教育王國

標題: 天主教聖多默幼稚園 Vs 平安福音堂幼稚園(青衣) [打印本頁]

作者: hsubernard 時間: 12-11-21 10:50 標題: 天主教聖多默幼稚園 Vs 平安福音堂幼稚園(青衣)

我個女收到天主教聖多默幼稚園和平安福音堂幼稚園錄取, 通知可讀明年K1。但我想知哪一個間好？請幫幫忙！

作者: lewisfung 時間: 12-11-21 11:15

我個仔依家讀緊聖多默K2,係一間有愛心和小朋友會好開心的學校,功課小,但今年轉了校長後好似加強咗,唔知有否關係。如你想小朋友開心學習的話係一個好的選擇。
不過程度相對其它幼稚園會淺一些，特別我今年同我小朋友去其它幼稚園考明年K3後更覺得,(因為我要搬屋所以轉校)
希望幫到你

作者: hsubernard 時間: 12-11-21 11:26

Thanks for your valuable comments, lewisfung! but do you know anything about 平安福音堂幼稚園(青衣)?

作者: lewisfung 時間: 12-11-21 12:05

回復 hsubernard 的帖子

呢間就唔清楚la!
或者其它人幫到你

作者: MANDYYMWONG 時間: 12-11-21 14:20

我想問吓你幾時知道聖多默收咗.我到而家仲未有通知信.可能我唔收所以冇更快啦!

作者: hsubernard 時間: 12-11-21 14:26

Hi MANDYYMWONG, I received the letter of acceptance from 聖多默 last Friday. but we need to decide latest by tomorrow..

作者: hsubernard 時間: 12-11-21 14:27

Thanks anyway, lewisfung!

作者: MANDYYMWONG 時間: 12-11-21 14:30

恭喜你!收咗上午班?我亦想問吓你聖公會顯現堂幼稚園好唔好?此間同平安福取錄了上午班.

作者: hsubernard 時間: 12-11-21 15:43

I've no idea about 聖公會顯現堂幼稚園. If both 聖多默 and 平安 send you the offer letter, which kinder will you choose?

作者: MANDYYMWONG 時間: 12-11-21 16:19

都好難決定呀!

作者: tk_love 時間: 12-11-21 16:38 標題: 回覆：天主教聖多默幼稚園 Vs 平安福音堂幼稚園(青衣)

我都想知平安福音堂點樣? 因為佢地收左我仔讀全日

作者: MANDYYMWONG 時間: 12-11-21 16:59

我就係知平安福每個星期有兩日net teacher教,普通話一堂.老師有愛心,
聖多默程度淺D,但就好小有net teacher教.

作者: MANDYYMWONG 時間: 12-11-21 17:01

hsubernard 不過我多數讀聖公會顯現堂幼稚園

作者: hsubernard 時間: 12-11-22 09:56

Thanks, MANDYYMWONG.. After the discussion with my wife last night, we will go for 平安福音堂幼稚園..teachers are so nice which is well known..and i am sure my daughter will love to go to school too....All the best to you all!!!

作者: tk_love 時間: 12-11-22 15:27 標題: 回覆：hsubernard 的帖子

請問可以講下點解你最後會揀平安福音堂?

作者: siuqueen 時間: 12-12-3 11:41

hsubernard 發表於 12-11-22 09:56
Thanks, MANDYYMWONG.. After the discussion with my wife last night, we will go for 平安福音堂幼稚園. ...

Congratulations and support!

My son is currently studying K3 there and I highly recommend this kindergarten.

作者: siuqueen 時間: 12-12-3 12:04

本帖最後由 siuqueen 於 12-12-3 12:05 編輯

tk_love 發表於 12-11-21 16:38
我都想知平安福音堂點樣? 因為佢地收左我仔讀全日

恭喜！全日班應該得16個位，好搶手。

我個仔而家讀緊k3全日班

作者: tk_love 時間: 12-12-3 13:48 標題: 回覆：天主教聖多默幼稚園 Vs 平安福音堂幼稚園(青衣)

係呀，我都知好搶手，而間學校的教學理念我好認同，只係比較怕升小冇咁好，因為我會幫仔仔考直資

作者: siuqueen 時間: 12-12-3 15:51

本帖最後由 siuqueen 於 12-12-4 09:51 編輯

回復
tk_love 的帖子

"你好呀，我想知呢間學校的課程係咪較淺? 因為我打算小學會考直資的...升上小一後唔知能否適應
另外，學校有冇phonics學? 如有，係邊種?
是否日日都有功課?多唔多?
Thank you very much!"

我覺得認同學校教學理念喺邊個階段都好重要。我冇玩政府派位，個仔今年有考直資私校，1 offer 1 waiting（我當50％ win咗喇）。老實講，始終係屋邨學劵幼稚園，唔可以同神級或地區名幼比較，咁樣並唔係睇低自己間學校，而係大家嘅取向根本唔同，最重要係你想你小朋友喺咩環境下成長同呢三年幼稚園生活學到啲乜。

我當年報k1嗰陣，完全冇諗過第日要考咩小學。我係從教會一姊妹得知青衣嘅平安福音堂幼稚園好有愛心，又係基督教（雖然我哋一家仍未受浸），同時考了當年的荊冕堂，同樣亦收了offer，最後決定讀平安福音堂，因為從interview時接觸嘅老師（亦成為咗我個仔嘅k2班主任之一同最鍾意嘅老師之一），覺得老師對小朋友嘅觀察力好敏銳同好有愛心耐性，同我嘅對話亦表現出真誠和關心家長小朋友，加上學校嘅學習生活主題圍繞住聖經真理，我又buy蒙特梭利，所以好感恩天父安排咗呢間咁好嘅幼稚園俾我哋。

平日課堂上已經有好多機會做習作紙，學完嘅知識即時應用温習。K1功課每日一本，學校响應教育署咁細個小朋友唔主張寫字，主要係線條練習加上平日响學校訓練小肌肉活動，可以幫助第時執筆寫字姿勢。K2功課每日兩本，k3每日三本（唔係淨係抄寫，有閱讀理解，有考記憶，有創意），英文phonics係jolly phonics，每個星期有PTH同NET老師上堂（k3一星期三堂NET）。定期有戶外公園參觀活動，室內有參觀博物館、小學同其他日常生活體驗，每月服飾主題生日，每年有全校親子旅行，又有家長工作坊（例如：家中蒙特梭利），等等等等。

整個團隊從校長、主任、老師以至嬏嬏都係基督徒非常有愛心包容有熱誠（愛心包容唔代表縱容，用鼓勵欣賞勸導身教示範方式），今年開始仲有駐校社工幫助有需要嘅家長同小朋友。我覺得課程程度適中算淺，講真，而家呢個世代無論讀咩學校，家長都好肯駛＄同小朋友報好多唔同嘅校外課程讀。我就比較著重EQ多過學術，因為我覺得我個仔比我幸運，從小到大已認識主耶穌，學習聖經真理同價值觀，愛神愛人愛自己。學校生活唔係小朋友唯一學習嘅地方，家庭教育同樣重要。學校係有不足嘅地方，地方唔算大,鼓勵家長多啲帶小朋友多周圍走走見識，多數使費係交通費啫。

其實仲有好多可以喺度分享，你仲啲咩想問嘅話，我即管試吓答你，希望幫到你。

祝福你同你嘅小朋友有愉快嘅幼稚園生活！

作者: tk_love 時間: 12-12-3 16:43 標題: 回覆：siuqueen 的帖子

多謝你咁詳細的回覆呀!
其實當初揀呢間幼稚園，係因為佢地係基督教(因為我地一家都係基督徒)，而且開放日比我感覺老師好好，及真係以聖經為基礎;
另外就係佢地有蒙特俊利教學，因為我地之前已經買左成套蒙教教材，而且好buy呢個idea.
其實會擔心升學，係因為知道蒙特俊利係頭幾年係真係好好，但當小學6歲後，真係比較小的小學有呢套教學理念/配套，所以我唔打算比個仔讀傳統小學，但又擔心升唔到真係活動教學或IB的直資小學，所以先會咁煩，唔知讀唔讀好，因為又一村學校都收左我仔讀全日，而家仍然1516....

作者: siuqueen 時間: 12-12-3 17:08

tk_love 發表於 12-12-3 16:43
多謝你咁詳細的回覆呀!
其實當初揀呢間幼稚園，係因為佢地係基督教(因為我地一家都係基督徒)，而且開放日 ...

認同，平安福音堂係以聖經教導為基礎，唔止祈禱唱詩歌講聖經故事呢啲，即使小朋友同家長唔係基督徒，相信都會俾學校上上下下嘅愛心感動同感染。

其實你唔駛咁擔心，蒙特梭利其實係針對6歲以下嘅小朋友自主學習。佢哋有咗呢鍾根基再加埋品德嘅培育，仲有你咁有心為你嘅小朋友小學生活計劃。

你要問吓自己最重要係邊樣，冇一間學校係完美，祈禱同神講㨂一間最適合你小朋友嘅學校，神一定成全。

作者: tk_love 時間: 12-12-3 23:25 標題: 回覆：天主教聖多默幼稚園 Vs 平安福音堂幼稚園(青衣)

咁又係，其實呢間學校真係中哂我同神祈禱要的野，所以我應該都會讀呢間。
係呢，你小朋友k1開始，有冇學啲咩課外活動?
而家k3返全日，中午有幾耐瞓覺時間呀?

作者: siuqueen 時間: 12-12-4 11:05

本帖最後由 siuqueen 於 12-12-4 11:18 編輯

tk_love 發表於 12-12-3 23:25
咁又係，其實呢間學校真係中哂我同神祈禱要的野，所以我應該都會讀呢間。
係呢，你小朋友k1開始，有冇學啲 ...

另外，近屋企都好重要，始終咁細個人仔，長途拔涉唔係咁安全同會好攰。

我自己㨂幼稚園就首要係基督教以聖經真理教導、有愛心同包容，喺升小學前我比較著重品德培育同EQ社交多過學術，因一直認為小朋友將來仲有漫長日子去學習有關學術嘅事物。我同阿仔一直努力學習中，大家各方面包括情緒同親子關係一直有進步，雖然過程好似股市咁有升有跌，但都係穏步上揚同正面嘅。由K1至而家，阿仔間唔中就喺學校自選活動時間去美藝區做啲小禮物然後帶返嚟屋企送俾我，例如：小手工、中英數小書、畫張小畫同寫啲I LOVE U嘅小信封，都幾窩心架。

我覺得平安福音堂品德教育無得彈，過程中小朋友同家長都可以學到鼓勵接納包容自我肯定，語言環境呢方面就弱啲，但你可以考慮將唔讀九龍塘而淨底嘅＄俾佢出去再加強學吓英文ORAL或phonics之類。我自己就學過家長phonics同識基本音樂樂理，咁細個嘅階段其實都可以自己教，不過我承認我懶。我個仔鍾意畫畫，佢好多思想同故事放入去幅畫度，所以有俾佢學畫畫，雖然都冇乜技巧可言，但起碼讓佢明白同學習專注留心做嘢好緊要，唔係樣樣都係動感世界，哈哈。佢4歲開始踩兩輪單車，因為鍾意踩單車所以平日就當運動之一。佢有濕疹，暫時未學游水。

佢哋食中午12點左右開始LUNCH，食得快就可以去聽老師講故事，有時就做少少功課，間中又安排益智卡通片。然後去瞓覺，大概1.5小時左右。

歡迎光臨教育王國 (/)