10月b做細b好定做超大b好？

conM

bb喺12年10月出世，做細b好定做超大b好？有咩利弊？

maths

我嗰個都係龍年十月B，龍年競爭已經大，仲要係細B，條路好難行，機會都少啲，所以會做大B。

conM

原帖由 maths 於 13-01-07 發表
我嗰個都係龍年十月B，龍年競爭已經大，仲要係細B，條路好難行，機會都少啲，所以會做大B。



  ...

你個小bb會選擇做超大b同蛇仔蛇女一齊讀?其實都唔係好了解點解做細b無甘好.....有咩差別.....即係如果做超大b下年先in2歲班？

catcle

可以試下考, 如果心儀個間收咪讀, 如果冇學校收咪做超大B. NOTHING LOSS.

crazdandan

超細B去Inteview與同年年頭既bb or 早一年出世的超大b比表現已經差好遠了，
即係人地個b比你個b大差不多一歲，人地已經識好多野又識講野會表達，
問你個1歲b問題會有乜反應吖？不過試下一,兩間心儀既又冇妨既,
當見識下囉！ 不過都係嗰句平常心,唔好有壓力！

maths

長大左，差別就無咁大。但現階段差別就好大，年頭同年尾差成年，就算相差一兩個月，你都會發現BB識多左嘢，做到多啲嘢。如果免強與同年嘅一起學習，有些事情未做到，有可能影響自信心，對學習失去興趣。當然唔排除有啲小朋友叻啲，有超越自己年紀嘅能力。而港台節目都有講，一批龍年出世的成年人，都話競爭大，龍年特別多人生b，讀書同人爭，做嘢都要同人爭，好無奈!