教育王國

標題: 沙田ESF [打印本頁]

作者: Gengen4321 時間: 25-9-9 00:18 標題: 沙田ESF

小朋友讀Year1,感覺上堂真係Hea左d,一班29人，老師一個，睇唔到咁多，睇seesaw成日見到小朋友訓覺，小朋友分組係班玩，畫畫，玩具，自由發揮咁，玩時間太多，想知用家家長，你地小朋友係咪真係學到嘢？去到中學係咪可以銜接到佢哋IB課程？

作者: supervi 時間: 25-9-9 08:22

回覆 Gengen4321 的帖子

應該唔係得一位老師吧?

作者: Gengen4321 時間: 25-9-9 10:47

supervi 發表於 25-9-9 08:22
回覆 Gengen4321 的帖子

應該唔係得一位老師吧?

仲有一個助手喺班入邊

作者: hlmami 時間: 25-9-9 11:38

你地係ESF K升上去嗎？應該知道ESF既教學模式係點

作者: Radiomama 時間: 25-9-9 12:29

其實ESF無變過，變嘅係多咗不同背景的家庭加入，但事前又唔做功課。

作者: enna_tm 時間: 25-9-9 12:53

Gengen4321 發表於 25-9-9 00:18
小朋友讀Year1,感覺上堂真係Hea左d,一班29人，老師一個，睇唔到咁多，睇seesaw成日見到小朋友訓覺，小朋友 ...

每一班都會有一個老師加一位助教，我記得老師講過Y1主要係幫助小朋友適應小學生活。

對Y1 小朋友只係啱啱返咗學兩個禮拜，有機會某啲小朋友仍然在適應新嘅校園生活作息等等，有小朋友瞓着咗都唔出奇。

學校一向都係play based / inquiry based learning… 係分組學習嘅時間，小朋友亦都會互相學習。初期老師主要係觀察小朋友嘅情況，繼而可以喺Term 2/3按每人嘅學習近程度去教。

如果你真係有疑問，可以email班主任，佢哋好樂意同家長直接電郵甚至講電。

我小朋友而家讀緊year 3，老師好清楚小朋友嘅強弱項喺邊度（應該每一年嘅班主任都有交流），亦都會解釋俾家長知點樣支援。當然家長亦都要自己喺屋企配合發力

作者: behd 時間: 25-9-9 15:26 標題: 回覆樓主：

本帖最後由 behd 於 25-9-9 15:28 編輯

上到year 5 and 6 就慢慢多project做，因為要銜接中學project base and IB 課程。所以唔使擔心中學跟唔到。依家低年班咪有得佢Hea下先，話覺得唔夠嘢做咪出去學吓嘢。去到中學忙到爆，除非到時你小朋友冇責任感自己唔做。如果要做學校大把功課。

作者: Gengen4321 時間: 25-9-9 15:34

Radiomama 發表於 25-9-9 12:29
其實ESF無變過，變嘅係多咗不同背景的家庭加入，但事前又唔做功課。

全部家長都不同背景，乜以前會有固定背景嘅咩？

作者: Gengen4321 時間: 25-9-9 15:39

behd 發表於 25-9-9 15:26
上到year 5 and 6 就慢慢多project做，因為要銜接中學project base and IB 課程。所以唔使擔心中學跟唔到。 ...

好多朋友話中學好谷，小學好hea, 我都預咗係Hea，如果銜接到咁都好啲，多謝你分享

作者: Gengen4321 時間: 25-9-9 15:40

enna_tm 發表於 25-9-9 12:53
每一班都會有一個老師加一位助教，我記得老師講過Y1主要係幫助小朋友適應小學生活。

對Y1 小朋友只係啱 ...

Thanks

作者: Radiomama 時間: 25-9-9 20:41

Gengen4321 發表於 25-9-9 15:39
好多朋友話中學好谷，小學好hea, 我都預咗係Hea，如果銜接到咁都好啲，多謝你分享
...

ESF 嘅中學從來都唔係「谷」，我亦唔會用「hea」去形容佢嘅小學。

Y1啱啱開始，係適應期，學習自理、與同學老師互動, play-based都係學習嘅一種。要觀察小朋友係咪在正軌之上咁玩，會否唔輸得，玩嘅過程會唔會被人蝦、又或者去蝦人哋、有冇同人compromise, 又冇好bossy, 又或者好被動⋯⋯所以話Y1嘅重點在玩。

另外，小朋友會學習閱讀和表達，聽講讀，最後是寫。

以上都係未來一年嘅其中一些學重點，所以千祈唔好以為ESF小學就係hea, 咁會好容易miss 咗學習時機；一個唔覺意又會誤會咗以為要去上補習班。

小學上中學要銜接得好，係要努力嘅，無不勞而獲。

作者: Radiomama 時間: 25-9-9 20:42

Gengen4321 發表於 25-9-9 15:34
全部家長都不同背景，乜以前會有固定背景嘅咩？

背景當然各有不同，不過以前ESF的用家，大多在入學前都已經認識ESF的辦學理念同style啫。

作者: cgjkp 時間: 7 天前

提示: 作者被禁止或刪除內容自動屏蔽

作者: barque 時間: 6 天前

Gengen4321 發表於 25-9-9 15:39
好多朋友話中學好谷，小學好hea, 我都預咗係Hea，如果銜接到咁都好啲，多謝你分享
...

據我所知中學都唔會谷學生的，year 11 之前平時每科只有單元測驗，沒有考試和分數。學生的第一次考試只是igcse mock 和igcse的正式考試。

升讀IB Diploma 之後，因為IB課程緊密，學生真是有讀書壓力，見唔少同學睡眠不足和定期要看輔導師都有。

這些都是學生對自己有要求，所造成的壓力老師只是如常教書。

作者: behd 時間: 6 天前

我估以前真是初中比較輕鬆。現在year 11之前是有測驗和分數。每年有些科目也有大考看成績來分班.所以不是沒有壓力，只不過沒有本地學校咁癲

作者: sabsab122 時間: 前天 22:19

Gengen4321 發表於 25-9-9 00:18
小朋友讀Year1,感覺上堂真係Hea左d,一班29人，老師一個，睇唔到咁多，睇seesaw成日見到小朋友訓覺，小朋友 ...

上年ESF year 1 的媽媽路過, 我明你感受。
可能你要等到year end （下年6月尾）收返小朋友D work,
你先知其實小朋友一路有學好多嘢。

Year 1 第一個學期我都係接受唔到，點解上堂會學1-10？明明好多人三歲之前都識。
但之後發覺，其實係要小朋友好熟number bond這個概念，識靈活運用，而不是淨係認得1-10。
而呢個概念其實好快就會延伸到100，1000。

一年之後你會發覺，
原來呢個方法學數，小朋友係會解文字題解得好好，因為乜嘢角度問佢都知道點計。

利申：我小朋友數感好差，但IB 方法又真係幫到佢深入了解「運算」呢個概念。
一個教數學嘅朋友話比我知，本地小一生好多淨係識計數字加減，
文字題係死症，調返轉頭問又唔識答；
反而我個女係點問都識，解題冇難度，仲讃佢數概念好清析。

不過如果你覺得小朋友上堂都係發夢同瞓覺，
我都建議你go ahead課後教少少，再觀察下。

作者: Gengen4321 時間: 前天 22:25

sabsab122 發表於 25-9-18 22:19
上年ESF year 1 的媽媽路過, 我明你感受。
可能你要等到year end （下年6月尾）收返小朋友D work,
你先知 ...

多謝你分享，想問下year 2已經要解文字題？

作者: sabsab122 時間: 前天 22:44

Gengen4321 發表於 25-9-18 22:25
多謝你分享，想問下year 2已經要解文字題？

Year 1 都有文字題，不過唔係主要。主要真係玩吓數學遊戲，砌下積木

作者: Gengen4321 時間: 前天 23:10

sabsab122 發表於 25-9-18 22:44
Year 1 都有文字題，不過唔係主要。主要真係玩吓數學遊戲，砌下積木

Thanks

作者: sabsab122 時間: 昨天 08:50

本帖最後由 sabsab122 於 25-9-19 10:32 編輯

Gengen4321 發表於 25-9-9 00:18
小朋友讀Year1,感覺上堂真係Hea左d,一班29人，老師一個，睇唔到咁多，睇seesaw成日見到小朋友訓覺，小朋友 ...

補充多少少，我自己係課後有
－路伴讀一路教phonics；
數學有每星期做幾頁math ，得閒同佢計吓心算，我去買嘢又叫佢計吓數。
中文有外補3日（因為學校中文真係教得好差，日日都係填顏色、唱歌，一至十都教三年，完全唔使認字）

簡單嚟講，我就係中英數課後都會跟足，只係唔一定補習。
我見完全放養，父母永遠唔出現嗰啲真係文盲一樣。

作者: Bunnygirl 時間: 昨天 09:16

我都吾同意話小學hea, 中學chur.
我大個小朋友係傳統小學到3年班轉IS. 小一到小三真係chur, 係家長chur 學生。日日都大量功課測考不停，不停操舊卷，如果一不小心肥咗主科就留班。

去到IS, 初初有spelling test都會同佢溫習同串字，有日小朋友話老師叫媽媽吾好再預習，咁咪放手，都吾會留班架啦。第一兩次，真係錯得多，不過慢慢落去佢就一路岩哂。好奇問佢係咪學校老師同佢哋上堂串字溫書，佢話冇呀，係小心啲listen就會串岩。原來老師係想佢哋可以自己用phonic串番出嚟，所以以後再冇串字溫默書尼個concept. 尼個只係其中一個例子，佢哋小學學習就係吾係traditional 既framework.

到中學啦，MYP就係strength 小學時PYP knowledge 但係都冇乜bring home homework. 反而更多research 同project 要做，and that’s the key for IB study

今年小朋友考GCSE啦，上年year 10佢好似成個人醒左，自己chur自己每日溫書又話有一科要搵tutor幫，所有野都自動自覺。所以中學既chur係學生自chur而吾係學校，係對自我追求既表現。

希望解釋到點解啲人話「小學hea, 中學chur｣

作者: 964000 時間: 昨天 10:25

Bunnygirl 發表於 25-9-19 09:16
我都吾同意話小學hea, 中學chur.
我大個小朋友係傳統小學到3年班轉IS. 小一到小三真係chur, 係家長chur 學 ...

本帖最後由 964000 於 25-9-19 17:49 編輯

女是另外一間國際學校，他們小學時老師直接告訴學生，研究發現小學做太多功課和練習是對將來academic沒有幫助的，所以他們不會給很多功課，（除了中文），而且校規寫明假期前也不得給功課，我女就係用以上理據拒絕做額外習作了。但其實他們在學校內是學得很充實的，不停寫不停做，不是單向的「聽書」，上了巳學了。到他們上中學，發現銜接也很好，不會差過其他由谷校神校來的插班生，有些甚至更好，一直都有同學不需很多準備都考到外國的top boarding school，中學畢業生中起碼一半是小學升上去的，ESF小學升上中學的比例更高IB成績都保持到，如果搞唔掂中學都會同小學出聲啦。但在國際學校，上堂專心和參與是必須的。
其實一條龍的好處是小學沒有壓力，很多小朋友都可盡情發展興趣到初中已略有所成了（可以是音樂，運動，奧數，寫作, debate，coding，chess 等順應小朋友的talent), 佢哋會又睇好多書，講野好叻，唔係叫佢返屋企日日剩係打機。
但很多時家長會焦慮及沒有安全感，因為習慣看分數和成績表，但學校定期有standard test result可以比較下小朋友的水平，平時睇吓地睇的書都略知他們的程度了。至於補習，要睇下補的有沒有效用，其實有些都是浪費時間，可能自己學的更有效率。

歡迎光臨教育王國 (/)