教育王國
標題: 有無邊間IS對父母英文要求低D?父母英文唔係好得。 [打印本頁]
作者: hebe小云 時間: 18-10-25 11:57 標題: 有無邊間IS對父母英文要求低D?父母英文唔係好得。
本帖最後由 hebe小云 於 18-10-25 12:06 編輯
如題。。。小朋友6歲,英文水平都OK,但爸爸媽媽好少講英文。能否推薦有合適嘅國際學校?
作者: hebe小云 時間: 18-10-25 12:04 標題: RE: 有無邊間IS對父母英文要求低D?父母英文唔係好得。
如題,小朋友6歲,英文水平都OK,但爸爸媽媽好少講英文。能否推薦有合適嘅國際學校?
作者: hitommycc 時間: 18-10-25 12:19 標題: 回覆樓主
KINGSTON, ISF. 家人有讀過,父母不識英文,無問題。

作者: Jane1983 時間: 18-10-25 14:09 標題: 回覆樓主:
IS係小朋友讀唔係父母讀,對父母的英文無乜要求,好多IS面試根本唔見父母。當然你要睇得明學校email,聽得明老師、校長講乜。

作者: freespeech 時間: 18-10-25 21:41
hebe小云 發表於 18-10-25 11:57 
如題。。。小朋友6歲,英文水平都OK,但爸爸媽媽好少講英文。能否推薦有合適嘅國際學校? ...
這是很多香港家長的心摩,因為和學校老師溝通唔到,又冇得督促功課(因自已郁唔識),唔夠胆比仔女讀IS!
作者: ramuza 時間: 18-10-25 22:22
hebe小云 發表於 18-10-25 11:57 
如題。。。小朋友6歲,英文水平都OK,但爸爸媽媽好少講英文。能否推薦有合適嘅國際學校? ...
如果小朋友本身英文唔好嘅我建議 可能佢啲冇咁出名 嘅國際學校讀一至兩年佢自自然然英文就會好

作者: 964000 時間: 18-10-25 22:33 標題: 回覆樓主
選多中國人,有中文class teacher,最好有中英對照的,例如ISF, Vic, Kingston, KCIS。
否則閲通告,見家長,parents group 個D點溝通。

作者: ramuza 時間: 18-10-25 22:48
964000 發表於 18-10-25 22:33 
選多中國人,有中文class teacher,最好有中英對照的,例如ISF, Vic, Kingston, KCIS。
否則閲通告,見家長 ...
我反而唔建議
我個女 就係畀esf拒絕咗之後我送佢去一間國際學校嗰度讀嗰間學校冇中文翻譯ta都係鬼佬用咗大概一年嘅時間佢再好好彩有機會再去英基面試跟住終於pass個principal頌讚佢, 跟住個校長同我哋講咁你預咗佢嚟緊張會唔再識得講中文果然冇講錯我個女而家喺屋企係一句廣東話普通話都唔講而家佢淨係識得講英文

作者: Saboc 時間: 18-10-25 23:25
回覆 ramuza 的帖子
而家好多家長教會盡量keep 住小朋友有返d中文程度。
作者: 964000 時間: 18-10-25 23:37
ramuza 發表於 18-10-25 22:48 
我反而唔建議
我個女 就係畀esf拒絕咗之後我送佢去一間國際學校嗰度讀嗰間學校冇中文翻譯ta都係鬼佬用咗大 ...
樓主話係父母自己英文唔好,小朋友自己英文冇問題喎。(唔通我中文有問題?)
Btw點解讀讀下ESF會由識變成唔識講廣東話?除非從來未識過,我見好多大個都好流利,唔講我都唔知佢地讀ESF的,例如,「千億新抱」

作者: mamaishere 時間: 18-10-26 00:31
964000 發表於 18-10-25 23:37 
樓主話係父母自己英文唔好,小朋友自己英文冇問題喎。(唔通我中文有問題?)
Btw點解讀讀下ESF會由識變成 ...
咪係囉,有無咁誇張會由中文好英文唔好到到完全唔肯講中文呀?除非家長同佢洗腦話講中文有幾唔好啫。我兩個小朋友英文native, 但仍然非常樂意講廣東話同普通話,去北京臺灣旅行好願意講(普通對答),喺屋企對住四大長老講流利廣東話,睇吓父母點灌輸語言嘅重要性啫。

作者: mandy_ng207 時間: 18-10-26 11:29
回覆 mamaishere 的帖子
我諗屋企用咩語言溝通最緊要。我屋企接近全廣東話,只有我同仔講英文,佢返全英幼稚園,英文好過中文,但佢會觀察我「翻譯」比屋企人佢講的英文句子,去學番相對的廣東話。不過佢睇卡通就一定睇英文的,始終佢聽唔到太快的廣東話。
作者: jk121299 時間: 18-10-26 16:17 標題: 回覆樓主
樓主英文唔好點解要迫個小朋友讀IS? 第時同自己仔女點溝通? 學校搞活動或請家長入學校volunteer或participate event, 老師見家長講進度etc 你有冇唸過自己都有好大壓力? 你點樣改變個生活方式來配合?

作者: jk121299 時間: 18-10-26 16:19
mamaishere 發表於 18-10-26 00:31 
咪係囉,有無咁誇張會由中文好英文唔好到到完全唔肯講中文呀?除非家長同佢洗腦話講中文有幾唔好啫。我兩 ...
同意。真誇張,仲好似好威咁連first language都放棄埋喺香港生活出街唔知點算呢..

作者: aliya 時間: 18-10-26 22:33
964000 發表於 18-10-25 22:33 
選多中國人,有中文class teacher,最好有中英對照的,例如ISF, Vic, Kingston, KCIS。
否則閲通告,見家長 ...
我就係果個因為英文唔好,放棄ESF最後揀KCIS^_^
不過2間面試後都有問仔仔鍾意邊間,他自己都鍾意嘅大家歡喜^_^

作者: Cara2006 時間: 18-10-27 10:29
964000 發表於 18-10-25 23:37 
樓主話係父母自己英文唔好,小朋友自己英文冇問題喎。(唔通我中文有問題?)
Btw點解讀讀下ESF會由識變成 ...
我都覺得怪。
我仔女外國出生,回流後一直在 ESF ,佢地英文是 first language ,但會說廣東話普通話。
廣東話係有少少唔太正音,但出去茶餐廳叫餐,係原全冇問題,人地識聽。
ESF 的中文,唔係咁淺,所以要識基本的中文聽寫讀講,一定可以。
不過,香港國際學校家長有兩大類。
一類係本身在外地生活過,會更明白作為華裔,在外國生活識中文是優勢。
所以我堅持,孩子平常在家說廣東話。
另一類,可能覺得英語好在香港是優勢,所以只專攻英語。
但其實,英語好,不代表中文差。
唔識中文的人,英文又未必好。
講得白 d ,鬼佬也有文盲。
滿口英文又點,寫作唔好,也冇用,將來考試又唔考 oral 。
所以,尤其華人,英文好,也要 keep 中文。
已經 2018 年。
唔好以 "唔識中文" 為榮。
作者: Cara2006 時間: 18-10-27 10:38
jk121299 發表於 18-10-26 16:19 
同意。真誇張,仲好似好威咁連first language都放棄埋喺香港生活出街唔知點算呢..
...
我初中時,在香港有個同學去外國讀書一年,返香港就話唔記得點講中文。
以前真係有 d 人係咁老土。
但已經 2018 年,估唔到今時今日仍然有人咁思想。
作者: ramuza 時間: 18-10-27 12:32
hebe小云 發表於 18-10-25 11:57 
如題。。。小朋友6歲,英文水平都OK,但爸爸媽媽好少講英文。能否推薦有合適嘅國際學校? ...
我嗰陣時無論interview esf 或者之前嗰間佢都冇乜點你父母係咪識英文

作者: Saboc 時間: 18-10-27 13:27
而家仲会proud of 只有英文强中文唔得....太落伍。
作者: 964000 時間: 18-10-27 14:28
Saboc 發表於 18-10-27 13:27 
而家仲会proud of 只有英文强中文唔得....太落伍。
本帖最後由 964000 於 18-11-6 06:14 編輯
其實IS的小朋友在六歲前,是有條件口語中文及英文同時達到native level

作者: Avocadosushu 時間: 18-10-28 01:09
ramuza 發表於 18-10-25 22:48 
我反而唔建議
我個女 就係畀esf拒絕咗之後我送佢去一間國際學校嗰度讀嗰間學校冇中文翻譯ta都係鬼佬用咗大 ...
咁你做人父母,為咗個細路好,可能要逼佢喺屋企講中文。

作者: ramuza 時間: 18-10-28 09:49
Avocadosushu 發表於 18-10-28 01:09 
咁你做人父母,為咗個細路好,可能要逼佢喺屋企講中文。
tried 但係真係迫唔到

作者: ZackMama 時間: 18-10-28 10:28
ramuza 發表於 18-10-28 09:49 
tried 但係真係迫唔到
我唔清楚實際情況,但真係家家有本難唸的經。有啲小朋友返學係EMI,放學淨係得姐姐同佢又係英文,電視睇英文節目又係英文,而父母可能放工返嚟只見到佢一陣講得幾句中文。冇咗中文語境,小朋友好難學到。又甚至父母為咗各種原因(例如令小朋友可以快啲適應EMI學校)連僅有嘅相處時間都講英文,最後返唔到轉頭。認識一個香港人朋友嘅小朋友,明明讀一間中文比較強、教繁體、有唔少香港人讀嘅IS,但係唔能夠講到一句完整中文句子,就係因為佢全家人都係同佢講英文(長老除外,但個月先見得嗰一兩次)。

作者: Avocadosushu 時間: 18-10-28 13:06
ramuza 發表於 18-10-28 09:49 
tried 但係真係迫唔到
個人親身經歷: 喺外國,細路手抱已經移民/ABC, 父母要求響屋企同父母溝通一定要用中文。so far 全部細路到長大成人都識講中文。如果parent give in 同佢哋講英文,咁可能係管教方面要下功夫。 個細路唔係唔識,係選擇唔講。

作者: shadeslayer 時間: 18-10-28 16:13
ramuza 發表於 18-10-28 09:49 
tried 但係真係迫唔到
你迫佢唔到講中文,佢迫到你講英文?
咁講,你係父母,你堅持講中文,唔通一個細路迫到你講英文?

作者: mandy_ng207 時間: 18-10-28 17:41
回覆 ZackMama 的帖子
我仔幼稚園由playgroup 開始已經西人全英語教學,佢有幾個同學都唔肯講中文的。主要是full time mom + 工人湊,mom同工人要講英文,小朋友英文又叻,所以就會出現阿媽講中文而小朋友答「English please」的情況。其中一個回流的港人媽媽在K1決定將小朋友轉去local, 佢返左local先講多左廣東話。
作者: barbara.wong 時間: 18-10-30 11:37
好奇點解依家國際學下倫落到著重學習外語地方﹖點解會有國際學校出現﹖又為何香港家長幾貴都要送小朋友入國際學校﹖似乎好多都失咗入國際學校既原意!如果係要學習外語,要中文同LOCAL比,又想佢地入國際學校學英文的話,為何要入國際學校﹖倒不如比返的學位比真正有需要的外國人,讀返LOCAL,慳返啲錢去請私人教英語,專人教繁中好過!其實LOCAL好,國際學校好,講緊既都係全面教育,如果單一講求學語言同文法,呢啲係咪應該自己去外補﹖發覺太多家長太過著重學術,現慢延到國際學校!
作者: Immomo 時間: 18-10-30 15:24
回覆 964000 的帖子
KCIS only has English circular and the class teacher can only speak in English. If the parent cant speak in English, KCIS may not be a good choice for them.
作者: FattyDaddy 時間: 18-10-30 16:03
barbara.wong 發表於 18-10-30 11:37 
好奇點解依家國際學下倫落到著重學習外語地方﹖點解會有國際學校出現﹖又為何香港家長幾貴都要送小朋友入國 ...
You should ask Mr Kevin Yeung Yun-Hung, Secretary for Education in the China-HK Government.
As the top man looking after education in HK, why is he "淪落到" sending his children to International Schools.
作者: 小寶貝兒 時間: 18-11-2 13:24
mamaishere 發表於 18-10-26 00:31 
咪係囉,有無咁誇張會由中文好英文唔好到到完全唔肯講中文呀?除非家長同佢洗腦話講中文有幾唔好啫。我兩 ...
同我女一樣~我女英文native, 我英文不太好(聽說冇問題, 讀都OK, 寫就超差), 細個時我KEEP住講多D英文, 到轉左IB, 我就放晒手, 我中佢英咁, 佢D英文仍然好, 中文日日見進步, 普通話都多左講(去旅行時買野問野佢會試下同D SALES講佢想要搵D乜, 係邊度等等)
我地成日同佢講, 英文重要, 中文都重要架, 唔係點樣係茶記叫野食呀
歡迎光臨 教育王國 (/) |
Powered by Discuz! X1.5 |