教育王國

標題: SJC聖若望 [打印本頁]

作者: empressbo 時間: 18-10-31 10:22 標題: SJC聖若望

請問有冇SJC的用家可以分享間學校係點嘅？我上網睇啲評語好壞參半，資料亦唔多，所以想請教下，謝謝！

作者: Lamyuenc 時間: 18-11-7 10:58

我都想知呀!有冇用家可以分享?

作者: HomemadeMom 時間: 18-11-7 14:27

我係用家, 2個小朋友讀緊。語境好, 除了中文當同普話堂之外, 全ENG上堂。老師有愛心但都嚴, 每升一級會加一多一點RULES, 好預備佢哋升小。係佢度讀我唔會拍小朋友到小一唔慣。今件換咗新校長, 係之前油天的校長。

以下的好唔好, 自己評論, 因為有些家鐘意, 有些唔鐘意:
K1已開始寫字, ABC, 一人山大等呢啲。K1可以選擇全日, 全日教既用半日一樣, 只係要學校食飯, 午睡。呢樣我個人覺得好好, 因為可以訓練小朋友自己食飯同瞓覺。下午係玩同教功課, 一般K1全日的話會係學校完成功課。家長唔使煩。

K2開始只有全日。每星期一次中一次ENG黙書。每日有功課, 通常會學校完成一半。所以家長點都要跟一跟, 不過功課唔會太難, 可以好快完成。K2下學期教緊小一上學期既數學。

K3下學期尾, 學校無咗午睡時間, 應該係想等佢地早點適應, 因為小學都係無午睡。

K1開次, 每年4次assessment (即係考試咁). 有成績表, 有分數。家長日老師會同家長討論返成績上既問題同埋教家長點樣可以改進。語境ENG係強, 但中文都唔差. K3係教小一中文課本。

若唸住HAPPY SCHOOL, SJC唔係好的選擇。SJC都幾academic. 真係要同小朋友温書同跟功課。但唔會話每日要做幾個鐘。一舨我同小朋友做30分鐘必定做晒。大部份K可以升到SJC小學, 都係INTERVIEW, 但大部份可以升, 但我估唔多人直升小學, 因為好多會考其他更出名的, 考到或抽到好的都走(正常吖). 但你可以示SJC小為一個backup lor. 佢既小學, 唔係唔好, 但名氣唔高, 校舍小, 無咩課活動。學費亦唔平。

老師方面我個人好鐘意的。嚴得來係有愛心。亦好肯同家長溝通。但都係一間幾谷既學校。

希望解答到你。

作者: Lamyuenc 時間: 18-11-7 14:37

回覆 HomemadeMom 的帖子

thank you!好詳盡!

作者: 等待天使中 時間: 18-11-7 16:00

HomemadeMom 發表於 18-11-7 14:27
我係用家, 2個小朋友讀緊。語境好, 除了中文當同普話堂之外, 全ENG上堂。老師有愛心但都嚴, 每升一級會加一 ...

好詳細！請問N班是否只有half day ?

作者: HomemadeMom 時間: 18-11-7 17:18

回覆等待天使中的帖子

係, 一係上午, 一係下午

作者: Lamyuenc 時間: 18-11-7 22:05

多唔多人讀完N繼續留返喺SJC讀K呀？想知留或唔留既原因呀

作者: HomemadeMom 時間: 18-11-8 11:05

回覆 Lamyuenc 的帖子

SJC 收細B的, 好多人IN N時因為其他學校好多唔收細, 而SJC收, 咪SJC讀N, 之後第二年重讀N變大B考其他學校lor. 有啲名幼無N, 咁咪係第二間讀N, 之後考返心儀個間K.
作為用家, 我覺得SJC係好, 老師好, 課程亦好, 但唔夠出名。當然, 好大原因係因為佢唔係一間為名氣既學校, 唔會好似一些名幼咁commercial 或為咗名氣要小朋友參加好多比賽。呢個真係要睇家長自己點唸。有啲人鐘意COMMERCIAL, 有啲鐘意平穩。正如有啲人揾較學術較谷的, 有啲人鐘意HAPPY SCHOOL. HAPPY SCHOOL也有佢既好處。小朋友開心, 家長亦唔使咁細個開始同佢温書。快樂的童年。但上小學可能會辛苦啲。但也要睇吓小朋友本身. 有啲小朋友覺得無咩或適應能力高啲。有啲小朋友頂唔到。

作者: tigerbee 時間: 18-11-8 11:09

回覆 HomemadeMom 的帖子

請問一般小朋友需唔需要外補學術去追進度? phonics 是否學校學就識,無需外補? 謝謝

作者: HomemadeMom 時間: 18-11-8 12:27

回覆 tigerbee 的帖子

我無呀, 返到屋企自己教。一般都無話係學校一教就會識晒, 都需要自己再跟同温的。我返PART TIME, 所以可以多少少時間同佢温。有些家長無時間可能要出邊揾人同跟LOR.

作者: Lamyuenc 時間: 18-11-8 12:30

回覆 HomemadeMom 的帖子

我小朋友12月先返N屋企主要用廣東話溝通, 夾雜基本英文
返學會唔會追唔到個進度?

作者: hht-jamie 時間: 18-11-8 13:26 標題: 回覆樓主

請問有聽過Pn學生升唔到原校升K1嗎？

作者: HomemadeMom 時間: 18-11-8 15:00

回覆 Lamyuenc 的帖子

唔會, 呢個年紀小朋友超強, 好快會pick up 到。

作者: HomemadeMom 時間: 18-11-8 15:07

回覆 hht-jamie 的帖子

以我所知既就無. 傳聞就有聽過。好似話個個小朋友本身係難控制 (唔知係咪ADHD個類), 會咬人。老師有同家長傾過, 但好似都係解決唔到。最後無比佢升K。學校話一來怕佢傷害到其他小朋友, 二來學校無配套幫到佢。

作者: empressbo 時間: 18-11-10 02:08

HomemadeMom 發表於 18-11-8 15:07
回覆 hht-jamie 的帖子

以我所知既就無. 傳聞就有聽過。好似話個個小朋友本身係難控制 (唔知係咪ADHD個類) ...

多謝詳盡分析！請問可分享學校升小情況嗎？

作者: loobeebee 時間: 18-11-12 14:38

HomemadeMom 發表於 18-11-7 14:27
我係用家, 2個小朋友讀緊。語境好, 除了中文當同普話堂之外, 全ENG上堂。老師有愛心但都嚴, 每升一級會加一 ...

Thx for sharing!!!
請問Sjc 有教phonics 嗎？

作者: CandyCheung123 時間: 18-11-12 19:03

HomemadeMom 發表於 18-11-8 11:05
回覆 Lamyuenc 的帖子

SJC 收細B的, 好多人IN N時因為其他學校好多唔收細, 而SJC收, 咪SJC讀N, 之後第二年 ...

可否分享下學校升小情況嗎？考出面小學的result漂亮嗎？

作者: longlongching 時間: 18-11-12 22:56

有OFFER 了,唸緊留唔留位

作者: tonicorobin 時間: 18-11-13 02:57

回覆 HomemadeMom 的帖子

我女剛收到k1offer。而家1516唔知讀唔讀好。我聽講SJC基本上8成都用英文溝通我女平時係屋企係零英文，我地都系用廣東話同佢交談，佢只係識26英文字母，顏色，動物ge英文，所以有d擔心佢適應唔到，唔知老師同學講緊咩，會唔出聲，唔開心。係咪有一中一英班主任，如果小朋友開頭聽唔明英文有無問題，有無其他支援架？

作者: HomemadeMom 時間: 18-11-13 12:15

回覆 loobeebee 的帖子

有呀, 有個PHONICS老師的, 口音好好聽

作者: HomemadeMom 時間: 18-11-13 12:28

回覆 CandyCheung123 的帖子

以我所知, 每年都有學生入到名小。但相唔算係多, 近年好似多咗人考名小, 好多時係40幾人見個一個位。我見一般SJC家長都係較貼地, 唔係盲目考名小, 好多其實拿著20-25分等自行, 名小都會考, 不過都係平常心。呢家見考小一既有啲真係要做TEST PAPER咁考, 有啲考BOARD GAME. 呢啲其實要家長自己跟。要考到名小, 就要係幾千個申請人中突出自己, 呢個學校真係做唔到。學校做的, 就係TRAIN小朋友自理, 自律同打好個底上小學。SJC係一間都谷既學校, 所以若唸住HAPPY SCHOOL真係唔啱你。但谷得來, 老師好有愛心, 我見小朋友返學都係開心的。K3已讀小一課本, 所以上到小一唔會覺得好辛苦。SJC比較低調, 好少公布什麼小一結果, 一來佢自己有小學, 二來其實個啲數字公布出來我覺得無咩意思。
間間幼都有小朋友入到名小, 屋村幼都會有小朋友入到名小. 可能係小朋友自己考入, 可能有SIBLINGS係度讀自行入。

名幼有小朋友考得好, 有的考得唔好, 入咗名幼, 唔保證入名小。其實好多考入神校的小朋友, 家長可能花了唔少功夫。或者在外讀了好多雞精班。

作者: empressbo 時間: 18-11-13 17:17 標題: 回覆樓主

我改左期十六號先in,希望得啦！

作者: Jernyleung 時間: 18-11-14 23:03 標題: 回覆樓主

我都收到offer，但係都諗緊讀唔讀，有無人可以分享一下？

學校老師係點？我見有用家話呢間係谷而著重學術既學校，如果我仔係比較好動，會唔會比老師鬧？
學校既校車路線安排係點？
功課程度係點？
全日班學生返學的時間表係點？
唔好意思，咁多問題，希望有用家可以分享多d，謝謝！

作者: empressbo 時間: 18-11-20 17:14 標題: 回覆樓主

我也收到offer了！你們會讀嗎？我自己去完面試感覺幾好

作者: zccat 時間: 18-11-20 22:03

empressbo 發表於 18-11-20 17:14
我也收到offer了！你們會讀嗎？我自己去完面試感覺幾好

我覺得個校舍好舊咁，個屋外地方又無乜野適合小朋友

作者: empressbo 時間: 18-11-20 23:09

zccat 發表於 18-11-20 22:03
我覺得個校舍好舊咁，個屋外地方又無乜野適合小朋友

同意！

作者: purplepiggy 時間: 18-11-21 00:15 標題: 回覆樓主

面試當日我問左老師她話平時戶外個地方有slide同車仔卑小朋友玩不過面試個幾日就收埋怕影響面試

作者: Jernyleung 時間: 18-11-21 01:30

empressbo 發表於 18-11-20 17:14
我也收到offer了！你們會讀嗎？我自己去完面試感覺幾好

你感覺好係點？邊方面呢？
我都1516緊，take offer or not，呢間學校好似有d混亂同負面新聞，令我有d猶豫

作者: empressbo 時間: 18-11-21 09:06

Jernyleung 發表於 18-11-21 01:30
你感覺好係點？邊方面呢？
我都1516緊，take offer or not，呢間學校好似有d混亂同負面新聞，令我有d猶豫
...

去到同老師傾幾句個感覺幾好，同埋老師帶我仔出來後仲同佢玩左陣，雖然我都覺得校舍有點舊，但上網睇評語反而我睇下係幾好，不過如果我揀呢間就要坐保姆車
你指吾好的評語係例如邊啲？

作者: Jernyleung 時間: 18-11-21 13:48

empressbo 發表於 18-11-21 09:06
去到同老師傾幾句個感覺幾好，同埋老師帶我仔出來後仲同佢玩左陣，雖然我都覺得校舍有點舊，但上網睇評語 ...

我見到一d評語係講學校老師成日投訴小朋友上堂坐唔定，之前都有試過係小朋友坐校車，但最後漏左係條街度，但學校處理方式令人失望

但我自己覺得全日班，學術都係吸引既，不過我地讀既都要坐校車

作者: Lamyuenc 時間: 18-11-21 14:11

請問有冇校車資料呀?

作者: zccat 時間: 18-11-21 17:48 標題: 回覆樓主

知吾知是否全英文教學？

作者: empressbo 時間: 18-11-21 21:32

Jernyleung 發表於 18-11-21 13:48
我見到一d評語係講學校老師成日投訴小朋友上堂坐唔定，之前都有試過係小朋友坐校車，但最後漏左係條街度， ...

我都幾鍾意去學術同中英文，不過有少少擔心保姆車

作者: empressbo 時間: 18-11-21 21:34

Jernyleung 發表於 18-11-21 13:48
我見到一d評語係講學校老師成日投訴小朋友上堂坐唔定，之前都有試過係小朋友坐校車，但最後漏左係條街度， ...

其實我有約克同聖若望offer，small b選擇比較少，其實兩間我都幾鍾意，所以揀緊

作者: Lamyuenc 時間: 18-11-22 18:06

回覆 empressbo 的帖子

York升小唔知派成點?SJC就有小學

作者: Jernyleung 時間: 18-11-23 11:05

empressbo 發表於 18-11-21 21:34
其實我有約克同聖若望offer，small b選擇比較少，其實兩間我都幾鍾意，所以揀緊
...

我都有另一間既offer，不過因為只係半日，所以我暫時都諗住讀聖若望

作者: empressbo 時間: 18-11-23 11:11

Jernyleung 發表於 18-11-23 11:05
我都有另一間既offer，不過因為只係半日，所以我暫時都諗住讀聖若望

你想全日？我都傾向讀聖若望，小班教學

作者: zccat 時間: 18-11-23 17:08

empressbo 發表於 18-11-23 11:11
你想全日？我都傾向讀聖若望，小班教學

我問過學校一個老師對15-18個學生，不過就唔知有無助教

作者: Jernyleung 時間: 18-11-23 17:42

empressbo 發表於 18-11-23 11:11
你想全日？我都傾向讀聖若望，小班教學

全日對我比較好，我地雙職家庭，但佢師生比例係1:14架，並不算小班教學

作者: Lamyuenc 時間: 18-11-26 23:11

想問下有無n班家長知原校升k係點安排呀？

作者: empressbo 時間: 18-11-27 06:54 標題: 回覆樓主

你地有無交留位費？

作者: poonwin 時間: 19-1-14 11:59

SJC絕對係一間好好嘅幼稚園，小朋友讀緊K1，每日都好開心返學，就算放假都會話掛住D老師，雖然佢唔係一D出名嘅神校，但一定唔會差得過佢地!!

作者: YokoS 時間: 19-11-11 18:31

HomemadeMom 發表於 18-11-7 14:27
我係用家, 2個小朋友讀緊。語境好, 除了中文當同普話堂之外, 全ENG上堂。老師有愛心但都嚴, 每升一級會加一 ...

請問全日班的時間安排會係點？雜費幾錢？已有offer 1516中

作者: legoisland2005 時間: 19-11-11 21:19

回覆 YokoS 的帖子

早上上堂午睡
下午做功課

作者: YokoS 時間: 19-11-12 10:10

legoisland2005 發表於 19-11-11 21:19
回覆 YokoS 的帖子

早上上堂午睡

聽聞會教得比其他深，小朋友會否跟唔上？擔心仔的能力是否可應付，到K2、K3時轉走的學生多嗎？

作者: Iamamother 時間: 19-11-12 13:21

回覆 YokoS 的帖子

K2讀p1英數
K3
讀p1 中英教

家長要跟得好足。

Target happy school 一定唔好揀，免得一時又投訴。

作者: YokoS 時間: 19-11-12 13:56

Iamamother 發表於 19-11-12 13:21
回覆 YokoS 的帖子

K2讀p1英數

我對SJC學術好有信心，只係怕小兒能力跟唔跟到，有時就算家長在家跟進都未必能夠令小朋友理解明白，學校會否俾壓力家長？

我係覺得讀SJC後唔需要擔心銜接小學的適應問題所以才報讀，無諗過要Happy School，就算係考happy school都唔可以對學術無要求。

作者: Lamyuenc 時間: 19-11-15 12:04

本帖最後由 Lamyuenc 於 19-11-28 12:25 編輯

講多少少等大家了解多少少SJC, 我小朋友由N班讀上K1全日班

SJC全日班由朝早8:30開始到下晝3:00
有兩間幼稚園校舍
N班, K2會喺窩打老道校舍
K1, K3喺火石道校舍

家長可以8:00送小朋友入學校門口
全日班每星期分別會有兩堂PE堂, 一堂music, 兩堂ART, 輪住上
上晝有snack time, 主題學習(學下英文, 中文, 數學, concept, 普通話), 做下功課, 玩玩具, 睇下書
lunch後會有午睡, snack time, 同group activities(會講下故仔, 喺playgroup玩, 睇下書咁)

我小朋友班主任主要有係一個教英文+一個教普通話(唔知係咪每一班一樣)

所有老師都好有愛心, 因為每一日我都會送小朋友返學, 就算唔係班主任, 都會叫得出你小朋友個名

小朋友基本上每日都會派功課返黎, 全日班小朋友D功課會喺學校做完, 都係D trace line, colouring, 寫下數字, 英文字, 中文字, 同埋圈住答案既功課, 當然小朋友未必咁快識揸住支筆, 問過我小朋友, 佢話係老師捉住寫
星期五會多一兩本功課, 不過都係以上提及既功課
隔兩三個星期就會派返佢地喺學校做既artwork

對於學校, 身為在職家長既都好滿意, 因為功課有學校跟足, 語境好好, 由nursery讀到K1, 選擇SJC係因為鍾意佢營造到一個好好既英語學習環境, 小朋友識得用英文同人溝通, at least聽得明, 同埋動物名, 顏色, 食物, 佢都識得用英文去講
中文同普通話都唔洗擔心, 學校都有教佢地認單字, 同埋唱普通話歌

可能講到升小有小小長遠, 不過佢可以升返上SJC小學, 起碼手揸一間私立英小喺手, 再去考其他都無咁緊張

作者: legoisland2005 時間: 19-11-15 13:35

回覆 YokoS 的帖子

佢哋收好多細b . 但照教得深。學校是有辨法的。但父母左在也要跟得好足，這是事實。
你不要唸好多活動，好多玩的時間。佢真係好學術。
如果做到嘅話，這間是十分好的幼稚園，至少升小有個底子。
有見過勸退的例子，但是不是細b喎。
我個細b，讀得好好，不太辛苦。

作者: ago2 時間: 19-11-15 14:05

請問有幾多成小朋友係返全日架？

作者: Lamyuenc 時間: 19-11-15 14:07

本帖最後由 Lamyuenc 於 19-11-15 14:08 編輯

回覆 ago2 的帖子

2班, 每班大概16人
K2同K3只有全日班

作者: YokoS 時間: 19-11-15 14:54

legoisland2005 發表於 19-11-15 13:35
回覆 YokoS 的帖子

佢哋收好多細b . 但照教得深。學校是有辨法的。但父母左在也要跟得好足，這是事實。

勸退係因為學術跟唔上定係行為唔得?

作者: YokoS 時間: 19-11-15 14:55

Lamyuenc 發表於 19-11-15 14:07
回覆 ago2 的帖子

2班, 每班大概16人

即小班教學？

作者: Lamyuenc 時間: 19-11-15 17:20

回覆 YokoS 的帖子

相對算係

作者: legoisland2005 時間: 19-11-15 17:42

回覆 YokoS 的帖子

學術。會勸讀多一年。
多數家長不願，所以走。
如果ok，可以留一年既。

作者: YokoS 時間: 19-11-15 17:43

Lamyuenc 發表於 19-11-15 17:20
回覆 YokoS 的帖子

相對算係

16個學生有兩個老師同時係課室？

作者: starryling 時間: 19-11-15 17:43

即係佢K1 收32 人only?

作者: YokoS 時間: 19-11-15 17:45

legoisland2005 發表於 19-11-15 17:42
回覆 YokoS 的帖子

學術。會勸讀多一年。

可否勉強升？

作者: legoisland2005 時間: 19-11-15 18:12

回覆 YokoS 的帖子

Pm u

作者: hoboss0517 時間: 19-11-15 18:15

考其他小學 result好嗎？

作者: Lamyuenc 時間: 19-11-15 18:21

回覆 YokoS 的帖子

係，仲有一個姨姨

作者: Lamyuenc 時間: 19-11-15 18:22

回覆 starryling 的帖子

全日班有兩班，都有half day class

作者: starryling 時間: 19-11-15 18:45

我會留全日先

歡迎光臨教育王國 (/)