教育王國

標題: 求助: 成績不理想，女兒讀小學二年級 [打印本頁]

作者: happyellow 時間: 24-1-9 10:39 標題: 求助: 成績不理想，女兒讀小學二年級

本帖最後由 happyellow 於 24-1-9 10:41 編輯

想請教下大家，女兒讀小學二年級
小學都屬谷成績

小學考試全班尾果幾個...
中文成績弱
英文強
但因小學是中文教數學和常識
所以數學和常識都弱

請教下大家，認為轉校是否好方法?
但轉去英文小學才對女兒有用, 但英文小學本身是否也不會收中文不合格的同學。
如轉去國際學校, 有無邊間推薦品行好的? 但家庭未必負擔到長遠海外升學

因女兒比較文靜, 也沒有琴棋書畫技能

只想佢開心成長, 不想佢沒有自信地過小學

作者: bananaGi 時間: 24-1-9 11:46

本帖最後由 bananaGi 於 24-3-18 14:21 編輯

我親友轉去英津校(專收非華語).

作者: Yanamami 時間: 24-1-10 05:16

或試下直資如港同之類？

作者: stillgood20 時間: 24-1-10 08:34

happyellow 發表於 24-1-9 10:39
想請教下大家，女兒讀小學二年級
小學都屬谷成績

楼主,有沒有考慮改善中文學習的方法？
如果,英文有學習能力．
那中文為何學習能力大幅度減少？

一一一一

作者: traeh 時間: 24-1-11 00:04

happyellow 發表於 24-1-9 10:39
想請教下大家，女兒讀小學二年級
小學都屬谷成績

如果只想佢有自信地過小學，除咗考英小，亦可考慮學術無咁強、較多照顧學生差異嘅學校。同一時間，多陪女女睇有趣嘅中文橋樑書，盡量提升佢對中文嘅興趣同exposure，無論轉唔轉校都畢生受用。

作者: 200904 時間: 24-1-12 10:37

加油呀！小學二年級，完全有時間可以追得上呀。中文都好有用，不要荒廢呀。樓上已經有好的建議，就是伴讀，其他科目，可以用中文口語的方式幫她想理解。要辛苦家長了。其實爸爸媽媽的陪伴和教導，可以直接鼓勵到小朋友，既讓小朋友感受到愛和鼓勵，也可以直接幫她進步。

作者: lemoncake88 時間: 24-1-13 13:23

Yanamami 發表於 24-1-10 05:16
或試下直資如港同之類？

成績表唔靚港同邊有可能收, 而且港同都係中文小學, 至於其他直資普遍收生要求都唔會低

作者: Yanamami 時間: 24-1-13 17:04

本帖最後由 Yanamami 於 24-1-13 17:05 編輯

lemoncake88 發表於 24-1-13 13:23
成績表唔靚港同邊有可能收, 而且港同都係中文小學, 至於其他直資普遍收生要求都唔會低 ...

報左先算，收唔收係後話，就唔好先關左自己度門，起碼我覺得直資包容度比較高。

作者: Azzurro 時間: 24-1-16 10:30

不如你透露目前讀咩學校先可以得知 “英文強” 嘅意思

作者: Bsc_arch 時間: 24-1-18 23:53

親戚個仔都係中文能力弱，英文能力強，當年由非一線中小，轉去非一線英小，因為數學、常識轉返熟悉既語言，成績馬上進步左，自信回歸。

作者: Casbebe 時間: 24-1-23 00:22

想請問非一線英小係咩小學？我仔有同樣問題，英文強但中數都弱，唔願睇中文題目… 考試中數常炒晒… 英文就9x 分。

作者: mrslau999 時間: 24-2-9 12:40

Yanamami 發表於 24-1-10 05:16
或試下直資如港同之類？

点解咁多人選港同？

作者: shadeslayer 時間: 24-2-9 16:33

轉了國際，大學可以在港讀。如果可以外國讀大學，就基本上冇乜風險

作者: qinqinyan 時間: 24-2-19 15:04

happyellow 發表於 24-1-9 10:39
想請教下大家，女兒讀小學二年級
小學都屬谷成績

我小朋友果間都好多外籍同國際學校轉校生，英小，你可以pm我

作者: RainyRice 時間: 24-2-28 09:49

happyellow 發表於 24-1-9 10:39
想請教下大家，女兒讀小學二年級
小學都屬谷成績

本帖最後由 RainyRice 於 24-3-4 08:15 編輯

轉英小IS是可以，但原因不應因為中文弱，只要是留在香港讀書本地國際基本上都要識中文，IB中文也不易。在初小，中文差有好多方法改善。初小中文問題最簡單的方法是興趣：如樓上所說要多讀中文故事書，小二其實很多繪本和橋樑書都很好看。很多小朋友喜歡閱讀123系列，多數是台灣人寫(非翻譯書感覺更順暢）；另外野貓軍團系列、黃色水桶系列、屁屁偵探也受歡迎。繪本可試以下作者福澤由美子、野志明加、吉竹伸介、宮西達也。
讀故事書，一開始可以叫小朋友和大人輪流讀出聲，確保小朋友真的認識那些字，小朋友唔想讀的時候大人讀多啲也冇問題，最緊要培養閱讀興趣。加油！

作者: boyboobee 時間: 24-3-11 13:54 標題: 回覆樓主:

我兩個女都係偏好英文，幼稚園時甚至係以英文為主要溝通語言，大女並不抗拒中文，只係偏好英文，所以中文成績還可以，細女係唔鍾意中文，升小後係靠中文漫畫書引起佢興趣開始睇中文字，最初都只係睇圖畫，到慢慢因為有啲只睇圖會睇唔明，會問點解，就開始陪佢讀啲中文字，慢慢佢亦開始肯睇中文漫畫，然後進而睇中文書。

作者: M4ryCh4n 時間: 24-6-11 18:31

如果個小朋友熟習咗讀緊嘅學校，未到最後一刻都唔建議轉校
可以了解下佢本身有咩學習問題，或者試下搵專業而且有經驗人士 e.g. 專科專補嘅導師，睇下可唔可以解決問題

作者: Bugi_bugi 時間: 24-11-26 10:38

回覆 Bsc_arch 的帖子

都想知係咩非一線英小, 謝謝!

作者: 天外之人 時間: 24-11-26 11:46

200904 發表於 24-1-12 10:37
加油呀！小學二年級，完全有時間可以追得上呀。中文都好有用，不要荒廢呀。樓上已經有好的建議，就是伴讀， ...

講得很好,連我中文都唔係咁好,但都可以教得到孩子,所以講想孩子學得好做家長係辛苦啲,辛苦在於不是揾幾多錢,而係將時間用在孩子陪伴和教導身上,衹要攪到孩子有讀書"心",孩子之後自己用谷與唔谷方法都係讀得開心,這樣子就算不是科科100分,但肯定都唔會差得去邊.

歡迎光臨教育王國 (/)