教育王國

標題: 小朋友讀書中游，想去英國升學係咪同名校無緣？ [打印本頁]

作者: smash 時間: 昨天 12:53 標題: 小朋友讀書中游，想去英國升學係咪同名校無緣？

阿仔依家讀緊初中，雖然入到間 Band 1 學校，但成績一直係中游浮沉，見佢讀得好辛苦、好無自信，我好想送佢去英國試下，但上網睇親個d名校要求都好似好高，係咪根本無機？有無過來人分享下？

作者: rockruff 時間: 昨天 13:43 標題: 回覆樓主:

自從英國政府加咗 private school 20% vat 後，少咗學生報名，所以競爭細咗。

反而要考慮自身負擔能力，以及該校有沒有召生困難或學生人數不足情况，避免該校結業問題。

作者: beastiebistro 時間: 昨天 15:43

本帖最後由 beastiebistro 於 26-6-4 22:24 編輯

smash 發表於 26-6-4 12:53
阿仔依家讀緊初中，雖然入到間 Band 1 學校，但成績一直係中游浮沉，見佢讀得好辛苦、好無自信，我好想送佢 ...

我諗有以下嘅考慮：

1. 而家佢咩年齡？如果佢已經過咗14歲，其實你基本上只可以aim讀完中四過去讀Year 12（即係兩年sixth form準備考A level）。因為英國寄宿中學收生係睇年齡，計入學年9月1日年齡。如果足13歲未夠14歲就入Y9，足14歲未夠15歲就入Y10，如此類推。咁Y9係主要收生年，Y10有少量插班位，Y11（考GCSE年份）係唔收插班生嘅。所以如果佢而家已經過咗14歲，佢基本上午只可以aim Y12入學。

2. 比較好嘅學校，Y9入學要3/4年前報名，一早已經收晒生。如果係插Y10或者考Y12就可能有機會早一年報名都仲得。上面都講咗Y10插班位相對少，反而Y12係主要收生年，機會大啲。

3. 至於好學校要求係咪好高，呢樣未必。因為英國學校收生重點係interview。只要成績不過不失，攞到面試機會，就有機會可以convince佢哋收你。當然如果你小朋友面試唔係強項就會比較蝕底啲喇...

我諗如果你而家好急要去，入Y12仲有啲機會做吓功課，搵啲好啲嘅學校去報。有需要可以PM我討論。（利申：三代都係英國頂級寄宿學校生）

作者: tasersunny 時間: 昨天 17:11

點解想去英國讀？如果冇學習動力，去到邊都一樣

作者: sp3014 時間: 6 小時前

smash 發表於 26-6-4 12:53
阿仔依家讀緊初中，雖然入到間 Band 1 學校，但成績一直係中游浮沉，見佢讀得好辛苦、好無自信，我好想送佢 ...

我個侄女差不多情況。想入英國頂流的boarding school係難，因為頂流係要一年至兩年前準備同考入學試，又要interview，如果本身個人唔自信的話interview會好蝕底。就算好彩入到，情況和在香港又有何分別，都係不斷追和又是沒有自信。我侄女反而去d“普通”的boarding school, 只是過了一個term返到香港放Xmas, 成個人脫胎換骨，自信獨立晒，精神好咗同肥咗(可能boarding要某個時間收手機熄燈瞓覺，睡覺多咗)，英國的boarding life係好study life balance，train到我侄女一到study time就好專心，一到學校活動就玩到癲，唔似香港咁太多其他“活動”distract佢，加上亞洲人相對在理科方面比local同學有優勢，侄女真係讀得如魚得水咁，攞過學校的subject 獎，之後GCSE成績亮麗，現在讀緊Warwich University

所以你仔的情況真的可以考慮吓唔駛一定要搵頂流的boarding school，但反而要小心現在20%VAT後，個整體費用貴咗好多，同埋好多boarding school不論出名唔出名都頂唔順執笠或合併或者財政唔穩健，小心讀讀吓變孤兒仔就真

作者: 宮二 時間: 2 小時前

sp3014 發表於 26-6-5 09:51
我個侄女差不多情況。想入英國頂流的boarding school係難，因為頂流係要一年至兩年前準備同考入學試，又要 ...

定時定候收手機熄燈真係boarding 優點
眼見普遍香港細細個都機不離手
英國就好少見
無咗peer group pressure 去上social media
Boarding 活動繁多更加無時間俾你成日上網睇埋晒啲無謂野
另外教育唔係好似香港咁一味講考試同埋學術
總之有才華就有唔同嘅機會發展
自然就自信滿滿
係唔係頂流唔係最重要
其實很多所謂頂流
係收晒大陸人香港人以成績谷成頂流
真正成績頂流的其實大部分都係倫敦嘅私立日校
親身揾一間校風純樸的更重要

歡迎光臨教育王國 (/)