教育王國
標題: 請問對Sen有較好支援的國際學校? (中學） [打印本頁]
作者: ababymami 時間: 20-6-23 18:00 標題: 請問對Sen有較好支援的國際學校? (中學）
本帖最後由 ababymami 於 20-6-23 18:25 編輯
讀緊國際學校，但覺得冇乜支援。似乎國際學校對Sen的支援少過一般本地學校。是這樣嗎?
另外，英基(ESF)的中學中，有冇邊間對SEN支持好些? 謝謝！
作者: lamyatho 時間: 20-6-23 18:11
Anfield School
作者: lamyatho 時間: 20-6-23 18:11
ababymami 發表於 20-6-23 18:00 
同上。謝謝。
Anfield School
作者: ababymami 時間: 20-6-23 18:15
lamyatho 發表於 20-6-23 18:11
Anfield School
好似冇中學
作者: lamyatho 時間: 20-6-23 18:15
ICHK for secondary .. but it is far
作者: ababymami 時間: 20-6-23 18:28
lamyatho 發表於 20-6-23 18:15
ICHK for secondary .. but it is far
謝謝回覆。請問你了解ESF的中學嗎? 有冇邊間對SEN支援好些?
作者: Activehealth 時間: 20-6-23 18:33
ababymami 發表於 20-6-23 18:28
謝謝回覆。請問你了解ESF的中學嗎? 有冇邊間對SEN支援好些?
South Island School
作者: ababymami 時間: 20-6-23 18:41
Activehealth 發表於 20-6-23 18:33
South Island School
謝謝回覆。有冇比較過Island school 及South Island School ?
作者: yaijing 時間: 20-6-23 19:58
提示: 作者被禁止或刪除 內容自動屏蔽
作者: Radiomama 時間: 20-6-23 20:07
ababymami 發表於 20-6-23 18:00
讀緊國際學校，但覺得冇乜支援。似乎國際學校對Sen的支援少過一般本地學校。是這樣嗎?
另外，英基(ESF) ...
你所指的special edu need是資優還是補底？
ESF一般在補底方面有較多支援，而RC直情有Learning Enhancement Team 一組老師負責，不用額外收費。
作者: wingxsunny 時間: 20-6-23 20:10
KIS has springboard program for SEN students
作者: Activehealth 時間: 20-6-23 21:21
ababymami 發表於 20-6-23 18:41
謝謝回覆。有冇比較過Island school 及South Island School ?
兩年前有比較過，果時有朋友個女仲讀緊IS，話support 好唔掂，唔知係唔係因為IS 啱啱搬咗去Shatin關係。朋友個女卒之提前返咗佢外國祖家讀埋個中學。
依家IS SEN support 唔知點，但South Island School （special needs NOT gifted)仲好好。
作者: ababymami 時間: 20-6-23 23:35
Radiomama 發表於 20-6-23 20:07
你所指的special edu need是資優還是補底？
ESF一般在補底方面有較多支援，而RC直情有Learning Enhancemen ...
資優加亞氏
作者: ababymami 時間: 20-6-23 23:40
Activehealth 發表於 20-6-23 21:21
兩年前有比較過，果時有朋友個女仲讀緊IS，話support 好唔掂，唔知係唔係因為IS 啱啱搬咗去Shatin關係。朋 ...
謝謝回覆。我都聽講Island School 的Sen support 好唔掂。
作者: ababymami 時間: 20-6-24 00:17
Radiomama 發表於 20-6-23 20:07
你所指的special edu need是資優還是補底？
ESF一般在補底方面有較多支援，而RC直情有Learning Enhancemen ...
我個小朋友係資優，話上學學不到東西，返學冇意思。另外，係亞氏保加，返學冇朋友，很慘。現在讀開嗰間净係識叫佢去評估。但幾月前在私家做了評估，交回學校就冇晒消息及跟進，完全冇support。
小朋友讀緊某間ESF, 請問若搬屋是否可申請去其他ESF中學? 另外，請問有冇KGV特殊教育方面的評價? RC對我們來說太遠了。謝謝你！
作者: Radiomama 時間: 20-6-24 07:26
ababymami 發表於 20-6-24 00:17
我個小朋友係資優，話上學學不到東西，返學冇意思。另外，係亞氏保加，返學冇朋友，很慘。現在讀開嗰間净 ...
ESF 的資優支援不是太多，KGV的情況不了解，不如直接打電話去學校問；趁呢幾日問明白好過估估下。
早幾年ESF曾攪一個project for gifted students, 但做完兩次活動就無啦；一般而言靠家長支援，例如參加HKAGE及奧數等。
作者: Radiomama 時間: 20-6-24 07:35
ababymami 發表於 20-6-24 00:17
我個小朋友係資優，話上學學不到東西，返學冇意思。另外，係亞氏保加，返學冇朋友，很慘。現在讀開嗰間净 ...
孩子已經到中學，佢哋要明白學校不是自己一個人去學習、也不是只求自己發揮，嘗試勸導他了解其他人的困難和需要，以同理心去明白同學。
就算資優也不是什麼都懂的，花心思去做不認識的科目，擴濶學習。甚至多參加群體運動項目，如足球籃球，一來可以增加與同學交往，二來不用太集中看自己是資優。
作者: 964000 時間: 20-6-24 07:41
ababymami 發表於 20-6-24 00:17
我個小朋友係資優，話上學學不到東西，返學冇意思。另外，係亞氏保加，返學冇朋友，很慘。現在讀開嗰間净 ...
亞氏其實未必最適合中學讀IB，因為很多時要和別人協作，佢地本身攪社交要「出力」，而且中學生本生難攪，不是老師分組邊個就邊個。
如果你小朋友學習能力高，找學術要求「高」一點的IS可能會「開心D」，例如GSIS, Harrow, 其他學校至多一科半科support，另外亞氏興趣狹窄（但非常精），佢地好多時考A level最適合，如果長遠不出國就Harrow。
作者: 964000 時間: 20-6-24 07:51
Radiomama 發表於 20-6-24 07:35
孩子已經到中學，佢哋要明白學校不是自己一個人去學習、也不是只求自己發揮，嘗試勸導他了解其他人的困難 ...
理論上係，但有D case好難搞，不知樓主的小朋友有多大問題，但佢最近先發現，即小時候未有處理，現在不是一時三刻可以改變。
我這樣説是因為我有很多讀IS的朋友，乜case都有，最近有兩個就是到中學出現問題才發現是亞氏加資優。
作者: ababymami 時間: 20-6-24 08:12
964000 發表於 20-6-24 07:51
理論上係，但有D case好難搞，不知樓主的小朋友有多大問題，但佢最近先發現，即小時候未有處理，現在不是 ...
本帖最後由 ababymami 於 20-6-24 08:35 編輯
主要的問題係無朋友，不合群，且有不太守規舉，上課神游的精况。佢讀IB的成績都不錯，只不過上學不是咁開心。學校的老師唔識Handle這些小朋友，所以想轉間有support的學校。佢現在間學校，只係有個老師每周一次約半小時同佢傾吓計，針對其他科的老師提出的問題指導佢。班主任及社工從來没有接觸我，社工亦没有接觸佢。我覺得學校support少之又少，同家長溝通限於很正式的會議，so far 見過三次，頭兩次反映佢在校的情况，第三次叫你去評估，但交了報告後就冇晒下文。心理學家俾咗很多recommedations俾學校，例如要多看佢的優點，不要只係啄住佢的不足，多鼓勵佢，或者幫佢pair up的朋友仔，幫下佢，我唔覺學校有做囉。反而傳統的本地學校好似support仲多。但無辦法讀返Local, 因為中文太差。現在都很煩惱。
作者: Activehealth 時間: 20-6-24 08:34
ababymami 發表於 20-6-24 08:12
本帖最後由 ababymami 於 20-6-24 08:35 編輯
主要的問題係無朋友，不合群，且有不太守規舉，上課神游 ...
本帖最後由 Activehealth 於 20-6-24 08:36 編輯
唔知樓主孩子受大？聽落樓主孩子的問題不是一朝一夕形成，亦不可expect 短時期可以解決。
就算學校有support ，都唔可以旨意哂學校。家長一定要先喺出面做評估及治療訓練，有專家評估報告及全盤訓練計劃指引，學校才可配合跟進。
學校老師就算有SEN support 經驗，但亦唔會有專業能力自己develop 一套tailor made program 俾小朋友，家長的角色是在專家同學校中間作橋樑，絕不是將責任推給學校。
明白樓主孩子已有評估報告，不知專家有否訂下詳細訓練治療計劃？若有的話，是否正積極進行？有專家跟進？
作者: Activehealth 時間: 20-6-24 08:45
ababymami 發表於 20-6-24 08:12
本帖最後由 ababymami 於 20-6-24 08:35 編輯
主要的問題係無朋友，不合群，且有不太守規舉，上課神游 ...
樓主孩子有否定期持續接受心理學家訓練治療？
學校一般做法係如果無大問題，不會主動聯絡家長。
家長有否主動跟tutor 班主任聯絡跟進？
作者: ababymami 時間: 20-6-24 08:52 標題: 回覆樓主:
多謝回覆，我剛在20樓補充一些佢及學校的情况。心理學家有份三十幾頁的評估報告，有二十多頁係講番評估的題目及佢的答案，有幾頁係俾家長及學校的建議。主要係多鼓勵。多看佢的優點等，針對佢資優就俾多啲挑戰佢，針對亞氏就幫佢pair up 同學仔。份報告中俾學校的recommendation多過俾家長的
作者: Radiomama 時間: 20-6-24 10:12
ababymami 發表於 20-6-24 08:12
本帖最後由 ababymami 於 20-6-24 08:35 編輯
主要的問題係無朋友，不合群，且有不太守規舉，上課神游 ...
你提到「⋯有個老師每周一次約半小時同佢傾吓計，針對其他科的老師提出的問題指導佢。」其實以ESF而言已經不錯，可能你需要在外面約見輔導員/治療師再配合幫助佢。
沒有朋友是什麼原因？不守規矩是指什麼？他在學校有冇古怪行為？例如咬鉛筆、不修邊幅、太多言論等都會令同學迴避；又或只因是插班生？以上問題無論去邊間學校都要正視。
作者: b3410 時間: 20-6-24 10:28
ababymami 發表於 20-6-24 08:52
多謝回覆，我剛在20樓補充一些佢及學校的情况。心理學家有份三十幾頁的評估報告，有二十多頁係講番評估的題 ...
多鼓勵，針對資優方面俾多挑戰，我覺得老師應該可以嘗試。其實，唔係應該每一個同學都應該這樣嗎？
作者: 美美羊 時間: 20-6-24 18:06
964000 發表於 20-6-24 07:41
亞氏其實未必最適合中學讀IB，因為很多時要和別人協作，佢地本身攪社交要「出力」，而且中學生本生難攪， ...
作者: ababymami 時間: 20-6-24 21:34
Radiomama 發表於 20-6-24 10:12
你提到「⋯有個老師每周一次約半小時同佢傾吓計，針對其他科的老師提出的問題指導佢。」其實以ESF而言已經 ...
本帖最後由 ababymami 於 20-6-24 22:08 編輯
佢冇朋友係因為係插班生，大部分的同學由同一小學升上來。又由於佢在小學時曾受Bully, 對人有戒心。行為上主要係丢三漏四，上課時會評論吓，又講啲别人不會笑的笑話，佢覺得自已很幽默，但别人覺得佢怪。我之所以上綱問係因為覺得學校不識Handle這些小朋友。除了那位每周同佢傾計的老師外，全個特教部門就只有一個Head of special needs, 佢係負責supervise嗰個老師。最令我覺得有壓力的是，個Head話：“你一定要改變”，佢很希望小朋友馬上改變，否則，言下之意有逐客之嫌。這樣的方法對家長及小朋友造成很大的心理壓力。我知道家長及小朋友都有責任，但學校對一些特殊的學生不可以多些耐性?要改都不是一時三刻馬上改好。我有諗過可能佢出心係好，很想學生改變，但佢的做法令我活在驚恐中。我怕小朋友犯錯，就常常叮嘱佢要留心不要犯错，但我都知道下下針住佢的錯處，作用有限。
學校和我溝通的方式係非常正式的。我一共去了3次會面。頭兩次係講佢在校情况（冇朋友，丢三漏四，講笑話），第三次連副校長都出席，話若再不改變，下次會見校長。在那次會議提出叫我帶小朋友出去評估。當時小朋友問副校長：“你係唔係要踢我出學校。”副校咁回應：“如果你讀得唔開心，你自已都會走。”我可能我不太了解鬼佬的做事方法，佢地咁做係既定程序，還是真係想下逐客令。總之就感到壓力很大。有經驗的家長可以分享一下嗎?
作者: Radiomama 時間: 20-6-24 22:10
ababymami 發表於 20-6-24 21:34
本帖最後由 ababymami 於 20-6-24 22:08 編輯
佢冇朋友係因為係插班生，大部分的同學由同一小學升上來 ...
因為係中學生，所以老師會希望個學生要知自己的問題所在，並期待改善。而且學校也停課了幾個月，五月才復課，學生的情況/情緒轉差？
轉校也許可以是一個出口，但也要想想治本方案。
作者: ababymami 時間: 20-6-24 22:17 標題: 回覆樓主:
網上學習對我小朋友而言係開心過返學。而且學習成績好咗。佢冇咗朋輩及老師的壓力。上綱課佢可以Multi-tasking, 一邊玩一邊上堂。 佢話最好home-schooling. 我話香港不可行，而且我未必有能力home school 佢。
作者: Radiomama 時間: 20-6-24 22:28
ababymami 發表於 20-6-24 22:17
網上學習對我小朋友而言係開心過返學。而且學習成績好咗。佢冇咗朋輩及老師的壓力。上綱課佢可以Multi-task ...
對下一代而言，soft skills是很重要的。上網學習或自我進修均可以幫他加速學習步伐，但幫唔到佢與人相處。孩子就是要學習處理衝突、爭執、妥協、關懷、付出等等，教導他多聆聽、增強自我管理能力，這些是IB學習不可缺少的。
派了成績表沒有？self management 的評價如何？趁暑假與孩子溝通，定下目標改善這問題啦。
作者: ababymami 時間: 20-6-24 22:38 標題: 回覆樓主:
上綱看未check到今期的評語。佢地學校没有self-management這方面的評價。同埋佢學校係冇一個綜合的full report of the year.
作者: ababymami 時間: 20-6-24 22:45
Radiomama 發表於 20-6-24 22:28
對下一代而言，soft skills是很重要的。上網學習或自我進修均可以幫他加速學習步伐，但幫唔到佢與人相處。 ...
多謝回覆，我會再俾心思啲。上綱問完都係覺得要先搞好自身的問題。之前覺得國際學校較重視個性化教育，會較適合這些小朋友，看來都係自已一廂情願的想法。
作者: Osiana 時間: 20-6-25 03:22
ababymami 發表於 20-6-24 22:17
網上學習對我小朋友而言係開心過返學。而且學習成績好咗。佢冇咗朋輩及老師的壓力。上綱課佢可以Multi-task ...
作者: ababymami 時間: 20-6-25 04:48
Osiana 發表於 20-6-25 03:22
你可以試一下home school, 其實係可以向教署申請。 你可以報讀外國中學課程俾你小朋友，語言科目可以請私人 ...
多謝你的回覆。其實短期Home school係一個option. 雖然如樓上所言soft skill非常重要，但佢因小學時受到Bully的創傷需要時間及專業人士去處理，如能休學一年讓佢有復原，都唔錯。可否俾多啲外國Home school 的資料? 其實小朋友最近有報讀美國資優課程。(CTY)。
作者: b3410 時間: 20-6-25 10:21
ababymami 發表於 20-6-25 04:48
多謝你的回覆。其實短期Home school係一個option. 雖然如樓上所言soft skill非常重要，但佢因小學時受到Bu ...
作者: 964000 時間: 20-6-25 10:31
ababymami 發表於 20-6-24 22:45
多謝回覆，我會再俾心思啲。上綱問完都係覺得要先搞好自身的問題。之前覺得國際學校較重視個性化教育，會 ...
IS小學尤其初小一般是很關愛的和個性化的，但老實說，中學是另一世界，老師一般expect中學生已經大個會independent with good self management（其實只是LS 小六），而且亦不能包個個老師咁有心及包容（所以我成話入IS唔好咁遲入，否則miss左最好個part）。
最近疫情，autistic 的小朋友都應該會好開心，因為他們不用花氣力和別人打交道，估下人地稔乜。
你看看有甚麼社交班，見過有專為大個ASD而設的，連如何講笑，如何切入話題都有教，再大啲連拍拖都有得教，原來佢地真係唔識的，有時會好awkward, 而中學生係可以好mean的。
佢地很多亦真係好有才華，加油。
作者: 美美羊 時間: 20-6-25 10:54
964000 發表於 20-6-25 10:31
IS小學尤其初小一般是很關愛的和個性化的，但老實說，中學是另一世界，老師一般expect中學生已經大個會in ...
作者: ababymami 時間: 20-6-25 10:59
b3410 發表於 20-6-25 10:21
明白多些你的情況，真係好希望你小朋友可以搵到玩伴和適合的學校。你哋有上CTY網課，有冇上過summer school ...
謝謝鼓勵。似乎轉校冇乜idea, 只不過在原校唔會有甚麼新的轉機，因為佢的班主任再留任一年。人與人的相處係講缘份，佢同一些較有幽默感的老師就相處得較好，可惜，今年有多位老師離任，净低係嗰啲一板一眼，似乎不是咁喜歡佢的老師，心里擔心佢下一年學校生活。唯有多幫助在小孩子自巳盡快改變自巳適應環境。今年冇報summer course, 因為新疫肺炎。而HKAGE要今年九月才可報名。
作者: ababymami 時間: 20-6-25 11:11
964000 發表於 20-6-25 10:31
IS小學尤其初小一般是很關愛的和個性化的，但老實說，中學是另一世界，老師一般expect中學生已經大個會in ...
是的，疫情下的綱課，佢真係好輕鬆。關於社交班，在坊間有很多良莠不齐，好似你所講的，有冇得介紹? 謝谢！
作者: sharons 時間: 20-6-25 11:47
964000 發表於 20-6-24 07:41
亞氏其實未必最適合中學讀IB，因為很多時要和別人協作，佢地本身攪社交要「出力」，而且中學生本生難攪， ...
請問為什麼資優學童考A-level係最好呢? 資優兒童於申請學校的時候需要自行向校方提交評估報告嗎?
作者: 964000 時間: 20-6-25 11:55
ababymami 發表於 20-6-25 11:11
是的，疫情下的綱課，佢真係好輕鬆。關於社交班，在坊間有很多良莠不齐，好似你所講的，有冇得介紹? 謝谢 ...
我之前替朋友資料搜集見過，協康那些應該ok的，或者你問下ASD group 家長。
作者: 964000 時間: 20-6-25 12:03
sharons 發表於 20-6-25 11:47
請問為什麼資優學童考A-level係最好呢? 資優兒童於申請學校的時候需要自行向校方提交評估報告嗎?
...
我指有亞氏那些，不喜歡和人打交道及不合羣做project ( IB），或興趣比較狹窄（不過很advanced), 例如數理，或語文，因為A level可只選三/四科專科，沒有限制，但IB又文又理。如果文又得理又得咁揀甚麼都沒有問題。
不過中學先決定未遲。
作者: 964000 時間: 20-6-25 16:29
美美羊 發表於 20-6-24 18:06
我的孩子都係無朋友，不合群，佢好保護自己，能完全掌握的才會去做，才會舉手答，不會去冒險。年年D老師都 ...
本帖最後由 964000 於 20-6-25 21:05 編輯
你小朋友還細，訓練下可能會改善，不用咁早決定。
作者: 美美羊 時間: 20-6-25 21:18
964000 發表於 20-6-25 16:29
本帖最後由 964000 於 20-6-25 21:05 編輯
你小朋友還細，訓練下可能會改善，不用咁早決定。
作者: gfkwong 時間: 20-6-25 23:53
如果你孩子已是資優生，學術就放輕鬆啲。反而處理人際關係，上社交訓練班。其實不能期望學校有什麼大幫助，因為始終老師不是這方面的專家。IQ非常高但EQ 低長大後也會遇到很大的困難。現在孩子還小要集中處理人際關係性格障礙。
作者: ababymami 時間: 20-6-26 00:02
gfkwong 發表於 20-6-25 23:53
如果你孩子已是資優生，學術就放輕鬆啲。反而處理人際關係，上社交訓練班。其實不能期望學校有什麼大幫助， ...
謝謝回覆。主要係佢巳經初中生，很有主見，要佢上社交班或見心理學家等，佢很抗拒，佢唔得自已有這需要。困難在於要說服佢去參與。
作者: gfkwong 時間: 20-6-26 00:27
加油啦，還未遲。上社交課程或是見心理醫生也需要持續起碼去一年才會有明顯幫助。起碼要去三四次他才會慢慢信任如果他覺得有效他就不會抗拒。當然也要遇到合適的治療師，所以可能也要試一試那一個治療師適合他。除非他第日做科學家，其實其他工作就算專業人士也需要同人合作。再講你也想他有幸福家庭所以及早去處理人際關係社交障礙的問題。
作者: 964000 時間: 20-6-26 07:06
ababymami 發表於 20-6-26 00:02
謝謝回覆。主要係佢巳經初中生，很有主見，要佢上社交班或見心理學家等，佢很抗拒，佢唔得自已有這需要。 ...
本帖最後由 964000 於 20-6-26 07:29 編輯
其實他們對朋友的渴求和普通人一樣，現在自己也辛苦，希望你會找到一個他信任的psycho, you tube有些外國ASD青年自白的video, 可以比佢睇下可有些共鳴，你要佢自己認識有insight才會接受幫助，無論如何千萬要和他保持良好關係。
之前有這個你可看看：
https://www2.hkej.com/landing/mobArticle2/id/1243924/引入「交友技巧訓練」+援助自閉症青少年
學校不能期望有甚麼support, 除非是Sara roe，他們小學已經是自己揀朋友一組組坐的，唔通中學仲老師指派。ESF又大班，老師可能搞academic和活動已經忙，仲要搞你邊個同邊個玩，唔打交就算啦，會搞的是bonus, 就算bullying, 去到中學老師捉人來話完，到時咪單打反眼不和你一組，可以做到乜？
盡做希望安然渡過中學啦，到大學應該會好D，長遠社交訓練都一定有幫助。
作者: Radiomama 時間: 20-6-26 09:36
美美羊 發表於 20-6-25 21:18
如何訓練呢？関於讀IS還是local school的問題，我想了無數遍。在local school, 他現在已經是學霸了，正如專 ...
孩子幾年級？學霸是什麼意思？
趁孩子未被定型，早點接受專業輔導，改善社交問題；擴濶生活經驗，多參加小組式的體育項目，如足球、籃球等，都有幫助。
國際學校的老師其實不著重資優培育，因為他們的教育理念是每個孩子都是特別的、有自己的優點；所以他們不會因你有130分的IQ score而優待你。但倘若孩子主動參加課外活動，發揮自己的長處，他們會欣賞和鼓勵。有些老師更喜歡透過體育校隊的訓練，培育學生sportsmanship, 互相扶持，齊上齊落。香港家長一般著重個人成績/成就，因此未必明白國際學校這是一套做法。
作者: ababymami 時間: 20-6-26 12:21
gfkwong 發表於 20-6-26 00:27
加油啦，還未遲。上社交課程或是見心理醫生也需要持續起碼去一年才會有明顯幫助。起碼要去三四次他才會慢慢 ...
謝謝鼓勵！為了小朋友的將來會繼續努力！
作者: ababymami 時間: 20-6-26 12:26
964000 發表於 20-6-26 07:06
本帖最後由 964000 於 20-6-26 07:29 編輯
其實他們對朋友的渴求和普通人一樣，現在自己也辛苦，希望你 ...
今次出貼，综合大家的回覆，對於Sen嘅 support有了更合理的期望。始终家庭方面要做多啲。多謝你分享的文章，非常有用！最後多謝各位的回應，感受到一眾家長助人之心！祝各位家庭幸福，子女健康成長！
作者: ababymami 時間: 20-6-26 13:20 標題: 回覆樓主:
多謝以上各位的回應，若有社交班或其他資訊，不妨在此繼續分享，謝謝！
作者: gfkwong 時間: 20-6-26 13:34
Radiomama 發表於 20-6-26 09:36
孩子幾年級？學霸是什麼意思？
趁孩子未被定型，早點接受專業輔導，改善社交問題；擴濶生活經驗，多參加 ...
非常之同意你的說法。其實很多人都有才華。性格培育也很緊要。叻的人多的是。國際學校就是會看成每個人都是特別的，也不會讀別去誇獎某一個人學術成績勁。而且也不會同人比，而是同自己比。
作者: 964000 時間: 20-6-26 14:49
Radiomama 發表於 20-6-26 09:36
孩子幾年級？學霸是什麼意思？
趁孩子未被定型，早點接受專業輔導，改善社交問題；擴濶生活經驗，多參加 ...
本帖最後由 964000 於 20-6-26 15:18 編輯
說得太好。
另外我有時覺得LS幼稚園就是太注重學術，或強調守規矩，反而會忽略了幼兒社交和性格發展，其實愈細愈易「調教」，是性格和社交發展關鍵期，所以IS幼稚園中「玩」係好重要要素，我以前是playdates大過天的，因為在學校多朋友才會開心，開心番學才會學習得好。
反而學術很容易搞，聰明的小朋友坐低乖乖地做下練習背下書便可以了，但高分只會開心一陣，喜歡學校的一切才會持久。
不是說學業不重要，只是不同階段注重不同的東西，佢大個D我唔通仲叫佢「日日出去玩啦，玩大個天呀」
（如果好宅可能會，但我女一定不會）
作者: 美美羊 時間: 20-6-26 16:12
本帖最後由 美美羊 於 20-6-26 18:22 編輯
Radiomama 發表於 20-6-26 09:36
孩子幾年級？學霸是什麼意思？
趁孩子未被定型，早點接受專業輔導，改善社交問題；擴濶生活經驗，多參加 ...
我指的學霸係，係有名氣的LS年年考全級頭三甲以內。"香港家長一般著重個人成績/成就"，對我來說不重要，因為除非唔讀，佢讀就係咁嘅成績。家長是不需要谷，不需要push的。
我去過協康同小童群益會，佢地話不需要心理學家跟進，無需要上堂，因為仔唔係自閉，係天生的性格，因為細，所以大人睇得出。大D，佢會學識點樣將呢D缺點隱藏，學曉點樣好假好表面咁同人相處。
而家，係學校同生活裏，我哋同老師都會引導佢"為甚麼需要朋友", 但仔都唔覺得需要，佢會同大人講野，但唔係同輩，佢內心可能覺得同袍幼稚。我成日教佢，人有優點同弱點，要了解自己，包容他人，天外有天，人外有人，他只懵懵懂懂地領會一點點。
而家好多嘢，如coding，係佢自己睇書學。心理專家建議佢讀IS，話會發展得更好，因為D背書方法，對佢嚟講係好易的事情，讀書不需要求分數，因為不是一個問題。要學的是學習態度，求真求知的精神，啟發佢自學研究，而唔係好悶好悶咁讀書。但佢唔鍾意係人面前講嘢，唔同人合作，咁點讀IS呢？
如果佢唔接受IS學習模式，無朋友，唔合群，唔開金口，係咪唔轉好呢？我驚轉咗，佢唔適應，反而令佢害怕，適得其反。但專家做完test，話佢讀IS好，佢咁嘅性格，要轉，又轉邊間好呢？
同佢去make呢D decision, 真係好難好難...所以想請教，邊間IS會容納呢類性格嘅人呢？
作者: Jane1983 時間: 20-6-26 18:49
回覆 美美羊 的帖子
讀書叻在IS不會得到在傳統學校的重視，尤其係小學，人家根本無評估，有亦唔係天大的事。學校、老師和同學celebrate的都不是這些。
如果小朋友好自傲自己成績好，但社交和運動唔叻之餘，亦全無興趣發展，咁其實好難在插班的情況交朋友。如果唔從心態上改變，轉校未必係好事。傳統學校成績好，老師和同學多少係會比d面，cut you some slack，但IS唔係咁運作，無人會對一個新來，唔睬人的同學垂青眼。
作者: Radiomama 時間: 20-6-26 19:34
美美羊 發表於 20-6-26 16:12
我指的學霸係，係有名氣的LS年年考全級頭三甲以內。"香港家長一般著重個人成績/成就"，對我來說不重要，因 ...
No offense, 因不肯定你的學霸是什麼意思，所以才有此一問。
孩子不用催谷就可在傳統小學成績優異，可喜可賀。與其轉去IS, 不如留在原校，一來已適應，二來他可更放膽發展社交，與已經認識的老師同學進一步聯繫，相信對他的情緒更有穩定作用。
國際學校不限于IB, 也有各種學制；在香港有些成績優異的學生到了F4才轉去讀pre-IB然後IBDP也未嘗不可，選擇包括DBS、SPCC, 也可試李寶椿書院，這些學校相信都可幫到學生挑戰自己。
不過在此之前，當然要學懂與人相處啦！
作者: 964000 時間: 20-6-26 22:01
美美羊 發表於 20-6-26 16:12
我指的學霸係，係有名氣的LS年年考全級頭三甲以內。"香港家長一般著重個人成績/成就"，對我來說不重要，因 ...
本帖最後由 964000 於 20-6-26 22:25 編輯
原來已經在LS小學，輕鬆做緊學霸，咁無謂轉來轉去，去到IS插班，又要承受社交風險，萬一唔適應就後悔。
既然主要是心理學家建議讀IS, 但之前我都見過有心理學家叫社交弱的小朋友不要選IB，所以其實那些建議都幾主觀。
作者: heebo 時間: 20-6-27 00:49
美美羊 發表於 20-6-26 16:12
我指的學霸係，係有名氣的LS年年考全級頭三甲以內。"香港家長一般著重個人成績/成就"，對我來說不重要，因 ...
作者: 美美羊 時間: 20-6-27 10:57
本帖最後由 美美羊 於 20-6-27 12:02 編輯
964000 發表於 20-6-26 22:01
本帖最後由 964000 於 20-6-26 22:25 編輯
原來已經在LS小學，輕鬆做緊學霸，咁無謂轉來轉去，去到IS插 ...
過去幾年，見過3個心理學家，他們的意見差不多，最深刻的答案有：
「佢好聰明，雖然沒有與生俱來的親和力，但長大了便會學到隱藏這些缺點，學到有需要時，就會人打交道。」2017年
「你職塲上有很多朋友嗎？他們大多只是你的同事，你們傾的只是公事，並不是你的朋友。阿仔一樣，那些只是他的同學，不一定是朋友。」2018年
「每個孩子都獨特的，你不可以expect佢像一般的小孩子，做一般孩子在同齡做的事情。傳統學校就是不喜歡太叻或太差的小朋友，他們覺得難handle。其實要睇心理醫生的人係你，唔係你個仔，你要學識接受佢唔係你印象中的一般孩子。」2019年
三個的意見都類此，我是傾向相信他們的。
「他會對現在校內學習感覺無聊，因為幾近毫不費力便能成功，毫無挑戰的學習方式，亦會扼殺他的想像力和自主性。」
讀埋今年，就係IS的grade7了，我明白就算継續讀傳統，他也會讀得很好的。但一成不變的生活，是否太沈悶、太順遂？他那麼細個，就不敢去變，不嘗試突破自己的界限，修補自己的弱點，對他的成長，是否好呢？但如果不適應，又如何呢？
我在收集資料，考慮緊這gd7是否一個適當的契機幫他轉校。如果轉，轉什麼呢？多些種族的組合，可能對他在同人相處時有新的體驗，冇以前咁局促？或是更接近傳統的IS, 讓他更易適應？腦中有很多、很多的問題。
作者: 美美羊 時間: 20-6-27 11:52
heebo 發表於 20-6-27 00:49
如果轉國際學校，希望孩子在學問的追求上有更好的發展，但他不喜歡presentation和怕IB不適合他的性格，可以 ...
作者: melobi12 時間: 20-6-27 12:53
美美羊 發表於 20-6-27 10:57
過去幾年，見過3個心理學家，他們的意見差不多，最深刻的答案有：
「佢好聰明，雖然沒有與生俱來的親和力 ...
「佢好聰明，雖然沒有與生俱來的親和力，但長大了便會學到隱藏這些缺點，學到有需要時，就會人打交道。」2017年
咁心理學家有冇俾咩意見同指引你，教你點幫小朋友練習去「隱藏缺點」、「同人打交道」呢？
我小朋友仲好細，同你仔情況唔一樣，我女係social anxiety，我留意到問題之後，睇左好多資料，入相關parent support group學習點樣幫小朋友、見兒童心理學家。綜合自己同其他家長經驗（佢地啲小朋友有啲唔止單一問題，幾歲到十幾二十歲都有）其實見專家只係幫手俾指引家長，最重要係要靠家長將適當嘅訓練大量融入日常生活，改變小朋友mindset （我唔知你仔情況係點，但例如話我女情況就係，我要大量訓練佢，等佢知道「驚同緊張唔緊要，但都要做，驚同勇敢係可以並存，咁久而久之佢會克服到佢嘅anxiety）。好多家長分享：佢地小朋友仲細時，佢地以為小朋友大大下會好，結果越大越差，好難返轉頭。因為其實好多情況係唔會自己無啦啦變好，唔係話大個左就會outgrow 一啲心理難關。有啲人大左會好，可能係佢人生不斷碰壁，碰下碰下，其實就係對佢嘅訓練，結果「大左就好」，其實只係佢自己無數次碰壁嘅成果。但係唔係人人都靠自己碰壁就可以改變到自己呢？唔係的，好多人越碰越跌落個陷阱，最後trap住左自己。
所以我自己睇法係，既然練習可以改善到心理同行為，咁就喺我（首先要大量增值自己呢方面知識）同心理學家指導下幫佢練習，而唔係放手隨緣「等佢大個會好啲」、等佢自己亂碰壁碰到周身傷、冇晒自信心。
確實我女需要嘅幫助同你仔需要嘅訓練方法未必一樣，但見到你呢位心理學家講話「大個會好」，我想你搞清楚心理學家意思係大個會無啦啦突然變好，定係我講嗰種「其實都係靠碰壁同練習」先會變好，如果係後者，媽媽你一定要襯早幫手拉佢一把呀。
作者: mindfulmom 時間: 20-6-27 18:03
美美羊 發表於 20-6-26 16:12
我指的學霸係，係有名氣的LS年年考全級頭三甲以內。"香港家長一般著重個人成績/成就"，對我來說不重要，因 ...
呢個決定應該係你同佢一齊做，如果你同佢都願意踏出呢一步去IS學習，我覺得不妨一試，始終學校係一個學習的地方，學生可以未學到、甚至失敗、然後再學過，更甚係轉左覺得唔適合，以佢學霸既成績應該好多LS會想收佢入讀令學校有更亮麗的畢業數據。相反，如果只係家長有心子女無意，咁就唔好搵黎攪啦。其實佢要面對同人相處的問題係遲早既事，睇下你同佢想去學齡階段去處理定係到成人階段在工作間去處理。當然，如果佢可以喺學校用幾年時間學好如何與人相處，就唔駛去到上班時才交學費。萬一在行內「出左名」好勁但相處唔到，對佢事業發展應該完全無好處。
作者: Radiomama 時間: 20-6-28 09:11
美美羊 發表於 20-6-27 10:57
過去幾年，見過3個心理學家，他們的意見差不多，最深刻的答案有：
「佢好聰明，雖然沒有與生俱來的親和力 ...
即是孩子已經是P5, 明年P6?
如果這樣，不如選一間程度合適的中學吧。由小學過渡中學其實已經是一個挑戰和適應，學習方式也有不同。認識一些由地區名津小轉入SPCC, 真是如魚得水，相信是中學的生活讓他們覺得充實又有挑戰。而且SPCC中四時又可選擇DSE或IB，是個好方向。
如果真想試國際學校，Harrow 和Kellet行傳統英式學制，家長和學生均較易掌握；而且學校的student mix較佳；如果想去美國升学，HKIS是美制首選。
作者: 木子兔媽媽 時間: 20-6-28 11:14
SEN 大小朋友的父母，是他們最重要的天使. SEN每一個人的成長都是獨特的，每個家庭資源都不同. 通常家長都好想做好d，覺得大小朋友會好d；事實未必如此. 也許讓大小朋友每日體驗，自己觀察，問周圍信得過嘅意見.
轉學校係大件事，非不得已，勿輕舉妄動；最好先接觸心儀學校家長同學生感受查詢一下
作者: b3410 時間: 20-6-28 11:30
Radiomama 發表於 20-6-28 09:11
即是孩子已經是P5, 明年P6?
如果這樣，不如選一間程度合適的中學吧。由小學過渡中學其實已經是一個挑戰和 ...
作者: ababymami 時間: 20-6-28 15:21
木子兔媽媽 發表於 20-6-28 11:14
SEN 大小朋友的父母，是他們最重要的天使. SEN每一個人的成長都是獨特的，每個家庭資源都不同. 通常家長都 ...
謝謝回覆。聽完各位家長的分享，我暫時先不考慮轉校，集中精力處理佢本身的問題，自巳亦要多增值，希望成為佢的守護天使，令佢快樂成長。Sen家長自身的壓力很大，要先處理好自已的焦慮及情緒，對小朋友會有益處。
作者: candykinder 時間: 20-6-29 08:44
其實IS既mass intake係K1, 但Sen係咪好似要4歲以上先confirm到係定唔係(emoji)
作者: Radiomama 時間: 20-6-29 16:59
candykinder 發表於 20-6-29 08:44
其實IS既mass intake係K1, 但Sen係咪好似要4歲以上先confirm到係定唔係(emoji)
IS mass intake都有幾次，ESF/英制會是K1, Y1 & Y7.
作者: heebo 時間: 20-6-29 22:31
本帖最後由 heebo 於 20-6-30 13:27 編輯
美美羊 發表於 20-6-27 11:52
有其他的介紹嗎？
呢個問題好難答，嘗試找一間口碑好的國際學校，帶他一起參觀感覺下氣氛再決定，相信轉換學習環境、模式，或許對你小朋友有幫助，讓學習變得有挑戰性、幫他擴闊眼界、突破自己。我不知道他的「沒有朋友，不合群」是否因他自己可以應付一切，而覺得不需要朋友，或者看不起不及他的同學，又或者覺得打交道無聊、浪費時間，但如果學校要求group projects，他自然要與人合作。
我只是很單純地以一個普通家長的角度去看你提出的問題，並不是非轉校不可，但覺得可以是轉機。
轉去IS要適應英文要求、學習模式，都是挑戰，IB課程我不熟悉，但無論甚麼課程、或多或少都需要group project，presentation，總得要做，總可克服。
作者: 964000 時間: 20-6-29 22:55
heebo 發表於 20-6-29 22:31
呢個問題好難答，嘗試找一間口碑好的國際學校，帶他一起參觀感覺下氣氛再決定，相信轉換學習環境、模式， ...
本帖最後由 964000 於 20-7-2 00:23 編輯
在IS的氛圍，從小就要合羣，巳成了生活的一部分，佢地初小巳經自己㨂朋友一組組坐一起上堂，每年又可以揀好朋友一起升同一班。
不過都聽過有小朋友融入不到，通常是social skills的問題。
作者: heebo 時間: 20-7-1 17:03
本帖最後由 heebo 於 20-7-1 17:05 編輯
964000 發表於 20-6-29 22:55
本帖最後由 964000 於 20-6-29 23:40 編輯
在IS的氛圍，從小就要合羣，巳成了生活的一部分，佢地初小巳 ...
的確朋友、合作就是生活的一部份，就算由LS 轉入的新同學，好快就融入到同學的圈子，學校開學前都會搵幾個學生volunteers 幫手帶下D新同學，或者有幫助。至於揀好朋友升埋同一班，我地學校就冇咁嘅安排，反而係升級時刻意將學生編去唔同班，令佢地好快識晒全級嘅同學，上到中學自由選科、加上參加學會或其他活動，大佢地兩年至細兩年嘅都識埋，我見阿女喺升學方面都會問下D畢咗業嘅哥哥姐姐分享下比D意見，幾好㗎！.
我唔識人因social skills 問題融入唔倒，反而係開頭唔適應個學習模式（雖然已來自最top嘅傳統名校），唔慣有咁多嘢要兼顧，先驚覺攞A唔係咁易。
作者: 美美羊 時間: 20-7-6 14:03
本帖最後由 美美羊 於 20-7-6 14:10 編輯
謝謝各位意見，嚟緊一年可以的話，會帶孩子去join school tour感受一下先，再作打算。
| 歡迎光臨 教育王國 (/) |
Powered by Discuz! X1.5 |