教育王國

標題: 育嬰園 [打印本頁]

作者: IT229 時間: 12-12-18 15:17 標題: 育嬰園

有冇人返過育嬰園，對小朋友好定唔好，thx

作者: SS0512 時間: 12-12-19 10:21 標題: 回覆：育嬰園

我觉得如果你冇人幫手湊，如果你又捨得，育嬰園也是一個好選擇。我小朋友三個月大原本可入育嬰園，但當時佢兩三個鐘就要吃一次奶，而育嬰園講明每四小時才餵一次，除非特別情況，所以我最終都晤忍心送佢去托嬰！

作者: IT229 時間: 12-12-19 11:29

回復 SS0512 的帖子

今日決定左唔去啦, 最主要係唔捨得, 但諗諗其實去是最好的(對小朋友) , 但排左成年幾而家有位唔去好可惜

作者: LEUNG2858 時間: 12-12-19 11:35

回復 IT229 的帖子

如果有人湊, 點解會覺得去係對小朋友最好呢?

作者: yee618 時間: 12-12-19 12:17 標題: 回覆：育嬰園

有好有唔好。好：獨立，自理好，好多野你講都會明，當然去到2歲左右先發覺，識得等，主動。唔好：會有打人，因為學校成日有人攞玩具，要保護自己，大聽叫，學校叫得大聽老師會比佢食先，走來走去。如果自己可以湊，留返比有需要人仕。如果係老人家湊，我建議返育嬰

作者: jiljill 時間: 12-12-19 12:30 標題: 引用：有冇人返過育嬰園，對小朋友好定唔好，thx

原帖由 IT229 於 12-12-18 發表
有冇人返過育嬰園，對小朋友好定唔好，thx

雖然有工人，但我兩個小朋友未夠兩個月就送去育嬰園。好處係自理能力好，不怕陌生人，講嘢叻。壞處係貴 ($5000一個)同易病。

作者: IT229 時間: 12-12-19 13:29

回復 LEUNG2858 的帖子

申請個時無人湊, 而家無做野湊佢, 生活好勉強囉

作者: IT229 時間: 12-12-19 13:33

回復 yee618 的帖子

唔好：會有打人(呢個我又諗唔到), 我剩係知會多病d , 而家自己湊囉

作者: Cassidy 時間: 12-12-19 14:46

大囡6個月多dd 開始返育嬰園, 細囝3個月大開始做日暫託(時間短d又無延展), 5個月有位可以同家姐一齊, 但唔同班, 最初因為炒工人係好無助時咁岩家姐排到, 即刻俾錢都俾唔切, 細囝出世就因為工人新到, 加上6299睇住我個大囡(接放學 + dinner) 都覺得佢地辛苦, 阿囡太好動!!

返育嬰好處係佢地唔怕人, 好鍾意逗人玩, 自己會識搵野玩, 睇人面色見唔對路就會走人....自理上同行為上係比d 同年齡無返育嬰園既大dd, 壞處就係成日病, 有陣時會同人打架等等, 阿囡都成日會哩度整損果度又損咁, 但我覺得好好wor~ 最初會唔忍心, 其實佢地返育嬰園係開心過係屋企對住我地lo

作者: IT229 時間: 12-12-19 15:17

回復 Cassidy 的帖子

" 返育嬰好處係佢地唔怕人, 好鍾意逗人玩, 自己會識搵野玩, 睇人面色見唔對路就會走人....自理上同行為上係比d 同年齡無返育嬰園既大dd, 壞處就係成日病, 有陣時會同人打架等等, 阿囡都成日會哩度整損果度又損咁, 但我覺得好好wor~ 最初會唔忍心, 其實佢地返育嬰園係開心過係屋企對住我地lo "

所以我都掙扎左好耐, 今日先決定唔要個位, 不過而家決定左就唔諗了, haha反而輕鬆左

(真係煩惱左好耐)

作者: TeriAnla 時間: 12-12-19 15:19

我記得我有咗就想去報育嬰院, 但爸爸反對話仲貴過請工人, 請工人仲可以煮飯, 清潔家居, 所以被迫放棄念頭. 但自己不知幾想去. 自己番工, BB都係對住工人, 唔會唔捨得.

作者: IT229 時間: 12-12-19 15:35

回復 TeriAnla 的帖子

你都講得好岩, 最哀係自己唔捨得

作者: Cassidy 時間: 12-12-19 16:28

TeriAnla 發表於 12-12-19 15:19
我記得我有咗就想去報育嬰院, 但爸爸反對話仲貴過請工人, 請工人仲可以煮飯, 清潔家居, 所以被迫放棄念頭. ...

我請工人係3740一個月,仲要包食包住, 我育嬰園$3842一個月, 只係唔包尿片....真係貴過工人???

作者: IT229 時間: 12-12-19 16:30

回復 Cassidy 的帖子

而家要$45xx la

作者: jiljill 時間: 12-12-19 16:35 標題: 引用：我記得我有咗就想去報育嬰院,+但爸爸反對話

原帖由 TeriAnla 於 12-12-19 發表
我記得我有咗就想去報育嬰院, 但爸爸反對話仲貴過請工人, 請工人仲可以煮飯, 清潔家居, 所以被迫放棄念頭. ...

就係唔想bb全日對住工人。

作者: jiljill 時間: 12-12-19 16:37 標題: 引用：Quote:TeriAnla+發表於+12-12-19+15:19+我

原帖由 Cassidy 於 12-12-19 發表
我請工人係3740一個月,仲要包食包住, 我育嬰園$3842一個月, 只係唔包尿片....真係貴過工人???
...

我間$5000唔包片同奶粉

作者: SS0512 時間: 12-12-21 00:23 標題: 回覆：IT229 的帖子

我好明白你諗法！我晤要个位時都是很掙扎，决定了就唔再去諗，反而輕鬆好多！你全職凑佢，係辛苦些，但可以睇住佢每分每秒的成長，相信你第日睇返轉头，一定覺得好值得，加油呀！

作者: cclatte 時間: 12-12-21 11:22

本帖最後由 cclatte 於 12-12-21 11:22 編輯

育嬰院有一班同齡小朋友一齊玩,真係幾開心,近來接bb放學時,佢仲會介紹佢o的同學仔比媽媽識,學識排隊,自己收拾玩具等,如果我唔做野自己湊,唔會懂教佢咁多野,最多同我屋企一齊睇電視,其實教小朋友真係要用好多心力,耐性同埋有planning.

雖然比請工人貴,自己要做返o的家頭細務係辛苦,但都覺得值得,始終我唔太鍾意有個陌生人在家,得工人同bb在家又唔放心,亦唔想bb有工人o既習慣

作者: IT229 時間: 12-12-21 11:45

SS0512 發表於 12-12-21 00:23
我好明白你諗法！我晤要个位時都是很掙扎，决定了就唔再去諗，反而輕鬆好多！你全職凑佢，係辛苦些，但可以 ...

agree

反而宜家仲珍惜同佢一齊的時光(好似失而復得的感覺)

作者: IT229 時間: 12-12-21 11:47

回復 cclatte 的帖子

"其實教小朋友真係要用好多心力,耐性同埋有planning"

絕對同意!!!

作者: cclemon2009 時間: 12-12-21 14:38 標題: 回覆：育嬰園

我囝囝由15months開始返，我覺得好好，自理能力高，語言能力好好，冇打人習慣，反而同其他同學好friend，由於那校只收12個小朋友，所以都吾算成曰病，可接受

作者: 流浪貓 時間: 12-12-23 01:50

請問你地係咪一有左5個月後就去報名定係點架, 我個囝囝而家兩個月先報名, 1間排緊2XX, 一間排緊3XX嘅"醜", 我好驚佢到2歲都仲未等到入托呀

作者: kumiso 時間: 12-12-23 09:15 標題: 引用：有冇人返過育嬰園，對小朋友好定唔好，thx

原帖由 IT229 於 12-12-18 發表
有冇人返過育嬰園，對小朋友好定唔好，thx

樓主，育嬰園係湊BB 全日定有指定時間架？由幾大湊到幾大呀？我呀B而家4個幾月大想比佢入育嬰園？知唔知係唔係要排好耐架？

作者: cclemon2009 時間: 12-12-24 09:14 標題: 回覆：育嬰園

要排好耐，我一懷孕便入申請表啦

作者: IT229 時間: 12-12-24 10:02

回復流浪貓的帖子

我係囉..6個月左右就排, 你而家先排就...

作者: IT229 時間: 12-12-24 10:05

回復 kumiso 的帖子

全日, 0-2歲, (4個幾月)睇怕你都入唔到啦!!!

作者: IT229 時間: 12-12-24 10:07

回復 cclemon2009 的帖子

邊間??? 咁小人

作者: cclemon2009 時間: 12-12-24 13:03 標題: 引用：回復+cclemon2009+的帖子邊間???+咁小人

原帖由 IT229 於 12-12-24 發表
回復 cclemon2009 的帖子

邊間??? 咁小人

德福幼兒園，不過較其他貴

作者: Jesation 時間: 12-12-24 15:56

本帖最後由 Jesation 於 12-12-24 15:57 編輯

差唔多week 10開始排，冇人幫手又唔鍾意屋企多個人。亦覺得工人唔識揍仔，都排唔倒延展，亞仔4個月左右入託。

除咗病多咗。

其餘一切好好，嬰院會有好多講座安排，會借書俾你睇，會每個月由小肌肉，大肌肉訓練，有表有進度，話你知佢有冇乜唔妥。會每月定期影相幫你放上fb，有好多嘢玩好多嘢學。大組包括勞作，有得煎蛋炒菜，d老師亦有愛心，我諗好多嘢工人唔識做。甚至老人家亦都唔識做。學用杯、戒片、排隊之之類類，而且有乜緊要事，都可以好放心打過電話去遲接。仲有生日會、過時過節有禮物有party。

工人唔一定唔好，不過隨時唔做一點都煩，嬰院少咗呢d變數。不過嬰院太少，好似唔係區區有，d位好緊張。

作者: IT229 時間: 12-12-27 12:10

回復 cclemon2009 的帖子

哦!!! 我有問過...真係超貴$6xxx, 仲係有d野唔包, 不過就近我附近

作者: IT229 時間: 12-12-27 12:13

回復 Jesation 的帖子

聽你地咁講, 開始後悔緊...

作者: cclemon2009 時間: 12-12-27 13:40 標題: 引用：回復+cclemon2009+的帖子哦!!!+我有問過.

原帖由 IT229 於 12-12-27 發表
回復 cclemon2009 的帖子

哦!!! 我有問過...真係超貴$6xxx, 仲係有d野唔包, 不過就近我附近

老師真係照顧得好好，又比訓練佢地，又有比comment我，又有得出去playground 玩，我囝囝自理能力和語言能力都好好，亦令仔仔面試k1時有好表現，我每日好放心，我覺得值！

作者: intimbaby 時間: 12-12-29 09:00 標題: 回覆：育嬰園

嬰園真係好好，如果我再生我都會再讀。冇打人，想要對方嘅玩具時，反而會用自己手上嘅玩具同對方交換，相信依啲同同年紀嘅小朋友係唔會識。相親相愛，番學放學會幫同學仔攞埋鞋換。會抱抱，有小朋友喊時，會輕撫對方叫對方唔好喊。每個月有不同主題，教小朋友唔同嘅嘢。定時有講座，親子活動，評估，每日老師都會同你講番小朋友嘅嘢。之於多病，我個仔頭兩個月入託真係成日病，依家冇lu，講真，唔讀嬰園，第時番N番K都一樣會經歷成日病。我個朋友連N都冇讀，結果個女由K病到上小學。總括嚟講，學識咗好多嘢，好鍾意番學。

作者: Jesation 時間: 13-1-3 11:46

回復 IT229 的帖子

你做倒全職媽媽好多人恨都恨唔倒，唔使後悔。
只係想話育嬰院係好嘢嚟，係唔知點解全港都咁少。反而外傭問題仲多就周圍都係，此為事實並非歧視外傭。touchwood, so far 我冇乜聽過育嬰院有咩case如虐兒，偷竊。

呢d實事又唔見政府批多d，淨係識食_。

作者: LL222 時間: 13-1-3 13:57

intimbaby 發表於 12-12-29 09:00
嬰園真係好好，如果我再生我都會再讀。冇打人，想要對方嘅玩具時，反而會用自己手上嘅玩具同對方交換，相信 ...

你講中我心中所想，點會打人，有老師教嗰嘛。仲有, 營養師設營養餐單每星期日日唔同飯餸面粥果汁同老火湯。記得未排到去參觀時見到两位媽咪，我問 "工人定呢度好?" 两位媽咪異口同聲大聲講 "返呢度放心好多!!"

歡迎光臨教育王國 (/)