教育王國

標題: 交學費銀行收費問題 [打印本頁]

作者: hoilingwai 時間: 前天 04:22 標題: 交學費銀行收費問題

小女中學要交第一期學費，有兩種辦法。第一係銀行自動轉帳。第二就係佢俾個account number你。你就直接入數。本人沒有英國戶口，所以不能自動轉場。只好揀第二方法。恆生海外轉帳是不收費用的。咁我直接轉應本去英國銀行Lloyd bank交學費. 最後收咗我50磅費用。但係之前交留位費都係呢間銀行幾千磅就冇收手續費。想問問大家有冇經驗，有咩方法唔收手續費？自動轉帳係咪一定要英國銀行？謝謝大家。

作者: anitawong21 時間: 前天 06:11

hoilingwai 發表於 25-9-3 04:22
小女中學要交第一期學費，有兩種辦法。第一係銀行自動轉帳。第二就係佢俾個account number你。你就直接入 ...

其實有細路留學最好開個HSBC UK，有debit card，如果佢突然之間有嘢需要，上網響英國買快過你由香港寄去。但你由恆生搬錢去HSBC UK要唔要收費就唔清楚，你可以考慮開埋ifast，仲容易開，用香港地址都開到，可惜要有英國地址先可以申請debit card！不過都係英國銀行戶口，從外國銀行入錢落去又免手續費，你先用恆生過咗數入去，然後可以直接網上轉錢去其他英國銀行，我pm條ifast開戶link俾你慢慢研究吓先。

作者: yuyueng 時間: 前天 13:37

恆生海外轉賬點解唔使手續費？恆生起海外冇分行，所以一定會收2邊手續費大概$500 港元好正常。英國銀行手續費點都走唔甩，唯一可以慳係上恆生網自己做T/T 手續費可以平$100，但唔係已登記戶口做唔到成10幾萬轉賬，所以要去恒生一趟登記咗學校戶口先可以自己網上做TT。
我自己就係冇英國戶口，只得恆生，阿仔4年中學我都係網上TT 比學校咋，今年大三都係一樣，大學好D，一年轉1次，中學一年轉3次。

作者: vincat 時間: 前天 14:54

回覆 hoilingwai 的帖子

你小朋友先中學, 都應該仲有好多次學費要交, 我建議你去HSBC開返個英國ACCOUNT, 長遠交學費會方便好多

作者: cfs 時間: 前天 16:41

hoilingwai 發表於 25-9-3 04:22
小女中學要交第一期學費，有兩種辦法。第一係銀行自動轉帳。第二就係佢俾個account number你。你就直接入 ...

長遠化算開英國戶口，最簡單係HSBC 手機apps/網上可以搞掂。但HSBC兌換率貴，我用東亞銀行兌好去取現金，再入去HSBC香港，再轉數入HSBC UK,每年做兩次左右。或者中銀兌換率也吾錯。

作者: hoilingwai 時間: 昨天 18:16

本帖最後由 hoilingwai 於 25-9-4 18:17 編輯

謝謝各位的回覆，check清楚原來恆生冇收手續費，外國銀行亦冇收手續費？係我搞錯咗。
之前申請咗恆生debit card都好方便。亦可以在英國hsbc櫃員機。撳錢出嚟.
亦唔使去分行登記轉錢，全部網上搞掂，非常方便。
開英國滙豐銀行戶口。唔係唔好，不過出糧都係喺恆生轉英磅入滙豐要收手續費。依家發覺恆生唔使手續費，咁就繼續就咁run落去。除非有其他著數

歡迎光臨教育王國 (/)