教育王國
標題: 圍爐取暖-有無小朋友黎緊會入讀ESF(TC)再上RCHK嘅家長? [打印本頁]
作者: Thankful1010 時間: 25-5-19 13:02 標題: 圍爐取暖-有無小朋友黎緊會入讀ESF(TC)再上RCHK嘅家長?
我地的小朋友即將入讀ESF(TC),聽左好多朋友的分享,了解到ESF K1 同K2校園生活同學習會非常輕鬆
, 同時提到學校對小朋友既自理要求好高，例如,小朋友一入學就需要戒片,而且要識得自己去廁所,聽講其他分校的廁所都無姨姨幫忙,唔知TC係咪都一樣, 呢點令到我對安全同衛生方面有點擔心,唔知道實際情況會係點樣。
另外有朋友建議我要幫小朋友開始打好中文基礎,雖然知道小學階段主要係輕鬆探索,但要確保小朋友的中文、數學和英文寫作能力扎實。因為到了中學,學術要求會變高, IB課程對學生語文同寫作能力要求好高,所以提到要幫小朋友從小打好基礎,到了中學會更容易適應。有沒有在讀生家長或過來人可以分享一下看法和經驗？
我地兩公婆鍾意IB教學理念同RCHK繁體中文教學, 所以一心想比小朋友入讀。但最近好多朋友建議我地唔好太輕鬆,呢點我有點迷茫, 唔知道應該點樣可以取平衡去幫助小朋友。我地個小朋友非常活潑好動,唔怕羞, 非多野嘴, 但坐不定, 唔適合壓力大的環境,所以我老公好怕我因為咁而變得太chur,令到小朋友無左自主探索去學習的興趣和能力
。
由緊張到開心成功入到ESFTC, 到期待開學但依家又緊張迷茫,唔知道應該點樣做先可以最幫到小朋友發展。
希望各位可以指教一下,謝謝!
作者: Lttchristy 時間: 25-5-19 15:15
十全大補gogogo
作者: sabsab122 時間: 25-5-19 22:48
本帖最後由 sabsab122 於 25-5-19 22:52 編輯
Thankful1010 發表於 25-5-19 13:02 
我地的小朋友即將入讀ESF(TC),聽左好多朋友的分享,了解到ESF K1 同K2校園生活同學習會非常輕鬆
, 同時提到 ...
實際情況就係瀨咗尿冇人會同你小朋友換褲，如果去廁所大便冇人會同佢抹pat.
我認識嘅同學仔，幾乎個個都試過瀨咗尿濕住咁返屋企。
（因為八月中開學好多小朋友其實都係得兩歲幾）
去完大冇抹嗰個小朋友，後尾尿道炎。
你要有定心理準備，外國人嘅衛生標準同香港人非常唔同，
生頭虱係非常之等閒嘅事。
至於學業同埋自由探索，
我覺得頭兩年真係可以玩嘅，始終ESF 幼稚園啲小朋友都只係兩歲幾至四歲幾，
呢個年紀真係playdate 為主，同埋適應校園生活。
我自己K1 K2 係完全冇上任何課外活動同埋教學術。
D同學全部都住好近，一個星期date 3-4 次，個個月都開生日會。
去到小學可以開始教返少少學術，主要都係睇書為主，我係自己教phonics 同埋計加減數，
中文一定要外補，學校真係教得好差，唔係中文學得慢咁簡單，係直頭浪費時間。
你唔需要太擔心如果課後教小朋友學術或者安排課外活動會否太Chur,
因為小學放學都只係2:30pm, 如果你住學校附近嘅話三點基本上返到屋企。
大把時間你安排playdate, sports, 睇書，課外活動& 少少學術。
我覺得小朋友係要有意義地occupy 佢哋嘅時間先係最beneficial, 而唔係百無聊賴無所事事就叫愉快童年。
唔贊成十全大補，放學日日去補習社嗰種，但係適量地support 下學術，我唔覺得有問題。
因為個事實就係唔係個個都可以透過探索學到好深入嘅嘢，有啲小朋友係真係要直接講俾佢聽，引導佢先會識得諗得深入啲。
坦白講我唔太鍾意IBPYP, 所以有好多位我都仲適應緊。不過我覺得ESF train independence & soft skills 真係唔錯。
只係比我再揀過嘅話，我會揀雙語同埋華人學生多的國際學校。
作者: ribenaberry 時間: 25-5-20 10:01
回覆 Thankful1010 的帖子
You have to self reflect. Why did you choose ESF/International School for your child? Because you don't want your child to have the pressures of the local school system? Happy childhood? More international outlook and way of thinking?
I think just Chinese tutition classes will be enough if you are worried about what they are able to learn at school. Primary level maths and English can be supplemented at home. There is no point in sending your kids to ESF/IS if you plan to 谷 to the max.
Primary schooling overseas (Europe/Australia/US private schools) is much more relaxed, the children will pick up everything in high school when it's needed. Relax.
It is not true that ESF primary kids learn nothing at school. They just don't do HK rote learning. Which is the point of IB and ESF.
作者: Thankful1010 時間: 25-5-20 13:43
回覆 sabsab122 的帖子
好多謝你分享呀! 
聽完你講,我地平日屋企要開始認真好好訓練下小朋友,最起碼要識點抹pat同埋最驚係地下周圍都係水,小朋友安全問題。
你地成班同學都住咁近真係好好,可以成日約出去玩, 唔知係咪因為今年TC轉龍, 所以暫時見D同學都係港九新界度度都有,大部份人黎緊都跨區返學。
好認同你話”適量地support下學術”, 因為我地就係唔想十全大補,所以先咁揀….
只係未開學, 就已經覺得好難拿捏點樣去攞個平衡,想佢可以開心有興趣咁去自學,但又可以令佢唔好太HEA,覺得每日都只係玩, 到上中學時就吃力去追。小朋友仲細…我地暫時未睇到佢係可以玩之餘,仲可以自己坐定定去學野,所以我D朋友叫我唔好放軟曬手腳,完全交比學校就諗住上到中學佢自自然然會跟到個步伐。
請問你小朋友依家係咪讀緊RC呀? 我以為小學係上到3點。
而且RC中文真係教得咁差? 聽講今年
yr 1直情唔分pathway…再上去我就唔知道, 所以希望有家長可以分享下資訊。聽朋友個小朋友讀緊另一間ESF小學, 佢話除左中文, 數學同writing都要外報…. 有少少感覺係, 唔係讀LS, 家長反而要更加清楚學校個課程同小朋友個進度,簡單D講, 就係家長要更加投入。
另外,我地都係主張閱讀, 希望之後學校同同學之間個氛圍都會係咁。
IBPYP 我都見唔少家長唔太支持,我老公睇好多資料, 佢好buy PYP,MYP, 我由聽完之前ESF 個webinar後就有好多疑惑同顧慮,不過我地因為小朋友既性格,所以都局限左好多選擇,論學校地點, 仲throughtrain讀上去, 加上IB課程個教學理念, 似乎暫時係最適合我地家庭。但最終會點,都真係要試左先知岩唔岩我地。
作者: shirkuley 時間: 25-5-21 10:56
回覆 Thankful1010 的帖子
好老實講，睇完你post，覺得你地唔ready讀esf，最好兩公婆傾好，否則之後讀完唔開心，要轉校，小朋友係最大受害者。衛生方面真係預咗唔會好，日日好污糟咁放學，家常便飯。
未戒片就真係要戒，學校唔會幫，但會比壓力你，有人因為咁而退學。
esf K 至小學都真係冇咁多學術要求，你想小朋友細個多注重學術，咁應該讀其他is或者local。
esf中學就相對大壓力，都多家長會外補，亦有學生中學發現跟唔到，最後行非學術路線。
我身邊讀過esf嘅朋友，就算想小朋友入讀esf，都唔會太細入（可以自行唸原因
有條件就遲啲先入，或者選擇其他is
你啲朋友有你朋友嘅道理，但都總有人支持esf呢套教學理念，睇你幾有決心。
作者: sabsab122 時間: 25-5-21 13:49
本帖最後由 sabsab122 於 25-5-21 13:51 編輯
Thankful1010 發表於 25-5-20 13:43
回覆 sabsab122 的帖子
好多謝你分享呀!
我小朋友唔係RC, 但係讀一間非常之多外國人嘅ESF, 所以可能係咁，中文求其得好誇張。
至於其他例如英文寫作同埋數學，我自己覺得係有需要課後要幫吓手，因為學校嗰種探究式學習，係好蜻蜓點水式咁開個頭俾你，要自己深入研究先至係真係學到嘢，但唔係個個小朋友都識得咁做。
人係有惰性，而所有良好習慣都係違反人性，所以都係靠屋企人同小朋友建立ga!
舉個例， 一開始俾個小朋友揀24x7 YouTube /打機/ 玩電話/睇電視，邊個鍾意睇書?所以唔可以懶開咗個頭。
我眼見如果只係靠學校上堂時間學習閱讀，
係好難5-6 years old 自己識得睇chapter books or 深少少嘅書。
(起碼我識嘅就全部都唔得lor! 所有睇書睇得叻嗰啲都係屋企自己support)
我指嘅適量support 學術，真係輕輕教吓，比少少練習就OK。個人覺得唔需要出去補。
因為英文寫作嗰啲，小朋友上到小學就會喺屋企成日自己寫，
我個女year 1 都喺屋企都成日自己寫書，會叫我教佢用電腦 整book cover.
咁我就會喺呢啲時候教吓佢串字同埋grammar ，
類似咁樣方法幫小朋友，就已經好夠。
作者: mandy_ng207 時間: 25-5-21 14:15
回覆 sabsab122 的帖子
你分享得十分精準樓主都看出了重點，讀IB school家長係需要更勤力主動去了解學校嘅學習，在適當時扶小朋友一把。
因為IBPYP是校本課程，每間學校嘅執行可以好唔同，而ESF係屬於無功課無考核甚至評估都無grade，如果放手跟學校真係會好lost。
ESF好處係可以自己控制學習進度，配合成長步伐；
缺點就係永遠只和自己比，連小朋友在一般同齡孩子中是甚麼程度都無法得知，但去到MYP又會有返客觀grading，到時先發現小朋友原來好多嘢唔識，要急起直追也是一種壓力。
我同意自己教吓phonics、做吓練習呢啲，其實只係為咗鞏固堂上學咗嘅嘢，同埋了解下自己小朋友程度（係唔係讀書料子）。ESF本身課程偏淺，為咗追學校進度而去補習就應該不需要了。
同埋建立良好習慣（例如閱讀）係要由屋企做起，學校只是輔助，不要依賴學校建立閱讀習慣。
幼稚園就真係可以放鬆玩，識吓朋友仔先，要support都係升小學先諗！
作者: poonseelai 時間: 25-5-21 15:13
mandy_ng207 發表於 25-5-21 14:15
回覆 sabsab122 的帖子
你分享得十分精準樓主都看出了重點，讀IB school家長係需要更勤力主動去了解 ...
ibo規定pyp不能有assessment, esf pyp 每年不是有機會同老師傾下計，了解下孩子情況？唔知完全無溝通卦？
我不是esf家長，個人意見係小學大量閱讀，撑握基本數學已足夠，其實去到year 5, 老師已經會提醒孩子上myp是不同世界，孩子year 6 (12年制)開始myp
我孩子學校year 3起有参加isa (international school assessment ) eng and math, 每個孩子有自己report, 知道位置係上中下，只作個参考
esf, 包括rc,中文只是一個subject, 家長自己要鼓勵孩子多接觸中文，聽歌也是一個選擇
作者: clkam 時間: 25-5-21 18:33
poonseelai 發表於 25-5-21 15:13
ibo規定pyp不能有assessment, esf pyp 每年不是有機會同老師傾下計，了解下孩子情況？唔知完全無溝通卦？ ...
對，RC小學也會有international assessment, 上學校網站可見。Y1,2有BASE，但只供學校用，家長不會也不需知結果。Y3有primary insight assessment, Y4有ISA， Y6就兩者都會做，呢幾個英數評估不需準備，但結果會分享家長，等家長也能及時清楚小朋友有咩弱處要跟進，都是家校合作的。
平日全年，課室內會有pre and post assessment, 起碼高小會有，我感覺開始類似MYP模式有formative and summative. 雖然家長也不會知評估如何，但我相信強弱會反映在每年兩次report 同3WC。
作者: poonseelai 時間: 25-5-21 19:40
clkam 發表於 25-5-21 18:33
對，RC小學也會有international assessment, 上學校網站可見。Y1,2有BASE，但只供學校用，家長不會也不需 ...
本帖最後由 poonseelai 於 25-5-21 19:49 編輯
曾有家長問有無isa pass paper, 老師也強調無須準備, 正正要孩子發揮平日水平, 再睇下那方面要改進, 如果家長好強調成績, 睇結果, ib 模式未必是那杯茶
作者: mandy_ng207 時間: 25-5-21 21:28
poonseelai 發表於 25-5-21 15:13
ibo規定pyp不能有assessment, esf pyp 每年不是有機會同老師傾下計，了解下孩子情況？唔知完全無溝通卦？ ...
老師咪乜嘢都話好囉，我都冇聽過佢話學生讀唔掂嘅～
去到year 6先至開始交代少少學術，有張紙話俾我知小朋友各科（英文、數學、閱讀、作文）是什麼程度（終於有啲數字可以睇），之前3WC都係小朋友佔大半時間，老師就講兩句話佢OK。
我一考英國寄宿學校，即刻出事，其實考唔考到唔係最重要，報錯Tier嘅學校先至最無奈。
作者: mandy_ng207 時間: 25-5-21 21:37
clkam 發表於 25-5-21 18:33
對，RC小學也會有international assessment, 上學校網站可見。Y1,2有BASE，但只供學校用，家長不會也不需 ...
本帖最後由 mandy_ng207 於 25-5-21 21:57 編輯
其實學校裏面學生嘅Range好大⋯
如果沒有親自返學校做義工，係好難知道的，原來大家嘅「OK」程度可以差唔少。
叻嘅同學都真係幾叻，至於佢哋屋企有冇support，我就唔敢講係冇囉，只係唔出去補習啫～
作者: poonseelai 時間: 25-5-21 22:45
mandy_ng207 發表於 25-5-21 21:28
老師咪乜嘢都話好囉，我都冇聽過佢話學生讀唔掂嘅～
去到year 6先至開始交代少少學術，有張紙話俾我知小朋 ...
isa 無個人report? 如果有大概知在什麼range
作者: Radiomama 時間: 25-5-21 22:49
mandy_ng207 發表於 25-5-21 14:15
回覆 sabsab122 的帖子
你分享得十分精準樓主都看出了重點，讀IB school家長係需要更勤力主動去了解 ...
本帖最後由 Radiomama 於 25-5-21 22:57 編輯
你都分享得好精準！
要認識自己嘅孩子去到邊個程度真係唔容易，如果身邊有一班一齊成長又願意分享的家長，咁就最理想。
作者: Radiomama 時間: 25-5-21 23:03
poonseelai 發表於 25-5-21 22:45
isa 無個人report? 如果有大概知在什麼range
我仔以前有，RC會派individual 成績
作者: clkam 時間: 25-5-22 07:06
Radiomama 發表於 25-5-21 23:03
我仔以前有，RC會派individual 成績
其實而家都仲有呀，primary insight, ISA都係個人報告來，每年college council meeting minutes也見有簡單分析下個一年學校結果如何，其實大概了解到小朋友在校位置，同埋有咩弱科，但當然呢種同要考英國學校要求如何比較，我就唔清楚，可能個差距大，所以mandy有呢個情況。
至於每年兩份老師評估，我都相信真係好差老師才會開口的，而international assessment結果出左來，家長又會否/知道可以點改進，就真係好睇家長個人，我覺得學校會特別輔助個條線應該係好差才會。
作者: clkam 時間: 25-5-22 07:11
mandy_ng207 發表於 25-5-21 21:37
本帖最後由 mandy_ng207 於 25-5-21 21:57 編輯
其實學校裏面學生嘅Range好大⋯
差距大我都明白的，越上高年級個range更大，想追仲難，但同時我都唔敢講係由y1或更細已外補的就會能力評估結果好，我覺得方向方法不正確其實也沒幫助，只浪費了時間金錢，所以讀IBPYP都真好靠家長去assess小朋友欠了什麼對症下葯，international assessment我覺得係俾到個idea家長。
作者: Radiomama 時間: 25-5-22 07:29
clkam 發表於 25-5-22 07:11
差距大我都明白的，越上高年級個range更大，想追仲難，但同時我都唔敢講係由y1或更細已外補的就會能力評估 ...
你的看法完全正確，”家長support” 就是要這樣；太早安排課外補習，可能無補於事。
成績差距是有，但太早發力的同學到IBDP時出現怠倦情況也是時有的事，小學嘅時候keep住多閱讀少（甚至無）手機是我的方法，MYP時要知道佢嘅強弱，數理邏輯及語言能力兩雙發展。
其他新手家長可以多問，但要控制自己的想法，忌操之過急。
作者: clkam 時間: 25-5-22 08:23
mandy_ng207 發表於 25-5-21 21:37
本帖最後由 mandy_ng207 於 25-5-21 21:57 編輯
其實學校裏面學生嘅Range好大⋯
學習好的同學，我當然肯定家庭會support, 好似以閱讀為例，就算學校幾promote reading, 都好必要家庭積極配合才會成功，不能靠單方面依靠學校就想成功，但同時，我都好appreciate學校由低小至高小推動小朋友閱讀所出的力，絕對比我自己在家推動有幫助，更加不是外補能達到。我覺得學科成績都是校內外相輔相成。
作者: 964000 時間: 25-5-22 09:27
無論甚麼學校，家庭影響當然重要，自細睇書定打機，家庭對學業的重視，對交功課的態度等，都已經會產生不同結果，另外亦有好大部分小朋友天資和學習能力不同。
作者: Thankful1010 時間: 25-5-22 13:48
非常多謝大家既分享!
讀IB, 父母要比讀LS嘅投入去了解小朋友喺學校嘅情況同學習進度, 呢點我自己近半年在唔同朋友既情況都了解到。
父母對讀緊LS既小朋友,偏向十全大補, 全權交比學校同補習班不停催谷學術,到出考試成績或評估報告時,有咩唔達標就針對加強外補,無限輪迴到考DSE ;
另一邊讀緊IS既,父母明顯地”完全”信服PYP, 唔清楚小朋友在學情況,比小朋友自由發展, 父母著眼點樣填滿小朋友放學後既空餘時間,去上興趣班(非學術)或最多都係學下phonics, 同有充足既時間比小朋友閱讀, 見佢地屋企零中文書,
父母表示上到MYP會全力幫小朋友谷一谷,唔得就放棄中文, 轉線去學西班牙文或法文。
我相信兩邊家長各有自己理念, 無對與錯。
未正式接觸IB, 暫時個人感受係: 選擇比小朋友讀IB, 除左父母要相信個教學理念之餘,新手如我既家長, 就一定要好花心機同時間去觀察小朋友既發展,至於去到邊個位應該出手去幫小朋友一把,同點樣去幫
(屋企教定外補),我地暫時都係摸石過河,聽下過來人, 好似大家有經驗既分享,同埋希望學校(兩年後RCHK)之後可以比多些機會家長去參與學校既活動同講座,等我地可以多了解小朋友在學校各方面既情況去配合小朋友需要
。
作者: mandy_ng207 時間: 25-5-22 14:15
回覆 Thankful1010 的帖子
一般國際學校都有好多講座俾家長參加，又有得返學校做義工，有心嘅話係一樣可以好清楚學校情況。不過full-time mom會著數啲，因為啲講座一係就朝頭早8:30-9:30,一係就夜晚6:00-7:00，做義工又係school hours, working mum嘅話好大機會要請假出席。
自己讀local school出身，一直以為教學嘅工作係屬於學校，當年我媽只係睇家課冊幫我溫習，睇成績表知道我强弱項，讀得好嘅話基本上父母唔使點理；
讀IS係另一套思維，老師係放手比家長groom小朋友做一個點樣嘅人，家長就要幫手定立呢個目標同埋揾合適方法幫小朋友achieve。佢哋重視learning skills多過product，所以啲report都係只會寫小朋友achieve咗啲乜，（例如3歲識自己刷牙），成個小學都少quantitative grading（例如啲牙刷得有幾白），令小朋友集中自己的成長，不需和他人比較。
另外就係你話小朋友讀IS會唔會有熱愛學習、自發學習嘅動力，呢樣嘢都係睇家長的，學校係輔助。
不過至少唔會似local school咁令人厭倦學習，呢個係真！
作者: supervi 時間: 25-5-26 10:50
請問今年RC year 1 有幾多班?
作者: Thankful1010 時間: 25-5-27 09:19
回覆 supervi 的帖子
之前去展覽, ESF 果邊有提到Y1有 16X 個學位, 所以應該大約6班? 有無在讀生家長可以求證一下?
題外話, 今年八月上ESF K1的小朋友之後會直上RCHK, 學校話ESF K1 今年學額係144個, 唔知道RCHK會否繼續保留果廿幾個學位比外來生, 定改原校144 個小朋友升上去, 唔額外再收生呢?
作者: Thankful1010 時間: 25-5-27 09:33
回覆 mandy_ng207 的帖子
我地已經預左要攞假去參加多D學校既活動，希望同學校仲有其他家長可以有多D交流，了解下小朋友學校既生活。
好認同你所講，讀IS 家長要更加投入小朋友既成長發展。同佢地一齊定立目標同揾合適方法幫小朋友!
作者: mandy_ng207 時間: 25-5-27 10:38
回覆 Thankful1010 的帖子
我估點都有啲位收教職員仔女
下一個priority就兄弟姊妹
跟住先到INR
其他都應該唔駛諗～
作者: Radiomama 時間: 25-5-27 11:58
RC 一直都係開六班，每班28人，所以每級有168名額。
幼稚園的學生又未必只揀ESF的小學，所以一定有少少學額for 其他人士。
作者: clkam 時間: 25-5-27 12:46
Thankful1010 發表於 25-5-27 09:19
回覆 supervi 的帖子
之前去展覽, ESF 果邊有提到Y1有 16X 個學位, 所以應該大約6班? 有無在讀生家長可以 ...
暫時所見來緊開學的Y1都係六班。
作者: hlmami 時間: 25-6-2 19:12
Radiomama 發表於 25-5-27 11:58
RC 一直都係開六班，每班28人，所以每級有168名額。
幼稚園的學生又未必只揀ESF的小學，所以一定有少少學額 ...
以後有RCK係唔同左，因為全間幼稚園都係直上RC
作者: Thankful1010 時間: 25-6-3 11:22
回覆 hlmami 的帖子
咁即係如果原校144個學生, 全部學生揀直升RCHK, 咁咪連插班都無機會? 之後如果少左外校生, 唔知十幾年後個IB成績又會點樣呢?
作者: hlmami 時間: 25-6-3 11:28
Thankful1010 發表於 25-6-3 11:22
回覆 hlmami 的帖子
咁即係如果原校144個學生, 全部學生揀直升RCHK, 咁咪連插班都無機會? 之後 ...
Y1入既位會得返好少，其實學校成績同外校生無乜關係，插班位一向都唔多
作者: Thankful1010 時間: 25-6-4 14:51
回覆 hlmami 的帖子
原來我之前誤會左你意思, 以為你話學校公佈左之後收曬原校升上去就唔再收插班
。咁Y1應該都仲有廿零個可以入。
作者: Froria 時間: 25-6-15 11:31
本帖最後由 Froria 於 25-6-15 11:35 編輯
delete
作者: Froria 時間: 25-6-15 11:36
回覆 Thankful1010 的帖子
過來人奉勸你唔好入，有啲金錢唔係sen最好選擇其他學校。我地讀完好後悔轉走了
其實身邊家長群大部分都係讀著esf同時報讀其他，有其他offer都會選擇其他。
有啲冇後路，讀讀下唔對路都會考慮轉走。
esf non- selective，啲學生參差，唔係個個都轉到走，咁就只能繼續讀。
網絡上好多聲音追捧esf，每年都有人主動開group去宣傳學校。
我地當初就係因為呢啲聲音而選擇入esf
作者: mychengaa 時間: 25-6-16 07:02
回覆 Froria 的帖子
咁誇張？可唔可以詳細講講咩事？同埋轉咗去邊間？
作者: Radiomama 時間: 25-6-16 07:37
Froria 發表於 25-6-15 11:36
回覆 Thankful1010 的帖子
過來人奉勸你唔好入，有啲金錢唔係sen最好選擇其他學校。我地讀完好後悔轉走了
你喺另一個post講讀ESF搞到孩子尿道炎，深表同情。
不過究竟講緊幼稚園衞生間嘅問題、學校疏於照顧，定小學嘅學習種種問題呢？
你又提到網上追捧ESF, 其實ESF出名多校舍，所以多學生，網上多討論啫，佢嘅定位一直都係「平民化嘅國際學校」，設施教學都只屬中等，較富貴的家庭真的可考慮條件更好嘅學校。選學校真係要小心，唔好誤聽網上之言。
作者: ballroundroll 時間: 25-6-17 21:26
Froria 發表於 25-6-15 11:36
回覆 Thankful1010 的帖子
過來人奉勸你唔好入，有啲金錢唔係sen最好選擇其他學校。我地讀完好後悔轉走了
轉唔走果啲 都可能要慶幸自己non-selective入到
作者: Thankful1010 時間: 25-6-20 14:00
多謝大家分享！老實講，我地係target RCHK，所以先會因為ESF TC 今年變龍校直上RCHK而報考TC，暫時都真係聽唔少家長對ESF kinder嘅負評校內衛生安全、甚至話雨天會有大量screen time睇卡通片都見到。不過似乎唔同分校都有唔同情況，實際情況都要真係試左先知，希望開學後小朋友可以健康開心咁享受校園生活。
題外話，呢排有家長分享到話RCHK個校內語境愈來愈差，小朋友英文唔ok,所以轉校，講到話基本上依家都係收香港人為主，甚至有家長話黎緊西沙RCK收生將會變成100%收local學生，利申：我地鍾意RCHK其中兩個原因係因為佢地收本地生比例有7成以上，而且中文教繁體，不過比得呢個學費，我係期望學校個英文語境同埋小朋友個英文水平會同普通本地學校唔同，有家長可以解答下嗎？謝謝！
作者: 964000 時間: 25-6-20 18:00
Thankful1010 發表於 25-6-20 14:00
多謝大家分享！老實講，我地係target RCHK，所以先會因為ESF TC 今年變龍校直上RCHK而報考TC，暫時都真係聽 ...
魚與熊掌，有時好難兼得
如果你要自細中文水平有咁上下仲要繁體，就通常係本地生多，相對平均英文水平冇native level係正常，但相信點都會高過本地學校或名校，始終IS老師都係NET有語境，而且課程係English as first language, 本地課係second language，你比較下啲reader都淺好多。
作者: mrsB 時間: 25-6-20 18:35
回覆 Thankful1010 的帖子
唔清楚「語境越來越差」係咩意思。 RC一向香港學生較多，但除中文堂外，全部課堂都係英文。 小朋友日常溝通都係講英文。 家長們通常只有擔心小朋友唔肯講中文，而較少需要擔心英文。 咁當然就算大家都講英文，口音/表達都會因人而異，閱讀/寫作等就更加有可能有分別。 但學校好鼓勵閱讀，小朋友一般有大量時間可以睇書，同埋上堂有好多 classwork 會做會寫。
見你對學校好有興趣但都比較多擔心。有無去過 school tour? 學校每年亦有 fun day open to public，會有學生表演，同埋中學生負責d 遊戲 booth，可以去睇下參與下感受下。
作者: Radiomama 時間: 25-6-20 21:57
Thankful1010 發表於 25-6-20 14:00
多謝大家分享！老實講，我地係target RCHK，所以先會因為ESF TC 今年變龍校直上RCHK而報考TC，暫時都真係聽 ...
唔知道你講RCHK 語境係咩情況，不過同意樓上講，親自參加school tour 或open day，讓自己及孩子感受一下學校先啦。反正你的孩子才是準備入K1, 還有時間睇清楚邊間學校才適合自己。
作者: Thankful1010 時間: 25-6-21 17:02
多謝意見呀🙏🏻 其實school tour 同fun day都去左呀！小朋友都好鍾意，只係小朋友仲細，而且性格太活躍好動，所以有好多唔同顧慮🙏🏻
| 歡迎光臨 教育王國 (/) |
Powered by Discuz! X1.5 |