教育王國

標題: 一月倫敦升學買什麼禦寒衣物 [打印本頁]

作者: wat321 時間: 前天 00:21 標題: 一月倫敦升學買什麼禦寒衣物

女兒一月將會去倫敦升學，只知倫敦一二月的天氣會很凍和濕及經常下雨。

而宿舍距離學校是要步行一個露天的距離，大約20至30分鐘。

網上睇倫敦一二月只得2至8度，女兒係一個怕凍嘅人，我哋從未同佢去過咁凍嘅地方。

請問我應該為她買一些怎樣的禦寒衣物？請求幫忙指教，我哋真係一啲都唔識。

作者: anitawong21 時間: 前天 04:41

wat321 發表於 25-11-24 00:21
女兒一月將會去倫敦升學，只知倫敦一二月的天氣會很凍和濕及經常下雨。

而宿舍距離學校是要步行一個露天 ...

係經常落雨，但其實好少落大雨搞到全身濕晒，外套係咪厚羽絨冇乜所謂，唔入水就得，同埋到三四月都唔知仲需唔需要，我覺得防風防水夾棉褸，好凍的話裏面再加多件薄羽絨已經夠，加埋帽、手套、頸巾、打底褲ok 啦。鞋千祈唔好著透氣嗰種，另外英國一月頭好多地方都有減價，到時可以睇吓有乜嘢唔夠要買。

作者: KIMLIFEINUK 時間: 8 小時前

我呢幾日就覺得超凍，我係 m&s 買左好多cashmere, 非常暖而且比較薄身唔會好厚重。我而家好凍着住2件係屋企，感覺良好，而且郁動容易，非常 soft.

買一件羽絨外套就ok夠。

Cashmere 呢幾年加左好多，你可以係英國買，留意有D網上好平果D，其實好薄。最好買m&s, 100% pure cashmere, 唔係wool + cashmere.

冬天就無問題啦！不過我個人覺得而家好貴，而且通常唔乜減價，但都係值得。一件頂幾件，我就好滿意！

作者: KIMLIFEINUK 時間: 8 小時前

另外你提到要行 20-30分鐘，其實行行下會好熱，我果日2度左右係街行，都係一件 cashmere 加一件羽絨。行行下仲熱D。入室內要除外套，室內有暖氣，所以其實唔係好凍，如果十度以上，我直頭唔會看 cashmere 出街，費事要除。不過日夜溫差好大，要注意

歡迎光臨教育王國 (/)