教育王國

標題: 讀IS要補英文? [打印本頁]

作者: jenhk 時間: 15-9-12 13:52 標題: 讀IS要補英文?

本帖最後由 jenhk 於 15-9-13 14:04 編輯

身邊的親友不停同我講讀IS都要補英文, 實情係咪咁? 又話讀IS唔補英文，到時中、英、數都唔好只會害左小朋友，各位讀緊IS的媽媽，可否俾些中肯的意見。
P.S. 親友的小朋友都係讀直資學校

作者: Jane1983 時間: 15-9-12 14:27

補吾補，補幾多幾癲，係家長心態多過實際需要。眼見讀local school，亞媽要返工的，係補得最狠的。

朋友輩中小朋友讀IS的，補得勁的真係少，反而體藝玩得幾多...

作者: torunpoland 時間: 15-9-12 15:10

我兒讀IS的P1（大約等於本地K3），老師要求每禮拜，要學五個Sight words，比我想像要求的更多。看和寫，老師有功課；聽，也沒問題吧；說，同同學玩埋一堆，自然會說。依我看，應該不用補了吧。

讀IS的學生沒有功課壓力，容易給人HEA的錯覺，但其實他們只是按自己的步伐去學，能力高些少的，如果老師留意到，係會俾深少少的東西他們試。而所謂多出來的時間，他們就是玩和看書.....好似係。而我相信係。事實上都係。

作者: Radiomama 時間: 15-9-12 15:30 標題: 回覆：jenhk 的帖子

補習之前不如先看看孩子整體及個別學科的能力再決定。親友的推介，視為関心就夠，不一定照做。
小兒剛完成小學，六年以來無補習。功課不算多，大部分時間花在閱讀, 音樂和運動之上。
依家Y7, 學習興趣濃厚，每晩祈禱希望自己第二天上學學多D有趣事情。

作者: jenhk 時間: 15-9-12 15:39 標題: 回覆：Radiomama 的帖子

作者: samsam123321 時間: 15-9-12 20:14

本帖最後由 samsam123321 於 15-9-12 22:01 編輯

香港本地人補得掂is 英文？

作者: jenhk 時間: 15-9-12 21:42 標題: 回覆：samsam123321 的帖子

本帖最後由 jenhk 於 15-9-12 22:17 編輯

唔清楚，但d人成日同我講讀international school要補習grammer and writing先得

作者: samsam123321 時間: 15-9-12 22:04

你信？跟本唔會考grammer 又點解要補？
可以題目係中國文學咁，如寫篇文叫原筆的自述，不過係用英文寫。

作者: samsam123321 時間: 15-9-12 22:06

本帖最後由 samsam123321 於 15-12-23 19:19 編輯

不過，我del.

作者: joys2334 時間: 15-9-12 22:33

最好引發佢睇書的興趣, 書不離手,
唔好或限制比佢打機,
基本上是唔需要補習英文的

作者: Jane1983 時間: 15-9-12 22:56

本帖最後由 Jane1983 於 15-9-12 22:57 編輯

回覆 jenhk 的帖子

朋友個仔讀cndis，初中時，佢有想過比個仔去搵名師補英文。吾係grammer野，好似係creative writing，主要係亞媽想超前。搵咗搞咗一大輪，都無成事...
家長自己識，小朋友吾差，吾容易搵到真係add到value的。

作者: samsam123321 時間: 15-9-12 23:07

本帖最後由 samsam123321 於 15-12-23 20:07 編輯

Jane1983 發表於 15-9-12 22:56
回覆 jenhk 的帖子

朋友個仔讀cndis，初中時，佢有想過比個仔去搵名師補英文。吾係grammer野，好似係creat ...

極del.

作者: jolalee 時間: 15-9-13 02:44

回覆 jenhk 的帖子

Jenhk, 這大概是亞洲家長心態作祟。我孩子入了心儀IS後那整個學年我沒有給他補任何英文，但聽到其他同班的亞洲裔家長給孩子補這補那，嚇得我暑假給孩子報了六課phonics (一星期一堂)。其實補這麼少，作用應該不大。新學期開始，興幸新老師非常嚴緊。但跟上一年溫柔的老師所說的一樣，我孩子跟本沒有落後，而且自學能力很高 (雖然是全班年紀最細)。我的結論是，補這補那是亞洲家長的虎媽習慣，其實孩子是不需要的。如果學校是行IB-PYP，而某年的老師教得較為鬆懈，那才考慮那一年(或暑假期間) 加入少少writing class. 其實我們最需要考慮的，是那種教學法讓孩子全人發展，平衡而喜歡學習。這是LS家長較為少思想的課題。

作者: shadeslayer 時間: 15-9-13 11:42 標題: 回覆：補英文?

其實學校無投訴英文不達標，家長擔心咩呢？

作者: jenhk 時間: 15-9-13 13:19 標題: 回覆：shadeslayer 的帖子

我係新手媽媽唔知IS實際情況所以上黎請教下各位。

另外國際學校的小學同中學(year 7後)學習模式係咪會好唔同? 普遍都話讀IS小學係好開心&輕鬆，咁中學呢？會否功課，測驗考試都有所增加? 還是分別不大呢？希望有經驗媽媽分享下，謝謝!

作者: Radiomama 時間: 15-9-13 14:01 標題: 回覆：jenhk 的帖子

你孩子有多大？國際學校每間要求不同，一般較本地學校軽鬆、小學又較中學愉快吧。

作者: jenhk 時間: 15-9-13 14:27 標題: 回覆：Radiomama 的帖子

孩子只是初小

作者: Radiomama 時間: 15-9-13 15:11 標題: 回覆：jenhk 的帖子

先認清孩子自己的進度，盲目追趕好無謂。

作者: Jane1983 時間: 15-9-13 17:44

作為香港人，識廣東話，其實可以讀免費或平好多的本地名小。吾讀，選IS，就係想行一條自覺更好、更適合小朋友的路。讀IS，但又補到似local，好無謂。

作者: licpd 時間: 15-9-13 19:41

读IS都有補的，有些有PRIVATE TUTOR每日跟着，尤其中文，但家长心态不为追求高分是真的。
也认识读LS不補的，家长心态好，有能力亦有定力走自己的路。

作者: annie40 時間: 15-9-13 20:36

每日private tutor?

作者: Radiomama 時間: 15-9-13 21:28 標題: 回覆：annie40 的帖子

真的有少數這些case, 原因是父母均做生意，好多時出trip不在港。

作者: kTongho 時間: 15-9-13 23:43

I have seen kids studying in International kindergarten take English courses after school, so I am not surprised.

作者: keiasahi 時間: 15-9-14 00:32 標題: 回覆：讀IS要補英文?

其實西人d子女都補英文,phonics, creative
Writing, debate,好正常! 唔係人人讀IS都英文好到爆,也都唔係人人讀LS中文好到爆,平常心.

作者: samsam123321 時間: 15-9-14 07:19

可能我真係無問邊間IS。敢問樓主請注明邊間IS.

作者: licpd 時間: 15-9-14 07:42

Radiomama 發表於 15-9-13 21:28
真的有少數這些case, 原因是父母均做生意，好多時出trip不在港。

是的但不多啦，家长就算補下都不是想和隔离个同学比高下，心态跟LS補习是很不同的。

作者: careysum 時間: 15-9-14 07:47

其實尼D好個人嘅姐，尢其是話補英文寫作，本身可能有90分功力，但想再好D，想再追求更高層次嘅野，而個小朋友又喜歡嘅，咁有咩問題？補英文好，補數好，補中文好，只要是用家覺得需要咪得囉！又唔影響其他人。
另外，我發現讀主流學校嘅家長，有大多數人都覺得我地尼班讀國際學校嘅，係hea, 唔用功，無功課，掛住玩，尼D說話我聽過無數次，所以，我地班國際學校嘅家長可能可以團結D，無需再分咩一線，二線，三線國際。，

作者: jenhk 時間: 15-9-14 07:50 標題: 回覆：samsam123321 的帖子

未入IS, 但身邊聽到太多人咁講，但個班都係LS家長

作者: Artie 時間: 15-9-14 09:38

本帖最後由 Artie 於 15-9-14 09:45 編輯

(1) 有教 grammar ，只是教的方式和本地學校不同。
(2) IS 和 LS 教學模式不同，好難比較。我孩子的學校因為是 IB school，對學生要求不低，因此小學已有功課，中學當然也有功課，功課量也比小學多一點。學校由小學巳定期有 assessments，未必一定用 “test” 或 “exam” 為名目，但學校會選擇他們認為適合的考核模式，印象中，我孩子小學部有參考澳洲某一些評核方式，十分 fair and scientific，老師會定期向家長匯報。
(3) 家長可以向心儀學校詢問何時有 open day 或 school tour，到時直接問學校老師。畢竟每間學校模式不同，不可以一概而諭。我孩子是讀 IB school，IB 的教學模式是不可能 hea。太多傳聞誤解。
(4) 至於補習，是每個家庭每個學生情況不同。我兩個孩子，一個已上了大學，一個 year 12，都沒有補習。

作者: elmostoney 時間: 15-9-14 11:09

本帖最後由 elmostoney 於 15-9-14 11:22 編輯

英文睇你補物野, 我個2個剛在暑假開始補英文, 一星期一次, 但係就補寫作. 唔係齋抄寫, 學文法同生字, 同學校完全冇關.  老師用的模式是互動活潑, 主要係想同個小朋友帶出點寫, 點鋪排, 當然寫完會改, 題材自同老師傾,自由選擇.  我覺得睇目的係物, 冇諗過補來要考試或評估攞高分, 純粹係改善下寫作風格同組織, 提高興趣. 當然會兼顧下字體文法, 不過唔係佢地補的誘因.  如果只係呢d, 我自己都帶得佢地.  每星期一篇文章是一定的.

補寫作, 係因為細路開始高班, 發覺寫作能力要改善下, Y1 ~ Y3, 冇所謂, 但y4開始, 老師會有要求, 小朋友如果唔自發, 認真d做, 再上中學先來攪就更冇時間.  我大個個睇好多書, 佢好多時趕住玩, 寫野就求期, 學校老師偶然見佢認真寫一篇就同我講: 原來佢可以寫得咁好!  我見佢而家寫野終於反映到佢睇書的量, 好感動.  但文章鋪排, 文法等就超求其, 唔係佢唔識, 我覺得係佢費事, 所以呢d要執, 佢今年都y5了.

細仔寫作好嚇人, 一來佢睇書唔多, 二來心急趕時間, 所以就更要訓練下.

中文就一定補, 一星期兩次.大女中文唔掂, 而家學校課程都算唔容易（不要跟本地學校比的話，個人覺得可以的），老師主要跟學校進度，再認下字咁．細仔中文好d, 可額外同佢做多d.  數我冇補了, 唔覺得有必要.  我冇要求小朋友名列前茅, 過到就算, 有唔明我自己同佢跟進下就算. 反正大部份時候都冇數學功課.

作者: DreamKid 時間: 15-9-14 12:46

jenhk 發表於 15-9-14 07:50
未入IS, 但身邊聽到太多人咁講，但個班都係LS家長

LS家長應該仲會講中文、數學程度低、紀律差，英文又唔一定好

。

作者: jenhk 時間: 15-9-14 13:12 標題: 回覆：DreamKid 的帖子

Exactly

作者: passers 時間: 15-9-14 14:47 標題: 回覆：jenhk 的帖子

Senior students need more tutorials lessons than junior students, including English subject

作者: jenhk 時間: 15-9-14 14:51 標題: 回覆：passers 的帖子

u mean LS or IS students?

作者: yamin 時間: 15-9-14 22:08

Artie 發表於 15-9-14 09:38
(1) 有教 grammar ，只是教的方式和本地學校不同。
(2) IS 和 LS 教學模式不同，好難比較。我孩子的學校因 ...

請問, 以你孩子的經験，以英文學習數學會不會較難理解？

作者: Artie 時間: 15-9-15 00:21

回覆 yamin 的帖子

Please check PM.

作者: lui 時間: 15-9-15 06:39 標題: 回覆：Artie 的帖子

Grammar有的，esf有granmar書，不過少用

作者: samsam123321 時間: 15-9-16 12:35

肯定唔係以往本地學校般補grammar.如果有家長相信用咁樣方式能考1st language English ,我只能說祝君好運。

作者: happyhealthymin 時間: 15-9-16 13:49 標題: 引用：肯定唔係以往本地學校般補grammar.如果有家

原帖由 samsam123321 於 15-09-16 發表
肯定唔係以往本地學校般補grammar.如果有家長相信用咁樣方式能考1st language English ,我只能說祝君好運。 ...

請問你所講的甘樣的方法係指？

作者: 巴斯媽媽 時間: 15-9-16 14:13 標題: 回覆：DreamKid 的帖子

我仲聽過話品德吾好>

作者: samsam123321 時間: 15-9-16 14:14

happyhealthymin 發表於 15-9-16 13:49
請問你所講的甘樣的方法係指？

就是本地學校的方法

作者: DreamKid 時間: 15-9-16 20:00

巴斯媽媽發表於 15-9-16 14:13
我仲聽過話品德吾好>

响LS家長眼中，lS學生就係唔佢心目中好學生既形象。做唔到好學生就係因為佢讀lS。

作者: shadeslayer 時間: 15-9-16 20:44 標題: 引用：Quote:原帖由+samsam123321+於+15-09-16+發

原帖由 happyhealthymin 於 15-09-16 發表
請問你所講的甘樣的方法係指？

Local 英文補習班的 grammar，閲讀理解，操卷，作文常用句，等等為主。

作者: joeychungml 時間: 15-9-16 21:33

Is 家長比傳統學校家長，的確感覺比較舒服，因為沒有考試排名壓力，看似是比較輕鬆，但係如果小朋友自律性不足，或者老師不好，係競爭激烈既 is 環境下，感受會比 LS 辛苦。因為大部份is 都是行 ib。ib 講求 inquiry式教學法。如果水平不夠，聽唔明，寫唔出，基本上不能借助補習同溫書去提升能力。

無考試，又唔等於唔評估您。試過有個小朋友，佢y1到3跟既老師好 hea,佢又 hea。結果y3評佢英文不達標，要增補英文。

y6以後，如果您對佢英文寫作有要求，就更加要補一補寫作及詞彙運用方法。文字功夫是要訓練的，就好似母語係中文，都要練習寫不同文章。至於是否要補習，就要看小朋友既程度，同學校程度。任何一方有落差，都會產生補習需求。情況同 LS 一樣。

至於品德修養，可能會同家庭，朋友，學校有關。LS會比較封閉，唔好既收埋。is 就會比較公開，選擇溝通討論，處理方法唔同。其實人與人之間比德行，都難以比較，更何況以團體為單位比較呢。我只會比較看重學習風氣，學生是否有同理心及團隊精神等。

作者: joeychungml 時間: 15-9-17 09:50

其實，LS同IS都是學校，只係學制同師資不同。LS學生學到既，IS學生都會學，只係大家既深度同闊度不同。其實以我個人觀察，IS學生相對比較包容。當您小朋友真係可以求學不為求分數，而是為了擴闊自己的生活圈子，他們的生活自然比較悠閒自在，容人容事。

試過有個LS轉入的學生，英文比同班的同學好，佢地會好主動叫佢HUMAN DICTIONARY。我個女會欣賞佢既長處，審視一下自己，怎樣可以再做好一些。千萬不要小看小朋友間的良性競爭，因為主動自身追求真善美，學習既路途才會更有持久力，更能突破自己既界限。這個亦是IS學生流動率高帶來的好處。

每個小朋友都係獨立個體，佢地都有喜好，亦會互相比較。我細仔係Y1放學時，已經識得同我講同學既表現，自己英文在那一個組，那一個比他認識更多字。不是只有家長才會去比較，佢地都有佢地既驕傲，看您是否可以發掘出來。在IS(環球視野)的競爭環境下，與英語同普通話母語的學生競爭中英文學科成績，我個人覺得比在LS上課更困難。但正正因為學生的接觸面不局限於香港，令佢地明白世界上A可能不是盡頭，仲有A* 同A**，以後有機會見更多A***。

世界上，那一所大學不是用成績及學生才能去設定收生標準呢 ? 其實去到公開試前，為了爭取更好的成績，不分種族，學生都會希望在自己相對薄弱的學科補一下，爭取一下。這也是人之常情吧。

很久沒有上來了，想為IS說幾句話。

作者: elmostoney 時間: 15-9-17 10:22

本帖最後由 elmostoney 於 15-9-17 10:23 編輯

我呢兩日同細仔做功課,有d體會.

細仔係傳統學術上係smart d, 記性好, 所以有著數.  佢學中文呢類方塊字, 靠記靠拼部首學得好快, 數學都唔錯, 我成日覺得佢好似個filing system咁.  但係寫作同組合詞彙, 不論中英, 都令我頭痛.  佢個老師呢個星期叫佢地寫一篇十句短文, 可以自由選題材, 要一件國際事件, 係佢地有興趣的, 然後寫出對其他人有物影響.  我個仔猛問我寫物野好, 到決定左, 又話唔知點寫, 我真係暈.

大女調轉, 數同中文都麻麻, 但係英語運用, 寫作同思路都好清楚.  就算寫中文, 佢最多唔識寫某d字會問, 但就唔會下下問, 我唔知寫物呢d (我細仔例行答案).

最近同人傾開, 其實語言係人生之中係最重要, 你操到個細路數學幾fit, 識幾多中英文生字都好, 其實最後出來做人做事, 都係講表達能力, 思考組織, 識思考唔識表達都係好大缺陷.  所以我欣賞 IS呢方面, 佢地誘導小朋友思考, 再寫返出來, 咁比狂操學術, 對將來做人更有用.  而呢個亦係點解我兩個要補英文寫作, 唔係淨係為present 得好d, 因為你寫野時都要思考同組織.

作者: 巴斯媽媽 時間: 15-9-18 00:27 標題: 回覆：elmostoney 的帖子

樓上2位媽媽都講得好好

作者: 巴斯媽媽 時間: 15-9-18 00:30 標題: 回覆：巴斯媽媽的帖子

我都仲想講，外邊啲人仲會話，只要有錢就一定讀到IS, 其實佢地夠竟知吾知道，要入IS學校一啲都吾易，吾係話肯俾錢就讀到!

作者: joeychungml 時間: 15-9-18 10:01

回覆巴斯媽媽的帖子

這個說法，我也是經常聽到的。

有能力支付學費是國際學校決定是否取錄學生的其中一個必須條件，並非學校決定取錄學生的唯一條件。

很久以前，在我讀書的時代，官校及教會津校的名聲極盛。教育界內，私校的水準及質素確實是良莠不齊，部份國際學校的校風及教學質素都非常差。在九龍塘上學時，在交通工具上見過不少同區國際學校的"壞學生"，部份在我原校離開的"壞學生"，在父母的銀彈政策下，繼續在同區的國際學校上課，以上種種，令人對國際學校產生了很多不好的印象。

時而世易，香港教育制度朝令夕外，令很多有質素又有能力的家長望而卻步。很多傳統學校都因為教育改革不清晰，轉而申請成為有較多自主權的直資及私立學校。近十年來，普遍的家長，要麼選擇接受現行的津貼教育，要麼選擇以自付方式尋找更適合自己孩子的優質教育。國際學校的教育方式，既注重全人發展，又具有一定的學術保證，令一眾有能力的香港家長趨之若鶩。市場永遠離不開供求關係，當求大於供，可以挑更好的，學校自然會挑選最優秀的學生。

不要忘記，在國際學校接受教育的孩子，家庭背景一定是相對比較優越。正常的孩子在配對完善，資源充足的環境下，理論上都會比較優秀。如學校同學擁有相同的身心追求和方向，使他們互相依賴、互相影響，令已經相對優秀的一群再往前推向卓越。

部份具有國家背景，為本港為所屬國民而設立的國際學校，是會規限學生國籍，保障國民在當地受教育的機會。總而言之，若果孩子希望轉入國際學校的原因是在本地教育不達標，或自身的能力不足而尋求一個避風港，是不可能得到具有卓越學術成績或國家背景的國際學校取錄的。

作者: Jane1983 時間: 15-9-18 10:40

一直以來，有些家長確係對IS戴有色眼鏡，評論負面得來又有欠公允，但這些很少困擾到我，我亦好少駁斥。

因為基於種種原因，可能係好彩、可能係有做透切研究、又或者經濟環境好d...小朋友已經得到我們能力範圍內，比到佢最好的教育，咁樣已經好感恩。吾需要人人豎起手指大讚小朋友幾叻和學校幾勁...人地點諗點講，真係平常心。

作者: oooray 時間: 15-9-18 15:10 標題: 回覆：Jane1983 的帖子

十分同意。
自己選擇，
自己付出，
自己受(享受或承受)，
與別人無關，
亦無需外人指手劃腳。

作者: samsam123321 時間: 15-9-19 13:12

當人地讀完is, 順利入到LS學生入唔到的大學和學科，而且仲派埋scholarship,應該都無野好講了。

作者: shadeslayer 時間: 15-9-19 13:59 標題: 引用：當人地讀完is,+順利入到LS學生入唔到的大學

原帖由 samsam123321 於 15-09-19 發表
當人地讀完is, 順利入到LS學生入唔到的大學和學科，而且仲派埋scholarship,應該都無野好講了。 ...

有咩學科係LS學生入唔到？

作者: samsam123321 時間: 15-9-20 16:08

本帖最後由 samsam123321 於 15-12-23 19:16 編輯

shadeslayer 發表於 15-9-19 13:59
有咩學科係LS學生入唔到？

最el...

作者: lui 時間: 15-9-20 17:31 標題: 引用：一直以來，有些家長確係對IS戴有色眼鏡，評

原帖由 Jane1983 於 15-09-18 發表
一直以來，有些家長確係對IS戴有色眼鏡，評論負面得來又有欠公允，但這些很少困擾到我，我亦好少駁斥。

因 ...

説得對。自己選了你認為好的學制，感恩。他人說什麼不用理會。我身邊都冇踩IS的人。

作者: Jane1983 時間: 15-9-20 20:05

回覆 lui 的帖子

有時都有聽到人踩，但好明顯係無也認識，英基和漢基都搞吾清的....無所謂，吾需要吓吓牙較都贏埋

作者: Artie 時間: 15-9-21 13:03

當 IS 家長說 LS 家長批評 IS，我們一批 IS 家長現在又何嘗不是手指指說 LS 點點點？
IS 的教育，是要孩子從多方面思考，明白每個人的選擇也有他們背後的原因。
大家在分享在 IS 圈子的樂事，也留一點餘地吧。

作者: birdbird 時間: 15-9-21 13:42 標題: 回覆：讀IS要補英文

我仔的同學在高小確係有補英文，不過不是補文法，而是補writing，而果d小朋友本身有閱讀習慣，睇的書比同齡高深（我指内容）

我自己就覺得不用在高小就補writing，由得小朋友看得多寫得多，自然吸收。

作者: licpd 時間: 15-9-21 14:07

joeychungml 發表於 15-9-18 10:01
回覆巴斯媽媽的帖子

TOP IS硬件，软件都好優越，不过小朋友是否就优秀怎样判断呢？人生有不同阶段，父母尽量提供最好的教育但IS小朋友长大后在社会上工作相信如果家里不是家才万贯，一样要由低做起，LS OR IS 都一样，都要靠努力争一籍位。

作者: elmostoney 時間: 15-9-22 11:29

小朋友睇得多書寫作的確有好大優勢, 但即使係讀IS, 都唔係個個小朋友都睇咁多書.  我兩個小朋友, 一個睇書狂, 一個就唔多睇, 而我所識的 is 小朋友中, 兩樣都有.  讀is只係比一個好d的閱讀環境, 睇書唔係交功課, 而閒暇時間較多, 學校亦鼓勵(唔係迫)閱讀, 但始終因人而異.

如果我細仔好似大女咁, 我都會話高小學唔學writing冇所謂,睇多d書咪得囉, 遲d自然發力.  但實情係每人情況不同, 唔補writing咩, 我又唔覺得有物唔得.  不過襯而家放學後尚有時間, 而佢地都上到某一level, 老師開始有多d要求, 我又覺得不妨做一下.

寫作其實要小朋友學思考, 鋪排, 組織, 點樣加細節, 用詞.  我個細仔由Y1 to Y3寫journal都係流水帳, 只係大個左 (而家 y4), 寫得比以前長, 但基本不變.  佢唔係唔識形容詞係物, hungry, happy, mean, angry...佢夠識, 識唔代表會用! 其實好多男仔都有通病, 佢地係比較logical的, 寫出來超dry, 純粹將件事以先後次序講一次, report完就算.  連一句 I am hungry都唔會寫, 只會寫食左物.  佢而家交比英文老師的文章, 可以洋洋灑灑寫4頁紙, 但就悶到你抽筋.  長長就夠長, 但就零組織, 零趣味, 純粹係一大堆字.

相反, 女兒寫得好好多 (y5).  我又想再鼓勵下佢係呢方面發展.  我家兩個小朋友都冇學好多同齡小朋友必修的樂器,因唔係佢地興趣所在, 我都唔迫. 對我個仔來講, 寫作係幫助佢master人生最重要的工具 -- 語言同表達能力.  對我個女來講, 我希望佢能將讀左咁多書帶上另一個層次, 人地學樂器, 佢不如學寫作, 都係興趣同修養的培養.

作者: oooray 時間: 15-9-22 11:56 標題: 回覆：elmostoney 的帖子

呢番話簡直無懈可擊!

可惜不少家長誤以為孩子能說流利英語跟同學老師溝通便等於能夠掌握良好英語而輕視閱讀;或以書本厚度/難度為Benchmark,卻忽略培養閱讀興趣的重要性。

歡迎光臨教育王國 (/)