教育王國

標題: 比華利中英文幼稚園 [打印本頁]

作者: kimori 時間: 13-3-22 12:14 標題: 比華利中英文幼稚園

我囡囡上星期六面左試(歲半班), 請問有冇已經通知左取錄既媽媽呢? 係咪未夠歲半都可以入學呀? 學校話要視乎有冇位先取錄, 係咪唔收先咁講呢

我好心急想知收唔收, 因為我囡囡係細b只係得呢間有得面試呀>.<

作者: kimori 時間: 13-3-24 12:06 標題: 回覆：比華利中英文幼稚園

Up

作者: 傲 時間: 13-3-24 20:11 標題: 回覆：比華利中英文幼稚園

我諗差一兩個月都會收既，嚟緊28號交留位費，可能有位出返嚟ga,唔好太擔心

作者: kimori 時間: 13-3-24 20:34 標題: 回覆：傲的帖子

但你幾時interview架？你囡囡幾月返學呢？

作者: 傲 時間: 13-3-24 20:40

我20號in,我囡囡岩岩先1歲，8月先開學！

作者: kimori 時間: 13-3-24 22:21 標題: 回覆：傲的帖子

我囡囡早過你囡囡16/3 in, 已經十六個月，但仲未通知有位入學，點解呢：o希望大家做到同學啦：）

作者: 傲 時間: 13-3-24 22:47 標題: 回覆：比華利中英文幼稚園

我都希望可以一齊做同學仔

作者: kimori 時間: 13-3-25 14:53

回復傲的帖子

今日打左去學校問, 佢話要再等, 有學位會即刻回覆我, 唯有再等下啦!

作者: 傲 時間: 13-3-25 15:14 標題: 回覆：比華利中英文幼稚園

等待心情真的不好受喔！我也經歷過！

作者: kimori 時間: 13-3-25 15:49

回復傲的帖子

係呀!! 仲要係唔知係咪有位, 都唔知等到幾時添!

作者: ketonemo 時間: 13-3-25 16:31

我個女上年1歲時去in, 到開學時都係得16個月大. Interview完時已經同我講無乜大問題, 差兩個月都唔緊要, 仲叫我幾時去交錢register. 佢好似得兩班: 上午班及全日班. 每班8個小朋友.

開學時就好齊人, 但慢慢D同學仔走下一個走下一個, 而家得返4個. 因為夠歲數而有位的話, 會比小朋友升班. 所以呢間幼稚園既流失量都唔細.

講真, 我唔想我個女日日係屋企無無聊聊, 先比佢返學, 同其他同學仔玩, 唔expect佢會學多野. 以我所知, 好多媽咪都會幫小朋友轉校(如果有其他好的offer, 我都會), 呢間口碑真係好一般.

作者: ketonemo 時間: 13-3-25 16:35

kimori 發表於 13-3-24 22:21
我囡囡早過你囡囡16/3 in, 已經十六個月，但仲未通知有位入學，點解呢：o希望大家做到同學啦：）

...

你個女而家已經16個月大? 9月應該夠讀N班, 你叫佢幫你排埋N班條隊啦(即係邊班有位讀邊班先)

作者: kimori 時間: 13-3-25 16:48

回復 ketonemo 的帖子

多謝你回覆! 其實初時報名我係想報2歲班架, 不過校方話我個女10月尾出世, 兩歲班驚無位, 所以叫我報歲半班, 咁我咪照報囉! 我去過比華利既開放日, 覺得入面d小朋友都幾開心, 又同普通話老師傾過計, 覺得都ok丫! 其實我諗住K1都會轉校呀, 所以都係讀到三歲, 你話d同學仔走完一個又一個, 佢地係讀左幾耐走架?

作者: ketonemo 時間: 13-3-25 17:21

kimori 發表於 13-3-25 16:48
回復 ketonemo 的帖子

多謝你回覆! 其實初時報名我係想報2歲班架, 不過校方話我個女10月尾出世, 兩歲班驚 ...

我諗PGS(即係2歲班, 出面所講既PN), 不斷有人走, 所以係PG(即係1.5歲班)升人, 我都係睇D活動相先知越來越少人

作者: kimori 時間: 13-3-26 12:23

回復 ketonemo 的帖子

請問知唔知點解會走呢? 因為比華利只係踏腳石? 定係呢間學校唔好?

作者: ketonemo 時間: 13-3-26 13:35

kimori 發表於 13-3-26 12:23
回復 ketonemo 的帖子

請問知唔知點解會走呢? 因為比華利只係踏腳石? 定係呢間學校唔好? ...

我諗踏腳石多. 而學校我會覺得唔夠好. 我相信你個小朋友一定有位(可能要開學後先有), 但我會建議你出年再報其他TKO既PN, 例如翠茵綠茵都好多人鍾意.

作者: kimori 時間: 13-3-26 13:44

回復 ketonemo 的帖子

明白晒, 睇下返左學點先, 如果真係學唔到野都會轉, 我都報左好多N班, 但一d回覆都冇, 所以先咁緊張幾時有得入學咋!

作者: ketonemo 時間: 13-3-26 16:46

kimori 發表於 13-3-26 13:44
回復 ketonemo 的帖子

明白晒, 睇下返左學點先, 如果真係學唔到野都會轉, 我都報左好多N班, 但一d回覆都冇 ...

你唔好expect小朋友會學好多野, 我比亞女讀係想亞女學識跟其他小朋友相處(因我個女比較霸王), 第二係我個女好遲先講野, 返咗學係講多好多.

3月初時老師打電話比我, 問我係咪有教個女身體各部份, 佢話佢地教緊中文眼耳口鼻, 但我個女反而答英文(其實係我個賓賓教我個女, 仲要好多部位都識), 所以我都唔知佢地係咪教得多野.

作者: ketonemo 時間: 13-3-26 16:48

另外, 我個同事個仔都係讀呢間, 佢話K1都OK, 但K2開始就差喇, 都建議我到時再轉校

作者: kimori 時間: 13-3-28 15:54

ketonemo 發表於 13-3-26 16:46
你唔好expect小朋友會學好多野, 我比亞女讀係想亞女學識跟其他小朋友相處(因我個女比較霸王), 第二係我個女 ...

我都係呀, 諗住俾我個女同其他小朋友相處下, 學下分享, 學術上我無乜要求, 暫時都係學下自理能力先啦! 我個女17個女仲係講緊太空話, 唔知返左學講野會唔會好d呢?

哦...咁你睇下老師仲會教d咩啦, 我諗住讀下N班睇下學校點先再算~

作者: Y太太 時間: 13-4-9 11:25

kimori 發表於 13-3-28 15:54
我都係呀, 諗住俾我個女同其他小朋友相處下, 學下分享, 學術上我無乜要求, 暫時都係學下自理能力先啦! 我 ...

我仔之前都係讀PGS (1.5 YRS班)，佢係好遲講野既BB，但返左學真係進步左好多~

作者: kimori 時間: 13-4-25 13:36

回復 Y太太的帖子

淨係讀左1.5歲班呀? 我囡囡就黎歲半都未識講野, 希望快d返學可以引發佢講野啦!

歡迎光臨教育王國 (/)