教育王國

標題: 馬鞍山禧年小學 [打印本頁]

作者: aquaho12 時間: 前天 19:23 標題: 馬鞍山禧年小學

有冇人知道鿋年小學d老師好唔好？學校谷唔谷？升中成績好唔好？

作者: chloebird 時間: 昨天 12:26

老師：穩定，流失率低。當然有好老師，都有打份工心態嘅老師。校長副校長每日會接同學返學，同埋送同學放學（3號閘），有嘢可以直接搵佢哋傾。
遇過家長日傾唔夠三句嘅老師。
都遇過分析晒阿仔主科強項、弱點，諗埋點改善、課堂上會點幫阿仔、佢喺家又可以點樣自學多啲嘅老師。

默書考試測驗：默書唔多，可以參考學校網頁入邊嘅學科手冊。一年級為例
默書：
 一年級上學期評估前的默書不計算學校成績；評估後的默書計算學校成績。
 全學年默書 10 次(上學期 5次，下學期 5 次)。
一年級上學期設一次評估(不計算學校成績)，下學期共兩次考試。
 考試範疇包括聽、説、讀、寫的能力。
Unit Revision係有嘅，無統測，又唔太覺要勁溫，日常有上堂就跟到。

功課：
初小每日一改正一作業咁，唔算多。
小四以上會多啲，適應到嘅。

升中：
今年未公佈，去年有公佈升中實際幾多位學生去邊間學校，學校網頁有資料。

現時用家。

歡迎光臨教育王國 (/)