教育王國

標題: 黃大仙聖母幼稚園有用家可以分享經驗嗎？ [打印本頁]

作者: MayMya 時間: 21-12-2 21:43 標題: 黃大仙聖母幼稚園有用家可以分享經驗嗎？

如題，岩岩收到上午班offer，阿女係超細b，有用家可以分享哈經驗嗎？多謝！！！

作者: QbaQma 時間: 22-8-11 14:30

本帖最後由 QbaQma 於 22-8-11 23:01 編輯

回覆 MayMya 的帖子

我大女、姪女同細仔都係讀呢間！大女已畢業幾年，姪女去年畢業，細仔今年決定轉校！呢間學校越做越差！行政超級差，咁多年疫情都無Zoom，又話網絡唔得，但唔知點解，今年復課前突然又可以Zoom，真心唔知點解咁攪笑！有心做教育應該唔係咁樣！我哋好多家長都諗唔明！
仲有一個好大嘅問題就係呢間學校嚴重蚊患，已經有好多好多家長反映，但學校都唔作岀任何處理！好多家長都好失望！

作者: QbaQma 時間: 22-8-11 14:58

回覆 MayMya 的帖子

仲有校務處職員態度一年差過一年！最初諗住電話態度差，點知連面對面都咁差，答問題hea 到不得了！
如果你想小朋友學好英文同普通話你可以搵定學校，咁多年英文老師都一直唔會係外籍老師！至於普通話老師嘅音準真。。。。。。我都唔識評論！

作者: QbaQma 時間: 22-8-11 14:59

回覆 MayMya 的帖子

呢間學校唯一好嘅就係中文老師，阿女阿仔遇到嘅班主任同副班主任都好好！佢哋好有經驗，係呢度都教咗好多年！如果唔係老師好都唔會介紹姪女讀同再比細佬入讀！點知今年細佬入到黎已走咗幾個資深老師！

作者: QbaQma 時間: 22-8-11 15:06

回覆 MayMya 的帖子

眼見呢度無進步，呢度太過守舊，有家長分享，今年學期尾要d學生又熱又曬戴住口罩咁企喺操場成個鐘做結業禮，完全無為學生諗過！有家長眼見學生曬到流晒汗，都唔知有無學生中暑！好彩幫細仔轉校！以我所知有家長話今年好多學生轉校，重點唔係移民，係真係轉校，轉去更好嘅學校！

歡迎光臨教育王國 (/)