教育王國
標題: 呈分有唔無學生唔想溫書 [打印本頁]
作者: little_kid 時間: 24-12-9 00:26 標題: 呈分有唔無學生唔想溫書
好辛苦 拉牛上樹
明明有時間溫習 都唔肯溫 梗要拖到無時間溫 到無時間又唔肯溫
點解呈分都唔盡力考 都知道成績係用嚟考中學 點解會無動力 好蒒氣 
作者: vpo0615 時間: 24-12-9 22:05
回覆 little_kid 的帖子
感同身受. 但我又feel到小朋友其實知咩事, 但又因為壓力大而選擇逃避.
作者: little_kid 時間: 24-12-10 12:04
vpo0615 發表於 24-12-9 22:05 
回覆 little_kid 的帖子
感同身受. 但我又feel到小朋友其實知咩事, 但又因為壓力大而選擇逃避. ...
我應該點做？
氹都唔肯溫 拖到無時間溫 就話難唔溫
作者: 加樂爹 時間: 24-12-10 14:09
vpo0615 發表於 24-12-9 22:05
回覆 little_kid 的帖子
感同身受. 但我又feel到小朋友其實知咩事, 但又因為壓力大而選擇逃避. ...
既然現在無從入手, 便先做些易做的, 你是他的領航者呀.
作者: 加樂爹 時間: 24-12-10 14:44
little_kid 發表於 24-12-10 12:04
我應該點做？
氹都唔肯溫 拖到無時間溫 就話難唔溫
但坦白講, 重覆溫習都未必高分, 平時都應該每日做下, 考試前溫, 是針對弱項再做.
作者: little_kid 時間: 24-12-10 15:16
加樂爹 發表於 24-12-10 14:44
其實, 當是家長唔識教佢, 但把之前書本/習作, 刪掉答案, 比佢每日做一些, 都算做左.
但坦白講, 重覆溫習都 ...
每日練習紙都準備了 但佢就是唔想做
作者: 加樂爹 時間: 24-12-10 16:26
little_kid 發表於 24-12-10 15:16
每日練習紙都準備了 但佢就是唔想做
白花錢, 自己諗起火都黎, 係咪呀?
比你打機? 比你玩? 比你錢食野?
蘭返入房, 自己檢討下!
keep 住呢度火, 鏟到佢上天花板!
15分鐘, 30分鐘佢唔做, 就同佢玩長久戰!
一日, 二日, 三日....
同我寫好D字, 唔好hey 我.
keep 住度火, 是非係你度!
到佢上左心先, 由15分鐘, 日後再加時間.
作者: 10090 時間: 24-12-13 14:10
加樂爹 發表於 24-12-10 16:26
都五年級, 每日做半個鐘, 甚至15分鐘都唔肯?有無責任心, 有無絲毫內疚?
白花錢, 自己諗起火都黎, 係咪呀?
...
不怕佢跳樓？
作者: 加樂爹 時間: 24-12-13 15:49
10090 發表於 24-12-13 14:10
不怕佢跳樓？
我考慮點係:
1. 本身細路係咪ADHD, 又或者真係跟唔上? 家長其實咁多年, 應該有個底.
2. 樓主咁講, 應該細路係無平日溫書習慣.
3. 其實10歲 (小五), 係咁, 應該家長多年都係無迫佢, 或者迫唔到佢.
4. 評估下, 0-10分, 細路既學習壓力會有幾大?
5. 15-30分鐘 要每日做, 目的係要阿仔明白責任, 並不是要佢成績優秀.
6. 家長諗下, 放養左咁多年, 明顯阿仔對學習未上心, 要15-30分鐘只是要佢生活習慣多一樣野, 好似食飯要佢食乾淨, 要清理好枱面一樣.
7. 青春期前, 這兩年你唔教佢做人道理, 之後人生就係咁. 除非, 你話佢本身好乖, 但係淨係唔讀書, 呢個家長自已去判斷.
8. 再講, 除非細路真係好幼苗, 但一般10歲, 係可以理解物野係責任, 你吵完一鏟, 佢發完脾氣, 你同佢傾, 佢係有討論能力既.
9. 重點是10歲要有責任心, 要明白指示, 要明白自律 (打機打成日, 無心做事...), 要明白討論才可以爭取自己想要的.....難道會擔心他承受不了嗎?
10. 罵一下, 放少許, 罵一下, 放少許....看父母放多少心機去在青春期前定型罷!
11. 一般有自短的小孩, 會有長時間的壓抑及不懂表達, 可以先用社工精神科的評估問卷去了解下.
作者: 10090 時間: 24-12-13 19:10
加樂爹 發表於 24-12-13 15:49
呢個問題, 我有考慮過, 都想聽下你意見.
我考慮點係:
我都同意嘅，用動之以情嘅方法，令佢理解做事唔認真同讀書唔好嘅後果，真係要慢慢傾，否則變成情緒問題仲難搞
作者: nancy_pisces 時間: 25-1-20 19:00
加樂爹 發表於 24-12-10 16:26
都五年級, 每日做半個鐘, 甚至15分鐘都唔肯?有無責任心, 有無絲毫內疚?
白花錢, 自己諗起火都黎, 係咪呀?
...
講得好好
作者: conniewktang 時間: 25-1-27 14:22 標題: 回覆樓主：
本帖最後由 conniewktang 於 25-1-27 14:23 編輯
壓力過大會拒絕溫書或厭學，見唔少，可以從輔導著手。
作者: RainyRice 時間: 25-1-27 15:42
little_kid 發表於 24-12-9 00:26
好辛苦 拉牛上樹
明明有時間溫習 都唔肯溫 梗要拖到無時間溫 到無時間又唔肯溫
點解呈分都唔盡力考 都知道 ...
有朋友說自己細個唔溫某些課是因為對該科無興趣/唔知溫黎做乜（當然知升中升學需要，但心內覺無聊），所以無心機讀。明明讀了可以輕易95+，不讀則可跌到70
。
要令小朋友有興趣，或者（a)小朋友喜歡該科老師（b)家長在課外找相關活動或書或YouTube 給小朋友（c)一位好補習老師（包括家長也可）。
我也是學習和嘗試中……. 而呈分真的無時間心情和小朋友慢慢磨
作者: eviepa 時間: 25-2-24 23:19
要求一個五年級學生要自發溫習，你覺得是合理嗎？
我是個六十後，讀小學考升中試時是top boy來的。但我讀小學時，只會在考試前水過鴨背地溫一溫就去應考。幸好當年升中試只考中英數，考功力，不需溫習。如果需要溫習的話，我肯定入不了全級前十。
我到中二三時，開竅了，努力讀書，後來考進了大學。連我這個級別的人在小五時都沒有自發能力，學習動機比我差的人又如何？
家長們有沒有撫心自問，自己小五時有沒有自發能力？我相信沒有幾多人會答「有」。
我明白到小五時不大可能有自發能力，於是在我女兒小五面對呈分試時，便就親自督戰，和女兒溫一溫考試內容吧，從來都不會怪責她沒有自發能力。最終她也是Band 1。
有件有趣事和大家分享：
女兒升中時，我對她說：「妳在小學時除呈分試時爸爸和妳溫一溫外，妳每次考試都是空槍上陣，從不溫書。現在升中了，試一試學習溫書吧！這樣，妳平均每天溫習15分鐘，星期日休息，每周溫書1.5小時好嗎？」
她同意了。
一個月後，我發現她根本沒有溫書，問她為甚麼不履行承諾？她居然回答：「我唔知道中學咁容易讀嘛！根本唔需要平時溫習！」
我莞爾一笑，就任她臨考試前才溫書吧。
她當年讀一間Band 1中文中學，到中四時選擇讀文科，她長大了，開竅了，一直都是文科班裡的一姐，後來順利考入大學。
作者: TAIOU4 時間: 25-2-25 12:50
本帖最後由 TAIOU4 於 25-2-25 13:05 編輯
加樂爹 發表於 24-12-13 15:49
呢個問題, 我有考慮過, 都想聽下你意見.
我考慮點係:
青春期前唔教好
青春期開始後真係唔洗浪費時間去教
直至17歲過了青春期撞晒板先至會有機會聽你講
所以一定要細細個就教好
唔係講教佢乖乖聽話溫書
係要教佢識為自己打算
識得破除他人奇怪格言及超人偉論
知道什麼做才對自己最有利才行
(e.g. 讀書無用論, 識人好過識字, 入娛樂圈/YT就可做有錢人, 識個有錢男友...)
作者: little_kid 時間: 25-3-11 19:13
加樂爹 發表於 24-12-10 16:26
都五年級, 每日做半個鐘, 甚至15分鐘都唔肯?有無責任心, 有無絲毫內疚?
白花錢, 自己諗起火都黎, 係咪呀?
...
考完試終於可以上嚟輕鬆下
六年級喇
佢哋無責任心，唔內疚喇
作者: little_kid 時間: 25-3-11 19:19
conniewktang 發表於 25-1-27 14:22
壓力過大會拒絕溫書或厭學，見唔少，可以從輔導著手。
唔知，考試前有時間準備佢唔準備，考試先嚟溫，一定大壓力。可惜講完佢都唔溫！之前唔溫，已經無時間仲唔合作溫，其實我仲大壓力！
作者: little_kid 時間: 25-3-11 19:27
RainyRice 發表於 25-1-27 15:42
有朋友說自己細個唔溫某些課是因為對該科無興趣/唔知溫黎做乜（當然知升中升學需要，但心內覺無聊），所以 ...
本帖最後由 little_kid 於 25-3-11 19:30 編輯
本帖最後由 little_kid 於 25-3-11 19:29 編輯
你朋友講中哂。佢好多科都唔想溫，英文中文有google translate，唔識字仲可以語音輸入，唔識字對佢生活無影響，數學有計算機計，手機都計到，又無影響！常識老師好好人，有問必答，仲會一齊上網搵答案，所佢有興趣溫常識。中英科基本課程都趕住教，最好學生唔好上堂問嘢，咗住進度
但現實就係要自己識，唔可以用工具幫手，佢唔明
作者: little_kid 時間: 25-3-11 19:33
eviepa 發表於 25-2-24 23:19
要求一個五年級學生要自發溫習，你覺得是合理嗎？
我是個六十後，讀小學考升中試時是top boy來的。但我讀 ...
謝分享！我希望孩子早日開竅。
作者: little_kid 時間: 25-3-11 19:35
TAIOU4 發表於 25-2-25 12:50
青春期前唔教好
青春期開始後真係唔洗浪費時間去教
直至17歲過了青春期撞晒板先至會有機會聽你講
謝分享！
作者: 加樂爹 時間: 25-3-12 10:02
本帖最後由 加樂爹 於 25-3-12 10:03 編輯
eviepa 發表於 25-2-24 23:19
要求一個五年級學生要自發溫習，你覺得是合理嗎？
我是個六十後，讀小學考升中試時是top boy來的。但我讀 ...
你呢篇好似現在小學生閱讀理解.
驟眼看你是說要求小學生自發學習是不太實際.
見到有些家長都認同.
但是, 再細看, 我會考量你及你女兒在那個年代讀書或跟現課程有不同.
你說了一句, 當年女兒到中學 (Band 1 學校):
我發現她根本沒有溫書，問她為甚麼不履行承諾？她居然回答：「我唔知道中學咁容易讀嘛！根本唔需要平時溫習！」
這說明阿女好叻, 我推算她記性幾好, 理解及專注都優異.
所以, 呢個可以解釋為什麼她小學不用迫佢讀書.
....你可以睇下, 我以上既分析, 應該是現在一些好學校, 小學生理解到既能力.
這裡, 連家長都會有不同理解....你說小學中文, 或真是較當年要求高!
作者: 加樂爹 時間: 25-3-12 10:24
本帖最後由 加樂爹 於 25-3-13 13:20 編輯
加樂爹 發表於 25-3-12 10:02
你呢篇好似現在小學生閱讀理解.
驟眼看你是說要求小學生自發學習是不太實際.
見到有些家長都認同.
解釋到點解中文要外補.
大家羅個標準, 去睇"樂思" (精英班)的練習考卷做, 你會明白學校課程可以教得淺, 出得深.
1. 不供字填充 (你想只讀學校課文字詞羅高分?)
2. 重組句子 (唔係學識句子結構複合句, 明白說詞屬性便完全可以, 錯一些, 就係無分)
3. 段落理解 (閱讀除非你懂得抽出引句, 伸延句, 總結句, 肯定被迷惑 50/50 正確機會)
4. 閱讀理解 (上面篇文章, 應該好多人有不同理解, 有無信心正確理解?
5. 標點...(你以為好易, 其實佢好多時考緊你對一些名字地方, 猜估分析)
剛見到一個例子:
女聲優最上愛東京街頭被殺？「同名同姓」死者身份曝光
- 小學生唔識物叫做聲優會可能會做錯, 加個"女"係前面, 認唔到講緊性別.
- "愛"東京, 以為"愛"是動詞
- "最上"又點解呢? 物唔係最愛東京嗎?
- 後面"同名同性", 唔識加括號特別標示.
- 兩句原意是認錯人, 所以前面是反問句, 所以, 唔識加問號.
- 甚至認讀為被殺同名XX去理解, 同姓係死者個名.
無分外, 仲比人倒扣分.
.....
寫字衰, 扣分, 別字, 錯字, 明明識題目, 2分一題, 扣左1分.
呢度一半, 果度唔識, 咪唔合格羅.
作者: 加樂爹 時間: 25-3-12 10:33
本帖最後由 加樂爹 於 25-3-12 10:34 編輯
樓主...
我想講, 自問有無想過一起始, 太低估左考試困難.
即是未了解學校程度, 以為只要考試前, 阿仔溫習就可以.
那裡知道其實佢打開本書, 唔知點入手.
而家長繼而認為佢無心向學...
反之, 想下為什麼不早發現問題, 要及時出手幫助...
作者: 加樂爹 時間: 25-3-12 10:44
本帖最後由 加樂爹 於 25-3-12 10:57 編輯
little_kid 發表於 25-3-11 19:13
考完試終於可以上嚟輕鬆下
六年級喇
佢哋無責任心，唔內疚喇
樓主, 不知道你子女最後結果怎樣, 但都想你以過來人身份分享下.
比你回望小五開學, 再行一次, 你會:
1. 和他清楚說明要求, 整理生活規律, 每日開始10-15分鐘, 或總比現在唔溫好.
2. 單是鼓勵佢努力, 加強學習興趣.
3. 明白讀好書, 對人生日後職業工作有幾重要.
到了現在, 應該都差不多定局.
我不是要假想那個方法好或差, 只想自己設問, 若我當時用了這個方法, 我是否無憾, 之後既路, 靠佢自己.
作者: 加樂爹 時間: 25-3-12 10:52
本帖最後由 加樂爹 於 25-3-12 11:46 編輯
小學六年級, 青春期...
或者, 維持關係, 更加重要.
我都是認為在這之前, 只用軟鞭, 不用硬鞭, 真是如同一些家長咁諗, 到中三時"黑馬"發力, 扭轉形勢?
提下, 呢D講天資, 特別係數理叻既人.
但係呢班人, 好多時語文都係一般, 很難改變及追回missing time.
歡迎其他家長有其他意見.
作者: eviepa 時間: 25-3-13 20:21
本帖最後由 eviepa 於 25-3-13 20:25 編輯
很多年沒有在這裡發言了，人走茶涼，沒有多少人知道我怎樣將一個資質及鬥心非常平庸的女兒，用愉快學習的方法，一步一步培養成為一個幾乎肯定能考入八大的學生。我的方法，用在我女兒身上可以成功，用在其他人身上，也應無問題。
我從前分享過很多我培養女兒的點滴，有些到現在還有參考價值。我在2009年出的一個題目，算是很用心去寫的，現在再copy出來給大家參考一下：
===================================================================
https://www.edu-kingdom.com/forum.php?mod=viewthread&tid=2119663&highlight=%E5%9B%A0%E5%8A%A0%E5%BE%97%E6%B8%9B
[size=15.3333px]家長常犯的錯誤：因加得減
我在很多年前已經在我太太面前，開始根據朋友的教育方法，預測他們的子女將來讀書的成就。經過了這十多個年頭，內子不得不認同我的預測能力。比如說，有三個自細睇到大，每個小畢業時都是Band 1，其中一個被認為是天資、拼搏心都強；亦有一個能夠進入名校中學。但全都被我不幸言中，他們都是「小時了了，大未必佳」，大概全部都沒有進入香港任何一間大學的資格。無他，這三對家長，全都犯了最常見的關鍵性錯誤——「因加得減」。
解釋甚麼是「因加得減」前，先講幾件題外話：
我囡囡的教練
我囡囡的乒乓球教練是個年青人，乒乓球技術不俗，但有一個缺點，就是喜歡責備，不懂得稱讚。他有一套培養乒乓球員的信念，他提議我每個星期起碼和囡囡跑步三次來訓練體能，最好挑向上的斜路來跑；每天起碼做徒手動作一千次。另外，挑些做得不好的來責備是最佳的改造辦法。他說，國家隊就是本著這個精神去訓練的，國家隊教練，比他嚴厲很多，這樣才可以訓練到出色的球員。
國家隊是個金牌工廠，要做世界冠軍，地獄式訓練免不了。在這訓練下，可能有99.9%的學員受不了，但只要在一千學員中，有一個能夠達到世界冠軍水平，大概仍然化算，那怕有九成學員從此對乒乓球完全失去興趣，那怕他們以後見到乒乓球就怕。
我只有一個囡囡，我並不奢望她日後能站在奧運的頒獎台，而是要她乒乓球技術達到一個能夠享受打球樂趣的水平，從而成為終身運動而矣，用訓練國家隊九死一生的方法來訓練我女兒是大大的錯誤。要是我也採納教練的意見，我囡囡有九成機會會對我說，今生今世都不願再拿起乒乓球拍。
很多家長都覺得，就算自己專精某個範疇，但教授自己兒女時，效果總是不如理想。但很奇怪，我囡囡卻很喜歡接受我的訓練。無論學術、游泳、踏自行車、乒乓球、羽毛球，在我的教導下，她的進度都很好，而且很享受 [按：我囡囡在學乒乓球的頭半年，我是她的教練，進度很好。之後專業教練一對一訓練，我退居為陪練員，但仍是囡囡乒乓球進度的重要部分]。我有甚麼秘秘？有兩個：
1. 要求低
2. 多讚賞、多鼓勵
我訓練囡囡時，從來不會責備她。相反地，我會用放大鏡去看她的進步。只要發現她有任何微少的進步，我都會提出來大讚特讚，更加要在她面前對著太太指出她的進步。這樣，她便有了向上的動力，進步的空間便大。
我自己的Goal Setting
我讀中學時，偶爾會有雄心壯志，為自己定下讀書大計。這些大計，大部分都是實行了不久，就因為自己的惰性而無疾而終。其中，有小部分能持續的。經過這些goal settings，我學會了以下：
1. 一個看起來好像很容易的目標，原來很難有恆心地持續下去。
2. 如果目標達不到，對自己會有demotivation的作用，更易自暴自棄。
3. 一個不難達到的目標，一個只比從前改進少許的讀書計劃，長遠地實行，會有奇效。只要每天改進少許，累積幾年就很可觀了。
4. 只要在起初的一、兩個星期都能夠達到指標，甚至超過指標，對自己便有motivation的作用，這個讀書計劃會行得更好。
所以我讀高中時，我定的目標都是有一定的挑戰性，但並不太難。「矮仔上樓梯」地每天進步少許就是我的方法。結果：成功地將我由下游成績變為中上游。會考成績可以打入全港最top的10%。我有多努力？中四、中五平均每天功課後溫習45分鐘左右吧！中四升中五的暑假差不多完全沒有讀書。
弟弟的Goal Setting
我弟弟的讀書情況和我是一個翻辦，初中差勁。到升中四時開始由我從姊姊手中接過管教責任。我為他定下平均每天功課後溫習45分鐘的目標，面對這目標，我弟弟喜出望外；我姊姊責備我，認為太少，只會害了弟弟。
一個月後，我見到弟弟大致遵從這指標，我對他大加讚賞。我姊姊要他花多一點時間去溫習，我頂著這壓力。
半年後，弟弟的成績彈升，享受讀書樂趣，更享受大量閒暇的樂趣；我姊姊沒有甚麼可以講。
當取得會考滿意成績後，弟弟對我說：「阿哥，我被你騙了，每天平均溫習45分鐘原來難度是這麼大的。」
Motivation Theory – Goal Setting Theory:
我出來做事後，讀過商業管理上的一個理論，叫Goal Setting Theory。內容是這樣的：
Set goal的目的是要motivate員工，set goal時，不可set得過高，亦不可set過低。如果太高，員工們自覺達不到，員工便不會望著這個goal去做。反之，如果goal set得過低，太容易達到，對員工也沒有motivation的作用。最佳的goal是set到員工們如果努力去做，便大致能達到的便是最有motivation作用的goal了。
這理論和我的觀察十分吻合。
這理論是經典的，讀過幾本管理書都有它的出現。不過，香港的管理人沒有幾多個會採用這一套。通常goal都會set到天一樣高，我認為是極錯的。
香港的家長亦大都不會buy這一套，都將goal set到高高的，結果：因加得減！
因加得減
十七年前，我姊姊的女兒剛出生時，我對姊姊忠告說，如果她日後的管教方法像她管教我們的小弟弟一樣，這嬰孩讀小學時，成績可以由中等至到不錯，但到中學則會拾級而落，最終會是平凡收場。
我姨甥女讀小學時，在人盯人的教育方法，補習、補充練習的密集教育下取得band 1成績，進入一間過得去的英中。
到中學，姊姊依然迫她每天用幾小時溫習。不過上有政策，下有對策。根本完全起不了作用。她的讀書軌跡，完全被我猜中。我姊姊已經預留了一筆錢，讓讀書平平的女兒往海外流學。
這樣因加得減的例子只是冰山一角，根據我的長期觀察，週遭超過一半的家長都是犯了這錯誤的：
1. 要求兒女每天溫習幾小時，而這是幾乎不可能達到的。
2. 達不到這指標便責備，於是兒女們更不想讀書。
兒女到了青春期後，生理及心理的轉變，令他們開始渴望有成就，但這成就並非不惜任何代價去取得的。如果你叫他們每天溫習45分鐘，就會成功，相信大部分都會樂於去實行，去讓父母、老師讚賞，最終取得成就。反之，如果你叫他們每天溫習三小時才可以成功，那麼，九成以上的都不會照辦，你不在時，他們決計不溫書；你在的時候，他們便勉為其難，做個架步，但往往是，只是軀殼存在，靈魂已經出竅了。「阿媽，妳雖然得到我既人，但係妳得唔到我既心！」
作者: little_kid 時間: 25-3-14 03:04
加樂爹 發表於 25-3-12 10:33
樓主...
我想講, 自問有無想過一起始, 太低估左考試困難.
本帖最後由 little_kid 於 25-3-14 03:04 編輯
我又無低估考試困難，知道最理想係每日溫少少或每週重溫。
我有跟功課，考試有陪讀，不是叫佢自己打開書自己溫。我感覺拉牛上樹係指無學習動機，教佢佢都唔聽，有錯都唔改。
作者: little_kid 時間: 25-3-14 03:32
加樂爹 發表於 25-3-12 10:44
樓主, 不知道你子女最後結果怎樣, 但都想你以過來人身份分享下.
比你回望小五開學, 再行一次, 你會:
本帖最後由 little_kid 於 25-3-14 03:42 編輯
本帖最後由 little_kid 於 25-3-14 03:33 編輯
我係小四開始自己跟佢，因為佢初小時當時我要顧大嘅呈分試。
比我回望，初小都唔可以鬆懈，當時疫情上網課都有好大影響。輕鬆咗3年，小四開始要收拾心情應付呈分試係難。但再俾我分配時間，我仍然會顧大嘅呈分先。不過細嘅就唔響普通補習社補，去專補佢學校嘅補習社，跟得足啲。
作者: little_kid 時間: 25-3-14 03:54
eviepa 發表於 25-3-13 20:21
很多年沒有在這裡發言了，人走茶涼，沒有多少人知道我怎樣將一個資質及鬥心非常平庸的女兒，用愉快學習的方 ...
我以前有睇唔少你以前嘅分享。基本上我讚同goal setting ，讚賞鼓勵嘅學習模式。要從小培養。
作者: 加樂爹 時間: 25-3-17 09:50
回覆 little_kid 的帖子
你的分享, 更加明白你的情況,
呈分試...真係實挨實打.
我都是一直跟足溫習, 但係到五六年級既野開始多, 打開本書, 出既tricky 題目可以好多, 要思考理解雖然是一般難度, 但係要中points, 真係要學生自己著緊去計劃要如何作答, 什麼字詞有分, 因果關係, 比較關係, 例子表達.... 當然, 學生寫D字要比人印象分都好重要.
好像你這樣跟足佢溫書時, 真係讚.
每次都是由頭開始, 你急佢唔急....講完佢只係比番6-7成答案比你.
成日都會懷疑佢, 夠竟得唔得架?
比個full answer, 可以嗎?
我問你問題, 你可以把你所知既講番比我知, 咁先至係亙動溫習, 大家輕鬆D.
比人專科專校補的, 家長真係壓力小好多.
你呢D情況, 其實真係好普遍, 唔咪你個小朋友唔溫書, 而係佢溫書有"幾投入"?
唔算差...努力, 加油
作者: 加樂爹 時間: 25-3-18 08:29
本帖最後由 加樂爹 於 25-3-18 08:30 編輯
eviepa 發表於 25-3-13 20:21
很多年沒有在這裡發言了，人走茶涼，沒有多少人知道我怎樣將一個資質及鬥心非常平庸的女兒，用愉快學習的方 ...
多謝你分享細節, 應用:
1. Goal settting
2. 因加得減
3. Motivation
好的經驗讓人慢慢細想, 應用, 執行, 不用急於回應.
不要說"人走茶源", 間中看到一些用心, 又有經驗的家長, 我都好感謝.
作者: Googlehill 時間: 昨天 00:02
本帖最後由 Googlehill 於 25-9-1 00:05 編輯
eviepa 發表於 25-3-13 20:21
很多年沒有在這裡發言了，人走茶涼，沒有多少人知道我怎樣將一個資質及鬥心非常平庸的女兒，用愉快學習的方 ...
非常感激 eviepa前輩，有小小心靈觸動，希望重新改變自己的方法將中2的囡囡的學習態度改變。睇完原來post 的 “家長常犯的錯誤：因加得減”link。好慚愧 自己 係那個犯錯的家長
成功秘訣雖然兩條：
1. 要求低
2. 多讚賞、多鼓勵
萬事開頭難，前期其實好難做到。尤其係做到 “[size=15.3333px]要求低”。“所謂對小朋友要求低，其實對家長要求非常高，需要真正細心，耐心的付出無私的愛，而不是慚愧的，威權的，自私的愛。“
[size=15.3333px]目前，從我們暫時失職的失敗之中總結過來：
[size=15.3333px]大囡從來不管，大人們（返工忙，3胎家務忙的各種藉口）太懶，任她快樂咗到小學5年級（毫無閱讀陪讀習慣），因為5年級開始呈分，先臨急抱佛腳，經過努力，雖然升中抽獎從B3升B1.
但隨著新工作環境，而且大部分周圍人係儒家思想裏，總掛著“子承父業”，“長江後浪推前浪”，又或多或少同事，親戚之間又多咗比較，好難心裡做到「要求低」。而急躁之間發現囡囡不聽話，應付潦草的溫書或隨便浪費時間，又癆氣發火，更加做不到「多[size=15.3333px]讚賞」。
中一就逼著谷谷補底，逼著用一年時間追丟失的之前6，7年小學時間，親子關係極度惡化。雖總算無留級。但的確學習少左好多樂趣同動力。
有時候，真係，慢反而係快。以其怨囡囡叛逆每日隨便應付學習2個鐘，倒不如放下，要[size=15.3333px]囡囡盡心精心溫45分鐘。良好的親子關係+正向的學習興趣是治本，所謂節約時間，谷到無學習樂趣，係暫時[size=15.3333px]治標。
但現在有一個矛盾（[size=15.3333px]45分鐘根本無辦法馬上適應英中）：，如果不谷她提前預習課本去適應英中，上課又聽不明，又係一個大問題。所以要想辦法，要走向正循環，每日開心聽明當日課。
| 歡迎光臨 教育王國 (/) |
Powered by Discuz! X1.5 |