教育王國

標題: 幼稚園遲到 [打印本頁]

作者: Kwannwong 時間: 19-9-6 14:10 標題: 幼稚園遲到

小女讀k2,今個學期開左學4日。可能因為搬左屋同埋新學期所以有2日起身都扭計，搞到遲到。之後今日校長就話希望可以督促佢再準時啲所以佢再遲要出警告信。
請問幼稚園都有出警告信既咩？同埋收到會點嫁？會影響小女既評分嗎？
同埋聽完個感覺有啲差，都有解釋過原因，學校唔係應該幫小朋友自己再適應返學校生活先嗎？

作者: xoshan1025 時間: 19-9-6 17:15

Kwannwong 發表於 19-9-6 14:10
小女讀k2,今個學期開左學4日。可能因為搬左屋同埋新學期所以有2日起身都扭計，搞到遲到。之後今日校長就話 ...

...學校老師係咪都會同小朋友傾下.....??遲到係會mark落成績表.....如果考直資/私校....都可能有影響......

作者: gigiwin888 時間: 19-9-7 08:42

其實學校有校規，係要準時返學，小學也是甘，遲到五次已一個缺點，我覺得唯有叫小朋友早點睡早點起床

作者: bearbee004 時間: 19-9-7 08:47 標題: 回覆樓主：

本帖最後由 bearbee004 於 19-9-7 08:49 編輯

本帖最後由 bearbee004 於 19-9-7 08:47 編輯

幼稚園生遲到係家長嘅責任，校長係應該想警告你，而唔係個小朋友

不過認真，幼稚園因為遲到出警告信都係第一次聽，最多聽過寫手冊

作者: LittlemBB 時間: 19-9-7 11:57

其實我覺得應該都要培養小朋友準時的習慣，唔好以為小朋友仲細，唔知，其實佢地知遲到的。家長是有責任的，知道小朋友有機會扭計，就預早少少叫佢起身。

我囡返下午班，佢會訓早覺，但會預左時間叫佢起身，佢咩都想自己做，佢自己做，一定會慢過大人幫手，所以我會預早啲去準備午飯和換校服

作者: はな 時間: 19-9-9 14:30

佢唔警告你，你自己第時考學校見到都有影響
不要藉口多多

作者: ch-cheung 時間: 19-9-12 11:54

提示: 作者被禁止或刪除內容自動屏蔽

作者: YokoS 時間: 19-9-17 11:50

其實遲到會影響到小朋友情緒，你諗下佢番到課室時其他同學已經坐定定，佢的感受會點？

而老師又要settle down 佢，影響其他同學上堂。

作者: 已刪除用戶 時間: 19-9-18 08:26 標題: 回覆樓主:

我仔學校每個學期都有評估報告返有分遲到:同病假:兩行，我自己覺得對見小學會有影響所以連N班都從來無比佢遲到過驚影響佢成績表。

作者: crystal媽咪 時間: 19-9-18 23:41

Kwannwong 發表於 19-9-6 14:10
小女讀k2,今個學期開左學4日。可能因為搬左屋同埋新學期所以有2日起身都扭計，搞到遲到。之後今日校長就話 ...

第一個星期已經不停遲，有需要正視。寫低遲到日期，如果第時見學校唔好睇。
調教一下作息時間早番少少休息

作者: 莫失莫忘 時間: 19-9-19 08:57 標題: 回覆樓主：

本帖最後由莫失莫忘於 19-9-19 09:04 編輯

我都冇聽過幼稚園會出警告信。不過校長出發點係好既，想家長知道嚴重性。俾我係樓主聽完校長番話都會感覺有d差，係因爲感到羞愧，開學冇耐就遲到咁多日，而唔係怪學校冇俾小朋友適應。k2嘞，仲點好意思話小朋友要適應...

作者: yiklingelaine 時間: 19-9-19 17:50 標題: 回覆樓主:

警告信可能係嚇下家長啫。不過我哋學校校規都有講明如果係多次遲到會要求轉下晝班。明知佢扭唯有再早啲叫佢起身啦

作者: hfnyd 時間: 19-9-20 15:51

明白大小都辛苦, 不過請做好身教吧, 你也不想她長大了都持著這種態度做人對事.
加油

作者: tszyan0320 時間: 19-9-24 14:12

朝早準備定小朋友鍾意食既早餐，或者活動，只係早起先有得食/玩，小朋友知道只有準時起身先有個啲獎勵，就會願意早起！

歡迎光臨教育王國 (/)