
2. 銘基 (111)
3. 循中 (13)
4. 滙基 (12)
5. 信義 (111)
6. 何官 (12) / 賽馬會官 (12) / 世界龍崗 (88)
有朋友係兩年前, 在自行階段不獲長天面試, 最後成功自行入讀聖芳濟, 不知長天在自行階段是否很難獲面試呢? 如果明知不行, 我應否將銘基放在自行2呢?
抱歉! 咁多提問!!!
原帖由 khmama 於 09-8-18 18:14 發表
自行你可以放長天第一, 聖芳濟第二. 抽獎咁排大致冇問題, 油尖旺冇咩好既band2中中, 你睇下我剛剛做既分析就知道.
作者: bikkibikki512 時間: 09-8-19 22:36
khmama,
你d料好勁
想問你每間學校6科14分 xx%, 呢個數目係你既估計定還是在某處地方抄返來?
如果是抄, 那裡可以得知這麼詳細的資料?
作者: naffan 時間: 09-8-20 05:46
Dear Khmama,
Pls analysis Kwai Tsing District and Tsuen Wan District. Thank you very much!!!!!!
作者: claudiaho 時間: 09-8-20 13:32
khmama
可否分析一下沙田區的情況呀, 萬分感激
[ 本帖最後由 claudiaho 於 09-8-20 13:36 編輯 ]
作者: Joe媽媽 時間: 09-8-20 14:00
Hi Khmama,
Please help to analysis "Tuen Mun", thanks a lot!
Joe's mum
作者: khmama 時間: 09-8-20 23:11
原帖由 bikkibikki512 於 09-8-19 22:36 發表
khmama,
你d料好勁
想問你每間學校6科14分 xx%, 呢個數目係你既估計定還是在某處地方抄返來?
如果是抄, 那裡可以得知這麼詳細的資料? ...
其實都係用下面條公式計出黎既. 中六學位同中五考生數目可以參考中學概覽每間學校既班級結構. 第一階段中六剩餘學額可以下載第一頁既各階段中六收生資料.
中六學位 - 第一階段中六剩餘學額
_______________________ x100%=6科14分%
中五考生數目
第一階段中六收生係收番本校夠14分既學生. 對band1學校黎講, 第一階段大都冇位剩, 所以要上校網睇往績. 但係band2/3既學校好多時都有位剩, 呢個數就能反映學校既成績, 無所遁形. 唯一係中五考生數目會有少少偏差, 不過即使考生數目偏差10%, 6科14分%既偏差唔夠1%, 唔會太影響個排位.
作者: khmama 時間: 09-8-21 23:11
原帖由 Crabtree 於 09-8-19 16:50 發表
khmama,
查看edb資料, 長天無比位在油尖旺區, 咁樣我只可以係自行選他, 現根據你的資料, 我咁樣排位是否可行嗎?
自行:
1. 長天
2. 聖芳濟
大抽獎:
1. 聖芳濟 (109)
2. 銘基 (111)
3. 循中 (13)
4. 滙基 (12)
5. ...
油尖旺區抽獎入英中既機會大, 加上你將聖芳濟放第一, 已經好大機會抽到. 自行再報聖芳濟係買個保險. 既然機會大, 自行可以搏多一間比聖芳濟好既學校, 作為自行既第一選擇, 第二選擇放聖芳濟. 比聖芳濟好既學校都有好多選擇, 九龍城太多人爭, 銘基有好多同區女仔爭, 長天係男校, 可以考慮. 其實自行就好似搵老婆一樣, 你鍾意人唔等於人地鍾意你, 但你點都要搵個心儀既對象. 長天唔會所有人都見, BAND1尾既競爭力差, 但遊戲規則要你爭, 你都只可以去嘗試. 你既朋友冇得面試, 佢既成績如何?
抽獎方面, 我成日強調唔使咁快填BAND2, 因為即使放最尾, 你都一定早過BAND2生抽入去, 點解唔盡量利用BAND1既特權? 你應該填晒他區英中先, 最後先填本區BAND2.
作者: Crabtree 時間: 09-8-22 20:47
khmama,
真係好多謝你的指點! 咁我明白了! 
我朋友o既小學係荃灣區(柴天上), 平均係全級四十名左右, 但住址就係深水埗, 就係無得in.
原帖由 khmama 於 09-8-21 23:11 發表
油尖旺區抽獎入英中既機會大, 加上你將聖芳濟放第一, 已經好大機會抽到. 自行再報聖芳濟係買個保險. 既然機會大, 自行可以搏多一間比聖芳濟好既學校, 作為自行既第一選擇, 第二選擇放聖芳濟. 比聖芳濟好既學校都有 ...
作者: jessc 時間: 09-8-24 08:57
原帖由 Crabtree 於 09-8-22 20:47 發表
khmama,
真係好多謝你的指點! 咁我明白了! 我朋友o既小學係荃灣區(柴天上), 平均係全級四十名左右, 但住址就係深水埗, 就係無得in.
咁又好難講，知道有學生轉返報深水埗區(家住荃灣)，結果自己學校考六七十名後都有得interview，結果入埋長天添。
作者: smleung 時間: 09-8-24 16:11
Dear Khmama,
可否分析九龍城區？
Thank you very much!
作者: hinviv 時間: 09-8-24 18:39
原帖由 smleung 於 09-8-24 16:11 發表
Dear Khmama,
可否分析九龍城區？
Thank you very much!
khmama
我都十分期待你的分析
Thanks!
作者: kathymum 時間: 09-8-26 13:41
原帖由 hinviv 於 09-8-24 18:39 發表
khmama
我都十分期待你的分析
Thanks!
hkmama,
me too but my daughter is band 2!
作者: Crabtree 時間: 09-8-26 17:52
jessc,
咁請問佢係咪sports好點架? 長天係咪喜歡收運動出眾的男仔呢?
原帖由 jessc 於 09-8-24 08:57 發表
咁又好難講，知道有學生轉返報深水埗區(家住荃灣)，結果自己學校考六七十名後都有得interview，結果入埋長天添。
作者: shirasam 時間: 09-8-28 02:37
原帖由 khmama 於 09-7-15 20:59 發表
由於BK冇下載區, 升中既有用資料要由樓主e-mail, 既費時失事, 又會暴露網民身份, 所以特將派位試算表免費上載至下面位置, 供bk家長自行下載. 至於明年會唔會更新, 視乎情況而定. 其他家長有升中資料如升中profile, ...
thank you very much your information
作者: khmama 時間: 09-8-29 12:00 標題: 九龍城區分析
九龍城區有31間學校, 所有英中中六第一階段收生都冇位剩, 除咗民生文科班剩咗1個位. 喇沙同瑪利諾係band1頭已經無容置疑, 前者最勁o個班係全班拔尖既, 後者今年先出咗個10A狀元, 2001年6科14分有94%. 至於華英, 自行收既都係band1頭, 但校網搵唔到有關會考既成績, 估計6科14分都有70% - 75%, 所以都將佢當band1中. 協恩其實都唔差, 都係中上既成績, 可能佢自行會收特異功能人士, 所以整體成績比唔上瑪利諾.
黃笏南同旅港同屬band1中而較著重課外活動既學校, 迦密就比較死讀書, 三間既成績差唔多, 好多band1中自行都係選呢幾間. 培正雖然係中中, 但佢堅持自己既教法, 所以英文一o的都唔差, 每年都有好多人攞6A以上, 上去校網可以睇到. 不過佢收好多小學既band2生, 應該好難將整體成績推到好高. 聖家就保持到一貫既成績, 女校黎講雖然唔算top, 但band1中既女校呢間都算唔錯. 銀禧同民生校網都冇資料, 只可以根據以往口碑算佢係band1中.
丘佐榮同陳瑞祺一向屬band1尾英中, 但係睇番陳瑞祺上年既成績真係唔多好.
Band2女仔既選擇有真光同培道, 兩間都唔錯. 反而band2男仔既選擇如胡兆熾,五旬節同鄧鏡波都係差強人意. 雖然胡兆熾只係文科班剩咗10個位, 理科班冇位剩, 但係即使當o的理科人6科14分比率拉高少少, 都仍然屬於band2中. 至於何官, band2生抽獎未必搏得過, 因為位少而且有聯繫小學, 好多唔進取既band1生分分鐘第一輪抽獎已經攞晒o的位.
Band3生可以考慮下勞工子弟(直資), 九龍塘學校, 賽馬會官立同彭學高. 最緊要趁開學去睇下o的校風好唔好.
余振強只得第二階段既數字, 但第二階段都剩咁多位, 第一階段唔會好得去邊, 所以排尾2.
Band 1頭:
喇沙書院
瑪利諾修院學校(中學部)
Band 1中:
協恩中學 (上年6科14分佔73.6%)
華英中學
東華三院黃笏南中學 (上年6科14分佔71.8%)
迦密中學 (今年6科14分佔69.1%)
旅港開平商會中學 (上年6科14分佔66.5%)
香港培正中學
嘉諾撒聖家書院 (上年6科14分佔63%)
何明華會督銀禧中學
民生書院
Band 1尾:
基督教女青年會丘佐榮中學 (上年6科14分佔52.3%)
Band 2 頭:
九龍真光中學 (上年6科14分佔48%)
何文田官立中學 (上年6科14分佔41.7%)
Band 2 中:
香港培道中學 (推算今年6科14分佔36.25%)
陳瑞祺(喇沙)書院 (上年6科14分佔33.9%)
順德聯誼總會胡兆熾中學 (推算今年6科14分佔25%)
Band 2 尾:
勞工子弟中學 (推算今年6科14分佔21.88%)
五旬節中學 (推算今年6科14分佔21%)
Band 3 頭:
九龍塘學校(中學部) (推算今年6科14分佔18.33%)
鄧鏡波學校 (推算今年6科14分佔18.33%)
賽馬會官立中學 (推算今年6科14分佔17.5%)
禮賢會彭學高紀念中學 (推算今年6科14分佔15%)
Band 3 中:
中華基督教會基道中學 (推算今年6科14分佔13.5%)
德蘭中學 (推算今年6科14分佔11.67%)
聖公會聖三一堂中學 (推算今年6科14分佔10.63%)
Band 3 尾:
聖公會蔡公譜中學 (推算今年6科14分佔9%)
新亞中學 (推算今年6科14分佔9%)
聖母院書院 (推算今年6科14分佔8.13%)
余振強紀念中學 (推算今年6科14分佔0%)
聖匠中學 (推算今年6科14分佔0%)
以上資料只供參考.
[ 本帖最後由 khmama 於 09-8-29 22:28 編輯 ]
作者: Maisie 時間: 09-8-29 12:50 標題: 回覆 56# khmama 的文章
作者: vlui 時間: 09-8-29 15:08
回覆 56# khmama 的文章
無懈可擊！ SO GOOD！
作者: kathymum 時間: 09-8-29 22:37
原帖由 khmama 於 09-8-29 12:00 發表
至於何官, band2生抽獎未必搏得過, 因為位少而且有聯繫小學
, 好多唔進取既band1生分分鐘第一輪抽獎已經攞晒o的位. ...
Dear Khmama,
Thank you very much.
小女band 2 如果自行何官 或 培道 機會大唔大?
Kathymum
作者: gigi2 時間: 09-8-30 09:51
Dear Khmama,
Your analysis are wonderful that helpful to most of parents!
I'm expecting so much with your analysis of Tsuen Wan.
作者: khmama 時間: 09-8-30 15:09 標題: 黃大仙區分析
黃大仙區只得保良局第一張永慶一支獨秀, 上年6科14分75.3%, 今年74%, 都可以算band1頭. 德愛, 可立同協和屬band1尾. 聖母雖然係英中, 但成績唔算好, 上年得38%, 屬band2成績. 中中方面, 何蔭棠冇6科14分資料, 但上年會考各科平均優良率係35%, 約等於band2頭既成績, 而另一間band2頭文理, 今年6科14分就有45%. 特別一提佛教志蓮中學係收學習有困難既學生, 所以冇報會考既.
Band 1頭:
保良局第一張永慶中學 (今年6科14分佔74%)
Band 1尾:
德愛中學 (最後公佈6科14分佔57.1%)
可立中學 (最後公佈6科14分佔55.5%)
中華基督教會協和書院 (最後公佈6科14分佔52%)
Band 2頭:
保良局何蔭棠中學
文理書院(九龍) (今年6科14分佔45%)
Band 2中:
聖母書院 (上年6科14分佔38%)
Band 2尾:
佛教孔仙洲紀念中學 (推算今年6科14分佔26%)
聖文德書院 (推算今年6科14分佔25.42%)
彩虹天主教英文中學 (推算今年6科14分佔25%)
五旬節聖潔會永光書院 (推算今年6科14分佔23.75%)
天主教伍華中學 (推算今年6科14分佔20%)
Band 3頭:
香港神託會培敦中學 (推算今年6科14分佔19.38%)
潔心林炳炎中學 (推算今年6科14分佔17.5%)
Band 3中:
聖公會聖本德中學 (推算今年6科14分佔13.13%)
李求恩紀念中學 (推算今年6科14分佔11.88%)
樂善堂余近卿中學 (推算今年6科14分佔11.25%)
Band 3尾:
樂善堂王仲銘中學 (推算今年6科14分佔8.75%)
龍翔官立中學 (推算今年6科14分佔7.5%)
中華基督教會基協中學 (推算今年6科14分佔4.17%)
中華基督教會扶輪中學 (推算今年6科14分佔2.5%)
救世軍卜維廉中學 (推算今年6科14分佔1.58%)
以上資料只供參考.
[ 本帖最後由 khmama 於 09-8-30 16:11 編輯 ]
作者: esprincess 時間: 09-8-30 16:43
Very detailed information. thanks.
原帖由 khmama 於 09-8-30 15:09 發表
黃大仙區只得保良局第一張永慶一支獨秀, 上年6科14分75.3%, 今年74%, 都可以算band1頭. 德愛, 可立同協和屬band1尾. 聖母雖然係英中, 但成績唔算好, 上年得38%, 屬band2成績. 中中方面, 何蔭棠冇6科14分資料, 但上年 ...
作者: csk家長jj 時間: 09-8-30 17:15
謝謝你無私的分享
作者: khmama 時間: 09-8-30 17:51
原帖由 kathymum 於 09-8-29 22:37 發表
Dear Khmama,
Thank you very much.
小女band 2 如果自行何官 或 培道 機會大唔大?
Kathymum
band2頭,中定尾?
作者: yeungmaple 時間: 09-8-30 20:54
khmama,
請問有沒有關於銅鑼灣聖保祿學校的分析?先謝。
作者: kathymum 時間: 09-8-30 23:13
原帖由 khmama 於 09-8-30 17:51 發表
band2頭,中定尾?
Dear Khmama,
第一次呈分, 老師說她是 band 2頭, 現就讀九龍城區官小.
Thanks
作者: moyan 時間: 09-9-2 00:18
Khmama
thank you sooooooooo much
作者: tocan 時間: 09-9-3 11:11
hi Khmama,
唔好意思, 想請問小兒在荃灣的小學就讀,五年級下學期程分試考22-25/165, 因為進步了不少, 所以想再問問如何選校. 如果自行派位在油尖旺區和葵青區有甚麼學校會大些機會呢?他是比較文靜, 沒有甚麼特別技能, 只參加學校的管樂團和風紀, 操行是A. 又統一派位在這兩區的次序又應怎樣排呢? 可否分別例舉兩區的選擇次序. 真是感激萬分!
作者: khmama 時間: 09-9-4 20:29
原帖由 yeungmaple 於 09-8-30 20:54 發表
khmama,
請問有沒有關於銅鑼灣聖保祿學校的分析?先謝。
聖保祿係直資女校中僅次於女拔, 考試成績不俗, 據聞6A以上都有二十幾人. 朋友既女上年考入去, 知道新高中安排唔係334, 中三就已經選科, 中四要考IGCSE(即英國國際普通中學教育文憑考試, 相等於中學會考程度). 之後要決定中五中六讀番香港既新高中課程, 考新既中學文憑試, 抑或走向國際考A LEVEL, 然後以NON-JUPAS方式報讀本地大學, 或到外國升讀大學.
要考聖保祿都唔簡單, 小朋友既要交閱讀報告, 又要寫個人網頁, 介紹自己同埋將o的証書放上網, 認真環保!
[ 本帖最後由 khmama 於 09-9-4 20:31 編輯 ]
作者: khmama 時間: 09-9-4 20:42
原帖由 kathymum 於 09-8-30 23:13 發表
Dear Khmama,
第一次呈分, 老師說她是 band 2頭, 現就讀九龍城區官小.
Thanks
band2頭考何官同培道當然機會大. 如果兩間都係心儀既就冇問題.
作者: khmama 時間: 09-9-4 22:16 標題: 觀塘區分析
觀塘區6間英中中六收生第一階段都冇位剩. 聖傑靈搵唔到會考成績, 但佢應該比聖保祿好少少, 所以算係band1中. 觀瑪都係冇成績, 但係佢同聖言差不多, 亦都係band1中. 中中以蒙民偉算係band1, 其餘既中中都較預期差, 下面係各學校既排位.
利瑪竇冇第一階段資料, 用第二階段計都係得11.11%, 所以第一階段6科14分估計應該唔夠4%.
Band 1中:
聖傑靈女子中學
藍田聖保祿中學 (上年6科14分佔68.5%)
聖言中學 (今年6科14分佔67.8%)
觀塘瑪利諾書院
Band 1尾:
順利天主教中學 (上年6科14分佔55%)
中華基督教會蒙民偉書院 (今年6科14分佔50.3%)
Band 2頭:
觀塘官立中學 (上年6科14分佔48.5%)
Band 2中:
新生命教育協會呂郭碧鳳中學 (上年6科14分佔35.5% )
梁式芝書院 (推算今年6科14分佔31.89%)
聖公會梁季彝中學 (推算今年6科14分佔31.25%)
Band 2尾:
寧波第二中學 (推算今年6科14分佔25.63%)
仁濟醫院羅陳楚思中學 (推算今年6科14分佔23.5%)
聖若瑟英文中學 (推算今年6科14分佔21.5%)
聖公會基孝中學 (推算今年6科14分佔21.5%)
地利亞修女紀念學校（協和）(推算今年6科14分佔20.83%)
聖安當女書院 (推算今年6科14分佔20%)
Band 3頭:
中華基督教會基智中學 (推算今年6科14分佔19%)
寧波公學 (推算今年6科14分佔17.5%)
基督教聖約教會堅樂中學 (推算今年6科14分佔16.5%)
五邑司徒浩中學 (推算今年6科14分佔15%)
Band 3中:
香港道教聯合會青松中學 (推算今年6科14分佔12.5%)
Band 3尾:
地利亞修女紀念學校（月華）(推算今年6科14分佔9.17%)
瑪利諾中學 (推算今年6科14分佔6.25%)
天主教普照中學 (推算今年6科14分佔6.17%)
高雷中學 (推算今年6科14分佔6%)
慕光英文書院 (推算今年6科14分佔5%)
觀塘功樂官立中學 (推算今年6科14分佔4.38%)
香港聖公會何明華會督中學 (推算今年6科14分佔4.38%)
九龍利瑪竇書院 (推算今年6科14分佔4%以下)
佛教何南金中學 (推算今年6科14分佔1.88%)
香港布廠商會朱石麟中學 (推算今年6科14分佔1.25%)
以上資料只供參考.
[ 本帖最後由 khmama 於 09-9-4 22:18 編輯 ]
作者: yeungmaple 時間: 09-9-4 23:04
khmama,
非常感謝你的回覆，未知能否把聖保祿學校置於之前的分析框架，談談banding和位置?小女現就讀於SPK，小學希望能順利升SPC, 也想過抽HYS。若一直讀到中學，兩間學校怎樣比較呢?很想聽聽你的意見，再謝。
原帖由 khmama 於 09-9-4 20:29 發表
聖保祿係直資女校中僅次於女拔, 考試成績不俗, 據聞6A以上都有二十幾人. 朋友既女上年考入去, 知道新高中安排唔係334, 中三就已經選科, 中四要考IGCSE(即英國國際普通中學教育文憑考試, 相等於中學會考程度). 之後 ...
作者: plee 時間: 09-9-4 23:51
Khmama
非常欣賞你的分析，可以也幫葵青區做做呢？
作者: kathymum 時間: 09-9-5 11:12
原帖由 khmama 於 09-9-4 20:42 發表
band2頭考何官同培道當然機會大. 如果兩間都係心儀既就冇問題.
Dear khmama,
Thank you very much.
咁自行可否博一間英中? 請建議有邊間可以博一博呢?
因本人嚴重缺乏升中派位知識, 又唔知d中學banding及校風.
我只得一個女兒, 所以我好擔心簡錯中學.
請幫幫忙指點下, 謝謝!
kathymum
作者: khmama 時間: 09-9-5 13:32
原帖由 kathymum 於 09-9-5 11:12 發表
Dear khmama,
Thank you very much.
咁自行可否博一間英中? 請建議有邊間可以博一博呢?
因本人嚴重缺乏升中派位知識, 又唔知d中學banding及校風.
我只得一個女兒, 所以我好擔心簡錯中學.
請幫幫忙指點下, ...
通常band2頭會搏一間band1尾英中, 可以考慮丘佐榮, 但九龍城區太多人爭, 唔可以期望太大. 明年語言微調, 中中都會開英文班, 反而建議你試band1尾/band2頭中中更好, 因為出年每班又少兩個位, 叩英中可能好難.
作者: kathymum 時間: 09-9-5 14:26
原帖由 khmama 於 09-9-5 13:32 發表
通常band2頭會搏一間band1尾英中, 可以考慮丘佐榮, 但九龍城區太多人爭, 唔可以期望太大. 明年語言微調, 中中都會開英文班, 反而建議你試band1尾/band2頭中中更好, 因為出年每班又少兩個位, 叩英中可能好難. ...
Dear khmama,
很高興咁快收到你的回答, 感激萬分!
自行第一 何官, 第二 有邊間band1尾/band2頭中中選擇?
謝謝!
kathymum
作者: khmama 時間: 09-9-6 16:15 標題: 葵青區分析
葵青區有6間英中, 中六第一階段收生都冇位剩. 林護既校網雖然冇提到會考6科14分既比率, 但上年人均優良率係5.9, 拍得住皇仁既5.92, 今年都有10個6A或以上, 絕對係band1頭. 至於安柱, 只係見報紙寫65%, 校網就冇會考既成績, 但係番佢上年中五生原校加埋去他校升中六既比率都唔夠70%, 相信佢6科14分應該都係65%咁上下, 算係band1中. 李兆基上年就65.2%, 而蕭明就65%, 同安柱唔係差好遠, 都係band1中. 保祿六世同善德真係搵唔到資料, 根據口碑將保祿算係band1中而善德算係band1尾.
至於4間較受歡迎既中中伍若瑜, 陳兆民, 八三總理同全完, 中六第一階段收生都冇位剩. 伍若瑜就有報紙寫今年6科14分佔55%, 雖然未必信得晒, 不過4間之中確係呢間成績較好, 算係band1尾. 八三總理上年49.3%而陳兆民係42.1%, 全完就冇資料, 但係佢同陳兆民差不多, 所以呢3間算係band2頭. 迦密愛禮信都冇位剩, 以佢一貫既口碑, 應屬band2中.
圓玄學院只得第二階段數據, 雖然理科班冇晒位, 但文科班30個位去到第二階段仲有26個, 估計第一階段唔會好得去邊, 成績必屬band3.
Band 1頭:
聖公會林護紀念中學 (上年人均優良率係5.9)
Band 1中:
順德聯誼總會李兆基中學 (上年會考6科14分佔65.2%)
中華傳道會安柱中學 (今年會考6科14分佔65%)
天主教母佑會蕭明中學 (上年會考6科14分佔65%)
保祿六世書院
Band 1尾:
佛教善德英文中學
東華三院伍若瑜夫人紀念中學 (今年會考6科14分佔55%)
Band 2頭:
保良局八三總理中學 (上年會考6科14分佔49.3%)
東華三院陳兆民中學 (上年會考6科14分佔42.1%)
中華基督教會全完中學
Band 2中:
迦密愛禮信中學 (推算今年會考6科14分佔30%以上)
皇仁舊生會中學 (推算今年會考6科14分佔32.5%)
東華三院吳祥川紀念中學 (推算今年會考6科14分佔30.63%)
Band 2尾:
荔景天主教中學 (推算今年會考6科14分佔24.5%)
中華傳道會李賢堯紀念中學 (推算今年會考6科14分佔22.5%)
樂善堂顧超文中學 (推算今年會考6科14分佔20%)
樂善堂梁植偉紀念中學 (推算今年會考6科14分佔20%)
Band 3頭:
葵涌蘇浙公學 (推算今年會考6科14分佔16.25%)
裘錦秋中學 (推算今年會考6科14分佔15.5%)
Band 3中:
佛教葉紀南紀念中學 (推算今年會考6科14分佔13.13%)
石籬天主教中學 (推算今年會考6科14分佔12.5%)
Band 3尾:
循道衛理聯合教會李惠利中學 (推算今年會考6科14分佔9.38%)
嶺南鍾榮光博士紀念中學 (推算今年會考6科14分佔7.5%)
葵涌循道中學 (推算今年會考6科14分佔6.88%)
香港四邑商工總會陳南昌紀念中學 (推算今年會考6科14分佔6.88%)
香港道教聯合會圓玄學院第一中學 (推算今年會考6科14分佔5%以下)
中華基督教會燕京書院 (推算今年會考6科14分佔4%)
天主教慈幼會伍少梅中學 (推算今年會考6科14分佔2.5%)
獅子會中學 (推算今年會考6科14分佔2.5%)
棉紡會中學 (推算今年會考6科14分佔1.25%)
明愛聖若瑟中學 (推算今年會考6科14分佔0%)
以上資料只供參考.
作者: khmama 時間: 09-9-6 16:21
原帖由 kathymum 於 09-9-5 14:26 發表
Dear khmama,
很高興咁快收到你的回答, 感激萬分!
自行第一 何官, 第二 有邊間band1尾/band2頭中中選擇?
謝謝!
kathymum
如果你要選番九龍城區, 可以試下真光.
作者: khmama 時間: 09-9-6 17:07
原帖由 yeungmaple 於 09-9-4 23:04 發表
khmama,
非常感謝你的回覆，未知能否把聖保祿學校置於之前的分析框架，談談banding和位置?小女現就讀於SPK，小學希望能順利升SPC, 也想過抽HYS。若一直讀到中學，兩間學校怎樣比較呢?很想聽聽你的意見，再謝。
...
聖保祿學校屬band1頭, 同瑪利曼差不多, 成績方面比協恩好, 但課外活動唔多, 反而協恩就多課外活動, 籃球方面更加係學界霸主. 個人認為你直上聖保祿會較好, 因為聖保祿小學係英文小學, 協恩係中文小學. 學語文既基礎愈早開始愈穩固, 有個英語環境更加事半功倍.
前面既分析屬於抽獎既中學, 遲o的會另外研究唔抽獎既直資, 所以唔會放埋一齊.
作者: yeungmaple 時間: 09-9-6 22:59
khmama,
非常感謝，期待你的直資和私校分析!
原帖由 khmama 於 09-9-6 17:07 發表
聖保祿學校屬band1頭, 同瑪利曼差不多, 成績方面比協恩好, 但課外活動唔多, 反而協恩就多課外活動, 籃球方面更加係學界霸主. 個人認為你直上聖保祿會較好, 因為聖保祿小學係英文小學, 協恩係中文小學. 學語文既基 ...
作者: kathymum 時間: 09-9-6 23:10
原帖由 khmama 於 09-9-6 16:21 發表
如果你要選番九龍城區, 可以試下真光.
Dear khmama,
多謝你的建議, 咁真光定培道好d?
Thank you very much.
kathymum
作者: Bryanmama 時間: 09-9-8 14:43
多謝khmama的分析!
作者: plee 時間: 09-9-8 16:35
Thanks a lot !
原帖由 khmama 於 09-9-6 16:15 發表
葵青區有6間英中, 中六第一階段收生都冇位剩. 林護既校網雖然冇提到會考6科14分既比率, 但上年人均優良率係5.9, 拍得住皇仁既5.92, 今年都有10個6A或以上, 絕對係band1頭. 至於安柱, 只係見報紙寫65%, 校網就冇會考 ...
作者: KittyMumMum 時間: 09-9-10 13:53 標題: 九龍城區
請問何明華銀禧跟黃芴南的banding是否差不多? 都是band1中? 校風又如何呢?
是否收全部Band1 小六生呢?
丘佐榮校風又如何呢?
P.6家長
KittyMumMum
作者: KittyMumMum 時間: 09-9-10 14:02 標題: 回覆 1# KittyMumMum 的文章
請問何明華銀禧跟黃芴南的banding是否差不多? 都是band1中? 校風又如何呢?
是否收全部Band1 小六生呢?
丘佐榮、嘉諾撒聖家的成績、校風又如何呢?若不是嘉諾撒聖家小學學生，成績若Band 1至尾是否很難入到?
P.6家長
KittyMumMum
作者: khmama 時間: 09-9-10 21:45
花咗幾日, 終於寫好升中秘笈, 家長可以去首頁將整份下載 希望可以將升中既流程同累積既經驗分享. 下面會將內容分七節post出黎參考, 歡迎家長更正.
作者: khmama 時間: 09-9-10 21:49 標題: 升中秘笈#1
呈分試
1. 呈分試共有三次，分別是五年級期終試及六年級頭兩次考試。
2. 主要計算中、英、數、常、視藝、音樂平均分，比重分別是9、9、9、6、3、2 (部分學校會計算宗教同普通話，比重分別係2同1)
例:
中:95分 英:88分 數:90分 常:96分 視藝:80分 音樂:86分
平均分=(95x9+88x9+90x9+96x6+80x3+86x2)/
(9+9+9+6+3+2)=90.66分
3. 平均分會用作排列級名次之用，所以無論分數高低，級名次最重要。
4. 如果不幸無法應考，可以呈報教育局(經學校申請，最好先同學校及教育局了解詳情)，到時只會計算兩次呈分試分數，總比勉強應試而拉低成績好。
5. 呈分試會決定派位組別，所以要俾心機考。好多家長小五時會摧谷子女，如果一不小心，級名次就會大倒退。眾多科目之中，語文較難取分，反而數學科只要理解做法，多做練習就容易取得高分。
[ 本帖最後由 khmama 於 10-3-25 20:10 編輯 ]
作者: khmama 時間: 09-9-10 21:56 標題: 升中秘笈#2
派位組別 (BAND)
1. 根據學校地區，全港共分十八個校網。
2. 派位組別有三個: BAND1, BAND2, BAND3。
3. 每個小學生都會有一個區內派位組別及一個全港性派位組別，區內派位組別用於乙部大抽獎而全港性派位組別則用於甲部大抽獎。
4. 派位組別根據下面方法產生:
- 小學調整基數:教育局隔年抽取小六生考中一入學前香港學科測驗(即分班試)成績一次, 以最近兩次成績樣本之平均分數由高至低排列(2009年與2010年相同, 應用2007年及2008年分班試成績, 2011年與2012年相同, 應用2008年及2010年分班試成績, 2013年與2014年相同, 應用2010年及2012年分班試成績, 如此類推)
例:
中一分班試平均分數排列(即是調整基數): 99, 97, 96…..
呈分試全級第一之A同學獲得第一個調整基數 = 99分
呈分試全級第二之B同學獲得第二個調整基數 = 97分
呈分試全級第三之C同學獲得第三個調整基數 = 96分
如此類推
- 假設A同學三次呈分試分別考第一、第二、第一，呈分試之總平均分 = (99 + 97 + 99) / 3 = 98.33分
- 假設B同學三次呈分試分別考第二、第一、第三，呈分試之總平均分 = (97 + 99 + 96) / 3 = 97.33分
- 區內派位組別: 將區內所有學生所得之呈分試總平均分排高低，首1/3人係BAND1，次1/3人係BAND2，最後1/3人係BAND3
- 全港性派位組別: 將全港所有學生所得之呈分試總平均分排高低，首1/3人係BAND1，次1/3人係BAND2，最後1/3人係BAND3
5. 有啲家長會選擇轉校網(跟居住地址)，考生之派位組別會根據所轉校網訂定。假如考生之呈分試總平均分係78分，在原來之校網屬BAND1尾，但轉去另一校網，考生要80分以上先係BAND1，結果78分便會變成BAND2生。所以由弱區(小學生成績較差)轉去強區(小學生成績較好)之BAND1尾考生(邊緣人)有機會跌BAND，轉區前要慎重考慮。
[ 本帖最後由 khmama 於 10-11-1 23:01 編輯 ]
作者: khmama 時間: 09-9-10 22:04 標題: 升中秘笈#3
自行派位
1. 每間學校(一條龍中學及唔參加派位之直資除外)都要撥出30%學額作為自行派位。如果某中學有5班中一，每班36人，就有36x5x30%=54個自行派位學額。
2. 一條龍中學扣除5%留班位，最少撥出15%學額俾外校生作自行或統一派位。
3. 學校十二月會派發自行派位申請表，家長決定好第一及第二選擇之學校，然後填寫一式三聯之表格，連同準備好之學生個人履歷(portfolio)於一月限期前交到心儀中學(記得將第一、二選擇之號碼撕走，無須呈交)
4. 自行派位並無地區限制，每個學生有兩個選擇，但學生填寫申請表時要決定邊間中學係第一選擇同第二選擇。如果大抽獎一定派到好學校, 自行唔報考亦可。
5. 學生個人履歷一般包括下面資料，中學通常有申請表於網上供下載填寫，學生只須提供有用之証書副本已足夠。
- 個人資料 (姓名、地址、電話、就讀小學、父母資料、相片等等)
- 五年級及六年級成績表副本
- 學術成就 (校外及校內比賽獎項副本，如奧數、劍橋英文等)
- 非學術成就 (校外及校內比賽獎項副本，如朗誦、音樂、運動等)
- 服務 (如班長、圖書館管理員、義工等)
- 其他 (好值得心儀中學參考之活動或獎項)
- 校長推薦信 (有啲中學話唔收，不過問學校寫定都冇壊處)
6. 選擇之証書要有代表性又能令學生突顯個人成就，切忌貪多，亦不必要做得美輪美奐，學校重視的是學生之質素，並非學生個人履歷之質素。
7. 自行派位只有大約30%考生能夠成功，選校除了要心儀，亦要視乎能力及競爭是否激烈。大多數學校都唔會面試所有申請考生，一般面試會二、三月份進行，所以考生要提早準備，打聽面試模式及題目，適當地操練(英文同普通話)。
8. 要選擇心儀學校，可以去《中學概覽》(http://chsc.edb.hkedcity.net/secondary/)瀏覽校網內之周年報告或其他資料。要自行成功，應參考《中學概覽》內學校自行派位要求。有啲中學特別喜歡收某些小學嘅學生，可以參考上年小學嘅派位結果，自然知己知彼，百戰百勝。小朋友能多暸解所選學校，亦有助面試。
9. 學校一般會參考頭兩次呈分試後教育局提供之考生全港次第，選擇成績排名較前之考生進行面試。部分學校會著重選擇課外活動有成就之考生，可以打聽清楚，提高成功機會。要知道邊間學校精於邊樣運動，可以上學界體育聯會網站(http://www.hkssf.org.hk/)。
10. 有少部分學校係唔會面試嘅，完全睇全港次第收生，只須留意自行派位要求內有冇提及面試就會知道。
11. 依家男女失衡，男生同女生之比例約4:6，而女生一般較男生早熟，所以BAND1頭之女生較男生多。如果考男校或女校，好處係冇異性，競爭冇咁大，但係有名之學校一樣多人爭。男女校自行派位時，有啲學校會刻意收較多男生，避免學校變成女校。
12. BAND2同BAND3學校所收學生質素較參差，校風可以分別好大，固家長應該於午飯及放學時間去心儀之學校觀察。留意學生衣著、儀表、談吐、禮貌、有冇食煙、有冇污言穢語、有冇拍拖、有冇男女生接放學、有冇警察經常巡邏甚至有警車長期停泊校門口。
13. 面試完畢，每間學校都要交正選同副選名單俾教育局。如果考生自行兩間都成功，就會被派去第一選擇；如果只係一間成功，就會被派去那間中學，冇得參加大抽獎，但係由於自行派位同大抽獎一齊放榜，家長唔知自行成唔成功，所以仍然要參加大抽獎。假如學校唔夠正選(考生被第一選擇學校取錄為正選)，學校會跟副選名單先後填補，如果都唔夠填數，自行學位會撥去作統一派位。
14. 由於自行成功就冇得大抽獎，所以選擇學校時，要選一間起碼唔會自行成功但會後悔冇咗抽獎機會之學校。如果校網屬於好區，即係容易抽入英中之校網(如中西區、灣仔、油尖旺、九龍城、沙田)，BAND1生自行時不妨進取啲。
15. 假如小朋友要申請香港兒童身份証，家長要留意唔好隨便加英文名或更改姓名，如果同自行申請表有分別，會影響申請程序，如果真係好想加名，寧可遲啲先攞身份証。
16. 體藝係唔會計入兩間自行派位之選擇內，家長可以報讀，不過體藝係BAND1中學，亦會要求學生有一技之長。
17. 2010年開始語言微調方案，中中如果合資格可以開英文班，但係開幾多班就唔可以放上網，家長要自己打電話去學校查詢，所以家長未必一定要報英中，入BAND1中中之英文班都係其中一個選擇。
[ 本帖最後由 khmama 於 10-3-25 20:19 編輯 ]
作者: khmama 時間: 09-9-10 22:12 標題: 升中秘笈#4
考直資
1. 直資分派位同唔派位兩類。派位直資英中通常係二線英中，因為靠學校名氣未必能夠收到好成績之BAND1生，所以希望抽獎可以收到好學生。
2. 直資係可以任考幾多間都得，唔會計入兩間自行派位之選擇內(派位直資要先問清楚)。
3. 一般直資會二、三月面試，十一月下旬開始要留意有關校網查詢申請詳情。有啲直資會收特異功能人士(如音樂、運動等)，頂尖學生通常透過教練轉介，已經直入，無須面試；較次之學生除面試外，更要考技能，先決定是否夠資格被取錄。
4. 大抽獎前，所有直資應該已經放榜。假如直資收了，家長決定讀直資，就要簽紙放棄大抽獎(注意:即使自行本來成功都會放棄，不過家長根本唔會知)，但放榜日都要返學校取派位証。
5. 有啲直資要求考生要報考過，先可以去叩門；有啲直資收了而考生放棄入讀，就唔接受叩門，所以考直資前要考慮埋會否入讀及學校對叩門之要求。
[ 本帖最後由 khmama 於 10-3-25 20:21 編輯 ]
作者: khmama 時間: 09-9-10 22:13 標題: 升中秘笈#5
面試
1. 面試一般都會穿校服，除非學校指明唔需要。
2. 假如兩間學校撞期，就要自己打電話去學校改，印象分可能會打折扣。
3. 事前準備好緊要，面試模式同題目可以打聽下。如果係一組人面試，要考臨場反應，最好搶先作答，多加發揮。單獨面試要有眼神接觸，表現自信，唔好有小動作，亦唔好俾人背書之感覺，要有禮貌，唔識就話唔識，唔好扮識，唔好問一句答一句。至於是否要報讀中一面試班，就見仁見智，覺得要讀就報。
4. 為咗避免直資搶晒好學生，部分頂尖官津學校會以第二次面試暗示取錄，皆因官津學校唔可以放榜前通知考生取錄與否。
[ 本帖最後由 khmama 於 10-3-25 20:23 編輯 ]
作者: khmama 時間: 09-9-10 22:20 標題: 升中秘笈#6
大抽獎
1. 抽獎係根據學校所屬地區之校網，家長亦可申請轉回居住地區之校網(小心跌BAND)。每年有兩次機會申請，一次係十一、二月，另一次係三、四月。由於要有住址証明，有意轉網之家長要提早做功夫，依家啲單要兩個月先寄一次。
2. 學校四月下旬會派發統一派位表格同所屬校網之中學一覽表，家長有大約兩星期時間截止交表，但一般學校都會做模擬填表，所以實際得大約一星期時間俾家長考慮，時間非常緊迫。為避免選擇錯誤，家長最好及早參考上年之《中學一覽表》(http://www.edb.gov.hk/index.aspx?langno=2&nodeID=1568)，除學位數目會有些少差異外，可選擇之學校大致差不多，建議考完第三次呈分試，大概知道派位組別就要預先想好，唔好臨急先做。
3. 填表前，應該先將《中學一覽表》內唔會選嘅學校刪除，例如男校(女生)、女校(男生)、BAND3學校(BAND1生)、BAND1學校(BAND2/3生)。
4. 填表時，最好一個人負責填，另一個人負責核對，皆因真係好易填錯。最後要搵得閒啲嗰位父母簽署，因為一填錯就隨時要返學校改咗再加簽。
5. 學校除咗30%學額用作自行派位，亦會扣起5%作留班位(假如冇咁多人留班，剩低啲位就會作為叩門位)。
6. 抽獎分甲部同乙部。一般學校會將餘下學額10%作甲部抽獎，90%作乙部抽獎。
7. 有一條龍中學之小學就唔需要担心抽獎，因為無論BAND幾都要收晒。學生要決定是否上一條龍中學，如果放棄，以後都未必俾你叩門。
8. 至於有直屬/聯繫中學之小學，中學會保留部份學位專門俾直屬(最多85%學額)/聯繫(最多25%學額)小學抽，外面之考生只可以抽非保留學位。有直屬/聯繫中學之考生一定要將直屬/聯繫中學放第一志願，先可以抽保留學位。
9. 甲部有3個選擇，不限地區，要上教育局網頁查詢《不受學校網限制選校手冊》。
10. 乙部有30個選擇，只限所選校網之學校，可參考《中學一覽表》。
[ 本帖最後由 khmama 於 10-3-25 20:26 編輯 ]
作者: khmama 時間: 09-9-10 22:21 標題: 升中秘笈#6
11. 每個考生都會由電腦分配一個隨機編號用以抽獎，冇人會知個號碼。
12. 抽獎模式如下:
- 先抽甲部，BAND1生優先抽獎，處理完所有BAND1生，就輪到BAND2生，最後先輪到BAND3生
- 甲部BAND1、BAND2同BAND3都處理完，先至到乙部抽獎，方法同甲部一樣
- 抽獎時，會先由第一志願開始派比BAND1生，派完所有BAND1生嘅第一志願，仍然未分派到學校嘅BAND1生，就會分派第二志願，第二志願都落空嘅BAND1生，就會跟第三志願分派，如是者派完BAND1生嘅所有志願。派完所有BAND1生，就輪到BAND2生，方法同BAND1生一樣。派完所有BAND2生，最後就輪到BAND3。下面係一個BAND1生抽獎嘅例子。
- 假設甲學生係BAND1生，第一志願選A學校，而另外有99個BAND1生都係選A學校做第一志願，如果A學校得70個抽獎位，即是有30個BAND1生抽唔到。只要考生之隨機編號夠細，能擠身頭70位，便即時中獎，獲得第一志願。
- 如果甲學生唔好彩，就要試第二志願，同其他BAND1生繼續爭，直到有一個志願有位而隨機編號又爭贏對手為止。
- 同一個BAND之學生，無論頭、中定尾，機會都係均等，一律只睇隨機編號，運氣好的話，BAND1尾學生一樣可以入BAND1頭學校。
- 乙部抽獎會先處理保留學位，如果直屬/聯繫小學之BAND1考生過多，抽唔中保留學位之考生可以繼續以第一志願同其他BAND1生爭直屬/聯繫中學之非保留學位，即係同一間中學有兩次機會俾直屬/聯繫小學之考生抽。如果直屬/聯繫小學之BAND1考生少過保留學位，餘下之保留學位會俾直屬/聯繫小學之BAND2考生抽。
13. 所以派位組別對抽獎好重要，如果想抽到好學校，做BAND1生可以優先選擇，當然會好過BAND2同BAND3生。
14. 有啲考生區內同全港性派位組別會唔同。如區內係BAND1生但全港性係BAND2生，即顯示所屬校網學生質素較差，呢類學生只可以靠乙部抽獎抽區內BAND1學校，因為冇理由甲部去填BAND2學校，而BAND1學校又好難抽到。如區內係BAND2生但全港性係BAND1生，即顯示所屬校網學生質素較好，呢類學生要好好利用甲部，希望能抽入BAND1學校，所以選擇BAND1學校要保守，期望一擊即中。
15. 中學其實係冇BAND嘅，所謂BAND1學校只不過係學校所收之學生大部分係BAND1生。因此，較受學生歡迎之學校自然會成為BAND1學校，所以英中多數係BAND1(唔計直資)。
16. 抽獎填表亦要講策略:
- 要記住甲部抽完先到乙部，由於甲部位少又要全港一齊爭，一般只當買六合彩。不過都唔可以亂填，如果亂填一間唔係心水學校，萬一真係抽中就等於放棄乙部抽獎。所以如果好想抽乙部又冇其他心水選擇，甲部第一志願可以填番乙部之第一選擇，其餘留空，如想搏幾間同級數之學校亦可。
- 如果有直屬/聯繫中學，一心諗住讀又必入嘅，甲部第一志願應填直屬/聯繫中學，其餘兩個志願留空，乙部第一志願再填直屬/聯繫中學。
- 乙部30個志願要填滿，如果只填幾個又不幸派唔到，就要等所有BAND1、BAND2同BAND3生都抽完，先由電腦隨機派間有位之學校俾你，必然係BAND3尾之學校。
- 好學校自然多人爭，唔放第一志願根本冇機會抽到，所以切忌將所有好學校排前面，因為一抽唔到就會跌到好後。
- BAND1生唔使咁快填BAND2學校，因為一間學校如果BAND2生抽獎入到，BAND1生即使將間學校放第30志願，仍然會比BAND2生早抽入去，原因係BAND1生抽獎先過BAND2生。所以只要用幾間BAND2學校包底，前面將可以填之BAND1學校(包括本區及他區)填晒就係最好方法，當然頭幾個志願要視乎校網，要講策略，但BAND1生最差都只會派去BAND2頭中學。
17. 所有考生填表都必定要俾老師過目，當然有啲老師係真心想幫考生作最好之選擇，但有部份老師只想考生能在首三志願派到學校，以擦靚學校之招牌(雖然醒目之家長選小學時都唔會睇首三志願%)，唔理三七二十一，BAND1生都要你第二、三志願填間BAND2甚至BAND3學校。結果學校當然得其所哉，難為家長四處叩門。所以家長要上網多睇討論區，唔好盲目相信老師之提議。
18. 派位組別會影響升中策略同結果，一定要問清楚學校。
19. 如果小朋友天資不足，就要量力而為，選一間程度適合之中學就讀，BAND1尾學生勉強抽入BAND1頭學校都未必係好事，年年墊底會打擊小朋友之自信心，要三思。
[ 本帖最後由 khmama 於 10-3-25 20:30 編輯 ]
作者: khmama 時間: 09-9-10 22:26 標題: 升中秘笈#7
放榜
1. 七月頭係放榜之大日子，無論你有冇報讀直資，自行成唔成功，呢日都要一早返小學攞結果。
2. 其實學校放榜日之前已收到結果，有啲學校會早一晚打電話俾派得唔好之學生暗示作好叩門準備(其實學校係唔可以咁做)。
3. 無論學校會唔會暗示，家長都應該放榜前為叩門作好準備:
- 放榜前一星期，選定叩邊幾間，然後打電話查詢有冇得叩門，免得白走一趟。
- 有啲學校要求你自行同抽獎都選做第一志願，先有得申請，所以自行選校時可能要考慮呢一點。
- 有啲學校會要求主科全部A加埋操行要B或以上先可以攞申請表。所以六年級期終試都唔可以鬆懈，五、六年級要聽話啲，如果操行B-就好難叩門。
- 決定叩邊幾間後，要準備學生個人履歷同叩門信(部分學校網有叩門表格下載，無須叩門信)。帶備白信封、郵票、証件相、萬字夾、支票簿、身份証/出世紙副本等有用物品備用，派位証可能要影印。
- 要擬定路線，最好搵定人做司機，方便四處叩門。
- 有啲學校係即日通知筆試、面試，所以一日未必去到好多學校，但第一日係最緊要嘅，所以最想叩門之學校應去叩先。
- BAND1英中比較難叩門，家長亦可以叩BAND1中中，希望入到英文班。
4. 如果叩門尚未成功，家長記得一定要去派位中學先註冊，最多日後叩門成功再取回派位証。即使開咗學，學校仍然有機會通知學生被取錄，所以家長最好唔好咁快買晒書同做校服，買咗書都唔好咁快寫名。
5. 無論結果如何，家長都唔好俾小朋友覺得間學校唔好，應該隨遇而安，否則小朋友會唔鍾意間學校，冇心機讀書。如果真係想轉校，中二可以再報插班。
6. 個人認為讀書要靠小朋友自己努力，唔可以完全倚賴學校。依家啲名校都冇咩功課，好靠小朋友自發去學習，反而啲普通學校想做好成績，老師仲更加有心機教小朋友。
7. 中一入學前香港學科測驗(即分班試)對師弟師妹升中好重要，唔好咁自私，諗住自己已經過咗海就係神仙，就是但考咗就算。有啲學校上年同今年BAND1%相差超過10%，令啲BAND1生跌咗落BAND2都唔知，結果累到啲家長四圍撲學校，所以為人為己，要認真地考分班試。
8. 暑假期間，好多學校會舉辦中一預備班，如果要外遊，最好先打聽上課日期。
想知詳細升中資料，可瀏覽教育局網頁http://www.edb.gov.hk/index.aspx?nodeID=1565&langno=2
[ 本帖最後由 khmama 於 10-3-25 20:33 編輯 ]
作者: Maisie 時間: 09-9-10 23:32
Dear khmama,
萬分多謝你的分析, 你真超超超勁和超超超好人!
Maisie 
作者: hinviv 時間: 09-9-11 07:51
Dear khmama
你真棒！
多謝晒 ！
1.其實學校知唔知學生在全 港/全區的banding/排位，
或是老師估計？
2.想問中學概覽 裏學位分配 有「非保留學額」，
「直屬/聯繫學額」，是否只是「非保留學額」供本區
抽獎， 「直屬/聯繫學額」的數又有什麼作用呢？
Thanks
[ 本帖最後由 hinviv 於 09-9-11 09:05 編輯 ]
作者: gigi2 時間: 09-9-11 09:22
超強！超一流！謝謝你無私的貢獻！
作者: sasa88 時間: 09-9-11 11:22 標題: 回覆 1# khmama 的文章
感謝您的分享喔!!!!!!
作者: kathymum 時間: 09-9-11 11:33
Dear Khmama,
多謝你的分析, 好正.
辛苦晒妳!
作者: pineapple0983 時間: 09-9-11 13:06
多謝哂khmama既無私奉獻，非常好！
| 歡迎光臨 教育王國 (/) |
Powered by Discuz! X1.5 |
