教育王國
標題: St Cat PN (PM) vs HKPS Ascot PN (AM) [打印本頁]
作者: TONGPPP 時間: 23-4-25 15:04 標題: St Cat PN (PM) vs HKPS Ascot PN (AM)
家住MOS, 仲考慮緊。
爬不少文後， 知道
HKPS Ascot 有唔少優點，我同我先生都好滿意，ＡＭ岩小朋友作息（唯一是名聲的確冇St Cat 咁好，叩區外直資私立冇咁好優勢)。
St Cat 當然好好， 只係遠，加上ＰＭ（呢樣同ＨＫＰＳ相反)，同埋多數要外補，人多校舍相對細
兩間學校教學模式雖然不太相似， 但應該都配合到我小朋友不同方面／特質
佢應該都會鐘意
有冇媽咪曾經都遇到類似決擇?
作者: keikolau 時間: 23-4-25 16:57 標題: 回覆樓主:
HKPS就不用外補嗎？
作者: TONGPPP 時間: 23-4-25 23:07
keikolau 發表於 23-4-25 16:57 
HKPS就不用外補嗎？
純粹爬文後既觀感，唔知係咪呢..
希望用家多分享。
作者: keikolau 時間: 23-4-26 07:35
TONGPPP 發表於 23-4-25 23:07
因為見好多post 都提到hkps學術整體比較深(St Cat 相對整體較淺）所以我估計St Cat 可能需要外補既機會係大 ...
我是St cat 用家呀！而家St cat 學術唔淺，加上我覺得深淺都係比較主觀的，或者你可以搜集兩校教材再作比較。上網問都好難得到真正的答案
作者: TONGPPP 時間: 23-4-26 08:01
本帖最後由 TONGPPP 於 23-4-26 08:02 編輯
keikolau 發表於 23-4-26 07:35
我是St cat 用家呀！而家St cat 學術唔淺，加上我覺得深淺都係比較主觀的，或者你可以搜集兩校教材再作比 ...
True! 我試下搵下。謝謝您
其他媽咪爸爸，如果係您，您會點揀？St Cat pm vs HKPS am
作者: Adiezz 時間: 23-4-26 10:02
keikolau 發表於 23-4-26 07:35
我是St cat 用家呀！而家St cat 學術唔淺，加上我覺得深淺都係比較主觀的，或者你可以搜集兩校教材再作比 ...
私幼學術深淺其實都足夠考小學
而且無論邊間都多家長外補
主要睇教學環境、模式、小學派位、家長目標、學校距離等等去決定
作者: TONGPPP 時間: 23-4-26 11:46
Adiezz 發表於 23-4-26 10:02
私幼學術深淺其實都足夠考小學
而且無論邊間都多家長外補
請問近年 HKPS升小既成績如何？ 幾年前Ｄpost 都有提及HＫＰＳ個別學生可以入到區外傳統名校(當然家長外補一定不可少), 而大部份升到區內band 1學校
但近年就見好少post 講HKPS升小成績，而我身邊又冇人讀ＨＫＰＳ
知道既話可以分享下嗎? 心目中當然想試區外傳統名校，其次就係其他直私(區內/區外)，或IS.
但for PN短期目標係想小朋友可以學到多D soft skills, 啟發學習興趣,
作者: farn0801 時間: 23-4-26 14:43
我都係SC 用家，認同上面家長講，SC學術唔係淺，而且K2喺課程入面已經注入小一面試preparation, 學校都有不時review 課程，所以有啲有兩個小朋友讀過嘅家長都會話細佬讀K2比起哥哥當年讀深咗都幾多。
個人認為學校教嘅，如果家長都有跟吓同小朋友溫吓書已經足夠考一般直私，如果target 神校就需要外補，或者話同你一齊target 嗰啲學校嘅人全部有外補所以唔敢唔去。同埋SC 嘅家長群一般目標都幾一致（aim直私，試神校）, 所以有個氣氛，又可以大家交換資訊，你又可以feel 到睇到戰友們點樣 prep 自己個小朋友（當然有啲人會收收埋埋 (emoji))
揀邊間學校好視乎你target 咩小學，有同學仔PN 讀 HKPS Ascot, K1轉來 SC 因為一心想 target 直私，加想試神校。如果偏向 IS 就兩間都應該冇所謂，但都睇吓邊間 IS。至於你PN 嘅短期目標應該兩間都比到, SC 教 soft skills 係完全唔使擔心。
作者: wccfgoldcard 時間: 23-4-27 16:44
我家住火炭，近hkps，升k1，St Cat/KV/KM/樂希同培正都有考。
以沙田火炭大圍區計，hkps & 馬安山LH 宜家呢刻係最好。
幾年前馬安山LH升小記錄係極度普通，但前2年開始，佢升小記錄係極為進步，係差青衣LH少少，但同奧海LH差唔多。
而hkps升小記錄呢2-3年，係冇以前咁勁，主要係沙田5强津小(當然我同意入到沙田5强津小升中絕對好容易入band1a-b中學)，但多數入津小係抽入，即某情況反應佢考名直私冇以前咁强。
作者: wccfgoldcard 時間: 23-4-27 16:55
利申: 我舊年亦有考 hkps, 所以 introduction day, 係門口附近見到 10 sec 左右 佢前年升小情況。我之前係 EK 爬文睇過佢 5-7 年前升小情況係好唔同。重申, 抽到沙田5强小學係升中絕對ok既。
有點提提 St Cat/KV 係 大校，通常有校巴直達屋苑附近，通常1程車程 50-70 mins，唔多塞車。
另 St Cat/KV 你不太用考慮 am 定 pm 讀，因為到左 k1 & k3 一定 am 及 k2 一定 pm. 而 KM/樂希/hkps 就你讀開am，通常繼續一路am上。
作者: happymeme 時間: 23-4-27 23:12 標題: 回覆樓主：
本帖最後由 happymeme 於 23-4-27 23:12 編輯
HKPS 叩門沙田兩呂一培有絕對優勢，但如果考直私就可能名氣不及以前，家長又可能冇咁谷，其實學生學術係好的，但學校應該冇SC 嗰啲專門面試訓練，所以考直私如果家長冇谷就差少少，加上上幾年疫情，好大部份面試改咗拍片，名幼光環始終大啲。
作者: TONGPPP 時間: 23-4-28 07:11
本帖最後由 TONGPPP 於 23-4-28 07:30 編輯
回覆 wccfgoldcard 的帖子
多謝分享！我之前好前見過SC K1都有分am pm, 唔知有冇記錯。係呀，SC九龍塘校有校車服務，但紅磡校pn家長自己安排交通。
註冊日係門口攞過1間nanny bus contact, 問過路線唔入mos pick up🥲要係車公廟站上車🙈
您小朋友k1冇再報hkps，就係因為其升小成積嗎？
作者: TONGPPP 時間: 23-4-28 07:26
本帖最後由 TONGPPP 於 23-4-28 07:37 編輯
happymeme 發表於 23-4-27 23:12
HKPS 叩門沙田兩呂一培有絕對優勢，但如果考直私就可能名氣不及以前，家長又可能冇咁谷，其實學生學術係好 ...
同意名幼光環好吸引。一路都諗緊我係咪要光環而寧願2歲幾小朋友每日下午來回坐兩個幾鐘車。始終仲細個。所以又諗K1先再試考LH/SC等名幼係咪都ok呢?🤔🙈
有家長有類似做法嗎？有冇後悔放棄左名幼pn揀間比較近既幼稚園？
作者: wccfgoldcard 時間: 23-4-28 15:04
校車唔係樓下或附近上車，呢樣野你真係要唸下，我之前pn試玩過，舊年好彩冇乜大雨日子，所以都係捱左3-4日，拿住傘又要抱住佢去大圍街市上車。不過如果你住MOS線上屋苑，不用怕大雨天 (即傘可放入書包先), 去車公廟站上車又ok既 .... 要考慮埋回程那樹落車？你有冇人方便接先？
你唸最主讀 SC pn 升 SC k1 係差不多實收，如你冇話想 k1 讀 SC，咁你又要考慮下你小朋友2歲幾，近同返 am 又係好好多。
其實 hkps 學術 ok (我同事shared佢hkps仔幾年前書比我睇)，少人有外區靚直私，我覺得係一個迷，唔知係d家長唔去考，定真係少學生考到。
如果，你心中k1一定去考 KV/培正/宣道 之類 或 會考番多幾間，我唸亦可以考慮 hkps，但如果你唔想煩，再考k1，入SC一路上就煩少d。
重申，抽到沙田5强津小係ok ge，不過真好難抽，同我一層樓識3個大1-2年，全部乙2入哂4大寶校，乙1好緊要。
作者: wccfgoldcard 時間: 23-4-28 15:19
回覆 TONGPPP 的帖子
雖然唔敢寫包保，但如你k1考齊SC/KV/KM/LH/培正/宣道，我相信總會起碼中1-2間，而且hkps k1正路都會收番你，又有個唔錯backup，睇你想唔想煩。
而且係啊，2歲幾坐1程50mins車係辛苦架，我見佢哋回程通常攰到大汗細汗睡著了。
作者: TONGPPP 時間: 23-4-28 15:38
wccfgoldcard 發表於 23-4-28 15:04
校車唔係樓下或附近上車，呢樣野你真係要唸下，我之前pn試玩過，舊年好彩冇乜大雨日子，所以都係捱左3-4日 ...
好多謝你既詳細分析同資訊呀。
我唔係地鐵上蓋呀， 大人既話去地鐵站要行７-８分鐘
nanny bus 回程就係屋苑樓下落, 接就方便既， 但安排人送小朋友上車就有難度。
ＨＫＰＳ我可以送小朋友番學再番工，放學就坐校車到屋企樓下，有人可以接
都係既，真好難知少人考定少學生考到，因為冇報考數據。唯一肯定係，近D同ａｍ對小朋友一定好D。
或者Ｋ１試考番多幾間，唔得就留係HＫＰＳ喇
作者: TONGPPP 時間: 23-4-28 15:41
本帖最後由 TONGPPP 於 23-4-28 15:42 編輯
wccfgoldcard 發表於 23-4-28 15:19
回覆 TONGPPP 的帖子
雖然唔敢寫包保，但如你k1考齊SC/KV/KM/LH/培正/宣道，我相信總會起碼中1-2間，而且h ...
係，就係諗起日日坐長途車，就覺得好慘
我唔怕煩架，只想小朋友愉快上學愉快學習
作者: wccfgoldcard 時間: 23-4-29 12:44
回覆 TONGPPP 的帖子
果時我都係咁，去程要另一location上車，落車就屋苑樓下 ... 我想話小孩係好易唔想起身或突發事(e.g. 大便)，係好易令你遲出門少少，st Cat 校巴 (或其他校巴, e.g. KM) 都係好趕，基本上係頂盡可以等你 delay 2-3 mins，再過少少時間，冇辦法佢就要唔等你開車，你就要自己坐火車送佢去 St Cat.
另k1係比想像中易考到呢堆 offers，我唸你 case，St Cat收得你小孩入pn，證明你家庭background學術經濟環境ok，呢個時期，比得起讀5-10萬k1，雖然仍有唔少人，不過我估應該係少左人肯比。
作者: chingchub 時間: 23-4-29 22:29 標題: 回覆樓主：
本帖最後由 chingchub 於 23-4-29 22:42 編輯
我係hkps幾年前既家長，唔知而家升小數據係點，不過我覺得幾年前既家長都已經比較傾向升返沙田區小學，考外區直私都係當backup，抽到好既沙田小學都未必會take 外區直私。我自己當初冇名校光環，所以完全只搵沙田幼稚園，路程短對我比較重要，始終佢地太細個唔想坐車坐到暈晒浪。
雖然hkps當年課程都好夠津小小一，可食老本，但要考外區，我覺得始終要自己多伴讀課外書同外補下，眼見其他家長冇乜外補既，都真係有機會考直私弱啲。始終你要明，考直私本身已經難，要K2尾K3頭已經識P1野。
同埋我覺得，反正我讀邊間都會外補，亦冇升名小光環，咁我寧願揀間學費車費平啲既再外補。我地而家係讀緊私小，佢地適應私小教深教快既課程都唔算有難度。不過你要預左，升外區小的話，基本上唔會遇返識既同學，同名幼唔同，佢地入直私小會遇返唔少相熟家長，到小學時都有個支援。
作者: adriantai 時間: 23-4-30 09:01 標題: 回覆樓主:
住mos當然hkps la
作者: TONGPPP 時間: 23-4-30 09:23
wccfgoldcard 發表於 23-4-29 12:44
回覆 TONGPPP 的帖子
果時我都係咁，去程要另一location上車，落車就屋苑樓下 ... 我想話小孩係好易唔想起 ...
您講個d坐校車前突發野真係啟發左我🤣，要我自己handle都還好，但我要番工，靠家人就會麻煩到佢地。🙈
作者: TONGPPP 時間: 23-4-30 10:45
chingchub 發表於 23-4-29 22:29
我係hkps幾年前既家長，唔知而家升小數據係點，不過我覺得幾年前既家長都已經比較傾向升返沙田區小學，考外 ...
如果點都要外補既話，的確情願讀間近d, 慳番車程，加上AM時間又再好用d, 學費既difference 又可以用黎學野外補。
PN時期比佢輕輕鬆鬆玩3小時，放學仲好多時間玩，或休息。
到K1先開始外補，都應都ok?
作者: chingchub 時間: 23-5-1 00:25
TONGPPP 發表於 23-4-30 10:45
多謝您既分享呀，我聽唔少人講K2尾就要直私面試，考P1程度既野.
如果點都要外補既話，的確情願讀間近d, 慳 ...
Pn/k1可玩下興趣班，k2先加學術都ok 。另外hkps平日放學後既活動要等pm班完先上，之後都冇校車，所以如果唔方便有人接送，就只能參加星期六既班。另一間課後班點安排最好都留意下，睇下岩唔岩自己。
作者: TONGPPP 時間: 23-5-1 14:57
chingchub 發表於 23-5-1 00:25
Pn/k1可玩下興趣班，k2先加學術都ok 。另外hkps平日放學後既活動要等pm班完先上，之後都冇校車，所以如果 ...
作者: wccfgoldcard 時間: 23-5-2 11:31
唔駛咁緊張，就算讀名幼 (無論 KV/SC/KM), pn/k1 都係主要比佢哋適應下返學/習慣下某些方式禮制學習/學習下自理同群體生活為主，學術上冇你想像咁多咁難。
玩下興趣班當玩下 ok，k2已要開始外補，其實真係好有作用？同好有咁既需要？佢哋k2k3都係4-5歲小朋友，外補佢哋真係吸收到幾多啊？如果你真係有要求既，每星期抽一定時間同佢講下故事，迫佢讀下中英數字，迫佢重温下課本同功課，迫佢做下show and tell之類都夠哂 ... in 小一 既 名幼生，能夠 主動 加 有禮貌 加 肯答問題，通常應該有唔錯既 offers，其實好多冇 offer 都係佢哋性格特質影響，咁細個，唔夠胆主動 / 冇乜禮貌 / 唔肯答 先係主因。
K1 你可以考慮下 MOS LH，仲近你d，近係對小朋友成長好重要既。
作者: TONGPPP 時間: 23-5-3 10:28
wccfgoldcard 發表於 23-5-2 11:31
唔駛咁緊張，就算讀名幼 (無論 KV/SC/KM), pn/k1 都係主要比佢哋適應下返學/習慣下某些方式禮制學習/學習下 ...
, 到宜家都唔太知咁細個要補D咩, 我, 一路係諗住比佢參加興趣班玩下, 主要學習社交禮儀同群體生活, 平時自己都係多伴讀, 培養佢自主學習, 我諗會比較適合我個女性格.
的確係呀, 路程近好重要, MOS LH 一直係我首選, 奈何只有waiting list, 我諗我等到 call 個機會好微喇, K1會再接再厲
,
Thanks for your sharing!
作者: dreamatchloe 時間: 23-5-19 12:21
本帖最後由 dreamatchloe 於 23-5-19 12:28 編輯
我小朋友而家讀緊 HKPS, 佢讀得好開心
學校 N 班已開始 show and tell, 訓練表達能力
如果讀津小, 校內課程都足夠
考直私, 就要家長同小朋友一齊發力
學校星期六有課外活動參加, 會抽選有能力小朋友参加比賽, 對儲獎項考學校叩門有幫助
SC 有朋友讀, 學術都好好評價, 家長間好多 playdate
不過要注意衛生問題, SC 差不多年年都爆疫停課上報
| 歡迎光臨 教育王國 (/) |
Powered by Discuz! X1.5 |