教育王國

標題: 真心問一下大家如果幼稚園車程來回要2小時,會否很辛苦? [打印本頁]

作者: klin_snorlax 時間: 13-1-22 15:50 標題: 真心問一下大家如果幼稚園車程來回要2小時,會否很辛苦?

提示: 作者被禁止或刪除內容自動屏蔽

作者: girouis 時間: 13-1-22 15:55 標題: 回覆：真心問一下大家如果幼稚園車程來回要2小時,會否很辛苦

返轉問返你自己, 你份工每日都要坐4個鐘來回你覺得點??

作者: tam_bb 時間: 13-1-22 15:58 標題: 回覆：真心問一下大家如果幼稚園車程來回要2小時,會否很辛苦?

如果both屋企&幼稚園都在地鐵站附近，唔駛日曬雨淋，來回共2小時，我覺得可以接受。但如果只計車程都要共2小時，另加步行時間，咁就太辛苦了。

作者: girouis 時間: 13-1-22 16:11 標題: 回覆：girouis 的帖子

sorry !寫錯係2個鐘! 不過個人覺得其實車程越短越好! 有個朋友之前住海怡半島返DGS, 看似好近,但校車都要差不多個幾鐘車程,最後爲個女全家由千幾尺般去九龍8百幾尺!

作者: klin_snorlax 時間: 13-1-22 16:14

提示: 作者被禁止或刪除內容自動屏蔽

作者: Doris_Ray 時間: 13-1-22 16:17 標題: 回覆：真心問一下大家如果幼稚園車程來回要2小時,會否很辛苦

係邊去邊? 自己可否帶返學? 同埋好學校係邊間咁好呢?

作者: girouis 時間: 13-1-22 16:17 標題: 回覆：真心問一下大家如果幼稚園車程來回要2小時,會否很辛苦

呢個問題有時係好難決定!我見過有住屯門返GHKG都有!

作者: kobecherry 時間: 13-1-22 16:19

其實來回車程兩個鐘都可以接受, 我住將軍澳出年返九龍塘, 我都預每程一個鐘(因為我會坐校車,到時要睇上車時間表了) 如果你係坐校車既話..點到點到逹,其實都冇咩問題. 唔算辛苦

作者: ce366 時間: 13-1-22 16:24

如果佢習慣到都OK 的.. 老實係辛苦... 讀幼稚園JET....

作者: mothercare100 時間: 13-1-22 16:35

無咩必要都唔好了,小朋友會好辛苦,我地要係小朋友既立場黎睇......

作者: torunpoland 時間: 13-1-22 16:47 標題: 回覆：klin_snorlax 的帖子

幼稚園？太細個。這是我個人意見，每程最多半小時，因為得佢一個人在車，校車嬸嬸睇唔足呀！

作者: Jane1983 時間: 13-1-22 17:19

一程一個鐘係長左d，不過都要考慮埋有無得位坐、使吾使行好耐、落雨點等等。

同埋，間學校有幾好，與及吾去咁遠的話，會讀邊間。

作者: skywalker2007 時間: 13-1-22 17:30 標題: 回覆：真心問一下大家如果幼稚園車程來回要2小時,會否很辛苦?

幼稚園，車程長真係唔放心。

作者: allysharlin 時間: 13-1-22 17:38

我就係因為車程太耐，放棄左一間龍校。我覺得上堂只有三個小時，點知車程用了來回二小時，他們太細坐左一個小時車，返到學校都冇心機上堂。

作者: LittleButter 時間: 13-1-22 19:56

allysharlin 發表於 13-1-22 17:38
我就係因為車程太耐，放棄左一間龍校。我覺得上堂只有三個小時，點知車程用了來回二小時，他們太細坐左一個 ...

請問你放棄了哪間龍校呢？

作者: nekoti 時間: 13-1-23 11:35

如果心儀既學校比較遠(1hr), 可唔可以存駕車接送?
起碼小朋友唔駛等車, 又會快D, 有時校車會到不同屋苑接送小朋友, 會較耐.

作者: minirat 時間: 13-1-23 11:49

太幸苦了
得3歲人仔

作者: fheung 時間: 13-1-23 12:16

對小朋友來說，2小時的車程太長了！幼稚園啫，睇你覺得值唔值囉！我就寧可多些親子時間嘞！

作者: christy31400 時間: 13-1-23 12:22

梗係辛苦，係車訓點都唔及係屋企訓咁舒服啦~~~~

作者: lui 時間: 13-1-23 12:24 標題: 引用：如題!還是BB可以在車訓覺?+其實沒有很大分

原帖由 klin_snorlax 於 13-01-22 發表
如題!
還是BB可以在車訓覺? 其實沒有很大分別? 如果搭咁耐車但係間學校係好既, 值得嗎?
...

絕對！因為咁，我也將搬家

作者: baby_2013 時間: 13-1-23 12:28

我有另類睇法。。。

我認為，你要諗遠D。。。小學，你諗住政府學校大抽獎？定係會考直資／私校？如果係大抽獎，讀邊間幼稚園都無所謂（我係指入到有關學校，吾係程度是否進得上），甘可必要去甘遠返學？

但如果要考直資／私校，幼稚園就相對變得好重要（課程，學校名氣etc),甘每日2個鐘來回車程，值得。

我小朋友而家返學坐車一個鐘，放學約半個鐘車程。。。。無事呀，係車訓覺，好開心。。。。至於跟車EE，我覺得，佢係睇住的話，長途短途都係甘睇；佢係大意，車程長短一樣。。。。。。

作者: C-Mermaid 時間: 13-1-23 13:55

極之辛苦！得gor幾嵗人仔

作者: lemoncake 時間: 13-1-23 14:07

如果上落校車地點好近屋企, 又好喜歡間學校的話, 車程來回2小時都可以接受。

我女每朝點對點8am 出門, 放學12:45pm 到家, 佢好鍾意搭校車。K1回程都冇瞓覺。

作者: xxariesxx 時間: 13-1-23 14:38 標題: 回覆：真心問一下大家如果幼稚園車程來回要2小時,會否很辛苦

搬屋都要睇下校車點行，我住土瓜灣，小朋友在界限街返學，自己搭巴士返學都係半小時，那該死的校車竟然要一小時車程，同學校講左好多次都唔改。最後想坐都無得坐。

作者: mothercare100 時間: 13-1-23 14:52

坐校車係咁架!一架車要兜好多地方,有d車更要兜其他學校既學生.所以車程要咁耐

作者: allysharlin 時間: 13-1-23 15:42

回復 LittleButter 的帖子

我放棄了聖嘉勒，真係太遠。我係大人都坐車坐到暈

作者: yokochacco 時間: 13-1-23 17:22

其實習慣咗之後，大人辛苦啲，我仔返n，住離島，返深灣，佢可以喺船喺車瞓，但我要攞書包仲要抱佢……但佢超鍾意返學同老師，所以我願意

作者: gillgillkwok 時間: 13-1-23 18:59

提示: 作者被禁止或刪除內容自動屏蔽

作者: 蓮蓉包 時間: 13-1-24 12:17

本帖最後由蓮蓉包於 13-1-24 12:18 編輯

或者可能要睇埋小朋友...
我以前住九龍...小兒係TT就讀K2..
但K1 下學期我們搬了元朗..冇轉校...
一般點到點落...但上興趣班則要係美孚上車...
但兒子超愛...他是那些超鍾意去街的孩子...
佢成日周圍好PROUD咁同人講佢塔好遠車去九龍返學架..又要過兩條隧道...
最近想減少佢上興趣班...佢竟然話唔好..原因係佢鍾意去美孚上車...因朝早可以去街食早餐...=P
不過他是番下午班的...我估上午班就會有點辛苦了....
另外要考慮埋車費LOR..我們交車費是貴過學費的...

作者: nekoti 時間: 13-1-24 13:22

回復蓮蓉包的帖子

你說得對, 如果住得遠學校, 返下午可能輕鬆D.
樓主可以考慮考慮.

作者: oooasis 時間: 13-1-24 13:42

辛苦就一定辛苦
睇下間學校值唔值得。

歡迎光臨教育王國 (/)