教育王國
標題: 有過來人可給我一些意見嗎？ [打印本頁]
作者: sabsab122 時間: 25-3-28 12:01 標題: 有過來人可給我一些意見嗎？
本帖最後由 sabsab122 於 25-3-28 12:24 編輯
先說我的情況，
孩子其實由K1 已經是ESF,
現在已經升小，雖然很滿意學校培養孩子soft skills等技能，
家校溝通也充足，而且資源豐富，隨時可調派不同學校的專才或出色的學生到校表演和交流，
但我也有一個concern,
就是non selective 的情況底下，真的很多SEN,
剛巧ESF 的SEN support 是做得不錯的，而且學術方面沒有嚴謹要求，所以吸引了很多這類學生，不論是行為情緒問題的，還是讀寫障礙的。有些是父母完全放手不管的。
我孩子是比較文靜被動，但學習能力不錯。
可是她也是容易受影響的，她一路長大的時候，眼見周邊的同學六歲多完全唔識字和簡單加減數也不懂，她開始也對自己沒有什麼學術上的要求，常常給別人抄功課，覺得已經很叻。但我想他知道天外有天、人外有人，
所以才想說給她轉另一間比較有篩選的學校，亦想找一間比較着重中文的。
所以想揀SIS, 但似乎在這個page 沒有新加坡國際的家長。
也有考慮過轉CAIS, 聽說教學是比較structured, 中文程度深一些，有宗教背景規範着孩子的行為。
可是行Alberta 的，
我自己心儀的是IB中學curriculum ,
但小學是類似英制的structured curriculum,
不會考慮蘇浙了，雖然小學好，但中學真的麻麻地。
NAIS, FIS, GSIS 太whitewashed 和不重視中文也不考慮。
CIS 又太貴。
其實最心儀的是VSA, 但好像這間根本不是在考孩子，而是在看家長有沒有認識校董和買債券。所以機會渺茫。
所以另一個符合我要求的可能只是SIS,
但又怕其實新加坡國際好像是讀本地直私一樣，很多功課默書和測考，不重soft skills / confidence development
有沒有人跟我一樣的concern 而轉校的呢？
我孩子在ESF認識很多好夾的好朋友，師生/學長全部都很友善關愛，所以就算她很內向害羞，soft skills 和自信心也develop 得不錯。當然我也明白這是因為學校不重成績，沒有比較，所以孩子們之間都是真摯的交流，會互相扶持鼓勵。其實她自己也不願轉校的。（但是她很乖巧，我要她𨍭她一定會聽）
所以我也不知道應該留原校觀察，還是全力預備她考SIS?
謝謝各位。
作者: poonseelai 時間: 25-3-28 13:58 標題: 回覆樓主：
本帖最後由 poonseelai 於 25-3-28 14:10 編輯
ek有SIS家長, 唔多, 你先search下以前的討論
如果重視中文, 為何最初選esf? vsa 申請小一債券有優先, 其他年級也要經過考試, 債卷有幾大影響？
esf 中 RC 最啱你
作者: sabsab122 時間: 25-3-28 14:18
本帖最後由 sabsab122 於 25-3-28 14:19 編輯
poonseelai 發表於 25-3-28 13:58 
ek有SIS家長, 唔多, 你先search下以前的討論
如果重視中文, 為何最初選esf? vsa 申請小一債券有優先, 其他 ...
當初揀ESF 的原因可能有點無謂，只是因為她年尾出世，不想她遲一年入學。而且讀幼稚園的時候，我是滿意的。
只不過大大下，覺得原來學校咁多SEN ，係影響學習氣氛氣。
請問RC 是selective 一點的學校嗎？
作者: chunting34 時間: 25-3-28 14:36
sabsab122 發表於 25-3-28 12:01
先說我的情況，孩子其實由K1 已經是ESF, 現在已經升小，雖然很滿意學校培養孩子soft skills等技能，家校溝 ...
可以一路讀住ESF，一路試考你心儀嘅學校，不過就要equip好小朋友嘅writing同maths，考插班唔容易。
CAIS個課程ok，中學可以考IB。
VSA、SIS要考埋中文，如果平時無補開應該唔夠呢。
作者: poonseelai 時間: 25-3-28 15:06
sabsab122 發表於 25-3-28 14:18
當初揀ESF 的原因可能有點無謂，只是因為她年尾出世，不想她遲一年入學。而且讀幼稚園的時候，我是滿意的 ...
申請RC同其他esf school好似一樣，相對重視中文，屬 private independent school, 所以至少7成local students
作者: hellobabeiloveu 時間: 25-3-28 15:17
如果錢唔係一個問題 ISF 可能係一個唔錯嘅選擇
IB + 注重中文 + academic focus
我有朋友嘅小朋友讀緊
都幾好
不過比較貴 同比 ESF chur
作者: behd 時間: 25-3-28 17:39
版主是那一間ESF? 小學每班最多2-3 SENS,同埋有些學科sen 同其他同學分開上堂。
作者: 964000 時間: 25-3-28 20:01
sabsab122 發表於 25-3-28 12:01
先說我的情況，孩子其實由K1 已經是ESF, 現在已經升小，雖然很滿意學校培養孩子soft skills等技能，家校溝 ...
我有朋友情況和你相似，ESF轉了去ISF, 但又似乎覺得太谷（尤其中文），之後轉了去CKY, 已中學似乎OK.
難道ESF一條龍升小之後收多了SEN? 睇邊間，多啲華人始終理念相近，始終會緊張成績㗎嘛，所以考慮SJS升SC或者RC。
我覺得VSA都係正常插班咁考，中途總有人會走，心儀咪試下,不需要買債券。
SIS你可能過去小紅書個邊睇會多啲人答，我見佢同其他國際學校唔同嘅地方，喺學校裏面有一間小書局，成間都專賣中小學生的練習
作者: 木子兔媽媽 時間: 25-3-28 22:28
個人以為，如果只係中學行IB,小學可以揀比較selective (未必IB)的，去唔同學校參觀 / interview 下，可以多啲選擇
作者: chunting34 時間: 25-3-29 06:56
behd 發表於 25-3-28 17:39
版主是那一間ESF? 小學每班最多2-3 SENS,同埋有些學科sen 同其他同學分開上堂。
...
每班真係用到official SEN quota同support嘅無2-3咁多，反而樓主講嘅讀寫障礙、家長唔理嘅、或者輕微ADHD嘅仲多
作者: 莫失莫忘 時間: 25-3-29 07:14
964000 發表於 25-3-28 20:01
我有朋友情況和你相似，ESF轉了去ISF, 但又似乎覺得太谷（尤其中文），之後轉了去CKY, 已中學似乎OK.
難 ...
作者: sabsab122 時間: 25-3-29 08:46
本帖最後由 sabsab122 於 25-3-31 22:47 編輯
chunting34 發表於 25-3-29 06:56
每班真係用到official SEN quota同support嘅無2-3咁多，反而樓主講嘅讀寫障礙、家長唔理嘅、或者輕微ADHD ...
正確。而我個間ESF係白人偏多，雖然係有好處，就係運動及閱讀氣氛真係濃厚，sports days 係rugby seven 咁樣，勁開心，而非常着重閱讀，高年級的哥哥姐姐成日介紹我女兒看書，亦都成日讀書俾佢聽。我每次去去學校都有一種返咗英國讀書嘅開心感覺，簡單來說就是vibes 夾。
但唔好處就係，啲家長係完全唔理小朋友行為情緒學業等問題，
低年級輕則就唔識字文盲狀態，重則就係會騷擾人，例如喺我個女嘅lunch box 吐口水，抱着我女兒強吻，上堂無啦啦除褲等等。我喺外國讀過書都明白呢啲都係好典型嘅鬼仔行為。
但小朋友慢慢大，
我知道朋輩嘅影響只會越嚟越深，所以想趁佢仲細個幫佢轉一間稍為有篩選多啲嘅學校。
ISF 對我們來說太貴了，
VSA/ SIS 這些學費還可以。
只是另一個考慮係，
女兒較內向文靜，而且不善交際，好不容易才識了一大班朋友，不論是校車上的，隔籬班的，還是不同年級的哥哥姐姐。
昨天我跟她討論這個問題時，
她很不開心地說：「咁我冇晒啲朋友囉？」
我心其實酸了一下，
覺得我應否因為學術成績，而捨棄培養soft skills , confidence, social skills 都不錯的學校嗎？
還是升上高年級的時候（尤其是中學）
會有很多local School的名校新加入，校風會截然不同呢？
所以想請各位分享意見，
謝謝。
作者: sabsab122 時間: 25-3-29 09:04
回覆 sabsab122 的帖子
我喺度諗，重Soft skills, confidence and social Skills building , 和大愛包容嘅學校，
係咪同着重成績同勤力呢種華人風氣，
其實係魚與熊掌，不可兼得的呢？
我是否貪心咗少少，這種學校其實都不存在的呢？
作者: 木子兔媽媽 時間: 25-3-29 09:22
sabsab122 發表於 25-3-29 09:04
回覆 sabsab122 的帖子
我喺度諗，重Soft skills, confidence and social Skills building , 和大愛包容嘅 ...
不是，這樣的學校是有的. 不過要你小朋友真的ready去轉校. 慢慢school search 1下吧
作者: Adiezz 時間: 25-3-29 09:35
現在幾年級？
SIS和 VSA 都係照考就得，唔使諗咁多。Student mix同ESF完全唔同。
作者: 964000 時間: 25-3-29 10:16
莫失莫忘 發表於 25-3-29 07:14
可以問下你朋友幾小朋友幾歲/年級由ESF 轉去ISF嗎？
初小轉過去
作者: sabsab122 時間: 25-3-29 10:28
Adiezz 發表於 25-3-29 09:35
現在幾年級？
SIS和 VSA 都係照考就得，唔使諗咁多。Student mix同ESF完全唔同。
Adiezz 發表於 25-3-29 09:35
現在幾年級？
SIS和 VSA 都係照考就得，唔使諗咁多。Student mix同ESF完全唔同。
所以知道考year 2會好難：（
作者: chunting34 時間: 25-3-29 11:30
sabsab122 發表於 25-3-29 08:46
正確。而我個間ESF係白人偏多，雖然係有好處，就係運動及閱讀氣氛真係濃厚，sports days 嘉年華一樣，勁開 ...
明白你嘅想法呀。其他同學文盲狀態，其實都會影響左老師教學時間嘅分配，因為老師都唔想佢地lag behind太多。行為問題就更加直接影響，如果遇到嚴格啲嘅班主任會好少少。
朋友分享過，去到中學(佢讀KGV)，差異越黎越大，不過學生會慢慢分批，自律同想讀書嗰批會努力學習，無興趣讀嗰批會繼續按自己嘅pace，學校都好包容。
你有無睇過CDNIS同Malvern呀？睇下符唔符合你要求。聽聞ICS都係好學校，你可以了解埋。
作者: 「路路」 時間: 25-3-29 12:09
sabsab122 發表於 25-3-29 09:04
回覆 sabsab122 的帖子
我喺度諗，重Soft skills, confidence and social Skills building , 和大愛包容嘅 ...
作者: ol_bb 時間: 25-3-29 12:10 標題: 回覆樓主：
本帖最後由 ol_bb 於 25-4-1 06:57 編輯
我小朋友讀緊嗰間都算接近要求（重視中文、成績), 不過唔響港島區，細校少啲人識。
作者: sabsab122 時間: 25-3-29 13:06
「路路」 發表於 25-3-29 12:09
你要去到咁完美就一定無可能，但淨係想搵著重成績同soft skills果啲，就仲有唔少選擇，基本上你行IB條路sof ...
因為學生程度一樣都是參差嗎？
作者: poonseelai 時間: 25-3-29 13:10
sabsab122 發表於 25-3-29 10:28
ESF year 1, 剛Miss 了VSA / SIS mass intake year ，
所以知道考year 2會好難：（
你不是興發街維幼, 又無其他priority, vsa mass intake機會都唔大, 如要插班中文較強的學校, 一邊申請一邊鼓勵下孩子多看中文書, 多聽多看
作者: 「路路」 時間: 25-3-29 13:51
本帖最後由 「路路」 於 25-3-31 11:39 編輯
sabsab122 發表於 25-3-29 13:06
請問你指爭奔頭而有中文的IB 學校是除了VSA/ CKY/ SIS, 還有那些？為什麼入到去落差也會很大呢？
因為學生 ...
因為入到去都係2種家長/同學，1種佛系、另1種就係谷到暈，aim 45分，40分以下都覺得失敗，佢哋付出嘅金錢、時間同努力，唔係個個接受到，如果入到去你可以堅持獨善其身，行自己嘅pace，咁就無問題，否則出現呢個落差就係點解明明脫離左填鴨式教育，但為左成績課餘時間都要補習。
補充：佛系唔係話佢哋成績唔好，3x 分好基本
作者: celineparents 時間: 25-3-29 15:52 標題: 已删
本帖最後由 celineparents 於 25-4-2 10:46 編輯
已删
作者: lastpass 時間: 25-3-29 17:03
sabsab122 發表於 25-3-29 08:46
正確。而我個間ESF係白人偏多，雖然係有好處，就係運動及閱讀氣氛真係濃厚，sports days 嘉年華一樣，勁開 ...
本帖最後由 lastpass 於 25-3-29 17:08 編輯
你讀邊間esf?吐口水我諗冇人接受到，是否學校discipline上出現了什麼問題？ 我小朋友qbs畢業，sen學生班裡是有一至兩個，他們有shadow teacher。數學我記得有需要的學生是會抽離，EA教之類。老師都管得嚴。有冇同老師溝通下你的concern？
PS 有冇考慮過轉另外一間esf讀？
作者: Radiomama 時間: 25-3-29 17:13
有冇考慮ESF internal transfer？Shatin Junior 可能係你杯茶。
作者: Adiezz 時間: 25-3-29 20:18
sabsab122 發表於 25-3-29 10:28
ESF year 1, 剛Miss 了VSA / SIS mass intake year ，
所以知道考year 2會好難：（
VSA Y1 係 K2 下學期考，就算讀VEO都難考；SIS mass intake 係PY1。Year 1後都係照考插班，睇有無機會。或者到G6係另一個Mass intake 機會。
ESF 可以申請internal transfer 去RC。
作者: Adiezz 時間: 25-3-29 20:20
celineparents 發表於 25-3-29 15:52
我女兒是幼兒園到Y6都就讀于KCIS，無任何的外補，除了少量的中文功課每天都有，到Y5都沒有其他功課拿回家， ...
VSA 面試都係睇表現，邊有咁多靠關係。Y6係 mass intake，多人轉校。
作者: sabsab122 時間: 25-3-29 22:03
本帖最後由 sabsab122 於 25-3-29 22:05 編輯
Radiomama 發表於 25-3-29 17:13
有冇考慮ESF internal transfer？Shatin Junior 可能係你杯茶。
無，non- selective 我諗間間都差唔多，有朋友在SJS, 都係話成日打架，year 1 打到全校出email 。
同我個間唔同嘅, 只係SJS 無外國人讀的。
反而我在想，為什麼咁non- selective, 去到公開試成績可以咁亮麗？
平均分都36.
D 學生點樣喺呢個氛圍底下都出淤泥而不染，繼續專心讀書？
點解香港本地band 3 又做唔到咁，－定係band 1 學校出狀元呢？
有冇人可以分享下ESF 上到中學嘅學習風氣係點？
Thx
作者: poonseelai 時間: 25-3-29 22:08
sabsab122 發表於 25-3-29 22:03
無，non- selective 我諗間間都差唔多，有朋友在SJS, 都係話成日打架，year 1 打到全校出email 。
同我個 ...
esf並非全部學生考ibdp, 去年有800+ 考ibdp, 另有超過100人考BTEC or ib certificate/career programme
作者: chunting34 時間: 25-3-30 08:28
poonseelai 發表於 25-3-29 22:08
esf並非全部學生考ibdp, 去年有800+ 考ibdp, 另有超過100人考BTEC or ib certificate/career programme
...
本帖最後由 chunting34 於 25-3-30 08:42 編輯
我之前都以為ESF全部考IBDP, 不過朋友話上年KGV其實有17%考BTEC/ IBCP, 要睇year book先知, 所以佢話就算讀唔到書都可以繼續跟自己嘅pace
請問VSA, SIS, CDNIS, ISF係全部都考IBDP的嗎？
作者: 964000 時間: 25-3-30 11:45
sabsab122 發表於 25-3-29 22:03
無，non- selective 我諗間間都差唔多，有朋友在SJS, 都係話成日打架，year 1 打到全校出email 。
同我個 ...
ESF的non selective 又同band 3 不同，入得ESF的始終係中產家庭(某程度已select 咗），而且學生spectrum 包括band1-3（有資優program), 又有BTEC可以不考IB (上面話有17%人不考, 排除了最底的人），另外有班人覺得唔適合IB自然會出國（例如不喜歡寫野present 做project)。
作者: poonseelai 時間: 25-3-30 12:18
chunting34 發表於 25-3-30 08:28
本帖最後由 chunting34 於 25-3-30 08:42 編輯
我之前都以為ESF全部考IBDP, 不過朋友話上年KGV其實有17 ...
我孩子那屆vsa有少數考ib certificate, 包括準備考入arts schools, 可以花多D時間準備portfolio
作者: Radiomama 時間: 25-3-30 15:55
sabsab122 發表於 25-3-29 22:03
無，non- selective 我諗間間都差唔多，有朋友在SJS, 都係話成日打架，year 1 打到全校出email 。
同我個 ...
本帖最後由 Radiomama 於 25-3-30 20:18 編輯
~Deleted~
作者: poonseelai 時間: 25-3-30 16:13
Radiomama 發表於 25-3-30 15:55
我哋一直在RC, 個vibes同Shatin Junior/ Shatin College類似，紀律問題可能間間學校都有啲，最緊要知道自 ...
esf 800+ 學生, 平均36, 我覺得好好 
作者: 木子兔媽媽 時間: 25-3-30 17:31
sabsab122 發表於 25-3-29 22:03
無，non- selective 我諗間間都差唔多，有朋友在SJS, 都係話成日打架，year 1 打到全校出email 。
同我個 ...
因為local school 不用學費
作者: sabsab122 時間: 25-3-30 18:47
poonseelai 發表於 25-3-30 12:18
我孩子那屆vsa有少數考ib certificate, 包括準備考入arts schools, 可以花多D時間準備portfolio
...
另外想請問，VSA 和CKY 學校氣氛有不同嗎？
還是這兩間是差不多的？
謝謝。
作者: poonseelai 時間: 25-3-30 19:37
sabsab122 發表於 25-3-30 18:47
不好意思，我忘了，你孩子是否之前也是在ESF , 之後才轉過去VSA? 什麼時候轉？中文如何保持水平？
另外想請 ...
我哋係維幼之後vsa
無讀過cky唔知氣氛有何不同, 如果單看management committee and teaching staff 外籍人士比例, vsa較多
作者: 莫失莫忘 時間: 25-3-31 11:29
964000 發表於 25-3-29 10:16
初小轉過去
作者: 「路路」 時間: 25-3-31 11:57
sabsab122 發表於 25-3-30 18:47
不好意思，我忘了，你孩子是否之前也是在ESF , 之後才轉過去VSA? 什麼時候轉？中文如何保持水平？
另外想請 ...
作者: 「路路」 時間: 25-3-31 12:36
chunting34 發表於 25-3-30 08:28
本帖最後由 chunting34 於 25-3-30 08:42 編輯
我之前都以為ESF全部考IBDP, 不過朋友話上年KGV其實有17 ...
作者: sabsab122 時間: 25-3-31 13:01
本帖最後由 sabsab122 於 25-3-31 13:01 編輯
「路路」 發表於 25-3-31 12:36
IBCP 係學術要求方面相對比起IBDP 易幾多下，如果學校想做高IB平均分，就會叫成績較遜o既同學轉IBCP，名就 ...
想請教一下，是否睇吓間學校其實有幾多學生係考IBCP，來定義讀唔到書人嘅人是否佔很多呢？這樣的話，KGV 成17%沒有考IBDP, 咁即係其實間學校應該係咁多間ESF中學裏面最差的，
這樣評估合適嗎？謝謝你
作者: sabsab122 時間: 25-3-31 13:04
poonseelai 發表於 25-3-30 19:37
我哋係維幼之後vsa
無讀過cky唔知氣氛有何不同, 如果單看management committee and teaching staff 外籍 ..
VSA 好像比較接近國際學校。
作者: poonseelai 時間: 25-3-31 13:23
sabsab122 發表於 25-3-31 13:01
想請教一下，是否睇吓間學校其實有幾多學生係考IBCP，來定義讀唔到書人嘅人是否佔很多呢？這樣的話，KGV ...
另一角度想, 如果孩子能力未能取到ib diploma, 而比佢讀, 到時會否兩頭唔到岸？ ib certificate 唔係易好多, 唔記得只是學生可選擇唔修TOK/EE, 定讀少過6科？
作者: sabsab122 時間: 25-3-31 13:25
其實轉校考慮都不完全只看成績，而是想揀一間多一點篩選的學校。
始終讓養女孩子跟男孩子不同，不太有空間行差踏錯，所以想揀一間大家都會着緊孩子品行和學習態度的學校。
老實說，得五歲多，我真的從來沒有expect過粗口手勢和foul language 是從學校聽返來的，
當然我女兒知道這些是bad words，她也只是在問我是什麼意思。
但係我心入邊其實很詫異。
作者: poonseelai 時間: 25-3-31 13:27
sabsab122 發表於 25-3-31 13:01
想請教一下，是否睇吓間學校其實有幾多學生係考IBCP，來定義讀唔到書人嘅人是否佔很多呢？這樣的話，KGV ...
本帖最後由 poonseelai 於 25-3-31 13:34 編輯
唔好話人讀唔到書啦, 每個孩子能力唔同, 正如target arts schools的孩子 portfolio 重要過成績, 學校提供多個選擇係好事, esf 網頁一直有公布考ibdp 和其他pathway 資料, 好公開
我成日都話ib係好好教育理念, 孩子學到的skills終身有用, 但ib考試制度未必適合每一個學生
作者: 「路路」 時間: 25-3-31 14:18
本帖最後由 「路路」 於 25-3-31 14:19 編輯
sabsab122 發表於 25-3-31 13:01
想請教一下，是否睇吓間學校其實有幾多學生係考IBCP，來定義讀唔到書人嘅人是否佔很多呢？這樣的話，KGV ...
呢樣前提要所有學校都有IBCP先有得咁講，因為香港嘅學校有好多玩法去篩選學生，好似直資SPCC、DBS、優才 或者真道，佢哋係無IBCP 但無考過IBDP嘅同學係考本地DSE，你唔熟所有學校嘅話，淨係睇平均分排名你會覺得：嘩 IB成績好好，好TOP ；實情係讀IB嘅同學都係一批篩選左嘅「精英」；又好似私校CKY，上IBDP前同學都要考IGCSE，呢個成績既決定你有冇得上IB亦都影響咗你到時候揀科，有冇得按自己喜好揀HL定只能揀SL etc，至於KGV 我敢話一定唔係最差，印象中我接觸過嘅話沙田ESF學生可能平均黎講質素好啲（呢樣唔關邊間ESF分校教得好唔好事或者其他，純粹學校好彩咁岩收到啲優質學生）。我自己覺得ESF辦學的確係有一手，佢哋嘅學生絕大部份英文能力高，我成日都話英文水平好直接影響IB出嚟嘅成績，你英文好+有心讀，閒閒地都35分以上
作者: 「路路」 時間: 25-3-31 14:43
本帖最後由 「路路」 於 25-3-31 14:45 編輯
poonseelai 發表於 25-3-31 13:23
另一角度想, 如果孩子能力未能取到ib diploma, 而比佢讀, 到時會否兩頭唔到岸？ ib certificate 唔係易好 ...
其實現實社會就係咁，否則亦都唔需要有咩DSE、IAL、IB呢D公開考試評核，何況讀唔掂IBDP 唔等於學生無能力，IAL 偏向著重考試、操卷；IB著重運用、表達能力，全方位文、理科目都要兼顧，我認同最重要係揀岩適合小朋友發揮嘅pathway，否則只係吃力不討好，既辛苦孩子亦浪費家長嘅付出。
至於IBCP 方面你可以問下真實有幾多人考完有大學offer（唔計野雞大學），可能創辦人原意係好好，坊間亦都講到IBCP好有認受性，事實係有得揀收生嘅情形之下，衰啲咁講IBCP 係炮灰黎，情願一早去讀foundation轉其他考試，都唔建議讀IBCP （富二代/錢多就另話）
作者: poonseelai 時間: 25-3-31 15:02
「路路」 發表於 25-3-31 14:43
其實現實社會就係咁，否則亦都唔需要有咩DSE、IAL、IB呢D公開考試評核，何況讀唔掂IBDP 唔等於學生無能力 ...
本帖最後由 poonseelai 於 25-3-31 15:07 編輯
現實係公開試成績影響入大學, 如果ibdp 30分或以下, 其實亦未必太多好選擇, 做父母只可以盡力了解孩子的強弱, 在現有資源下做出最好的選擇
有朋友怕孩子dp公開試成績未必好, dp1之後轉foundation, 大學畢業再讀master, 唯一遺憾係無咗中學畢業禮
作者: 「路路」 時間: 25-3-31 15:09
本帖最後由 「路路」 於 25-3-31 15:09 編輯
sabsab122 發表於 25-3-31 13:25
其實轉校考慮都不完全只看成績，而是想揀一間多一點篩選的學校。
始終讓養女孩子跟男孩子不同，不太有空間 ...
er...感覺家長你又過於理想同保護孩子，即使你去任何邊一間學校，一樣都有人講粗口
即使香港傳統名校，相比國際學校管教得嚴好多，一樣見過著住名校校服係街講粗口……同你分享一個KGV學生同我講嘅個case，佢話班上有幾個男同學拎晒女同學啲相評頭品足之餘，仲比埋分數、角色排名，後尾件事傳到老師之後再上面，結果呢幾個學生全部kick out晒，呢單令我對個校長刮目相看，換著其他國際學校肯定大事化小，小事化無，老實講呢啲真係common到間間IS都有，就係睇高層有無魄力去deal with 定抑或選擇視而不見，已經唔關學校成績好唔好事，我覺得品德由家長自己教番比較實際，做到「出於污泥而不染」
作者: 「路路」 時間: 25-3-31 15:20
本帖最後由 「路路」 於 25-3-31 15:21 編輯
poonseelai 發表於 25-3-31 15:02
本帖最後由 poonseelai 於 25-3-31 15:07 編輯
現實係公開試成績影響入大學, 如果ibdp 30分或以下, 其 ...
正確丫，所以千祈唔好人地讀IB 我又要讀IB。我有個學生仲過癮，佢IGCSE 10A，我問佢IB諗住揀咩subjects，佢同我講佢唔讀IB啦，因為驚辛苦 又驚考得唔好，咁我就問佢唔讀IB 咁轉IAL啊？原來唔係，佢係直接走去外國讀foundiaton，結果真係讀完一年foundation輕鬆入U，讀到心儀大學。我唔知係佢定佢父母諗法咁前衛，起碼我自己無諗過可以咁行，而家諗番都好欣賞同佩服佢呢個決定。
作者: poonseelai 時間: 25-3-31 15:40
「路路」 發表於 25-3-31 15:20
正確丫，所以千祈唔好人地讀IB 我又要讀IB。我有個學生仲過癮，佢IGCSE 10A，我問佢IB諗住揀咩subjects， ...
本帖最後由 poonseelai 於 25-3-31 15:40 編輯
又無想過咁喎
作者: 964000 時間: 25-3-31 16:29
「路路」 發表於 25-3-31 15:20
正確丫，所以千祈唔好人地讀IB 我又要讀IB。我有個學生仲過癮，佢IGCSE 10A，我問佢IB諗住揀咩subjects， ...
其實幾好喎呢個方法
佢考IGCSE可能已經谷行哂，隔兩年又來真係幾辛苦。
作者: 「路路」 時間: 25-3-31 16:50
poonseelai 發表於 25-3-31 15:40
本帖最後由 poonseelai 於 25-3-31 15:40 編輯
又無想過咁喎
作者: 「路路」 時間: 25-3-31 17:02
964000 發表於 25-3-31 16:29
其實幾好喎呢個方法
佢考IGCSE可能已經谷行哂，隔兩年又來真係幾辛苦。
作者: poonseelai 時間: 25-3-31 18:49
「路路」 發表於 25-3-31 17:02
呢個就係我欣賞CKY學生既地方，佢哋成日都會有啲野inspired到你
這個選擇在cky普遍嗎?
作者: 「路路」 時間: 25-3-31 19:57
本帖最後由 「路路」 於 25-3-31 19:58 編輯
poonseelai 發表於 25-3-31 18:49
這個選擇在cky普遍嗎?
No la…對於普遍家長/父母都係望子成龍、望女成鳳，讀得IB 本身家境都係比較富裕，同親朋戚友例牌暗自比較，面子攸關下唔係個個都咁開明，況且佢哋有嘅係$$$，足夠做到補底有餘，所以我先咁surprise竟然有人咁選擇
作者: sabsab122 時間: 25-3-31 21:54
「路路」 發表於 25-3-29 12:09
你要去到咁完美就一定無可能，但淨係想搵著重成績同soft skills果啲，就仲有唔少選擇，基本上你行IB條路sof ...
作者: 「路路」 時間: 25-3-31 22:07
sabsab122 發表於 25-3-31 21:54
請問你之前提及的IB 成績有保證嗰幾間，是邊幾間？謝謝
作者: wing19850808 時間: 25-3-31 22:54
sabsab122 發表於 25-3-29 22:03
無，non- selective 我諗間間都差唔多，有朋友在SJS, 都係話成日打架，year 1 打到全校出email 。
同我個 ...
你上網睇睇有幾間(CDNIS, VSA, CIS等)會標榜自己有幾多畢業生係由細讀到畢業, 相反ESF好似無呢D數據
如果能轉都係及早轉好, ESF除了學費平之外, 實在普普通通
升小仲細,好快就會識到新同學
作者: shelbylks28 時間: 25-4-1 22:31
回覆 sabsab122 的帖子
NAIS, FIS, GSIS 太whitewashed係指咩？請教
作者: aidan08 時間: 25-4-1 23:12
本帖最後由 aidan08 於 25-4-1 23:21 編輯
wing19850808 發表於 25-3-31 22:54
ESF 學生流動量太大,估計好多成績叻既係後來加入, 由local school入去
你上網睇睇有幾間(CDNIS, VSA, CIS等 ...
你嘅訊息同我見到嘅有好大差別！
我仔舊年考完IGCSE, 成績出嚟令我好surprised. 身邊由細到大讀ESF的，好多好好成績，我哋認識全A的全部都係由Year 1讀上來。反而local school 轉過來的成績普通。其中我識一個local band 1轉過來（其實絕大部份轉過來的都係Band 1學生），仲要考到好差，一個A都無。佢哋差別在英文真係同從小讀上來的有分別。
我仔都係由細讀ESF讀到大，佢只考八科，七科9*。從小無點谷佢，大部分都係學校學番來，小學完全唔需要操心。中學有補習，不過仍然好多運動，唔係書呆子。一齊由小學升上來的同學，大部分好自律，成績好。
仲有，呢幾年我識嘅家長朋友，仔女做咗IB狀元的，全部都係ESF從小讀到大。學校係會內部介紹返狀元學生的背景。基本上，年年都係從小讀到大的佔多數㗎。
作者: aidan08 時間: 25-4-1 23:56
本帖最後由 aidan08 於 25-4-2 00:11 編輯
「路路」 發表於 25-3-31 15:09
er...感覺家長你又過於理想同保護孩子，即使你去任何邊一間學校，一樣都有人講粗口即使香港傳統名 ...
同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿。
英基本身就係好包容，容許小朋友有自己步伐發展，唔提倡學術上的競爭，尤其小學階段，只有認同呢個理念，唔信奉贏在起跑綫的家長先會讀得開心。其實上到中學佢哋都唔會吹捧讀書叻的學生，IGCSE考全科A*的學生，學校係提都唔會提，無人care. 只有去到IB打大佬，真係高中狀元先有得亮相吓。我好欣賞學校呢個理念，而且真係咁多年都做得到，無用呢樣野去激發學生競爭，幫學校去攞好成績。我覺得係因為佢哋嘅理念好根深蒂固，真真正正認為每個人都有自己的長處，讀書叻唔代表一切。而且，根據我咁多年經驗，佢哋真係好重視學生well being, 好認真去處理，我仔由year 1讀到就畢業，真係無見到欺凌，好多事一開頭已經處理得好好。
讀唔讀到書，講真，好睇天資同自律。我認識的英基家長真係無唔緊張小朋友學習嘅人，只係可能程度有異。如果自己係好緊張學快學慢，又會嫌周圍嘅人拖慢你進度呢D mindset, 其實真係好唔適合讀英基。
我好友個仔從小讀英基，而我好友算係唔緊張，由得個仔自然發展，唔催谷的的家長, 唔係唔關心個仔，而係個仔性格太強，佢搞唔掂。呢個仔從小難搞，細個成績亦平平無奇，仲有D行為問題。但去到IGCSE突然發力，好好成績。而家IB predicted 44分。成績可以突飛猛進，行為人品唔知去到咁大個有冇改善。只係想講，如果你緊張成績，會認為有D小朋友拖慢你小朋友進度，不滿其他家長太hea嘅家長，小學階段咁早已經標籤其他小朋友，都係去搵返嗰D所謂selective school, 去你認為安全舒服的環境好好保護個女，會對你同其他esf 家長都好。
作者: sabsab122 時間: 25-4-2 05:15
本帖最後由 sabsab122 於 25-4-2 07:23 編輯
aidan08 發表於 25-4-1 23:56
同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿 ...
有些小朋友從小性格鮮明，很有自己一套，不易受影響，但有些小朋友性格無所謂，易受朋輩影響，會模仿其他人言行。
ESF 因non-selective 而多SEN / 行為問題/父母管不到的孩子是事實，
不過是我主觀的label 。
ESF很適合你孩子，那很好。
但有些孩子的確能從小就坐定定學習，
你指的「所謂的selective」，
我們的離開對其它家長都好是什麼意思？我們有在騷擾到別人嗎？
雖說討論區是匿名的，但也請保持禮貌和尊重，
謝謝。
作者: sabsab122 時間: 25-4-2 05:17
本帖最後由 sabsab122 於 25-4-2 07:27 編輯
shelbylks28 發表於 25-4-1 22:31
回覆 sabsab122 的帖子
太多外國人，白人社會化
作者: aidan08 時間: 25-4-2 08:25
本帖最後由 aidan08 於 25-4-2 08:50 編輯
sabsab122 發表於 25-4-2 05:15
有些小朋友從小性格鮮明，很有自己一套，不易受影響，但有些小朋友性格無所謂，易受朋輩影響，會模仿其他 ...
令你誤會了唔好意思。對其他家長都係好嘅意思係，我諗無家長會對自己小朋友影響咗其他小朋友感到開心，如果你認為其他小朋友拖慢你女進度，label 其他小朋友有問題，我相信嗰D家長若果知道你有咁嘅感覺，都唔會覺得開心。而且，人嘅思想或多或少會反映在待人處事上，我都希望嗰D你認為佢哋D小朋友有問題的家長感受唔到。講到尊重，其實都要建基於同理心。
本來包容、有教無類、因材施教都係十分之好的教育理念，仲要保持到成績，現在已經好少學校做得到，但原來你會覺得呢堆教育理念累咗你小朋友，咁轉校唔係對大家都好嗎？
仲有，性格鮮唔鮮明，曳定乖的小朋友，其實年紀小時都易受人影響，基本上無一例外。家長點教其實係關鍵。小朋友條路咁長，教佢點樣唔會被其他人影響，做自己認為啱嘅事，都係家長的責任同修為。為佢剷除曬影響佢嘅人，又係唔係好？呢D都係見仁見智。事實係你去到邊間學校，其實都會遇到一D無咁乖的小朋友，我大仔細個時，就有全班最調皮嗰個同學轉咗去CDNIS, 又有一個成日講大話的轉去CIS，其實，佢哋都只係小朋友，好多改善空間。對咁細個小朋友，包容都係體現對佢哋同其家長的尊重。將來長大，呢個社會都係乜人都有。
作者: 「路路」 時間: 25-4-2 11:05
aidan08 發表於 25-4-1 23:56
同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿 ...
作者: 「路路」 時間: 25-4-2 11:52
sabsab122 發表於 25-4-2 05:15
有些小朋友從小性格鮮明，很有自己一套，不易受影響，但有些小朋友性格無所謂，易受朋輩影響，會模仿其他 ...
作者: 964000 時間: 25-4-2 15:14
wing19850808 發表於 25-3-31 22:54
ESF 學生流動量太大,估計好多成績叻既係後來加入, 由local school入去
你上網睇睇有幾間(CDNIS, VSA, CIS等 ...
都唔係，ESF本身都唔多人走，相信只有少部份係外來local 插班生，而且有D初初來仲要追英文，口語present 又比較內斂，不用高估佢哋嘅優勢。
也不要睇少自細IS的小朋友，叻個班真係好叻，我身邊好多由細睇到佢地大入神科和英美TopU都有，佢哋嘅叻真係唔係只靠操券谷出來，仲要又醒目又talk得，真係好優秀。
其實叻嘅人係乜嘢學校都叻係真嘅，學生家庭和學校加埋的結果，選校要視乎小朋友特質和家長expectation, 像樓主不喜歡白人文化又想學好中文，覺得ESF唔fit, 趁細個轉校亦無不可。
用人不疑，疑人勿用，學校也是一樣。
作者: aidan08 時間: 25-4-2 16:18
本帖最後由 aidan08 於 25-4-2 16:19 編輯
964000 發表於 25-4-2 15:14
都唔係，ESF本身都唔多人走，相信只有少部份係外來local 插班生，而且有D初初來仲要追英文，口語present ...
完全同你觀察的一樣。我原本都以為LS band 1 操開會有學術上的優勢，但事實上一個IGCSE 讓我見到情況完全唔係咁。好多LS 轉過來的都考得麻麻。可能本身要求的讀書方式都唔一樣。LS嗰班最明顯不及IS嘅真係口語present ，IS 沉大的學生嗰份自信係會表現唔同。我仔學校規定要考一科Global Citizenship, 呢科無得讀，平時英文好同習慣表達自己意見嘅學生會有優勢，LS操卷死讀係無幫助。
現今仍有家長認為IS細路曳D，學術程度無咁高，其實真係好落後的睇法。IS嗰班高材生，好多唔只識讀書，仲好presentable 同開朗，有國際視野。我大仔一齊長大的同學，真係九成九都好純品，有禮貌又陽光，同LS的細路比較，佢哋無咁古惑，好單純，可能一直在一個唔鼓勵競爭的環境長大，無咁勾心鬥角，而且好識欣賞有唔同才能嘅人，唔會話覺得只有讀書叻先值得欣賞。
作者: 「路路」 時間: 25-4-2 17:28
aidan08 發表於 25-4-2 16:18
完全同你觀察的一樣。我原本都以為LS band 1 操開會有學術上的優勢，但事實上一個IGCSE 讓我見到情況完全 ...
作者: aidan08 時間: 25-4-2 18:02
本帖最後由 aidan08 於 25-4-2 18:05 編輯
「路路」 發表於 25-4-2 17:28
因為有好多唔係為左學制而轉，反而係讀唔掂LS於是轉去IS，諗住坊間成日都講IS易過LS，就幫小朋友轉跑道，見 ...
關於IB定DSE較難，其實好多客觀分析，去問Deep Seek 已經可以好理性咁分析。IB 廣度更大，要求接近大學水平，而DSE 理科難度明顯較IB低。呢個係大數據嘅分析。
IB絕對係唔易讀，而且要求全能型，除英數，語言、科學、社科都要涵蓋，對偏科學生一定較難，而事實上，偏科的人係佔大多數。所以，IB狀元係名符其實全能型學生。IB兩年課程，係考驗學生持續的抗壓能力，因為唔係一試定輸贏，每科大量的寫作，報告，而且都會評分，仲有課外活動，對時間管理要求極高。論文同報告水平的要求更係大學程度。
覺得DSE較難的人，觀念應該係比較傳統，認為只有學術先估量到一個人的能力高低，而且著眼於除咗正式考筆試之外，其他計分的項目係可以外援。事實上，IB考驗學生嘅係多方面的能力。環觀而家世界各地的大學對IB考生都另眼相看，係因為呢個試提前訓練咗學生入讀大學所需要的技能。
你話到咗人人可以讀IB時，我可能會有唔同睇法。我絕對認同IB除咗考學生學術能力之外，亦都係鬥緊資源。提供唔到資源嘅家庭，的確係無咁優勢。但係，IS已經基本上全部都係有能力付出更多資源的家庭，仍然有唔少人考得未如理想。仲有，無論資源優勢有幾影響考試結果，但都唔影響客觀上IB考試的難度、廣度和對學術以外多方面能力的考驗嘅事實。
作者: 964000 時間: 25-4-2 19:12
aidan08 發表於 25-4-2 18:02
關於IB定DSE較難，其實好多客觀分析，去問Deep Seek 已經可以好理性咁分析。IB 廣度更大，要求接近大學水 ...
本帖最後由 964000 於 25-4-2 20:20 編輯
其實都唔使比較IB定DSE難，都係睇個細佬因素例如中文強揀DSE有優勢，又睇寫作能力，鍾意計平時分定臨尾沖等，IB成個過程要兼顧好多嘢，我覺得都好overwhelming。
DSE狀元一定比IB full marks難因為派*比例少，A level 派得仲鬆，不過其實對入U冇大影響，大學收生會adjust番。
不過以我讀完大學又出嚟做野咁耐觀察，見到IB學到嘅skills的確有用，就算將來唔考學定都好。
講到最後都係目標為本，睇吓邊個制度對自己最有利咪揀個樣。
作者: RainyRice 時間: 25-4-2 19:30
其實我一開始對ESF都有很多顧慮，但也認識頗多朋友孩子讀ESF，你提到的反而不是我當初擔心的。
關於SEN：一位朋友孩子是SEN,但因為父母努力和支援，小朋友可以融入主流，.能夠入讀非Sarah Roe的學生應該都已經經過評估，朋友孩子小學一兩年之後已經好正常，反而學術某些方面很強。
學術milestones：其實IB模式(甚至其他模式的國際)學校，就是要以啟發和互動教學去引導和提起小朋友自主學習的興趣。當時因為老師上課導讀，朋友孩子Y2已經讀Chocolate Factory而且好有興趣去讀更多作者的其他書。其實六歲寫幾多字唔係最重要，選擇ESF的家長要嘗試注重思考/分析/溝通/合作等能力多於學術上識寫多少字、作文寫幾長、數學幾時學識加減乘除。
不過我都有聽朋友講到，有時班上學生能力差距大，老師要關顧比較落後的學生，可能忽略了已經達標的同學。但他也提到小朋友只要符合到學校課程要求其實已經足夠。
留意EK各位前輩的文章和帖一段時間，加上自己的經驗，我覺得作為IB模式/國際教學的家長，最重要是多個孩子閱讀、觀察和討論，也要多觀察孩子，了解孩子在學校的情況並適當時候作出支援。
不是說學術上的milestone唔重要，而是不用擔心需要超前。但老師如果教了某個概念，作為家長也可以和孩子多討論和複習，確保小朋友能夠掌握相關知識或概念。
我是緊張大師，可能跟得比某些家長朋友更加緊；而同樣有外國長大的、在學術上非常放手的朋友，由於小朋友資優而且非常有興趣，他們也會讓孩子去上enrichment課程。
作者: aidan08 時間: 25-4-2 19:32
964000 發表於 25-4-2 19:12
其實都唔使比較IB定DSE難，反正都係睇個細佬因素例如中文強揀DSE有優勢，又睇寫作能力，鍾意計平時分定臨 ...
作者: 「路路」 時間: 25-4-2 20:02
aidan08 發表於 25-4-2 18:02
關於IB定DSE較難，其實好多客觀分析，去問Deep Seek 已經可以好理性咁分析。IB 廣度更大，要求接近大學水 ...
作者: sabsab122 時間: 25-4-3 07:44
RainyRice 發表於 25-4-2 19:30
其實我一開始對ESF都有很多顧慮，但也認識頗多朋友孩子讀ESF，你提到的反而不是我當初擔心的。
關於SEN：一 ...
請問現在孩子中學了嗎？
他小時候是屬於那一類型的？謝謝分享。
作者: sabsab122 時間: 25-4-3 07:47
本帖最後由 sabsab122 於 25-4-3 08:24 編輯
「路路」 發表於 25-4-2 20:02
點解我會話DSE狀元>IB狀元，因為我好了解IB玩法，IB學生只要財力雄厚已經佔咗上風，大把IA、EE可以搵我哋呢 ...
謝謝分享。請問什麼是IA, EE?
請問IB 鬥財力的意思，是鬥補習嗎？
作者: sabsab122 時間: 25-4-3 08:14
本帖最後由 sabsab122 於 25-4-3 09:43 編輯
其實我一開始提及的concerns,
包括騷擾別人嘅行為，例如lunch box 吐口水、強吻、除褲、打人，好大部份都係來自啲外國人，而國際校好多時嘅做法都係太過protect privacy , 選擇淡化。睇開歐美新聞就知，好多時外國人對於慣犯係包容，連名同後果都唔會講，淨係話你五歲小朋友喺學校受到呢啲騷擾有點受傷了，沒有大礙的，而家同你講聲。
而且衛生標準唔同，成日生頭虱，大病初瘉又唔俾戴口罩，所以我先至話唔想再讀啲太過西化的國際嘅學校。但其實我係buy 自主學習，不想spoon feed, 所以從來冇考慮過本地學校，連少少似本地嗰種瘋狂催谷都唔想。
而這個決定，考慮成績只是其中一個因素。
當然好多人都唔介意呢啲衛生同埋行為問題，覺得出邊個真實社會就係咁，適者生存。但都係嗰句，容忍能力大家唔同，我們讀了幾年也在努力適應。
但同時我亦有反思，想間學校大愛包容，但對於學生行為和成績又要有一定要求，兩者是否很矛盾呢？
這裏已經有人答了我，似乎SIS /VSA 是做到的。唯一的問題就只是很難考入。尤其係K1 已開始讀ESF的 要中文有這兩間雙語學校的中文水平真係唔容易，有咩妙法大家可以分享下。
另外，多謝大家討論公開試的話題，很有啟發性，有不同觀點的歡迎繼續理性討論。
作者: 木子兔媽媽 時間: 25-4-3 08:55 標題: 回覆樓主：
本帖最後由 木子兔媽媽 於 25-4-3 08:57 編輯
Keep中文，我答
1. 有兄弟姊妹讀local school, 成家人用同講中文
2. 1-1 補習中文/上同local 1樣中文班
3. 讀local school 到小四以上先轉IS
作者: clkam 時間: 25-4-3 09:39
aidan08 發表於 25-4-1 23:56
同意。其實我都贊成樓主轉校，唔係因為覺得英基唔好，而係樓主本身理念同英基好唔同，無謂一路讀一路不滿 ...
對你說法我非常有同感，雖然不是同你同一間ESF學校，但小朋友來到高小已感受到你所說的ESF培養小朋友做法，低小著重是非學術方面的，去到高小，會見到明顯轉變，無論課程教學上內容，對小朋友要求等都有所改變，我相信高小是一個階段等佢哋由低小開心舒適漸進到過渡到去初中。
小學一直都沒鼓勵競爭，高小開始的活動比賽只要小孩有心參加也不難入選，至放SEN小孩的學習需要，我相信學校有配套但不會影響班中的小朋友的學習，高小我眼見大班學習程度不會因SEN而教慢教淺，反而程度好的少數，老師也會另開小組或小班去配合，令他們有新挑戰。
我覺得IBPYP都真係考驗家長耐性，給小朋友時間同空間，如入小已有很大學術期望其實可諗返當初選IB的原因，再平衡想要的是什麼。可能是當初不了解已選了IB。
作者: 「路路」 時間: 25-4-3 10:52
本帖最後由 「路路」 於 25-4-3 10:53 編輯
sabsab122 發表於 25-4-3 07:47
謝謝分享。請問什麼是IA, EE?
請問IB 鬥財力的意思，是鬥補習嗎？
IA: internal assessment 一般佔科目評分20%。EE:Extended essay 同TOK theory of knowledge present 加埋就係最後3分，6科7 加呢3分就係IB狀元45分
又唔可以咁講，補習只係其中之一，當你小朋友慢慢讀上去就會越有體會，可能十年後你再睇返就會明我講咩，越到後面會越明顯，家庭背景優越嘅，小朋友接觸世界嘅機會同眼界都已經好大差距，諗嘢同思維超前同齡好多
作者: poonseelai 時間: 25-4-3 12:33
「路路」 發表於 25-4-3 10:52
IA: internal assessment 一般佔科目評分20%。EE:Extended essay 同TOK theory of knowledge present 加埋 ...
本帖最後由 poonseelai 於 25-4-3 12:36 編輯
我孩子ibdp畢業已幾年, 當時知道低年級已開始有補習風氣, 是否要補習真係睇父母如何睇教育和孩子目標, 又唔係個個要45分或者入醫
我唔知你講視野指那方面, ib 目標係孩子做world citizen, 如果父母自孩子少時候一起多留意身邊, 香港和世界新聞, 所需資源又唔係好多。當然, 有資源有機會去世界各地親身體驗, 得着也唔同, 無, 亦不是end of the world
作者: 「路路」 時間: 25-4-3 13:50
本帖最後由 「路路」 於 25-4-3 13:52 編輯
poonseelai 發表於 25-4-3 12:33
本帖最後由 poonseelai 於 25-4-3 12:36 編輯
我孩子ibdp畢業已幾年, 當時知道低年級已開始有補習風氣, ...
係丫，因為IB真係由小讀上去範圍係好空泛，亦都可以話無範圍，你問小朋友學咗啲咩？佢腦入面可以係吸收左好多野，但點展示比家長？呢樣係普遍接受傳統教育制度遺留下來嘅不安，於是父母們就圍爐：死啦，我個仔/女好似咩都唔識咁嘅。結果大家覺得唔好執輸，你補我又補，由細補到大，我好記得最開初嘅學生都係Y11/12，之後先補埋IGCSE，然之後而家Y1家長收咗offer之後已經問定想幫仔女補定習，我直情同佢哋講，真係唔需要補，亦都無嘢好補，比小朋友玩下、享受下童年，真係好擔心咪打好英文基礎已經好夠，其他係呢個時段補都係多餘
但聽完一樣繼續問有咩時間得⋯
就係世界公民呢個視野，佢哋CAS會同我分享去咗非洲幫落後地方嘅人一齊起屋，去咗唔記得邊度整咗個水井，有啲就去跨國企業入面做義工，搞環保活動，我唔係IB出身都覺得好有意義同埋呢啲經歷，一般人都想像唔到，LS仲背緊公式準備考試，IS已經擁抱緊世界觀，唔係話無家境、無背景就唔適合讀IB，只係純粹分享個人感受而已
作者: aidan08 時間: 25-4-3 13:56
「路路」 發表於 25-4-2 20:02
點解我會話DSE狀元>IB狀元，因為我好了解IB玩法，IB學生只要財力雄厚已經佔咗上風，大把IA、EE可以搵我哋呢
呢個討論其實幾有趣，可以睇到一件事的觀點與角度嘅唔同，就有唔同的取向。
關於財力遊戲，我都認同IB係某程度上鬥資源。但係，喺香港，其實考得IB嘅都九成九係有能力提供足夠資源的家庭。咁嘅情況下，其實就無咗鬥資源的情況。學生仍然係需要好多種其他的能力，否則富豪子女就個個做狀元，亦唔會走去外國考其他試啦。好多人一直讀開IB學校，反而係因為無信心應付IB的課業而選擇其他考試入大學。至於你話，如果考IB滿分的人去考DSE 一定唔會咁好成績。其實呢個真係十分假設性的問題，我諗你應該唔會搵到一個兩種考試都試過的人。而IB狀元唔會應付到DSE，相信主要係中文。因為考IB的大多數係IS學生，而如果IB無咁繁重的其他方面如論文、報告等的應試要求，IB 狀元純靠讀書，因應DSE的課程要求去讀，其實又點會知道佢哋唔能夠攞高分？同樣地，又有誰知道如果DSE狀元要面對IB繁重的筆試外的其他考試配置，是否也能取得高分呢？
IB的難度在於全方位能力要求。IB要求學生同時應對六大學科組別+TOK+CAS+EE，而DSE可集中於4-5科。以港大醫科為例，IB生需兼顧生物HL、化學HL的實驗報告與數學AA HL的證明題，同時完成4000字EE，這種多線程壓力是DSE單一考試制度無法比擬的。你舉例的「45分轉系生」恰反映IB高分不等如專業適配性，與制度難度無關。如果你要搵經DSE入醫科而最後轉科的人，一定更多，唔係因為DSE考生能力不足，而係基數大。醫科讀唔上而要轉科的情況，其實都幾常見。
我認識一個在頂尖local 名校生，佢間學校就有IB同DSE揀，佢成績可以讀IB, 但佢就係因為唔想處理IB會計分的大量課外配置，認為讀書係佢強項而想揀DSE。所以，即使高材生，都未必覺得IB係容易應付。
你講到DSE的「不合理難」，在我看來，其實係評分設計缺陷。DSE 5**的稀缺性源於curve-fitting，刻意壓低高分比例；而IB的7分是標準參照（達到分數即給分）。若比較知識深度，IB數學AA HL的微積分要求已等同大學一年級，DSE M2仍停留在AP程度。所謂「DSE更難」只是分數通脹下的錯覺。
你假設「英文好=IB成功」，但IB的語言A文學要求分析《奧德賽》或魯迅小說，遠超DSE英文卷的文化回應題。許多本地IB生為應付Bilingual Diploma，需同時用中英雙語完成哲學EE和歷史IA，這種語言切換能力DSE從未要求。
IB滿分率在香港係高於其他地區好多，但若全球計，其實只有0.3%，遠高於DSE的1.5%。相信係因為香港唔少學校只派出精英去考IB有關。
其實兩種制度考驗不同維度的能力——DSE強調應試精準度，IB側重學術耐力與跨學科整合。
作者: 「路路」 時間: 25-4-3 16:42
本帖最後由 「路路」 於 25-4-3 17:05 編輯
aidan08 發表於 25-4-3 13:56
呢個討論其實幾有趣，可以睇到一件事的觀點與角度嘅唔同，就有唔同的取向。
關於財力遊戲，我都認同IB係 ...
財力雄厚想表達嘅意思係佔有優勢，唔係話你有錢就做到狀元，係你有錢你可以搵外援幫手，IB有course work 想fail都唔容易，然後Paper方面，點解會有人話補習有用？因為我哋熟悉晒重點，會考咩、點攞分，學生係用錢黎buy time；IB最後呢2年，時間表可以話係充實地忙，學生們有時間自己sort out 就梗係唔需要補習都得，不過事實就係好難。至於我話 DSE狀元>IB狀元，我有比較過啲Science Papers，其他文科或者由主觀評審就唔講（無model answer）， 我自己睇完都覺得難，係純屬問題程度深淺嘅難，唔係拉curve嘅問題，當然你可以話佢地啲題目就係要出到咁，先分辨到優、良、尚、可、劣，但出到咁難真係無意思，所以我可以肯定答你讀Science IB嘅學生係搞唔掂DSE相應嘅卷，就算係讀緊HL都好；其他假設性當DSE狀元面對IB筆試外嘅配置，呢樣我做唔到客觀比較，只能夠主觀話佢地本身已經係精英中嘅精英呢D真係無難度，要勉強拎啲例子出黎拗就係，你可以睇下香港最高IB平均分嘅學校，都唔係行真IB而係走傳統教育模式但考IB，仲要唔係1年、2年咁，而係長期，咁算唔算夠說服力？
我原意只係好簡單比較科目對應相對科目，帶出考卷嘅程度有分別，就好似DSE有中國文學、英國文學，可能就係你想帶出Lang A考核嘅野，不過呢啲唔係必修科，唔係個個需要讀，唔似Lang A咁個個都要答。至於英文好=IB成功嘅基本條件，呢個係事實，基本上我哋睇到學生寫嘅essay 已經知道佢將來成績係3字頭定4字頭，英文水平完完全全反映晒係essay度，呃唔到人，請槍就另計啦。
最後，用數據比較下2者：
IB 每年都超過1萬人報考，24年就21806人考，Pass rate 72.7%，而40-45分有1766人
DSE就大約4－5萬人考，24年就50591人考，日校Pass rate 得45.2%，即係一考已經有一半人fail
有得揀，梗係行IB都唔好去DSE
作者: poonseelai 時間: 25-4-3 17:11
「路路」 發表於 25-4-3 16:42
財力雄厚想表達嘅意思係佔有優勢，唔係話你有錢就做到狀元，係你有錢你可以搵外援幫手，IB有course work ...
本帖最後由 poonseelai 於 25-4-3 17:43 編輯
外國唔知，香港考得ib試嘅都要先符合條件，be it igcse, myp, 即係好似以前考完會考再上A level, 同dse用全部考生去比？dse年年中英文科都超過一半考生取唔到3
香港每年2,000+考ib? 接近100% pass, 扣咗香港外國合格率可能無7成
兩個不同制度，唔知點比
作者: 「路路」 時間: 25-4-3 18:30
poonseelai 發表於 25-4-3 17:11
本帖最後由 poonseelai 於 25-4-3 17:43 編輯
外國唔知，香港考得ib試嘅都要先符合條件，be it igcse, ...
作者: poonseelai 時間: 25-4-3 18:41
「路路」 發表於 25-4-3 18:30
所謂先符合條件其實係學校把關嘅政策，好似明明IGCSE都唔關IBDP事，而且我想考IBDP，就算關都係關MYP事，點 ...
本帖最後由 poonseelai 於 25-4-3 19:00 編輯
唔係好明你個logic, ibo 有3個programmes, 無規定要行哂, 香港有ib through train, pyp +igsce+ibdp, 小學校本+igcse/myp+ibdp, 為何學校不可用igcse?
香港全ib應該無可能, 外國會有部分公立學校考ibdp, 不如問下香港點解唔得？
又或者香港應否要有btec or ib certificate / career programs 比不同能力孩子去選擇？
作者: 「路路」 時間: 25-4-3 20:56
poonseelai 發表於 25-4-3 18:41
唔係好明你個logic, ibo 有3個programmes, 無規定要行哂, 香港有ib through train, pyp +igsce+ibdp, 小學 ...
作者: poonseelai 時間: 25-4-3 22:20
「路路」 發表於 25-4-3 20:56
無，我覺得IB如果拆到咁玩，唔係由PYP上MYP到最後IBDP，仲係唔係IB？定只係有名無實？只需要2年時間做到IB ...
本帖最後由 poonseelai 於 25-4-3 23:12 編輯
國際學校未採用ibdp前, 難道就無世界公民之類的概念？有學校不是ib school但會用ib模式, 難道又唔可以培養到世界公民意識？相信每間最後考ibdp嘅學校也會有其安排, 至於直資如何安排, 可能你清楚過我
ibo 的 student profile其實係common sense, 並非什麼商業秘密
或者你可先了解下ib課程發展過程
為何要強調全民ib? 根本唔會發生
作者: RainyRice 時間: 25-4-3 23:02
「路路」 發表於 25-4-3 20:56
無，我覺得IB如果拆到咁玩，唔係由PYP上MYP到最後IBDP，仲係唔係IB？定只係有名無實？只需要2年時間做到IB ...
IB其實以前是沒有MYP PYP 的，我認為IB的精髓不是在MYP PYP，之前都有前輩講過。
“Although the IB was officially founded in 1968, it was not until May 1971 that the first full IB Diploma Programme candidates sat their exams.”
“The second programme introduced by the International Baccalaureate® (IB), the Middle Years Programme (MYP) was adopted by the IB in 1994.” “The Middle Years Programme (MYP), which is for ages 11-16, was established in 1994, and the Primary Years Programme (PYP), for children ages 3-12, in 1997.”
作者: 「路路」 時間: 25-4-4 00:35
poonseelai 發表於 25-4-3 22:20
本帖最後由 poonseelai 於 25-4-3 23:12 編輯
國際學校未採用ibdp前, 難道就無世界公民之類的概念？有 ...
作者: RainyRice 時間: 25-4-4 00:54
sabsab122 發表於 25-4-3 07:44
請問你當初讀ESF 擔心的是什麼呢？我又覺得ESF 除了non selective 以外，其他方面都很好，尤其是develop so ...
當時問在讀的媽媽朋友，他們不清楚學校教學情況，不知道學校在教什麼，學校沒有課本，朋友覺得老師和家長的溝通不足夠，小學已經有很多網上功課。加上自己當時對IB課程不熟悉，想小朋友學繁體中文，以及中文教學水平的考慮，都是當時顧慮之處。
現在回看，覺得媽媽朋友的「不清楚」某程度上是個人選擇，其實家長亦有很多渠道可以去了解學校在教什麼題目、孩子的學習情況等等，EK很多前輩的分享都令我更了解ESF及IB。只要家長能夠花多些時間去了解孩子學習進度以及和學校溝通，是可以清楚了解學校的教學的，我覺得之前自己是過慮了。
之後自己都有在學校網站、IB網站去研究什麼是PYP 、MYP 、IBDP、trans-disciplinary theme learning，亦都覺得UOE非常吸引。
至於中文方面，朋友說ESF的中文教學可能由於近年多了本地及內地人入讀，所以改變了很多，但簡體字及中文程度要求每個人的考慮點不同，所以可以略過。
作者: 「路路」 時間: 25-4-4 01:15
RainyRice 發表於 25-4-3 23:02
IB其實以前是沒有MYP PYP 的，我認為IB的精髓不是在MYP PYP，之前都有前輩講過。
“Although the IB was o ...
作者: sabsab122 時間: 25-4-4 04:23
「路路」 發表於 25-4-4 01:15
多謝你同樓上嘅資訊，解開我一路嘅疑惑，我而家先知原來IB發展係由上而下，唔係由下而上一級級砌上去，因為 ...
British curriculum 的IGCSE?
定，其實任何學制銜接DP 都差唔多？
謝謝。
作者: aidan08 時間: 25-4-4 08:07
sabsab122 發表於 25-4-4 04:23
請教為何會覺得MYP 銜接DP 做得麻麻哋？爭咗啲乜嘢？咁邊一個學制銜接DP 好D?
British curriculum 的IGCSE ...
作者: poonseelai 時間: 25-4-4 08:22
aidan08 發表於 25-4-4 08:07
以我大仔經驗來說，我覺得反而係由ESF 小學上中學時，即Year 7時是比較吃力，轉變較大，需要適應。但MYP過 ...
多年前ibo比較過gcse and myp上dp, gcse公開試經驗係一個優勢, myp有 optional e-assessment, 好似isf有參與
作者: poonseelai 時間: 25-4-4 08:33
「路路」 發表於 25-4-4 01:15
多謝你同樓上嘅資訊，解開我一路嘅疑惑，我而家先知原來IB發展係由上而下，唔係由下而上一級級砌上去，因為 ...
本帖最後由 poonseelai 於 25-4-4 08:34 編輯
myp and dp 一個分別係assessment criteria, myp有4部分, knowledge 佔25%, 如果一個學生knowledge 弱D, 其他部分取高分, 總分一樣ok, 去到dp就唔同, 8成以上係knowledge, 咁個學生就會辛苦d
我孩子的myp老師有提醒家長, 睇myp成績也要留意這點
香港myp上dp嘅學校包括rc, vsa, isf, cis, cdnis, 成績都ok吖
作者: poonseelai 時間: 25-4-4 08:39
sabsab122 發表於 25-4-4 04:23
請教為何會覺得MYP 銜接DP 做得麻麻哋？爭咗啲乜嘢？咁邊一個學制銜接DP 好D?
British curriculum 的IGCSE ...
每個學制銜接dp也有强弱之處
| 歡迎光臨 教育王國 (/) |
Powered by Discuz! X1.5 |