教育王國
標題: 讀國際學校的性價比 [打印本頁]
作者: jojosesame 時間: 18-11-13 22:27 標題: 讀國際學校的性價比
想請教讀傳統學校長大的家長，如何斷定送子女讀國際學校是值得的？現時有大部分的國際學校都收的本地人或中國人佔大多數，為何不考慮待初中或高中才送他們出國留學？
歡迎大家開放討論
作者: shadeslayer 時間: 18-11-13 22:52
jojosesame 發表於 18-11-13 22:27 
想請教讀傳統學校長大的家長，如何斷定送子女讀國際學校是值得的？現時有大部分的國際學校都收的本地人或中 ...
唔係買部電話，用性價比不恰當。
一個好大因素，唔惜得孩子。和性價比無關。
作者: torunpoland 時間: 18-11-13 22:58
jojosesame 發表於 18-11-13 22:27
想請教讀傳統學校長大的家長，如何斷定送子女讀國際學校是值得的？現時有大部分的國際學校都收的本地人或中 ...
如果要我好簡單咁概括，年幼時在國際學校培養的思考模式，已經「值回票價」。
作者: jojosesame 時間: 18-11-13 23:01
shadeslayer 發表於 18-11-13 22:52
唔係買部電話，用性價比不恰當。
一個好大因素，唔惜得孩子。和性價比無關。
那好大因素是什麼？
作者: 貝珠 時間: 18-11-13 23:01
jojosesame 發表於 18-11-13 22:27
想請教讀傳統學校長大的家長，如何斷定送子女讀國際學校是值得的？現時有大部分的國際學校都收的本地人或中 ...
其實都討論過N次。
1. 唔buy 現在津校以及直私的超前學習文化，咁中學前點捱呢？
2. Buy IS 的教育模式，小孩會主動學習，有更多reading time, 更多時間去發展其他興趣
我一直都冇你的concept , 也唔明白點解大左出國留學，細個讀咩都冇所謂的理論
作者: mandy_ng207 時間: 18-11-13 23:40
回覆 jojosesame 的帖子
原因好簡單—拒絕操練，加上細B，K1考唔到龍校，咪讀國際囉。
作者: 貝珠 時間: 18-11-13 23:43
mandy_ng207 發表於 18-11-13 23:40
回覆 jojosesame 的帖子
原因好簡單—拒絕操練，加上細B，K1考唔到龍校，咪讀國際囉。 ...
有很多龍校初小已經操練
作者: Jmachi 時間: 18-11-13 23:57 標題: 回覆樓主
因為自己由細到大,真係為考試而考試.把考試要考嘅嘢塞入腦，考完試個一星期後就全部都唔記得哂！這樣學習模式真係冇乜意義！唔相信學習應該咁樣...
作者: v369234 時間: 18-11-14 00:04
讀書唔係性價比,最後你小朋友會唔開心,因為最後問題會係將來u讀咩科性價比最好,出國還是留港讀書性價比好....主動..積極..自信..寬心..都要從小培養...
作者: ddbb0099 時間: 18-11-14 00:08
Jmachi 發表於 18-11-13 23:57
因為自己由細到大,真係為考試而考試.把考試要考嘅嘢塞入腦，考完試個一星期後就全部都唔記得哂！這樣學習模 ...
同意，所以另覓出路
作者: rafsimons 時間: 18-11-14 00:20 標題: 回覆樓主
國際學校有空間俾小朋友自主學習，發揮創意，思維方式需要自小培養，與將來係咪出國讀書無關。再加上香港傳統教育，自己細個都試過，填鴨式教法，不斷催谷，背誦抄寫多，直到大學做project模式自主學習，先真真正正享受學習嘅樂趣。
作者: babyjip 時間: 18-11-14 00:26 標題: 回覆樓主
價性比泛指抵讀，物有所值？很主觀性，等於你問幼稚園讀學券或私校、國際幼稚園價性比好d，同一問題在LS 或IS 版問都各自有唔同答案，如果要答的話，我會答「無得比」，因為小朋友成長「無價」(emoji)，能夠自主地花更多quality time 跟小朋友一起健康成長，已經很感恩。
作者: jojosesame 時間: 18-11-14 07:47
babyjip 發表於 18-11-14 00:26
價性比泛指抵讀，物有所值？很主觀性，等於你問幼稚園讀學券或私校、國際幼稚園價性比好d，同一問題在LS 或 ...
之前會覺得有大比重的家長會因爲語境而選國際學校，事實上也不然。
考直私其實都推動了更嚴重的競爭文化，某些校越考越深，令教育界的氛圍都變了。
即使國際是一條出路，也不易踏進來，畢竟供應不足。
希望 有能者能夠為香港的家長提供 更多選擇，特別是經濟能力不高的家庭。
作者: shadeslayer 時間: 18-11-14 08:30
jojosesame 發表於 18-11-13 23:01
何以見得 其他學校 教育效益比不上？我用此字眼係明顯覺得 教育機構一蝸風來香港開設國際學校 應該不會是為 ...
好似問港島區的樓性價比如何？問得太闊，無一概而論的答案。
作者: Charlie妹 時間: 18-11-14 08:52
jojosesame 發表於 18-11-14 07:47
多謝大家回應！
之前會覺得有大比重的家長會因爲語境而選國際學校，事實上也不然。
唔講其他嘢，只講本地學校計數計排名，令到學生睇獎項排名睇得太重，名次跌或拎唔到獎就好唔開心~聽過有學生問同學睇完份卷，然後同老師講，有地方改錯要扣分，於是自己可以做全班第一高分。
國際學校也會有分數，有獎勵，令學生家長知道學習情況，但不會比較，學生只需要檢討自己，同學之間不需要競爭，同學拿獎時比自己拿還要開心 (因為得獎同學比以前表現好就會有獎，而不是叻過其他人而拎獎)。同時也注重品格的栽培，例如合作時有爭執，老師會教如何用語言解決，不是大聲責罵或喝止，叫學生不要嘈就算。
作者: LCP2018 時間: 18-11-14 08:57
貝珠 發表於 18-11-13 23:01
其實都討論過N次。
1. 唔buy 現在津校以及直私的超前學習文化，咁中學前點捱呢？
十分認同！
作者: safeway 時間: 18-11-14 09:07
jojosesame 發表於 18-11-14 07:47
多謝大家回應！
之前會覺得有大比重的家長會因爲語境而選國際學校，事實上也不然。
你問得咁市儈，我就答得直接啲，如果家長只著重語景去決定讀國際學校，其實佢地真係不宜讀，根本就本倒置，教育不單是「學語言」！
作者: luckybaby2011 時間: 18-11-14 09:11
回覆 貝珠 的帖子
咁小朋友唔主動唔自律係咪唔啱讀？
作者: luckybaby2011 時間: 18-11-14 09:14
回覆 jojosesame 的帖子
最近有個朋友想送仔出國，佢成績唔好，點知佢唔肯，原來你想送有時都未必肯去
作者: 貝珠 時間: 18-11-14 09:14
luckybaby2011 發表於 18-11-14 09:11
回覆 貝珠 的帖子
咁小朋友唔主動唔自律係咪唔啱讀？
從小可培養，大左就難d
作者: Pan2013 時間: 18-11-14 09:37
貝珠 發表於 18-11-13 23:01
其實都討論過N次。
1. 唔buy 現在津校以及直私的超前學習文化，咁中學前點捱呢？
絕對同意
好多野由細培養，耳濡目染，過左適當時機就一世了。用到性價比等字眼，只有唔識比、無得比。
作者: Immomo 時間: 18-11-14 09:44
身處數碼化革命的時代，我們的學校亦需要重新定位。今集會帶觀眾到世界各地，看看當地最創新的教育方法，以及背後的理念。由新加坡到芬蘭，由法國至美國，他們的教育制度最成功之處是甚麼？老師、學生及教育專家亦會分享他們對於教育的想法、疑慮及希望。
http://www.rthk.hk/tv/dtt31/programme/sciencewithyou/episode/532026
最近睇左呢個program. 好多反思, 傳統定國際, IPAD 定書....有時間值得睇睇!
作者: booloobaalaa 時間: 18-11-14 09:48 標題: 回覆樓主:
樓上每一位都講出我心底話
好多家長係傳統名校出生
我覺得傳統方式壓抑左我既童年同少年
自己後來因機遇去外國做多年野先重新似新生嬰兒學起，從一個盒子走出來，soft skills, social, how to have fun, confidence, critical thinking 辛苦的過程，
而家還在學，太遲
如樓上所言，讀國際學校又何止語境咁淺薄
讀國際學校，點會係因為想細路群鬼仔呢
香港係華人社會主流，細路仔唔識同香港人和內地人相處我先驚
作者: LittleOsMummy 時間: 18-11-15 08:43
Jmachi 發表於 18-11-13 23:57
因為自己由細到大,真係為考試而考試.把考試要考嘅嘢塞入腦，考完試個一星期後就全部都唔記得哂！這樣學習模 ...
同我一樣，我覺得我讀廿幾年書都係咁簡直係浪費，如果我係讀真正有興趣嘅科目我嘅人生應該會完全唔一樣！
作者: LittleOsMummy 時間: 18-11-15 08:49
booloobaalaa 發表於 18-11-14 09:48
樓上每一位都講出我心底話
好多家長係傳統名校出生
本帖最後由 LittleOsMummy 於 18-11-15 08:50 編輯
Can't agree more, 喺外國生活過就知香港嘅人好多都冇乜自信，連打套拳個背脊都企唔直！又冇乜social skills/soft skills, 好多時唔敢speak their mind...
作者: VancouverBC2005 時間: 18-11-15 11:14
jojosesame 發表於 18-11-13 22:27
想請教讀傳統學校長大的家長，如何斷定送子女讀國際學校是值得的？現時有大部分的國際學校都收的本地人或中 ...
正如你喜歡 AgnesB, 我喜歡 BV, 佢喜歡 Hermes; 大家都係手袋, 邊有得講性價比。
自己喜歡的話，十萬一個手袋都係值
作者: Happy小米 時間: 18-11-15 13:56 標題: 回覆樓主:
我囝囝升中，會轉讀is, 希望佢讀得開心同啱佢啦，都好期待 
作者: nintendo 時間: 18-11-15 14:03
torunpoland 發表於 18-11-13 22:58
如果要我好簡單咁概括，年幼時在國際學校培養的思考模式，已經「值回票價」。
同意。
作者: miacasa 時間: 18-11-15 14:13 標題: 回覆樓主
思考方法，對於將來工作上也有影響。自己算是出身傳統名校，填鴨式教育下成長，工作很努力，但很多時思考就是跳不出框框。相信思考方法是自小培養。
作者: Jane1983 時間: 18-11-15 16:17 標題: 回覆樓主:
性價的定義人人唔同，如果單純以交幾多錢學費，第日搵咩工計，係咪讀免費官津12年，考入港大醫科，就最抵？
而家經濟環境好咗，家長有資源栽培小朋友，心頭都會高d，希望帶小朋友睇到一個廣闊d、豐盛d的世界。我都係讀傳統名女校出來，只想講我希望女兒得到更好更多。
作者: Ackl1002 時間: 18-11-15 16:50 標題: 回覆樓主：
本帖最後由 Ackl1002 於 18-11-15 16:50 編輯
我係傳統名女校畢業，上大學後，第一堂tutorial堂，共7個學生對1個tutor，個tutor 拋出一個問題:“你係用咩framework去思考呢個問題?” 成班同學鴉雀無聲，你眼望我眼咁。我自己當時心諗，咩叫"framework"，唔敢答，驚核突。而且一路讀中學都無真正思考過一啲問題。根本local schools 教出來的，好多都是循規蹈矩嘅考試機器。佢地小學時被教唔准出聲，問問題等於搞亂班上秩序。到中學時，忙到無時間去思考，無時間去關心身邊嘅事物。一味為應付考試而忙到飯都唔得閒食。
作者: hkpapa852 時間: 18-11-15 18:38
會以性價比去衡量的家長，其實不適合將子女送去國際學校。
作者: ZackMama 時間: 18-11-15 23:31 標題: 回覆樓主：
本帖最後由 ZackMama 於 18-11-15 23:54 編輯
估唔到呢度都有咁多傳統名校出身嘅家長。我都係喺一間所謂名校中渡過痛苦嘅童年，經常被老師單打，嫌我窮、成績差，甚至喊住同我講話我拖低佢班嘅表現，令佢好冇面。我唔希望小朋友喺呢種環境長大。
就當只係我唔好彩遇到呢種老師，但而家嘅教育制度，其實係三輸：小朋友讀得辛苦，背誦/操練好多唔見得有用嘅嘢；家長教得辛苦，破壞親子關係，但如果放手唔理，就會出現我以前嘅情況，被老師單打/嫌棄；老師教得辛苦，課程內容不停增加，時間又有限，課餘仲有好多admin嘢要做，本來好有heart嘅老師，都會做到洩氣。
作者: ZackMama 時間: 18-11-15 23:54 標題: 回覆樓主
非常感恩而家小朋友鍾意返學，學校容許發問、探索，按自己步伐學習。其實人嘅一生都需要學習，所以鍾意返學，鐘意追求知識好重要。
作者: austinmimi 時間: 18-11-15 23:57
本帖最後由 austinmimi 於 18-11-16 00:02 編輯
ZackMama 發表於 18-11-15 23:31
估唔到呢度都有咁多傳統名校出身嘅家長。我都係喺一間所謂名校中渡過痛苦嘅童年，經常被老師單打，嫌我窮、 ...
Same here
回想當年，傳統名校考第一，CE AL 加埋10支A，本地大學神科1st hon 畢業。又如何！
現在回想都只覺得自己浪費了光陰，只成為了考試機器，世界觀太狹窄了。
作者: jojosesame 時間: 18-11-16 00:12
hkpapa852 發表於 18-11-15 18:38
會以性價比去衡量的家長，其實不適合將子女送去國際學校。
仲要預份工穩定，儲到錢去外國讀書。
一件輕鬆，多幾件就唔同講法。
看似教育的題目，其實影響著整家人的生活方式。
供到小朋友讀哈羅，我相信都不用在此討論了。
作者: jojosesame 時間: 18-11-16 00:14
austinmimi 發表於 18-11-15 23:57
Same here
回想當年，傳統名校考第一，CE AL 加埋10支A，本地大學神科1st hon 畢業。又如何！
作者: jojosesame 時間: 18-11-16 00:19
Happy小米 發表於 18-11-15 13:56
我囝囝升中，會轉讀is, 希望佢讀得開心同啱佢啦，都好期待
作者: jojosesame 時間: 18-11-16 00:21
LittleOsMummy 發表於 18-11-15 08:49
本帖最後由 LittleOsMummy 於 18-11-15 08:50 編輯
Can't agree more, 喺外國生活過就知香港嘅人好多都 ...
作者: austinmimi 時間: 18-11-16 01:07
本帖最後由 austinmimi 於 18-11-16 01:07 編輯
jojosesame 發表於 18-11-16 00:14
那有否覺得成績太好反而令自己選擇少了？
為甚麼會選擇少了？
作者: hkpapa852 時間: 18-11-16 08:26
jojosesame 發表於 18-11-16 00:12
可能BK 有好多富裕中產，手上揸住2球幾輕鬆交學費。假設國際係不歸路，除投資了一家人的生活費外，也似先洗 ...
作者: shadeslayer 時間: 18-11-16 08:28
jojosesame 發表於 18-11-16 00:12
可能BK 有好多富裕中產，手上揸住2球幾輕鬆交學費。假設國際係不歸路，除投資了一家人的生活費外，也似先洗 ...
值唔值得使錢買架寶馬？個個家庭環境唔同，要求不同，無得比性價。
作者: dada1010 時間: 18-11-16 09:02
ZackMama 發表於 18-11-15 23:54
非常感恩而家小朋友鍾意返學，學校容許發問、探索，按自己步伐學習。其實人嘅一生都需要學習，所以鍾意返學 ...
非常同意。我也是所謂名校畢業，由小學就好像一部機器咁，只知由頭到尾背誦課文，測驗考試一定高分，從來不會發問因老師會認為你麻煩。到中學就是補習，日日如是，基本上是塞知識入腦而不是理解其原意，考試過後已經很快便忘記。
所以到現在選擇了國際學校給仔仔，現就讀Y1，見到他每日開開心心上學，又有時間閲讀、探索求知識，我已經滿足了。不為追求名次，而是快樂地學習。感恩我選對了！
作者: nintendo 時間: 18-11-16 09:12
jojosesame 發表於 18-11-16 00:12
可能BK 有好多富裕中產，手上揸住2球幾輕鬆交學費。假設國際係不歸路，除投資了一家人的生活費外，也似先洗 ...
兩三球現金，話多唔多，如果冇收入，也坐食山崩。
大部分家長，也有工作有收入，只是收入較多，可以負擔到國際學校。
有人月入兩萬已經夠一家四口開支；有人租樓或供樓，已經三萬。
各有前因，冇乜可以比。
" 先洗未來錢 "，唔係咁用。
買樓做按揭，先入住再供二十年，也冇人會話係先洗未來錢。
收入二萬，係要碌卡買隻二十萬名錶，冇錢找卡數，個個月 min pay 比利息，
因為名錶非必需，這才算先洗未來錢。
交學費，子女生活費，一比要比起碼十八年，是必須開支，不能話係先洗未來錢。
醫療開支，買衣物，食物，也每個家庭有不用選擇。
有人排政府街症，有人約私家醫生。
自己衡量一下自己能力才決定。
作者: Jane1983 時間: 18-11-16 10:03
hkpapa852 發表於 18-11-16 08:26
銀根不足，其實無謂勉強自己要小朋友入國際學校。
同意，如果要全家節衣縮食去比小朋友讀國際，其實唔健康。
但你話同一筆錢，攞黎養架車、食好d、買名牌袋或者一年去多幾次旅行，咁我覺得用來栽培小朋友更有價值。
作者: miacasa 時間: 18-11-16 14:13
Jane1983 發表於 18-11-16 10:03
同意，如果要全家節衣縮食去比小朋友讀國際，其實唔健康。
但你話同一筆錢，攞黎養架車、食好d、買名牌袋 ...
同意
作者: EconFather 時間: 18-11-16 14:50
性價比係子女教育上是一程錯誤的想法。
例子，
一間10呎的單位賣10000蚊，1000蚊一呎。
另一間1000呎的單位賣2000萬，2萬蚊一呎。
問題係10呎個間唔係人住，假如本地學校讀到你小朋友變左舊飯，你仲考慮性價比嗎?
考慮性價比的父母，我聽和遇見的，都是只求一張畢業證書的父母，覺得讀到港大出來個個都係港大咁叻。但問題係，社會做野，唔係睇畢業證書咁簡單。
如果考慮性價比，就唔會買名錶。
奇怪地呢班家長會同你講名牌有其他好處。
作者: booloobaalaa 時間: 18-11-16 15:30 標題: 回覆樓主:
每個家庭量力而為啦
國際學校唔係完美，但如果經濟壓力大都要食飯的 可以試試獎學金 好多學校有獎學金比想讀國際學校的家庭，不要求十項全能
傳統名校考第一只係踏入社會第一個門欄，之後造化看其他了。個人性格， resilience,處理危機能力，履歷再無關係
盡量家庭自己身教，唔好隨波逐流人補你就補。朋友以前屯門沒名氣學校出生，無讀書壓力變態家長圍繞反而攞獎學金去劍橋讀本科生，超級活潑。
去左外國或入左國際都唔代表“變身”。去完外國藩籬都會唔識講英文有口音。父母灌輸觀念仍然重要
作者: torunpoland 時間: 18-11-16 16:45
Jane1983 發表於 18-11-16 10:03
同意，如果要全家節衣縮食去比小朋友讀國際，其實唔健康。
但你話同一筆錢，攞黎養架車、食好d、買名牌袋 ...
你講中我嘅情況（用錢原則）：我唔哋唔買車、唔養車、一年一次暑假旅行、冇工人，省下的錢，便是學費。
我家認為，國際學校學費是必須品。
作者: rabbypiggy 時間: 18-11-17 15:56
回覆 torunpoland 的帖子
我也正面對這難題。不過我不是比較本地vs國際的性格比，而是考慮一家私校（老大）和一家國際學校（老二）的性價比。私校比國際學校學校貴一截，所以盡管老二如無意外應可取得私校offer，我們也不得不考慮性價比問題。我想大部分家長還是傾向把兩個孩子放在同一個學校吧？如大家曾面對同樣問題，希望你也能給我一些意見，謝謝
作者: 木子兔媽媽 時間: 18-11-17 17:29 標題: 回覆樓主：
本帖最後由 木子兔媽媽 於 18-11-17 17:30 編輯
我只回應’性價比’
如果’買’只看’性’和’價’, 那是’慳’和’抵’的角度
為什麼慳學習呢? 好嘢未必抵!
作者: Happy小米 時間: 18-11-17 19:10
hkpapa852 發表於 18-11-16 08:26
銀根不足，其實無謂勉強自己要小朋友入國際學校。
有些is中學有獎學金，其實都有機會讀平學
作者: torunpoland 時間: 18-11-18 12:33
回覆 rabbypiggy 的帖子
我從來只考慮國際學校，所以冇咩意見可以畀。
本地學校，不論直資官津，我不考慮。原因很多，簡單而言，我認為課程結構編排與執行，直接或簡接導致孩子欠缺思考／閱讀／沉澱的空間，這是我最不希望見到的。
作者: poonseelai 時間: 18-11-18 14:26 標題: 回覆樓主:
唔知什麼性價比，選學校看課程，中文水平，自己可否負担到
作者: Iwtbr 時間: 18-11-19 12:18
有關負擔問題, 請問在讀國際學校的家長, 除學費外, 每月有關教育的支出大概要多少呢? 中文程度能應付香港生活/工作需要嗎
本人兩個小孩還在kinder階段, 正在苦惱應否為他們安排入讀國際學校 (當然有冇位比佢地讀係另一回事)
作者: Happy小米 時間: 18-11-19 12:25
poonseelai 發表於 18-11-18 14:26
唔知什麼性價比，選學校看課程，中文水平，自己可否負担到
同意，可能用樓主用錯字眼...
如像買新界樓vs 巿區樓
要空間（心靈/具體空間）同埋交通時間同費用高 vs 要交通方便但較擠壓空間。。
所有嘢都冇絕對，give and take...
同埋要看看小朋友性格同能力，家庭教養等..有些小朋友傳統學校如坐針顫。。
有些好醒目又定，思考天生靈活，我覺得讀什麼學校都冇問題，不過如afford 到又想小朋友開心，都會選擇IS..
作者: whitesky 時間: 18-11-19 14:22
不知道什麼是比性價。本地教育及國際學校教育不是單單中，英，數學術不一樣，學習方式，思維，重點，性格培養，價值觀，孩子成長，完全不一樣，好難放在一起去比較。從沒有考慮讀本地學校，對本地名校不感興趣，因為不喜歡從小要訓練小朋友適應過度競爭的考試制度，覺得不適合我們家庭生活方式。只是幫孩子們選擇重視中文的國際學校，其中一個大仔已經中學，他的中文程度是不錯的。
作者: 抺茶雪糕 時間: 18-11-19 15:33 標題: 回覆樓主
我覺得冇一個小朋友唔適合讀國際學校，但唔係個個小朋友都適合讀本地學校
選擇邊間學校除咗要睇小朋友之外，亦都要考慮家庭情況，好似我真係忍受唔到小朋友每日放學都要用好多時間做功課，週末放假除咗功課之外又要準備各種大小測驗，但有好多家長可以接受呢啲，而且覺得小朋友用多啲時間喺學術上先至對佢哋將來有幫助
冇諗過會用性價比去決定，如果會用性價比去考慮應該唔係好適合國際學校，可能一路讀一路會覺得唔值同有各樣不滿
作者: GreenMaDad 時間: 18-11-19 18:07
我反而明白樓主用"性價比"這字眼，我自己都是因為這現實問題而決定小朋友行 local school。近親親戚兩個小朋友在國際學校，雖然他們未到喊住返學，但他倆常說不喜歡上學，可能他們的國際學校差吧(正如好多人都説，好的國際學校都好難入). 他們是沒有考試壓力，但講真, 我不覺得他們的認知能力高（可能他們還小吧) ，soft skills 呢，應該大部分人都覺得他們差： 自我、時常尖叫、不喜歡望住人打招呼等等....他們父母很洋化，似乎他們覺得要教小朋友"規矩"是剝奪了小朋友的真性情。當然，我自己親身感受到的不能代表全部，但要花國際學校的錢得到這種結果，我真的覺得不值得. 不過, 大前提是我自己小朋友在local school讀得ok, 如果他將來讀得不開心，我都唯有轉他到非傳統學校。
作者: Jane1983 時間: 18-11-19 18:42
GreenMaDad 發表於 18-11-19 18:07
我反而明白樓主用"性價比"這字眼，我自己都是因為這現實問題而決定小朋友行 local school。近親親戚兩個小 ...
家教係學校無可取代。教得唔好，本地學生一樣好多嘢令人睇唔過眼。
作者: GreenMaDad 時間: 18-11-19 19:09
回覆 Jane1983 的帖子
講得啱，但一般國際學校家長（尤其是真正外國人）很推崇讓小朋友自由發展，相信大部份人都認同朋輩影響對小朋友發展會越來越重要，國際學校的風氣（煙、酒、男女關係）也是我對它們有保留的其中一原因。
作者: ZackMama 時間: 18-11-19 23:04
GreenMaDad 發表於 18-11-19 19:09
回覆 Jane1983 的帖子
講得啱，但一般國際學校家長（尤其是真正外國人）很推崇讓小朋友自由發展，相信大部 ...
我唔係好同意。自由發展同家教冇牴觸。我認識嘅「外國人」好少好放任/唔管教小朋友，佢地都好有禮貌。
作者: shadeslayer 時間: 18-11-19 23:43
GreenMaDad 發表於 18-11-19 19:09
回覆 Jane1983 的帖子
講得啱，但一般國際學校家長（尤其是真正外國人）很推崇讓小朋友自由發展，相信大部 ...
本地學校煙酒男女少？家長唔知咋呱。
作者: 抺茶雪糕 時間: 18-11-20 07:42
shadeslayer 發表於 18-11-19 23:43
本地學校煙酒男女少？家長唔知咋呱。
公園同屋邨商場見唔少
作者: GreenMaDad 時間: 18-11-20 07:47
回覆 ZackMama 的帖子
可能我吾好彩，有次响屋苑等小朋友放學，嗰度寫明吾可以玩球類活動，國際學校學生攞住個足球落校車， 一落車就响度踢波，吾知佢家長响邊，其他家長（包括我）就避得就避，有個婆婆行過差D俾個波撞到，婆婆梗係行得慢，佢似乎想鬧D學生, D學生就一副"等你行完我地先踢 law"的表情。
當然你可以話本地學生因為要做功課，所以先冇時間踢波，如果有，他們都好可能向吾適合既地方踢。，
國際學校有它的吸引力，不過我吾覺得家長要盲撐。
作者: shadeslayer 時間: 18-11-20 08:00
GreenMaDad 發表於 18-11-20 07:47
回覆 ZackMama 的帖子
可能我吾好彩，有次响屋苑等小朋友放學，嗰度寫明吾可以玩球類活動，國際學校學生攞 ...
盲撑？内地教育絶不西化，且為「禮義之拜」千百年，排隊落公園如何呢？
唔係話西方教育德育一定好，或中式教育一定好，但德育始終和家教，或家裏有没有人關心多一點。
簡單講成煙酒男女就是偏見。
作者: ddbb0099 時間: 18-11-20 08:07
GreenMaDad 發表於 18-11-19 18:07
我反而明白樓主用"性價比"這字眼，我自己都是因為這現實問題而決定小朋友行 local school。近親親戚兩個小 ...
家教應由家長教。可能佢地讀本地都一樣
作者: GreenMaDad 時間: 18-11-20 08:16
回覆 抺茶雪糕 的帖子
我估大家都明，如果考慮得本地學校或國際學校的家庭，家庭經濟環境及對小朋友重視的程度大多屬於中上，這群家庭的小朋友如留在本地學校，大多在 band 1 或 band 2 學校。我可能還很幼稚，我會估大多在公園一群群在食煙的的學生不是這類別。
不過, 我自己都有些偏見：
國際學生食煙、飲酒、男女關係開放等，可能是代表他們追求人生樂趣、不受束縛、他們有獨立思想，為自己自己的人生負責，是成熟的表現。本地學生做同樣的事，可能是他們反叛、無主見、容易被壞同學帶壞.
作者: ZackMama 時間: 18-11-20 08:18
GreenMaDad 發表於 18-11-20 07:47
回覆 ZackMama 的帖子
可能我吾好彩，有次响屋苑等小朋友放學，嗰度寫明吾可以玩球類活動，國際學校學生攞 ...
本帖最後由 ZackMama 於 18-11-20 08:34 編輯
唔係撐啲唔守規矩嘅學生，只係覺得唔應該將國際學校等同某類學生嘅溫床啫。其實我都想知呢種見解係點樣嚟，我都有朋友係咁樣諗。
作者: mamaishere 時間: 18-11-20 08:25
GreenMaDad 發表於 18-11-19 18:07
我反而明白樓主用"性價比"這字眼，我自己都是因為這現實問題而決定小朋友行 local school。近親親戚兩個小 ...
本帖最後由 mamaishere 於 18-11-20 08:28 編輯
其實似係你兩個親戚小孩無乜家教，就算佢哋去讀傳統學校而父母仍然不加管教(包括望著別人打招呼，不隨便尖叫，為別人著想不要太自我等等)，同樣行為一樣會出現喺佢讀嘅學校，有其他人目擊又會同你一樣咁賴落去佢哋學校嘅校風差。大陸都有好多被寵壞嘅孩子，隨地去廁所，掉垃圾，唔排隊，粗聲粗氣⋯⋯ 呢啲都係你提及嘅行為問題，但佢哋係接受所謂最傳統同嚴厲嘅學校教育，咁原因係咩呢？
作者: Jane1983 時間: 18-11-20 08:29
回覆 GreenMaDad 的帖子
球場亂踢波，呢d真係芝麻綠豆的小事，咁都攞黎講。全港咁多本地中小學生，無同理心、無公德心的事唔會少啦，黎d，once again又係家教。
作者: ZackMama 時間: 18-11-20 08:43 標題: 回覆樓主
呢個都係一個有趣嘅話題，記得有個外國人朋友問，點解喺香港個個都會使用傷殘人士廁所？明明係預留俾傷殘人士用，佢覺得好不可思議。
作者: shadeslayer 時間: 18-11-20 08:53
GreenMaDad 發表於 18-11-20 08:16
回覆 抺茶雪糕 的帖子
我估大家都明，如果考慮得本地學校或國際學校的家庭，家庭經濟環境及對小朋友重視的 ...
你估？
都係嗰句，band 1, 2 學生，有無煙酒男女？家長唔知姐。
用國際本地簡單二分，是嚴重偏見。但你有權嚴重偏見。
作者: ZackMama 時間: 18-11-20 09:15
GreenMaDad 發表於 18-11-20 08:16
回覆 抺茶雪糕 的帖子
我估大家都明，如果考慮得本地學校或國際學校的家庭，家庭經濟環境及對小朋友重視的 ...
純討論，本地學校被分成一線二線甚至咩神校寶校。如果用呢個分法，咁的確經濟環境較理想嘅家庭會爭相入讀「一線學校」，而「公園吸煙」學生大抽獎抽到乜都要讀。
但國際學校原意係俾在港居住嘅外國人小朋友入讀，佢地唔識廣東話，冇乜其他選擇。有好多甚至係父母公司package送呢啲小朋友入讀。這樣的話，小朋友有冇家教，同佢地嘅經濟環境，似乎就冇乜直接關係。
作者: ZackMama 時間: 18-11-20 09:24 標題: 回覆樓主
講緊呢個係早十、二十年前嘅國際學校情況。
但近呢十年，全球經濟環境等因素影響，入讀國際學校變得真係同家庭經濟有關係。越嚟越多因為家庭經濟環境較好，更願意投資喺小朋友身上，所以選擇入讀。可能因為咁，呢班有學識嘅家長感覺上比較有教養啲。
（純個人意見）
作者: nintendo 時間: 18-11-20 10:10
ZackMama 發表於 18-11-20 09:15
純討論，本地學校被分成一線二線甚至咩神校寶校。如果用呢個分法，咁的確經濟環境較理想嘅家庭會爭相入讀 ...
呢個 topic 反映好多 LS 家長的心態。
IS 家長一定係盲撐，講到人地個個冇腦。
但自己又盲反，而且好似好有見地。
IS 某學生差，一定係個個咁差。
LS 某學生差，只係個別事件。
作者: Iwtbr 時間: 18-11-20 10:18
如果只是家教問題, 那不用讀國際學校去接受自由式教學, 自己在家灌輸is套理論都可以教到小朋友精叻活潑兼英文強嗎?
我覺得 家教, 學校氣氛, 朋輩 都同樣咁影响小朋友
有家長說: 國際學校=不守規舉學生 係偏頗既簡單二分說
咁is家長常說: 本地學校 = 不懂思考書蟲, 都係帶了有色眼鏡 去看本地教育制度
作者: shadeslayer 時間: 18-11-20 11:04
Iwtbr 發表於 18-11-20 10:18
如果只是家教問題, 那不用讀國際學校去接受自由式教學, 自己在家灌輸is套理論都可以教到小朋友精叻活潑兼 ...
世事好少絕對。
學校主要教學識，思考，訓練身體，發展才藝，self discovery，等等。
德育，卻在乎家庭，朋友較多。
作者: Jane1983 時間: 18-11-20 11:15
睇番香港家庭收入中位數，國際學校的學費係貴。而家好多就讀的小朋友，並唔係由公司交學費的expat。而係教育程度幾好、收入唔錯的家庭，為更好地栽培仔女，真金白銀心甘情願交學費，你估咁多傻仔咩！
國際學校唔係人人能負擔，所以我唔會吹捧話國際學校點好點好，因為咁樣好condescending 和好老土。但如果講到「讀得掂，使乜讀國際」，或者「國際學校學生都係吸煙、飲酒、濫交」咁又唔係事實。
作者: 抺茶雪糕 時間: 18-11-20 11:28 標題: 回覆樓主
係playground playroom 觀察到國際學校同本地學校小朋友玩同互動時嘅分別:
如果小朋友間有少少衝突，國際學校啲小朋友會自己解決，同埋好快冇咗件事一齊玩;本地學校小朋友大多數即時會喊或者走去向大人吿狀
其實都反映咗國際學校同本地學校家長處事手法嘅唔同,國際學校小朋友更有衝突，家長通常有佢哋自己解決，比着本地學校，家長第一件事會向老師投訴同埋向對方小朋友家長興師問罪
作者: shadeslayer 時間: 18-11-20 12:00
Jane1983 發表於 18-11-20 11:15
睇番香港家庭收入中位數，國際學校的學費係貴。而家好多就讀的小朋友，並唔係由公司交學費的expat。而係教 ...
本帖最後由 shadeslayer 於 18-11-20 12:02 編輯
如果係事實，或有普遍性，咁講清楚係幫助選校的家長。 This applies to both IS or LS.
For example, when someone said LS has a more rigorous Chinese and Math curriculum, they are probably true to a good extend.
作者: Jane1983 時間: 18-11-20 12:19
回覆 shadeslayer 的帖子
我有溫和地分享，明白的人會明白，唔明的亦無所謂啦。
經過咁多年，我女都高小，見番佢維記幼稚園的同學。讀本地和國際的朋友仔，精神面貌係好唔一樣。
作者: tibbar2011 時間: 18-11-20 12:39
回覆 Jane1983 的帖子
Jane can you elaborate further how the kids are different?
作者: torunpoland 時間: 18-11-20 12:41
回覆 Jane1983 的帖子
寧願畀一筆唔細嘅錢做學費，都唔選讀$0的官津校，一定有理由。絕對值得教育官員深思。不過唔使深思啦，佢哋都用咗行動說明一切。
唔係話官津差，但我真係覺得國際學校好好多，就係咁簡單。冇一間學校，冇一個制度係完美嘅。意願再好，執行細節影響效果。如果，如果，如果，而家官津小學好似我以前咁正常，我一定會畀小朋友讀。
我好清楚記得，小一中文第一課：天亮了，天亮了，我要早起，我要早起上學校。而小一社會第四課：自己的事自己做，還會幫助做家務。但係以上內容，K2都嫌淺啦。
時代變咗，課程設計應該跟住變，可惜越變越衰。我唯有畀錢啦。有人話我逃避，事但啦，逃避是一種選擇，總之係經過理性比較而作出的選擇，隨便人點講都好，仔女係自己嘅，為其擇優，父母之責。
作者: Jane1983 時間: 18-11-20 12:48
回覆 tibbar2011 的帖子
生活逼人、身不由己，十個飯煲九個蓋feel。
作者: poonseelai 時間: 18-11-20 12:53
torunpoland 發表於 18-11-20 12:41
回覆 Jane1983 的帖子
寧願畀一筆唔細嘅錢做學費，都唔選讀$0的官津校，一定有理由。絕對值得教育官員深思 ...
我都覺得過去十多年本地教育变咗好多，是否直資出現加速了入學競爭，細細個就要操？只是普遍家長教育水平高了要求更高？我仍覺我小時候小學似現在IS, 放學有功課但不会無時間玩，小學一年级中文第一二課係: 山，高高的山，海，大大的海，整幅图畫活現眼前，英文A pen and a man,相比今天真見笑了。
作者: Moonlight819 時間: 18-11-20 13:01
shadeslayer 發表於 18-11-20 08:00
盲撑？内地教育絶不西化，且為「禮義之拜」千百年，排隊落公園如何呢？
唔係話西方教育德育一定好，或中 ...
對於那些還停留在什麼讀國際學校學生喜歡煙洒，攪男女關係的家長真的沒興趣和他們討論，大家見大陸同胞們在中國傳統的教育下行為品格質素有幾高便知道！差不多全部名人高官（包括教育局長）把他們自己的孩兒放在哪裡讀書便知哪種教育較好吧！人的身體最誠實！
作者: ZackMama 時間: 18-11-20 13:01
poonseelai 發表於 18-11-20 12:53
我都覺得過去十多年本地教育变咗好多，是否直資出現加速了入學競爭，細細個就要操？只是普遍家長教育水平 ...
我記得我當年二年班平日已經9樣功課，分別只係當年係半日制，而家係全日。當年勉強有時間玩，而家唔知仲有冇得玩。
作者: poonseelai 時間: 18-11-20 13:07
ZackMama 發表於 18-11-20 13:01
我記得我當年二年班平日已經9樣功課，分別只係當年係半日制，而家係全日。當年勉強有時間玩，而家唔知仲有 ...
証明你後生好多
作者: ZackMama 時間: 18-11-20 13:10
poonseelai 發表於 18-11-20 13:07
証明你後生好多
講笑咩，只不過我間學校出名谷
作者: shadeslayer 時間: 18-11-20 13:12
Jane1983 發表於 18-11-20 12:19
回覆 shadeslayer 的帖子
我有溫和地分享，明白的人會明白，唔明的亦無所謂啦。
本帖最後由 shadeslayer 於 18-11-20 13:17 編輯
其實我不想 over-generalize either way.
阿女有一大班本地學校朋友，不少我也識，好幾年。雖然多是「神校」生，但他們甚聰明醒目，又文又武，家長十分專注教養學習。
所以本地校可以讀得極好，國際也可以一事無成(也見過頗多)。以為lS生一定讀得好，亦是美麗的誤會。GS1S也有讀不成書的。
作者: 四隻貓 時間: 18-11-20 14:32
Moonlight819 發表於 18-11-20 13:01
對於那些還停留在什麼讀國際學校學生喜歡煙洒，攪男女關係的家長真的沒興趣和他們討論，大家見大陸同胞們 ...
作者: 四隻貓 時間: 18-11-20 14:39
Jane1983 發表於 18-11-20 12:19
回覆 shadeslayer 的帖子
我有溫和地分享，明白的人會明白，唔明的亦無所謂啦。
同意, 精神面貌係好唔一樣.
上到中學會更加明顯.
其實有心想知道有咩唔一樣既家長, 去下不同學校既open day參觀, 同d學生傾下計, 自然會睇到, 亦會知道那一款教育0岩自己孩子.
作者: 紅紅 時間: 18-11-20 15:41
GreenMaDad 發表於 18-11-20 07:47
回覆 ZackMama 的帖子
可能我吾好彩，有次响屋苑等小朋友放學，嗰度寫明吾可以玩球類活動，國際學校學生攞 ...
從未見過乖的IS學生？所有band 1,2 LS學生都乖？
IS不是完美，但也不需要盲踩。
作者: 紅紅 時間: 18-11-20 15:51
nintendo 發表於 18-11-20 10:10
呢個 topic 反映好多 LS 家長的心態。
IS 家長一定係盲撐，講到人地個個冇腦。
但自己又盲反，而且好似好 ...
好奇怪嘅邏輯。
根據佢選校準則佢應該揀Home schooling。
作者: Saboc 時間: 18-11-20 17:57
本帖最後由 Saboc 於 18-11-20 18:00 編輯
一同長大讀local school 的鄰居小孩又真係同我家讀intl school 的小孩越大越唔同。他們又真是少少事也會upset, 樣樣都要比賽，喜歡向大人投訴，最明顯係佢哋朝早上校車係較愁容。
我自己係讀local school 大，明白其長短處，但個人認為而家local school 係去到一個我同先生都唔buy嘅程度. 亦認為intl school 培訓出來嘅學生較適合將來世界。
至於intl school conduct 同discipline, 我以前亦有較負面嘅睇法。但當再细心觀察身邊親戚朋友讀intl school 嘅高小，中學至巳畢業嘅仔女，又真係無乜negative case. 他們一般都好presentable , 讀書ok.
暫時，我哋都好慶幸選咗intl school.
咁intl school 係唔係完美，哈!咁大個人仲相信真係有完美存在？
作者: 貝珠 時間: 18-11-20 18:19 標題: 回覆樓主
千其唔好convince 咁多人入IS，記住各有所好呀！
作者: Saboc 時間: 18-11-20 18:29
回覆 貝珠 的帖子
係，真係各有所好
作者: pat1668pat 時間: 18-11-20 19:04
Saboc 發表於 18-11-20 18:29
回覆 貝珠 的帖子
係，真係各有所好
條條大路通羅馬，唔會有最好，只有最適合。我自己因為希望小朋友有個開心嘅童年，而我自己自私啲希望有個舒服嘅中年，唔使周圍搵學校，唔使上各樣興趣班，補習，面試班
不過鹹魚青菜各有所愛，我嘅底線係一定要小朋友學習有品德修養，而書本知識只係係其次
作者: jk121299 時間: 18-11-20 19:13
貝珠 發表於 18-11-20 18:19
千其唔好convince 咁多人入IS，記住各有所好呀！
啱聽，帶d local style入IS冇好處。
今日新閒都賣啦，香港教育程度真係唔係好掂。
講真，香港地個個鬥生鬥死，黑口黑面，學校鬥，職場鬥，連出(emoji)入(emoji)都鬥，都唔知為乜，一切從起跑線開始。
| 歡迎光臨 教育王國 (/) |
Powered by Discuz! X1.5 |