教育王國
標題: 讀國際學校的考慮 (GSIS/Nord Anglia/Kellett/ FIS) [打印本頁]
作者: sabsab122 時間: 20-10-5 09:30 標題: 讀國際學校的考慮 (GSIS/Nord Anglia/Kellett/ FIS)
本帖最後由 sabsab122 於 20-10-5 12:33 編輯
請問各位讀國際學校除咗貴同埋中文唔好之外，還有什麼壞處嗎？朋友一聽見我幫bb報左幾間國際學校,
就紛紛話
小朋友會變到好似啲外國小朋友咁好wild 、lose control同埋好open,
又話因為學習輕鬆而變得好懶惰，
如果唔想dum 懶個人都係要補習（咁其實我又唔想）⋯
當然，我知要視乎國際學校嘅質素，
所以，請問各位有經驗嘅家長，你地覺得國際學校嘅小朋友真係會比較容易有以上情況嗎？
另外，我心儀嘅幾間國際學校，
1. GSIS- 我知學業同埋紀律方面都嚴謹，但有聽說學校因注重成績而對跟唔想嘅學生不太有愛心，會勸退成績唔好嘅小朋友，反而行為差劣但係成績好好嘅就可以留低。
2. Nord Anglia- 除咗校舍細同埋幼稚園好遠之外，聽說課程及老師都好好，小朋友都好friendly ，但唔知公開試成績因為太新。
3. Kellett- 暫時冇聽過咩comment, 只知道白人多本地人少，唔知老師有冇愛心等等，只知道成績也不錯。
4. FIS- 聽說中學部有「學生吸煙區」，中學生們在校內嘴對嘴kiss，但小學及幼稚園比較單純, 而且IB成績不錯。
請問這幾間學校的家長, 以上comment是否正確？
課外活動方面，
運動、語文、音樂、畫畫呢啲項目係咪全部都係收費？大概幾錢左右？
謝謝各位！
作者: melobi12 時間: 20-10-5 10:02 標題: 回覆樓主：
本帖最後由 melobi12 於 20-10-5 10:04 編輯
其實都可以參考下近日好多人回覆嗰個「幾時入IS好」嘅post同埋n 個舊post :)
各位家長已經不厭其煩地分享完一次又一次大家揀IS嘅原因同埋解釋非IS家長對IS幻想出嚟嘅謬誤 （有時有啲嘢IS家長認為係好處，LS家長可能覺得係壞處嚟喎，例如小朋友天馬行空嘅能力）
都係睇返你地本身家庭教育理念選擇合適嘅教育制度啦。學校最好去school tour同open day感受下，什至學校門口睇下啲學生睇下。聽講返嚟啲嘢多數係加左人地嘅觀感，要打返啲折扣先參考。
作者: gingercatcat 時間: 20-10-5 10:30
sabsab122 發表於 20-10-5 09:30 
請問各位讀國際學校除咗貴同埋中文唔好之外，還有什麼壞處嗎？朋友一聽見我幫bb報左幾間國際學校,
就紛紛 ...
作者: timzoeydon 時間: 20-10-5 12:03
NAIS每日有Mandarin堂，中文唔淺
每星期可揀2日放學free ECA
畫畫，音樂，drama係專科專教
幼稚園校舍係有啲唔方便, 我將軍澳過去西貢大概半小時車程, 不過捱兩三年上到小學藍田校舍我覺得算方便。
小班教學，老師有質素，課程偏深及進取，學校紀律教得幾好，我小朋友讀第三年，每一年嘅老師同埋助教都係好有質素，唔需要睇彩數。
作者: sabsab122 時間: 20-10-5 12:32
本帖最後由 sabsab122 於 20-10-5 12:37 編輯
回覆 melobi12 的帖子
我都有睇開你提及嗰個post, 但我見啲comment一面倒咁讚國際學校，所以我想知道其實有冇負面因素需要考慮，想了解全面d，所以想知道除咗貴同中文唔好之外，仲有咩disadvantage 。
作者: timzoeydon 時間: 20-10-5 12:45
本帖最後由 timzoeydon 於 20-10-5 14:48 編輯
回覆 sabsab122 的帖子
其實如果本地課程對比起國際課程，一定係國際課程存在大部分嘅優點，但係如果你喺IS之間去比較就唔同, 咁就係英制，美制，IB, IPC, 加制等等，各個課程或單獨間IS再去比較優缺點。
不同IS裏邊當然都會有缺點啊
可能有啲家長就會覺得加制會hea
IB小學太淺
NAIS幼稚園位置唔方便
英基每一班嘅人數太多
AIS校舍比較舊
FIS中學生比較開放
或者某某IS老師唔係太好等等
但大部份IS嘅缺點都唔係針對個課程。
而我哋覺得本地唔好都係主要針對個課程，唔認同本地嘅課程點解要框住小朋友嘅思維發展，同埋一種追逐名次證書，學術永遠排第一的價值觀。
作者: melobi12 時間: 20-10-5 12:46
sabsab122 發表於 20-10-5 12:32
回覆 melobi12 的帖子
我都有睇開你提及嗰個post, 但我見啲comment一面倒咁讚國際學校，所以我想知道其實 ...
本帖最後由 melobi12 於 20-10-5 12:53 編輯
本帖最後由 melobi12 於 20-10-5 12:48 編輯
因為IS學費唔少，如果家長唔認同IS、唔認同自己小朋友間學校，都唔會繼續讀落去，自然讚多過彈啦 
我諗大部份家長們都唔會有勁不滿嘅嘢，只會有少少*可以想辦法解決嘅*小問題。例如學校中文唔夠咪補中文囉咁樣。
如果某間學校嘅culture/學生數目/課程唔啱心水，亦可以轉去第二間IS，但認同IS嘅點轉都係轉返IS，唔會變左大彈IS點樣唔好。
作者: melobi12 時間: 20-10-5 12:59
timzoeydon 發表於 20-10-5 12:45
回覆 sabsab122 的帖子
其實如果本地課程對比起國際課程，一定係國際課程存在大部分嘅優點，但係如果你喺I ...
成日「聽講」FIS中學部太open，到底係有幾open? 
*我小朋友仲細，只係幼稚園階段，我自己好心儀FIS。
作者: sabsab122 時間: 20-10-5 13:20
回覆 timzoeydon 的帖子
明白，咁可唔可以話，
小朋友wild, lose control 等行為其實係家教嘅問題多個學校問題？
作者: sabsab122 時間: 20-10-5 13:21
回覆 melobi12 的帖子
係囉！我成日都聽到FIS呢個評語,
咁究竟中學部有學生吸煙區係真定假？lol
作者: sasa_0209 時間: 20-10-5 13:27
回覆 timzoeydon 的帖子
agree!!! very good analysis
作者: sabsab122 時間: 20-10-5 13:39
回覆 gingercatcat 的帖子
請問Kellett 中學部係咪喺九龍灣嗰邊?我見薄扶林個campus好似好細咁
作者: sipdowy 時間: 20-10-5 13:48
本帖最後由 sipdowy 於 20-10-5 13:54 編輯
"好wild, lose control" 似乎係一般LS家長對IS一直的誤解多啲
當然一定有好少部份的害群之馬, 但"wild, lose control" 唔見得喺IS裡是一個"唔少見"的情況
其實而家IS好多香港人(+有啲錢的香港人), 外人都可以想像操行同家教唔會差!
我諗好多IS家長聽到"wild, lose control" 的評語, 都係覺得得啖笑!
作者: melobi12 時間: 20-10-5 13:51
sabsab122 發表於 20-10-5 13:20
回覆 timzoeydon 的帖子
明白，咁可唔可以話，
有時聽到呢啲形容詞形容IS小朋友真係R晒頭。
我覺得首先要定義咩係wild 同lose control。
小朋友去到郊外除鞋跑，碌晒地玩到成身泥濕晒，你覺得算唔算 wild? 你會唔會叫停佢？如果你嗌停佢但佢話「唔怕污糟想繼續玩」，你會唔會認會佢係lose control?
老師教新嘢，小朋友係咁追住發問instead of 坐定定點頭抄筆記表示明白，算唔算lose control?
讀IS培養出嚟嘅小朋友無疑係會比較outspoken，勇於表達自己意見，但唔見得佢地係冇禮貌
我未去過所有IS但我敢講大部份學校都有教咩係respect同要wait for your turn to talk。咁嘅情況下表達意見我覺得好ok呀。但會唔會有家長覺得咁就係煩，係唔受教呢？
IS係咪完全放任小朋友亂嚟、零品德教育呢？我又唔覺（我小朋友幼稚園），學校一樣強調課室內有啲rules 要跟 （例如頭先話要respect其他人，等人地講完嘢，輪到你先講）、要caring & sharing、行為上要make good choices等等，全部都係由細開始教，我又睇唔出IS小朋友比起LS小朋友會學少左啲咩品德嘢。
而且學你話齋，家庭教育都好重要，父母平時冇禮貌對人，小朋友有樣學樣，自然唔會有禮貌得去邊。
又好似我地屋企咁，明明係去行山，但路過泥灘又硬係要走落去玩，家長都搞到成對鞋都係泥，咁小朋友都唔會乾淨得去邊.... 然後可能隔離個媽媽會覺得「好污糟囉呢家人，想點呀」咁樣
作者: melobi12 時間: 20-10-5 13:57
sabsab122 發表於 20-10-5 13:21
回覆 melobi12 的帖子
係囉！我成日都聽到FIS呢個評語,
有吸煙區都好嘅，起碼唔會成個學校周圍食煙
食唔食煙我始終相信家庭由細到大灌輸嘅觀念最重要。我都讀過一間成績ok嘅天主教女校（唔係香港），有少數學生break time會走去大門口食煙，至於我自己，由細到大嘅觀念就係食煙會生cancer而且好臭，所以無論佢地點食，我都唔會一齊食，亦會揀返啲思想接近嘅同學做朋友。
作者: timzoeydon 時間: 20-10-5 15:06
回覆 melobi12 的帖子
係囉
wild同lost control喺我心目中唔係缺點黎喎
最緊要教佢唔好傷害到人
其實講得呢啲形容詞都係一貫本地家長嘅心態，唔難理解
作者: 964000 時間: 20-10-5 18:04
sabsab122 發表於 20-10-5 09:30
請問各位讀國際學校除咗貴同埋中文唔好之外，還有什麼壞處嗎？朋友一聽見我幫bb報左幾間國際學校,
就紛紛 ...
本帖最後由 964000 於 20-10-5 18:07 編輯
要認識IS, 最好直接接觸下佢D學生，始終間間學校氣質有點不同，不必道聽途說，但我幾敢肯定小朋友最終是受家庭教育從小的影響更大，你有冇set boundary比佢，而且性格真是天生的，有D小朋友你想佢wild都wild不起，非常放心。
分享一樁小事：有日讀初小的女兒回家成頭成腳濕晒，佢話因為下課坐校車時趕住上車廢事拿件雨衣出嚟上車又要收，成班同學都係咁，我話咁咪搞到濕晒好唔舒服，佢話唔覺唔舒服仲覺得好好玩，咁算唔算好wild及職員冇愛心？我今日看新聞見有些LS牛高馬大的男仔都因水浸由校車EE禙着下車，都幾唔同（咁唔排除IS都有嘅，戴定頭盔先）
作者: sabsab122 時間: 20-10-5 20:55
回覆 timzoeydon 的帖子
我親戚朋友口中嘅wild 同lose control 意思係指小朋友難控制，會變得「唔會聽父母話」，因為「自由慣」同「乜都講人權」、
大麻派對、吸煙甚至乎做犯法事情都好似好平常。
又叫我「預咗冇咗個女」🥺🥺
我明白每一間學校都總有呢啲壞學生，但我都想知道國際學校嗰個比例係咪會比本地學校多⋯
當然，我都好希望每間心儀嘅學校都去行吓睇吓有咩感覺，
但似乎呢一年都唔冇得咁做😭😭所以先上嚟問吓⋯
作者: 細佬Bebe 時間: 20-10-5 21:43
sabsab122 發表於 20-10-5 12:32
回覆 melobi12 的帖子
我都有睇開你提及嗰個post, 但我見啲comment一面倒咁讚國際學校，所以我想知道其實 ...
普遍對IS有以下係考慮：
1）太hea （LS又話太谷 IS又驚太hea 人人optimal homework load都唔同
2) 驚有啲同學離地 尤其是比較貴既IS
3) 唔肯講&學中文 （抗拒中文係比中文唔好更頭痛既問題）
4）家長唔了解課程 唔知小朋友學左咩 無安全感 實在感
5）IS curriculum比LS「好似」「淺」好多 擔心無競爭力
6) 對功課要求低（eg 交唔交） 小朋友會懶鬥懶
我見到家長文化水平普遍都高 家長背景好 又重教育 所以in general IS既校風我唔會擔心
作者: Vivi@ma 時間: 20-10-5 21:51
sabsab122 發表於 20-10-5 09:30
請問各位讀國際學校除咗貴同埋中文唔好之外，還有什麼壞處嗎？朋友一聽見我幫bb報左幾間國際學校,
就紛紛 ...
我兩個女不是這幾家學校的， 係小學讀ICS, 中學ESF, 由細比人反對到大， I Don’t care! 小孩子成長條路係點， 吾會只有一個因素， 我想話d人覺得IS 學生懶⋯佢地學校星期五放學後大致沒有家課， 因為學校認為周末對家庭生活休息好重要， 不會安排星期一回校又默書又quiz, 放假仲要不停溫書補習⋯玩咩？！佢哋唔洗死背爛讀， 但很多同學均考入世界頂級學府， 點解呢？
你可以查一下你心儀學校的University Placements ， 及其考公開試的平均分數， 例如IB school, 有幾多%40分以上， 這可以讓你對成績有個了解， ESF school 的IB 成績亮麗， 每年上報紙的狀元學生人數數一二！
作者: 細佬Bebe 時間: 20-10-5 21:51
sabsab122 發表於 20-10-5 20:55
回覆 timzoeydon 的帖子
我親戚朋友口中嘅wild 同lose control 意思係指小朋友難控制，會變得「唔會聽父母 ...
大麻派對 犯法 等係出國後定係香港？
出國後好難講 唔理IS or LS後出國 但係香港 有少少浮誇 應該係個別例子 不是普遍情況
我小朋友未到呢個年紀 但朋友既小朋友已到中小學 幾個都好純好純 我會用荷花泥形容 全部都係雙職父母不是人釘人咁管教 有自己事業/生意
唔講超貴既IS，ESF唔少父母既背景都highly civilised and successful （LS當然都大把） 如果你自問家教合格 唔需要擔心讀IS會學壞
作者: sipdowy 時間: 20-10-5 22:27
本帖最後由 sipdowy 於 20-10-5 23:02 編輯
樓主, 你的親戚朋友對IS有很重成見 + 古老. (不過, 孩子是你自己的, 堅持!)
研究了這麼久IS版, 不見得有什麼IS家長擔心過IS有品行問題.
除非有人擔心孩子較獨立, 有主見, 較不拘小節 = 唔聽話/不受控/開放 etc etc ,
咁唯有話呢啲家長真係未必太適合IS.
明白你身邊乏人支持IS, 都是那種充滿成見的說話, 會令你感到動搖,
尤其若你本身不多讀過IS的朋友, 無人版可以比你參考.
這裡IS版 的評語也會你擔心不夠全面(好似得正面評價咁). 我諗你係IS版好難搵到人贊成 "wild, lost control, open (負面地用)",
而你亦會擔心係咪呢度賣花讚花香. (well, 其實唔係賣囉, 某啲人讀唔讀IS關我地鬼事, 最好"唔夠IS"嗰啲家長唔好讀IS tim, 不知幾怕被LS的缺點 (追逐成績, 單一標準等) 污染左... )
所以....都係唯有靠你自己最後選擇相信什麼.... ?
另外, 其實FIS 係咪真係有吸煙區, 打去問下就知啦.
不過法律規定未滿18歲唔可以買香煙的, 照理FIS不會間接助長犯法?
可能係比教師之類的?? 要問清楚啊!
作者: poonseelai 時間: 20-10-6 07:17
sabsab122 發表於 20-10-5 20:55
回覆 timzoeydon 的帖子
我親戚朋友口中嘅wild 同lose control 意思係指小朋友難控制，會變得「唔會聽父母 ...
本帖最後由 poonseelai 於 20-10-6 07:18 編輯
你親戚如何知道IS咁多問題？佢子女讀IS?佢係IS教？聽其他人講？佢講什麼都算把啦。其實建立正確價值觀，分辯是非錯對，自少由家庭做起最重要。我孩子學校曾安排社工講毒品問題，社工話不少孩子接觸毒品因為覺得悶，或同家人關係比較疏離，IS and LS係無分別
作者: sabsab122 時間: 20-10-6 08:52
回覆 poonseelai 的帖子
因為親戚有朋友嘅仔而家有官司纏身，嗰個仔係親戚由細睇到大。不過我覺得係嗰個小朋友嘅父母問題多啲，因為佢哋非常縱容個仔，任由佢講大話唔揭穿佢，屋企好有錢的。另外，我媽媽有個朋友個仔又係讀國際學校，中學都未完成就輟學，而家20幾歲都遊手好閑喺屋企等父母養。
媽媽其他朋友讀國際學校嘅子女發展都係平平，所以佢哋就得出個結論，俾咁多錢讀國際學校大個迷又係咁。
不過我自己覺得，呢啲個案唔多唔少都係父母嘅問題多。
Anyway, 我只係知道本地學校唔會適合我，亦同我教育理念唔同。
所以想了解國際學校多少少，等佢哋問起嘅時候我都識得講⋯lol
作者: poonseelai 時間: 20-10-6 10:12
sabsab122 發表於 20-10-6 08:52
回覆 poonseelai 的帖子
因為親戚有朋友嘅仔而家有官司纏身，嗰個仔係親戚由細睇到大。不過我覺得係嗰個小 ...
其實你怎樣回答也改變唔到他們睇法，我兩個孩子 自小學起ib school，直到畢業，親戚會在我們面前講你地都唔洗讀書，hea下又入大學，中文就係學鬼佬中文。難道你要同佢地講孩子中英文都考母語水平，好難㗎，我衹會笑下就算。孩子大個聽到話hea住讀入大學，會嬲但懶得理佢地
作者: sipdowy 時間: 20-10-6 16:16
本帖最後由 sipdowy 於 20-10-6 16:18 編輯
回覆 sabsab122 的帖子
咁你親戚又錯唔晒, 因為成日話IS"好", 意思唔係容易啲做專業人士/高人工 (如"發展平平"是指這方面)
IS 成日都係講緊"個人性格培養，發掘優點，發揮潛能等" (copy from another comment about IS)
真係無話第時會賺多啲錢!
| 歡迎光臨 教育王國 (/) |
Powered by Discuz! X1.5 |