教育王國
標題: 2021年9-12月出生細b 下年做唔做超大b [打印本頁]
作者: jordan2345 時間: 23-3-2 11:44 標題: 2021年9-12月出生細b 下年做唔做超大b
小朋友到而家有PN offer, 下年應該可以直想直上K1.
想問吓大家意見，值唔值得下年做超B再試名幼PN
作者: 1TC 時間: 23-3-4 07:53
我都諗梗做超大，還是細。。。
作者: jordan2345 時間: 23-3-5 01:15
1TC 發表於 23-3-4 07:53 
我都諗梗做超大，還是細。。。
我偏向慢一年，反正冇壞處
作者: musiclover1609 時間: 23-3-5 09:14
做超大，獲名幼錄取的機會一定大些。不過家長自己要抱平常心，不要認為孩子超大就一定做得比其他小朋友好，如果不是孩子的壓力會很大。
作者: jordan2345 時間: 23-3-5 11:48
musiclover1609 發表於 23-3-5 09:14
做超大，獲名幼錄取的機會一定大些。不過家長自己要抱平常心，不要認為孩子超大就一定做得比其他小朋友好， ...
多謝分享～ 我之後K1會試心試名幼，睇吓有冇offer。如果冇應該做超大。
我想請教一下，其實都擔心細B喺小學interview本輸蝕，大家認為如何？
作者: mrsmay 時間: 23-3-5 12:33
jordan2345 發表於 23-3-5 11:48
多謝分享～ 我之後K1會試心試名幼，睇吓有冇offer。如果冇應該做超大。
我想請教一下，其實都擔心細B喺小 ...
超班的細B沒有這個限制，但又試問又有幾多超班的細B
普通細B會比超大/大B蝕底係事實，考幼稚園已經反映過一次，有時唔係細B能力不及大B, 而係真係有啲學校偏向收大B先，細B考小學可能要等call waiting
如果以細B名義考K1名幼唔收的話，而又以直私為目標，可以有兩個選擇：1）做超大repeat K1 考名幼
/龍校； 2) 做細B 照讀K1 但k2 插名幼
現階段重要嘅係認清自己小學嘅目標
作者: 火球公主 時間: 23-3-5 17:19
朋友超細，受人啟發，超細派位然後小一考小一
考第二round時主要waiting
然後考插班
小一下已插到唔錯既小學
最後call waiting入龍
皆大歡喜
作者: Ckw2019 時間: 23-3-10 00:29
我小朋友係細b(不是超細12月), 又俾我地考到心儀嘅名幼同直私小學，所以俾我揀我會揀照做細b考名幼先，真係考唔到心儀名幼先考慮做超大b.
細b考小學其實就唔算好輸蝕，都真係睇小朋友嘅能力同面試表現多啲。識人做超大b都唔一定有多offer.
作者: anna_8211 時間: 23-3-20 17:09
1TC 發表於 23-3-4 07:53
我都諗梗做超大，還是細。。。
我偏向做細，唔係特別落後的冇謂做超大。我個仔超細，都有心儀學校的offer。
作者: HK-CR7 時間: 23-3-23 17:34
jordan2345 發表於 23-3-5 11:48
多謝分享～ 我之後K1會試心試名幼，睇吓有冇offer。如果冇應該做超大。
我想請教一下，其實都擔心細B喺小 ...
大細B係考小時依然有好大差距, 唔係佢唔叻, 係能力未到就係未到, 迫都無用
但如果TARGET只係一線中或尾既小學, 咁做細B都有機會既
作者: yuyu_yujai 時間: 23-4-18 21:10
本帖最後由 yuyu_yujai 於 23-4-18 21:46 編輯
其實真係睇小朋友個別能力我女係11月細B, 考幼時有心儀幼津收所以照入K1,
考小一時又in六間直私都收，所以
照做細b影響唔大
重申都係觀察下自己小朋友能力
作者: anna_8211 時間: 23-5-11 07:53
yuyu_yujai 發表於 23-4-18 21:10
其實真係睇小朋友個別能力我女係11月細B, 考幼時有心儀幼津收所以照入K1,
考小一時又in六間直私都收，所以 ...
同意，做住超細去考K, 同時用超大去考n，升小都可以升左小一再考小一，叫做有兩次機會，可能第一次考已經有心儀學校。
作者: alien_ho 時間: 23-5-11 08:15
過來人
除非非神校不可
如果唔係小朋友如果本身係大膽，健談既，做細b係可以有得揀offer
本身係諗細b 考完小學，唔滿意就做超大再考，但最後有唔錯既offer, 神校都入到final round ，已經超額完成，入左心儀小學、唔洗做超大再考
細b 身份上到小學成績都係頭20% 個批，唔見得細b有幾輸蝕
相反、如果小朋友本身性格都係慢熱怕羞，做超大都唔會改變到呢個性格，咁考直私係好輸蝕，所以如果基本能力到，做住細b再兩邊試仲好
幼稚園只係起步，比你去了解小朋友特質，幫佢揀一間岩佢既小學，讀邊一間幼稚園到考小時都要家長出力，唔係你入左名幼就唔洗出力跟
作者: Adiezz 時間: 23-5-11 09:27
如果家長有心教，細B係學術上能夠跟到要求，但我覺得最難教係show and tell, picture description, story telling呢類說話技巧，非常睇小朋友本身性格和語言發展進度，呢part想谷都谷唔起。而呢啲技巧係小學面試又真好緊要，所以要睇小朋友情況決定做唔做超大。
作者: manyan2014 時間: 23-5-11 11:35 標題: 回覆樓主:
大女是細b（11月尾）只係津小。到差唔多升二年級先真正追到年頭嘅大b。之前真係理解推理，看圖說故事，點樣練差d。到考呈分試壓力又比有龍有直屬嘅大，就算畀佢而家入得去中學部，又要適應同學，人哋已經9年同學。
到囝又係細，12月尾出世，今次唔挑機索性遲一年入學做超大，今年小二。由考幼稚園階段係好明顯優勢，都冇報啲咩面試班。雖然最後都係睇住個荷包讀家姐同一津小，成績好啲，參加各樣比賽嘅機會多啲。
作者: Azzurro 時間: 23-5-12 08:41
大小 b 嘅年齡差距差不多差不多小學二年級之後才會拉平
所以大b 確實考小有優勢，小學校方都煩少好多
但是小b 如果是金子，就算早期冇考好小學，以後依然會是金子
作者: anna_8211 時間: 23-6-2 10:07
Azzurro 發表於 23-5-12 08:41
大小 b 嘅年齡差距差不多差不多小學二年級之後才會拉平
所以大b 確實考小有優勢，小學校方都煩少好多
但是 ...
我教P1, 係睇唔出邊個係大邊個係細，除非生得特別高大，反而如果係sen就會一眼睇得出。K3升上黎要分班既時候，都係睇唔出，我要特登問先知幾月出世。同埋叻既話p1已經叻。
作者: princesssarah 時間: 23-6-4 22:34
我女12月底最尾嗰幾日，N班時校長老師覺得佢無需要repeat可直上幼稚園，到K2考直私小學得1間私小有offer, 大抽獎後叩門6-7間，有5間收……
家長最了解小朋友程度，順著小朋友嘅成長進度吾需要在幼兒期間比太大壓力。如果想考直私小學，經驗係覺得做大B絕對有優勢。
作者: anna_8211 時間: 23-6-15 03:06
princesssarah 發表於 23-6-4 22:34
我女12月底最尾嗰幾日，N班時校長老師覺得佢無需要repeat可直上幼稚園，到K2考直私小學得1間私小有offer, ...
做細B其實係阿媽辛苦d(emoji)要搵學校。
我個仔12月b, in K1都有2間龍收，LH都過到1st round，老師話佢上券校一定冇問題，偏偏券校唔收。
作者: Bsc_arch 時間: 23-6-15 12:14
好睇小朋友，識12月細B，讀完6年小學，升中都無問題。但係大B又真係升小有著數。So，都要睇本身情況、升小選擇等。
作者: Adiezz 時間: 23-6-15 15:43
其實超大B主要係考小學面試時侯優勢明顯
自己經驗係做細B能力慢慢都會跟到要求，但如果想考好既小學過程會跟得辛苦啲，那段時間小朋友都會感受到壓力
而朋友的小朋友轉做超大B加keep住外補中英數、興趣班，K1係各方面能力都係最好嗰批，仲有一年多既時間可以繼續做好準備去考神校，教得輕鬆啲
作者: Bsc_arch 時間: 23-6-15 17:55
不過再直接D答返樓主：你係咪今年9月先PN？ 如果係，建議讀完PN，升左K1， 係K1上學期觀察下小朋友能力，同埋試考心儀既學校，再係K1下學期決定要吾要重讀。因為有時大B都未必考到心儀嘅神幼。而好多「神幼」都無PN讀，所以如果真係要重讀，應該係 repeat K1 而唔係 repeat PN。所以到時有 offer 係手先決定都未遲。
| 歡迎光臨 教育王國 (/) |
Powered by Discuz! X1.5 |