教育王國

標題: 退學還是不退學, that is the question [打印本頁]

作者: hkese 時間: 20-12-17 09:23 標題: 退學還是不退學, that is the question

小女正在一間IB 的幼稚園讀K2, ESF 收咗下年會開始Y1現在幼稚園復課遙遙無期, 網上教學又好像沒什麼用
我應否幫她退學?
慳了term 2 學費 vs 銜接y1 不知道有沒有問題

作者: manw0113 時間: 20-12-17 09:41

回覆 hkese 的帖子

本身讀緊local N班，早兩日收到AIS offer 明年入EC1，尋日已經交左local 幼稚園的退學信了。因為小朋友咁細個其實本身都唔主張成日睇電子產品，佢都冇咩興趣，同埋Zoom又真係可以吸收幾多呢？加上覺得明年可以番學的機會不大（道算教局比，我地都係最後個批）。小朋友適應能力快，覺得應該無問題。慳返我錢，如果之後疫情轉好, 可以用來上其他playgroup.

作者: hkese 時間: 20-12-17 10:17

如果係n 班就唔使諗， pn 係play focus, 但係越k2 開始就academic focus, 雖然退學唔影響下年入y1, 係唔知小朋友會唔會銜接唔到y1 課程

作者: gfkwong 時間: 20-12-17 10:19

如果PN 升k1就會退學。k2 都係必需，唔會退學。

作者: RKG 時間: 20-12-17 11:23

如果你覺得而家間學校教嘅嘢冇乜用，自己又可以homeschooling就Ok

作者: melobi12 時間: 20-12-17 11:45 標題: 回覆樓主：

本帖最後由 melobi12 於 20-12-17 11:45 編輯

視乎小朋友對學校online learning 咩反應。

我女讀緊IS K2（已有出年另一間primary 嘅offer), 而家幼稚園每日上3個鐘zoom class (有break time），我問過我女，佢話覺得冇得真人返學，有得喺 zoom 見下老師同學聽下故事做下手工、做下show and tell 都好過冇，咁加上我都抱希望2021年仲有機會真人返到學，所以我唔會退學。

如果本身學校嘅網上教學係睇下短片冇咩互動嗰啲，我就覺得唔上都冇咩所謂。

升IS Y1唔同升local 一年班，學術方面唔使太擔心。

作者: blueaqua 時間: 20-12-17 11:57

我同你一樣小朋友都係IB kindergarten K2, 不過冇你咁好彩未有offer, 但都有諗定如果有offer好唔好退學。

我家小朋友對網上教學唔係太吸收，唔係學校搞得唔好，係小朋友比較難專心坐定定睇住個screen學嘢，可能男仔始終係要跑跑跳跳，所以全部嘢結果都係家長教返，講真除咗攰，仲會諗咁點解要比咁貴學費但自己教返8成嘅嘢

如果怕銜接yr 1 有問題我覺得可以慳返學費比小朋友出去上其他課堂仲大彈性，而且IS yr 1 的學術應該唔會太難

作者: melobi12 時間: 20-12-17 13:57

blueaqua 發表於 20-12-17 11:57
我同你一樣小朋友都係IB kindergarten K2, 不過冇你咁好彩未有offer, 但都有諗定如果有offer好唔好退學。

...

好奇想問下你地zoom 上堂係教啲咩？

作者: blueaqua 時間: 20-12-17 14:33

melobi12 發表於 20-12-17 13:57
好奇想問下你地zoom 上堂係教啲咩？

英文 - 如果正常返學校上堂而家k2係教緊reading & writing & phonics, 教小朋友點樣自己學睇簡單的英文書，點樣學寫句子創作故事，但而家本來3小時的課堂濃縮做少於一小時的課堂，只能好簡略地教少少phonics & 認生字同唱吓歌講吓故事咁，其他的reading & writing skills 就要家長自己教

中文 - 會按返每個單元教唔同concept嘅嘢，有d小活動例如最近就會叫佢地畫一d同聖誕節有關嘅嘢然後在zoom class show & tell. 但zoom 堂時間有限所以寫中文字的部份就只得video, 由我地同小朋友睇同教佢地。

數學 - zoom class 基本上冇特別cover, 我地按功課schedule 同小朋友一邊做一邊自己教

普通話 - zoom 堂一般都係唱吓歌，講吓故事同教返嗰個單元的常用字，因為zoom堂時間短老師未必清楚掌握到小朋友的進度，所以會設計d功課要我地幫小朋友拍片upload比老師睇（平時上實體課就唔會有呢類普通話功課）

另外仲有zoom音樂堂一星期一次，比佢地聽吓歌仔跟住跳舞或打節拍，不過隔住個mon小朋友始終唔係好投入。

作者: booboozi 時間: 20-12-17 14:42

我小朋友以前學校教完writing會向學校寫埋。
而家Zoom感覺有啲rush，老師講完個structure，然後小朋友都未寫完，課堂就完了。
跟住我放工回來又唔知Zoom時講過乜，靠小朋友記番老師講乜再同佢寫埋。

作者: blueaqua 時間: 20-12-17 14:57

booboozi 發表於 20-12-17 14:42
我小朋友以前學校教完writing會向學校寫埋。
而家Zoom感覺有啲rush，老師講完個structure，然後小朋友都未 ...

係呀，我地之前小朋友喺學校老師教完個字，都會比時間佢地寫幾個，留返少少返屋企寫，而家上zoom就直頭唔會教點做功課，只得寫中文字有video, 其他功課全部都係要家長教小朋友做。同埋除咗傳統的一本本功課之外，仲多咗好多其他雜項要影相或拍片upload, 真心攰。
好彩我唔洗返工陪到佢地一齊zoom同有時間教，如果係雙職家長，放工返來得夜晚咁少時間真係好難做得曬，工餘時間用曬來教學同做功課，冇曬時間同小朋友玩。

作者: melobi12 時間: 20-12-17 16:39

blueaqua 發表於 20-12-17 14:33
英文 - 如果正常返學校上堂而家k2係教緊reading & writing & phonics, 教小朋友點樣自己學睇簡單的英文書， ...

咁聽落又真係唔太吸引，咁真係可以考慮退學

進度方面唔使驚，因為我女學校 K2 係完全唔識 reading, writing 唔好講話句子，只係識寫自己個名, phonics 都有教下但係都比較初階，我相信好多IS 幼稚園小朋友進度都差唔多，留返Y1 學校自然會教

我地zoom 比較多交流、講嘢、一齊跟住做d tasks （例如cooking class），所以見大部份小朋友都好投入，當然都有坐唔定嘅時候，但坐唔定走左去行個圈都唔會miss左啲咩重要嘢，所以都冇咩所謂。

作者: hkese 時間: 20-12-17 21:35

其實我所講嘅academic 唔係指writing/reading, 我個小朋友其實已經能夠讀立閱讀ORT stage 9 嘅書，所以反而呢方面我唔係咁擔心。IB 嘅課程其實我感覺較為空泛，K2 佢學緊我是誰，世界如何運作，如何表達自己，與地球的關係，時間的意義，學校希望啲學生透過呢啲topic 去啟發佢哋嘅思考，反思，溝通，關懷等等嘅品質。呢方面對家長嚟講比較難捉摸。

作者: blueaqua 時間: 20-12-17 22:53

hkese 發表於 20-12-17 21:35
其實我所講嘅academic 唔係指writing/reading, 我個小朋友其實已經能夠讀立閱讀ORT stage 9 嘅書，所以反而 ...

嘩你小朋友好叻咁快可以睇到ORT9!

我哋學校都係IB, 都係教緊你講嗰d topic, 我反而覺得呢d嘢由家長自己教返唔係咁難，因為都係同生活息息相關嘅嘢，只係冇咗面授課堂冇得透過活動教學去加深佢地的印象，就令我覺得d學費好似好浪費咁, 始終zoom class較多限制，互動相對較少。
可能因為我地target的IS都唔係IB school 所以我唔會太擔心銜接問題

歡迎光臨教育王國 (/)