教育王國
標題: 為人父母，每日都係學習！ [打印本頁]
作者: PTL_L 時間: 24-12-15 21:36 標題: 為人父母，每日都係學習！
本帖最後由 PTL_L 於 24-12-16 12:37 編輯
唔係想做咩心靈雞湯，見到幾啱作為父母既我哋聽下睇下，有時間就望下啦！
教小朋友贏在起跑線其實可以好容易，但原來教小朋友做人、與人合作、解難能力先最難！
http://news.now.com/home/local/p ... re&utm_medium=share
http://news.now.com/home/local/player?newsId=586677&refer=Share&utm_source=now_appshare&utm_medium=share
作者: PTL_L 時間: 24-12-16 12:38
本帖最後由 PTL_L 於 24-12-16 13:41 編輯
想多啲人可以聽下小朋友心聲！
片段當中有提過下青少年自殺率，由2022年15歲以下既青少年自殺人數由7人升到24人，女童由2人升到16人，入面有講過下呢班年輕人逃學、想了結生命既原因：家庭期望、老師欺凌、同學欺凌、自我形象低落、學業壓力等等！
仲不停醫呀神呀，連生命都失去埋，仲可以期待咩呢！？
剛又有一個12歲女孩喇！！我哋成班大人仲不停5+ 3大 1ABC band 1%?!!! 攞人地6年前既小朋友考dse output 嚟做主要選校？！
作者: RainyRice 時間: 24-12-16 16:38
PTL_L 發表於 24-12-16 12:38 
想多啲人可以聽下小朋友心聲！
片段當中有提過下青少年自殺率，由2022年15歲以下既青少年自殺人數由7人升到 ...
本帖最後由 RainyRice 於 24-12-16 23:34 編輯
好贊成，升中其實很多學校選擇，B1之中也有很多不同模式/特別賣點的學校。成績以外，其實有很多考慮因素。或者我小朋友仲細，有時見到/聽到一些中一中二生已經要挑燈夜讀；B1A校測驗考試半班不合格是正常，我覺得很匪而所思。
資訊發達也代表大家可以認識更多不同的學校，這是好事；比較和分析成績也是人之常情。但近年有很多家長群/KOL，作為家長見到這些KOL/谷內家長小朋友如何勤力用功、一日做幾多練習、博覽群書、科科100、琴棋書畫音體藝樣樣皆精、十項全能….家長真的要有很強的定力去阻止自己去做羊群：都要諗吓有時可能是其他人報喜不報憂、有時同一位KOL/谷友的幾個孩子也有不同的資質，不要勉強抄其他人的方法。
如何運用這些數據和資訊，家長要好小心。除了學業成績社交方面之外，也要常常審視孩子的精神心理健康狀態，以及自己對孩子的期望。
作者: 媽媽不動產 時間: 24-12-16 18:44
同意，家長了解升小、升中資訊之餘，都要夠定力，唔好無止境追求遠超子女能力所及嘅學術成績。小朋友跟住學校課程學習，唔超前唔催谷，本身就已經夠使夠用，足夠應付考試，咁樣先反映到小朋友嘅真正學習能力。世界好大，升中只係人生一個小小嘅階段，唔值得chur爆個細路，甚至冇埋條命。
作者: fwstides 時間: 24-12-16 20:23
家長真係明白的話，就唔會仲有咁多排名、比較、Band 1AA, B1A, B1B、又神又醫了。以前學校幾好都唔會有”神校”呢啲標記，而家？家長一窩蜂用盡方法去谷去追，唔係讀神校就係低人一等了。要求小朋友十項全能，家長眼界卻…
作者: mcl233 時間: 24-12-16 21:17 標題: 回覆樓主:
又神又醫，不過，可能唔關佢地事。吹大自己，儲分換贈品～～～ 
作者: fupigpig 時間: 24-12-17 09:31
fwstides 發表於 24-12-16 20:23
家長真係明白的話，就唔會仲有咁多排名、比較、Band 1AA, B1A, B1B、又神又醫了。以前學校幾好都唔會有”神 ...
我係認同要付出努力嘅！
不過見近幾年比較學校方式係over左，兩校比較問意見，95%以上只用成績去比較。
現實係相同banding嘅學校都有自己教學作風，我相信夾啱自己嘅1C會讀得好過唔夾嘅1B。而事實上1B/C真係差好遠咩？參考吓就夠，絕對唔係最重要考慮。
喺EK見親有po問學校比較，可以一致用成績做標準，反而甚少用家分享喺校內一d拔尖補底清晰安排、功課模式等等日常，想補底就間間都話有有有，其實多數名額有限，甚至可能做個門面，根本間學校係偏重拔尖⋯
作者: mcl233 時間: 24-12-17 10:02
fupigpig 發表於 24-12-17 09:31
我係認同要付出努力嘅！
不過見近幾年比較學校方式係over左，兩校比較問意見，95%以上只用成績去比較。
現 ...
如果講你認為對既分享，EK已經存在一班活躍地霸，會圍你的，君不見今天既EK已經冷清清乎？呢班地霸連自己既，一句都唔敢提，仲會有校內課程分享？？～～～
作者: fupigpig 時間: 24-12-17 11:19
mcl233 發表於 24-12-17 10:02
如果講你認為對既分享，EK已經存在一班活躍地霸，會圍你的，君不見今天既EK已經冷清清乎？呢班地霸連自己 ...
因為我大嗰個已U，當時由預備升小前入EK，對比而家分別真係好大。有d會員分析好貼地，而且會pm詳談。
嗰時派位後再喺EK識到同校同級家長，做埋朋友，即使畢業後都會出嚟食吓飯，一直到而家有聯絡。
而家好似睇數字最重要。
其實好多數字都係校網有，反而最想知係日常校內安排。即使一樣banding學校，有d適合自理能力高，有d啱低自理，淨係呢樣已經完全兩回事。 不過見人問親呢個話題，一律回覆「放手啦！」 、「我冇跟好耐啦！」
即係冇跟、冇理、乜都唔知⋯但又活躍喺forum喺group，特登入group但唔理嘅，特登話俾人知自己乜都唔知
作者: mcl233 時間: 24-12-17 12:29
fupigpig 發表於 24-12-17 11:19
因為我大嗰個已U，當時由預備升小前入EK，對比而家分別真係好大。有d會員分析好貼地，而且會pm詳談。
嗰時 ...
或許，唔係唔知，係把口得，能力又唔配合，才唔敢分享。EK仲有好多CDRom高手，只要地霸一出手，即知有沒有。其實，都見到少少底，論學術隻字唔敢提～～～
作者: RainyRice 時間: 24-12-17 12:38
fupigpig 發表於 24-12-17 11:19
因為我大嗰個已U，當時由預備升小前入EK，對比而家分別真係好大。有d會員分析好貼地，而且會pm詳談。
嗰時 ...
可能因為當年少啲WhatsApp群、Facebook 谷、Threads…. EK當時是主要渠道，現在有很多其他選擇比家長去傾?
作者: mcl233 時間: 24-12-17 12:43
RainyRice 發表於 24-12-17 12:38
可能因為當年少啲WhatsApp群、Facebook 谷、Threads…. EK當時是主要渠道，現在有很多其他選擇比家長去傾? ...
大江東去，冇左比較中肯既分析，仲留係度咩～
管理又欠奉，又比釘釘户回歸，視而不見，釘得一定係有問題㗎啦～
作者: PTL_L 時間: 24-12-17 13:29
本帖最後由 PTL_L 於 24-12-17 13:40 編輯
fupigpig 發表於 24-12-17 11:19
因為我大嗰個已U，當時由預備升小前入EK，對比而家分別真係好大。有d會員分析好貼地，而且會pm詳談。
嗰時 ...
好認同
自己蒲EK都唔短時間，睇住近年變遷，舊時都有數據顯示，但大家都只會做參考之一，因為當年起呢度有好多有心人分享校內情況，起參考數據外，自己做家長可以再可因應其他用家分享再相互考慮。我自己就係受惠於當年網友無私分享，讀緊心儀學校既有，小朋友讀另一所學校但都會知少少本人心儀學校情況既網友都有分享，咁成個考慮版圖就會變得好完整，自己小朋友自己負責，花生人講兩句就作為選校主要？咁呢個父母真係非常唔合格！
另外，你留意下點解唔再敢有人分享校內情況？講多兩句就係護校㗎喇，最惨係新入EK既家長，俾人誤導哂，「冇出示dse數據就肯定係差」又或「唔出5+又係差」等等，呢啲仲延伸到其他媒介！
留意下果啲不停攞數據講既人？！佢哋或者要刷存在感，當然我唔知佢既目的係咩？可能真係直資學校打手又或想做升學顧問？佢哋係隻字不提自己有小朋友啦，或者完全唔敢提自己小朋友既學校，原因咪可能擔心俾人用同樣方法打擊囉，既然唔敢提自己小朋友學校情況，咪只可利用每年都會上上落落既數字刷自己價值！
老實講句，自己點揀係自己責任，但最唔好係影響人囉，其他家長有啲真係好豬，睇成績選校就夠，既然係咁，唔洗搞info day啦，唔洗安排school tour 俾外界人可以同在校生傾計直接了解啦，派school report 呢啲一啲溫度都冇既方法咪得囉！不過算，有感而發啫，唔啱睇當廢話得㗎喇，而家升中對我已經係零影響，我小朋友都大喇！不過自己都多謝曾經俾過意見同真心分享校內情況既用家！
作者: 200904 時間: 24-12-17 14:44
樓主説的真好！
孩子只是選擇了我們做自己的父母，但生命確實她們自己的。我總是對自己的孩子説，感謝他們來到我的生命，點燃豐盛了我的生命。我作爲母親，我的職責是給他們一個堅强的後盾，心靈上的依靠，遇到困難時，會有個可以依靠的港灣，有個力量的源泉。
我從來沒有用成績作爲他們好與不好的指標，所以，也沒有成績好，就有特別的寵愛和獎品之説。成績好，是自己努力的成果，相信知道自己有小小成績，已經很開心。成績不好，就給自己成長進步的空間，更能考驗自己是否堅强，懂得怎樣從失敗中吸取教訓。
每個孩子的性格都不同。家姐要强，設下目標之後，會自覺努力地向目標進發。細妹開朗，盡情享受中學生活，對成績得失看得很開，看菜下飯，對每個學科都有自己的一套看法。
她們在不停地探索，適合自己的方式，我作爲媽媽，看著觀察著。當然，有時候會忍不住説幾句，但有時候她們會希望用自己的方法，去試試看。那就讓她們試試。我總是覺得，有些失敗，碰壁年紀越小遇到，越是福氣。這個時候，還有健在的父母，當他們回頭時，還有爸爸媽媽站在他們身後等著。
作者: 媽媽不動產 時間: 24-12-17 15:32
我係近幾年小朋友升中先睇EK，真係大部分係參考數據，當然，好感謝大家辛苦整理數據，方便家長睇到邊啲學校配合小朋友banding，不過，用家分享或者搵學校經驗心得真係唔多。我小朋友已經升中，都想回饋一下，但係冇乜機會，有時候又怕唔小心講錯嘢影響到人哋學校，所以只會pm，有啲可惜。
作者: PTL_L 時間: 24-12-17 16:00
本帖最後由 PTL_L 於 24-12-17 18:39 編輯
媽媽不動產 發表於 24-12-17 15:32
我係近幾年小朋友升中先睇EK，真係大部分係參考數據，當然，好感謝大家辛苦整理數據，方便家長睇到邊啲學校 ...
明呀，而家想分享學校入面嘅校政啦、課程啦、或者一啲選科嘅安排等，都要諗過計過自己再度過，唔會踩親人哋條尾先可以講，又要唔會俾人覺得自己係護校，好心既分享都會俾人哋大事演繹其他事情嚟講，又話覺得人地認為自己學校成績差咗，所以要攞其他原因去Backup返個情況！無心人係最容易被有心人計算到！
作者: fupigpig 時間: 24-12-18 05:09
PTL_L 發表於 24-12-17 13:29
好認同自己蒲EK都唔短時間，睇住近年變遷，舊時都有數據顯示，但大家都只會做參考之一，因為當 ...
而家去邊度公開嘅討論都有保皇黨，盲撐到反眼
例如講左一項明顯嘅缺點，保皇黨最慣常盲撐方式就係話人「一早要瞭解清楚間學校至入嚟」、「沒有最好、只有最適合！」
搞搞吓就更少人問！
以前可以search都搵到答案嘅野，而家開個po都未必有答案。
所以我間中留意到有人表達得正常d，我會pm問佢。
我大嗰個已經U，之前有個member大概叫green乜乜，真係耐到唔記得喇佢俾好多填表分析我參考，幫我好多，唔係話派到邊間嘅幫忙，我當時都派唔到乙一㗎，但個分析好貼地之餘，係將心比心咁去幫我考慮。
作者: fupigpig 時間: 24-12-18 05:20
媽媽不動產 發表於 24-12-17 15:32
我係近幾年小朋友升中先睇EK，真係大部分係參考數據，當然，好感謝大家辛苦整理數據，方便家長睇到邊啲學校 ...
明呀，而家pm嘅野其實以前可以公開傾到㗎！ 所以以前EK好多高人幫手分析，唔係單用數字去分析。
我而家都係間中pm人問咋，傾嘅內容其實超級實用。
e.g相信大家都知全部中小學都自稱有拔尖補底安排啦！津校俾到幾多心照，有d偏拔尖、有d偏補底。總知乜都話有有有⋯
我入某校睇盡d人嘅對答，表面過表面，間學校係B1但非熱門，幾經辛苦周圍搵吓邊個可以問，明啦，係有補底，非衡常項目，自願性質之餘，要自己主動報名，又有限名額，兼唔係列入衡常就冇家長通告。
簡單講，小朋友成績追唔上就冇左動力，佢係咪重可以咁積極去主動搵學校補底安排？冇通告咁家長到時乜都唔知，想鼓勵佢去試吓都唔得喎⋯⋯
作者: fupigpig 時間: 24-12-18 05:42
PTL_L 發表於 24-12-15 21:36
唔係想做咩心靈雞湯，見到幾啱作為父母既我哋聽下睇下，有時間就望下啦！
教小朋友贏在起跑線其實可以好容 ...
其實你未開po前我就睇左。
個男仔唔止拍左一個訪問，兩個case好明顯都係入錯中學，其實原本佢哋都係想讀好書、想好好表現，但去錯學校時，亦得唔到適切幫助⋯
作者: LeeCC 時間: 24-12-18 08:15
PTL_L 發表於 24-12-17 13:29
好認同自己蒲EK都唔短時間，睇住近年變遷，舊時都有數據顯示，但大家都只會做參考之一，因為當 ...
護校呢個樣嘢，令好多人都唔敢公開分享自己對學校的睇法
作者: yip144 時間: 24-12-18 08:39
回覆 PTL_L 的帖子
[color=var(--yt-endpoint-color,var(--yt-spec-call-to-action))]#MM｜18歲青年曾經隱蔽5年
https://youtu.be/z8oecbav0rc?si=4gFTXWOOXkbID5z5
作者: lot888 時間: 24-12-18 09:34
我早已在其他post分享，不反對分享學校數據，讓家長有個概念，但極反對制造排名，這必然引起紛爭。每間學校都有自己理念，教育方針，未必有可比性。硬要將學校排名，加上新手家長咐和，將變成學校壓力，為滿足市場需求，學校變得更單一，只追趕成績，只栽培前尖學生，望推高學校成績，而成績稍遜學生，學校已沒有資源理會，成績更差或被直接請走。現代學生自少聽慣讚賞，當升到中學時發覺自己極平庸，失去光環，得不到老師注視，而成績跟唔上，勢必做成打擊，如學校，父母未能即時介入，有可能做成無可彌補嘅結果。事情發生後只評擊學校壓力大，但退一步想想，這到底是誰的錯呢？建議硬要把數字放大，硬要制造排名的人要多想想。吾一方面，護校我又唔覺有問題，我愛我子女，所以愛我子女所讀學校亦合情合理，但唔好過份，變成狂熱份子，任何人一句，半句話語就如臨大敵，群毆圍攻，由理性討論變成罵戰，無疑將討論區送上絕路。當然亦明白有些有心人，刻意貶底其他學校，我相信這此人絕不是香港土生土長，未能領會我們對於融洽的理解，尊重的文化。更甚的是打手，制造階級分化，達其污穢目的。如果靠討論區賺取營運費用的人可多想想，適時作出勸喻。
作者: PTL_L 時間: 24-12-18 09:46
fupigpig 發表於 24-12-18 05:42
其實你未開po前我就睇左。
個男仔唔止拍左一個訪問，兩個case好明顯都係入錯中學，其實原本佢哋都係想讀好 ...
作者: PTL_L 時間: 24-12-18 09:52
lot888 發表於 24-12-18 09:34
我早已在其他post分享，不反對分享學校數據，讓家長有個概念，但極反對制造排名，這必然引起紛爭。每間學校 ...
作者: PTL_L 時間: 24-12-18 09:53
yip144 發表於 24-12-18 08:39
回覆 PTL_L 的帖子
#MM｜18歲青年曾經隱蔽5年
作者: PTL_L 時間: 24-12-18 09:55
LeeCC 發表於 24-12-18 08:15
護校呢個樣嘢，令好多人都唔敢公開分享自己對學校的睇法
作者: mcl233 時間: 24-12-18 10:00
lot888 發表於 24-12-18 09:34
我早已在其他post分享，不反對分享學校數據，讓家長有個概念，但極反對制造排名，這必然引起紛爭。每間學校 ...
你說所謂罵戰，你唔認為係非不得下已？唔去以證視聽，歪理就变成唯一既真理，去誤導其他人，咁可能就影響一生人～～～
作者: fupigpig 時間: 24-12-18 10:02
PTL_L 發表於 24-12-18 09:46
我好肉赤男仔講一句，「連搵錢既人都冇出過聲講辛苦，我憑咩可以講感」「小學階段只有返學、補習、課外活動 ...
agree，其實好明顯個男仔會over在意別人睇法，亦明顯不善表達，亦唔排除小學階段父母當佢係順從合作，加上小學成績優異，覺得跟住主流就啱。 不過訪問都有講佢屋企人一知道都冇再迫佢，佢都有做其他訪問，佢家姐陪佢減肥，用d方法引佢再出街。
另一個女仔似性格執著，即使發生問題，屋企人好似都冇特別幫佢，重叫佢返學。
而家課程壓力越嚟越大，睇數字越嚟越重，但最最最重要嘅教學作風/方式好似少人討論。
其實好多家長眼中所謂濕碎無謂野，正正就係學生每日面對，反而dse係五六年後嘅事。
作者: LeeCC 時間: 24-12-18 10:15
PTL_L 發表於 24-12-18 09:55
當然啦，剩係果啲band 乜都拗一輪，又輸入又輸出，又5+ 4+ 332A,睇到都頭痛！
有人分享欣賞學校成績以外的優點，就會被人話，學校成績唔得，所以搵嘢來講，大家仲邊夠膽分享
作者: 200904 時間: 24-12-18 10:15
其實父母都係普通人一個，有時候甚至自己都未必能做到符合這個世界的標準（雖然我到現在都不知道所謂的標準到底對還是不對）。這個世界的標準就是：“人一定要返學，唔返學就是離經叛道”？人，一定要堅强？失敗了就要站起來重新再來過，不可以就此選過其他路再走？一定要有儲蓄，要未雨綢繆？很多的既定標準，是否真的要去跟？
所以，我自己都覺得我對人生有很多困惑，我沒有把握去做我小朋友的人生導師。但，我會把我的疑惑找機會和小朋友討論。討論未必有一個標準答案，但起碼，我們可以在疑惑中找到共識，然後互相鼓勵。也大家都明白，這個世界沒有非黑即白的道理，學習怎樣從自身，他人的角度去考慮問題。
學習，不是父母教，他們學。而是共同學習，我只不過比他們多些人生經驗罷了。
作者: cafeva 時間: 24-12-18 10:16
mcl233 發表於 24-12-18 10:00
你說所謂罵戰，你唔認為係非不得下已？唔去以證視聽，歪理就变成唯一既真理，去誤導其他人，咁可能就影響 ...
作者: cafeva 時間: 24-12-18 10:19
200904 發表於 24-12-18 10:15
其實父母都係普通人一個，有時候甚至自己都未必能做到符合這個世界的標準（雖然我到現在都不知道所謂的標準 ...
作者: mcl233 時間: 24-12-18 10:20
cafeva 發表於 24-12-18 10:16
係呀有時見到都忍唔住講兩句. 不過我發現自己'嗌交'太弱, 完全唔入流
...
冇辦法，一見Y理騙案，最好留返句去質疑，否則，又可能多一個受害者～～～ 
作者: PTL_L 時間: 24-12-18 10:21
mcl233 發表於 24-12-18 10:00
你說所謂罵戰，你唔認為係非不得下已？唔去以證視聽，歪理就变成唯一既真理，去誤導其他人，咁可能就影響 ...
作者: mcl233 時間: 24-12-18 10:23
PTL_L 發表於 24-12-18 10:21
曾經想放棄的，但我覺得你講非常有道理，大話講多幾次就會被人當真！
起碼，對得住自己果個“良心“，對騙徒係不可以視而不見，或者，致電報警～～～
作者: fupigpig 時間: 24-12-18 10:25
LeeCC 發表於 24-12-18 10:15
有人分享欣賞學校成績以外的優點，就會被人話，學校成績唔得，所以搵嘢來講，大家仲邊夠膽分享
...
係問都錯所以連問嘅人都明顯少左！
決定揀之前問意見，明明好正常！
但近年有d人會反問樓主，係咪有offer？？叫人有offer至諗！
作者: 200904 時間: 24-12-18 10:37
回覆 cafeva 的帖子
謝謝。初次爲人父母，我們互相學習。
作者: Hkccpt 時間: 24-12-18 10:46
有幸在hkpapa, Greenapple, poyau,edu_father的年代已在edu kingdom 取經。
近兩三年也越來越冇心機睇edu kingdom
作者: fupigpig 時間: 24-12-18 10:55
mcl233 發表於 24-12-18 10:20
冇辦法，一見Y理騙案，最好留返句去質疑，否則，又可能多一個受害者～～～
...
莫講係歪理騙案丫⋯
其實每間學校、每個人都有優點缺點。
想瞭解清楚其實好正常。學校嘅優點係咪自己合用，學校嘅缺點又係咪原來冇乜影響到自己。
最簡單莫過於拔尖補底，間間都話有有有有有，津校資源有限，好難兩者都兼備好好，即使有偏重一方其實合符邏輯。咁我就係需要知道呢d去衡量。不過多數都好難問到清晰答案，包括去埋info day都可能問到係d官腔說話。
作者: PTL_L 時間: 24-12-18 10:55
Hkccpt 發表於 24-12-18 10:46
有幸在hkpapa, Greenapple, poyau,edu_father的年代已在edu kingdom 取經。
近兩三年也越來越冇心機睇edu k ...
作者: mcl233 時間: 24-12-18 11:44
PTL_L 發表於 24-12-18 10:55
MCL 都仲頂到而家㗎，仲有陳sir
你搞錯了, 佢已經離開左EK，不過，佢唔係釘釘户而離開的～～～ 
作者: mcl233 時間: 24-12-18 11:46
fupigpig 發表於 24-12-18 10:55
莫講係歪理騙案丫⋯
其實每間學校、每個人都有優點缺點。
升中，我一間都冇去過，如你所說，內容唔會有任何突破，始終生意難做，校長都要交數～～～
作者: fupigpig 時間: 24-12-18 11:55
mcl233 發表於 24-12-18 11:46
升中，我一間都冇去過，如你所說，內容唔會有任何突破，始終生意難做，校長都要交數～～～
...
會知多少少嘅，但真係少少囉。
有啲學校我直頭去兩年，第一年未識問，第二年聽完個talk冇提過，連續問幾個學生都冇一個完全肯定嘅答案，最後我去問老師。
其實我只不過想問清楚S4選科
如果連選科限制都太大，平凡能力更加難喺興趣以外嘅科目讀得好。
作者: mcl233 時間: 24-12-18 11:58
fupigpig 發表於 24-12-18 11:55
會知多少少嘅，但真係少少囉。
有啲學校我直頭去兩年，第一年未識問，第二年聽完個talk冇提過，連續問幾個 ...
我冇反對去睇下可能好啲既，想去咪去囉，自己哈皮舒服就可以～～～ 
作者: lot888 時間: 24-12-18 12:30
回覆 200904 的帖子
我有興趣回應你3條問題。首先，我要求孩子上學，除學習知識，更重要是學習與人相處，我在其他回覆也強調要校內多交幾個好友，盡情享受校園生活。關於學業，我接受有人比自己聰明，及人有不同長處，我會鼓勵小朋友向上試，但亦有後退準備，因為冇人能保証自己小朋友是讀書材料，就算小學手執牛耳，亦難保中學唔走樣。我其中一條退路或出路係中華厨藝學院，中三已可報讀。如果你問我想交一個律師還是廚師，我自問守法，謹慎唔貪心，碰到法律問題較少，但非常愛吃，所以一定想交個廚師，在我心目中，煮得一手好菜嘅厨師地位不比律師，醫生低，亦民以食為天嘅講法。寫得太長，稍後再寫寫我對你2、3你問題看法。
作者: 200904 時間: 24-12-18 15:26 標題: 回覆樓主:
甚好！相信你也是一個思想開明的人。沒有對我的疑惑嘲笑諷刺，而是以一個朋友的身份暢談 你對我疑問的見解。
作者: lot888 時間: 24-12-19 13:50
有關人是否要堅強，我覺得最小要培養及學習堅強。堅強是內心，意志，不是行動，表面。我反對肥虎，以強凌弱，但更反對大雄，因為小朋友身邊並沒有多啦A ，家長亦不是多啦A，不能隨時從百寶袋內拿出發寶助解決問題，小朋友必須面對，及自己想辦法去處理，經過一兩次或多次失敗後，總能想到合適的方法，這就是成長。而跌低是否需起身再來，不斷跌低，不斷再來。這難說，如我之前講，我接受有人比自己優秀，我亦教小朋友有這樣想法。明白有此高牆是攀不過，有些人是無法超越。这時我要想是否需用我的弱項，戰對手的強項，還是跟著自己的強項發展。我識一個男仔，佢數學，邏輯思維出其地弱，差不多是全班男生之末，但記性可以，縱使他和他的父母不願意，最後還是選了中史，文科方向，其後他亦發掘出歴史的趣味，最後DSE成績不是十分優秀，但總拿到三大的入場卷。要知道美國不少總總也是讀歴史出身。能知難而退，或量力而為始終是件好事，總好過死衝而全軍覆沒。
| 歡迎光臨 教育王國 (/) |
Powered by Discuz! X1.5 |