教育王國
標題: 我個仔讀ESF Year 2, 煩惱想搵IB補習老師 [打印本頁]
作者: edmondlukluk 時間: 17-5-14 01:37 標題: 我個仔讀ESF Year 2, 煩惱想搵IB補習老師
本帖最後由 edmondlukluk 於 17-5-14 01:42 編輯
我個仔而家讀緊英基Year2, 老師話佢學業進度唔理想，所以我想請一個家庭教師俾佢。之前試過幾個本地NET老師都麻麻哋，因為英基係用IB教學，本地老師未必識教，尤其係phonics 同 UOI 。UOI我自己都教唔到，因為佢哋有一套教法。就算係數學，英基亦有自己嗰套教法。好似佢哋唔會教你直接用12+18=30咁計，而係有好多其他唔同方法去搵答案。最無奈我個仔比較怕羞，未必主動講嘢，Year 2都未識串字....有時候叫佢主動問老師，佢又唔敢。佢已經要去Learning enhancement, 喺學校有EA一對一咁教佢....我依家好擔心佢要留班(emoji)(emoji)(emoji)
請問有冇人識家庭教師，係ESF教書，或者以前係ESF做過，識用佢哋嗰套IB教法？最主要我想搵一個係ESF做過，有耐性，有愛心，有能力啟發到小朋友思考嘅家庭教師。
之前搵嘅NET補習老師，大約係$400-600一個鐘，我都試過。呢個係我心目中嘅價錢，我唔希望太貴。如果有人識得係ESF教過嘅老師/EA，可唔可以話我知？萬分感激！！！
我好擔心個仔要留班...因為真係試過，有同學仔完全追唔上進度，而要留班...
希望你哋可以幫到我！多謝
作者: birdbird 時間: 17-5-14 09:07
本帖最後由 birdbird 於 17-5-14 09:11 編輯
你仔平時放學之後做咩?
有冇陪佢睇書? 上其他學術班?
注意: 如果上開 kumon maths, 有d 小朋友在學校上 maths 反而未必明老師灌輸的 concept (但其實都有唔少 esf 學生上緊 kumon 或其他 maths class).
小朋友如果睇得書多, 基本上 學校d 野唔難明.
UOI.... 個人覺得, 係冇得補, 亦補唔黎.
個精要之處係在於個小朋友在堂上是否跟到老師講咩,
在 class activities 如何表現
家長幫到的, 就係就番個 unit 主題, 帶小朋友去見識多d,
令小朋友可以將校外見到的聯系到課堂學到的.
e.g. UOI - transportation, 家長可帶小朋友坐下香港的交通工具,
又或者拎番以前去過的外地的經驗黎討論, 在外地坐過的交通公具, 親子討論下香港與外地的共通點+不同之處;
討論完之後, 叫小朋友寫番一兩句出黎.
總的來說, 睇得書多, 去得街多 (不只是飲飲食食),
[什至睇得電視多], 加寫得多, 都會有得益.
作者: 小猴子兒 時間: 17-5-14 09:20
提示: 作者被禁止或刪除 內容自動屏蔽
作者: tcbobo 時間: 17-5-14 09:21
edmondlukluk 發表於 17-5-14 01:37 
我個仔而家讀緊英基Year2, 老師話佢學業進度唔理想，所以我想請一個家庭教師俾佢。之前試過幾個本地NET老師 ...
如果學校比佢留班是好事，因為跟唔到小孩會辛苦、會失去自信心。補習可以試找讀緊IS的妲姐，效果可能會好d、價錢又會平d。更重要的是探討小孩本身是否合適讀IB, 找教育心理學家做評估，如果有自閉頃向（溝通能力差），讀IB會好辛苦，要趁早轉校。
作者: Saboc 時間: 17-5-14 10:39
老師有乜嘢suggestions?
作者: Saboc 時間: 17-5-14 10:44
其實要eliminate 咗佢有任何special needs後睇吓佢會否真係適合esf,適合IB?
平常佢嘅理解同表達能力怎樣？
作者: 964000 時間: 17-5-14 11:10
edmondlukluk 發表於 17-5-14 01:37
我個仔而家讀緊英基Year2, 老師話佢學業進度唔理想，所以我想請一個家庭教師俾佢。之前試過幾個本地NET老師 ...
請問你小朋友是否ESF kinder上？會不會慣了俜統學習摸式？
先攪清楚會不會是英語能力/special need
定不適合IB學習？有些小朋友比較喜歡structured d的教學，如是可考慮轉British curriculum/ 重英文的local school。
作者: 964000 時間: 17-5-14 11:13
老實說yr 2已經追不上，我覺得補習治標不治本。
另外IB 家庭也要有點配合，平時要跟他討論多些, 四圍explore 下
作者: edmondlukluk 時間: 17-5-14 11:23
birdbird 發表於 17-5-14 09:07
你仔平時放學之後做咩?
有冇陪佢睇書? 上其他學術班?
好多謝你嘅回覆同意見，你講得好啱。
我個仔平時放學，返嚟有同媽咪睇下書，有學踢波，同跆拳道。有請NET老師，一個星期上兩堂，教英文，不過冇乜進展，因為學校用IB教法，本地老師可能唔太熟悉。加上我太太係日本人，英文可能唔係咁好（平時我個仔同太太都係用日文溝通。）所以我先想搵一個，熟悉英基教法嘅家庭老師。
聽咗你意見之後，我會盡量叫太太，帶佢出街多啲，平時講解多啲俾佢聽。好多謝你。
作者: edmondlukluk 時間: 17-5-14 11:28
小猴子兒 發表於 17-5-14 09:20
如果係year 2 都要煩惱如何請家庭教師d話，那麼你個仔讀IB school 這條路都很長，個人覺得佢係唔適合讀IB s ...
唔好意思，之前冇講清楚。因為我太太係日本人，我個仔平時同我講中文，同太太講日文，返到學校學英文。母語一向係日文。
老師話，我個仔同時要學三種語言，所以進度係會慢啲。
佢冇可能讀傳統學校，因為佢唔識寫中文。
作者: edmondlukluk 時間: 17-5-14 11:35
tcbobo 發表於 17-5-14 09:21
如果學校比佢留班是好事，因為跟唔到小孩會辛苦、會失去自信心。補習可以試找讀緊IS的妲姐，效果可能會好d ...
好多謝你嘅回覆，學校已經同佢做咗評估，認知上佢一啲問題都冇。佢係要上learning enhancement , 不過冇special needs. 最主要，因為平時同太太講日文，英文嘅正確發音比較難pick up.
我唔想佢留班，因為驚佢會唔開心。初時佢上堂，已經好怕羞，不過宜家好咗好多。所以我覺得英基套活動教學，好適合佢。
作者: birdbird 時間: 17-5-14 11:41
本帖最後由 birdbird 於 17-5-14 11:45 編輯
edmondlukluk 發表於 17-5-14 11:28
唔好意思，之前冇講清楚。因為我太太係日本人，我個仔平時同我講中文，同太太講日文，返到學校學英文。母 ...
我仔有日本及韓國同學仔, 佢地父母都係日本人/韓國人,
在你的家庭, 你可以跟小朋友講中文及英文,
你小朋友對中英文的 exposure 較上述日韓裔為多,
你另外又已經一個 NET 跟住小朋友一星期兩堂額外課,
所以我覺得 語言 未必係你小朋友一個重大障礙,你亦可放心, 在中英文以外為母語的小朋友, 在學校亦會跟得上的.
作者: edmondlukluk 時間: 17-5-14 11:49
Saboc 發表於 17-5-14 10:44
其實要eliminate 咗佢有任何special needs後睇吓佢會否真係適合esf,適合IB?
平常佢嘅理解同表達能力怎樣？ ...
老師嘅意見係，叫我請一個一對一嘅家庭教師，每個星期跟進學校嘅東西。Learning enhancement老師好好人，比我個仔每星期帶學校嘅習作，返屋企go through一次。不過之前請嘅NET老師，都唔係用活動教學，搞到我個仔都驚左......所以要搵一個熟悉英基內裏教法嘅家庭教師.....
作者: edmondlukluk 時間: 17-5-14 11:50
964000 發表於 17-5-14 11:10
請問你小朋友是否ESF kinder上？會不會慣了俜統學習摸式？
先攪清楚會不會是英語能力/special need
定不適 ...
佢係由esf hs讀上。
作者: poonseelai 時間: 17-5-14 11:52
edmondlukluk 發表於 17-5-14 11:35
好多謝你嘅回覆，學校已經同佢做咗評估，認知上佢一啲問題都冇。佢係要上learning enhancement , 不過冇sp ...
我孩子自少IB school, 坦白講未聽過英文IB教法，小學鼓勵閱讀，多寫，朋友在ESF都話多看多寫，其實IB無秘密。至於UOI, 目的是鼓勵孩子多思考，正如以上家長講，多同孩子留意身邊人和事，多討論一下
作者: 小猴子兒 時間: 17-5-14 12:18
提示: 作者被禁止或刪除 內容自動屏蔽
作者: luckyveronique 時間: 17-5-14 12:19
我囡囡都係英基Year 2，感覺佢地數學科是好難了解學校平日進度的。我本身做開class helper，先知原來已經學到fraction同axes。因為UOI這個unit講space，譬如數學方面就通過space講到平面和立體圖形，再將平面圖形做等分，然後計算fraction。但其实我地屋企仍在train小朋友加減數...
作者: Radiomama 時間: 17-5-14 13:31
edmondlukluk 發表於 17-5-14 11:49
老師嘅意見係，叫我請一個一對一嘅家庭教師，每個星期跟進學校嘅東西。Learning enhancement老師好好人， ...
你孩子似乎是在語言方面出問題，家庭是中日語，但學校又要用英語。
可跟老師問有無如shadow teacher的介紹，或找EA問有無家教老師介紹。
你在家應轉用英語，多睇英文書，增強他的英語能力，自然上課才掌握老師的討論。
或最後應轉去日本人學校。
作者: edmondlukluk 時間: 17-5-14 13:33
poonseelai 發表於 17-5-14 11:52
我孩子自少IB school, 坦白講未聽過英文IB教法，小學鼓勵閱讀，多寫，朋友在ESF都話多看多寫，其實IB無秘 ...
多謝回覆。但係佢學校教IB英文教法，真係唔係抄抄寫寫咁。例如玩一round遊戲，從教發音sound out開始，已經可以一次好容易學十個生字，連寫都唔洗寫。例如，上次我去learning journey, 見佢地係牆上面用水，或者泡泡「畫字」，小朋友已經可以學識生字。
作者: Radiomama 時間: 17-5-14 13:42
edmondlukluk 發表於 17-5-14 13:33
多謝回覆。但係佢學校教IB英文教法，真係唔係抄抄寫寫咁。例如玩一round遊戲，從教發音sound out開始，已 ...
這些只是活動/活潑的教學方法，不是什麼IB不IB; 你的孩子英語底子太弱，所以未掌握老師在教什麼。如果可以多留在Y2一年是好事，甚至可考慮與學校商量轉去另一間ESF 多読一年Y2
作者: edmondlukluk 時間: 17-5-14 13:45
Radiomama 發表於 17-5-14 13:42
這些只是活動/活潑的教學方法，不是什麼IB不IB; 你的孩子英語底子太弱，所以未掌握老師在教什麼。如果可以 ...
所以老師話要搵1:1家庭教師，因為我太太教唔到。不過之前d NET老師，唔識用生動/活潑教法，令到佢仲更加緊張....
作者: 13198 時間: 17-5-14 13:47
edmondlukluk 發表於 17-5-14 13:45
所以老師話要搵1:1家庭教師，因為我太太教唔到。不過之前d NET老師，唔識用生動/活潑教法，令到佢仲更加緊 ...
你個仔讀邊間esf?
我個仔讀Glenealy year 3.
唉...佢今年要入LET，因為佢Maths同Writing都唔得. 我老婆好擔心，問緊其他mommy group，有冇好嘅tutor介紹.
作者: edmondlukluk 時間: 17-5-14 13:49
小猴子兒 發表於 17-5-14 12:18
那等佢放學後要習慣讓佢看英文書，每日看下brain pop junior 入面包括很多種類，有教科學，數學等科目非常 ...
本帖最後由 edmondlukluk 於 17-5-14 13:49 編輯
多謝鼓勵
作者: edmondlukluk 時間: 17-5-14 13:50
luckyveronique 發表於 17-5-14 12:19
我囡囡都係英基Year 2，感覺佢地數學科是好難了解學校平日進度的。我本身做開class helper，先知原來已經學 ...
完全明白...
作者: edmondlukluk 時間: 17-5-14 13:54
13198 發表於 17-5-14 13:47
你個仔讀邊間esf?
我個仔讀Glenealy year 3.
唉...佢今年要入LET，因為佢Maths同Writing都唔得. 我老婆好 ...
我地都好近呀！我個仔讀Bradbury Year 2。我都好擔心，因為佢學校亞洲人比較小，好多西人讀。好明顯佢學英文比人慢好多，跟唔上。之前請NET家庭教師，係咁訓練佢寫字，要佢默書，又要佢作文，我覺得太過死板。
我試過有一次去學校，見到老師係用非常生動嘅教法教佢地，例如一邊唱歌，一邊跳舞，一邊玩遊戲，然後好神奇咁，佢哋係一堂入面，已經學識左數1-100。而且仲係要返到屋企，都記得好清楚喎。所以我想請一個，用佢哋活潑模式嘅家庭教師。
作者: Artie 時間: 17-5-14 15:35
提示: 該帖被管理員或版主屏蔽
作者: 13198 時間: 17-5-14 15:43
咦，真係好近！我之前經過Bradbury, 好多westerners. 我明白你諗法. 不過我老婆話，其他同學都有去Kumon, Eye level補習. 我問過老師，佢唔建議小朋友去補習社，佢話"the teaching method is different，I am afraid that he will be very confused."
我都俾阿仔上過Kumon，佢好唔鍾意，話Kumon好悶. 其實比佢哋讀ESF，就係想佢哋learn through play，我都唔想比佢去填鴨式補習社. 不過我又驚佢跟唔上，因為其他同學仔好叻，而佢要去LET, 始終心理上都會唔開心. 我老婆呢排好積極咁問緊其他mommy group，希望搵到熟悉佢哋教學模式嘅tutor！如果你搵到，希望可以share information.
作者: edmondlukluk 時間: 17-5-14 15:45
提示: 該帖被管理員或版主屏蔽
作者: Artie 時間: 17-5-14 15:57
本帖最後由 Artie 於 17-5-14 16:03 編輯
edmondlukluk 發表於 17-5-14 11:49
不過之前請嘅NET老師，都唔係用活動教學，搞到我個仔都驚左.
ESF 教英文，是和一般英語國家 ( 英美加 ) 教英文一樣，方式和香港本地學校不同，但不是 IB 獨有。
如果你請的 NET 是曾在外國正式讀教育，冇理由唔識教，除非佢並沒有正式受訓，只是靠金髮碧眼外表混飯吃。
作者: edmondlukluk 時間: 17-5-14 16:33
Artie 發表於 17-5-14 15:57
ESF 教英文，是和一般英語國家 ( 英美加 ) 教英文一樣，方式和香港本地學校不同，但不是 IB 獨有。
如果 ...
之前請第一個，廿幾歳，係澳洲讀完書回流番嚟，不過佢講嘅澳洲口音好重，怪怪地。我個仔根本聽唔明佢講乜...所以上左幾個月之後就冇上。
第二個，我諗住請個年紀大啲，有啲經驗嘅白人女NET會好啲。收我$600一個鐘。不過，我諗佢係教開year 6甚至中學嘅小朋友，所以我個仔覺得好悶。上左幾個月之後，就冇心機再上。
第三個，我係經本地補習社請嘅男NET，收我$500一個鐘。初時都教得幾好，又唱歌又玩又講故事。可惜之後，就係咁叫佢默書寫字，又要做workbook, 仲要背故仔！好似比較適合Local School。如果個仔讀Local School ,呢個老師應該幾好。上左幾個月，個男NET話要去北京教書，所以就冇再上啦。
最近呢個，係上網搵嘅，話就話自己係NET, 點知原來係讀IT出身。咁我諗，我個仔咁細，都無乜所謂啦，只要係西人就得。收我$400一個鐘，不過佢上堂成日都用youtube教，一個鐘入面，有30分鐘都睇youtube學phonics. 我就覺得唔對路，如果睇YouTube教，咁不如叫我太太自己教？上咗兩個月之後，就冇再繼續啦。
經過之前嘅教訓，我都怕啦！錢就用咗，但係就冇成果！所以，我想搵一個，至少係英基做過/教緊嘅家庭教師，係唔係西人都無所謂啦，最緊要知道佢哋學校嘅教法。尤其係UOI同maths!
作者: Artie 時間: 17-5-14 16:42
其實，都要留意，一些有補習的孩子，會慢慢太依賴 tutor ，上堂會更不留心。聽過有 tutor 明示暗示學校老師教得麻麻，令孩子不尊重學校老師。
當然，如果有需要補底，可以安排 one on one 補，但只可以是短期方案，不能成為恆常安排。
作者: ANChan59 時間: 17-5-14 16:48
Artie 發表於 17-5-14 16:42
其實，都要留意，一些有補習的孩子，會慢慢太依賴 tutor ，上堂會更不留心。聽過有 tutor 明示暗示學校老師 ...
作者: 964000 時間: 17-5-14 16:51
13198 發表於 17-5-14 15:43
咦，真係好近！我之前經過Bradbury, 好多westerners. 我明白你諗法. 不過我老婆話，其他同學都有去Kumon, E ...
本帖最後由 964000 於 17-5-14 16:52 編輯
仲以為ESF好hea, 原來都幾有要求。我小朋友現在才k1, 家中主要是廣東話，還沒有打算補中英數，但聽完突然都覺得有些壓力，原來而家D小朋友咁勁。
作者: Artie 時間: 17-5-14 17:10
964000 發表於 17-5-14 16:51
本帖最後由 964000 於 17-5-14 16:52 編輯
仲以為ESF好hea, 原來都幾有要求。我小朋友現在才k1, 家中主 ...
No pressure. Some children are late bloomers. So do not compare to other people.
作者: birdbird 時間: 17-5-14 17:16
本帖最後由 birdbird 於 17-5-14 17:44 編輯
edmondlukluk 發表於 17-5-14 16:33
之前請第一個，廿幾歳，係澳洲讀完書回流番嚟，不過佢講嘅澳洲口音好重，怪怪地。我個仔根本聽唔明佢講乜. ...
maths, 你或太太自己跟番, 唔需要特别用英文講, 用母語都ok, 目的係令小朋友明白個 concept. 佢返到学校用英文亦會聽得明 (我地好多香港家長都只係用廣東話教小朋友計數)
英文, 你清楚小朋友在聽、説、看、讀、寫的情況嗎?
作者: edmondlukluk 時間: 17-5-14 17:22
Artie 發表於 17-5-14 16:42
其實，都要留意，一些有補習的孩子，會慢慢太依賴 tutor ，上堂會更不留心。聽過有 tutor 明示暗示學校老師 ...
我都明白，唔可以長期靠tutor. 不過我個仔真係要補底。year 2同學仔, 好多已經可以寫一篇文章，我個仔只係識好基本嘅單字。加上太太英文一般，唔想教錯哂佢嘅發音。之前有考慮過，讀日本人學校，不過我太太又唔想佢學「日式英文」...
其實佢講同聽，由kinder到year 2, 已經好左好多。宜家佢講冇問題，係寫方面未得。學校好好，每星期1，3，5都有LET老師1:1教佢。
不過，班老師建議，可以再搵tutor, 一星期跟一次，go through學校教嘅東西...
作者: 小猴子兒 時間: 17-5-14 17:32
提示: 作者被禁止或刪除 內容自動屏蔽
作者: KarieWu 時間: 17-5-14 17:51
edmondlukluk 發表於 17-5-14 17:22
我都明白，唔可以長期靠tutor. 不過我個仔真係要補底。year 2同學仔, 好多已經可以寫一篇文章，我個仔只係 ...
與其一星期搵tutor跟一次，不如父母每晚跟10分鐘。
大部分IS與LS不同，不會有書本，父母很難知道小朋友在校學了什麼，又或孩子學了什麼。
我的方法是每晚請孩子做老師，叫他把當天在學校學的教給我。這是互動的，從中你可知他吸收了多少，每天重溫更勝一星期回帶一次。
你孩子的優勢是，他每星期可帶所學過的回家，從而你可知每晚重溫有冇甩漏。
我相信，沒人比父母更了解孩子，與其外判，我寧願自己頂上。
效果因人而異，每個孩子都有自己的步伐，耐心+愛心，你必有收成。
加油！
作者: edmondlukluk 時間: 17-5-14 18:11
KarieWu 發表於 17-5-14 17:51
與其一星期搵tutor跟一次，不如父母每晚跟10分鐘。
大部分IS與LS不同，不會有書本，父母很難知道小朋友在 ...
多謝你嘅方法。我會叫太太試下，叫個仔自己做老師，睇下佢講唔講得番。
作者: edmondlukluk 時間: 17-5-14 18:13
小猴子兒 發表於 17-5-14 17:32
練習寫字係要好有計劃同每日習慣坐定定一個小時來寫三十分鐘數學，三十分鐘英文！大人就陪佢閱讀一個小時， ...
多謝！我會抽多d時間同佢練習寫字。
作者: newflower 時間: 17-5-14 18:24
你試下搵Esf old boys/girls 同兒子上堂講故事，phonics, 學費會平些， 語文都係要睇得多,聽得多.
識睇就自然識寫.
作者: edmondlukluk 時間: 17-5-14 20:23
newflower 發表於 17-5-14 18:24
你試下搵Esf old boys/girls 同兒子上堂講故事，phonics, 學費會平些， 語文都係要睇得多,聽得多.
識睇就 ...
我都係咁諗。最好搵到esf做緊/做過嘅EA or old girls/boys
作者: 13198 時間: 17-5-15 08:34
提示: 該帖被管理員或版主屏蔽
作者: 964000 時間: 17-5-15 09:09
13198 發表於 17-5-15 08:34
我老婆係group chat問到朋友嘅朋友，佢對仔女讀緊QBS, 有一個好好嘅tutor跟開. 好似話係esf做緊EA, 不過邊 ...
自己教不行嗎？可以
（20+20)-1
20+10+9
作者: 13198 時間: 17-5-15 09:25
964000 發表於 17-5-15 09:09
自己教不行嗎？可以
（20+20)-1
20+10+9
本帖最後由 13198 於 17-5-15 09:33 編輯
你都好叻，教到. 老師話，要show at least ten mental strategies....
自己教，of course，不過一定係basic！因為我自己讀LS , 始終同IS好唔同，教法根本唔一樣.
其實好多esf家長，都有比小朋友出去補習，especially兩公婆都要成日出business trip. 我都要去搵食，雖然平時我都會同佢read stories. 不過要我老婆，或者我，每日跟得好足，真係冇可能. 放工返嚟都已經10點，點跟？
如果一星期補一兩個鐘，我唔覺得有咩問題.
聽朋友講，好多小朋友上到esf中學，先比老師話唔得，要出去補習，到時咪仲辛苦？我情願宜家幫佢打好個底，將來可以輕鬆面對.
作者: 964000 時間: 17-5-15 09:57
13198 發表於 17-5-15 09:25
本帖最後由 13198 於 17-5-15 09:33 編輯
你都好叻，教到. 老師話，要show at least ten mental strate ...
I see，明白。唉，只是吾明學校老師已經對了成日，都未教得夠，究竟是學生依賴私補，定學校老師依賴私補
作者: 小猴子兒 時間: 17-5-15 09:59
提示: 作者被禁止或刪除 內容自動屏蔽
作者: elmostoney 時間: 17-5-15 11:07
我個仔以前係Glenealy讀過Y2 and 大半年Y3, 再之前都係IS讀. 佢係超細仔, 以前做UOI都做得唔好, 其實我覺得除非個細路好醒, 否則Y2唔可要求UOI做得點好, 我記得有個unit要research wild life, 我仔上網搵左一大堆website, 有比小朋友睇, 有比大人睇的,但佢好多都唔明, 要做得好家長要參與. 不是我講, 我以前有位外籍友人, 三個女都係Glenealy, 佢一開始就咁提點我. 不過我懶, 當時都係由佢自生自滅. 到而家佢Y5 (在另一間學校）, 對好多內容理解都叫冇物問題了, 係有生字唔識, 呢D可以查, 但我發覺佢唔識組織資料, 做出來強差人意. 呢個又係另一層次.
另外, 好多情況下, 男仔語言發展比女仔慢, 興趣又不同. 我個仔鍾意sports, 我個女鍾意睇書, 咁唔洗講, 以同年齡來睇返, 我個女梗做得比仔好.
作者: nintendo 時間: 17-5-15 11:19
咁多人要補！?
家長不要忘記當天為甚麼選擇 ESF !
不要讓孩子和自己依頼 tutor 。
我個人認為，Year 11 前要補，是不正常。
一係小朋友有 special needs ，一係學習態度不正確。
Year 11 為 IGCSE 補，可理解。
加數都補 ? You must be kidding !
中學分科，又每科補 ?
作者: birdbird 時間: 17-5-15 12:42
elmostoney 發表於 17-5-15 11:07
我個仔以前係Glenealy讀過Y2 and 大半年Y3, 再之前都係IS讀. 佢係超細仔, 以前做UOI都做得唔好, 其實我覺 ...
本帖最後由 birdbird 於 17-5-15 12:43 編輯
你講的情況: Y5不懂組織資料、分析歸納, 係好平常。資訊泛濫, 佢地做 research 似無底深淵, 有時做得過濶過深。
隨着年月, 上到中學, 老師就會教佢地有系統去做資料搜集, 比起小学, 愈做愈有條理。
總括, 小朋友會自動導航。
作者: 964000 時間: 17-5-15 12:53
所以我覺得其實未必個個小學生適合讀IB, 讀家長的支援不可少，又要有很好組織能力和語言能力，其實IB小學是比較新的課程，要找好的私補也不易。
作者: luckyveronique 時間: 17-5-15 13:00
小猴子兒 發表於 17-5-15 09:59
讀Esf d小朋友最好係學下，eye level maths 不要學公文式了。我兩個仔從3歲半開始學到6歲，然後佢地就開始 ...
我囡囡都讀開eye level math，但是現階段淨係加減數同一些非常簡單的critical thinking trainning。請問這個課程適合一路往上讀嗎？中學的math是否都可以教得好？因我看大部分都是幼稚園或初小的小朋友在學。謝謝
作者: chongcm 時間: 17-5-15 13:50
nintendo 發表於 17-5-15 11:19
咁多人要補！?
家長不要忘記當天為甚麼選擇 ESF !
不要讓孩子和自己依頼 tutor 。
本帖最後由 chongcm 於 17-5-15 14:00 編輯
加數都補 ? You must be kidding !
作者: edmondlukluk 時間: 17-5-15 14:19
nintendo 發表於 17-5-15 11:19
咁多人要補！?
家長不要忘記當天為甚麼選擇 ESF !
不要讓孩子和自己依頼 tutor 。
本帖最後由 edmondlukluk 於 17-5-15 14:26 編輯
You just don't understand....
作者: edmondlukluk 時間: 17-5-15 14:19
chongcm 發表於 17-5-15 13:50
本帖最後由 chongcm 於 17-5-15 14:00 編輯
加數都補 ? You must be kidding !
本帖最後由 edmondlukluk 於 17-5-15 14:24 編輯
依家唔係講緊補加減數，而係講緊maths mental strategies . 老師話，12+18=30, 並唔係一種mental strategies.
我唔明白有咩咁好笑....其實如果你小朋友唔係讀英基嘅，或者你唔會明.
作者: 小猴子兒 時間: 17-5-15 14:24
提示: 作者被禁止或刪除 內容自動屏蔽
作者: 964000 時間: 17-5-15 14:34
edmondlukluk 發表於 17-5-15 14:19
本帖最後由 edmondlukluk 於 17-5-15 14:24 編輯
依家唔係講緊補加減數，而係講緊maths mental strateg ...
我稔前輩的小孩小學時不是讀IB? 其實小學IB係這六七年才在英基實行，甚至現正IB高中畢業那班也不是小學行IB的。我也認識不少人讀讀下英基小學轉了去其他British cirruculum的如FIS, Kellet, Nord, GSIS etc. 反應也是覺得British 課程易掌握D。
作者: mslam1016 時間: 17-5-15 15:05
小猴子兒 發表於 17-5-15 09:59
讀Esf d小朋友最好係學下，eye level maths 不要學公文式了。我兩個仔從3歲半開始學到6歲，然後佢地就開始 ...
我想問你覺得eye level english好唔好？我女上緊佢既maths,我覺得幾好，係操練d,但叫做有功課比佢做下，英文而家上緊第二個月，未見成效
作者: edmondlukluk 時間: 17-5-15 15:09
964000 發表於 17-5-15 14:34
我稔前輩的小孩小學時不是讀IB? 其實小學IB係這六七年才在英基實行，甚至現正IB高中畢業那班也不是小學行I ...
我俾我個仔讀IB, 希望佢將來用IB分, 直接入到美加大學。其實英國curriculum嘅學校都好，不過並冇諗住去英國讀，因為本身我係加籍。
我唔係想搵一個家庭敎師，教我個仔加減數...最主要係，想搵一個係esf做過嘅老師，幫佢跟下學校嘅UOI, literacy, maths...
例如我個仔要用numercon去做maths, 咁如果個老師係英基做過，咁佢就知道實測嘅教法，點樣去用numercon做maths。根本就唔係計12+18=30咁簡單，而係老師會用好多唔同方法，唔同嘅教學器材，令佢知道，原來有好多種方法去計嘅。
如果搵一個tutor, 教加減數，咁是但一個人都得啦。我個仔係learning support，老師係用好多唔同種類嘅器材，教佢計數，例如numercon只不過係其中一種。
作者: 小猴子兒 時間: 17-5-15 15:25
提示: 作者被禁止或刪除 內容自動屏蔽
作者: tcbobo 時間: 17-5-15 16:26
edmondlukluk 發表於 17-5-14 11:23
好多謝你嘅回覆同意見，你講得好啱。
我個仔平時放學，返嚟有同媽咪睇下書，有學踢波，同跆拳道。有請NET ...
如果沒有special needs, 應該鼓勵自學，英基提供唔少resources, 自己上網睇，大把免費website 可以學習數學概念，brain pop junior 學知識，book flix 睇書聽故事。khan academy 可以由early age maths 學到high school maths。
作者: cowmoon 時間: 17-5-15 16:56
樓主孩子的情況，應該是語言問題影響學習進度。所以要正視英語程度。我相信學校提出請 tutor 是認為家裡的支援不足（中日家庭）。
IB UOI 其實不用溫書，老師會引導孩子用不同的方法research 和發問。語文能力低，影響理解唔到資料。Tutor 可以幫忙孩子理解這些資料。
如果找到好 Tutor, 可問學校的 learning support 安排會議，傾一傾家教怎樣幫孩子，例如每星期要孩子自己回顧學左咩，或者一起 go thru 老師的 weebly .. 希望能事半功倍。
孩子閱讀和語文能力改善，自己可以學會學習。加油。
作者: Jane1983 時間: 17-5-15 17:20
樓主情況可能唔同，認識讀IS去補習，多數係家長追求卓越，好少係話唔補唔得跟唔上。
作者: edmondlukluk 時間: 17-5-15 17:31
小猴子兒 發表於 17-5-15 15:25
每一個人心中都有一把尺，你覺得不用補不是人人都不用補。每一個小朋友都不同唔可以相題並論d，所以話小朋 ...
Totally agree!
作者: edmondlukluk 時間: 17-5-15 17:44
tcbobo 發表於 17-5-15 16:26
如果沒有special needs, 應該鼓勵自學，英基提供唔少resources, 自己上網睇，大把免費website 可以學習數 ...
好多謝你提議。老師好好，你以上講嘅resources, 老師都有俾我。
可惜我個問題係，我太太係日本人，平日係屋企我地講日文。 我同個仔講一半日本一半中文。冇英語環境。加上我冇時間教個仔英文，因為我一個月至少飛四次business trip，我太太亦教唔到佢英文...
我唔想將討論重點放係「應唔應該補習」，因為每個家庭case唔同。我個仔學緊第三語言，係《老師建議要請一個家庭教師，一星期輕鬆上一兩堂》，教下我個仔！
你地完全誤解左我原意，變左「小學生唔應該去補習」.........希望其他人睇留言，睇哂全部！
我要搵一個係esf做緊（最好）/教過/esf畢業/甚至esf讀緊中學嘅家庭教師，用活潑生動有趣嘅方法，去啟發我個仔思維！絕對唔係死讀書嗰種....
Thanks for all the inputs.
作者: edmondlukluk 時間: 17-5-15 17:46
cowmoon 發表於 17-5-15 16:56
樓主孩子的情況，應該是語言問題影響學習進度。所以要正視英語程度。我相信學校提出請 tutor 是認為家裡的 ...
Well said ! Thank you very much.
作者: edmondlukluk 時間: 17-5-15 17:48
Jane1983 發表於 17-5-15 17:20
樓主情況可能唔同，認識讀IS去補習，多數係家長追求卓越，好少係話唔補唔得跟唔上。
...
Yes! 係老師叫我地去搵一個家庭教師跟，因為我地係中日家庭，我個仔學緊英文。thanks
作者: poonseelai 時間: 17-5-15 18:17
edmondlukluk 發表於 17-5-15 17:48
Yes! 係老師叫我地去搵一個家庭教師跟，因為我地係中日家庭，我個仔學緊英文。thanks
...
你和太太有無和孩子伴讀習慣？如未有趁孩子還少快爭取時間去做，我指是reading for fun, 拿着故事書去伴讀。父母讀孩子聽，孩子腦中会畫图畫，想像書中人和事物，用ipad or tablet等有埋畫面就扼殺了孩子想像空間
作者: edmondlukluk 時間: 17-5-15 18:26
poonseelai 發表於 17-5-15 18:17
你和太太有無和孩子伴讀習慣？如未有趁孩子還少快爭取時間去做，我指是reading for fun, 拿着故事書去伴讀 ...
有，呢樣野非常重要。老師都話每日要至少讀一本書。我太太呢方面有跟嘅，每晚都有bedtime story for fun.
作者: poonseelai 時間: 17-5-15 19:24
edmondlukluk 發表於 17-5-15 18:26
有，呢樣野非常重要。老師都話每日要至少讀一本書。我太太呢方面有跟嘅，每晚都有bedtime story for fun. ...
加油呀！我孩子十二年前IB PYP year 1, 一路走來我時常問老師作為父母如何協助孩子，答案好簡單: show interest in their work, ask them to tell you what they are doing at school, connect what they learn at school to real life, 去超市睇價錢牌会見到有decimal points, 計下買兩件物品要幾多錢，這可運用數學在日常生活；去餐廳看餐牌，屋企張電費單，看學校通告等，全是語文運用。PYP階段打好語文基礎，保持孩子好奇心，學習時間管理上MYP会容易D適應。
作者: 13198 時間: 17-5-15 19:53
提示: 該帖被管理員或版主屏蔽
作者: edmondlukluk 時間: 17-5-15 19:57
poonseelai 發表於 17-5-15 19:24
加油呀！我孩子十二年前IB PYP year 1, 一路走來我時常問老師作為父母如何協助孩子，答案好簡單: show int ...
你講得非常啱，多謝你建議！
作者: edmondlukluk 時間: 17-5-15 20:12
提示: 該帖被管理員或版主屏蔽
作者: 13198 時間: 17-5-15 20:38
提示: 該帖被管理員或版主屏蔽
作者: little-pig-pig 時間: 17-5-15 21:06
edmondlukluk 發表於 17-5-15 20:12
非常多謝你！你係第一個明白我感受嘅人。我並不是monster parents, 只不過小朋友真的有需要補課。
收到你 ...
請問什麼是numercon？
作者: 大甜蜜蜜 時間: 17-5-15 21:13
little-pig-pig 發表於 17-5-15 21:06
請問什麼是numercon？
我諗樓主係講緊numicon. 我個仔之前上learning support maths有用過.
作者: chumiguan 時間: 17-5-16 00:10
睇完呢個post 終於明白少少ESF IB 要補習上LeT 係咩一回事。之前學校send錯一封信俾我話之前我個小朋友做完assessment 要見advisor/therapist 之類。嚇死。之後知道班裏個韓籍同學far behind, 我又唔明點解佢behind 因為每個禮拜UOI都係好日常生活既嘢。原來language 真係直接影響understanding in class。
樓主, 加油！相信有人同你仔仔多講英文應該會好快跟返上進度的！放心！
作者: Tanyafish 時間: 17-5-16 01:26
樓主加油。不需要理會那些質疑你搵補習給個仔的人。針不吉到肉唔知痛。作爲小朋友本身都會因為自己進度大幅落後而憂慮，想有人適切幫忙。不是一味所謂happy school地站在道德高地指責就會解決到。如果你搵的那個補習他沒空缺，其實你都可以問他有無其他人介紹，你如果講到自己有幾急切需要幫忙，同行不一定如敵國，可能他也會有好介紹給你。
作者: 大甜蜜蜜 時間: 17-5-16 08:23 標題: 回覆樓主：
本帖最後由 大甜蜜蜜 於 17-5-16 08:23 編輯
Support!
作者: edmondlukluk 時間: 17-5-16 08:25
啱，numicon 。
多謝你哋明白我。我太太已經好唔開心，會埋怨自己教唔到。不過，esf真係一間好好嘅學校，尤其是對啲學習上，有特別需要嘅小朋友。上learning support, 都有好多EAL, 例如意大利籍，韓籍，同日籍嘅同學。老師會根據需要，睇吓一個星期要上LS幾多次。好似我個仔咁，一個星期有三堂LS。通常都係下晝抽時間去。
當其他同學仔上緊UOI嘅時候，佢就去LS，一對一，老師教佢literacy, writing, guided reading or maths。呢段時間，我個仔會miss左係mainstream class上UOI.
不過LS老師，真係好有經驗。佢哋同我個仔做一系列嘅評估，發現問題之後，就睇吓點樣幫我個仔。每三個月，我哋會同老師， L S老師，一齊開會，大家傾進度。我個仔已經進步左好多啦，由被動講英文，變成主動講英文。加上LS嘅老師，非常有耐性教佢，所以我都好慶幸佢入到esf。
好似我哋EAL ,根本讀唔到本地學校。學校好明白我地，有問題，直接email老師，佢都會好樂意幫助。有時候，仲會send埋一堆學習上嘅資料俾我地，番屋企跟進。學校嘅EA好有愛心，會特別照顧我個仔，有同佢玩好多唔同遊戲，教佢英文。呢點，我係讚嘅。因為佢哋真係明白到，我地EAL家庭嘅無助，而且係非常之支持我哋用母語教小朋友。
不過我個仔好多時候，都會Miss左上UOI，所以我要請一個家庭教師，幫佢再go through多一次學校學嘅嘢。出面啲補習老師未必咁清楚學校教咩，所以我想搵一個係esf教過嘅人，咁就算有問題，都可以可以幫我直接同老師溝通。
PS 補習老師仲未回覆，仲等緊。
Thanks for the support.
作者: happeecc 時間: 17-5-16 08:40
edmondlukluk 發表於 17-5-15 18:26
有，呢樣野非常重要。老師都話每日要至少讀一本書。我太太呢方面有跟嘅，每晚都有bedtime story for fun. ...
我仔year one 時的經驗，伴讀時要小朋友讀出發音，大人只是在旁提醒，因為當時小朋友在學校同時在學phonics ，小朋友可以慢慢把字讀出來，又因為平常都有verbal English 的能力，所以只要能把字讀出來，他就可以明白文章。當年我用了大概1-2 months，小朋友突然click 到可以自己閲讀。他由上year one 時一個字都吾識，到year one end 時連學校的memo 都識睇。
對於verbal English ，如果小朋友對老師說的不明白，可能要了解一下平常在學校他和什麼同學一起，及一起做什麼。
作者: tcbobo 時間: 17-5-16 10:33
edmondlukluk 發表於 17-5-15 17:44
好多謝你提議。老師好好，你以上講嘅resources, 老師都有俾我。
可惜我個問題係，我太太係日本人，平日係 ...
媽媽可以陪伴上網（BBC website)，一齊學phonics，叫小孩教媽媽，提升學習興趣。媽媽也可與其他日本媽媽交流，讓小孩從其他小孩身上學習。爸媽加油！我個人經驗是由姐姐教，效果比therapist 好。
作者: 小猴子兒 時間: 17-5-16 12:15
提示: 作者被禁止或刪除 內容自動屏蔽
作者: 964000 時間: 17-5-16 12:38 標題: 回覆樓主：
本帖最後由 964000 於 17-5-17 08:44 編輯
作者: edmondlukluk 時間: 17-5-16 20:32
happeecc 發表於 17-5-16 08:40
我仔year one 時的經驗，伴讀時要小朋友讀出發音，大人只是在旁提醒，因為當時小朋友在學校同時在學phonic ...
我都認同，只要識phonics, 就可以sound out the words. 老師都係咁講。不過係需要時間，好多小朋友就算學咗拼音，都未識將個別拼音combine去讀一個字。所以老師都叫我個仔，由3-letters words 學起。
作者: edmondlukluk 時間: 17-5-16 20:34
tcbobo 發表於 17-5-16 10:33
媽媽可以陪伴上網（BBC website)，一齊學phonics，叫小孩教媽媽，提升學習興趣。媽媽也可與其他日本媽媽交 ...
Thanks for your reply. 我太太有抽時間上BBC, 同去聽下歌仔，同埋閱讀。
作者: 大甜蜜蜜 時間: 17-5-16 20:58
提示: 該帖被管理員或版主屏蔽
作者: edmondlukluk 時間: 17-5-16 21:39
提示: 該帖被管理員或版主屏蔽
作者: Peababylau 時間: 17-5-16 21:47 標題: 回覆樓主：
本帖最後由 Peababylau 於 17-5-16 21:52 編輯
It's true IB is not suitable for everyone. If your son is shy, he may have a very difficult time adapting to the IB model which requires children to be more outspoken.
There is a group on Facebook called Hong Kong Teen PT. These are HK teenagers looking for part-time positions. You can post your requirements for hiring a current ESF high school student or recent graduate to come play and speak to your son in English a few times a week. It will be much cheaper than hiring a NET and you can ask the tutor to help your son understand/adapt to the IB system.
I also have a very good private phonics teacher than helped my son leaps and bounds in phonics. PM me if you are interested.
作者: Saboc 時間: 17-5-16 21:52
Esf比我想像中跟得足很多
作者: edmondlukluk 時間: 17-5-17 08:14
Saboc 發表於 17-5-16 21:52
Esf比我想像中跟得足很多
如果係Learning support，跟得好足。通常都係，無事嘅，老師係唔會主動contact家長。不過一有問題，就會收到老師email 。佢哋做得幾細心，我太太講過，我個仔同學，原來係有色盲嘅，不過爸爸媽媽都唔知。最後係EA, 同佢玩數學遊戲，發現咗佢有色盲。上PE, 如果發現小朋友手腳唔協調，就會轉介去見therapist. 初初我個仔返year 1, 冇朋友，老師都會主動派一個buddy陪佢。
我諗，喺esf, 如果仔女讀書OK ,一年只需要見兩三次老師，所以俾人認為好free。不過小朋友一有問題，老師就跟得好足。
作者: 964000 時間: 17-5-17 10:13
edmondlukluk 發表於 17-5-17 08:14
如果係Learning support，跟得好足。通常都係，無事嘅，老師係唔會主動contact家長。不過一有問題，就會收 ...
ESF 好好的，我朋友兒子有ADHD，佢老師知道了日日回去陪他跑步，等佢發洩下精力，佢小朋友巳中學了，各方面已改善很多。
所以放心配合學校的建議，希望你快點找到個好tutor。
作者: edmondlukluk 時間: 17-5-17 18:59
提示: 該帖被管理員或版主屏蔽
作者: edmondlukluk 時間: 17-5-17 19:00
提示: 該帖被管理員或版主屏蔽
作者: samsam123321 時間: 17-5-18 07:37
果然係EK的世界裏連ESF都要補英文。
作者: edmondlukluk 時間: 17-5-18 08:18
samsam123321 發表於 17-5-18 07:37
果然係EK的世界裏連ESF都要補英文。
唔知你有冇睇晒全部Post,因為我地係中日家庭，所以我個仔要補英文。
而且ESF係唔會特別教小朋友英文，尤其是grammar，因為佢哋已經expect小朋友識，同講英文。絕對唔會好似local School咁，敎I am, she is, they are
加上我個仔學校大部份都係外國人讀，更加唔會教，反而着重思考。
一星期上一個鐘，唔叫有壓力，我諗好多家長都有比小朋友去補習
可能本地學校啲小朋友好大壓力？一聽到補習就覺得好恐怖？
我個仔，一個星期先要做一份功課，份功課仲係着重思考，而唔係公式份死背嘅。例如主題係學instructional writing。份功課就叫小朋友，睇cookbook , follow recipe instructions去整cupcake.
份功課就係叫你帶親自焗嘅蛋糕仔，返學校同朋友分享。整蛋糕，就已經學識左基本instructional writing，因為如果你唔識follow recipe入面嘅instructions, 根本整唔到蛋糕。就算做功課，都係好好玩嘅事。而且補習，我都想搵一個用活潑生動嘅方式教佢嘅老師，一齊唱歌，睇書，講故事，玩玩具，咁其實係一件幾正面嘅事。
其實你哋諗嘅補習，係咪同我諗嘅補習有好大分別⋯⋯
作者: samsam123321 時間: 17-5-18 08:54
本帖最後由 samsam123321 於 17-5-18 08:56 編輯
edmondlukluk 發表於 17-5-18 08:18
唔知你有冇睇晒全部Post,因為我地係中日家庭，所以我個仔要補英文。
而且ESF係唔會特別教小朋友英文，尤 ...
識人韓裔雙親都唔多識英文，小朋友一樣在esf生存到。搞咁多做咩？就算一日補一個鐘都唔夠你小朋友係playground 同其他小朋友玩半個鐘咁有效拉
作者: ChocoMilk33 時間: 17-5-18 08:59
本帖最後由 ChocoMilk33 於 17-5-18 09:22 編輯
edmondlukluk 發表於 17-5-18 08:18
唔知你有冇睇晒全部Post,因為我地係中日家庭，所以我個仔要補英文。
而且ESF係唔會特別教小朋友英文，尤 ...
樓主不要介懷別人的點評，次次花時間去回應。
每個學生學習進度不同，如果發現追不上學校進度，而家長又幫唔到佢，要請其他人幫手，有甚麼問題? !
作者: Radiomama 時間: 17-5-18 09:23
ChocoMilk33 發表於 17-5-18 08:59
樓主不要介懷別人的點評，次次花時間去回應。
每個學生學習進度不同，如果發現追不上學校進度，而家長又幫 ...
既然學校多外籍學生，除找了一位家教外，不妨聯絡同學仔攪playdates，多玩多溝通，改善英語能力，過兩年應會有進步。
在esf 接受learning support的學生也不會長年累月的，多給予時間，會慢慢好起來。
作者: chumiguan 時間: 17-5-18 10:31 標題: 回覆樓主：
本帖最後由 chumiguan 於 17-5-18 10:32 編輯
毎個小朋友每個家庭情況及需要都唔同。Introversive personality 你俾幾多機會佢玩甚至drama theatre class 佢上都唔會變outspoken, 可能會弄巧反拙tim! 所以只有自己才知道點樣安排才是最好。
| 歡迎光臨 教育王國 (/) |
Powered by Discuz! X1.5 |