活潑好動的小朋友面試時坐唔定點算？

whmk

我囝囝屬於活潑好動的小朋友，經常坐唔定。這幾次帶他去面試時唔肯坐定定答老師問題，經常行了去第二處玩。
有冇家長小朋友係咁，你會點處理？由他四處行㧕或拉他回坐位？如果唔合作點算？
唉見了幾間都係咁，真擔心無學校收佢究竟有冇學校會收呢類小朋友

dec2010

如果你自己係老師，有兩個學生程度相若，一個坐定定，一個坐唔定，你會揀邊個？我唔係話坐唔定就冇學校收，但想入心儀或多人爭既學校就蝕底d 囉。

breadbb

o係屋企比多d佢座埋table..i mean小朋友自己果d table & chair..多d同佢座埋去一齊玩…比佢慣左座o係度呢個動作…但如果而家好急切..train唔切..就哄多d..試下話一陣帶你去同老師玩..不過要座定定..如果行黎行去就無野玩架啦..又試下獎勵佢..話如果你座好媽媽一陣請你食xxx咁囉~好過無啦..咩都試下…

cyyuen0120

你唯有同阿囝講多D 道理,話佢知周圍走老師會唔鐘意,同埋用D 佢平時喜歡食的零食引誘佢坐定定,如果表現好老師讚佢就比佢食,我個女都坐唔定,但我上年IN N班時都係咁利誘佢今年考K1 就好D,因為有返N 班,所以見到老師就唔敢周圍走~~

一人之下

每次入去面試之前，我都會提下佢一陣記得要叫早晨、玩完玩具到執喎，我會帶定佢鐘意的零食，做到就獎比佢。你都可以試下同佢講，叫佢坐定同老師傾下，做到就獎下佢。

yslgirl

"由他四處行㧕或拉他回坐位？"

唔係ma, 您覺得4處行老師可以同佢in到咩?  還是您認為老師會欣賞他的活潑與大肌肉發展得好呢?  唔好太天真了, 雖然活潑好動是小孩的天性, 但從來聽教聽話的小朋友才是幼稚園的首選.

dec2010

回復 yslgirl 的帖子

十分認同你的講法，無論傳統教學同活動教學既幼稚園, 都會想要坐定定的學生，有些家長誤會活動教學既學生可以周圍走，其實不是。家長要明白，活動教學不等於小朋友係可以係課室可以周圍走，四處走又如何學習呢? 我都見唔少家長係真係任由小朋友周圍走，係playgroup和interview當日都是，我覺得佢地咁樣做得, 就要預左入唔到心儀學校囉, 就係咁簡單。係外國可能係OK, 但係HK , 還是接受現實吧! 同埋其實interview都只係見老師幾分鐘, 都唔係好長時間, 連十分鐘都坐唔到，就真係要好好教導一下小朋友，唔好心存僥倖。

may273815238

我帶個囡in左四間，四間都收。個人經驗，唔係好識得講野唔緊要(我囡仲未識得講兩個詞())，主要一定係要坐定定，老師問要答岩或者做岩80%(單詞，組詞都ok)，自由玩玩具而又需要家長陪同的，親子溝通，孩子受教性好重要。hello，thankyou ，88呢D要做(無論主動或家長提點，有做就ok)。
家長無需多做指引或提點，適當時候提點就ok(有D學校並不喜歡家長提點小朋友)

may273815238

原帖由 may273815238 於 12-11-26 發表
我帶個囡in左四間，四間都收。個人經驗，唔係好識得講野唔緊要(我囡仲未識得講兩個詞())，主要一定係要坐定 ...

再補充，我平時有教小朋友上堂甘樣坐定定，大家玩遊戲or看書。in之前可以稍微比D條件交換巨，譬如in完比巨最中意既野等等。我個人認為:一靠運氣，二小朋友心情，三靠家長平時教導

fc1111

回復 whmk 的帖子

如果在家裡比較怕爸爸的，就找爸爸跟他進去interview。

dec2010

回復 may273815238 的帖子

我個小朋友都係IN左4間, 3間都收，一間未出RESULT。我仔係12月超細仔唔係好識講野，但佢就真係坐得好定，同埋佢雖然唔係好識講(佢只講單字)但佢會跟指示去做，走時會自己推CHAIR。我都發覺學校原來唔係一定只收識講野既小朋友，而係睇佢地既行為表現。我仔都係一個超級活躍份子，佢唔係文靜內向型，但我由佢DAY 1番PLAYGROUP開始，就要比佢知上堂係要有discipline, PLAYGROUP都係比小朋友玩既地方，但我會比佢知適當時候係要坐定定聽老師講野,有時係要排隊等候其他小朋友玩完先到佢。 而唔係比佢周圍走, 唔理佢就叫好。我仔宜家INTERVIEW有咁既表現, 當中真係有血有汗架。

may273815238

原帖由 dec2010 於 12-11-26 發表
回復 may273815238 的帖子

我個小朋友都係IN左4間, 3間都收，一間未出RESULT。我仔係12月超細仔唔係好識講 ...

我個囡係930B，非常認同你，因為自己都係甘樣教。而且你個仔同我個囡都係差唔多，所以大家一定要比巨知道幾時應該做咩，即使唔聽都要不停講，巨會慢慢接受並去做，大家加油

lsm219

其實二歲多人仔 你同佢講坐定定好難 有時佢根本唔明白！其實可以用游戲方式訓練小朋友內性是可行的！當他做到時再給他獎勵  呢個positive re-enforcement 更有效！

cheung_chit

活潑好動同肯坐定冇衝突的，係適當的時候做適當的事，要慢慢訓練，令佢知道幾時可以四周走（如去公園），幾時應該坐定（如食飯，係學校聽老師講野）。你有冇買枱凳？你可以多些同佢一齊，要佢坐低同你玩，等佢習慣坐定做野。

我諗去面試時小朋友四圍走，好難引導老師得出佢係活潑好動呢個結論。因為好多坐得定的小朋友一樣咁活潑，唔係話肯坐定的一定係一舊飯。老師見個小朋友四圍走，一般認為佢好難控制，正常學校有得揀都避免收加重佢地工作的學生。不排除有某些學校喜歡收，但一定唔係熱門的學校，如果你想入呢類學校，要好好慢慢教，冇得急。

小小山

回復 whmk 的帖子

樓主, 同病相憐.

breadbb

原帖由 dec2010 於 12-11-26 發表
回復 may273815238 的帖子

我個小朋友都係IN左4間, 3間都收，一間未出RESULT。我仔係12月超細仔唔係好識講 ...

我仔都係咁 座得定真係要train架