教育王國

標題: 男仔升中轉校網 [打印本頁]

作者: pigletbaby 時間: 26-3-24 16:36 標題: 男仔升中轉校網

小兒小四至小五係小學級一,如果好彩小六也能做到級一, 但偏靜有乜特異功能, 小學係將軍澳區二線小學,如果可以有親人地址選擇中西區校網大抽獎,會唔會跌band ? 因為想搏抽英皇書院機會, 但有些困惑

本人一直想兒子升讀男校,自行都只會選跨區男校,但怕都係輪到大抽獎,所以想問大家意見想清楚

謝謝大家

作者: minnieevergreen 時間: 26-3-24 18:25

pigletbaby 發表於 26-3-24 16:36
小兒小四至小五係小學級一,如果好彩小六也能做到級一, 但偏靜有乜特異功能, 小學係將軍澳區二線小學,如果可 ...

級頭無可能會跌BAND ﹐跌BAND通常都只會是1C學生/邊緣人才有機會。
級頭可以博盡﹐皇仁/英皇/華仁/SJC 可以直接擺兩間吧。
就算去到叩門﹐基本上都唔會太大風險。

作者: pigletbaby 時間: 26-3-24 19:53

minnieevergreen 發表於 26-3-24 18:25
級頭無可能會跌BAND ﹐跌BAND通常都只會是1C學生/邊緣人才有機會。
級頭可以博盡﹐皇仁/英皇/華仁/SJC 可 ...

因為我仔小學只係2線小學,佢又冇乜比賽獎項,所以怕太進取選校原來根本唔夠其他勁校級頭爭

但真係心儀band 1男校想佢讀,咁你認為跨網由tko轉報中西區校網搏抽到英皇機率可行嗎? 我成日覺得自行皇仁佢好大機會做砲灰可能浪費機會因為自己小學唔係名小佢又冇特異功能

但其實我個仔真係最想入皇仁佢自己成日講…….. 我都唔知點決定暫時

身邊有人叫我選英華書院,但我又好似麻麻

作者: mcl233 時間: 26-3-24 20:07 標題: 回覆樓主:

應該係考慮升小五搏插班入兩軒，小六係遲左～

作者: mcl233 時間: 26-3-24 20:10 標題: 回覆樓主:

中西區係統一階段對男生升中派入英中學額係唔足夠的～

作者: pigletbaby 時間: 26-3-24 21:05

mcl233 發表於 26-3-24 20:07
應該係考慮升小五搏插班入兩軒，小六係遲左～

其實…我都覺得係

我真係曾經plan考插班….不過嗰陣時掛住同佢姐姐衝呈分試所以錯失了良機

作者: pigletbaby 時間: 26-3-24 21:08

mcl233 發表於 26-3-24 20:10
中西區係統一階段對男生升中派入英中學額係唔足夠的～

原來係咁真係唔係好搏得過怕得不償失

高主教本身想自行保險d揀佢但原來佢而家已經唔係男校…同好似DSE成績麻麻所以又少咗一個選擇

作者: 猴子爸 時間: 26-3-25 09:19

pigletbaby 發表於 26-3-24 19:53
因為我仔小學只係2線小學,佢又冇乜比賽獎項,所以怕太進取選校原來根本唔夠其他勁校級頭爭但真 ...

二线小学，小四到小六都是级一的话，自行皇仁，不一定没有竞争力吧？
既然是你仔的心愿，自一皇仁，自二选一间重学术的B1A中学（e.g.张祝珊）或更保守B1B学术型，应该也是可行的。

至于大抽奖，如果可以到湾仔九龙城沙田这些区就当然不错，否则倒不如先试试拿下一些直资offer作为安全网都是好的。

作者: minnieevergreen 時間: 26-3-25 11:53

pigletbaby 發表於 26-3-24 19:53
因為我仔小學只係2線小學,佢又冇乜比賽獎項,所以怕太進取選校原來根本唔夠其他勁校級頭爭但真 ...

其實TKO 真係唔夠學位﹐我覺得你有中西區轉﹐一定轉左先。
抽獎真係運氣﹐無人敢答實你嫁喎

既然真係想入皇仁﹐不如自一照博皇仁﹐唔博真係後悔。

自二你想保守﹐可以揀返一D 學術唔錯既男女校﹐ 將軍澳過東區其實都方便﹐例如張祝珊、中婦、民生呢類﹐比較著重學習成績同RO既﹐對你仔仔都著數。

級一都擔心﹐你叫二線尾三線小學既同學情可以堪~
英華係直資﹐其實你咁擔心﹐應該考返幾間直資做後備﹐自行放榜再諗過。
不過你都好矛盾﹐你又想男校﹐但皇仁/華仁呢堆你又擔心唔入﹐英華你又嫌棄

事實上﹐你個仔入唔到B1既機率好低﹐
我當你自行唔入、大抽獎勁黑仔都好﹐
其實級1 ﹐無可能叩門入唔返TKO區既B1中學。
最壞既打算﹐就係最後叩門入返本區中學。

早兩年﹐女女係二線尾三線小學級五﹐跨區自行入到大約B1B-A既港島女校。
叩門都轉到間差唔多LEVEL既女校。女女朋友(男同學)邊緣人﹐派左B2 學校﹐叩門兩間B1C都收佢。

所以級一真係無咩好擔心

作者: minnieevergreen 時間: 26-3-25 11:54

pigletbaby 發表於 26-3-24 21:08
原來係咁真係唔係好搏得過怕得不償失高主教本身想自行保險d揀佢但原來佢而家已經唔係男校…同好似D ...

點解一定要男校??仔仔要求?

作者: verykin 時間: 26-3-25 14:18

本帖最後由 verykin 於 26-3-25 14:41 編輯

仔仔已經英皇中二, 當年自行正取入,,仔仔話:校內有東涌,大埔,深井同學仔...區區都有
個人認為
好多中學其實係分餅仔, 英皇,華仁, 都會給既定小學一兩個位, 是<正取>,
如果不是既定小學, 也會放去 <備取> ,如果你小學 ,上一兩年有師兄入, 你仔仔參不多89成機會<正取>,入.
東區收好多將軍澳,
以你仔仔成績, 自一皇仁, 自二英皇
大抽獎,東區比中西區 B1 位較多

作者: 2jkidsfather 時間: 26-3-25 16:56

pigletbaby 發表於 26-3-24 19:53
因為我仔小學只係2線小學,佢又冇乜比賽獎項,所以怕太進取選校原來根本唔夠其他勁校級頭爭但真 ...

你仔的小學上年及前年派了什麽 Band 1 男校中學？

作者: mcl233 時間: 26-3-25 17:31 標題: 回覆樓主:

又係唔多睇樓主標題目標想討論什麼，又自1又自2？～～～

作者: Szetimmy0225 時間: 26-3-25 18:58 標題: 回覆樓主:

级一有咩怕呀！自行已經夠啦！如果喜歡皇仁一於去马啦！来緊開五班架。

作者: ireneyklo 時間: 26-3-25 21:57

2jkidsfather 發表於 26-3-25 16:56
你仔的小學上年及前年派了什麽 Band 1 男校中學？

對，其實睇學校這兩年頭個班學生派去那都可以估到

作者: pigletbaby 時間: 26-3-26 01:56

猴子爸發表於 26-3-25 09:19
二线小学，小四到小六都是级一的话，自行皇仁，不一定没有竞争力吧？
既然是你仔的心愿，自一皇仁，自二选 ...

謝謝你意見

我都想照去面試英華書院,想作為操練也好或者如果去到抽獎或者可能有多個選擇

作者: pigletbaby 時間: 26-3-26 02:07

minnieevergreen 發表於 26-3-25 11:53
其實TKO 真係唔夠學位﹐我覺得你有中西區轉﹐一定轉左先。
抽獎真係運氣﹐無人敢答實你嫁喎

本帖最後由 pigletbaby 於 26-3-26 02:09 編輯

好多謝你咁詳細既解答

其實我唔敢嫌棄英華,只係唔係最心儀,所以真係有啲矛盾

其實入到港華/英皇,我已經好安慰,皇仁有啲只係圓仔仔個夢但唔敢奢望太多,而家好大壓力成日要保住成績保住級一好難捱

你女女可能有好多技能又成績好,所以叩門都冇問題,好羨慕, 因為我個大女前年佢都係級十內, 自行唔得大抽獎又抽唔到第一志願,佢派入band 1校但唔係心儀, 最後叩門只叩到嘉諾撒書院, 九真都叩唔入, 所以好有陰影, 覺得自己個仔冇技能唔夠爭

作者: pigletbaby 時間: 26-3-26 02:10

minnieevergreen 發表於 26-3-25 11:54
點解一定要男校??仔仔要求?

純粹因為想我煩少一樣野,就係盡量拖遲拍拖機會影響學業,因為我大女都係讀女校,同佢地又唔介意讀男校女校

作者: pigletbaby 時間: 26-3-26 02:14

verykin 發表於 26-3-25 14:18
仔仔已經英皇中二, 當年自行正取入,,仔仔話:校內有東涌,大埔,深井同學仔...區區都有
個人認為
好多中學其 ...

多謝你

你既資訊令我有返啲信心,不過佢又冇師兄入過英皇, 只有入過另外一d神校,我反而對對英皇印象不錯, 所以都心儀

作者: pigletbaby 時間: 26-3-26 02:16

2jkidsfather 發表於 26-3-25 16:56
你仔的小學上年及前年派了什麽 Band 1 男校中學？

前年級一入皇仁, 大前年級一入聖保羅男女, 上年級一係女仔入咗德望,

作者: pigletbaby 時間: 26-3-26 02:18

mcl233 發表於 26-3-25 17:31
又係唔多睇樓主標題目標想討論什麼，又自1又自2？～～～

大家既意見一樣值得參考

多謝大家

作者: pigletbaby 時間: 26-3-26 02:20

Szetimmy0225 發表於 26-3-25 18:58
级一有咩怕呀！自行已經夠啦！如果喜歡皇仁一於去马啦！来緊開五班架。
...

因為我覺唔係一線小學又冇乜獎

所以有啲怕

作者: pigletbaby 時間: 26-3-26 02:21

ireneyklo 發表於 26-3-25 21:57
對，其實睇學校這兩年頭個班學生派去那都可以估到

我仲未參透到個遊戲

好似好難估

作者: 2jkidsfather 時間: 26-3-26 09:03

pigletbaby 發表於 26-3-26 02:16
前年級一入皇仁, 大前年級一入聖保羅男女, 上年級一係女仔入咗德望,

保持成績，放膽去試

作者: minnieevergreen 時間: 26-3-26 11:40

pigletbaby 發表於 26-3-26 02:07
本帖最後由 pigletbaby 於 26-3-26 02:09 編輯

好多謝你咁詳細既解答其實我唔敢嫌棄英華,只係 ...

又有幾多個小朋友真係有特異功能係足夠佢影響自行既結果丫﹐
大部份津校自行都係睇RO。
我女同大部份小朋友一樣﹐有運動有樂器﹐但只係一項興趣同課外活動、拎下豬肉獎果種﹐
除非去到區隊、港青或者係香港有排名﹐或者你既樂器有8級/特別樂器岩樂團用既有5級﹐
否則﹐課外活動對升中只係一個點綴﹐考津校自行用處更小(除非部份學校有講明重樂器)

既然你學校已經曾經有人入到co-ed、皇仁呢d 傳統名校﹐
有哂參考﹐已經無咩好驚。

仲有一段時間先正式呈分﹐不如好好調整你同小朋友既心態﹐
好好裝備下自己 ﹐小五開始去下學校OPEN DAY、練習下說話既技巧先~

作者: minnieevergreen 時間: 26-3-26 11:47

pigletbaby 發表於 26-3-26 02:10
純粹因為想我煩少一樣野,就係盡量拖遲拍拖機會影響學業,因為我大女都係讀女校,同佢地又唔介意讀男 ...

其實呢個世代要拍拖﹐唔需要係學校識﹐去補習、上網、朋友既朋友都已經識到。
除非係小朋友特別要求﹐否則我覺得唔使特別局限左自己係男校﹐咁樣自二你既選擇會變得少左﹐畢業港島男校粒粒皆星﹐如果你要十分保守既安排﹐可能自二要揀返男女校(地區名校)。

另外﹐其實你睇返上兩屆同你同名次既小朋友自行考到咩學校﹐其實就會預算到你小朋友大約入到咩LEVEL既學校。
如果你級一都入到CO-ED呢類名校﹐不妨在直資階段報埋聖保羅、聖保羅男女、港同等等直資名校﹐
多一個選擇﹐亦多一個練習面試既機會。

作者: adriantai 時間: 26-3-26 19:20 標題: 回覆樓主:

讀男校已經悶，仲要QC + KC

作者: mimwing 時間: 26-3-26 19:28

minnieevergreen 發表於 26-3-25 11:53
其實TKO 真係唔夠學位﹐我覺得你有中西區轉﹐一定轉左先。
抽獎真係運氣﹐無人敢答實你嫁喎

二線級一抽獎應該去邊區都屬b1，但識人二線中級一連面試都無，
當然好睇是那間小學。。。

作者: Szetimmy0225 時間: 26-3-26 19:45

pigletbaby 發表於 26-3-26 02:20
因為我覺唔係一線小學又冇乜獎所以有啲怕

二線级一好大機會了！

作者: minnieevergreen 時間: 7 天前

本帖最後由 minnieevergreen 於 26-3-27 15:36 編輯

mimwing 發表於 26-3-26 19:28
二線級一抽獎應該去邊區都屬b1，但識人二線中級一連面試都無，
當然好睇是那間小學。。。

二線都有頭同尾既﹐
但覺得佢無野好輸﹐因為去到邊都是B1﹐級一叩門普通B1好難唔收返。
加上佢講到佢地歷年級一都去左SPCC、GHS、QC﹐有前人作準﹐唔博對唔住自己啦~
就算自二穩陣D ﹐自一都好應該博盡啦
當然IN埋直資就非常穩陣吧。

既然好鍾意QC﹐自一點都係QC , 自二博既就ST JOE/KC 是但一間﹐保守D可以揀返東區地區名校吧

作者: verykin 時間: 7 天前

本帖最後由 verykin 於 26-3-27 16:20 編輯

pigletbaby 發表於 26-3-26 02:20
因為我覺唔係一線小學又冇乜獎所以有啲怕

你可以預先下載學校申請表格,

大約知道學校風格重不重視獎項.....

獎項.., 服務 ,
都可以濫竽充數...

盡量填滿

作者: adriantai 時間: 7 天前 標題: 回覆樓主:

成績就係王道，雖然有啲二三線小學名校唔多睇，但既然前幾屆都有人入到，咁唔使驚啦，除非佢哋入到係加出色嘅體藝