教育王國

標題: 趙靄華幼兒學校,大坑東幼兒學校,石硤尾幼兒學校,哪一間好? [打印本頁]

作者: Lok315 時間: 12-12-20 09:10 標題: 趙靄華幼兒學校,大坑東幼兒學校,石硤尾幼兒學校,哪一間好?

趙靄華幼兒學校及大坑東幼兒學校都收了囡囡讀K1
但大坑東離家較遠,但上網較多人讚
而網上較少人提及趙靄華
石硤尾幼兒學校又如何呢?因為同是基教作為辦學團體....
本人需要延展服務,所以選擇不多......

作者: chitchitboy 時間: 12-12-20 11:32

趙靄華唔識，大和石比較，大坑東好些，有冇考慮砵蘭街保護兒童會？我覺得ok

作者: pipi331 時間: 12-12-21 00:45

提示: 作者被禁止或刪除內容自動屏蔽

作者: Lok315 時間: 12-12-21 10:18

咁大件事…
in的時候，石硤尾的確遜色一些…
不過貪佢近屋企d
另外兩間in的安排做得不錯

作者: chitchitboy 時間: 12-12-21 19:19

我情願大坑東，你知道石硤尾隔離是公厠？

作者: cheung_chit 時間: 12-12-21 19:33 標題: 回覆：pipi331 的帖子

就算學校冇安排，家長都要自覺排隊架？連自己都唔守秩序，佢地的小朋友...

作者: Blueng0420 時間: 12-12-22 08:17 標題: 回覆：趙靄華幼兒學校,大坑東幼兒學校,石硤尾幼兒學校,哪一間好?

我諗你真係盡量觀察一下呢三間學校嘅家長及學生。
皆因我仔係09細B，佢只有趙及大坑嘅K1offer，N班就只有石硤尾。當時冇得揀，都要俾個仔讀住先。
由去年12月開始讀，我都冇見過個仔喺學校開心笑過嘅相。3月我仔只得2歲4個月已經跟我講要返另一間學校，但當時諗住佢做大B，希望佢可以涯多年，而我又剛放棄了另外較好嘅K1offer，本想今年考埋一兩間心儀龍校先算。點知8月收到另一間K1offer，就算冇學券，pm班我都照轉。因為我真係唔忍心再見到佢日日返學都唔開心!
現在仔仔只讀了新K1三個月，但佢嘅轉變及進步好大，對學校有強烈歸屬感同開心。
我已收到其中一間心儀學校來年K1offer重讀K1，但仔仔話唔想轉校，佢好鐘意呢間kg。
雖然是個別例子，純粹參考，但我尊重小朋友嘅感受，我跟他一齊亦經歷過唔開心變開心嘅校園生活，我希望樓主即管觀察一下，各校小朋友嘅特質是否跟你嘅小朋友夾得來，否則應三思。

作者: Lok315 時間: 12-12-22 15:58

謝謝您們詳細的分析

今天我帶了小朋友到趙靄華開放日，
囡囡也沒有抗拒的感覺
而之前也曾看過大坑東的放學情況，
沒有特別嚇人的情況發生
我希望自己沒有替囡囡選擇錯誤，
因為她還有細佬，打算安排一起入學
請問blueng0420的小朋友最終選擇了哪間學校令他改變了?

歡迎光臨教育王國 (/)