教育王國

標題: 邊間 IS 有 gifted programme 或有額外資源俾資優？ [打印本頁]

作者: MichEAL82 時間: 24-7-11 15:05 標題: 邊間 IS 有 gifted programme 或有額外資源俾資優？

小朋友而家係某國際學校讀緊小學，學校本身無大問題，好關愛，小朋友都讀得開心。

小朋友本身係資優，但即使老師都話佢程度比其他小朋友高 (例如某個範疇已經有高兩級的程度），學校都只會俾佢跟返大圍咁處理。我哋唔要求跳班，只望老師喺佢叻嘅範疇可以俾多少少挑戰佢，但 so far 無見到任何類似嘅嘢。

學校嘅 IB 成績亦唔算好，個人感覺學校本身唔係走精英制，反而集中補底，令叻嘅小朋友就好多時自生自滅。

長遠落去怕學校反而拖累咗小朋友嘅學術成就，想請教下大家有無邊間 IS 會有 gifted programme，或會有 extra resources 俾啲相對叻少少嘅學生？

先謝謝回覆！

作者: BlossomAlmond 時間: 24-7-12 18:59

MichEAL82 發表於 24-7-11 15:05
小朋友而家係某國際學校讀緊小學，學校本身無大問題，好關愛，小朋友都讀得開心。

小朋友本身係資優，但即 ...

我小朋友學校話有，你可以PM我

作者: donut012 時間: 24-7-12 19:57 標題: 回覆樓主：

本帖最後由 donut012 於 24-7-12 19:59 編輯

其實如果讀緊嗰間國際學校唔算係top嗰啲，去一間排名比較高嘅學校程度都可能已經係適合你嘅小朋友，唔一定需要有gifted program.例如係GSIS，CIS呢一類top嘅國際學校，程度應該比其他國際學校高。

作者: MichEAL82 時間: 24-7-12 21:05

donut012 發表於 24-7-12 19:57
其實如果讀緊嗰間國際學校唔算係top嗰啲，去一間排名比較高嘅學校程度都可能已經係適合你嘅小朋友，唔一定 ...

我都有諗過，但呢兩間插班似乎都唔容易？另外請教 CDNIS 算唔算都係程度高啲（因為見佢成績都幾亮麗）？

作者: donut012 時間: 24-7-12 21:28

MichEAL82 發表於 24-7-12 21:05
我都有諗過，但呢兩間插班似乎都唔容易？另外請教 CDNIS 算唔算都係程度高啲（因為見佢成績都幾亮麗）？
...

本帖最後由 donut012 於 24-7-12 21:33 編輯

本帖最後由 donut012 於 24-7-12 21:31 編輯

可以試吓申請插班，我有朋友仔女喺呢兩間裏面讀緊，每年不停都有人走去讀boarding school。CIS尤其是中學year 7，一次過收差不多60幾70個新生入去，我幾個朋友仔女都係響Dgs同 st paul coed讀到小五，然後Year7 插入CIS。CDNIS程度應該唔算太高，屬於比較free嘅。如果要比較SIS程度都高，而且學校幾academic。

作者: Radiomama 時間: 24-7-12 22:46

資優學生需要什麼？
IB 課程是個好的框架，好適合願意自我挑戰、有學習興趣、自學能力高的學生；加上如果學校的校風良好和朋輩中有多幾個像他一樣而又一起玩一起學習的，就相得益彰。

作者: Radiomama 時間: 24-7-12 22:51

另外，資優生可以參加本地一些大學辦的課程/活動，科大及中大都有；還有完全免費的香港資優學苑的課程。如想更有系統，可報名參加 Johns Hopkins University 的online courses.

作者: MichEAL82 時間: 24-7-13 05:21

Radiomama 發表於 24-7-12 22:46
資優學生需要什麼？
IB 課程是個好的框架，好適合願意自我挑戰、有學習興趣、自學能力高的學生；加上如果學 ...

我覺得你講得好啱呀，我就係想俾一個合適嘅環境佢發展，有多幾個程度差唔多嘅朋軰俾佢有少少咁多競爭，令佢有挑戰會推動佢學得更好。我觀察佢而家喺學校其實無乜挑戰性，所有嘢對佢嚟講好易，佢喺屋企睇緊大人版小說，老師喺學校仲係派緊 Oxford reading tree banding 嘅書俾佢，當年佢已經自學到3位數嘅倍數，學校仲只係教緊佢20之內的倍數。

對佢嚟講無乜同 peer 之間嘅 competition，老師亦無俾挑戰佢。唯一勝在校風好，佢每日返學好開心，唔會嗌悶或者有其他負面情緒。

作者: MichEAL82 時間: 24-7-13 05:22

Radiomama 發表於 24-7-12 22:51
另外，資優生可以參加本地一些大學辦的課程/活動，科大及中大都有；還有完全免費的香港資優學苑的課程。如 ...

有留意，但本地果啲未夠年齡，我睇下你介紹嘅網上課程先，謝謝你！

作者: Radiomama 時間: 24-7-13 07:44

MichEAL82 發表於 24-7-13 05:21
我覺得你講得好啱呀，我就係想俾一個合適嘅環境佢發展，有多幾個程度差唔多嘅朋軰俾佢有少少咁多競爭，令 ...

你提到現在的學校「唯一勝在校風好，佢每日返學好開心，唔會嗌悶或者有其他負面情緒」，其實已經係一樣好感恩的事。

如果想追求成績卓越，可以試GSIS, 這校的成績在國際學校中一向穩定地超前；只要你對學生中文水平不會有好高要求。

小兒7歲左右做評估，之後我也曾好著力找合適的栽培，明白學校的情況，就算有learning enhancement teachers和programs, 都係較傾向補底；拔尖會較少，但當年學校也有一位老師負責資優生，會辦一些活動，但不會多。到升中學之後，有較多比賽活動，學生的專長才會被提拔和肯定。

因此我集中在JHU 的CTY讓孩子上網課，由Y4到Y9, 也會參加參加summer camp,與一班相約的學生一起學習。

多年來也慶幸同級有不少資優生，大家不會特別講，但佢哋一齊成長真係好開心。

作者: 964000 時間: 24-7-13 09:21 標題: 回覆樓主：

本帖最後由 964000 於 24-7-16 19:24 編輯

其實就算GSIS小學時都是培養學習興趣和小朋友社交合作為主，不鼓勵競爭性，例如代表學校參加數學比賽，學校唔會次次只派幾個數學神童，會take turns一半女仔一半男仔。運動音樂比賽你報名便可，battle for book唔夠人都係叫Y6 join埋中學組算唔會驚佢哋低班蝕底，Talent show講明不是for competition, 好處小朋友和家長都好好感情不會視對方為競爭對手，享受學習過程冇乜壓力不會只看重輸贏，mindset自少成形，到中學畢業有一半人都是kindi讀上去所以唔一定要自細培養戰鬥格才有競爭力。
不過因為係selective school所以大家程度差唔多係可以教快啲。
至於中文其實最高stream也不太淺，Y6都要作文隔個星期默書考閱讀理解等，中學的更深（視乎邊個stream), local school轉來的也可考Chin A.

作者: ol_bb 時間: 24-7-13 11:19

如果閱讀能力高冇理由仲派緊oxford reading tree. 我見我小朋友學校老師都幾認真assess reading level, 如果閱讀能力高，就算低年級都可以去到好高reading band.

作者: MichEAL82 時間: 24-7-13 11:21

其實我唔係想話要谷佢，或同儕之間好大競爭。我只係想學校因材施教，令佢有進步嘅動力。而家學校嘅 task 佢全部不費吹灰之力就做到，老師亦無特別俾其他嘢佢做，佢無乜動力要做好啲。

大家提及嘅 GSIS arrangement 其實就係我期望嘅學習環境，輸贏真係唔重要 (甚至我覺得佢學識輸得起緊要過贏)，但想佢保持一顆上進嘅心，唔好甘於現狀

作者: Radiomama 時間: 24-7-13 16:05

MichEAL82 發表於 24-7-13 11:21
其實我唔係想話要谷佢，或同儕之間好大競爭。我只係想學校因材施教，令佢有進步嘅動力。而家學校嘅 task 佢 ...

考插班，隨遇而安吧。我的孩子小學到初中都是快樂學習為主，輕鬆去比賽，贏輸唔緊要，有得玩都好嗰種。高中之後才對自己有要求，他的學校到Y10才安排「考試」。

資優生的最大敵人是自己～自視過高，所以要時刻提醒他天外有天。

作者: beastiebistro 時間: 24-7-13 16:31

Radiomama 發表於 24-7-13 16:05
考插班，隨遇而安吧。我的孩子小學到初中都是快樂學習為主，輕鬆去比賽，贏輸唔緊要，有得玩都好嗰種。高 ...

非常同意Radio媽。資優唔等於績優，要增潤，家長自己係屋企做啦。返學開開心心咪好囉...

作者: MichEAL82 時間: 24-7-14 03:16

beastiebistro 發表於 24-7-13 16:31
非常同意Radio媽。資優唔等於績優，要增潤，家長自己係屋企做啦。返學開開心心咪好囉... ...

的確，相比積優，不自滿，不自負，不自私嘅人格更重要。

互勉之。

作者: MichEAL82 時間: 24-7-14 03:25

Radiomama 發表於 24-7-13 16:05
考插班，隨遇而安吧。我的孩子小學到初中都是快樂學習為主，輕鬆去比賽，贏輸唔緊要，有得玩都好嗰種。高 ...

同意你講呀，希望小朋友知道呢個世界天外有天，叻過佢嘅人有好多。想擺返佢喺一個適合佢多啲嘅環境，佢發揮到幾多就隨遇而安了。雖然覺得現時學校唔係好配合到我其中一個小朋友嘅需要，但卻好適合我另一個小朋友，所以我好明白因應小朋友唔同嘅性格同特質，只有最適合嘅學校，無一定最好嘅學校。

作者: 964000 時間: 24-7-14 04:03

MichEAL82 發表於 24-7-13 11:21
其實我唔係想話要谷佢，或同儕之間好大競爭。我只係想學校因材施教，令佢有進步嘅動力。而家學校嘅 task 佢 ...

其實學校係集體學習的地方，好難就一個半個學生，至多分下stream
其實你仔Yr幾，你可以試下插班以下一條龍SIS Harrow CDNIS GSIS等，我覺得9月cutoff的學校多啲大B會好D。ESF本身也有gifted program 不過要過screening.
如果係maths你可以經學校或自己參加個人比賽，IS之間每年也有maths competition.

作者: MichEAL82 時間: 24-7-14 08:15

964000 發表於 24-7-14 04:03
其實學校係集體學習的地方，好難就一個半個學生，至多分下stream
其實你仔Yr幾，你可以試下插班以下一條 ...

分下 stream 我覺得已經好好，而家係淨係補底，所以我先覺得係咪唔太適合。

我小朋友仲係初小，不過因為我哋 N 無，要插入大家建議果幾間學校都唔容易，所以先想及早準備，及早開始排隊。

作者: 莫失莫忘 時間: 24-7-14 09:27

我識得一位小朋友同樓主差唔多原因，由CIS轉左去Habour school

作者: 964000 時間: 24-7-14 12:48 標題: 回覆樓主：

本帖最後由 964000 於 24-7-18 00:09 編輯

如果想「融入」我稔一般注重academic 和selective的學校都可以，融唔融入到其實都睇小朋友性格社交同夠唔夠all round, 只要小朋友在學校開心，學業就會自動波。
如果需要「特殊」照顧，就需要考慮要Harbour school呢類。

作者: icloud 時間: 24-8-20 12:24

MichEAL82 發表於 24-7-11 15:05
小朋友而家係某國際學校讀緊小學，學校本身無大問題，好關愛，小朋友都讀得開心。

小朋友本身係資優，但即 ...

我小朋友剛完grade 1, 我發現佢數學同埋英文都比同班同學能力似乎高一啲，reading level 已經去到Grade 3

我都感到有啲迷惘，唔知應該點樣加強去栽培佢
學校老師冇特別額外幫佢
不過有陣時會俾多啲深啲嘅數學練習俾佢做完堂上嘅功課就可以自己做

我未做評估唔知道佢IQ幾多，你有冇幫小朋友做評估？

作者: 木子兔媽媽 時間: 24-8-22 07:45

icloud 發表於 24-8-20 12:24
我小朋友剛完grade 1, 我發現佢數學同埋英文都比同班同學能力似乎高一啲，reading level 已經去到Grade 3 ...

Apply CTY, and they will offer tests to your kid

作者: MichEAL82 時間: 24-8-24 20:48

icloud 發表於 24-8-20 12:24
我小朋友剛完grade 1, 我發現佢數學同埋英文都比同班同學能力似乎高一啲，reading level 已經去到Grade 3 ...

有啊

作者: iseatrit2013 時間: 24-8-25 10:27

莫失莫忘發表於 24-7-14 09:27
我識得一位小朋友同樓主差唔多原因，由CIS轉左去Habour school

Cis to harbour?

歡迎光臨教育王國 (/)