教育王國

標題: 康傑青衣interview [打印本頁]

作者: isababy117 時間: 12-11-3 12:30 標題: 康傑青衣interview

一月大B。學校好有系統，人唔算多。老師開咪叫小朋友入房

入到房得兩組，唔會好嘈，小朋友都專心D，老師先俾lego叫小朋友疊高，老師會教小朋友做一次先，老師好鼓勵，有拍手同讚小朋友。我個女開頭做唔到，之後做到，老師都好有耐性。我個女仲主動話俾老師聽D lego係咩色（blue, yellow, green) 希望咁樣會加分啦。之後叫小朋友tidy up放返D lego入藍。然後有第二份啡色既lego，叫小朋友放係碟上。我個女做到，做完又係tidy up。老師再拎架車出黎問咩黎既，我個女剩係係到唱the wheels on the bus

冇答老師。老師再拎個波出黎問咩黎，我個女撥開個波，再去拾波。之後老師指住我問小朋友我係邊個，老師又指住自己問係邊個，我個女冇答，但老師有教返佢答媽媽同老師。之後獎勵小朋友俾左包餅佢。
然後就係問家長啦，問點識康傑，點解想俾小朋友讀，小朋友發脾氣點算，平時同小朋友去邊，有冇去開放日，有冇去簡介會，上午班滿晒既話下午班o唔ok。

總結女女面試不錯，有D唔專心，但基本上做到指令仲不停係到唱歌好enjoy，但真係擔心冇去開放日簡介會會扣分

希望收啦。有冇媽媽知道幾時有結果？

作者: Cheerfulfish 時間: 12-11-3 12:46 標題: 回覆：康傑青衣interview

我個囡都見完，學校安排真係好好，係之前見咁多間當中最好，我地係個主任見，個樣嚴肅d，呀囡開初小小驚佢冇反應，好彩後來好d，識答apple car又肯握手give me five，肯講多謝，其他問家長d野都同你一樣，希望有機上午班啦

作者: Cheerfulfish 時間: 12-11-3 12:50 標題: 回覆：康傑青衣interview

我有去open day簡介會，冇遅到冇早走，會唔會加分?

作者: love_kingking 時間: 12-11-5 11:26

我都有IN, 覺得呢間學校真係好好, 同埋好鐘意, 老師叫阿仔做既指示都做到晒, 老師比餅佢, 仲識講謝謝.... 走個時仲同老師飛吻, 不過唔知係唔係老師見既小朋友太多, 覺得老師個樣好似好累....

作者: shertam 時間: 12-11-5 13:22 標題: 回覆：康傑青衣interview

尋日亞仔IN完，雖然亞仔瞓到一半就去IN，但佢都做到晒D指令。老師叫佢疊高啲LEGO等老師同媽咪傾吓計。佢疊完就行開咗，真係無騷擾到我同老師。

老師話兩個禮拜後知結果，夠晒快手呀！

作者: tobemom 時間: 13-1-16 16:06

大獲! 我女咩都唔識又係細b米冇行!? 有冇唔聽指令但都收左ge bb響樹呢?

歡迎光臨教育王國 (/)