教育王國
標題: 國際學校學生愛炫富嗎? [打印本頁]
作者: dairymeow 時間: 18-9-12 07:54 標題: 國際學校學生愛炫富嗎?
一般嚟講讀得國際學校嘅家境都唔差。學生們會唔會中意炫富，互相比較嗎?
部份私立同直資學校都應該有類似問題，唔知國際學校會唔會特別嚴重?
如果小朋友嘅同學炫富，你哋會點處理? 同點教佢處理?
作者: sxd 時間: 18-9-12 08:40 標題: 回覆樓主
我女兒才讀grade 2，暫時沒有看到炫富的學生或者家長，有在學校看到過李*楷也一樣有說有笑，平易近人。
可能高年級後會有吧，小朋友太小還沒有炫富的意識。我已經告誡小朋友多次，進學校要比拼的是學習能力和待人處事的態度，其它都是浮雲。
作者: 莫失莫忘 時間: 18-9-12 09:46
我諗好細既小朋友未識炫富，不過有時去完同學仔屋企玩可能會問點解邊個邊個屋企咁大？咁解有樓梯/電梯/私家泳池等。呢d就要家長自己化解。我相信呢個階段化解得好到第時大個真係有同學炫富小朋友都可以處理得到
作者: mandy_ng207 時間: 18-9-12 10:41
dairymeow 發表於 18-9-12 07:54 
一般嚟講讀得國際學校嘅家境都唔差。學生們會唔會中意炫富，互相比較嗎?
部份私立同直資學校都應該有類似 ...
有定心理準備都好嘅～
作者: poonseelai 時間: 18-9-12 12:10 標題: 回覆樓主:
何謂炫富？对於生長係富有家庭孩子，住獨立屋，出入有私家車/司機接送，坐飛機只坐頭等，所用全是名牌之類，只是日常生一活一部分，唔係特別炫耀。SPCC在半山，有孩子坐完地鐵行返學校，有孩子行5分鐘到學校都要有工人跟住拿書包。唔同類型學校都有不同生活方式和態度的人，家長教好自己孩子最重要。
作者: 抺茶雪糕 時間: 18-9-12 12:41
poonseelai 發表於 18-9-12 12:10
何謂炫富？对於生長係富有家庭孩子，住獨立屋，出入有私家車/司機接送，坐飛機只坐頭等，所用全是名牌之類 ...
講得啱，好多學校都有非常富有或者一般家庭嘅學生，見過住獨立屋嘅會坐校巴或者自己轉幾次車返學，家長平時用平手袋或環保布袋打扮樸素，亦見有一般家庭小朋友去邊都係工人跟住，家長揸貴車去接送，永遠全身名牌
學校其實就係一個小社會，咩人都有，最重要係自己點樣教同埋自己心態
作者: planetearth 時間: 18-9-12 14:21 標題: 回覆樓主:
我見到的是越有錢越低調。
作者: 健次郎朋友 時間: 18-9-12 16:01
回覆 dairymeow 的帖子
每逢放學（司機接送）、放假（海外暑期班）點樣低調也藏不住 🤣🤣
作者: Activehealth 時間: 18-9-12 16:05
planetearth 發表於 18-9-12 14:21
我見到的是越有錢越低調。
完全同意。
阿仔同學住xx半島獨立屋，阿爸阿媽都係香港望族，屋企人全係香港兩大著名慈善團體主席、總理，仲有香港大學都有以佢阿爺命名建築物，返學都搭校車，普通學生一名。因工作上識佢阿媽外家，加上偶然睇咗篇壹週刊報導佢阿爸家族，正知佢屋企咁勁。
仲有，唔少歐洲大國駐港領事，啲細路都讀阿仔果間，同樣低調到不得了。
相反，有個別祖國海歸父母，驚死人唔知佢地係有海外護照嘅海歸人士。
作者: SAS 時間: 18-9-13 07:26 標題: 回覆樓主:
Local school 啲學生家長比較喜歡炫富吧
作者: poonseelai 時間: 18-9-13 08:39 標題: 回覆樓主:
对我這個名牌都唔識多個嘅人，即使有人着到一身名牌在我面前我都晤会知，無得炫。曾聽人講話只有飛甩雞毛鞋才着得舒服，唔間價錢都買，特登去店看下幾錢，不過無寫價錢嘅
作者: leemeik 時間: 18-9-13 08:48 標題: 回覆樓主
是會比較喜歡互相比較物質上的東西吧。親耳聽過比較新款電話、家裏開什麼車、家有多大等等。在背後說某同學窮，甚至當面説別人屋企很細，車很舊之類也見過，但只是很少數。以前自己讀津校也有，但最多只是有1、2個喜歡炫耀自己有新玩具或用名牌。但我覺得沒什麼，現實中就是有不同類型的人。教育好自己的孩子就好。我教他交朋友要重品德不是背景。不要說別人壞話别人會很傷心。別人有的只要自己努力將來也會有不用羨慕。這世界很多人很慘，讓他知道自己已經很富裕。遇到這種事，可趁機會跟他上一課。
作者: Choochootrain 時間: 18-9-13 09:14 標題: 回覆樓主
何謂炫富？司機，歐遊，頭等機位，五千尺大屋...可能對於富戶只是日常基本需要，沒有什麼大不了，等同於平民坐地鐵，住私樓，唔通你同人講我日日坐地鐵，住私樓係炫富？炫富唔炫富好在於聽者心態...
作者: dairymeow 時間: 18-9-13 23:45 標題: 回覆樓主
其實我意思係，啲學生會唔會中意互相比較物質上嘅嘢，好似有啲咩名牌，放假去邊旅行，屋企幾大等等。呢啲local學校都有，但國際學校學生普遍家境好啲，唔知呢啲現象會唔會嚴重啲。
我細個都遇到一啲家境好啲嘅同學會笑你屋企細，又比較你爸媽做乜，小朋友未夠成熟未必識handle，自尊心會受損。入國際學校係想小朋友喺自由啲嘅環境學習，但如果成日遇到呢啲情況就會有反效果。
作者: whitesky 時間: 18-9-14 00:02
回覆 dairymeow 的帖子
我認識的家長有學識, 外國名牌大學畢業，家境好，仔女有教養，佢哋暑假海外上暑期班，旅行等等, 可以給子女好多支援，及經歷，但佢哋都是非常低調，亦沒有掛滿名牌，仔女亦不會注重物質，所謂炫富，可能是你想多了。我看見的越有錢，越低調，更不需要名牌。
作者: freespeech 時間: 18-9-14 00:10
whitesky 發表於 18-9-14 00:02
回覆 dairymeow 的帖子
我認識的家長有學識, 外國名牌大學畢業，家境好，仔女有教養，佢哋暑假海外上暑期 ...
作者: Saboc 時間: 18-9-14 08:13
回覆 freespeech 的帖子
赞成你嘅睇法。但而家似乎多咗怪獸入Int School.尤其比較昂貴嗰d
作者: Saboc 時間: 18-9-14 08:15
真係好有錢嗰啲反而ok啲。
作者: 抺茶雪糕 時間: 18-9-14 09:09 標題: 回覆樓主
非常有錢嗰啲一定好低調，而且家境好非常有錢既家長通常讀得書多眼界開闊，中產果批亦通常比較有學識有見識有修養
間中一兩個有少少錢嘅如果有少少show off或睇少人既表現，好快會自取其辱謝晒，因為發覺俾佢睇小嗰個可能比佢有錢十倍
Anyway 周身名牌個個c/h手袋去家長會嘅情況似乎係本地學校常見啲，國際學校反而會見得多casual look，家長們亦比較着重精神上而非物質上嘅滿足，所以小朋友間亦唔會以物質作比較，始終覺得國際學校啲小朋友都比較單純，唔似本地學校小朋友細細個就比較現實
作者: nintendo 時間: 18-9-14 09:23
本帖最後由 nintendo 於 18-9-14 09:26 編輯
dairymeow 發表於 18-9-12 07:54
一般嚟講讀得國際學校嘅家境都唔差。學生們會唔會中意炫富，互相比較嗎?
部份私立同直資學校都應該有類似 ...
樓主，如果你一個朋友，和你去吃晚飯，穿一件 $1000 tee ，你會覺得她炫富嗎？或者這是人家大部分 tee 的價格。
家中的車，最平是 BMW ，你要人家那裏找一架 Corolla 出來 ?
認為人家炫富的，是 "看" 的人，不是 "用" 的人。
我孩子的同學，有一個富同學，爸爸有四架 super car ，平日用 bentley ，媽媽用 BMW 接送。去美國讀大學，父母即買豪宅比佢住。
另外一方面，亦有普通同學，連去美國讀大學的費用也要張羅。
世界總有比自己有錢的人，要不眼紅不自卑才是。
作者: 964000 時間: 18-9-14 11:02 標題: 回覆樓主：
本帖最後由 964000 於 18-11-17 16:06 編輯
Del
作者: 964000 時間: 18-9-14 11:04 標題: 回覆樓主：
本帖最後由 964000 於 18-11-6 07:09 編輯
作者: shadeslayer 時間: 18-9-14 13:27
964000 發表於 18-9-14 11:04
（續）同學之可能會有些影響，那你自己當然也要教好自己小孩和建立正確的價值觀，唔係求其擲比學校同工人就 ...
女兒間lS好有錢住山頂獨立屋的人好多，我地比較下係赤貧，但女兒要好的朋友背景很多，有錢也很多，似乎鬥身家在她學校的孩子中不是大問題。
作者: safeway 時間: 18-9-14 13:29
dairymeow 發表於 18-9-13 23:45
其實我意思係，啲學生會唔會中意互相比較物質上嘅嘢，好似有啲咩名牌，放假去邊旅行，屋企幾大等等。呢啲lo ...
我唔會天真地覺得IS係烏托邦，人人平等有見識有胸襟冇比較冇小人，我可以大膽地講，學生校內一定有比較、家長一定有小圈子！問題只是嚴重性，比例有幾重。
多年前(未被中產、強國人攻陷嘅年代), 我曾在一間老牌國際學校做過，有幸親眼見識親身感受，所以我講過，以我家水平我不會讓小孩高攀此等學校，到high school以成績考入還可考慮。
我欣賞IS嘅教學模式，自己小孩也是讀IS, 但我不會美化IS, 它也有其問題，家長也要有準備，任何情況也可轉化成教育機會。
作者: tcbobo 時間: 18-9-14 13:32
Activehealth 發表於 18-9-12 16:05
完全同意。
阿仔同學住xx半島獨立屋，阿爸阿媽都係香港望族，屋企人全係香港兩大著名慈善團體主席、總理 ...
我覺得學生唔會, 家長也很低調
作者: Jane1983 時間: 18-9-14 13:36 標題: 回覆樓主：
本帖最後由 Jane1983 於 18-9-14 21:56 編輯
小學生之間無炫富呢樣嘢，一般中產比小朋友的供給都够豐足，佢地唔care的。
在學校popular的學生一係運動好勁，一係超級brainy，或者好搞笑的class clown。有錢唔係吸引力，你炫都無人show你。
作者: 木子兔媽媽 時間: 18-9-14 13:46 標題: 回覆樓主
改話題講, 究竟香港人宜家幾有錢, 我想細路大d先坐飛機去旅行, 都只係做到幾年留港消費, 因為連學校功課都問放假飛去邊(emoji)
作者: mandy_ng207 時間: 18-9-14 13:59
回覆 木子兔媽媽 的帖子
我仔N班讀local school, 曾有功課問去邊度旅行（要交相），我答左大埔海濱公園。
反而K1上國際，一份咁無聊嘅功課都未做過。
要對自己有信心才對！
作者: 木子兔媽媽 時間: 18-9-14 14:15
mandy_ng207 發表於 18-9-14 13:59
回覆 木子兔媽媽 的帖子
我仔N班讀local school, 曾有功課問去邊度旅行（要交相），我答左大埔海濱公園。
然後要堅持到底唔搞生日會...
作者: Choochootrain 時間: 18-9-14 14:20
nintendo 發表於 18-9-14 09:23
樓主，如果你一個朋友，和你去吃晚飯，穿一件 $1000 tee ，你會覺得她炫富嗎？或者這是人家大部分 tee 的 ...
100%認同！同者冇意看者有意！
作者: nintendo 時間: 18-9-14 14:37
木子兔媽媽 發表於 18-9-14 13:46
改話題講, 究竟香港人宜家幾有錢, 我想細路大d先坐飛機去旅行, 都只係做到幾年留港消費, 因為連學校功課都 ...
大家生活方式不同而已。
坐飛機旅行，也並非好貴，冇大不了，
去，又唔係好巴閉，唔去，應該冇人會 care。
其實，先要趕走 "自己" 心中的鬼，
不要將消費方式，和身家卦鈎，
亦不必介懷人地比自己豪氣。
作者: 木子兔媽媽 時間: 18-9-14 14:52
nintendo 發表於 18-9-14 14:37
大家生活方式不同而已。
坐飛機旅行，也並非好貴，冇大不了，
Bingo. 你話坐飛機唔貴, 我哋覺得貴, 要教番小朋友屋企價值觀係要花時間
作者: thvicny 時間: 18-9-14 14:54
冇人會炫富，每個人都正常過自己生活。當然亦都唔可能要別人降低自己生活標準去照顧你的感受。
作者: 木子兔媽媽 時間: 18-9-14 15:08
thvicny 發表於 18-9-14 14:54
冇人會炫富，每個人都正常過自己生活。當然亦都唔可能要別人降低自己生活標準去照顧你的感受。 ...
Exactly. 所以樓主要留意呢點. 假如要堅持開開心心平日去大家樂, 去打冷舖買十蚊衫等市井生活, 仔女要接受到人哋未必夾到自己. 好彩暫時我家ok
作者: nintendo 時間: 18-9-14 15:35
木子兔媽媽 發表於 18-9-14 14:52
Bingo. 你話坐飛機唔貴, 我哋覺得貴, 要教番小朋友屋企價值觀係要花時間
呢個 topic 講國際學校。
但去本地學校呢，同學仔就唔會坐飛機？
跟團去一轉台灣，未必貴過豪玩澳門。
作者: 木子兔媽媽 時間: 18-9-14 16:23
nintendo 發表於 18-9-14 15:35
呢個 topic 講國際學校。
但去本地學校呢，同學仔就唔會坐飛機？
跟團去一轉台灣，未必貴過豪玩澳門。
You are right. I am talking HK kids in both IS / local schools. Most of them keeping flying here and there. But there are really some people unable to afford a flight. It would be better to let the kids understand poverty and the rich, and things are not taken for granted.
作者: Charlie妹 時間: 18-9-14 16:28
dairymeow 發表於 18-9-12 07:54
一般嚟講讀得國際學校嘅家境都唔差。學生們會唔會中意炫富，互相比較嗎?
部份私立同直資學校都應該有類似 ...
只能說，炫富與是否讀國際學生沒有直接關係
作者: maomaofafa 時間: 18-9-14 18:26 標題: 回覆樓主:
有少少錢就以為自己好有錢嗰啲可能會, 但多數真係有錢嗰啲就唔會
作者: hitommycc 時間: 18-9-14 18:46 標題: 回覆樓主
炫富，以前學校遇過一個土豪仔，成績差無教養，只會吹噓自家條件高過別人，見過其父母也都好奇葩。轉學後無見過了，同學各種家境都有，小孩單純，家長低調。
土豪扎堆的學校最好敬而遠之。
作者: bbdmami 時間: 18-9-14 18:48 標題: 回覆樓主
有人會想每一個假期都帶小朋友去唔同嘅地方見識呢個世界，但係長途機要坐經濟客位好辛苦，咁當然同埋小朋友一齊坐商務啦，各人嘅價值觀唔同遮。
作者: planetearth 時間: 18-9-14 21:34
Jane1983 發表於 18-9-14 13:36
小學生之間無炫富呢樣嘢，一般中產比小朋友的供給都够豐足，佢地唔care的。
在學校popular的學生一係運動 ...
本帖最後由 planetearth 於 18-9-14 21:37 編輯
哈，全中！
作者: mandy_ng207 時間: 18-9-14 21:56
本帖最後由 mandy_ng207 於 18-9-14 21:57 編輯
回覆 木子兔媽媽 的帖子
我覺得身教最重要。我同仔每日由嫲嫲屋企回家，坐的士不用跳錶，樓下永遠車等人，但我都會同佢行10分鐘去坐小巴，因為我覺得這點的士錢是不用花的，下雨除外。
和同學仔去play date, 我一樣揸車奉陪，小朋友也不會因為家中有車而不肯坐公共交通工具。
同時教會有姊妹需要換電話，我二話不說就送了個紅米6給她。
生日會我從沒開過，我仔去完別人的生日會也沒有嚷著要開啊。
作者: tibbar2011 時間: 18-9-14 22:35
hitommycc 發表於 18-9-14 18:46
炫富，以前學校遇過一個土豪仔，成績差無教養，只會吹噓自家條件高過別人，見過其父母也都好奇葩。轉學後無 ...
請問那些是土豪扎堆的學校？
作者: dairymeow 時間: 18-9-15 21:16 標題: 回覆樓主
其實聽完你哋嘅意見，我無咁擔心喇，謝謝你哋。
讀local或IS都好，希望遇到嘅同學仔都係down to earth，唔會作啲無謂嘅比較。最緊要係灌輸正確嘅價值觀比小朋友。希望小朋友會學懂不必理會這些人。嗰啲show off，取笑人嘅小朋友，只顯得佢哋無教養。
作者: dairymeow 時間: 18-9-15 21:16
tibbar2011 發表於 18-9-14 22:35
請問那些是土豪扎堆的學校？
我都想知
作者: EconFather 時間: 18-9-16 15:38
很久沒上來，今日打風得閒上一上。
大部份有錢人都唔鐘意晒命，原因係佢地嘅時間成本比你貴，唔會花係你身上。我小朋友曾經同班的同學父母，有天王巨星級，也有上市公司主席，也有大富豪級。這一類人大多不會出現在學校，佢地根本繁忙到無時間，佢地嘅小朋友大多係學校受活動限制，保安嚴密，更不要說係學生面前晒命。某程序上，這一類家長更希望小朋友貼地生活，作為社交學習的一部分。
要論最晒命的家長，大多是中產，穩定職業，係大公司從事中高經理，指慣人做野黑人憎老闆。正所謂上樑不正下樑就更差，佢地嘅小朋友就可能比較like 晒命。
但好多呢類家長發現左自己其實唔係好有錢，都會自己摺埋，最後變成全部人嘅笑話。
作者: EconFather 時間: 18-9-16 15:44
本帖最後由 EconFather 於 18-9-16 15:44 編輯
香港一般國際學校一年要20萬，如果兩公婆都係專業人士，家庭月收入達10至15萬，基本上一年去3次旅利，租豪宅，開bmw等等都不是有問題。而我發現呢一類中產係最like 晒命。
3人家庭
豪宅4萬
學費2萬
旅行2萬
養車2萬
稅3萬
食2萬
大約
作者: Jane1983 時間: 18-9-16 21:45 標題: 回覆樓主:
唔係既。如果曬命的只係中產，曬得d乜嘢呢？佢地只係不知天高地厚，無人會特别介懷，呢d唔係炫富的問題。
作者: samsam123321 時間: 18-9-16 22:05
本帖最後由 samsam123321 於 19-2-20 13:32 編輯
EconFather 發表於 18-9-16 15:44
香港一般國際學校一年要20萬，如果兩公婆都係專業人士，家庭月收入達10至15萬，基本上一年去3次旅利，租豪 ...
......
作者: dairymeow 時間: 18-9-16 23:18 標題: 回覆樓主
我發覺學校都有關係的，可能某啲學校係會吸納某一類型的家長同學生。我曾經接觸過唔同名校嘅學生，發覺某間名校嘅學生特別中意炫耀，雖然，佢哋嘅家境真係比一般富有，但其他名校嘅學生又唔會咁，就算屋企都係好有錢。我好唔想小朋友同呢類人一齊成長，就算我小朋友本身幾叻，間學校幾出名都好。 所以我好奇想了解下國際學校一般嘅風氣，定係間間唔同。
作者: EconFather 時間: 18-9-17 04:39
dairymeow 發表於 18-9-16 23:18
我發覺學校都有關係的，可能某啲學校係會吸納某一類型的家長同學生。我曾經接觸過唔同名校嘅學生，發覺某間 ...
作者: Dear-Valerie 時間: 18-9-17 12:18
本帖最後由 Dear-Valerie 於 18-11-29 22:23 編輯
del.
作者: aidan08 時間: 18-9-17 18:00
本帖最後由 aidan08 於 18-9-17 18:01 編輯
我仔讀的IS唔係傳聞中好多有錢佬讀嗰D，不過school zone就係全香港最有錢的地區，所以其實成間學校大部分都係經濟環境好好的家庭。我自己感覺唔到炫富，因為其實個個都唔會係窮人，只係差在幾有錢而已。我仔Year 4 前D小朋友都好純，佢哋會講邊個有私人飛機，去旅行有無坐過first class, business class，但佢哋唔係炫燿，而係真係生活中接觸到呢D嘢所以佢哋會傾，唔係比較，D小朋友會答有定無，好簡單。Year 4後我聽我仔講返同朋友之間的對話，我發現有D小朋友開始識show off，係有認叻感覺，會話比人知自己老豆搵好多錢之類，但我聽返嚟只係一、兩個，而不約而同，嗰兩個同學的家庭背景好相似，父母都係少少暴發嘅商人，一個仲試過有追數佬追到學校門口。反而唔係嗰D真係有錢咗好多代的大家族小朋友，唔係有私人飛機嗰D家庭，也不是中產專業人士嗰類。通常大富之家好低調，怕比人target，而專業人士有教養。
我想講嘅係，炫唔炫富，好睇家教，我感覺炫富嗰兩個小朋友的父母都係呢類人，價值觀我不敢苟同，本身都好市儈。而受唔受炫富嘅朋友影響，會不會自卑等，都係同家教有關。我教我仔，老豆搵幾多錢，屋企有幾富貴，唔係你值得驕傲嘅事，因為呢D嘢唔係你努力得番嚟，根本唔值得show off，你用你本事得到嘅嘢先值得驕傲。嗰D炫燿屋企有幾有錢嘅人，係無教養。小朋友十歲前仍然好受父母影響，只要教好價值觀，身邊人點炫富都可以對佢無影響。
作者: Jane1983 時間: 18-9-17 19:22
打風無嘢做，講吓故事。
小明有日放學回家，同媽媽講同學小偉屋企5000呎，大過自己屋企好多，仲有私人泳池。小明媽媽問佢：「你覺得我地屋企舒適嗎？」小明說：「好舒適。」媽媽又問：「你覺得爸爸媽媽錫唔錫你？」小明答：「好錫！」媽媽再問：「咁你生活得開唔開心？」，小明說：「好開心！」媽媽說：「這不是最重要嗎？」小明點點頭，走了去玩玩具。
作者: skmibb 時間: 18-9-17 20:34 標題: 回覆樓主:
唔太覺
作者: mamaishere 時間: 18-9-18 11:33
aidan08 發表於 18-9-17 18:00
我仔讀的IS唔係傳聞中好多有錢佬讀嗰D，不過school zone就係全香港最有錢的地區，所以其實成間學校大部分都 ...
本帖最後由 mamaishere 於 18-9-18 11:34 編輯
agree
作者: luipo 時間: 18-9-19 14:18
炫富並不是香港的文化，只有自卑心強的人民才會炫富
作者: Cara2006 時間: 18-9-20 10:31
朋友兒子讀 local 普通學校，有一位同學媽媽日日用架錢七接送，已經比其他同學背後話有錢好巴閉咩，因為學校中好多屋邨學生。
其實，如果一個人心態不正面，自卑或仇富，咁真係好難搞。
不過我信心態是父母教出來，所以父母心態正面，子女自然不會自卑。
其實，中小學可以選擇不入貴族本地學校或國際學校，但去到大學也冇得這樣選擇。小兒在外地大學，有同學是外交官子弟，有同學是外國超級富豪子弟。到畢業工作，也會識到 " 特別 " 的人。十年前，我公司來了一個 trainee ，是年輕歐洲貴族 ( 非英語國家 )，卡片名字後有一堆水蛇春咁長的名函，HR 話好像是甚麼公爵之類。
作者: chan555 時間: 18-9-20 11:07
Cara2006 發表於 18-9-20 10:31
朋友兒子讀 local 普通學校，有一位同學媽媽日日用架錢七接送，已經比其他同學背後話有錢好巴閉咩，因為學 ...
作者: behd 時間: 18-9-20 12:31 標題: 回覆樓主
我見低年級通常家長行頭show off,尤其是大陸個批。小朋友低年班唔識E d 野
作者: 964000 時間: 18-9-20 13:06 標題: 回覆樓主：
本帖最後由 964000 於 19-5-27 19:05 編輯
.....
作者: curryflavor 時間: 18-9-20 16:52
luipo 發表於 18-9-19 14:18
炫富並不是香港的文化，只有自卑心強的人民才會炫富
香港己經是世界上 Rolls Royce, Mercedes Benz 和 Rolex 最密集的地方.
遠在大陸人來港買樓前,香港的樓名已經由文藝優雅如「映月臺」、「逸廬」, 變成「帝景XX」「YY豪園」.
幾十年前嫁女,還不是全身金器 ?
炫富, 根本是這個「東方之珠」精神面貌其中一部份. 做者無需遮掩,見者無需介懷.
甚至可以說, 古今中外都有人樂此不疲., 英文都有句, If you've got it, flaunt it ! 名正言順大條道理. 不要忘記, 大部份炫富道具, 還不是歐美出品 ?
令部份人不快的, 只是今天才知道, 炫富這東西,一山還有一山高, 惹得酸氣有點上湧而已.
作者: Jane1983 時間: 18-9-21 10:52
回覆 964000 的帖子
家長見校長可以咁樣講嘢，果位家長的修養真係好差吓
作者: dairymeow 時間: 18-9-22 00:14
Jane1983 發表於 18-9-21 10:52
回覆 964000 的帖子
家長見校長可以咁樣講嘢，果位家長的修養真係好差吓 ...
有咁嘅家長，就有咁嘅細路。
希望唔好遇到啲咁嘅同學，對我小朋友有不良影響
作者: 紅紅 時間: 18-9-22 13:48 標題: 回覆樓主:
好少人為咗炫富而炫富，通常係有其他心理障礙，例如過份自卑感(金錢以外)，所以要用炫富彌補呢份自卑感，係一種心理病，其實都有可憐之處。
作者: dairymeow 時間: 18-9-22 17:06 標題: 回覆樓主
其實有無校風比較踏實純樸嘅IS?
作者: 紅紅 時間: 18-9-23 02:32
dairymeow 發表於 18-9-22 17:06
其實有無校風比較踏實純樸嘅IS?
你心目中有唔踏實唔純樸的IS? 請分享！
作者: dairymeow 時間: 18-9-23 08:08
紅紅 發表於 18-9-23 02:32
你心目中有唔踏實唔純樸的IS? 請分享！
有幾間聽聞啲學生係特別有錢有背境，但唔知校風實際上係點喇
作者: Radiomama 時間: 18-9-23 09:11
dairymeow 發表於 18-9-23 08:08
有幾間聽聞啲學生係特別有錢有背境，但唔知校風實際上係點喇
其實別的學校校風怎樣，都是道聽途說，可以當真？
最重要是反求諸己，做好家庭教育。最富貴的學校均有純樸學生、最普通的學校也可以有炫富心態。
作者: ZackMama 時間: 18-9-23 10:07 標題: 回覆樓主
貧富懸殊社會一定有炫富問題，唔係學校層次嘅問題。加上到咗青少年尋求自我身份認同時，希望炫耀自己擁有嘅嘢，去爭取同輩認同關注，都有機會不知不覺變成炫富。
作者: dairymeow 時間: 18-9-24 08:15
Radiomama 發表於 18-9-23 09:11
其實別的學校校風怎樣，都是道聽途說，可以當真？
最重要是反求諸己，做好家庭教育。最富貴的學校均有純樸 ...
家庭教育要做好是一定的，但係同學嘅質素都好緊要，我只係覺得，每間學校係有自己嘅culture，我相信物以類贅。
作者: dairymeow 時間: 18-9-24 08:16
ZackMama 發表於 18-9-23 10:07
貧富懸殊社會一定有炫富問題，唔係學校層次嘅問題。加上到咗青少年尋求自我身份認同時，希望炫耀自己擁有嘅 ...
totally agree
| 歡迎光臨 教育王國 (/) |
Powered by Discuz! X1.5 |